ᱠᱚᱠᱚᱨ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱠᱚᱠᱚᱨ ᱪᱮᱬᱮ

ᱠᱚᱠᱚᱨ ᱫᱚ ᱧᱤᱫᱟᱹ ᱫᱟᱬᱟᱱ ᱪᱮᱬᱮ ᱠᱟᱱᱟᱭ ᱟᱨ ᱮᱴᱟᱜ ᱪᱮᱬᱮ ᱢᱩᱸᱫᱽ ᱠᱷᱚᱱ ᱱᱩᱠᱩᱣᱟᱜ ᱦᱟᱛᱟᱝ ᱫᱚ ᱡᱟᱹᱥᱛᱤ ᱜᱮᱭᱟ ᱾ ᱢᱮᱫ ᱫᱚ ᱥᱟᱢᱱᱟ ᱥᱮᱫ ᱨᱮ ᱛᱟᱦᱮᱸᱱᱟ ᱟᱨ ᱞᱩᱛᱩᱨ ᱫᱚ ᱠᱩᱞᱟᱹᱭ ᱞᱩᱛᱩᱨ ᱞᱮᱠᱟ ᱛᱩᱞ ᱠᱚᱜ-ᱟ ᱾ ᱱᱩᱠᱩ ᱫᱚ ᱟᱱᱴᱟᱨᱴᱤᱠᱟ ᱵᱟᱫᱽ ᱠᱟᱛᱮ ᱜᱚᱴᱟ ᱫᱤᱥᱟ.ᱢ ᱨᱮᱜᱮ ᱠᱚ ᱧᱮᱞᱚᱜ-ᱟ ᱟᱨ ᱱᱩᱠᱩ ᱨᱤᱱ ᱥᱩᱨᱥᱩᱯᱩᱨ ᱒᱐᱐ ᱜᱚᱴᱟᱝ ᱡᱟᱹᱛ ᱢᱮᱱᱟᱜ ᱠᱚᱣᱟ ᱾ ᱠᱚᱠᱚᱨ ᱫᱮ ᱥᱟᱺᱜᱤᱧ ᱧᱮᱱᱮᱞ ᱠᱚ ᱠᱟᱱᱟ ᱠᱚ, ᱢᱮᱱᱫᱚ ᱥᱩᱨ ᱨᱮᱱᱟᱜ ᱫᱚ ᱵᱟᱠᱚ ᱧᱮᱞ ᱧᱟᱢ ᱫᱟᱲᱮᱭᱟᱜ-ᱟ ᱾ ᱡᱟᱦᱟᱸᱱ ᱥᱟᱰᱮ ᱟᱧᱡᱚᱢ ᱞᱟᱹᱜᱤᱫ ᱟᱨ ᱥᱮᱦᱮᱫ ᱵᱟᱰᱟᱭ ᱞᱟᱹᱜᱤᱫ ᱫᱚ ᱵᱟᱱᱟᱨ ᱞᱩᱛᱩᱨ ᱠᱚ ᱵᱮᱵᱷᱟᱨᱟ ᱾

ᱜᱩᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱠᱚᱨ ᱫᱮ ᱧᱤᱫᱟᱹ ᱫᱟᱬᱟᱱ ᱠᱩᱜ ᱠᱟᱱᱟ ᱠᱚ ᱪᱮᱫᱟᱜ ᱥᱮ ᱢᱟᱨᱥᱟᱞ ᱨᱮ ᱫᱚ ᱵᱟᱠᱚ ᱵᱮᱸᱜᱮᱫ ᱫᱟᱲᱮᱭᱟᱜ-ᱟ ᱾ ᱱᱩᱠᱩ ᱫᱚ ᱢᱤᱫ ᱞᱮᱠᱟᱱ ᱥᱮᱫᱽᱨᱟ ᱪᱮᱬᱮ ᱠᱟᱱᱟ ᱠᱚ ᱾ ᱱᱩᱠᱩ ᱫᱚ ᱦᱟᱹᱠᱩ, ᱜᱩᱰᱩ ᱟᱨ ᱛᱤᱡᱩ ᱠᱚ ᱡᱚᱢ ᱠᱚᱣᱟ ᱾ ᱠᱚᱠᱚᱨ ᱢᱮᱫ ᱫᱚ ᱥᱮᱬᱟ ᱜᱮᱭᱟ ᱟᱨ ᱢᱮᱫ ᱰᱚᱵᱷᱟᱜ ᱨᱮ ᱴᱟᱨᱦᱟᱣ ᱠᱚᱜ-ᱟ ᱵᱟᱭ ᱦᱤᱞᱟᱹᱣ-ᱟ ᱚᱠᱟ ᱥᱮᱫ ᱦᱚᱸ, ᱚᱱᱟ ᱠᱷᱟᱹᱛᱤᱨ ᱟᱠᱚᱣᱟᱜ ᱵᱚᱦᱚᱜ ᱫᱚ ᱒᱒᱗ ᱠᱚ ᱟᱹᱪᱩᱨ ᱫᱟᱲᱮᱭᱟᱜ-ᱟ ᱾

ᱠᱚᱠᱚᱨᱟᱜ ᱵᱟᱨ ᱞᱩᱛᱩᱨ ᱦᱚᱸ ᱥᱟᱢᱟᱝ ᱥᱮᱫ ᱨᱮ ᱛᱟᱦᱮᱸᱱᱟ ᱡᱟᱦᱟᱸ ᱥᱮᱫ ᱨᱮ ᱥᱟᱰᱮ ᱠᱚ ᱟᱧᱡᱚᱢ ᱞᱮᱠᱷᱟᱱ ᱚᱱᱛᱮ ᱜᱮ ᱵᱚᱦᱚᱜ ᱠᱚ ᱟᱹᱪᱩᱨᱟ ᱾ ᱛᱤᱱ ᱵᱷᱩᱨ ᱵᱟᱱᱟᱨ ᱞᱩᱛᱩᱨ ᱨᱮ ᱥᱟᱰᱮ ᱵᱮᱥ ᱛᱮ ᱵᱟᱭ ᱵᱟᱡᱟᱣ ᱟᱠᱟᱱᱟ ᱵᱟᱠᱚ ᱛᱷᱤᱛ ᱫᱟᱲᱮᱭᱟᱜ-ᱟ ᱾ ᱱᱩᱠᱩᱣᱟᱜ ᱞᱩᱛᱩᱨ ᱟᱨ ᱢᱮᱫ ᱯᱱᱟᱹᱜ ᱵᱷᱟᱹᱜᱤ ᱵᱟᱝ ᱨᱮᱦᱚᱸ ᱴᱷᱚᱱᱴᱟ ᱫᱚ ᱪᱷᱟᱨ ᱜᱮᱭᱟ ᱡᱟᱦᱟᱸ ᱫᱚ ᱦᱟᱹᱪᱭᱟᱹᱨ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱟ ᱾ ᱟᱨ ᱱᱚᱶᱟ ᱫᱚ ᱫᱷᱟᱨ ᱠᱚᱨᱟᱛ ᱞᱮᱠᱟᱭ ᱠᱟᱹᱢᱤᱭᱟ ᱾ ᱴᱷᱚᱱᱴᱟ ᱨᱮᱱᱟᱜ ᱜᱚᱲᱜᱚᱱ ᱱᱚᱝᱠᱟ ᱪᱤ ᱡᱟᱦᱟᱸ ᱫᱚ ᱧᱮᱞ ᱨᱮᱦᱚᱸ ᱵᱟᱭ ᱟᱱᱟᱴᱮᱭᱟ ᱾ ᱱᱩᱠᱩᱣᱟᱜ ᱩᱰᱟᱹᱣᱜ ᱡᱚᱠᱟᱜ ᱫᱚ ᱥᱟᱰᱮ ᱦᱚᱸ ᱵᱟᱭ ᱦᱤᱡᱩᱜ-ᱟ ᱾

ᱡᱟᱱᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱠᱚᱨᱟᱜ ᱵᱤᱞᱤ ᱫᱚ ᱯᱩᱸᱰ ᱟᱨ ᱜᱩᱞᱟᱹᱭ ᱜᱮᱭᱟ ᱾ ᱱᱩᱠᱩ ᱫᱚ ᱟᱹᱰᱤ ᱜᱟᱱ ᱠᱚ ᱵᱤᱞᱤᱭᱟ ᱾ ᱵᱮᱡ ᱞᱟᱹᱜᱤᱫ ᱑ ᱠᱷᱚᱱ ᱓ ᱫᱤᱱ ᱚᱠᱛᱚ ᱠᱚ ᱤᱫᱤᱭᱟ , ᱡᱟᱦᱟᱸ ᱞᱟᱹᱜᱤᱫ ᱛᱮ ᱵᱤᱞᱤ ᱯᱚᱥᱟᱜᱚᱜ ᱚᱠᱛᱚ ᱦᱚ ᱵᱷᱮᱜᱮᱫ ᱜᱮᱭᱟ ᱾

ᱦᱚᱲ ᱟᱨ ᱠᱚᱠᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱠᱚᱨ ᱠᱚ ᱤᱫᱤ ᱠᱟᱛᱮ ᱟᱵᱚ ᱦᱚᱲ ᱥᱟᱶᱛᱟ ᱨᱮ ᱟᱹᱰᱤ ᱞᱮᱠᱟᱱ ᱟᱸᱫᱷᱟ ᱯᱟᱹᱛᱭᱟᱹᱣ ᱢᱮᱱᱟᱜ-ᱟ ᱾ ᱡᱟᱦᱟᱸ ᱞᱮᱠᱟ ᱪᱤ ᱧᱤᱫᱟᱹ ᱵᱮᱲᱟ ᱠᱚᱠᱚᱨ "ᱜᱚᱡᱛᱩᱫ ᱜᱚᱡᱛᱩᱫ" ᱠᱚ ᱨᱟᱜ ᱞᱮᱠᱷᱟᱱ ᱴᱚᱞᱟ ᱨᱮ ᱦᱚᱲ ᱠᱚ ᱜᱩᱡᱩᱜᱼᱟ ᱢᱮᱱᱛᱮ ᱟᱸᱫᱷᱟ ᱯᱟᱹᱛᱟᱹᱣ ᱢᱮᱱᱟᱜᱼᱟ ᱾ ᱟᱢᱮᱨᱤᱠᱟ, ᱟᱯᱷᱨᱤᱠᱟ ᱟᱨ ᱟᱨᱚᱵᱽ ᱫᱤᱥᱚᱢ ᱠᱚᱨᱮ ᱫᱚ ᱜᱩᱡᱩᱜ ᱨᱮᱱᱟᱜ ᱪᱤᱱᱦᱟᱹ ᱢᱮᱱᱛᱮ ᱠᱚ ᱵᱟᱰᱟᱭ ᱠᱚᱣᱟ ᱾ ᱢᱮᱱᱠᱷᱟᱱ ᱯᱷᱨᱟᱱᱥ, ᱵᱮᱞᱡᱤᱭᱚᱢ, ᱱᱮᱫᱚᱨᱞᱟᱸᱰ ᱮᱢᱟᱱ ᱫᱤᱥᱚᱢ ᱠᱚᱨᱮ ᱫᱚ ᱵᱩᱫᱷᱤᱭᱟᱱ ᱨᱮᱱᱟᱜ ᱪᱤᱱᱦᱟᱹ ᱢᱮᱱᱛᱮ ᱠᱚ ᱢᱚᱱᱮ ᱠᱚᱣᱟ ᱾ ᱠᱟᱛᱷᱟ ᱨᱮ ᱠᱚ ᱢᱮᱱᱟ, ᱠᱚᱠᱚᱨ ᱫᱚ ᱠᱚ ᱠᱚᱠᱞᱚ ᱜᱮᱭᱟ ᱾ ᱟᱫᱚ ᱚᱱᱟ ᱠᱚᱠᱞᱚ ᱠᱷᱚᱱ ᱜᱮ ᱯᱟᱞᱮ ᱧᱩᱛᱩᱢ ᱫᱚ ᱠᱚ ᱨᱚᱠᱚᱨ ᱟᱠᱟᱫᱟ ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Eurasia:

North America:

Oceania: