ᱟᱹᱱᱯᱟᱹ ᱢᱟᱺᱨᱰᱤ
ᱟᱹᱱᱯᱟᱹ ᱢᱟᱺᱨᱰᱤ
 | |
|---|---|
| ᱡᱟᱱᱟᱢ | (᱐᱔.᱐᱕.᱑᱙᱘᱑ ) 1981 (age 42–43) ᱠᱟᱫᱩᱣᱟᱬᱤ, ᱢᱚᱭᱩᱨᱵᱷᱚᱸᱡᱽ, ᱳᱰᱤᱥᱟ |
| ᱠᱟᱹᱢᱤ | ᱚᱱᱚᱞᱤᱭᱟ. |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱥᱤᱨᱯᱷᱟᱹ | ᱠᱮᱸᱫᱽᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱡᱩᱣᱟᱹᱱ ᱥᱤᱨᱯᱷᱟ. - ᱒᱐᱑᱔ (Sahitya Akademi Yuva Puraskar - 2014) |
ᱟᱹᱱᱯᱟᱹ ᱢᱟᱺᱨᱰᱤ (ᱤᱝᱞᱤᱥ ᱺ Anpa Marndi) ᱫᱚ ᱐᱔/᱐᱕/᱑᱙᱘᱑ ᱥᱟᱞᱮ ᱨᱮᱭ ᱡᱟᱱᱟᱢ ᱟᱠᱟᱱᱟ ᱾ ᱟᱡ ᱫᱚ ᱢᱤᱫ ᱧᱩᱛᱩᱢᱟᱱ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱒᱐᱑᱔ ᱥᱟᱞᱮᱨᱮ ᱥᱟᱦᱤᱛᱭᱚ ᱮᱠᱟᱰᱮᱢᱤ, ᱱᱟᱣᱟ ᱫᱤᱞᱞᱤ ᱯᱟᱦᱴᱟ ᱠᱷᱚᱱ ᱟᱡᱟᱜ ᱢᱤᱫ ᱥᱚᱨᱮᱥ ᱚᱱᱚᱬᱦᱮ ᱯᱩᱛᱷᱤ ᱱᱟᱢᱟᱞ ᱞᱟᱹᱜᱤᱫ "ᱡᱩᱣᱟᱹᱱ ᱥᱤᱨᱯᱷᱟᱹ" ᱛᱮᱭ ᱢᱟᱹᱱ ᱦᱟᱞᱟᱝ ᱟᱠᱟᱱᱟ [᱑]
ᱡᱟᱱᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱹᱱᱯᱟᱹ ᱢᱟᱺᱨᱰᱤ ᱫᱚ ᱑᱙᱘᱑ ᱥᱟᱞᱮ ᱨᱮ ᱠᱟᱫᱩᱣᱟᱬᱤ ᱟᱹᱛᱩ ᱨᱮᱭᱟᱜ ᱢᱤᱫ ᱢᱟᱺᱨᱰᱤ ᱵᱟᱹᱠᱷᱳᱞ ᱨᱮᱭ ᱡᱟᱱᱟᱢ ᱟᱠᱟᱱᱟ ᱾ ᱱᱚᱣᱟ ᱟᱹᱛᱩ ᱫᱚ ᱵᱤᱥᱩᱭ ᱵᱽᱞᱚᱠ, ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ, ᱳᱰᱤᱥᱟ ᱨᱮ ᱯᱟᱲᱟᱣᱜ ᱠᱟᱱᱟ ᱾ ᱡᱟᱱᱟᱢ ᱵᱟᱵᱟᱦᱟᱜ ᱧᱩᱛᱩᱢ ᱫᱚ ᱫᱟᱹᱠᱷᱤᱱ ᱢᱟᱺᱨᱰᱤ ᱟᱨ ᱡᱟᱱᱟᱢ ᱟᱭᱳᱣᱟᱜ ᱧᱩᱛᱩᱢ ᱫᱚ ᱫᱚᱢᱚᱭᱚᱱᱛᱤ ᱢᱟᱺᱨᱰᱤ ᱢᱮᱱᱛᱮ ᱧᱩᱛᱩᱢ ᱟᱹᱠᱤᱱᱟ ᱾ ᱟᱹᱱᱯᱟᱹ ᱢᱟᱺᱨᱰᱤ ᱛᱤᱠᱤᱱ ᱫᱚ ᱵᱟᱨ ᱵᱚᱭᱦᱟᱜ ᱟᱹᱠᱤᱱ ᱾ ᱟᱡ ᱫᱚᱭ ᱢᱟᱨᱟᱝ ᱦᱚᱯᱚᱱ ᱠᱟᱱᱟ ᱟᱨ ᱟᱡ ᱠᱷᱚᱱ ᱦᱩᱰᱤᱧᱤᱡ ᱫᱚ ᱠᱩᱲᱤ ᱵᱩᱦᱤᱱ ᱠᱟᱱᱟᱭ ᱾
ᱚᱞᱚᱜ ᱯᱚᱲᱦᱚᱱ ᱟᱨ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡ ᱫᱚ ᱩᱛᱠᱚᱲ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱵᱟᱬᱤᱵᱤᱦᱟᱨ, ᱵᱷᱩᱵᱽᱱᱮᱥᱚᱨ ᱠᱷᱚᱱ M.A. ᱠᱟᱛᱮ M.Phil ᱮ ᱥᱟᱹᱛ ᱟᱠᱟᱫ-ᱟ ᱾ ᱱᱤᱛᱚᱜ ᱫᱚ ᱩᱛᱠᱚᱲ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱯᱤᱹᱡᱤᱹ ᱰᱤᱯᱟᱴᱢᱮᱴ ᱳᱰᱤᱭᱟᱹ ᱨᱮ Asst. Prof. ᱞᱮᱠᱟᱛᱮᱭ ᱠᱟᱹᱢᱤ ᱠᱟᱱᱟ ᱾
ᱥᱟᱶᱦᱮᱫ ᱠᱟᱹᱢᱤᱦᱚᱨᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱺᱨᱰᱤ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮ ᱚᱱᱚᱬᱦᱮ, ᱠᱷᱟᱴᱚ ᱠᱟᱹᱦᱱᱤ, ᱟᱨ ᱠᱷᱟᱴᱚ ᱜᱟᱭᱟᱱ ᱠᱚᱭ ᱚᱞᱟ ᱾ ᱚᱱᱟ ᱥᱟᱶ ᱥᱟᱶᱛᱮ ᱳᱰᱤᱭᱟᱹ ᱯᱟᱹᱨᱥᱤ ᱛᱮᱦᱚᱸ ᱠᱟᱹᱦᱱᱤ, ᱚᱱᱚᱬᱦᱮ ᱠᱚ ᱚᱞ ᱟᱹᱰᱤ ᱟᱭᱢᱟᱭ ᱠᱩᱥᱤᱭᱟᱜ-ᱟ ᱾ ᱚᱱᱟᱛᱮ ᱳᱰᱤᱭᱟᱹ ᱯᱟᱹᱨᱥᱤ ᱛᱮᱦᱚᱸ ᱟᱹᱰᱤ ᱜᱟᱱ ᱠᱟᱹᱦᱱᱤ, ᱚᱱᱚᱬᱦᱮ ᱠᱚᱭ ᱚᱞ ᱟᱠᱟᱫ-ᱟ ᱾ ᱟᱹᱰᱤ ᱩᱥᱟᱹᱨᱟ ᱜᱮ ᱳᱰᱤᱭᱟᱹ ᱯᱟᱹᱨᱥᱤ ᱛᱮ ᱚᱱᱚᱬᱦᱮ ᱯᱩᱛᱷᱤ ᱪᱷᱟᱯᱟ ᱯᱟᱨᱥᱟᱞᱚᱜ ᱛᱟᱺᱜᱤᱨᱮ ᱢᱮᱱᱟᱜ-ᱟ ᱾ ᱟᱡ ᱫᱚ ᱥᱟᱱᱛᱟᱲᱤ ᱟᱨ ᱳᱰᱤᱭᱟᱹ ᱵᱟᱱᱟᱨ ᱯᱟᱹᱨᱥᱤ ᱜᱮ ᱯᱟᱲᱦᱟᱣ ᱨᱮᱦᱚᱸ ᱟᱹᱰᱤᱭ ᱠᱩᱥᱤᱭᱟᱜ-ᱟ ᱾ ᱟᱡ ᱫᱚ ᱢᱤᱫ ᱟᱹᱰᱤ ᱥᱚᱨᱮᱥ ᱪᱤᱛᱟᱹᱨ ᱵᱟᱰᱚᱦᱤ ᱦᱚᱸ ᱠᱟᱱᱟᱭ ᱾ ᱟᱡᱟᱜ ᱛᱤᱛᱮ ᱟᱹᱰᱤ ᱱᱟᱯᱟᱭ ᱞᱮᱠᱟᱱ ᱞᱮᱠᱟᱱ ᱪᱤᱛᱟᱹᱨ ᱠᱚ ᱜᱚᱲᱦᱚᱱ ᱥᱟᱹᱛ ᱟᱠᱟᱱᱟ ᱾ ᱚᱱᱟ ᱥᱟᱶᱛᱮ ᱟᱡ ᱫᱚ ᱥᱮᱨᱮᱧ ᱠᱚᱦᱚᱸᱭ ᱜᱟᱵᱟᱱ ᱥᱟᱶᱛᱮ ᱥᱮᱨᱮᱧ ᱦᱚᱸᱭ ᱥᱮᱨᱮᱧᱟ ᱾ ᱟᱡᱟᱜ ᱚᱱᱚᱞ ᱥᱟᱛᱟᱢ ᱠᱚ ᱟᱹᱰᱤᱜᱟᱱ ᱯᱟᱛᱷᱟᱢ ᱠᱚᱨᱮ ᱦᱚᱸ ᱜᱷᱟᱱᱮ ᱜᱮ ᱪᱷᱟᱯᱟ ᱯᱟᱨᱥᱟᱞ ᱟᱠᱟ ᱢᱮᱱᱟᱜ-ᱟ ᱾ ᱟᱹᱱᱯᱟᱹ ᱢᱟᱺᱨᱰᱤ ᱫᱚ ᱟᱹᱰᱤ ᱜᱟᱱ ᱥᱟᱶᱛᱟᱨᱤ ᱜᱟᱶᱛᱟ ᱠᱚ ᱥᱟᱶ ᱦᱚᱸ ᱡᱩᱦᱩᱲᱟᱹᱣ ᱨᱮ ᱢᱮᱱᱟᱭᱟ ᱟᱨ ᱥᱟᱶᱛᱟ ᱠᱟᱹᱢᱤ ᱥᱟᱶ ᱦᱚᱸ ᱞᱮᱛᱟᱲ ᱡᱩᱲᱟᱹᱭ ᱨᱮᱭ ᱛᱟᱦᱮᱸ ᱟᱹᱜᱩ ᱟᱠᱟᱱᱟ ᱾
ᱢᱟᱹᱱ ᱥᱟᱨᱦᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱶᱦᱮᱫ ᱟᱠᱷᱲᱟ ᱨᱮ ᱟᱡᱟᱜ ᱥᱚᱨᱮᱥ ᱮᱱᱮᱢ ᱠᱷᱟᱹᱛᱤᱨ ᱟᱹᱰᱤᱜᱟᱱ ᱜᱟᱶᱛᱟ ᱠᱚᱨᱮ ᱠᱷᱚᱱ ᱢᱟᱹᱱ ᱥᱟᱨᱦᱟᱣ ᱦᱚᱸᱭ ᱟᱢᱮᱴ ᱟᱠᱟᱫ-ᱟ ᱾ ᱟᱨ ᱒᱐᱑᱔ ᱥᱟᱞᱮᱨᱮ ᱟᱡᱟᱜ ᱥᱟᱱᱛᱟᱲᱤ ᱯᱟᱹᱨᱥᱤ ᱚᱱᱚᱬᱦᱮ ᱯᱩᱛᱷᱤ "ᱱᱟᱢᱟᱞ" ᱞᱟᱹᱜᱤᱫ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱱᱟᱣᱟ ᱫᱤᱞᱞᱤ ᱯᱟᱦᱴᱟ ᱠᱷᱚᱱ "ᱡᱩᱣᱟᱹᱱ ᱥᱤᱨᱯᱷᱟᱹ" ᱛᱮᱦᱚᱸᱭ ᱢᱟᱹᱱ ᱥᱟᱨᱦᱟᱣ ᱟᱠᱟᱱᱟ ᱾