ᱞᱮ ᱠᱚᱨᱵᱩᱡᱤᱭᱟᱨ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱞᱮ ᱠᱚᱨᱵᱩᱡᱤᱭᱟᱨ
Le Corbusier
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶCharles-Édouard Jeanneret-Gris[᱑]
᱖ ᱚᱠᱴᱚᱵᱚᱨ ᱑᱘᱘᱗(1887-10-06)
La Chaux-de-Fonds, Switzerland
ᱜᱩᱨ᱒᱗ ᱚᱜᱚᱥᱴ ᱑᱙᱖᱕ (᱗᱗ ᱵᱚᱭᱚᱥ)
Roquebrune-Cap-Martin, France
ᱫᱤᱥᱚᱢᱤᱭᱟᱹSwiss, French
ᱠᱟᱹᱢᱤArchitect
ᱥᱤᱨᱯᱷᱟᱹAIA Gold Medal (1961), Grand Officiers of the Légion d'honneur (1964)
ᱫᱟᱞᱟᱱ ᱠᱩVilla Savoye, Poissy
Villa La Roche, Paris
Unité d'habitation, Marseille
Notre Dame du Haut, Ronchamp
Buildings in Chandigarh, India
ᱯᱨᱚᱡᱮᱠᱴ ᱠᱩVille Radieuse
ᱥᱩᱦᱤ

ᱪᱟᱨᱞᱥ ᱮᱰᱳᱣᱟᱨᱰ ᱡᱤᱱᱮᱨᱮᱫ(᱖ ᱳᱠᱴᱳᱵᱚᱨ ᱑᱘᱘᱗ᱼ ᱒᱗ ᱚᱜᱚᱥᱴ ᱑᱙᱖᱕) ᱫᱚ ᱞᱮ ᱠᱚᱨᱵᱩᱡᱤᱭᱟᱨ ᱧᱩᱛᱩᱢ ᱞᱮᱠᱟ ᱛᱮ ᱦᱚᱸ ᱦᱚᱲ ᱠᱚ ᱵᱟᱰᱟᱭᱟ ᱾ ᱟᱡᱟᱜ ᱩᱯᱨᱩᱢ ᱫᱚ ᱢᱤᱫ ᱥᱩᱭᱤᱥᱼᱯᱷᱳᱨᱟᱥᱤ ᱛᱷᱟᱯᱚᱱᱤᱭᱟᱹ (ᱟᱨᱪᱤᱴᱮᱠᱴ), ᱰᱤᱡᱟᱭᱤᱱᱚᱨ,ᱱᱟᱜᱟᱨ ᱡᱩᱛᱤᱡ, ᱨᱚᱸᱜ ᱠᱟᱹᱨᱤᱠᱚᱨ, ᱚᱱᱚᱞᱤᱭᱟᱹ ᱞᱮᱠᱟᱛᱮ ᱢᱮᱱᱟᱜᱼᱟ ᱾ ᱱᱟᱦᱟᱜ ᱫᱚ ᱟᱡ pioneer of modern architect ᱞᱮᱠᱟ ᱛᱮ ᱦᱚᱸ ᱟᱡᱟᱜ ᱩᱯᱩᱨᱩᱢ ᱢᱮᱱᱟᱜᱼᱟ ᱾ ᱟᱡᱟᱜ ᱡᱟᱱᱟᱢ ᱥᱩᱭᱡᱚᱨᱞᱟᱸᱰ ᱨᱮ ᱦᱩᱭ ᱞᱮᱱ ᱛᱟᱦᱮᱱ ᱟᱨ ᱑᱙᱓᱐ ᱨᱮ ᱟᱡ ᱯᱷᱟᱨᱟᱱᱥ ᱨᱮᱭᱟᱜ ᱱᱟᱜᱨᱤᱠ ᱮ ᱦᱩᱭ ᱮᱱᱟ ᱾ ᱟᱡ ᱢᱚᱬᱮ ᱜᱮᱞ ᱥᱮᱨᱢᱟ ᱫᱷᱟᱹᱵᱤᱡ ᱮ ᱠᱟᱹᱢᱤ ᱞᱮᱫᱼᱟ ᱱᱚᱶᱟ ᱵᱷᱤᱛᱨᱤ ᱨᱮ ᱟᱡ ᱤᱭᱩᱨᱚᱯ, ᱡᱟᱯᱟᱱ, ᱥᱤᱧᱚᱛ, ᱮᱛᱚᱢ ᱟᱨ ᱠᱚᱧᱮ ᱟᱢᱮᱨᱤᱠᱟ ᱨᱮ ᱱᱟᱱᱟ ᱵᱟᱡᱟᱨ ᱟᱨ ᱱᱟᱜᱟᱨ ᱮ ᱵᱮᱨᱮᱫ ᱞᱮᱫ ᱛᱟᱦᱮᱸᱫ ᱾

ᱵᱷᱤᱲ ᱟᱠᱟᱱ ᱱᱟᱜᱟᱨ ᱨᱤᱱ ᱦᱚᱲ ᱠᱚ ᱥᱩᱥᱟᱹᱨ ᱡᱤᱭᱚᱱ ᱮᱢ ᱞᱟᱹᱜᱤᱫ ᱱᱟᱜᱟᱨ ᱥᱟᱯᱲᱟᱣ ᱠᱟᱹᱢᱤ ᱨᱮᱱᱟᱜ ᱚᱨᱥᱚᱝ ᱠᱚᱨᱵᱩᱡᱤᱭᱟᱨ ᱟᱜ ᱡᱤᱭᱚᱱ ᱨᱮ ᱟᱹᱰᱤ ᱜᱮ ᱵᱟᱡᱟᱣ ᱟᱫᱮ ᱛᱟᱦᱮᱸᱫ ᱾ ᱚᱱᱟ ᱠᱷᱟᱹᱛᱤᱨ ᱱᱚᱶᱟ ᱠᱟᱹᱢᱤ ᱨᱮ ᱵᱟᱹᱲᱛᱤ ᱡᱤᱣᱤ ᱮᱢ ᱞᱮᱫᱼᱟᱭ ᱾ Congrès International d'Architecture Moderne (CIAM). ᱨᱮ ᱦᱚᱸ ᱟᱡ ᱵᱩᱱᱤᱭᱟᱹᱫ ᱥᱚᱦᱚᱫᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱪᱚᱱᱰᱤᱜᱚᱰ ᱱᱟᱜᱟᱨ ᱨᱮᱱᱟᱜ ᱪᱷᱟᱸᱪ ᱟᱨ ᱚᱱᱰᱮᱱᱟᱜ ᱟᱹᱰᱤᱜᱟᱱ ᱯᱟᱠᱟ ᱫᱚᱞᱟᱱ ᱨᱮᱱᱟᱜ ᱴᱷᱟᱹᱣᱠᱟᱹ ᱪᱷᱟᱸᱪ ᱮ ᱵᱮᱱᱟᱣ ᱞᱮᱫᱼᱟ ᱾

᱑᱗ ᱡᱩᱞᱟᱭ ᱒᱐᱑᱖ ᱨᱮ ᱞᱮ ᱠᱚᱨᱵᱩᱡᱤᱭᱟᱨ ᱵᱮᱱᱟᱣ ᱟᱠᱟᱫ ᱑᱗ ᱜᱚᱴᱟᱝ ᱫᱤᱥᱚᱢ ᱨᱮᱱᱟᱜ ᱑᱗ ᱜᱚᱴᱟᱝ ᱯᱨᱳᱡᱮᱠᱴ ᱫᱚ UNESCO ᱟᱜ world heritage ᱥᱟᱛᱟᱢ ᱨᱮᱱᱟᱜ The Architectural Work of Le Corbusier, an Outstanding Contribution to the Modern Movement ᱛᱷᱚᱠ ᱨᱮ ᱴᱷᱟᱶ ᱮ ᱧᱟᱢ ᱟᱠᱟᱫᱼᱟ ᱾

ᱟᱬᱜᱟᱛ ᱡᱤᱭᱚᱱ (᱑᱘᱘᱗ᱼ᱑᱙᱐᱔)[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱟᱨᱞᱥ ᱮᱰᱳᱣᱟᱨᱰ ᱡᱤᱱᱮᱨᱮᱫ ᱫᱚ ᱖ ᱚᱠᱴᱳᱵᱚᱨ ᱑᱘᱘᱗ ᱥᱟᱞ ᱨᱮ ᱯᱷᱨᱟᱱᱥ ᱥᱤᱢᱟᱹ ᱠᱷᱚᱱ ᱕ ᱠᱤᱹᱢᱤ ᱥᱟᱺᱜᱤᱧ ᱠᱚᱧᱮᱼᱯᱟᱪᱮ ᱥᱩᱭᱡᱚᱨᱞᱟᱸᱰ ᱫᱤᱥᱚᱢ ᱨᱮᱱᱟᱜ ᱞᱟ ᱪᱚᱣᱠᱥᱼᱰᱤᱼᱯᱷᱚᱱᱰᱥ ᱧᱩᱛᱩᱢ ᱢᱤᱫ ᱦᱩᱰᱤᱧ ᱵᱟᱡᱟᱨ ᱨᱮ ᱡᱟᱱᱟᱢ ᱞᱮᱱᱟᱟᱭ ᱾ ᱱᱚᱶᱟ ᱫᱚ ᱢᱤᱫ ᱠᱟᱹᱨᱠᱷᱟᱹᱱᱟᱼᱟᱱ ᱵᱟᱡᱟᱨ ᱠᱟᱱᱟ, ᱡᱟᱦᱟᱸ ᱨᱮ ᱜᱷᱩᱲᱤ ᱡᱟᱹᱥᱛᱤ ᱠᱚ ᱵᱮᱱᱟᱣᱼᱟ ᱾(ᱟᱡ ᱑᱙᱒᱐ ᱨᱮ ᱢᱤᱫ ᱵᱷᱤᱲᱠᱤ ᱧᱩᱛᱩᱢ ᱞᱮ ᱠᱚᱨᱵᱩᱡᱤᱭᱟᱨ ᱮ ᱟᱫᱮᱨ ᱠᱮᱫᱟᱭ)ᱟᱡ ᱵᱟᱵᱟ ᱫᱚ ᱜᱷᱩᱲᱤ ᱟᱨ ᱵᱟᱠᱥᱟᱭ ᱵᱮᱱᱟᱣ, ᱥᱟᱡᱟᱣ ᱟᱨ ᱡᱩᱛᱨᱟᱹᱣ ᱛᱟᱦᱮᱸᱫ ᱾ ᱟᱡ ᱟᱭᱳ ᱫᱚ ᱯᱭᱟᱱᱳ ᱪᱮᱪᱮᱫ ᱛᱟᱦᱮᱸᱫ ,ᱟᱡ ᱫᱟᱫᱟ ᱫᱚ ᱤᱱᱠᱟᱹ ᱱᱟᱥᱮ ᱢᱤᱫ ᱵᱷᱟᱭᱳᱞᱤᱱ ᱨᱩᱨᱩᱣᱤᱡ ᱮ ᱛᱟᱦᱮᱸ ᱠᱟᱱᱟᱭ ᱾ ᱟᱡ ᱡᱟᱦᱟᱸ ᱟᱥᱲᱟ ᱨᱮ ᱯᱩᱭᱞᱩ ᱪᱟᱞᱟᱣ ᱮᱱᱟᱭ ᱚᱱᱰᱮ frobelian ᱞᱮᱠᱟ ᱛᱮᱠᱚ ᱯᱟᱲᱦᱟᱣ ᱠᱚᱣᱟ ᱾ ᱚᱱᱟ ᱚᱠᱛᱚ ᱨᱮ ᱟᱡ ᱨᱤᱱ ᱮᱴᱟᱜ ᱡᱩᱨᱤ ᱯᱷᱟᱨᱟᱸᱠ ᱞᱚᱭᱮᱰ ᱨᱟᱭᱤᱴ ᱟᱨ ᱢᱤᱭᱮᱥ ᱵᱷᱭᱟᱱ ᱫᱮᱨ ᱨᱚᱦᱮ ᱠᱚ ᱞᱮᱠᱟ ᱛᱷᱟᱯᱚᱱ ᱨᱮᱱᱟᱜ ᱫᱚ ᱚᱱᱠᱟ ᱥᱮᱪᱮᱫ ᱟᱨ ᱛᱟᱹᱞᱤᱢ ᱫᱚ ᱵᱟᱭ ᱦᱟᱛᱟᱣ ᱟᱠᱟᱫᱼᱟ ᱾ ᱟᱡ ᱑᱕ ᱥᱟᱞ ᱩᱢᱮᱨ ᱨᱮ ᱵᱷᱤᱡᱩᱣᱟᱞ ᱟᱨᱴ ᱨᱮ ᱜᱚᱨᱚᱡ ᱮ ᱵᱩᱡᱷᱟᱣ ᱠᱮᱫᱼᱟᱭ ᱟᱨ ᱞᱟ ᱪᱚᱣᱠᱥᱼᱰᱤᱼᱯᱷᱚᱱᱰᱥ ᱨᱮᱭᱟᱜ ᱢᱤᱫ ᱢᱩᱱᱥᱤᱯᱟᱞ ᱟᱨᱴ ᱥᱠᱩᱞ ᱨᱮ ᱫᱟᱜᱷᱚᱞ ᱮᱱᱟᱭ, ᱡᱟᱦᱟᱸ ᱨᱮ ᱜᱷᱩᱲᱤ ᱵᱮᱱᱟᱣ ᱥᱟᱶ ᱥᱟᱹᱜᱟᱹᱭ ᱢᱮᱱᱟᱜ ᱟᱯᱞᱟᱭᱰ ᱟᱨᱴ ᱠᱚ ᱯᱟᱲᱦᱟᱣ ᱠᱚ ᱛᱟᱦᱮᱸᱫ ᱾ ᱯᱮ ᱥᱮᱨᱢᱟ ᱛᱟᱭᱚᱢ ᱪᱟᱨᱞᱥ ᱮᱞ ᱮᱯᱟᱞᱴᱮᱱᱤᱭᱚᱨ ᱡᱟᱦᱟᱸᱭ ᱵᱩᱰᱟᱯᱮᱥᱴ ᱟᱨ ᱯᱭᱟᱨᱤᱥ ᱨᱮ ᱯᱟᱲᱦᱟᱣ ᱞᱮᱱᱟᱭ ᱩᱱᱤ ᱴᱷᱮᱱ "ᱥᱟᱡᱟᱣ ᱯᱚᱲᱦᱚᱱ" ᱮ ᱯᱟᱲᱷᱟᱣ ᱮᱱᱟᱭ ᱾ ᱞᱮ ᱠᱚᱨᱵᱩᱡᱤᱭᱟᱨ ᱚᱞ ᱞᱮᱫᱼᱟᱭ ᱮᱞ ᱮᱯᱞᱟᱴᱮᱱᱭᱤᱚᱨ ᱜᱮ ᱟᱡ ᱫᱚ ᱵᱤᱨ ᱨᱤᱱᱤᱡ ᱦᱚᱲ( "a man of the woods") ᱟᱨ ᱥᱤᱨᱡᱚᱱ ᱠᱷᱚᱱ ᱪᱤᱛᱟᱹᱨ ᱨᱚᱝ ᱮ ᱥᱮᱪᱮᱫ ᱟᱠᱟᱫᱤᱧᱟᱭ ᱾ ᱟᱨᱴ ᱤᱥᱠᱩᱞ ᱨᱮ ᱟᱡᱤᱡ ᱛᱷᱟᱯᱚᱱᱟᱹᱨᱤ ᱨᱤᱱᱤᱡ ᱢᱟᱪᱮᱛ ᱫᱚ ᱨᱮᱱᱮ ᱪᱟᱯᱟᱞᱟᱡ ᱮ ᱛᱟᱦᱮᱸ ᱠᱟᱱᱟᱭ , ᱮᱛᱚᱦᱚᱵ ᱚᱲᱟᱜ ᱪᱷᱟᱸᱪ ᱥᱟᱡᱟᱣ ᱨᱮ ᱱᱩᱭ ᱢᱟᱪᱮᱛᱼᱟ ᱞᱮ ᱠᱚᱨᱵᱩᱡᱤᱭᱟᱨ ᱪᱮᱛᱟᱱ ᱨᱮ ᱟᱹᱰᱤ ᱜᱮ ᱚᱨᱥᱚᱝ ᱛᱟᱦᱮᱸ ᱠᱟᱱᱟ ᱾ ᱟᱡ ᱟᱨᱦᱚᱸᱭ ᱞᱟᱹᱭᱼᱟ ᱟᱨᱴ ᱢᱟᱪᱮᱛ ᱨᱮᱸᱮ ᱪᱟᱯᱟᱞᱟᱡ ᱜᱮ ᱛᱷᱟᱯᱚᱱ ᱮ ᱵᱟᱪᱷᱚᱱ ᱚᱪᱚ ᱠᱮᱫᱮᱭᱟᱹ ᱟᱨ ᱵᱟᱝ ᱟᱡᱟᱜ ᱢᱟ ᱛᱷᱟᱯᱚᱱ ᱟᱨ ᱛᱷᱟᱯᱚᱱᱟᱹᱨᱤ ᱨᱮ ᱟᱹᱰᱤ ᱵᱚᱛᱚᱨ ᱛᱟᱦᱮᱸ ᱠᱟᱱ ᱾ ᱤᱧ ᱑᱖ ᱥᱟᱞᱼᱤᱧ ᱛᱟᱦᱮᱸ ᱠᱟᱱᱟ ᱟᱡᱟᱜ ᱨᱟᱭ ᱤᱧ ᱟᱸᱡᱚᱢ ᱠᱮᱫᱼᱟ ᱟᱨ ᱵᱟᱛᱟᱣ ᱠᱮᱫᱼᱟ ᱟᱨ ᱛᱷᱟᱯᱚᱱ ᱥᱮᱫᱼᱤᱧ ᱢᱟᱬᱟᱝ ᱤᱫᱤ ᱮᱱᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]