ᱠᱚᱞᱯᱚᱱᱟ (ᱠᱚᱱᱱᱚᱲ ᱯᱟᱴᱷᱚᱠᱤᱭᱟᱹ)

ᱠᱚᱞᱯᱚᱱᱟ
ᱨᱮᱫ:Kannada actress Kalpana.jpeg
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ	ᱥᱟᱨᱟᱛ ᱞᱚᱛᱟ ᱑᱘ ᱡᱩᱞᱟᱭ ᱑᱙᱔᱓(1943-07-18) ᱠᱚᱧᱮ ᱠᱟᱱᱮᱨᱟ, ᱢᱟᱫᱽᱨᱟᱥ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱥᱤᱧᱚᱛ ᱱᱤᱛᱚᱜ ᱢᱟᱱᱜᱚᱞᱳᱨ
ᱜᱩᱨ	᱑᱒ ᱢᱮ ᱑᱙᱗᱙ (᱓᱕ ᱵᱚᱭᱚᱥ) ᱥᱟᱱᱠᱮᱥᱣᱚᱨ, ᱠᱚᱨᱱᱟᱴᱚᱠ, ᱥᱤᱧᱚᱛ
ᱮᱴᱟᱜ ᱧᱩᱛᱩᱢ	ᱢᱤᱱᱩᱜᱩ ᱛᱟᱨᱮ
ᱠᱟᱹᱢᱤ	ᱯᱟᱴᱷᱚᱠᱤᱭᱟᱹ
ᱡᱤᱭᱚᱱ ᱥᱚᱦᱮᱫ	ᱵᱤ. ᱮᱱ. ᱵᱤᱥᱣᱚᱱᱟᱛᱷ, ᱜᱩᱰᱤᱜᱤᱨᱤ ᱵᱟᱥᱟᱵᱚᱨᱟᱡᱽ

ᱠᱚᱞᱯᱚᱱᱟ (18 ᱡᱩᱞᱟᱭ 1943ᱼ12 ᱢᱮ 1979) ᱼ ᱡᱟᱱᱟᱢ ᱥᱚᱨᱚᱛ ᱞᱚᱛᱟ, ᱢᱤᱫ ᱵᱷᱟᱨᱚᱛᱤᱭᱚ ᱯᱟᱴᱷᱚᱠᱤᱭᱟᱹ ᱛᱟᱦᱮᱸᱠᱟᱱᱟ ᱡᱟᱦᱟᱸᱭ ᱫᱚ ᱠᱚᱱᱱᱚᱲ ᱪᱚᱞᱚᱛᱪᱤᱛᱟᱹᱨ ᱨᱮᱭ ᱯᱟᱴᱷ ᱞᱮᱫᱟ ᱾ ᱪᱚᱞᱚᱛ ᱪᱤᱛᱟᱹᱨ ᱨᱮᱱ ᱜᱟᱛᱮ ᱠᱚ ᱢᱩᱫᱽᱨᱮ ᱩᱱᱤ ᱫᱚ ᱢᱤᱱᱩᱜᱩ ᱛᱟᱨᱮ ('ᱢᱤᱫ ᱥᱳᱭᱤᱱᱤᱝ ᱥᱴᱟᱨ') ᱧᱩᱛᱩᱢ ᱛᱮ ᱩᱯᱨᱩᱢ ᱞᱮᱱᱟᱭ ᱾ ᱩᱱᱤ ᱫᱚ ᱠᱚᱱᱱᱚᱲ ᱪᱚᱞᱚᱛ ᱪᱤᱛᱟᱹᱨ ᱨᱮᱱ ᱥᱚᱨᱮᱥ ᱯᱟᱴᱷᱚᱠᱤᱭᱟᱹ ᱞᱮᱠᱟᱛᱮ ᱟᱹᱰᱤ ᱜᱟᱱ ᱠᱚ ᱩᱯᱨᱩᱢ ᱞᱮᱱᱟ, ᱡᱟᱦᱟᱸᱭ ᱫᱚ ᱯᱷᱮᱱ ᱯᱷᱳᱞᱩᱭᱝ ᱟᱨ ᱩᱭᱦᱟᱹᱨᱤᱭᱟᱹ ᱠᱚᱣᱟᱜ ᱥᱟᱨᱦᱟᱣ ᱵᱟᱱᱟᱨ ᱜᱮ ᱦᱟᱢᱮᱴ ᱞᱮᱫᱟ ᱾ ᱩᱱᱤ ᱫᱚ ᱢᱟᱨᱮᱱ ᱵᱤ ᱟᱨ ᱯᱟᱱᱛᱷᱩᱞᱩ ᱫᱟᱨᱟᱭ ᱛᱮ ᱥᱟᱯᱲᱟᱣ 1963 ᱥᱟᱹᱦᱤᱛ ᱨᱮ ᱪᱷᱟᱹᱲ ᱧᱟᱢ ᱥᱚᱠᱩ ᱢᱮᱜᱟᱞᱩ ᱨᱮ ᱢᱩᱲᱩᱫ ᱯᱟᱴᱷᱚᱠᱤᱭᱟᱹ ᱞᱮᱠᱟᱛᱮ ᱯᱚᱨᱫᱟ ᱨᱮᱭ ᱥᱚᱫᱚᱨ ᱞᱮᱱᱟ ᱾ 1960 ᱜᱮᱞᱟᱝ ᱨᱮᱭᱟᱜ ᱮᱛᱚᱦᱚᱵ ᱥᱮᱫ ᱠᱷᱚᱱ 1970 ᱜᱮᱞᱟᱝ ᱨᱮᱭᱟᱜ ᱢᱩᱪᱟᱹᱫ ᱥᱮᱫ ᱚᱠᱛᱚ ᱚᱠᱛᱚ ᱨᱮ, ᱩᱭᱦᱟᱹᱨᱟᱱ ᱫᱚ ᱟᱭᱢᱟ ᱵᱮᱯᱟᱨᱤᱭᱟᱹ ᱞᱮᱠᱟᱛᱮ ᱥᱤᱜᱤᱞ ᱥᱟᱶ ᱥᱟᱶᱛᱮ ᱩᱭᱦᱟᱹᱨᱤᱭᱟᱹ ᱠᱚ ᱫᱟᱨᱟᱭ ᱛᱮ ᱥᱟᱨᱦᱟᱣ ᱟᱠᱟᱱ ᱪᱚᱞᱚᱛᱪᱤᱛᱟᱹᱨ ᱨᱮᱭ ᱯᱟᱴᱷ ᱞᱮᱫᱟ, ᱡᱟᱦᱟᱸ ᱠᱚ ᱢᱩᱫᱽᱨᱮ ᱟᱭᱢᱟ ᱨᱮ ᱩᱱᱤ ᱯᱟᱴᱷᱚᱠ ᱨᱟᱡᱠᱩᱢᱟᱨ ᱥᱟᱶᱛᱮᱭ ᱯᱟᱴᱷ ᱞᱮᱫᱟ ᱾ ᱩᱱᱤ ᱠᱤᱪᱷᱩᱜᱟᱱ ᱛᱟᱢᱤᱞ,ᱛᱩᱞᱩ ᱟᱨ ᱢᱟᱞᱚᱭᱟᱞᱚᱢ ᱪᱚᱞᱚᱛᱪᱤᱛᱟᱹᱨ ᱨᱮᱦᱚᱸ ᱠᱟᱹᱢᱤ ᱟᱠᱟᱫᱟᱭ ᱾ ᱩᱱᱤᱭᱟᱜ ᱟᱭᱢᱟ ᱥᱤᱜᱤᱞ ᱪᱤᱛᱟᱹᱨ ᱛᱤᱨᱞᱟᱹ ᱛᱟᱞᱢᱟ ᱨᱮ ᱛᱟᱦᱮᱸ ᱠᱟᱱᱟ, ᱡᱟᱸᱦᱟ ᱫᱚ ᱩᱱᱤᱭᱟᱜ ᱯᱟᱴᱷ ᱞᱟᱹᱜᱤᱫ ᱟᱭᱢᱟ ᱴᱷᱟᱶ ᱮ ᱮᱢ ᱞᱮᱫᱟ ᱾

1971 ᱥᱟᱹᱦᱤᱛ ᱨᱮ ᱪᱷᱟᱹᱲ ᱧᱟᱢ ᱟᱭᱢᱟ ᱥᱤᱨᱯᱟᱹ ᱦᱟᱢᱮᱴᱟᱱ ᱪᱚᱞᱚᱛ ᱪᱤᱛᱟᱹᱨ 'ᱥᱚᱨᱯᱚᱱᱡᱚᱨ' ᱨᱮ 'ᱠᱟᱵᱮᱨᱤ' ᱨᱮ ᱯᱟᱴᱷ ᱫᱚ ᱩᱱᱤᱭᱟᱜ ᱥᱚᱨᱮᱥ ᱧᱩᱛᱩᱢᱟᱱ ᱪᱩᱨᱤᱛ ᱠᱚ ᱢᱩᱫᱽᱨᱮ ᱢᱤᱫᱴᱟᱝ ᱛᱟᱦᱮᱸᱠᱟᱱᱟ, ᱡᱟᱸᱦᱟ ᱫᱚ ᱩᱱᱤ ᱚᱱᱟ ᱥᱮᱨᱢᱟ ᱞᱟᱹᱜᱤᱫ ᱥᱚᱨᱮᱥ ᱯᱟᱴᱷᱚᱠᱤᱭᱟᱹ ᱞᱟᱹᱜᱤᱫ ᱠᱚᱨᱱᱟᱴᱚᱠ ᱯᱚᱱᱚᱛ ᱪᱚᱞᱚᱛ ᱪᱤᱛᱟᱹᱨ ᱥᱤᱨᱯᱟᱹ ᱦᱟᱢᱮᱴ ᱞᱮᱫᱟ ᱾ ᱩᱱᱤ ᱫᱚ ᱢᱤᱫ ᱟᱹᱰᱤ ᱡᱳᱨ ᱟᱱ ᱟᱨ ᱟᱱᱟᱴ ᱛᱤᱨᱞᱟᱹ ᱪᱩᱨᱤᱛ ᱨᱮ ᱯᱟᱴᱷ ᱞᱮᱫᱟᱭ, ᱡᱟᱦᱟᱸᱭ ᱫᱚ ᱟᱡᱟᱜ ᱢᱚᱱ ᱨᱮᱭᱟᱜ ᱴᱨᱟᱢ ᱥᱟᱶ ᱮ ᱞᱟᱹᱲᱦᱟᱹᱭ ᱞᱮᱫᱟ, ᱩᱱᱤ ᱫᱚ ᱢᱤᱫ ᱠᱚᱱᱱᱚᱲ ᱯᱟᱴᱷᱚᱠᱤᱭᱟᱹ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱢᱟᱨᱟᱝ ᱯᱷᱮᱱ ᱯᱷᱚᱞᱳᱣᱟᱱ ᱮ ᱦᱟᱢᱮᱴ ᱞᱮᱫᱟ ᱾ ᱢᱟᱨᱮᱱ ᱪᱚᱞᱚᱛ ᱪᱤᱛᱟᱹᱨ ᱵᱮᱱᱟᱣᱤᱡ ᱯᱩᱛᱛᱚᱱᱱᱟ ᱠᱟᱱᱟᱜᱟᱞ ᱥᱟᱶᱛᱮ ᱩᱱᱤᱭᱟᱜ ᱡᱳᱜᱟᱡᱳᱜ 1970 ᱜᱮᱞᱟᱝ ᱨᱮ ᱵᱮᱯᱟᱨᱤᱭᱟᱹ ᱞᱮᱠᱟᱛᱮ ᱟᱨ ᱦᱚᱲ ᱞᱮᱠᱟᱛᱮ ᱥᱟᱦᱟᱨ ᱨᱮ ᱠᱟᱛᱷᱟᱼᱵᱩᱴᱟᱹ ᱦᱩᱭ ᱞᱮᱱᱟ ᱾ ᱩᱱᱠᱩ ᱵᱟᱱᱟᱨ ᱜᱮ ᱵᱷᱮᱜᱟᱨ ᱵᱟᱝ ᱦᱩᱭ ᱫᱷᱟᱹᱵᱤᱡ ᱟᱭᱢᱟ ᱵᱮᱯᱟᱨᱤᱭᱟᱹ ᱟᱨ ᱩᱭᱦᱟᱹᱨᱤᱭᱟᱹ ᱠᱚᱣᱟᱜ ᱥᱤᱜᱤᱞ ᱪᱚᱞᱚᱛᱪᱤᱛᱟᱹᱨ ᱨᱮᱭ ᱠᱟᱹᱢᱤ ᱞᱮᱫᱟ ᱾ ᱟᱭᱟᱜ ᱠᱟᱹᱢᱤ ᱡᱤᱭᱚᱱ ᱨᱮ ᱩᱭᱦᱟᱹᱨᱟᱱ ᱫᱚ ᱢᱤᱫ ᱫᱷᱟᱣ ᱥᱚᱨᱮᱥ ᱯᱟᱴᱷᱚᱠᱤᱭᱟᱹ ᱞᱟᱹᱜᱤᱫ ᱯᱷᱤᱞᱢᱯᱷᱮᱭᱟᱨ ᱥᱤᱨᱯᱟᱹ ᱟᱨ ᱯᱮᱭᱟ ᱥᱚᱨᱮᱥ ᱯᱟᱴᱷᱚᱠᱤᱭᱟᱹ ᱞᱮᱠᱟᱛᱮ ᱠᱚᱨᱱᱟᱴᱚᱠ ᱯᱚᱱᱚᱛ ᱪᱚᱞᱚᱛ ᱪᱤᱛᱟᱹᱨ ᱥᱤᱨᱯᱟᱹ ᱧᱟᱢ ᱞᱮᱫᱟ ᱾

ᱮᱛᱚᱦᱚᱵ ᱡᱤᱭᱚᱱ

ᱥᱚᱨᱚᱛ ᱞᱚᱛᱟ 1943 ᱥᱟᱹᱦᱤᱛ ᱨᱮᱭᱟᱜ 18 ᱡᱩᱞᱟᱭ ᱢᱟᱲᱟᱝ ᱢᱟᱫᱨᱟᱡ ᱯᱚᱨᱥᱤᱰᱮᱱᱥᱤ ᱨᱮᱭᱟᱜ ᱫᱚᱠᱷᱤᱱ ᱠᱟᱱᱟᱨᱟ ᱦᱚᱱᱚᱛ ᱨᱮ (ᱱᱟᱦᱟᱜ ᱫᱚᱠᱠᱷᱤᱱ ᱠᱚᱱᱱᱚᱲ,ᱠᱚᱨᱱᱟᱴᱚᱠ) ᱢᱤᱫ ᱛᱩᱞᱩ ᱯᱟᱹᱨᱥᱤᱛᱮ ᱡᱩᱨᱤᱭ ᱠᱤᱥᱱᱟᱢᱩᱨᱛᱤ ᱟᱨ ᱡᱟᱱᱠᱟᱢᱢᱟ ᱨᱮᱱ ᱚᱲᱟᱜ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱫᱚ ᱜᱷᱟᱨᱚᱸᱡᱽ ᱨᱮ ᱚᱱᱩᱢᱟᱹᱱ ᱞᱮᱠᱟᱛᱮ ᱠᱚᱞᱯᱚᱱ ᱠᱚ ᱧᱩᱛᱩᱢ ᱞᱮᱫᱮᱭᱟ ᱾ ᱟᱡ ᱨᱮᱱ ᱢᱤᱫ ᱵᱚᱭᱦᱟ, ᱵᱚᱭᱦᱟ ᱫᱤᱵᱷᱚᱠᱚᱨ ᱛᱟᱦᱮᱸ ᱠᱟᱱᱟ ᱾ ᱠᱟᱶᱰᱤ ᱥᱤᱛᱟᱢᱢᱟ, ᱢᱤᱫ ᱯᱟᱴᱷᱚᱠᱤᱭᱟᱹ ᱥᱟᱶ ᱟᱡᱟᱜ ᱦᱩᱰᱤᱧ ᱫᱤᱱ ᱨᱮᱱᱟᱜ ᱡᱟᱹᱥᱛᱤ ᱚᱠᱛᱚ ᱚᱠᱛᱚ ᱛᱟᱭᱚᱢ ᱠᱚᱞᱯᱟᱱᱟ ᱜᱤᱫᱽᱨᱟᱹ ᱞᱮᱠᱟᱛᱮ ᱴᱷᱟᱶ ᱨᱮ ᱯᱟᱴᱷ ᱞᱟᱹᱜᱤᱫ ᱮ ᱧᱮᱞ ᱧᱟᱢ ᱞᱮᱫᱟ ᱾ ᱩᱱᱤ ᱫᱚ ᱱᱚᱣᱟ ᱚᱠᱛᱮ ᱨᱮ ᱵᱷᱟᱨᱚᱛ ᱨᱮᱭᱟᱜ ᱥᱟᱥᱛᱚᱨᱚ ᱮᱱᱮᱡ ᱨᱮᱭᱟᱜ ᱥᱮᱪᱮᱫᱮ ᱦᱟᱛᱟᱣ ᱞᱮᱫᱟ ᱟᱨ ᱢᱤᱫᱴᱟᱝ ᱦᱮᱯᱨᱟᱣ ᱨᱮ ᱯᱚᱱᱚᱛ ᱛᱷᱟᱨ ᱨᱮ ᱥᱤᱨᱯᱟᱹ ᱮ ᱦᱟᱢᱮᱴ ᱞᱮᱫᱟ ᱾ 1961 ᱥᱟᱹᱦᱤᱛ ᱠᱚᱱᱱᱚᱲ ᱯᱟᱹᱨᱥᱤ ᱨᱮᱭᱟᱜ ᱪᱚᱞᱚᱛ ᱪᱤᱛᱟᱹᱨ ᱠᱤᱛᱴᱩᱨ ᱪᱮᱱᱱᱟᱢᱢᱟ ᱨᱮ ᱵᱤ ᱥᱚᱨᱳᱡᱟ ᱫᱮᱵᱤᱭᱟᱜ ᱯᱟᱴᱷ ᱫᱟᱨᱟᱭ ᱛᱮ ᱚᱱᱩᱢᱟᱹᱱᱚᱜ ᱛᱟᱭᱚᱢ ᱩᱱᱤ ᱫᱚ ᱪᱚᱞᱚᱛ ᱪᱤᱛᱟᱹᱨ ᱨᱮ ᱯᱟᱴᱷ ᱞᱟᱹᱜᱤᱫ ᱮ ᱧᱮᱞ ᱧᱟᱢ ᱞᱮᱫᱟ ᱾

1960 ᱥᱚᱛᱚᱠ ᱨᱮᱭᱟᱜ ᱮᱛᱚᱦᱚᱵ ᱥᱮᱫ, ᱩᱭᱦᱟᱹᱨᱟᱱ ᱫᱚ ᱟᱡ ᱟᱭᱳ ᱟᱨ ᱵᱚᱭᱦᱟ ᱥᱟᱶᱛᱮ ᱪᱚᱞᱚᱛ ᱪᱤᱛᱟᱹᱨ ᱟᱨ ᱴᱷᱟᱶ ᱨᱮ ᱯᱟᱴᱷ ᱨᱮᱭᱟᱜ ᱮᱛᱚᱦᱚᱵ ᱠᱚ ᱯᱟᱲᱦᱟᱣ ᱞᱟᱹᱜᱤᱫ ᱩᱛᱛᱚᱨ ᱠᱚᱱᱱᱚᱲ ᱪᱟᱞᱟᱣ ᱞᱮᱱᱟ ᱾ ᱛᱟᱭᱚᱢ ᱫᱟᱨᱟᱢ ᱩᱱᱤ ᱫᱚ ᱫᱟᱵᱟᱝᱜᱮᱨᱮ ᱪᱟᱞᱟᱣ ᱮᱱᱟ, ᱡᱟᱦᱟᱸᱨᱮ ᱢᱤᱫᱦᱚᱲ ᱜᱟᱛᱮ ᱥᱤᱵᱠᱩᱢᱟᱨ ᱥᱟᱶ ᱧᱮᱞ ᱧᱟᱢ ᱛᱟᱭᱚᱢ, ᱯᱟᱴᱷᱚᱠ ᱱᱚᱨᱤᱥᱚᱢᱦᱚᱨᱡᱩ ᱛᱟᱞᱟᱛᱮ ᱩᱱᱤ ᱫᱚ ᱥᱮᱨᱮᱧ ᱠᱟᱹᱨᱤᱜᱚᱞ ᱟᱨ ᱪᱚᱞᱚᱛ ᱪᱤᱛᱟᱹᱨ ᱵᱮᱱᱟᱣᱤᱡ ᱵᱤ ᱟᱨ ᱯᱟᱱᱛᱷᱩᱞᱩ ᱥᱟᱶ ᱮ ᱩᱯᱨᱩᱢ ᱞᱮᱱᱟ ᱾ ᱩᱱᱤ ᱟᱭᱟᱜ 1963 ᱥᱟᱹᱦᱤᱛ ᱨᱮᱭᱟᱜ ᱠᱚᱱᱱᱚᱲ ᱪᱚᱞᱚᱛᱪᱤᱛᱟᱹᱨ ᱥᱚᱠᱩ ᱢᱮᱜᱟᱞᱩ ᱨᱮ ᱯᱟᱴᱷ ᱞᱮᱫᱟᱭ ᱾

ᱠᱟᱹᱢᱤᱡᱤᱭᱚᱱ

ᱨᱮᱫ:Kalpana kannada actress.jpg

ᱥᱚᱨᱯᱚᱱᱡᱚᱨ ᱨᱮ ᱩᱭᱦᱟᱹᱨ (1971)

ᱨᱩᱴᱮᱱᱴᱤᱠ ᱰᱨᱟᱢᱟ 'ᱥᱚᱠᱩ ᱢᱮᱜᱟᱞᱩ' (1963) ᱨᱮ ᱩᱭᱦᱟᱹᱨᱟᱱᱟ ᱨᱟᱡᱠᱩᱢᱟᱨ ᱪᱩᱨᱤᱛ ᱨᱮ ᱨᱜᱷᱩᱩᱨᱟᱢ ᱨᱮᱱ ᱯᱟᱞᱟᱣᱤᱡ ᱵᱚᱭᱦᱟ ᱟᱜ ᱪᱩᱨᱤᱛ ᱨᱮᱭ ᱯᱟᱴᱷ ᱞᱮᱫᱟ ᱾ ᱩᱱᱤ ᱫᱚ ᱠᱟᱵᱷᱟᱞᱮᱨᱲᱩ ᱠᱩᱞᱟᱵᱚᱱᱫᱩ (1965) ᱟᱨ ᱵᱟᱞᱟ ᱱᱟᱜᱚᱢᱢᱟ (1966) ᱪᱤᱛᱟᱹᱨ ᱨᱮ ᱵᱤᱨᱤᱫ ᱪᱩᱨᱤᱛ ᱨᱮᱭ ᱯᱟᱴᱷ ᱞᱮᱫᱟ ᱾ ᱱᱟᱱᱫᱤ (1964) ᱨᱮ ᱩᱱᱤ ᱫᱚ ᱨᱟᱡᱠᱩᱢᱟᱨ ᱟᱜ ᱪᱩᱨᱤᱛ ᱨᱮ ᱯᱳᱭᱞᱳ ᱮᱨᱟ ᱪᱩᱨᱤᱛ ᱨᱮᱭ ᱯᱟᱴᱷ ᱞᱮᱫᱟ ᱾ ᱵᱟᱱᱟᱨ ᱜᱩᱴ 19 ᱜᱚᱴᱟᱝ ᱠᱚᱱᱱᱚᱲ ᱪᱚᱞᱚᱛᱪᱤᱛᱟᱹᱨ ᱨᱮ ᱢᱤᱫ ᱥᱟᱶᱛᱮ ᱯᱟᱴᱷ ᱞᱟᱹᱜᱤᱫ ᱢᱤᱫ ᱵᱟᱨ ᱜᱟᱛᱮ ᱦᱩᱭ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱯᱟᱱᱛᱷᱩᱞᱩ ᱩᱱᱤ ᱥᱟᱶᱛᱮ ᱪᱤᱱᱱᱟᱫᱟ ᱜᱳᱢᱵᱮ (1964) ᱵᱮᱱᱟᱣ ᱞᱮᱫᱟᱭ ᱾ 1960 ᱜᱮᱞᱟᱝ ᱛᱟᱞᱟ ᱨᱮ ᱠᱚᱱᱱᱚᱲ ᱪᱚᱞᱚᱛᱪᱤᱛᱟᱹᱨ ᱨᱮᱭᱟᱜ ᱫᱟᱣ ᱵᱟᱝ ᱧᱟᱢ ᱠᱷᱟᱹᱛᱤᱨ ᱛᱮ, ᱩᱭᱦᱟᱹᱨᱟᱱᱟ ᱛᱟᱹᱢᱤᱞ ᱟᱨ ᱢᱟᱞᱚᱭᱟᱞᱚᱢ ᱯᱟᱹᱨᱥᱤ ᱨᱮᱭᱟᱜ ᱢᱤᱫ ᱵᱟᱨ ᱪᱚᱞᱚᱛᱪᱤᱛᱟᱹᱨ ᱨᱮᱭ ᱯᱟᱴᱷ ᱞᱮᱫᱟ ᱾

ᱵᱤᱨᱟᱹᱫᱟᱹᱞᱤ

ᱠᱚᱱᱱᱚᱲ ᱪᱚᱞᱚᱛ ᱪᱤᱛᱟᱹᱨ ᱨᱮᱱ ᱠᱷᱮᱹᱞᱤᱭᱟᱹ ᱠᱚ ᱪᱮᱛᱟᱱ ᱨᱮ "ᱢᱤᱱᱩᱜᱩ ᱛᱚᱨᱮ" (ᱴᱩᱭᱤᱱᱠᱞᱤᱝ ᱥᱴᱟᱨ) ᱧᱩᱛᱩᱢ ᱦᱟᱢᱮᱴᱟᱱ ᱯᱟᱴᱷᱚᱠᱤᱭᱟᱹ ᱠᱚᱞᱯᱟᱱᱟᱭᱟᱜ ᱜᱚᱡ ᱛᱟᱭᱚᱢ ᱠᱷᱚᱱ ᱟᱹᱰᱤ ᱦᱚᱸ ᱵᱟᱝ ᱠᱚ ᱵᱟᱝ ᱠᱚ ᱵᱟᱝ ᱧᱮᱞ ᱟᱠᱟᱱᱟ ᱾ ᱟᱱᱟᱴ ᱟᱨ ᱵᱟᱹᱲᱤᱡ ᱪᱩᱨᱤᱛ ᱨᱮ ᱯᱟᱴᱷ ᱞᱟᱹᱜᱤᱫ ᱩᱯᱨᱩᱢ, ᱩᱱᱤ ᱫᱚ ᱨᱩᱛᱟᱱ ᱦᱟᱞᱚᱛ ᱨᱮ ᱜᱚᱡ ᱞᱮᱱᱟ ᱾ ᱩᱱᱤ ᱫᱚ 1967 ᱠᱷᱚᱱ 1972 ᱥᱟᱹᱦᱤᱛ ᱦᱟᱹᱵᱤᱡ ᱠᱚᱱᱱᱚᱲ ᱪᱚᱞᱚᱛ ᱪᱤᱛᱟᱹᱨ ᱵᱤᱨᱤᱫ ᱨᱮ ᱥᱟᱥᱚᱱ ᱞᱮᱫᱟᱭ ᱾

ᱜᱩᱨ

1979 ᱥᱟᱹᱦᱤᱛ ᱨᱮᱭᱟᱜ 12 ᱢᱮ ᱠᱟᱞᱯᱚᱱᱟᱜ ᱜᱩᱨ ᱞᱮᱱᱟ ᱾ ᱩᱱᱤᱭᱟᱜ ᱟᱡ ᱜᱚᱡ ᱨᱮᱭᱟᱜ ᱚᱡᱮ ᱫᱚ ᱛᱟᱦᱮᱸ ᱠᱟᱱᱟ ᱦᱚᱲᱢᱚ ᱨᱮᱭᱟᱜ ᱟᱱᱟᱴ, ᱵᱮᱼᱵᱟᱹᱲᱤᱡ ᱠᱟᱹᱣᱰᱤ ᱟᱹᱨᱤ ᱠᱷᱚᱱ ᱮᱦᱚᱵ ᱠᱟᱛᱮ ᱵᱟᱝ ᱥᱤᱜᱤᱞ ᱟᱠᱟᱱ ᱨᱳᱢᱟᱱᱥ ᱦᱟᱹᱵᱤᱡ, ᱮᱱᱛᱮ ᱨᱮᱦᱚᱸ ᱪᱮᱫᱦᱚᱸ ᱛᱷᱟᱯᱚᱱ ᱵᱟᱝ ᱦᱩᱭ ᱟᱠᱟᱱᱟ ᱾ ᱢᱟᱨᱴᱚᱢ ᱨᱮ ᱵᱟᱰᱟᱭ ᱧᱟᱢ ᱞᱮᱠᱟᱛᱮ, ᱩᱱᱤ 56 ᱜᱚᱴᱟᱝ ᱥᱩᱲᱤ ᱨᱮᱭᱟᱜ ᱯᱚᱞᱤᱴᱤ ᱠᱚ ᱦᱟᱛᱟᱣ ᱞᱮᱫᱟ ᱾ ᱩᱱᱤ ᱫᱚ ᱟᱡᱟᱜ ᱢᱩᱪᱟᱹᱫ ᱫᱤᱱ ᱠᱚ ᱠᱚᱨᱱᱟᱴᱚᱠ ᱨᱮᱭᱟᱜ ᱵᱮᱞᱜᱟᱵᱷᱤ ᱨᱮ ᱥᱝᱠᱮᱥᱥᱚᱨ ᱴᱷᱮᱱ ᱜᱳᱴᱩᱨ ᱨᱮ ᱢᱤᱫᱴᱟᱝ ᱵᱤᱰᱟᱹᱣ ᱵᱚᱞᱜᱳ ᱨᱮᱭ ᱚᱠᱛᱚ ᱦᱟᱛᱟᱣ ᱞᱮᱫᱟ ᱾

ᱥᱤᱨᱯᱟᱹ

ᱯᱷᱤᱞᱢᱯᱷᱮᱭᱟᱨ ᱮᱣᱟᱨᱰᱥ ᱫᱚᱠᱷᱤᱱ

• ᱥᱚᱨᱮᱥ ᱯᱟᱴᱷᱚᱠᱤᱭᱟᱹᱼᱠᱟᱱᱟᱲᱼᱭᱟᱵᱷᱟ ᱡᱟᱱᱟᱢᱫᱟ ᱢᱮᱛᱨᱤ (1972)

ᱠᱚᱨᱱᱟᱴᱚᱠ ᱯᱚᱱᱚᱛ ᱪᱚᱞᱚᱛ ᱪᱤᱛᱟᱹᱨ ᱥᱤᱨᱯᱟᱹᱭ ᱧᱟᱢ ᱞᱮᱫᱟ

• ᱥᱚᱨᱮᱥ ᱯᱟᱴᱷᱚᱠᱤᱭᱟᱹᱼᱵᱮᱞᱞᱤ ᱢᱳᱫᱟ (1967)
• ᱥᱚᱨᱮᱥ ᱯᱟᱴᱷᱚᱠᱤᱭᱟᱹ-ᱦᱮᱱᱮᱞᱮ ᱪᱤᱜᱩᱨᱤᱫᱟᱜᱟ (1968)
• ᱥᱚᱨᱮᱥ ᱯᱟᱴᱷᱚᱠᱤᱭᱟᱹᱼᱥᱚᱨᱯᱚᱱᱡᱚᱨ (1971)