ᱞᱩᱠᱟᱥ ᱢᱟᱨᱟᱱᱰᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱞᱩᱠᱟᱥ ᱢᱟᱨᱟᱱᱰᱤ
ᱟᱯᱱᱟᱨᱟᱜ
ᱡᱟᱱᱟᱢ᱔ ᱚᱜᱚᱥᱴ ᱑᱙᱒᱒(1922-08-04)
ᱜᱩᱨ᱒᱑ ᱮᱯᱨᱤᱞ ᱑᱙᱗᱑ (᱔᱘ ᱵᱚᱭᱚᱥ)
ᱫᱷᱚᱨᱚᱢᱤᱥᱟᱹᱭ

ᱞᱩᱠᱟᱥ ᱢᱟᱨᱟᱱᱰᱤ (᱔ ᱟᱜᱚᱥᱴ ᱑᱙᱒᱒ - ᱒᱑ ᱮᱯᱨᱤᱞ ᱑᱙᱗᱑) ᱫᱚ ᱵᱟᱝᱞᱟᱫᱮᱥ ᱨᱮᱱ ᱢᱤᱫ ᱤᱥᱟᱹᱭ ᱱᱟᱭᱠᱮ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱫᱤᱱᱟᱡᱽᱯᱩᱨ ᱴᱚᱴᱷᱟ ᱨᱮᱱ ᱯᱩᱭᱞᱩ ᱛᱷᱟᱱᱤᱛ ᱵᱤᱥᱚᱯ ᱠᱟᱱᱟᱭ ᱾ ᱩᱱᱤ ᱫᱚ ᱵᱟᱝᱞᱟᱫᱮᱥ ᱨᱮ ᱡᱤᱭᱟᱹᱛ (ᱥᱚᱦᱤᱫᱽ) ᱞᱮᱠᱟᱛᱮᱭ ᱦᱚᱸᱭ ᱵᱟᱲᱟᱭᱚᱜᱼᱟ ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱞᱩᱠᱟᱥ ᱢᱟᱨᱟᱱᱰᱤ ᱔ ᱡᱩᱞᱟᱭ ᱑᱙᱒᱒ ᱥᱮᱨᱢᱟ ᱨᱮ ᱵᱟᱝᱞᱟᱫᱮᱥ ᱨᱮᱭᱟᱜ ᱫᱤᱱᱟᱸᱡᱽᱯᱩᱨ ᱨᱮ ᱢᱤᱫ ᱥᱟᱱᱛᱟᱲ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱾[᱑] ᱟᱡ ᱵᱟᱵᱟ ᱟᱜ ᱧᱩᱛᱩᱢ ᱫᱚ ᱢᱟᱛᱷᱤᱭᱟᱥ ᱢᱟᱨᱟᱱᱰᱤ ᱟᱨ ᱟᱭᱚ ᱫᱚ ᱢᱟᱨᱤᱭᱟ ᱠᱤᱥᱠᱩ ᱾ ᱡᱟᱱᱟᱢ ᱨᱮᱭᱟᱜ ᱟᱨᱮ ᱢᱟᱦᱟᱸ ᱛᱟᱭᱚᱢ ᱫᱷᱚᱨᱚᱢ ᱟᱹᱨᱤ ᱞᱮᱠᱟᱛᱮ ᱩᱱᱤ ᱫᱚ ᱤᱥᱟᱹᱭ ᱫᱷᱚᱨᱚᱢ ᱛᱮᱠᱚ ᱩᱪᱟᱹᱱ ᱞᱮᱫᱮᱭᱟ ᱾

ᱞᱩᱠᱟᱥ ᱢᱟᱨᱟᱱᱰᱤ ᱟᱡᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱵᱮᱱᱤᱫᱩᱣᱟᱨ ᱢᱤᱥᱚᱱ ᱯᱨᱟᱭᱢᱟᱨᱤ ᱟᱥᱲᱟ ᱠᱷᱚᱱ ᱮ ᱧᱟᱢ ᱞᱮᱫᱟ ᱾[᱑] ᱚᱱᱟ ᱛᱟᱭᱚᱢ ᱩᱱᱤ ᱑᱙᱓᱔ ᱥᱮᱨᱢᱟ ᱨᱮ ᱫᱤᱱᱟᱸᱡᱽᱯᱩᱨ ᱥᱟᱱᱛᱟᱲ ᱢᱤᱰᱚᱞ ᱥᱠᱩᱞ (ᱱᱤᱛ ᱫᱚ ᱥᱮᱱᱴ ᱯᱷᱤᱞᱤᱯᱥ ᱵᱳᱰᱤᱝ ᱥᱠᱩᱞ) ᱨᱮᱭ ᱵᱷᱩᱨᱛᱤ ᱮᱱᱟ ᱟᱨ ᱚᱸᱰᱮ ᱠᱷᱚᱱ ᱢᱟᱫᱷᱭᱚᱢᱤᱠ ᱮ ᱯᱟᱥ ᱞᱮᱫᱟ ᱾ ᱛᱟᱭᱚᱢ ᱛᱮ, ᱩᱱᱤ ᱵᱚᱸᱜᱟ ᱥᱮᱵᱟ ᱟᱹᱨᱤᱪᱟᱹᱞᱤ ᱯᱟᱲᱦᱟᱣ ᱞᱟᱹᱜᱤᱫ ᱤᱴᱟᱞᱤ ᱠᱚ ᱠᱩᱞ ᱞᱮᱫᱮᱭᱟ ᱾[᱑] ᱚᱸᱰᱮ ᱯᱟᱲᱦᱟᱣ ᱯᱩᱨᱟᱹᱣ ᱛᱟᱭᱚᱢ ᱩᱱᱤ ᱫᱤᱥᱚᱢ ᱛᱮᱭ ᱨᱩᱣᱟᱹᱲ ᱦᱮᱡ ᱮᱱᱟ ᱾

᱑ ᱰᱤᱥᱮᱢᱵᱚᱨ ᱑᱙᱕᱕ ᱥᱮᱨᱢᱟ ᱨᱮ ᱞᱩᱠᱟᱥ ᱢᱟᱨᱟᱱᱰᱤ ᱫᱚ ᱫᱤᱱᱟᱸᱡᱽᱯᱩᱨ ᱠᱮᱛᱷᱤᱰᱨᱚᱞ ᱨᱮᱱ ᱵᱤᱥᱚᱯ ᱞᱮᱠᱟᱛᱮ ᱠᱚ ᱵᱚᱦᱟᱞ ᱞᱮᱫᱮᱭᱟ ᱾[᱑] ᱩᱱᱤ ᱫᱚ ᱥᱟᱱᱛᱟᱲ ᱥᱟᱶᱛᱟ ᱨᱮᱱ ᱫᱷᱚᱨᱚᱢ ᱢᱟᱪᱮᱛ ᱟᱨ ᱟᱹᱭᱩᱨᱤᱭᱟᱹ ᱞᱮᱠᱟᱛᱮ ᱦᱚᱸᱭ ᱵᱟᱪᱷᱟᱣ ᱞᱮᱱᱟ ᱾ ᱯᱩᱭᱞᱩ ᱨᱮ ᱩᱱᱤ ᱫᱚ ᱫᱤᱱᱟᱸᱡᱽᱯᱩᱨ, ᱜᱷᱚᱲᱟᱜᱷᱟᱴ ᱨᱮᱭᱟᱜ ᱢᱚᱨᱤᱭᱟᱢᱯᱩᱨ ᱢᱤᱥᱚᱱ ᱨᱮ ᱠᱟᱹᱢᱤ ᱞᱟᱹᱜᱤᱫ ᱠᱚ ᱠᱩᱞ ᱞᱮᱫᱮᱭᱟ ᱾[᱑] ᱛᱟᱭᱚᱢ ᱛᱮ, ᱩᱱᱤ ᱫᱚ ᱥᱮᱱᱴ ᱯᱷᱤᱞᱤᱯᱥ ᱵᱳᱰᱤᱝ ᱨᱮᱠᱚ ᱠᱩᱞ ᱠᱮᱫᱮᱭᱟ ᱾

᱑᱙᱖᱕ ᱥᱮᱨᱢᱟ ᱨᱮ ᱞᱩᱠᱟᱥ ᱢᱟᱨᱟᱱᱰᱤ ᱫᱚ ᱫᱤᱱᱟᱸᱡᱽᱯᱩᱨ ᱫᱷᱚᱨᱚᱢ ᱯᱚᱱᱚᱛ ᱨᱮᱭᱟᱜ ᱟᱹᱜᱤᱵᱷᱟᱨ ᱮ ᱦᱟᱛᱟᱣ ᱞᱮᱫᱟ ᱾ ᱢᱮᱱᱠᱷᱟᱱ, ᱑᱙᱖᱕ ᱨᱮᱭᱟᱜ ᱵᱷᱟᱨᱚᱛ-ᱯᱟᱠᱤᱥᱛᱟᱱ ᱞᱟᱹᱰᱷᱟᱹᱭ ᱠᱷᱟᱹᱛᱤᱨ ᱚᱸᱰᱮ ᱢᱤᱥᱚᱱᱟᱨᱤ ᱠᱟᱹᱢᱤ ᱪᱟᱪᱞᱟᱣ ᱨᱮ ᱮᱴᱠᱮᱴᱚᱬᱮ ᱦᱮᱡ ᱟᱫᱮᱭᱟ ᱾[᱑] ᱩᱱ ᱡᱚᱠᱷᱮᱡ ᱩᱱᱤ ᱫᱚ ᱴᱷᱟᱠᱩᱨᱜᱟᱶ ᱨᱮᱭᱟᱜ ᱨᱩᱦᱤᱭᱟ ᱨᱮ ᱢᱤᱫ ᱚᱥᱛᱷᱟᱭᱤ ᱵᱤᱥᱚᱯ ᱞᱮᱠᱟᱛᱮ ᱠᱚ ᱵᱟᱦᱟᱞ ᱞᱮᱫᱮᱭᱟ ᱾

ᱢᱤᱥᱚᱱᱟᱨᱤ ᱠᱟᱹᱢᱤᱦᱚᱨᱟ ᱪᱟᱞᱟᱣ ᱥᱟᱶ ᱥᱟᱶᱛᱮ ᱞᱩᱠᱟᱥ ᱢᱟᱨᱟᱱᱰᱤ ᱫᱚ ᱪᱟᱹᱥᱤ ᱩᱛᱱᱟᱹᱣ ᱨᱮᱭᱟᱜ ᱡᱚᱥ ᱤᱫᱤ ᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟ ᱾[᱑] ᱩᱱᱤ ᱴᱷᱟᱠᱩᱨᱜᱟᱶ ᱨᱮᱭᱟᱜ ᱨᱩᱦᱤᱭᱟ ᱨᱮ ᱢᱤᱫ ᱵᱳᱰᱤᱝ ᱥᱠᱩᱞ ᱦᱚᱸᱭ ᱪᱟᱹᱞᱩ ᱞᱮᱫᱟ ᱾

ᱵᱟᱝᱞᱟᱫᱮᱥ ᱯᱷᱩᱱᱩᱨᱜᱟᱹᱞ ᱞᱟᱹᱰᱷᱟᱹᱭ ᱮᱦᱚᱵ ᱮᱱ ᱠᱷᱟᱱ ᱨᱩᱦᱤᱭᱟ ᱢᱤᱥᱚᱱᱟᱨᱤ ᱨᱮ ᱟᱭᱢᱟ ᱨᱮᱯᱷᱤᱭᱩᱡᱤ ᱠᱚ ᱦᱮᱡ ᱥᱮᱴᱮᱨ ᱞᱮᱱᱟ ᱾ ᱞᱩᱠᱟᱥ ᱢᱟᱨᱟᱱᱰᱤ ᱱᱩᱠᱩ ᱦᱚᱲ ᱠᱚ ᱞᱟᱹᱜᱤᱫ ᱡᱚᱢᱼᱧᱩ ᱟᱨ ᱛᱟᱦᱮᱸᱱ ᱨᱮᱭᱟᱜ ᱴᱷᱟᱶ ᱮ ᱮᱢ ᱞᱮᱫ ᱠᱚᱣᱟ ᱾ ᱩᱱᱤ ᱵᱟᱝᱞᱟᱫᱮᱥ ᱨᱮᱭᱟᱜ ᱯᱷᱩᱱᱩᱨᱜᱟᱹᱞ ᱞᱟᱹᱰᱷᱟᱹᱭ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱟᱭᱢᱟ ᱡᱩᱣᱟᱹᱱ ᱠᱚ ᱩᱫᱽᱜᱟᱹᱣ ᱮ ᱮᱢᱟ ᱠᱚ ᱠᱟᱱ ᱛᱟᱦᱮᱸᱱᱟ ᱾[᱑] ᱯᱷᱩᱱᱩᱨᱜᱟᱹᱞ ᱞᱟᱹᱰᱷᱟᱹᱭ ᱨᱮ ᱵᱟᱡᱟᱣ ᱟᱠᱟᱱ ᱦᱚᱲ ᱩᱠᱩ ᱨᱮ ᱨᱟᱱ ᱟᱨ ᱥᱮᱵᱟ ᱠᱚᱦᱚᱸᱭ ᱮᱢᱟ ᱠᱚ ᱠᱟ ᱛᱟᱦᱮᱸᱱᱟ ᱾

᱑᱒ ᱮᱯᱨᱤᱞ ᱑᱙᱗᱑ ᱨᱮ ᱞᱩᱠᱟᱥ ᱢᱟᱨᱟᱱᱰᱤ ᱯᱷᱩᱱᱩᱨᱜᱟᱹᱞ ᱞᱟᱹᱰᱷᱟᱹᱭ ᱨᱮᱱ ᱥᱤᱯᱟᱹᱦᱤ ᱠᱚ ᱞᱟᱹᱜᱤᱫ ᱨᱟᱱ ᱡᱚᱜᱟᱲ ᱞᱟᱹᱜᱤᱫ ᱥᱤᱢᱟᱹ ᱯᱟᱨᱚᱢ ᱥᱤᱧᱚᱛ ᱛᱮᱭ ᱪᱟᱞᱟᱣ ᱞᱮᱱᱟ ᱾ ᱨᱩᱣᱟᱹᱲ ᱦᱮᱡ ᱠᱟᱛᱮ ᱮ ᱧᱮᱞᱮᱫ ᱠᱟᱱᱟ ᱨᱩᱦᱤᱭᱟ ᱨᱮᱯᱷᱤᱭᱩᱡᱤ ᱨᱮᱱ ᱦᱚᱲ ᱠᱚ ᱥᱤᱧᱚᱛ ᱨᱮᱭᱟᱜ ᱨᱮᱯᱷᱤᱭᱩᱡᱤ ᱠᱮᱯᱢ ᱥᱮᱫ ᱪᱟᱞᱟᱣ ᱠᱚ ᱮᱦᱚᱵ ᱟᱠᱟᱫᱟ ᱾ ᱩᱱ ᱚᱠᱛᱚ ᱩᱱᱤ ᱨᱩᱦᱤᱭᱟ ᱢᱤᱥᱚᱱ ᱵᱟᱹᱜᱤ ᱠᱚ ᱢᱮ ᱞᱮᱫᱮᱭᱟ ᱾ ᱚᱱᱟᱛᱮ ᱩᱱᱤ ᱢᱤᱥᱚᱱᱟᱨᱤ ᱦᱚᱲ ᱠᱚ ᱥᱟᱶ ᱫᱤᱥᱚᱢ ᱵᱟᱹᱜᱤ ᱨᱮᱭᱟᱜ ᱮ ᱜᱚᱴᱟ ᱠᱮᱫᱟ ᱾ ᱩᱱᱤ ᱥᱤᱢᱟᱹᱭ ᱯᱟᱨᱚᱢ ᱞᱮᱫ ᱨᱮᱦᱚᱸ ᱛᱟᱭᱚᱢ ᱛᱮ ᱩᱱᱤ ᱨᱩᱦᱤᱭᱟ ᱛᱮᱭ ᱨᱩᱣᱟᱹᱲ ᱦᱮᱡ ᱞᱮᱱᱟ ᱾[᱑]

᱒᱑ ᱮᱯᱨᱤᱞ ᱑᱙᱗᱑ ᱨᱮ ᱢᱤᱫ ᱡᱤᱯ ᱜᱟᱹᱰᱤ ᱛᱮ ᱯᱩᱱᱭᱟ ᱯᱟᱠᱤᱥᱛᱟᱱᱤ ᱥᱤᱯᱟᱹᱦᱤ ᱨᱩᱦᱤᱭᱟ ᱢᱤᱥᱚᱱ ᱨᱮᱠᱚ ᱦᱮᱡ ᱞᱮᱱᱟ ᱾ ᱞᱩᱠᱟᱥ ᱩᱱᱠᱩ ᱪᱟ-ᱵᱤᱥᱠᱩᱴ ᱟᱛᱮᱭ ᱟᱛᱟᱝ ᱫᱟᱨᱟᱢ ᱞᱮᱱ ᱠᱚᱣᱟ ᱾[᱒] ᱩᱱᱠᱩᱣᱟᱜ ᱟᱹᱭᱩᱢᱟᱱ ᱛᱟᱦᱮᱸ ᱠᱟᱱᱟ ᱵᱟᱝᱢᱟ, ᱯᱷᱩᱱᱩᱨᱜᱟᱹᱞ ᱞᱟᱹᱰᱷᱟᱹᱭᱤᱡ ᱠᱚ ᱢᱤᱥᱚᱱ ᱵᱷᱤᱛᱨᱤ ᱨᱮᱠᱚ ᱩᱠᱩ ᱟᱠᱟᱱᱟ ᱾ ᱩᱱᱠᱩ ᱥᱮᱸᱫᱽᱨᱟ ᱠᱟᱛᱮ ᱪᱮᱫ ᱦᱚᱸ ᱵᱟᱝᱠᱚ ᱧᱟᱢ ᱞᱮᱫ ᱛᱮᱠᱚ ᱪᱟᱞᱟᱣ ᱮᱱᱟ ᱾

ᱯᱮ ᱴᱟᱲᱟᱝ ᱛᱟᱭᱚᱢ ᱚᱱᱟ ᱜᱟᱹᱰᱤ ᱟᱨᱦᱚᱸ ᱨᱩᱣᱟᱹᱲ ᱦᱮᱡ ᱮᱱᱟ ᱾[᱒] ᱩᱱᱠᱩ ᱫᱚ ᱞᱩᱠᱟᱥ ᱢᱟᱨᱟᱱᱰᱤ ᱢᱤᱥᱚᱱ ᱠᱷᱚᱱ ᱚᱰᱚᱜ ᱠᱟᱛᱮ ᱵᱟᱨᱦᱮ ᱛᱮᱠᱚ ᱤᱫᱤ ᱠᱮᱫᱮᱭᱟ ᱾ ᱩᱱᱠᱩ ᱵᱟᱨᱦᱮ ᱨᱮ ᱩᱱᱤ ᱨᱟᱭᱯᱷᱮᱞ ᱨᱮᱭᱟᱜ ᱪᱟᱹᱠᱩ ᱛᱮᱠᱚ ᱦᱩᱨᱩᱝ ᱜᱚᱡ ᱞᱮᱫᱮᱭᱟ ᱾[᱑] ᱩᱱᱤᱭᱟᱜ ᱜᱚᱡ ᱦᱚᱲᱢᱚ ᱥᱤᱧᱚᱛ ᱨᱮᱭᱟᱜ ᱤᱥᱞᱟᱢᱯᱩᱨ ᱥᱤᱥᱚᱱ ᱨᱮ ᱤᱫᱤ ᱦᱩᱭ ᱞᱮᱱᱟ ᱟᱨ ᱚᱸᱰᱮ ᱜᱮ ᱩᱱᱤᱭᱟᱜ ᱢᱩᱪᱟᱹᱫ ᱠᱟᱹᱢᱤᱦᱚᱨᱟ ᱠᱚ ᱯᱩᱨᱟᱹᱣ ᱞᱮᱫ ᱛᱟᱭᱟ ᱾[᱒]

ᱨᱩᱦᱤᱭᱟ ᱢᱤᱥᱚᱱ ᱨᱮ ᱞᱩᱠᱟᱥ ᱢᱟᱨᱟᱱᱰᱤ ᱫᱤᱥᱟᱹ ᱛᱮ ᱢᱤᱫ ᱢᱮᱢᱳᱨᱤᱭᱟᱞ ᱴᱷᱟᱶ ᱵᱮᱱᱟᱣ ᱦᱩᱭ ᱟᱠᱟᱱᱟ ᱾[᱑] ᱩᱱᱤᱭᱟᱜ ᱫᱤᱥᱟᱹ ᱛᱮ ᱡᱟᱣ ᱥᱮᱨᱢᱟ ᱒᱑ ᱮᱯᱨᱤᱞ ᱵᱮᱱᱤᱫᱩᱣᱟᱨ ᱢᱤᱥᱚᱱ ᱨᱮ ᱢᱤᱫ ᱯᱷᱩᱴᱵᱚᱞ ᱜᱟᱛᱮ ᱥᱟᱯᱲᱟᱣ ᱦᱩᱭᱩᱜ ᱠᱟᱱᱟ ᱾ ᱫᱤᱱᱟᱸᱡᱽᱯᱩᱨ ᱨᱮᱭᱟᱜ ᱮᱛᱚᱢ ᱠᱚᱣᱟᱴᱟᱨ ᱨᱮ ᱞᱩᱠᱟᱥ ᱢᱟᱨᱟᱱᱰᱤ ᱟᱜ ᱧᱩᱛᱩᱢ ᱛᱮ ᱢᱤᱫ ᱰᱟᱦᱟᱨ ᱨᱮᱭᱟᱜ ᱧᱩᱛᱩᱢ ᱫᱚᱦᱚ ᱦᱩᱭ ᱟᱠᱟᱱᱟ ᱾[᱑]

ᱥᱟᱹᱠᱷᱟᱹᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱑.᱐᱐ ᱑.᱐᱑ ᱑.᱐᱒ ᱑.᱐᱓ ᱑.᱐᱔ ᱑.᱐᱕ ᱑.᱐᱖ ᱑.᱐᱗ ᱑.᱐᱘ ᱑.᱐᱙ ᱑.᱑᱐ ᱑.᱑᱑ Hossain, Urmee (2012). "Marandi, Father Lucas". In Islam, Sirajul; Miah, Sajahan; Khanam, Mahfuza; Ahmed, Sabbir (eds.). Banglapedia: the National Encyclopedia of Bangladesh (Online ed.). Dhaka, Bangladesh: Banglapedia Trust, Asiatic Society of Bangladesh. ISBN 984-32-0576-6. OCLC 52727562. Retrieved ᱗ ᱢᱟᱨᱪ ᱒᱐᱒᱔. {{cite encyclopedia}}: Check date values in: |access-date= (help)
  2. ᱒.᱐ ᱒.᱑ ᱒.᱒ Tanveer Ahmed, S. M. (8 February 2018). Christian Missions in East Bengal: The Life and Times of Archbishop Theotonius Amal Ganguly, CSC (1920-1977). Wipf and Stock Publishers. p. 107. ISBN 978-1-5326-1642-6.