ᱜᱩᱢᱞᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱜᱩᱢᱞᱟ
ᱱᱟᱜᱟᱨ
ᱜᱩᱢᱞᱟ is located in Jharkhand
ᱜᱩᱢᱞᱟ
ᱜᱩᱢᱞᱟ
ᱜᱩᱢᱞᱟ is located in India
ᱜᱩᱢᱞᱟ
ᱜᱩᱢᱞᱟ
ᱜᱩᱢᱞᱟ ᱨᱮᱱᱟᱜ ᱞᱚᱠᱮᱥᱚᱱ ᱡᱷᱟᱨᱠᱷᱚᱸᱰ ᱨᱮ
Coordinates: 23°00′N 84°30′E / 23°N 84.50°E / 23; 84.50Coordinates: 23°00′N 84°30′E / 23°N 84.50°E / 23; 84.50
ᱫᱤᱥᱚᱢ  ᱥᱤᱧᱚᱛ
ᱯᱚᱱᱚᱛ ᱡᱷᱟᱨᱠᱷᱚᱸᱰ
ᱦᱚᱱᱚᱛ ᱜᱩᱢᱞᱟ
ᱩᱥᱩᱞ 652 ᱢᱤᱴᱚᱨ (2139 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (2011)
 • ᱞᱮᱠᱷᱟᱜᱩᱴ ᱑.᱙ million
 • ᱰᱮᱱᱥᱤᱴᱤ 197/ᱠᱤᱢᱤ2 (510/ᱜᱟᱺᱴ ᱢᱟᱹᱭᱤᱞ)
ᱯᱟᱹᱨᱥᱤ
 • ᱥᱚᱨᱠᱟᱨᱤ ᱯᱟᱹᱨᱥᱤ ᱦᱤᱱᱫᱤ, ᱤᱝᱜᱽᱞᱤᱥ
 • ᱮᱴᱟᱜ ᱯᱟᱹᱨᱥᱤ ᱩᱨᱫᱩ
IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ ᱘᱓᱕᱒᱐᱗
ᱴᱮᱞᱤᱯᱷᱚᱱ ᱠᱳᱰ ᱐᱖᱕᱒᱔
ᱜᱟᱹᱰᱤ ᱨᱤᱡᱤᱥᱴᱨᱤ JH-07
ᱣᱮᱵᱽᱥᱟᱭᱤᱴ www.gumla.nic.in

ᱜᱩᱢᱞᱟ ᱫᱚ ᱢᱤᱫ ᱥᱚᱦᱚᱨ ᱠᱟᱱᱟ ᱱᱚᱣᱟ ᱥᱤᱧᱚᱛ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ ᱜᱩᱢᱞᱟ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱩᱢᱞᱟ ᱫᱚ ᱪᱷᱚᱴᱟᱱᱟᱜᱽᱯᱩᱨ ᱵᱩᱨᱩ ᱜᱚᱰᱟ (Chotanagpur Plateau) ᱮᱛᱚᱢ ᱯᱟᱦᱛᱟ ᱨᱮ ᱢᱮᱱᱟᱜᱼᱟ, ᱱᱚᱣᱟ ᱰᱮᱠᱠᱟᱱ ᱨᱮᱱᱟᱜ ᱩᱥᱩᱞ ᱚᱛ (Plateau) ᱨᱮᱱᱟᱜ ᱥᱟᱢᱟᱝ ᱫᱷᱟᱨᱮ ᱨᱮ ᱵᱮᱱᱟᱣ ᱠᱟᱱᱟ ᱾ ᱯᱮᱭᱟ ᱜᱟᱰᱟ ᱱᱚᱶᱟ ᱴᱚᱴᱷᱟ ᱞᱮᱠᱟᱛᱮ ᱥᱮᱱᱚᱜᱼᱟ: ᱮᱛᱚᱢ ᱠᱩᱭᱞᱤ, ᱠᱚᱧᱮ ᱠᱩᱭᱞᱤ ᱟᱨ ᱥᱟᱸᱠᱷ ᱾

ᱦᱚᱭ ᱫᱟᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱩᱢᱞᱟ ᱨᱮ ᱞᱚᱞᱚ ᱚᱝᱥᱚᱝ (temperate), ᱴᱨᱚᱯᱤᱠᱟᱞ (Sub-Tropical) ᱦᱚᱭ ᱫᱟᱜ ᱢᱮᱱᱟᱜᱼᱟ, ᱥᱤᱛᱩᱝ ᱨᱮ ᱟᱣᱛᱟᱱ ᱔᱐°C (104°F) ᱟᱨ ᱨᱮᱭᱟᱲ ᱡᱷᱚᱜ ᱫᱚ ᱓° C (37 ° F) ᱟᱣᱥᱟᱛ ᱠᱚᱢ ᱦᱩᱭᱩᱜᱼᱟ ᱾ ᱟᱣᱥᱟᱛ ᱥᱟᱞ ᱨᱮ ᱡᱟᱯᱩᱫ ᱑,᱔᱕᱐ ᱢᱤᱞᱤᱢᱤᱴᱚᱨ (᱕᱗ ᱤᱸᱪ) ᱢᱮᱱᱟᱜᱼᱟ ᱾

ᱦᱚᱲ ᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱐᱑ ᱫᱷᱟ.ᱨᱤᱡ,[᱑] ᱜᱩᱢᱞᱟ ᱨᱤᱱ ᱦᱚᱲ ᱮᱞ ᱑᱐᱔,᱖᱐᱐ ᱜᱟᱱ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱡᱚᱠᱷᱚᱱ ᱠᱚᱲᱟ ᱠᱚᱣᱟᱜ ᱮᱞ ᱕᱒% ᱛᱟᱦᱮᱸ ᱠᱟᱱᱟ ᱟᱨ ᱛᱤᱨᱞᱟᱹ ᱠᱚᱣᱟᱜ ᱮᱞ ᱔᱘% ᱛᱟᱦᱮᱸ ᱠᱟᱱᱟ ᱾ ᱜᱩᱢᱞᱟ ᱨᱮᱱᱟᱜ ᱥᱮᱪᱮᱫ ᱫᱚᱨ ᱗᱕% ᱛᱟᱦᱮᱸ ᱠᱟᱱᱟ, ᱱᱚᱣᱟ ᱡᱟᱹᱛᱤᱭᱟᱹᱨᱤ ᱟᱣᱥᱟᱛ ᱕᱙.᱕% ᱠᱷᱚᱱ ᱫᱚ ᱰᱮᱦᱮᱨ ᱜᱮ ᱛᱟᱦᱮᱸ ᱠᱟᱱᱟ ᱾ ᱠᱚᱲᱟ ᱟᱜ ᱥᱮᱪᱮᱫ ᱫᱚ ᱘᱐% ᱟᱨ ᱛᱤᱨᱞᱟᱹ ᱟᱜ ᱥᱮᱪᱮᱫ ᱫᱚ ᱗᱐% ᱛᱟᱦᱮᱸ ᱠᱟᱱᱟ ᱾ ᱜᱮᱞᱢᱤᱫ ᱥᱟᱭᱠᱚᱲᱟ (᱑᱕%) ᱦᱚᱲᱮᱞ ᱫᱚ ᱛᱩᱨᱩᱭ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱚᱨ ᱠᱚ ᱠᱚ ᱛᱟᱦᱮᱸ ᱠᱟᱱᱟ ᱾ ᱮᱨᱤᱭᱟ ᱨᱮ ᱨᱚᱨᱚᱲ ᱦᱚᱲ ᱠᱚᱣᱟᱜ ᱯᱟᱹᱨᱥᱤ ᱢᱮᱱᱟᱜᱼᱟ ᱱᱟᱜᱽᱯᱩᱨᱤ (ᱵᱟᱝᱢᱟ ᱥᱟᱫᱽᱨᱤ), ᱦᱤᱱᱫᱤ, ᱩᱰᱤᱭᱟ, ᱵᱤᱦᱟᱨᱤ ᱟᱨ ᱠᱩᱲᱩᱠᱷ ᱯᱟᱹᱨᱥᱤ ᱢᱮᱱᱟᱜᱼᱟ ᱾

ᱡᱚᱲᱟᱣ ᱰᱟᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚ) ᱥᱚᱲᱚᱠ ᱰᱟᱦᱟᱨ

ᱜᱩᱢᱞᱟ ᱫᱚ ᱨᱟᱺᱪᱤ ᱟᱨ ᱥᱤᱢᱰᱮᱜᱟ ᱠᱷᱚᱱ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱔᱓ (NH-43) ᱞᱮᱠᱟᱛᱮ ᱡᱚᱲᱟᱣ ᱟᱠᱟᱱᱟ ᱾ ᱱᱚᱣᱟ ᱯᱚᱱᱚᱛ ᱨᱟᱡᱽᱰᱟᱦᱟᱨ ᱞᱮᱠᱟᱛᱮ ᱞᱚᱦᱟᱨᱫᱟᱜᱟ, ᱞᱟᱛᱮᱦᱟᱨ, ᱰᱟᱞᱴᱮᱱᱜᱚᱸᱡᱽ, ᱟᱨ ᱯᱚᱱᱚᱛ ᱨᱮᱱᱟᱜ ᱮᱢᱟᱱ ᱢᱩᱬ ᱥᱚᱦᱚᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾

ᱱᱚᱣᱟ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱗᱘ (NH-78) ᱞᱮᱠᱟᱛᱮ ᱪᱷᱚᱛᱤᱥᱜᱚᱰ ᱯᱚᱱᱚᱛ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾

ᱛᱟᱞᱢᱟ ᱥᱚᱲᱚᱠ ᱦᱤᱡᱩᱜ ᱥᱮᱱᱚᱜ, ᱨᱟᱡᱽᱰᱟᱦᱟᱨ ᱟᱨ ᱥᱤᱯᱤᱝ ᱢᱚᱱᱛᱨᱤ, ᱱᱤᱛᱤᱱ ᱜᱟᱰᱠᱟᱨᱤ ᱞᱚᱜᱚᱱ ᱜᱮ ᱟᱹᱰᱤ ᱟᱣᱟᱭᱴᱮᱰ ᱜᱩᱢᱞᱟ ᱵᱟᱜᱟᱣ ᱰᱟᱦᱟᱨ ᱯᱨᱚᱡᱮᱠ ᱯᱷᱚᱣᱰᱟᱹᱥᱚᱱ ᱫᱚᱦᱚᱭᱟ ᱾ ᱜᱩᱴ ᱑᱒.᱖ ᱠᱤᱞᱚᱢᱤᱴᱚᱨ (᱗.᱘ ᱢᱤᱞ) ᱥᱚᱲᱚᱠ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱗᱘ (NH-78) ᱨᱮ ᱨᱟᱭᱰᱤᱦ ᱵᱚᱱᱚᱛ ᱵᱷᱤᱛᱤᱨ ᱛᱮ ᱜᱩᱢᱞᱟ ᱵᱚᱱᱚᱛ ᱨᱮ ᱫᱷᱚᱫᱽᱨᱟ ᱟᱹᱛᱩ ᱨᱮ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱒᱓ (NH-23) ᱨᱮ ᱥᱤᱞᱚᱢ ᱟᱹᱛᱩ ᱡᱚᱲᱟᱣᱜᱼᱟ ᱾ ᱱᱚᱣᱟ ᱠᱟᱢᱤ ᱫᱚ ᱒᱐᱑᱘ ᱫᱷᱟᱹᱵᱤᱡ ᱛᱮ ᱮᱦᱚᱵ ᱞᱟᱹᱜᱤᱫ ᱛᱮ ᱟᱥᱟ ᱢᱮᱱᱟᱜᱼᱟ ᱾

ᱟ) ᱨᱮᱞ ᱰᱟᱦᱟᱨ

ᱯᱚᱠᱷᱞᱟ ᱨᱮᱞᱣᱮ ᱥᱴᱮᱥᱚᱱ ᱫᱚ ᱜᱩᱢᱞᱟ ᱦᱚᱱᱚᱛ ᱨᱮᱱᱟᱜ ᱢᱤᱫᱴᱟᱹᱝ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ, ᱱᱚᱣᱟ ᱵᱟᱱᱚ, ᱜᱚᱵᱤᱱᱫᱽᱯᱩᱨ ᱥᱚᱲᱚᱠ, ᱛᱚᱨᱤ, ᱞᱟᱛᱮᱦᱟᱨ, ᱳᱨᱜᱟ ᱟᱨ ᱢᱟᱠᱞᱩᱥᱠᱤᱜᱚᱸᱡᱽ ᱥᱩᱨ ᱨᱮᱱᱟᱜ ᱮᱢᱟᱱ ᱥᱴᱮᱥᱚᱱ ᱢᱮᱱᱟᱜᱼᱟ ᱾

ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱘᱖ ᱥᱟᱞ ᱨᱮ, ᱨᱟᱠᱮᱥ ᱯᱚᱯᱞᱤ ᱟᱨ ᱩᱱᱤ ᱤᱡ ᱵᱟᱦᱩ,ᱨᱟᱢ (ᱜᱤᱫᱽᱨᱟᱹ ᱨᱮᱱᱟᱜ ᱥᱮᱪᱮᱫ ᱨᱮ ᱢᱤᱫ ᱢᱟᱪᱮᱛ), ᱫᱚ ᱮᱨᱤᱭᱟ ᱨᱮᱱᱟᱜ ᱟᱹᱫᱤᱵᱟᱹᱥᱤ (tribes) ᱨᱮ ᱥᱮᱪᱮᱫ ᱟᱜᱩ ᱞᱟᱜᱤᱫ ᱢᱟᱲᱟᱝ ᱮᱠᱟᱞ ᱟᱥᱲᱟ (ᱢᱤᱫᱼᱢᱟᱪᱮᱛ) ᱤᱥᱠᱩᱞ ᱨᱮᱱᱟᱜ ᱴᱷᱟᱯᱚᱱ ᱠᱮᱫᱼᱟ ᱾[᱒] ᱒᱐᱑᱘ ᱠᱷᱚᱱ, ᱵᱤᱵᱷᱟᱜ ᱾ ᱩᱥᱩᱞ ᱟᱨ ᱴᱮᱪᱱᱤᱠᱟᱞ ᱥᱮᱪᱮᱫ, ᱥᱚᱨᱠᱟᱨ ᱡᱷᱟᱨᱠᱷᱚᱸᱰ ᱨᱮ ᱯᱚᱞᱤᱴᱮᱠᱱᱤᱠ ᱠᱚᱞᱮᱡᱽ "ᱜᱩᱢᱞᱟ ᱯᱚᱞᱤᱴᱮᱠᱱᱤᱠ" ᱮᱦᱚᱵᱚᱜ ᱞᱟᱹᱜᱤᱫ ᱛᱮ ᱥᱮᱱᱚᱜ ᱠᱟᱱᱟ ᱾ ᱯᱚᱞᱤᱴᱮᱠᱱᱤᱠ ᱠᱚᱞᱮᱡᱽ ᱜᱩᱢᱞᱟ ᱥᱮᱪᱮᱫ ᱯᱷᱟᱩᱝᱰᱮᱥᱚᱱ ᱤᱫᱤ "ᱯᱤᱯᱤᱯᱤ" ᱢᱚᱰ ᱨᱮᱱᱟᱜ ᱮᱨᱤᱭᱟ ᱪᱟᱞᱟᱜ ᱟ ᱟᱨ ᱢᱟᱱᱤᱡ (manage) ᱦᱩᱭᱩᱜ ᱟ ᱾

ᱨᱟᱺᱪᱤ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱮᱨᱤᱭᱟ ᱨᱮ ᱯᱮᱭᱟ ᱠᱚᱞᱮᱡᱽ :

  • ᱠᱟᱨᱴᱤᱠ ᱚᱨᱟᱶ ᱵᱤᱨᱫᱟᱹᱜᱟᱲ
  • ᱠᱟᱨᱩᱱᱟᱵᱷᱟᱴᱤ ᱫᱮᱣᱤ ᱢᱮᱢᱚᱨᱤᱭᱟᱞ ᱵᱤᱨᱫᱟᱹᱜᱟᱲ
  • ᱛᱤᱨᱞᱟᱹ ᱵᱤᱨᱫᱟᱹᱜᱟᱲ

ᱴᱮᱪᱱᱤᱠᱟᱞ ᱤᱱᱴᱤᱪᱩᱴ

  • ᱜᱩᱢᱞᱟ ᱯᱚᱞᱤᱴᱮᱠᱱᱤᱠ
  • IIST ᱠᱚᱢᱯᱩᱴᱟᱨ ᱤᱱᱴᱤᱪᱩᱛ
  • ᱢᱮᱰᱤᱭᱟ ᱤᱱᱯᱷᱚᱴᱮᱪ

ᱜᱩᱢᱞᱟ ᱨᱮᱱᱟᱜ ᱟᱥᱲᱟ

  • ᱟᱫᱟᱨᱥ ᱵᱷᱤᱫᱭᱟ ᱢᱚᱱᱫᱤᱨ ᱟᱥᱲᱟ,ᱯᱩᱜᱩ
  • ᱪᱟᱸᱪᱟᱞ ᱥᱤᱜᱱᱟᱥ ᱟᱥᱲᱟ, ᱰᱩᱢᱮᱨᱰᱤᱦ
  • ᱰᱤᱹᱮᱹᱵᱷᱤᱹ ᱯᱟᱵᱞᱤᱠ ᱟᱥᱲᱟ, ᱱᱤᱢᱴᱚᱞᱤ
  • ᱰᱚᱱ ᱵᱚᱥᱠᱚ ᱟᱥᱲᱟ, ᱵᱷᱟᱢᱱᱤ
  • ᱛᱟᱞᱢᱟ ᱵᱷᱤᱫᱭᱟᱞᱟᱭᱟ ᱜᱩᱢᱞᱟ
  • ᱱᱚᱛᱨᱮ ᱰᱮᱢ ᱟᱥᱲᱟ
  • ᱳᱠᱥᱯᱷᱚᱨᱰ ᱯᱟᱵᱞᱤᱠ ᱟᱥᱲᱟ
  • ᱮᱥᱹᱮᱥᱹ ᱩᱱᱩᱥᱩᱞ ᱟᱥᱲᱟ
  • ᱥᱚᱨᱚᱥᱣᱚᱛᱤ ᱥᱤᱥᱩᱼᱵᱷᱤᱫᱭᱟ ᱢᱚᱱᱫᱤᱨ
  • ᱥᱚᱞᱤᱴᱮᱭᱟᱨ ᱥᱮᱪᱮᱫ ᱮᱠᱮᱰᱮᱢᱤ
  • St. ᱤᱜᱱᱟᱴᱤᱭᱟᱥ ᱟᱥᱲᱟ
  • St. ᱯᱟᱴᱨᱤᱠ ᱟᱥᱲᱟ
  • St. ᱤᱥᱴᱮᱯᱷᱮᱱ ᱟᱥᱲᱟ
  • ᱩᱨᱥᱩᱞᱟᱭᱤᱱ ᱠᱚᱱᱵᱷᱮᱴ ᱟᱥᱲᱟ
  • ᱣᱮᱥᱠᱚᱴ ᱯᱟᱵᱞᱤᱠ ᱟᱥᱲᱟ
  • ᱡᱚᱵᱟᱦᱚᱨ ᱱᱟᱵᱷᱚᱫᱟᱭ ᱵᱷᱤᱫᱭᱟᱞᱟᱭᱟ, ᱢᱟᱥᱟᱨᱤᱭᱟ ᱰᱮᱢ

ᱥᱮᱸᱴ ᱤᱜᱱᱟᱴᱤᱭᱟᱥ ᱟᱥᱲᱟ, ᱑᱙᱓᱕ ᱥᱟᱞᱮ ᱨᱮ ᱴᱷᱟᱯᱚᱱ ᱞᱮᱰ ᱟᱨ ᱡᱮᱥᱩᱭᱴᱥ ᱤᱫᱤ ᱛᱮ ᱮᱰᱢᱤᱱᱤᱥᱴᱮᱨᱮᱰ, ᱡᱮᱜᱮᱫ ᱡᱟᱜᱟᱫ ᱞᱮᱵᱟᱞ ᱨᱮᱱᱟᱜ ᱦᱚᱠᱤ ᱮᱱᱮᱡ ᱠᱚᱣᱟᱜ ᱵᱮᱱᱟᱣ ᱟ ᱾

ᱧᱮᱧᱮᱞ ᱴᱷᱟᱶ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱚᱸᱡᱚᱱ - ᱜᱩᱢᱞᱟ ᱠᱷᱚᱱ ᱑᱘ ᱠᱤᱞᱚᱢᱤᱴᱚᱨ (᱑᱑ ᱢᱤᱞ) ᱥᱟᱸᱜᱤᱧ ᱨᱮ ᱢᱤᱫᱴᱟᱹᱝ ᱦᱩᱰᱤᱧ ᱫᱷᱟᱨᱟᱜ ᱟᱹᱛᱩ ᱠᱟᱱᱟ ᱾ ᱟᱹᱛᱩ ᱨᱮᱱᱟᱜ ᱧᱩᱛᱩᱢ ᱦᱟᱱᱩᱢᱟᱱ ᱱᱤᱡ ᱟᱭᱳ ᱚᱸᱡᱚᱱᱤ ᱫᱮᱵᱤ ᱟᱜ ᱧᱩᱛᱩᱢ ᱛᱮ ᱦᱩᱭ ᱟᱠᱟᱱᱟ ᱾ ᱱᱚᱣᱟ ᱴᱷᱟᱶ ᱠᱷᱚᱱ ᱚᱵᱽᱴᱟᱭᱱᱮᱰ (obtained) ᱟᱨᱪᱚᱞᱚᱡᱤᱠᱟᱞ (archaeological) ᱤᱢᱯᱚᱨᱴᱮᱱᱥ (importance) ᱨᱮᱱᱟᱜ ᱥᱟᱢᱟᱱ ᱫᱚ ᱯᱟᱴᱱᱟ ᱢᱚᱭᱩᱡᱤᱭᱟᱢ (museum) ᱨᱮ ᱫᱚᱦᱚ ᱟᱠᱟᱱᱟ ᱾ ᱱᱤᱭᱟᱹ ᱫᱚ ᱵᱷᱚᱜᱽᱣᱟᱱ ᱦᱟᱱᱩᱢᱟᱱ ᱟᱜ ᱡᱟᱱᱟᱢ ᱛᱷᱟᱱ ᱠᱚ ᱢᱟᱱᱟᱣᱟ ᱾
  • ᱱᱟᱜᱟᱨ - ᱥᱤᱥᱟᱭ ᱵᱚᱱᱚᱛ ᱨᱮ, ᱱᱚᱣᱟ ᱨᱮᱱᱟᱜ ᱢᱤᱫ ᱠᱤᱞᱟ ᱱᱟᱜᱽᱵᱚᱸᱥᱤ ᱨᱟᱡᱟ ᱟᱜ ᱠᱷᱚᱱ ᱢᱮᱱᱟᱜᱼᱟ ᱾
  • ᱨᱟᱡᱮᱱᱫᱽᱨᱚ – ᱱᱚᱣᱟ ᱵᱩᱨᱩ, ᱯᱨᱟᱠᱨᱤᱛᱤᱠ ᱢᱚᱡᱽ ᱨᱮᱱᱟᱜ ᱞᱟᱹᱜᱤᱫ ᱛᱮ ᱪᱟᱞᱟᱣ ᱫᱟᱨᱮ ᱭᱟ ᱟᱠᱚ ᱾
  • ᱫᱮᱣᱟᱠᱤ – ᱥᱤᱵᱷᱼᱯᱟᱨᱣᱟᱛᱤ ᱢᱚᱱᱫᱤᱨ ᱨᱮᱱᱟᱜ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜᱼᱟ ᱾
  • ᱵᱟᱥᱩᱫᱮᱣᱠᱚᱱᱟ – ᱱᱚᱣᱟ ᱨᱮᱱᱟᱜ ᱵᱚᱸᱜᱟ ᱫᱷᱤᱨᱤ ᱢᱩᱨᱛᱤ ᱞᱟᱹᱜᱤᱫ ᱛᱮ ᱠᱚ ᱥᱮᱱᱟᱜ ᱟ,ᱱᱚᱣᱟ ᱨᱟᱭᱰᱤᱦ ᱵᱚᱱᱚᱛ ᱨᱮᱱᱟᱜ ᱥᱟᱢᱟᱝ ᱥᱮᱫ ᱨᱮ ᱓ ᱠᱤᱞᱚᱢᱤᱴᱚᱨ ᱥᱟᱸᱜᱤᱧ ᱨᱮ ᱢᱮᱱᱟᱜᱼᱟ ᱾
  • ᱛᱟᱨᱟᱞᱚᱭᱟ ᱨᱮ ᱢᱤᱫ ᱡᱷᱟᱨᱱᱟ ᱢᱮᱱᱟᱜᱼᱟ ᱡᱚᱠᱷᱚᱱ ᱞᱮᱠᱟᱛᱮ "ᱵᱩᱨᱩ" (ᱯᱟᱨᱣᱟᱴ) ᱧᱩᱛᱩᱢ ᱛᱮ ᱵᱟᱰᱟᱭᱚᱜᱼᱟ, ᱟᱨ ᱨᱟᱭᱰᱤᱦ ᱵᱚᱱᱚᱛ ᱮᱛᱚᱢ ᱨᱮ ᱓᱐ ᱠᱤᱞᱚᱢᱤᱴᱚᱨ ᱥᱟᱸᱜᱤᱧ ᱨᱮ ᱢᱮᱱᱟᱜᱼᱟ ᱾
  • ᱦᱟᱯᱟᱢᱩᱱᱤ – ᱟᱫᱚ ᱢᱤᱫ ᱢᱟᱨᱮ ᱢᱟᱦᱟᱢᱟᱭᱟ ᱢᱚᱱᱫᱤᱨ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜᱼᱟ ᱾
  • ᱯᱟᱞᱠᱚᱴ[᱓]
  • ᱱᱟᱜᱽᱯᱷᱮᱱᱤ – ᱱᱚᱣᱟ ᱡᱚᱜᱚᱱᱟᱛᱷ ᱢᱚᱱᱫᱤᱨ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜᱼᱟ ᱟᱨ ᱱᱚᱸᱰᱮ ᱱᱟᱜᱽ ᱦᱮᱡ ᱠᱟᱛᱮ ᱢᱤᱫ ᱢᱟᱨᱟᱝ ᱫᱷᱤᱨᱤ "ᱱᱟᱜᱽ" ᱞᱟᱹᱜᱤᱫ ᱛᱮ ᱯᱷᱮᱢᱚᱥ ᱟᱠᱟᱱᱟ ᱾
  • ᱱᱚᱣᱨᱚᱛᱚᱱᱜᱚᱲ ᱼ ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱥᱤᱥᱟᱭ ᱵᱚᱱᱚᱛ ᱨᱮ ᱢᱮᱱᱟᱜ ᱢᱟᱨᱮ ᱱᱟᱜᱽᱵᱚᱝᱥᱚ ᱨᱟᱡᱟ ᱟᱜ ᱢᱟᱹᱪᱤ ᱛᱟᱦᱮᱸ ᱠᱟᱱᱟ ᱾[᱔]
  • ᱴᱟᱸᱜᱤᱱᱟᱛᱷ ᱼ ᱴᱟᱸᱜᱤᱱᱟᱛᱷ ᱫᱷᱟᱢ ᱫᱚ ᱜᱩᱢᱞᱟ ᱨᱮᱱᱟᱜ ᱰᱩᱢᱨᱤ ᱵᱚᱱᱚᱛ ᱨᱮ ᱢᱮᱱᱟᱜᱼᱟ ᱾ ᱥᱟᱱ ᱵᱚᱸᱜᱟ ᱚᱠᱛᱚ ᱵᱷᱚᱠᱴ ᱢᱚᱱᱫᱤᱨ ᱨᱮ ᱦᱤᱡᱩᱜᱼᱟ ᱱᱚᱣᱟ ᱗ ᱟᱱᱟᱜ ᱟᱨᱵᱟᱝ ᱙ ᱟᱱᱟᱜ ᱥᱟᱭ ᱥᱮᱨᱢᱟ ᱨᱮ ᱨᱩᱣᱟᱹᱲ ᱥᱮᱱᱚᱜᱼᱟ ᱾[᱕]
  • ᱵᱤᱨᱥᱟ ᱢᱩᱸᱰᱟᱹ ᱮᱜᱽᱨᱚ ᱯᱟᱨᱠ
  • ᱨᱟᱭᱰᱤᱦ – ᱨᱟᱭᱰᱤᱦ ᱵᱚᱱᱚᱛ, ᱦᱚᱱᱚᱛ ᱨᱮᱱᱟᱜ ᱜᱮᱞᱢᱤᱫ ᱵᱚᱱᱚᱛ ᱠᱷᱚᱱ ᱫᱚ ᱢᱤᱫᱴᱟᱹᱝ ᱜᱮᱭᱟ, ᱟᱡᱟᱜ ᱯᱨᱟᱠᱨᱤᱛᱤᱠ ᱢᱚᱡᱽ ᱞᱟᱹᱜᱤᱫ ᱛᱮᱠᱚ ᱥᱮᱱ ᱠᱮᱭᱟ ᱾
  • ᱥᱟᱭ ᱢᱚᱱᱫᱤᱨ, ᱞᱟᱯᱩᱝ, ᱵᱮᱨᱚ

ᱯᱟᱨᱟᱵᱽ ᱟᱨ ᱮᱱᱮᱡ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Barefoot women in pink saris dancing
ᱥᱟᱦᱨᱩᱞ ᱮᱱᱮᱡ

ᱠᱟᱨᱢᱟ ᱯᱟᱨᱟᱵᱽ ᱟᱹᱛᱩ ᱠᱷᱚᱱ ᱟᱹᱛᱩ ᱫᱷᱟᱵᱤᱡ ᱠᱚ ᱟᱪᱩᱨᱚᱜᱼᱟ ᱾ ᱱᱚᱣᱟ ᱯᱮ ᱵᱷᱟᱜᱽ ᱨᱮ ᱦᱟᱴᱤᱧ ᱟᱠᱟᱱᱟ: ᱨᱟᱡᱽ ᱠᱟᱨᱟᱢ, ᱵᱩᱫᱷᱟᱭ ᱟᱨ ᱯᱟᱫᱽᱢᱟ ᱠᱟᱨᱟᱢ ᱾ ᱨᱟᱡᱽ ᱠᱟᱨᱟᱢ ᱯᱩᱨᱟᱹ ᱜᱩᱴ ᱤᱫᱤ ᱛᱮᱠᱚ ᱢᱟᱱᱟᱣᱟ; ᱵᱩᱰᱷᱤ ᱠᱟᱨᱟᱢ ᱡᱩᱱ ᱨᱮ ᱵᱩᱰᱷᱤ ᱛᱤᱨᱞᱟᱹ ᱤᱫᱤ ᱛᱮ ᱡᱟᱯᱩᱫ ᱫᱮᱣᱛᱟ ᱫᱚᱠᱚ ᱦᱚᱦᱚ ᱞᱟᱹᱜᱤᱫ ᱛᱮᱠᱚ ᱢᱟᱱᱟᱣᱟ ᱾ ᱯᱟᱫᱽᱫᱟ ᱠᱟᱨᱟᱢ ᱯᱩᱨᱟᱹ ᱟᱹᱛᱩ ᱨᱮ ᱠᱚ ᱢᱟᱱᱟᱣᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01. 
  2. "Dr. Rakesh Popli, Nuclear Scientist & one of Ekal's Visionaries, passed away on September 15, 2007". Newsletter October 2007. Ekal Vidyalaya Foundation. Retrieved 22 ᱢᱟᱨᱪ 2012. 
  3. "Palokot". The Official Website of Gumla. Archived from the original on 16 ᱮᱯᱨᱤᱞ 2009. Retrieved ᱥᱮᱯᱴᱮᱢᱵᱚᱨ 15, 2015. 
  4. "IN PICS : Enjoy the amazing natural hue of Nagafeni in Gumla". prabhatkhabar. Retrieved 3 ᱥᱮᱯᱴᱮᱢᱵᱚᱨ 2019. 
  5. "Tanginath". The Official Website of Gumla. Archived from the original on 16 ᱮᱯᱨᱤᱞ 2009. Retrieved ᱥᱮᱯᱴᱮᱢᱵᱚᱨ 15, 2015. 

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱷᱟᱸᱪ:ᱮᱛᱚᱢ ᱪᱷᱚᱴᱟᱱᱟᱜᱽᱯᱩᱨ ᱠᱷᱚᱸᱰ