Jump to content

ᱛᱨᱤᱵᱷᱩᱵᱚᱱ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱛᱨᱤᱵᱷᱩᱵᱚᱱ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ
त्रिभुवन अन्तर्राष्ट्रिय विमानस्थल
ᱡᱟᱭᱚᱝᱜᱚᱥ
ᱩᱰᱟᱹᱱ ᱰᱟᱹᱦᱤ ᱞᱮᱠᱟᱱᱫᱤᱥᱩᱣᱟᱹ
ᱢᱟᱹᱞᱤᱠᱱᱮᱯᱟᱞ ᱥᱚᱨᱠᱟᱨ
ᱪᱟᱪᱞᱟᱣᱤᱭᱟᱹᱱᱮᱯᱟᱞ ᱨᱮᱱᱟᱜ ᱥᱤᱵᱷᱤᱞ ᱮᱵᱤᱭᱮᱥᱚᱱ ᱚᱴᱚᱨᱤᱴᱤ CAAN)
ᱥᱮᱵᱟᱜ ᱠᱟᱱᱟᱠᱟᱴᱷᱢᱟᱱᱰᱩ, ᱱᱮᱯᱟᱞ
ᱦᱚᱵᱽ
ᱩᱥᱩᱞ AMSL᱔,᱓᱙᱐ ft / ᱑,᱓᱓᱘ m
ᱠᱚ-ᱚᱨᱰᱤᱱᱟᱴᱥ27°41′47″N 085°21′32″E / 27.69639°N 85.35889°E / 27.69639; 85.35889Coordinates: 27°41′47″N 085°21′32″E / 27.69639°N 85.35889°E / 27.69639; 85.35889
ᱣᱮᱵᱽᱥᱟᱭᱤᱴwww.tiairport.com.np
Map
KTM is located in Nepal
KTM
KTM
ᱱᱮᱯᱟᱞ ᱨᱮ ᱴᱷᱟᱶ
ᱫᱟᱹᱲᱦᱚᱨ
Direction ᱡᱤᱞᱤᱧ ᱥᱚᱨᱯᱷᱮᱥ
m ft
᱐᱒/᱒᱐ ᱓,᱓᱕᱐ ᱑᱐,᱙᱙᱑ ᱟᱥᱯᱷᱚᱞᱴ
Statistics (᱒᱐᱒᱓)
ᱯᱟᱥᱮᱱᱡᱚᱨ ᱠᱚ᱘,᱖᱙᱑,᱔᱔᱓
ᱯᱟᱥᱮᱱᱡᱚᱨ ᱪᱮᱸᱡᱽ ᱒᱐᱑᱘-᱑᱙increase ᱑.᱘᱖᱗%
ᱮᱭᱟᱨᱠᱨᱟᱯᱷᱴ ᱞᱟᱲᱟᱣᱱᱟ᱒᱓᱓,᱑᱘᱗
ᱞᱟᱲᱟᱣᱱᱟ ᱪᱮᱸᱡᱽ ᱒᱐᱑᱘-᱑᱙Decrease ᱔.᱐᱖%
ᱚᱛ ᱦᱟᱥᱟ ᱴᱚᱴᱷᱟ᱓᱕᱖.᱕᱓᱖ ᱦᱮᱠᱴᱚᱨ

ᱛᱨᱤᱵᱷᱩᱵᱚᱱ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ (ᱱᱮᱯᱟᱞᱤ: त्रिभुवन अन्तर्राष्ट्रिय विमानस्थल , IATA: KTM, ICAO: VNKT, ᱡᱟᱦᱟᱸ ᱫᱚ TIA ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱜᱼᱟ) ᱫᱚ ᱢᱤᱫ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱠᱟᱱᱟ, ᱡᱟᱦᱟᱸ ᱫᱚ ᱠᱟᱴᱷᱢᱟᱱᱰᱩ, ᱵᱟᱜᱽᱢᱚᱛᱤ, ᱱᱮᱯᱟᱞ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱨᱮ ᱢᱤᱫᱴᱟᱹᱝ ᱴᱤᱵᱩᱞᱴᱚᱯ ᱨᱟᱱᱣᱮ ᱢᱮᱱᱟᱜᱼᱟ,[᱔] ᱢᱤᱫᱴᱟᱹᱝ ᱰᱚᱢᱮᱥᱴᱤᱠ ᱴᱟᱨᱢᱤᱱᱟᱞ ᱟᱨ ᱢᱤᱫᱴᱟᱹᱝ ᱤᱱᱴᱟᱨᱱᱮᱥᱱᱟᱞ ᱴᱟᱨᱢᱤᱱᱟᱞ ᱢᱮᱱᱟᱜᱼᱟ ᱾ ᱫᱤᱥᱚᱢ ᱨᱮᱱᱟᱜ ᱢᱩᱬᱩᱛ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱞᱮᱠᱟᱛᱮ ᱱᱮᱯᱟᱞ ᱫᱚ ᱑᱗ ᱜᱚᱴᱟᱝ ᱫᱤᱥᱚᱢ ᱨᱮᱱᱟᱜ ᱔᱐ ᱜᱚᱴᱟᱝ ᱴᱷᱟᱶ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾

ᱩᱰᱟᱹᱱ ᱰᱟᱹᱦᱤ ᱫᱚ ᱵᱟᱨᱭᱟ ᱡᱮᱡᱟᱹᱛᱤᱭᱟᱹᱨᱤ ᱮᱭᱟᱨᱞᱟᱭᱤᱱᱥ-ᱪᱤᱱᱦᱟᱹ ᱠᱟᱨᱤᱭᱟᱨ ᱱᱮᱯᱟᱞ ᱮᱭᱟᱨᱞᱟᱭᱤᱱᱥ ᱟᱨ ᱦᱤᱢᱟᱞᱚᱭ ᱮᱭᱟᱨᱞᱟᱭᱤᱱᱥ ᱥᱟᱶ ᱟᱨᱦᱚᱸ ᱟᱭᱢᱟ ᱮᱴᱟᱜ ᱰᱚᱢᱮᱥᱴᱤᱠ ᱮᱭᱟᱨᱞᱟᱭᱤᱱᱥ ᱨᱮᱱᱟᱜ ᱛᱟᱞᱢᱟ ᱠᱟᱱᱟ ᱾ ᱩᱰᱟᱹᱱ ᱰᱟᱹᱦᱤ ᱫᱚ ᱢᱟᱣᱩᱱᱴ ᱮᱵᱷᱚᱨᱮᱥᱴ ᱡᱮᱡᱟᱹᱛᱤᱭᱟᱹᱨᱤ ᱧᱮᱞᱡᱚᱝ ᱠᱚ ᱞᱟᱹᱜᱤᱫ ᱮᱛᱚᱦᱚᱵ ᱴᱷᱟᱶ ᱞᱮᱠᱟᱛᱮ ᱵᱟᱰᱟᱭᱚᱜᱼᱟ, ᱡᱟᱦᱟᱸ ᱠᱷᱚᱱ ᱞᱩᱠᱞᱟ ᱞᱟᱹᱜᱤᱫ ᱟᱹᱰᱤ ᱜᱟᱱ ᱫᱤᱱᱟᱹᱢ ᱦᱤᱞᱚᱜ ᱩᱰᱟᱹᱣᱜᱼᱟ ᱾ ᱟᱭᱢᱟ ᱜᱟᱱ ᱮᱭᱟᱨᱞᱟᱭᱤᱱᱥ ᱠᱚ ᱠᱟᱴᱷᱢᱟᱱᱰᱩ ᱠᱷᱚᱱ ᱮᱵᱷᱚᱨᱮᱥᱴ ᱧᱮᱞᱡᱚᱝ ᱴᱷᱟᱶ ᱠᱚᱨᱮ ᱥᱮᱴᱮᱨᱚᱜ ᱞᱟᱹᱜᱤᱫ ᱩᱰᱟᱹᱣ ᱦᱚᱸ ᱮᱢᱚᱜᱼᱟ ᱾

ᱟᱹᱰᱤ ᱢᱟᱨᱟᱝ ᱦᱮᱡ ᱥᱮᱱ ᱵᱷᱤᱲ, ᱨᱟᱵᱟᱝ ᱨᱤᱛᱩ ᱨᱮᱱᱟᱜ ᱠᱩᱦᱲᱟᱹ ᱟᱨ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱯᱩᱨᱟᱹ ᱫᱟᱲᱮ ᱠᱷᱚᱱ ᱵᱟᱦᱨᱮ ᱛᱟᱦᱮᱸᱱ ᱠᱷᱟᱹᱛᱤᱨ, ᱱᱮᱯᱟᱞ ᱥᱚᱨᱠᱟᱨ ᱫᱚ ᱞᱟᱹᱠᱛᱤᱭᱟᱱ ᱟᱹᱨᱩ ᱞᱟᱹᱜᱤᱫ ᱛᱮ ᱜᱚᱣᱛᱟᱢ ᱵᱩᱫᱫᱷᱚ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱟᱨ ᱯᱳᱠᱷᱨᱟ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱞᱮᱠᱟᱛᱮ ᱵᱟᱪᱷᱟᱣ ᱩᱰᱟᱹᱱ ᱰᱟᱹᱦᱤ ᱞᱮᱠᱟᱛᱮ ᱵᱟᱲᱦᱟᱣ ᱞᱮᱫᱼᱟ ᱾[᱕]

ᱱᱟᱜᱟᱢ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱛᱨᱤᱵᱷᱩᱵᱚᱱ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱥᱮᱨᱢᱟ ᱧᱮᱞ

ᱠᱟᱴᱷᱢᱟᱱᱰᱩ ᱨᱮᱱᱟᱜ ᱡᱟᱦᱟᱸ ᱴᱚᱴᱷᱟ ᱨᱮ ᱱᱚᱣᱟ ᱢᱮᱱᱟᱜᱼᱟ ᱚᱱᱟ ᱧᱩᱛᱩᱢ ᱛᱮ ᱱᱚᱶᱟ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱢᱩᱬ ᱧᱩᱛᱩᱢ ᱫᱚ ᱜᱚᱣᱪᱳᱣᱨ ᱩᱰᱟᱹᱱ ᱰᱟᱹᱦᱤ ᱛᱟᱦᱮᱸ ᱠᱟᱱᱟ ᱾ ᱱᱮᱯᱟᱞᱤ ᱯᱟᱹᱨᱥᱤ ᱨᱮ "ᱜᱚᱣᱪᱳᱨ" ᱫᱚ ᱢᱤᱫ ᱴᱷᱟᱶ ᱠᱟᱱᱟ ᱡᱟᱦᱟᱸ ᱨᱮ ᱫᱚ ᱜᱟᱹᱭ ᱠᱚ ᱪᱟᱥ ᱟᱵᱟᱫᱽ ᱠᱚᱣᱟ ᱾[᱖] ᱱᱮᱯᱟᱞ ᱨᱮ ᱩᱰᱟᱹᱱ ᱨᱮᱭᱟᱜ ᱥᱚᱨᱠᱟᱨᱤ ᱮᱛᱚᱦᱚᱵ ᱫᱚ ᱑᱙᱔᱙ ᱥᱮᱨᱢᱟ ᱨᱮ ᱥᱤᱧᱚᱛ ᱨᱤᱱ ᱨᱟᱡᱽᱫᱩᱛ ᱠᱚ ᱤᱫᱤ ᱞᱟᱹᱜᱤᱫ ᱛᱮ ᱵᱤᱪᱠᱨᱚᱯᱴ ᱵᱳᱱᱟᱱᱡᱟ ᱚᱛ ᱨᱮ ᱟᱬᱜᱚ ᱠᱟᱛᱮᱛ ᱦᱩᱭ ᱮᱱᱟ ᱾ ᱢᱮᱱᱠᱷᱟᱱ ᱱᱚᱝᱠᱟᱱ ᱫᱟᱣ ᱢᱮᱱᱟᱜᱼᱟ ᱡᱮ ᱥᱤᱢᱟᱨᱟ ᱩᱰᱟᱹᱱ ᱰᱟᱹᱦᱤ ᱑᱙᱔᱖ ᱥᱟᱞ ᱨᱮ ᱡᱟᱦᱟᱱ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱚᱱᱟᱛᱮ ᱱᱚᱶᱟ ᱫᱚ ᱱᱮᱯᱟᱞ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱩᱰᱟᱹᱱ ᱰᱟᱹᱦᱤ ᱦᱩᱭᱩᱜᱼᱟ; ᱢᱮᱱᱠᱷᱟᱱ, ᱱᱚᱶᱟ ᱫᱚ ᱟᱹᱱᱟᱹᱨᱤ ᱨᱮ ᱢᱮᱱᱟᱜᱼᱟ ᱾[᱗]

ᱜᱚᱣᱪᱳᱣᱨ ᱨᱮ ᱯᱩᱭᱞᱩ ᱩᱰᱟᱹᱜ ᱫᱚ ᱒᱓ ᱮᱯᱨᱤᱞ ᱑᱙᱔᱙ ᱨᱮ ᱦᱩᱭ ᱞᱮᱱᱟ ᱾[᱘][᱙][᱑᱐]

ᱯᱩᱭᱞᱩ ᱪᱟᱨᱴᱟᱨ ᱩᱰᱟᱹᱜ ᱫᱚ ᱒᱐ ᱯᱷᱮᱵᱽᱨᱩᱣᱟᱨᱤ ᱑᱙᱕᱐ ᱨᱮ ᱦᱤᱢᱟᱞᱤᱭᱟᱱ ᱮᱵᱷᱤᱭᱮᱥᱚᱱ ᱰᱟᱠᱳᱴᱟ ᱨᱮ ᱜᱚᱣᱪᱳᱣᱨ ᱟᱨ ᱠᱚᱞᱠᱟᱛᱟ ᱛᱟᱞᱟ ᱨᱮ ᱦᱩᱭ ᱞᱮᱱᱟ ᱾[᱑᱑]

᱒᱐ ᱯᱷᱮᱵᱽᱨᱩᱣᱟᱨᱤ ᱑᱙᱕᱐ ᱨᱮ, ᱢᱤᱫ ᱥᱤᱧᱚᱛᱤᱭᱟᱹ ᱨᱮᱡᱤᱥᱴᱨᱮᱥᱚᱱ ᱰᱟᱠᱳᱴᱟ ᱰᱤ.ᱥᱤ.᱓ ᱫᱚ ᱠᱟᱴᱷᱢᱟᱱᱰᱩ ᱠᱷᱚᱱ ᱯᱟᱴᱱᱟ, ᱠᱚᱞᱠᱟᱛᱟ ᱟᱨ ᱫᱤᱞᱞᱤ ᱡᱚᱲᱟᱣᱟᱜ ᱯᱩᱭᱞᱩ ᱥᱮᱵᱟ ᱮ ᱮᱛᱚᱦᱚᱵ ᱠᱮᱫᱼᱟ ᱾[᱑᱒]

᱑᱙᱕᱒ ᱥᱟᱞ ᱨᱮ ᱵᱷᱮᱨᱦᱟᱣᱟ, ᱵᱤᱨᱟᱴᱱᱚᱜᱚᱨ, ᱯᱳᱠᱷᱨᱟ ᱟᱨ ᱥᱤᱢᱟᱨᱟ ᱞᱟᱹᱜᱤᱫ ᱛᱮ ᱯᱩᱭᱞᱩ ᱰᱚᱢᱮᱥᱴᱤᱠ ᱩᱰᱟᱹᱣ ᱮᱛᱚᱦᱚᱵ ᱞᱮᱱᱟ ᱾[᱑᱒]

᱑᱕ ᱡᱩᱱ ᱑᱙᱕᱕ ᱥᱟᱞ ᱨᱮ ᱨᱟᱡᱟ ᱢᱚᱦᱮᱱᱫᱨᱚ ᱦᱚᱛᱮᱛᱮ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱩᱰᱷᱟᱹᱣ ᱥᱟᱹᱜᱩᱱ ᱦᱩᱭ ᱞᱮᱱᱟ ᱟᱨ ᱨᱟᱡᱟ ᱟᱡ ᱵᱟᱵᱟ ᱟᱜ ᱧᱩᱛᱩᱢ ᱛᱮ ᱱᱚᱣᱟ ᱨᱮᱱᱟᱜ ᱧᱩᱛᱩᱢ ᱫᱚ ᱛᱨᱤᱵᱷᱩᱵᱚᱱ ᱩᱰᱟᱹᱱ ᱰᱟᱹᱦᱤ ᱢᱮᱱᱛᱮ ᱠᱚ ᱵᱚᱫᱚᱞ ᱠᱮᱫᱼᱟ ᱾ ᱑᱙᱖᱔ ᱥᱮᱨᱢᱟ ᱨᱮ ᱱᱚᱶᱟ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱧᱩᱛᱩᱢ ᱫᱚ ᱟᱨᱦᱚᱸ ᱛᱨᱤᱵᱷᱩᱵᱚᱱ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱠᱚ ᱫᱚᱦᱚ ᱠᱮᱫᱼᱟ ᱾[᱑᱒]

᱑᱙᱕᱗ ᱥᱟᱞ ᱨᱮ, ᱢᱩᱬ ᱓,᱗᱐᱐ ᱯᱷᱤᱴ (᱑᱑᱐᱐ ᱢᱤᱴᱚᱨ) ᱛᱟᱥᱟᱫ ᱨᱟᱱᱣᱮ ᱑᱖/᱓᱔ ᱫᱚ ᱠᱚᱱᱠᱨᱤᱴ ᱛᱮ ᱫᱚᱦᱲᱟ ᱯᱟᱥᱱᱟᱣ ᱞᱮᱱᱟ ᱾ ᱑᱙᱖᱔ ᱥᱟᱞ ᱨᱮ, ᱢᱟᱨᱮ ᱨᱟᱱᱣᱮ ᱑᱖/᱓᱔ ᱫᱚ ᱱᱟᱶᱟ ᱖,᱖᱐᱐ ᱯᱷᱤᱴ (᱒᱐᱐᱐ ᱢᱤᱴᱚᱨ) ᱨᱟᱱᱣᱮ ᱐᱒/᱒᱐ ᱞᱟᱹᱜᱤᱫ ᱛᱮ ᱟᱲᱟᱜ ᱮᱱᱟ ᱾ ᱑᱙᱗᱕ ᱥᱟᱞ ᱨᱮ ᱮᱥᱤᱭᱟᱱ ᱩᱛᱷᱱᱟᱹᱣ ᱵᱮᱸᱠ (ADB) ᱟᱨ ᱳᱯᱮᱠ (OPEC) ᱨᱮᱱᱟᱜ ᱡᱚᱲᱟᱣ ᱠᱩᱨᱩᱢᱩᱴᱩ ᱛᱮ ᱱᱟᱣᱟ ᱨᱟᱱᱣᱮ ᱫᱚ ᱖,᱖᱐᱐ ᱠᱷᱚᱱ ᱑᱐,᱐᱐᱐ ᱯᱷᱤᱴ (᱒,᱐᱑᱒ ᱠᱷᱚᱱ ᱓,᱐᱔᱘ ᱢᱤᱴᱚᱨ) ᱫᱷᱟᱹᱨᱤᱡ ᱵᱟᱲᱦᱟᱣ ᱞᱮᱱᱟ ᱛᱟᱦᱮᱸᱫ ᱾[᱑᱑] ᱑᱙᱘᱑ ᱥᱟᱞ ᱨᱮ ᱨᱟᱱᱣᱮ ᱫᱚ ᱟᱨᱦᱚᱸ ᱠᱮᱴᱮᱡ ᱛᱮᱭᱟᱨ ᱞᱮᱱᱟ ᱾[᱑᱒]

᱑᱙᱖᱑ ᱥᱟᱞ ᱨᱮ, ᱢᱚᱦᱟᱨᱟᱹᱱᱤ ᱮᱞᱤᱡᱟᱵᱮᱛᱷ ᱫᱚᱥᱟᱨ ᱱᱮᱯᱟᱞ ᱨᱮ ᱟᱡᱟᱜ ᱯᱩᱭᱞᱩ ᱥᱮᱱᱚᱜ ᱞᱟᱹᱜᱤᱫ ᱛᱮ ᱰᱟᱠᱳᱴᱟ ᱩᱰᱟᱹᱜ ᱜᱟᱹᱰᱤ ᱛᱮᱭ ᱟᱬᱜᱚ ᱞᱮᱱᱟᱭ, ᱡᱟᱦᱟᱸ ᱫᱚ ᱩᱰᱟᱹᱱ ᱰᱟᱹᱦᱤ ᱨᱮ ᱡᱚᱛᱚ ᱠᱷᱚᱱ ᱦᱟᱭ-ᱯᱨᱚᱯᱷᱟᱭᱤᱞ ᱦᱤᱡᱩᱜ ᱠᱷᱚᱱ ᱫᱚ ᱢᱤᱫᱴᱟᱹᱝ ᱛᱟᱦᱮᱸ ᱠᱟᱱᱟ ᱾[᱑᱓]

Two planes on the tarmac in front of an airport building
᱑᱙᱖᱓ ᱨᱮ ᱩᱰᱟᱹᱱ ᱰᱟᱹᱦᱤ ᱨᱮ ᱨᱚᱭᱮᱞ ᱱᱮᱯᱟᱞ ᱮᱭᱟᱨᱞᱟᱭᱤᱱᱥ ᱨᱮᱱᱟᱜ ᱩᱰᱟᱹᱜ ᱜᱟᱹᱰᱤ

᱑᱙᱖᱗ ᱥᱟᱞ ᱨᱮ, ᱛᱨᱤᱵᱷᱩᱵᱚᱱ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱨᱮ ᱯᱩᱭᱞᱩ ᱡᱮᱴ ᱩᱰᱟᱹᱜ ᱜᱟᱹᱰᱤ, ᱞᱩᱯᱷᱛᱷᱟᱱᱥᱟ ᱵᱳᱭᱤᱝ ᱗᱐᱗ ᱧᱮᱞ ᱞᱮᱱᱟ ᱾[᱑᱑] ᱟᱨ ᱑᱙᱗᱒ ᱥᱟᱞ ᱨᱮ, ᱱᱮᱯᱟᱞᱤ ᱯᱷᱞᱟᱜᱽ ᱠᱮᱨᱤᱭᱟᱨ, ᱨᱚᱭᱟᱞ ᱱᱮᱯᱟᱞ ᱮᱭᱟᱨᱞᱟᱭᱤᱱᱥ ᱫᱚ ᱵᱳᱭᱤᱝ ᱗᱒᱗ ᱛᱮ ᱩᱰᱟᱹᱱ ᱰᱟᱹᱦᱤ ᱠᱷᱚᱱ ᱡᱮᱴ ᱪᱟᱪᱞᱟᱣ ᱮᱦᱚᱵ ᱠᱮᱫᱼᱟ ᱾[᱑᱑] ᱚᱱᱟ ᱥᱮᱨᱢᱟ ᱨᱮ ᱱᱮᱯᱟᱞᱤ ᱠᱟᱹᱢᱤᱭᱟᱹ ᱠᱚ ᱥᱤᱧᱚᱛᱤᱭᱟᱹ ᱠᱟᱹᱢᱤᱭᱟᱹ ᱠᱚ ᱴᱷᱮᱱ ᱠᱷᱚᱱ ᱩᱰᱟᱹᱱ ᱥᱮᱵᱟ ᱠᱚ ᱦᱟᱛᱟᱣ ᱠᱮᱫᱟ ᱾[᱑᱒]

᱑᱙᱘᱕ ᱥᱟᱞ ᱨᱮ, ᱨᱟᱱᱣᱮ ᱐᱒/᱒᱐ ᱨᱮᱱᱟᱜ ᱮᱯᱨᱚᱱ ᱵᱟᱲᱦᱟᱣ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱱᱚᱝᱠᱟ ᱜᱮ, ᱴᱟᱨᱢᱤᱱᱟᱞ ᱵᱷᱚᱵᱚᱱ ᱨᱮᱱᱟᱜ ᱩᱛᱷᱱᱟᱹᱣ ᱫᱚ ᱱᱚᱶᱟ ᱥᱮᱨᱢᱟ ᱜᱮ ᱮᱛᱚᱦᱚᱵ ᱞᱮᱱᱟ ᱾ ᱑᱙᱘᱗ ᱥᱟᱞ ᱨᱮ, ᱮᱭᱟᱨᱞᱟᱭᱤᱱᱥ ᱚᱯᱨᱮᱥᱚᱱ ᱟᱨ ᱠᱚᱱᱴᱨᱚᱞ ᱴᱟᱣᱟᱨ ᱵᱤᱞᱰᱤᱝ ᱨᱮᱱᱟᱜ ᱵᱮᱱᱟᱣ ᱯᱩᱨᱟᱹᱣ ᱦᱩᱭ ᱞᱮᱱᱟ ᱟᱨ ᱴᱟᱠᱥᱤᱵᱷᱮ ᱫᱚ ᱯᱟᱥᱱᱟᱣ ᱮᱱᱟ ᱾ ᱚᱱᱟ ᱥᱮᱨᱢᱟ ᱑᱑ ᱚᱠᱴᱚᱵᱚᱨ ᱨᱮ ᱱᱮᱯᱟᱞ ᱨᱮ ᱠᱚᱱᱠᱳᱨᱰ ᱨᱮᱱᱟᱜ ᱯᱩᱭᱞᱩ ᱞᱟᱱᱰᱤᱝ ᱧᱮᱞ ᱧᱟᱢ ᱠᱮᱫᱼᱟ ᱾[᱑᱔] ᱑᱙᱘᱙ ᱥᱮᱨᱢᱟ ᱨᱮ ᱴᱟᱨᱢᱤᱱᱟᱞ ᱵᱷᱚᱵᱚᱱ ᱨᱮᱱᱟᱜ ᱵᱮᱱᱟᱣ ᱯᱩᱨᱟᱹᱣ ᱦᱩᱭ ᱞᱮᱱᱟ ᱟᱨ ᱑᱘ ᱯᱷᱮᱵᱽᱨᱩᱣᱟᱨᱤ ᱑᱙᱙᱐ ᱥᱮᱨᱢᱟ ᱨᱮ ᱱᱟᱣᱟ ᱛᱮᱭᱟᱨ ᱟᱠᱟᱱ ᱴᱤ.ᱟᱭᱤ.ᱮ. ᱠᱚᱢᱯᱞᱮᱠᱥ ᱫᱚ ᱨᱟᱡᱟ ᱵᱤᱨᱮᱱᱫᱽᱨᱚ ᱵᱤᱨ ᱵᱤᱠᱨᱚᱢ ᱥᱟᱦ ᱦᱚᱛᱮᱛᱮ ᱩᱰᱷᱟᱹᱣ ᱥᱟᱹᱜᱩᱱ ᱮᱱᱟ ᱾[᱑᱒]

᱑᱙᱙᱒ ᱥᱟᱞ ᱨᱮ ᱱᱮᱯᱟᱞ ᱨᱮᱱᱟᱜ ᱯᱩᱭᱞᱩ ᱯᱨᱟᱭᱵᱷᱮᱴ ᱮᱭᱟᱨᱞᱟᱭᱤᱱ ᱱᱮᱠᱚᱱ ᱮᱭᱟᱨ ᱫᱚ ᱦᱳᱠᱚᱨ ᱥᱤᱰᱞᱤ ᱮᱪ.ᱮᱥ. ᱗᱔᱘ ᱥᱟᱶ ᱴᱤ.ᱟᱭᱤ.ᱮ. ᱠᱷᱚᱱ ᱰᱚᱢᱮᱥᱴᱤᱠ ᱪᱟᱪᱞᱟᱣ ᱮᱦᱚᱵ ᱞᱮᱫᱼᱟ ᱾[᱑᱒]

᱑᱙᱙᱕ ᱥᱟᱞ ᱨᱮ ᱰᱚᱢᱮᱥᱴᱤᱠ ᱴᱟᱨᱢᱤᱱᱟᱞ ᱵᱟᱲᱦᱟᱣ ᱞᱟᱹᱜᱤᱫ ᱠᱟᱹᱢᱤ ᱮᱛᱚᱦᱚᱵ ᱞᱮᱱᱟ ᱾ ᱱᱚᱝᱠᱟ ᱜᱮ, ᱩᱰᱟᱹᱱ ᱰᱟᱹᱦᱤ ᱨᱮ ᱮᱢᱯᱞᱤᱴᱭᱩᱰ ᱢᱚᱰᱩᱞᱮᱥᱚᱱ ᱥᱤᱜᱽᱱᱟᱞᱤᱝ ᱥᱤᱥᱴᱮᱢ (ᱮ.ᱮᱢ.ᱮᱥ.ᱮᱥ.) ᱟᱨ ᱢᱤᱫ ᱟᱹᱰᱤ ᱦᱩᱰᱤᱧ ᱮᱯᱚᱨᱪᱟᱨ ᱴᱟᱨᱢᱤᱱᱟᱞ (ᱵᱤ-ᱥᱮᱴ) ᱦᱚᱸ ᱛᱷᱟᱯᱚᱱ ᱞᱮᱱ ᱛᱟᱦᱮᱸᱫ ᱾[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]

ᱢᱮ ᱒᱐᱐᱗ ᱨᱮ, ᱚᱥᱴᱨᱤᱭᱟᱱ ᱮᱭᱟᱨᱞᱟᱭᱤᱱᱥ ᱫᱚ ᱟᱡᱟᱜ ᱵᱷᱤᱭᱮᱱᱟ ᱞᱟᱹᱜᱤᱫ ᱩᱰᱟᱹᱜ ᱮ ᱵᱚᱸᱫᱽ ᱠᱮᱫᱼᱟ, ᱡᱟᱦᱟᱸ ᱫᱚ ᱭᱩᱨᱚᱯ ᱞᱟᱹᱜᱤᱫ ᱱᱮᱯᱟᱞ ᱨᱮᱱᱟᱜ ᱢᱩᱪᱟᱹᱫ ᱥᱚᱡᱷᱮ ᱩᱰᱟᱹᱜ ᱡᱚᱲᱟᱣ ᱛᱟᱦᱮᱸ ᱠᱟᱱᱟ ᱾[᱑᱕] ᱑᱐ ᱥᱮᱯᱴᱮᱢᱵᱚᱨ ᱒᱐᱑᱓ ᱨᱮ ᱛᱩᱨᱠᱤᱥ ᱮᱭᱟᱨᱞᱟᱭᱤᱱᱥ ᱤᱥᱴᱟᱱᱵᱩᱞ ᱠᱷᱚᱱ ᱠᱟᱴᱷᱢᱟᱱᱰᱩ ᱞᱟᱹᱜᱤᱫ ᱥᱚᱡᱷᱮ ᱩᱰᱟᱹᱜ ᱮ ᱮᱛᱚᱦᱚᱵ ᱠᱮᱫᱼᱟ, ᱡᱟᱦᱟᱸ ᱫᱚ ᱱᱮᱯᱟᱞ ᱨᱮᱱᱟᱜ ᱢᱟᱦᱟᱫᱮᱥ ᱤᱭᱩᱨᱚᱯ ᱥᱟᱶ ᱥᱟᱹᱜᱟᱹᱭ ᱮ ᱫᱚᱦᱲᱟ ᱛᱷᱟᱯᱚᱱ ᱨᱩᱣᱟᱹᱲ ᱠᱮᱫᱼᱟ ᱾[᱑᱖]

᱒᱐᱑᱖ ᱥᱮᱨᱢᱟ ᱨᱮ ᱒᱒᱐᱐ ᱢᱤᱴᱟᱨ᱒ (᱒᱓,᱖᱘᱑ ᱜᱟᱺᱴ ᱯᱷᱩᱴ) ᱨᱮᱱᱟᱜ ᱢᱟᱨᱮ ᱴᱟᱨᱢᱤᱱᱟᱞ ᱵᱤᱞᱰᱤᱝ ᱨᱮᱱᱟᱜ ᱴᱷᱟᱶ ᱨᱮ ᱖᱓᱐᱐ ᱢᱤᱴᱟᱨ᱒ (᱖᱗,᱘᱑᱓ ᱜᱟᱺᱴ ᱯᱷᱩᱴ) ᱨᱮᱱᱟᱜ ᱢᱤᱫᱴᱟᱹᱝ ᱱᱟᱣᱟ ᱰᱚᱢᱮᱥᱴᱤᱠ ᱴᱟᱨᱢᱤᱱᱟᱞ ᱮᱛᱚᱦᱚᱵ ᱞᱮᱱᱟ ᱾ ᱱᱟᱶᱟ ᱥᱩᱵᱤᱫᱷᱟ ᱫᱚ ᱢᱤᱫ ᱚᱠᱛᱚ ᱫᱷᱟᱹᱨᱤᱡ ᱛᱮᱭᱟᱨ ᱟᱠᱟᱱᱟ, ᱟᱨ ᱱᱚᱶᱟ ᱨᱮᱱᱟᱜ ᱠᱷᱚᱨᱚᱪ ᱫᱚ Rs. ᱑᱑᱙.᱘ ᱢᱤᱞᱤᱭᱚᱱ ᱫᱚ ᱑᱕ ᱜᱚᱴᱟᱝ ᱞᱚᱠᱟᱞ ᱮᱭᱟᱨᱞᱟᱭᱤᱱᱥ ᱞᱟᱹᱜᱤᱫ ᱛᱮ ᱯᱟᱥᱮᱱᱡᱚᱨ ᱟᱨ ᱚᱯᱷᱤᱥ ᱡᱟᱭᱜᱟ ᱞᱟᱹᱜᱤᱫ ᱛᱮ ᱦᱩᱭ ᱞᱮᱱᱟ ᱾[᱑᱗]

᱒᱐᱒᱐ ᱥᱟᱞ ᱨᱮ, ᱨᱟᱱᱣᱮ ᱫᱚ ᱓,᱓᱕᱐ ᱢᱤᱴᱚᱨ (᱑᱐,᱙᱙᱐ ᱯᱷᱩᱴ ᱑᱐ ᱤᱸᱪ) ᱫᱷᱟᱹᱨᱤᱡ ᱵᱟᱲᱦᱟᱣ ᱟᱠᱟᱱᱟ, ᱑᱕᱐᱐ ᱠᱷᱚᱱ ᱰᱮᱦᱮᱨ ᱯᱟᱥᱮᱱᱡᱚᱨ ᱠᱚ ᱥᱮᱞᱮᱫᱚᱜ ᱞᱟᱹᱜᱤᱫ ᱪᱟᱞᱟᱜ ᱦᱚᱞ ᱫᱚ ᱵᱟᱲᱦᱟᱣ ᱞᱮᱱᱟ ᱛᱟᱦᱮᱸᱫ, ᱦᱤᱡᱩᱜ ᱥᱮᱱᱚᱜ ᱴᱚᱴᱷᱟ ᱫᱚ ᱞᱟᱛᱟᱨ ᱨᱮ ᱵᱟᱲᱦᱟᱣ ᱞᱮᱱᱟ ᱛᱟᱦᱮᱸᱫ ᱟᱨ ᱤᱢᱤᱜᱨᱮᱥᱚᱱ ᱦᱚᱞ ᱫᱚ ᱱᱟᱣᱟ ᱞᱮᱠᱟ ᱛᱮ ᱛᱮᱭᱟᱨ ᱟᱠᱟᱱᱟ ᱾[᱑᱘]

᱒᱐᱒᱒ ᱥᱟᱞ ᱨᱮ, ᱩᱰᱟᱹᱱ ᱰᱟᱹᱦᱤ ᱫᱚ ᱟᱡᱟᱜ ᱰᱚᱢᱮᱥᱴᱤᱠ ᱴᱟᱨᱢᱤᱱᱟᱞ ᱮ ᱵᱟᱲᱦᱟᱣ ᱠᱮᱫᱼᱟ, ᱵᱷᱚᱵᱚᱱ ᱨᱮᱱᱟᱜ ᱱᱟᱣᱟ ᱠᱷᱚᱸᱰ ᱫᱚ ᱵᱩᱫᱫᱷᱚ ᱮᱭᱟᱨ ᱦᱚᱛᱮᱛᱮ ᱵᱮᱵᱷᱟᱨᱚᱜ ᱠᱟᱱᱟ ᱾[᱑᱙]

ᱥᱩᱵᱤᱫᱷᱟ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱯᱨᱚᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱡᱮᱡᱟᱹᱛᱤᱭᱟᱹᱨᱤ ᱯᱟᱨᱠᱤᱝ ᱵᱮ

ᱴᱤ.ᱟᱭᱤ.ᱮ. ᱨᱮᱱᱟᱜ ᱡᱮᱡᱟᱹᱛᱤᱭᱟᱹᱨᱤ ᱮᱯᱨᱚᱱ ᱫᱚ ᱑᱗ ᱜᱚᱴᱟᱝ ᱩᱰᱟᱹᱜ ᱜᱟᱹᱰᱤ ᱠᱚ ᱦᱟᱛᱟᱣ ᱫᱟᱲᱮᱭᱟᱜᱼᱟ, ᱢᱮᱱᱠᱷᱟᱱ ᱯᱮᱭᱟ ᱜᱮ ᱣᱟᱭᱤᱰ-ᱵᱚᱰᱤ ᱛᱷᱚᱠ ᱨᱮᱱᱟᱜ ᱩᱰᱟᱹᱜ ᱜᱟᱹᱰᱤ ᱠᱚ ᱦᱟᱛᱟᱣ ᱫᱟᱲᱮᱭᱟᱜᱼᱟ ᱾ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱥᱟᱢᱟᱝ ᱱᱟᱠᱷᱟ ᱨᱮ ᱢᱤᱫᱴᱟᱹᱝ ᱦᱩᱰᱤᱧ ᱜᱟᱰᱟ ᱦᱚᱸ ᱢᱮᱱᱟᱜᱼᱟ ᱡᱟᱦᱟᱸ ᱨᱮ ᱵᱟᱨᱭᱟ ᱮᱴᱤᱟᱨ ᱗᱒ ᱥᱮ ᱚᱱᱟ ᱞᱮᱠᱟᱱ ᱩᱰᱟᱹᱜ ᱜᱟᱹᱰᱤ ᱠᱚ ᱫᱚᱦᱚ ᱫᱟᱲᱮᱭᱟᱜᱼᱟ ᱾ ᱥᱟᱢᱟᱝ ᱦᱩᱰᱤᱧ ᱜᱟᱰᱟ ᱨᱮᱱᱟᱜ ᱵᱮᱵᱚᱥᱛᱟ ᱫᱚ ᱵᱷᱮᱜᱟᱨ ᱥᱮ ᱵᱟᱝ ᱪᱟᱪᱞᱟᱣ ᱠᱟᱱ ᱩᱰᱟᱹᱜ ᱜᱟᱹᱰᱤ ᱠᱚ ᱯᱟᱨᱠ ᱞᱟᱹᱜᱤᱫ ᱜᱮ ᱵᱮᱵᱷᱟᱨᱚᱜᱼᱟ ᱾ ᱵᱟᱱᱟᱨ ᱮᱯᱨᱚᱱ ᱨᱮᱱᱟᱜ ᱵᱮᱱᱟᱣ ᱯᱩᱨᱟᱹᱣ ᱠᱟᱛᱮ ᱯᱟᱨᱠᱤᱝ ᱠᱮᱯᱮᱥᱤᱴᱤ ᱫᱚ ᱑᱗ ᱮᱯᱨᱚᱱ ᱫᱷᱟᱹᱨᱤᱡ ᱵᱟᱲᱦᱟᱣ ᱟᱠᱟᱱᱟ ᱾[᱒᱐]

ᱱᱮᱯᱟᱞ ᱮᱭᱟᱨᱞᱟᱭᱤᱱᱥ ᱨᱮᱭᱟᱜ ᱗᱕᱗ ᱩᱰᱟᱹᱜ ᱜᱟᱹᱰᱤ ᱠᱚ ᱥᱟᱢᱟᱝ ᱯᱟᱨᱠᱤᱝ ᱴᱚᱴᱷᱟ ᱨᱮ ᱵᱚᱸᱫᱽ ᱟᱠᱟᱱᱟ ᱾

ᱰᱚᱢᱮᱥᱴᱤᱠ ᱴᱟᱨᱢᱤᱱᱟᱞ ᱨᱮ ᱮᱯᱨᱚᱱ ᱫᱚ ᱑᱗ ᱜᱚᱴᱟᱝ ᱩᱰᱟᱹᱜ ᱜᱟᱹᱰᱤ ᱨᱮᱱᱟᱜ ᱫᱟᱲᱮ ᱢᱮᱱᱟᱜ ᱨᱮᱦᱚᱸ ᱓᱕ ᱜᱚᱴᱟᱝ ᱩᱰᱟᱹᱜ ᱜᱟᱹᱰᱤ ᱨᱮᱱᱟᱜ ᱴᱷᱟᱶ ᱢᱮᱱᱟᱜᱼᱟ ᱾[᱒᱑] ᱴᱤ.ᱟᱭᱤ.ᱮ. ᱨᱮᱱᱟᱜ ᱦᱮᱞᱤᱯᱮᱰ ᱫᱚ ᱑᱗ ᱦᱮᱞᱤᱠᱚᱯᱴᱚᱨ ᱠᱚ ᱦᱟᱛᱟᱣ ᱫᱟᱲᱮᱭᱟᱜᱼᱟ ᱾

ᱨᱟᱱᱣᱮ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱰᱟᱹᱱ ᱰᱟᱹᱦᱤ ᱨᱮ ᱓,᱓᱕᱐ ᱢᱤᱴᱚᱨ (᱑᱐,᱙᱙᱐ ᱯᱷᱩᱴ ᱑᱐ ᱤᱸᱪ) ᱨᱟᱱᱣᱮ ᱢᱮᱱᱟᱜᱼᱟ ᱡᱟᱦᱟᱸ ᱨᱮᱱᱟᱜ ᱞᱚᱞᱚ ᱫᱚ ᱑.᱒% ᱠᱟᱱᱟ ᱾[᱒᱒] ᱡᱟᱦᱟᱸ ᱫᱚ ᱒/᱒᱐ ᱨᱮ ᱩᱫᱩᱜ ᱟᱠᱟᱱᱟ ᱾ ᱡᱟᱦᱟᱸᱱ ᱡᱤᱱᱤᱥ ᱞᱟᱱᱰᱤᱝ ᱥᱤᱥᱴᱮᱢ ᱵᱟᱝ ᱧᱟᱢ ᱟᱠᱟᱱᱟ ᱾[᱒᱓] PCN 54F/A/W/T ᱨᱮᱱᱟᱜ ᱫᱟᱲᱮ ᱟᱱ ᱵᱤᱴᱩᱢᱮᱱ ᱨᱟᱱᱣᱮ ᱨᱮ ᱥᱮᱱᱴᱟᱨᱞᱟᱭᱤᱱ, ᱫᱷᱟᱨᱮ, ᱴᱟᱪᱰᱟᱣᱩᱱ ᱡᱚᱱ ᱟᱨ ᱛᱷᱨᱮᱥᱳᱞᱰ ᱨᱮᱱᱟᱜ ᱪᱤᱱᱦᱟᱹ ᱢᱮᱱᱟᱜᱼᱟ ᱾ ᱱᱚᱶᱟ ᱨᱮ ᱖᱐ ᱢᱤᱴᱚᱨ (᱑᱙᱖ ᱯᱷᱩᱴ ᱑᱐ ᱤᱸᱪ) ᱨᱟᱱᱣᱮ ᱥᱴᱨᱤᱯ ᱟᱨ ᱒᱔᱐ ᱢᱤᱴᱚᱨ (᱗᱘᱗ ᱯᱷᱩᱴ ᱕ ᱤᱸᱪ) ᱨᱟᱱᱣᱮ ᱟᱨ ᱥᱮᱯᱴᱤ ᱮᱨᱤᱭᱟ (ᱨᱮᱥᱟ) ᱢᱮᱱᱟᱜᱼᱟ ᱾ ᱨᱟᱱᱣᱮ ᱨᱮ ᱴᱮᱠᱥᱤᱵᱮ ᱥᱟᱶᱛᱮ ᱢᱚᱬᱮ ᱡᱚᱲᱟ ᱢᱮᱱᱟᱜᱼᱟ ᱾ ᱴᱮᱠᱥᱤ ᱰᱟᱦᱟᱨ ᱫᱚ ᱨᱟᱱᱣᱮ ᱥᱟᱶ ᱥᱚᱢᱟᱱ ᱛᱮ ᱪᱟᱞᱟᱜ ᱠᱟᱱᱟ ᱢᱮᱱᱠᱷᱟᱱ ᱱᱚᱶᱟ ᱫᱚ ᱛᱷᱨᱮᱥᱦᱳᱞᱰ ᱥᱟᱶ ᱵᱟᱭ ᱡᱚᱲᱟᱣ ᱟᱠᱟᱱᱟ ᱾[᱒᱒]

ᱴᱷᱟᱶ ᱟᱨ ᱥᱮᱴᱮᱨ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱨᱤᱵᱷᱩᱵᱚᱱ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱫᱚ ᱯᱩᱥᱩᱯᱚᱛᱤᱱᱟᱛᱷ ᱢᱚᱱᱫᱤᱨ ᱠᱷᱚᱱ ᱑ ᱠᱤᱞᱚᱢᱤᱴᱚᱨ (᱐.᱖ ᱢᱤᱞ) ᱟᱨ ᱥᱚᱦᱚᱨ ᱨᱮᱱᱟᱜ ᱛᱟᱞᱢᱟ ᱟᱨ ᱢᱩᱬᱩᱛ ᱧᱮᱞᱡᱚᱝ ᱴᱚᱴᱷᱟ ᱛᱷᱟᱢᱮᱞ ᱠᱷᱚᱱ ᱖ ᱠᱤᱞᱚᱢᱤᱴᱚᱨ (᱓.᱗ ᱢᱤᱞ) ᱥᱟᱢᱟᱝ ᱨᱮ ᱢᱮᱱᱟᱜᱼᱟ ᱾[᱒᱔] ᱡᱚᱛᱚ ᱠᱷᱚᱱ ᱥᱩᱨ ᱨᱮ ᱢᱮᱱᱟᱜ ᱦᱚᱴᱮᱞ ᱫᱚ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱫᱩᱣᱟᱹᱨ ᱠᱷᱚᱱ ᱒᱐᱐ ᱢᱤᱴᱚᱨ (0.᱑ ᱢᱤᱞ) ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾[᱒᱕]

ᱱᱚᱶᱟ ᱫᱚ ᱠᱟᱴᱷᱢᱟᱱᱰᱩ, ᱵᱷᱚᱠᱛᱚᱯᱩᱨ ᱟᱨ ᱯᱟᱴᱟᱱ ᱨᱮᱱᱟᱜ ᱯᱮᱭᱟ ᱱᱟᱜᱟᱢᱤᱭᱟᱹ ᱥᱚᱦᱚᱨ ᱨᱮᱱᱟᱜ ᱡᱚᱸᱠᱥᱚᱱ ᱛᱟᱞᱟ ᱨᱮ ᱢᱮᱱᱟᱜᱼᱟ ᱾ ᱩᱰᱟᱹᱱ ᱰᱟᱹᱦᱤ ᱫᱚ ᱠᱟᱴᱷᱢᱟᱱᱰᱩ ᱜᱷᱟᱹᱴᱤ ᱨᱮᱱᱟᱜ ᱢᱩᱬ ᱴᱷᱟᱶ ᱠᱷᱚᱱ ᱨᱤᱝ ᱨᱚᱰ ᱤᱫᱤ ᱛᱮ ᱡᱚᱲᱟᱣ ᱟᱠᱟᱱᱟ ᱾

ᱥᱟᱹᱠᱷᱭᱟᱹᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  1. ↑ "Tribhuvan International Airport". Civil Aviation Authority of Nepal. Archived from the original on 28 September 2007.
  2. ↑ "Airport information for VNKT". World Aero Data. Archived from the original on 2019-03-05.{{cite web}}: CS1 maint: unfit URL (link) Data current as of October 2006. Source: DAFIF.
  3. ↑ ᱪᱷᱟᱸᱪ:GCM
  4. ↑ Pal, Alasdair (2020-08-08). "Factbox: What is a "table-top runway", the site of deadly Air India plane crash?". Reuters (in ᱟᱝᱜᱽᱨᱮᱡᱤ). Archived from the original on 28 October 2020. Retrieved 2021-03-09.
  5. ↑ Prasain, Sangnam (25 May 2022). "High costs of fuel and ground handling keeping airlines away". The Kathmandu Post. Archived from the original on 15 January 2023. Retrieved 1 June 2022.
  6. ↑ Abbott, Gerry; Jordan, Bob (2001). English All Over the Place: Experiences While Teaching Abroad (in ᱟᱝᱜᱽᱨᱮᱡᱤ). Starhaven. p. 102. ISBN 978-0-936315-15-7. Archived from the original on 15 January 2023. Retrieved 6 August 2022.
  7. ↑ Arjyal, Hemant (15 July 2017). "Accident of Birth". República. Archived from the original on 10 November 2020. Retrieved 1 November 2020.
  8. ↑ "The Storied Career Of India's Oldest Fighter Pilot Dalip Singh Majithia, Who Turns 100 Tomorrow". NDTV. 2023-01-21. Archived from the original on 2023-01-21. Retrieved 2023-01-21.
  9. ↑ Liechty, Mark (2017-02-21). Far Out: Countercultural Seekers and the Tourist Encounter in Nepal (in ᱟᱝᱜᱽᱨᱮᱡᱤ). University of Chicago Press. p. 29. ISBN 978-0-226-42913-7.
  10. ↑ Gupta, Anchit (27 July 2022). "Anchit Gupta on Twitter: "Flying from Muzaffarpur, along the Bhagmati, the strip was just 150 X1200 yards. Surjit positioned his car at the south end with a T marked next to it, with 1-2-3 balls on the T signifying wind speed ranges for Dalip to gauge approach, in planning that lasted over 6 months." / Twitter". twitter.com. Archived from the original on 2023-01-21. Retrieved 12 February 2023.
  11. ↑ ᱑᱑.᱐ ᱑᱑.᱑ ᱑᱑.᱒ ᱑᱑.᱓ Administrator. "Chronology". Archived from the original on 21 December 2014. Retrieved 3 January 2015.
  12. ↑ ᱑᱒.᱐ ᱑᱒.᱑ ᱑᱒.᱒ ᱑᱒.᱓ ᱑᱒.᱔ ᱑᱒.᱕ ᱑᱒.᱖ "Tribhuvan International Airport". Tribhuvan International Airport. Archived from the original on 11 April 2020. Retrieved 11 April 2020.
  13. ↑ Queen Elizabeth II on a Tiger Shoot in Katmandu (1961) | British Pathé (in ᱟᱝᱜᱽᱨᱮᱡᱤ), 13 April 2014, archived from the original on 18 June 2020, retrieved 9 June 2020
  14. ↑ "The First Landing of a Concorde in Nepal". 28 November 2010. Archived from the original on 2021-12-21 – via YouTube.ᱪᱷᱟᱸᱪ:Cbignore
  15. ↑ "Austrian bids farewell to the 737", Airliner World, June 2013: p6
  16. ↑ "New airline routes launched (20 August – 2 September 2013)". anna.aero. 5 September 2013. Archived from the original on 27 September 2022. Retrieved 2 June 2020.
  17. ↑ "New domestic terminal opens at Tribhuvan International Airport". kathmandupost.com (in English). Archived from the original on 15 January 2023. Retrieved 2022-04-30.{{cite web}}: CS1 maint: unrecognized language (link)
  18. ↑ Prasain, Sangam (1 June 2020). "Runway end safety areas at Tribhuvan International Airport improved". The Kathmandu Post. Archived from the original on 5 June 2020. Retrieved 2 June 2020.
  19. ↑ "TIA expands domestic departure terminal". The Himalayan Times. 12 June 2022. Archived from the original on 19 June 2022. Retrieved 19 June 2022.
  20. ↑ "Nepal Phase II：Expansion of International Apron,Parallel Taxiway and Associated Works at TIA - AVIC-KDN - AVIC-KDN、KDN". www.avic-kdn.com. Archived from the original on 26 September 2022. Retrieved 2022-08-03.
  21. ↑ Prasain, Sangam. "Poor airport infra to put brakes on fleet expansion". The Kathmandu Post (in ᱟᱝᱜᱽᱨᱮᱡᱤ). Archived from the original on 18 March 2020. Retrieved 11 April 2020.
  22. ↑ ᱒᱒.᱐ ᱒᱒.᱑ "CAAN Aviation report VNKT" (PDF). Civil Aviation Authority of Nepal. Archived (PDF) from the original on 9 June 2020. Retrieved 9 June 2020.
  23. ↑ "Kathmandu – Tribhuvan Airport (KTM/VNKT)". azworldairports.com. Archived from the original on 5 February 2015. Retrieved 5 March 2015.
  24. ↑ "Tribhuvan International Airport". gettocenter.com. Archived from the original on 31 January 2018. Retrieved 31 January 2017.
  25. ↑ "About | Airport Hotel". Archived from the original on 9 June 2020. Retrieved 9 June 2020.

ᱵᱟᱦᱨᱮ ᱡᱚᱱᱚᱲ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Media related to ᱛᱨᱤᱵᱷᱩᱵᱚᱱ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ at Wikimedia Commons


"https://sat.wikipedia.org/w/index.php?title=ᱛᱨᱤᱵᱷᱩᱵᱚᱱ_ᱡᱮᱡᱟᱹᱛᱤᱭᱟᱹᱨᱤ_ᱩᱰᱟᱹᱱ_ᱰᱟᱹᱦᱤ&oldid=158779" ᱠᱷᱚᱱ ᱧᱟᱢ ᱟᱹᱜᱩᱭ