ᱚᱵᱽᱫᱩᱞ ᱠᱚᱞᱟᱢ
| |||||||||
| ᱧᱩᱛᱩᱢ | ᱚᱵᱽᱫᱩᱞ ᱠᱚᱞᱟᱢ | ||||||||
|---|---|---|---|---|---|---|---|---|---|
| ᱯᱟᱨᱥᱮᱛ | |||||||||
| ᱒᱕ ᱡᱩᱞᱟᱭ ᱒᱐᱐᱒
ᱠᱷᱚᱱ ᱒᱕ ᱡᱩᱞᱟᱭ ᱒᱐᱐᱗ | |||||||||
| ᱡᱤᱭᱚᱱ | |||||||||
| ᱡᱟᱱᱟᱢ ᱢᱟᱦᱟᱸ | ᱑᱕ ᱚᱠᱴᱚᱵᱚᱨ ᱑᱙᱓᱑
ᱨᱟᱢᱮᱥᱣᱚᱨᱚᱢ | ||||||||
| ᱵᱚᱝᱜᱟ ᱛᱟᱞᱟ | ᱒᱗ ᱡᱩᱞᱟᱭ ᱒᱐᱑᱕
ᱵᱮᱛᱷᱤᱱ ᱦᱚᱥᱯᱤᱴᱟᱞ, ᱥᱤᱞᱚᱝ | ||||||||
| ᱟᱯᱟᱛ | ᱡᱮᱭᱱᱩᱞᱟᱵᱽᱫᱤᱱ | ||||||||
| ᱮᱸᱜᱟᱛ | ᱚᱥᱤᱟᱢᱢᱟ | ||||||||
| ⚛ | |||||||||
| ᱜᱩᱱ | ᱥᱟᱬᱮᱥᱤᱭᱟᱹ | ||||||||
| ⚛ | |||||||||
| ᱥᱤᱨᱤᱡᱽ | |||||||||
| ➡ ᱵᱟᱞᱤᱥᱴᱤᱠ ᱢᱤᱥᱟᱭᱤᱞ,
➡ ᱞᱚᱸᱪ ᱵᱮᱦᱠᱤᱞ | |||||||||
| ᱢᱟᱺᱱ ᱥᱤᱨᱯᱷᱟᱹ | |||||||||
| ᱑᱙᱘᱙ | ᱯᱚᱫᱽᱢᱚ ᱵᱷᱩᱥᱚᱬ | ||||||||
| ᱑᱙᱙᱐ | ᱯᱚᱫᱽᱢᱚ ᱵᱤᱵᱷᱩᱥᱚᱬ | ||||||||
| ᱑᱙᱙᱗ | ᱵᱷᱟᱨᱚᱛ ᱨᱚᱛᱱᱚ | ||||||||
ᱟᱵᱩᱞ ᱯᱚᱠᱤᱨ ᱡᱮᱣᱱᱩᱞᱚᱵᱫᱤᱱ ᱚᱵᱽᱫᱩᱞ ᱠᱚᱞᱟᱢ ᱵᱟᱹᱲᱛᱤ ᱫᱚ A. P. J. Abdul kalam ᱢᱮᱱᱛᱮ ᱠᱚ ᱵᱟᱰᱟᱭᱮᱭᱟ ᱾ ᱚᱵᱽᱫᱩᱞ ᱠᱚᱞᱟᱢ ᱫᱚ ᱵᱷᱟᱨᱚᱛ ᱫᱤᱥᱚᱢ ᱨᱤᱱᱤᱡ ᱯᱟᱨᱥᱮᱛ ᱜᱚᱢᱠᱮ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱒᱐᱐᱒ ᱠᱷᱚᱱ ᱒᱐᱐᱗ ᱥᱟᱞᱮ ᱫᱷᱟᱹᱵᱤᱡ ᱾ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱨᱮᱱᱟᱜ ᱨᱟᱢᱮᱥᱣᱚᱨᱚᱢ ᱨᱮ ᱡᱟᱱᱟᱢ ᱠᱟᱛᱮ ᱦᱟᱨᱟᱵᱩᱨᱩ ᱞᱮᱱᱟ ᱾ ᱩᱱᱩᱤ ᱛᱤᱨᱩᱪᱤᱨᱚᱯᱚᱞᱞᱤ ᱨᱮᱱᱟᱜ ᱥᱮᱱᱴ ᱡᱚᱥᱮᱯᱷ ᱵᱤᱨᱫᱟᱹᱜᱟᱲ ᱠᱷᱚᱱ ᱯᱷᱤᱡᱤᱠᱟᱞ (physical science) ᱟᱨ ᱪᱮᱱᱱᱟᱭ ᱨᱮᱱᱟᱜ ᱢᱟᱫᱽᱨᱟᱥ ᱤᱱᱥᱴᱤᱪᱩᱴ ᱚᱯᱷ ᱴᱮᱠᱱᱚᱞᱚᱡᱤ ᱠᱷᱚᱱ ᱩᱰᱟᱹᱱ ᱤᱧᱡᱤᱱᱤᱭᱟᱹᱨ ᱥᱚᱱᱮᱨ ᱦᱟᱛᱟᱣᱞᱮᱫ ᱛᱟᱦᱮᱸᱫ ᱾ ᱫᱤᱥᱚᱢ ᱨᱤᱱ ᱯᱟᱨᱥᱮᱛ ᱦᱣᱭᱩᱜ ᱢᱟᱬᱟᱝ ᱨᱮ ᱰᱤᱯᱷᱮᱱᱥ ᱨᱤᱥᱚᱨᱪ & ᱰᱮᱵᱷᱞᱚᱯᱢᱮᱱᱴ ᱚᱨᱜᱟᱱᱤᱡᱮᱥᱚᱱ (DRDO) ᱟᱨ ᱤᱥᱨᱚ ᱨᱮ ᱩᱰᱟᱹᱱ ᱤᱧᱡᱤᱱᱤᱭᱟᱹᱨ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱵᱟᱞᱤᱥᱴᱤᱠ ᱢᱤᱥᱟᱭᱤᱞ ᱟᱨ ᱞᱚᱧᱪ ᱵᱮᱦᱠᱤᱞ ᱨᱮᱱᱟᱜ ᱥᱟᱬᱮᱥ ᱜᱮᱭᱟᱱ ᱮ ᱥᱮᱸᱫᱽᱨᱟ ᱚᱰᱚᱠ ᱞᱮᱫ ᱠᱷᱟᱹᱛᱤᱨ ᱠᱚᱞᱟᱢ ᱫᱚ ᱵᱷᱟᱨᱚᱛ ᱨᱤᱱᱤᱡ ᱢᱤᱥᱟᱭᱤᱞ ᱢᱮᱱ ᱢᱟᱺᱱ ᱠᱚ ᱮᱢ ᱟᱠᱟᱣᱫᱮᱭᱟ ᱾ ᱥᱟᱺᱜᱤᱧ ᱥᱮᱨᱢᱟ ᱥᱟᱬᱮᱥ ᱟᱨ ᱰᱤᱯᱷᱮᱱᱥ ᱥᱟᱬᱮᱥ ᱨᱮ ᱟᱡᱟᱜ ᱢᱟᱨᱟᱝ ᱮᱱᱮᱢ ᱞᱟᱹᱜᱤᱫ ᱑᱙᱙᱗ ᱥᱟᱞᱮ ᱨᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱤᱨᱯᱷᱟᱹ ᱵᱷᱟᱨᱚᱛ ᱨᱚᱛᱱᱚ ᱢᱟᱺᱱ ᱥᱟᱨᱦᱟᱣ ᱠᱚ ᱮᱢᱟᱫᱮᱭᱟ ᱾
ᱜᱤᱫᱽᱨᱟᱹ ᱵᱮᱲᱟ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱕ ᱚᱠᱴᱚᱵᱚᱨ ᱑᱙᱓᱑ ᱥᱟᱞᱮᱨᱮ ᱛᱟᱢᱤᱞᱱᱟᱰᱩ ᱨᱮᱱᱟᱜ ᱨᱟᱢᱮᱥᱣᱚᱨᱚᱢ ᱟᱹᱛᱩ ᱨᱮ ᱢᱤᱫ ᱨᱮᱸᱜᱮᱡ ᱢᱩᱥᱞᱟᱹ ᱚᱲᱟᱜ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱜᱤᱫᱽᱨᱟᱹ ᱵᱮᱲᱟ ᱟᱡᱟᱜ ᱧᱩᱛᱩᱢ ᱫᱚ ᱟᱵᱩᱞ ᱯᱚᱠᱤᱨ ᱡᱮᱣᱱᱩᱞᱚᱵᱫᱤᱱ ᱚᱵᱽᱫᱩᱞ ᱠᱚᱞᱟᱞ ᱛᱟᱦᱮᱸ ᱠᱟᱱᱟ ᱟᱨ ᱟᱯᱟᱛ ᱧᱩᱛᱩᱢ ᱫᱚ ᱡᱮᱭᱱᱩᱞᱚᱵᱽᱫᱤᱱ ᱟᱨ ᱮᱸᱜᱟᱛ ᱫᱚ ᱚᱥᱤᱟᱢᱢᱟ ᱧᱩᱛᱩᱢᱟᱭ ᱛᱟᱦᱮᱸᱫ ᱾ ᱚᱵᱫᱩᱞ ᱟᱡ ᱵᱟᱵᱟ ᱫᱚ ᱞᱟᱹᱣᱲᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾[᱑] ᱚᱲᱟᱜ ᱨᱮᱱᱟᱜ ᱟᱨᱡᱟᱣ ᱨᱮ ᱥᱚᱯᱚᱦᱚᱫ ᱞᱟᱹᱜᱤᱫ ᱚᱵᱽᱫᱩᱞ ᱫᱚ ᱟᱥᱲᱟ ᱪᱟᱞᱟᱜ ᱵᱚᱭᱚᱥ ᱨᱮ ᱦᱚᱸᱭ ᱠᱟᱹᱢᱤ ᱛᱟᱦᱮᱸᱫ ᱾ ᱩᱱᱤ ᱫᱚ ᱵᱮᱣᱨᱟ ᱥᱟᱠᱟᱢ (newspaper) ᱚᱲᱟᱜ ᱚᱲᱟᱜ ᱪᱟᱞᱟᱣ ᱠᱟᱛᱮ ᱦᱟᱹᱴᱤᱧ ᱛᱟᱦᱮᱸᱫ ᱟᱨ ᱨᱚᱢᱟᱱᱟᱛᱷᱯᱩᱨ ᱠᱷᱚᱱ ᱢᱮᱴᱨᱤᱠ ᱵᱤᱱᱤᱰ ᱯᱟᱥ ᱛᱟᱭᱚᱢ ᱛᱤᱨᱩᱪᱤᱨᱟᱯᱚᱞᱞᱤ ᱨᱮᱱᱟᱜ ᱥᱮᱱᱴ ᱡᱚᱥᱮᱯᱷ ᱵᱱᱨᱫᱟᱹᱜᱟᱲ ᱨᱮ ᱧᱩᱛᱩᱢᱮ ᱚᱞ ᱚᱪᱚᱞᱮᱫ ᱛᱟᱦᱮᱸᱫ ᱾ ᱚᱸᱰᱮ ᱠᱷᱚᱱ ᱯᱷᱤᱡᱤᱠᱟᱞ (physical) ᱥᱟᱬᱮᱥ ᱨᱮ ᱥᱚᱱᱮᱨ ᱮ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱑᱙᱕᱕ ᱥᱟᱞᱮᱨᱮ ᱢᱟᱰᱨᱟᱥᱮ ᱥᱮᱱᱮᱱᱟ ᱩᱰᱟᱹᱱ ᱤᱧᱡᱤᱱᱤᱭᱟᱹᱨ ᱯᱟᱲᱦᱟᱣᱜ ᱞᱟᱹᱜᱤᱫ ᱾ ᱢᱟᱰᱨᱟᱥ ᱤᱱᱥᱴᱤᱪᱩᱴ ᱚᱯ ᱴᱮᱨᱱᱚᱞᱚᱡᱤ ᱠᱷᱚᱱ ᱢᱟᱨᱟᱝ ᱥᱚᱱᱮᱨ ᱟᱢᱮᱴ ᱛᱟᱭᱚᱢ ᱑᱙᱖᱐ ᱥᱟᱞᱮᱨᱮ DRDO ᱨᱮ ᱢᱤᱫ ᱥᱟᱬᱮᱥᱤᱭᱟᱹ ᱞᱮᱠᱟᱛᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱾
ᱥᱟᱬᱮᱥᱤᱭᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱟᱨᱚᱛ ᱫᱤᱥᱚᱢ ᱨᱤᱱ ᱯᱷᱟᱹᱫᱽ ᱠᱚ ᱞᱟᱹᱜᱤᱫ ᱢᱤᱫ ᱦᱩᱰᱤᱧ ᱦᱮᱞᱤ ᱠᱟᱯᱴᱟᱨ ᱵᱮᱱᱟᱣ ᱠᱟᱛᱮ ᱟᱡᱟᱜ ᱟᱨᱡᱟᱣ ᱡᱤᱭᱚᱱ ᱫᱚᱭ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱛᱚᱵᱮ ᱟᱡ ᱠᱚ ᱮᱢᱟᱭ ᱠᱟᱱ ᱠᱟᱹᱢᱤ ᱨᱮ ᱫᱚ ᱟᱹᱰᱤ ᱠᱩᱥᱤ ᱵᱟᱭ ᱛᱟᱦᱮᱸ ᱠᱟᱱ ᱛᱟᱦᱮᱸᱫ ᱾ ᱛᱟᱭᱚᱢ ᱛᱮ ᱢᱟᱨᱟᱝ ᱥᱟᱬᱮᱥᱤᱭᱟᱹ ᱵᱤᱠᱨᱚᱢ ᱥᱚᱨᱟᱵᱷᱟᱭᱤ ᱛᱟᱹᱨᱤ ᱨᱮ ᱠᱟᱹᱢᱤ ᱨᱮᱱᱟᱜ ᱫᱟᱣᱼᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱵᱤᱠᱨᱤᱢ ᱥᱚᱨᱟᱵᱷᱟᱭᱤ ᱫᱚ ᱟᱡᱤᱡ ᱟᱹᱭᱩᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱑᱙᱖᱙ ᱥᱟᱞᱮ ᱨᱮ ᱤᱱᱰᱤᱭᱟᱱ ᱥᱯᱮᱥ ᱨᱤᱥᱚᱨᱪ ᱚᱨᱜᱟᱱᱤᱡᱮᱥᱚᱱ (ᱤᱥᱨᱚ) ᱨᱮ ᱩᱪᱟᱹᱲ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱵᱷᱟᱨᱚᱛ ᱨᱮᱱᱟᱝ ᱮᱛᱚᱦᱚᱵ ᱥᱮᱴᱞᱟᱭᱤᱴ ᱞᱚᱧᱪ ᱵᱮᱦᱠᱤᱞ(ᱥᱞᱵ-᱓) ᱯᱨᱚᱡᱮᱠᱴ ᱨᱤᱱᱤᱡ ᱫᱤᱥᱟᱹᱫᱩᱜᱤᱡ ᱛᱟᱦᱮᱸ ᱠᱟᱱᱟᱭ ᱾ ᱵᱟᱞᱤᱥᱴᱤᱠ ᱢᱤᱥᱟᱭᱤᱞ ᱟᱨ ᱞᱚᱧᱪ ᱵᱮᱦᱠᱤᱞ ᱨᱮᱱᱟᱜ ᱢᱟᱨᱟᱝ ᱩᱫᱽᱜᱟᱹᱣ ᱮᱱᱮᱢ ᱞᱟᱹᱜᱤᱫ ᱢᱤᱥᱟᱭᱤᱞ ᱢᱮᱱ ᱢᱮᱱ ᱛᱮ ᱠᱚ ᱢᱮᱛᱟᱭᱟ ᱾
ᱯᱟᱨᱥᱮᱛ ᱞᱮᱠᱟᱛᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱟᱨᱚᱛ ᱫᱤᱥᱚᱢ ᱨᱤᱱᱤᱡ ᱑᱑ ᱟᱱᱤᱡ ᱯᱨᱥᱮᱛ ᱞᱮᱠᱟᱛᱮ ᱒᱕ ᱡᱩᱞᱟᱭ ᱒᱐᱐᱒ ᱠᱷᱚᱱ ᱒᱕ ᱡᱩᱞᱟᱭ ᱒᱐᱐᱗ ᱥᱮᱨᱢᱟ ᱫᱷᱟᱹᱵᱤᱡ ᱵᱷᱟᱹᱨᱭᱟᱹᱭ ᱜᱚᱜ ᱞᱮᱫ ᱛᱟᱦᱮᱸᱫ ᱾ ᱫᱤᱥᱚᱢ ᱦᱚᱲ ᱠᱚ ᱛᱟᱞᱟ ᱨᱮ ᱯᱟᱨᱥᱮᱛ ᱞᱮᱠᱟᱛᱮ ᱟᱡᱟᱜ ᱟᱨ ᱢᱤᱫ ᱵᱷᱮᱜᱟᱨ ᱩᱯᱨᱩᱢ ᱛᱟᱦᱮᱸ ᱠᱟᱱ ᱛᱟᱭᱟ ᱾
ᱚᱱᱚᱞ ᱯᱩᱛᱷᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱵᱽᱫᱩᱞ ᱠᱚᱞᱟᱢ ᱫᱚ ᱟᱭᱢᱟ ᱯᱩᱛᱷᱤ ᱠᱚ ᱦᱚᱸᱭ ᱚᱞ ᱞᱮᱫ ᱛᱟᱦᱮᱸᱫ ᱾ ᱟᱡᱟᱜ ᱚᱱᱚᱞ ᱠᱚ ᱢᱩᱸᱫᱽ ᱠᱷᱚᱱ ᱤᱜᱽᱱᱟᱭᱴᱮᱰ ᱢᱟᱭᱤᱸᱰᱥ (᱒᱐᱐᱒) , ᱣᱤᱝᱥ ᱚᱯᱷ ᱯᱷᱟᱭᱟᱨ(᱑᱙᱙᱙) ᱟᱨ ᱤᱱᱰᱤᱭᱟ-᱒᱐᱒᱐ ᱮ ᱵᱷᱤᱡᱚᱱ ᱯᱷᱚᱨ ᱫᱚ ᱱᱭᱩ ᱢᱤᱞᱤᱱᱤᱭᱚᱢ' ᱫᱤᱥᱚᱢ ᱨᱤᱴ ᱠᱚᱴᱤ ᱠᱚᱴᱤ ᱦᱚᱲ ᱞᱟᱹᱜᱤᱫ ᱩᱥᱠᱟᱣ ᱥᱟᱡᱟᱣᱟᱠᱟᱱᱟ ᱾ ᱣᱤᱝᱥ ᱚᱯᱷ ᱯᱷᱟᱭᱟᱨ ᱫᱚ ᱟᱡᱟᱜ ᱡᱤᱵᱚᱱ ᱠᱟᱹᱦᱱᱤ ᱠᱟᱱ ᱛᱟᱭᱟ ᱾ ᱚᱱᱟ ᱠᱚ ᱵᱮᱜᱚᱨ ᱩᱱᱤ ᱢᱤᱥᱚᱱ ᱤᱱᱰᱤᱭᱟ, ᱤᱱᱥᱯᱟᱭᱨᱤᱝ ᱛᱷᱚᱴᱥ ᱮᱢᱟᱱ ᱯᱚᱛᱚᱵ ᱯᱩᱛᱷᱤ ᱠᱚᱭ ᱚᱞ ᱞᱮᱫ ᱛᱟᱦᱮᱸᱫ ᱾
ᱢᱟᱺᱱ ᱟᱨ ᱥᱤᱨᱯᱷᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱑☛ ᱑᱙᱘᱑ ᱥᱟᱞᱮ ᱨᱮ ᱵᱷᱟᱨᱚᱛ ᱥᱚᱨᱠᱟᱨ ᱯᱚᱫᱽᱢᱚ ᱵᱷᱩᱥᱚᱬ ᱥᱤᱨᱯᱷᱟᱹᱭ ᱮᱢᱟᱫ ᱫᱮ ᱛᱟᱦᱮᱫ
- ᱒☛ ᱑᱙᱙᱐ ᱥᱟᱞᱮ ᱨᱮ ᱯᱚᱫᱽᱢᱚ ᱵᱤᱵᱷᱩᱥᱚᱬ
- ᱓☛ ᱑᱙᱙᱗ ᱥᱟᱞᱮᱨᱮ ᱵᱷᱟᱨᱚᱛ ᱨᱚᱛᱱᱚ
- ᱔☛ ᱑᱙᱙᱗ ᱤᱱᱫᱽᱨᱟ ᱜᱟᱱᱫᱷᱤ ᱥᱤᱨᱯᱷᱟᱹ ᱵᱷᱟᱨᱚᱛᱤᱭᱚ ᱡᱟᱛᱤᱭᱚ ᱠᱚᱝᱜᱨᱮᱥ ᱯᱟᱦᱴᱟ ᱠᱷᱚᱱ
- ᱕☛ ᱑᱙᱙᱘ ᱥᱟᱞᱮ ᱨᱮ ᱵᱤᱨ ᱥᱚᱵᱷᱚᱨᱠᱚᱨ ᱢᱟᱺᱱ
ᱚᱱᱟ ᱥᱟᱶᱛᱮ ᱟᱭᱢᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱰᱤᱠᱴᱚᱨᱮᱴ ᱢᱟᱺᱱ ᱧᱟᱢ ᱟᱠᱟᱫᱟᱭ
ᱵᱚᱝᱜᱟ ᱛᱟᱞᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱵᱫᱩᱞ ᱠᱚᱞᱟᱢ ᱛᱤᱠᱤᱱ ᱫᱚ ᱥᱤᱞᱚᱝ ᱨᱮᱱᱟᱜ ᱵᱮᱛᱷᱤᱱ ᱦᱚᱥᱯᱤᱴᱟᱞ ᱨᱮ ᱟᱹᱠᱤᱱᱟᱜ ᱥᱟᱦᱮᱫ ᱫᱚ ᱛᱚᱯᱟᱜ ᱞᱮᱱ ᱛᱟᱦᱮᱸᱫ ᱾ ᱜᱟᱞᱚᱪ ᱮᱢ ᱚᱠᱛᱚ ᱨᱮ ᱟᱪᱠᱟ ᱜᱮ ᱯᱷᱚᱠᱚᱥ ᱫᱷᱟᱠ (heartfelt) ᱛᱮ ᱠᱤᱱ ᱵᱷᱤᱸᱫᱟᱲᱮᱱᱟ ᱟᱨ ᱚᱱᱟ ᱛᱟᱭᱚᱢ ᱛᱮ ᱜᱮ ᱛᱷᱟᱹᱨᱛᱤ ᱫᱷᱩᱲᱤ ᱫᱚ ᱠᱤᱱ ᱵᱟᱹᱜᱤ ᱥᱟᱹᱨᱤ ᱠᱮᱜᱼᱟ ᱾[᱒]
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- Official website Archived ᱒᱐᱒᱑-᱐᱒-᱒᱗ at the Wayback Machine.
- Dr. A. P. J. Abdul Kalam: Former President of India
- [᱑] Archived ᱒᱐᱒᱑-᱐᱒-᱒᱗ at the Wayback Machine.
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ cite web|title = APJ Abdul Kalam speaks to Editorial Director M.J. Akbar about presidential elections 2012 : INTERVIEW - India Today|url = http://indiatoday.intoday.in/story/abdul-kalam-presidential-elections-2012-new-book-turning-points/1/203064.html%7Cwebsite[permanent dead link] = indiatoday.intoday.in|accessdate = 2015-08-04|deadurl = no|archiveurl = https://web.archive.org/web/20150731011511/http://indiatoday.intoday.in/story/abdul-kalam-presidential-elections-2012-new-book-turning-points/1/203064.html%7Carchivedate = 31 July 2015|df = dmy-all
- ↑ cite news|author1=Rishi Iyengar|title=India Pays Tribute to ‘People’s President’ A.P.J. Abdul Kalam|url=http://time.com/3974357/apj-abdul-kalam-death-tributes-condolences/%7Caccessdate=20 Archived ᱒᱐᱒᱐-᱐᱘-᱐᱔ at the Wayback Machine. August 2015|work=Time Inc.|date=28 July 2015|deadurl=no|archiveurl=https://web.archive.org/web/20150731002329/http://time.com/3974357/apj-abdul-kalam-death-tributes-condolences/%7Carchivedate%3D31 July 2015|df=dmy-all