ᱠᱚᱢᱚᱲᱟ ᱱᱮᱦᱨᱩ
| ᱠᱚᱢᱚᱲᱟ ᱱᱮᱦᱨᱩ | |
|---|---|
 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑ ᱚᱜᱚᱥᱴ ᱑᱘᱙᱙ ᱫᱤᱞᱞᱤ, ᱵᱷᱟᱨᱚᱛ |
| ᱜᱩᱨ | ᱒᱘ ᱯᱷᱮᱵᱽᱨᱩᱣᱟᱨᱤ ᱑᱙᱓᱖ (᱓᱖ ᱵᱚᱭᱚᱥ) ᱞᱚᱥᱮᱱ, ᱥᱣᱤᱡᱚᱨᱞᱟᱱᱰ |
| ᱫᱤᱥᱚᱢᱤᱭᱟᱹ | ᱵᱷᱟᱨᱚᱛᱤᱭᱟᱹ |
| ᱡᱤᱭᱚᱱ ᱥᱚᱦᱮᱫ | ᱡᱚᱵᱟᱦᱚᱨᱞᱟᱞ ᱱᱮᱦᱨᱩ |
| ᱦᱚᱯᱚᱱ | ᱤᱱᱫᱤᱨᱟ ᱜᱟᱱᱫᱷᱤ |
ᱠᱚᱢᱚᱲᱟ ᱱᱮᱦᱨᱩ (᱑ ᱚᱜᱚᱥᱴᱚ ᱑᱘᱙᱙- ᱒᱘ ᱯᱷᱮᱵᱽᱨᱩᱣᱟᱨᱤ ᱑᱙᱓᱖) ᱫᱚ ᱢᱤᱫ ᱯᱷᱩᱨᱜᱟᱹᱞ ᱦᱩᱞᱜᱟᱹᱨᱤᱭᱟᱹ, ᱡᱚᱵᱟᱦᱚᱨᱞᱟᱞ ᱱᱮᱦᱨᱩᱭᱤᱡ ᱮᱨᱟ ᱟᱨ ᱤᱱᱫᱤᱨᱟ ᱜᱟᱱᱫᱷᱤ ᱟᱡ ᱟᱭᱳᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱢᱤᱫ ᱫᱤᱥᱚᱢ ᱫᱩᱞᱟᱹᱲᱤᱭᱟᱹ ᱛᱤᱨᱞᱟᱹᱭ ᱛᱟᱦᱮᱸ ᱠᱟᱱᱟ ᱾
ᱩᱱᱩᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱚᱢᱚᱞᱟ ᱱᱮᱦᱨᱩ ᱫᱚ ᱫᱤᱞᱞᱤ ᱨᱮᱱᱤᱡ ᱢᱤᱫ ᱢᱟᱨᱟᱝ ᱵᱮᱯᱟᱨᱤ ᱯᱚᱱᱰᱤᱛ ᱡᱚᱵᱟᱦᱚᱨᱞᱟᱞᱢᱚᱞ ᱟᱨ ᱨᱟᱡᱽᱯᱚᱛᱤ ᱠᱚᱣᱞᱤᱡ ᱦᱚᱯᱚᱱ ᱮᱨᱟᱭ ᱛᱟᱦᱮᱸ ᱠᱟᱱᱟ ᱾ ᱠᱚᱢᱚᱲᱟ ᱫᱚ ᱵᱷᱟᱨᱚᱛᱤᱭᱟᱹ ᱠᱟᱥᱢᱤᱨ ᱵᱟᱵᱽᱬᱮ ᱜᱷᱟᱨᱚᱸᱡᱽ ᱨᱮ ᱑ ᱚᱜᱚᱥᱴᱚ ᱑᱘᱙᱙ ᱥᱟᱞ ᱨᱮ ᱡᱟᱱᱟᱢ ᱞᱮᱱᱟ ᱾ ᱠᱚᱢᱚᱲᱟ ᱫᱚ ᱜᱦᱟᱨᱚᱸᱡᱽ ᱨᱮᱱᱤᱡ ᱥᱮᱬᱟ ᱜᱤᱫᱽᱨᱟᱹᱭ ᱛᱟᱦᱮᱸ ᱠᱟᱱᱟ ᱾ [᱑] ᱟᱡ ᱨᱮᱱ ᱵᱟᱨᱟᱭᱟ ᱵᱚᱭᱦᱟ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱪᱟᱸᱫᱽ ᱵᱟᱦᱟᱫᱩᱨ ᱠᱟᱣᱩᱞ ᱟᱨ ᱠᱚᱭᱲᱟᱥ ᱱᱟᱛᱷ ᱠᱟᱣᱩᱞ ᱾ ᱟᱨ ᱟᱡᱤᱡ ᱵᱩᱦᱩᱤᱱᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱥᱩᱨᱩᱡᱽ ᱠᱟᱴᱡᱩ ᱾ ᱢᱤᱫ ᱯᱚᱱᱫᱤᱛ ᱟᱨ ᱢ᱾ᱫ ᱢᱚᱣᱞᱚᱵᱤ ᱫᱟᱨᱟᱭ ᱛᱮ ᱟᱡ ᱫᱚ ᱥᱮᱪᱮᱫ ᱮ ᱧᱟᱢ ᱞᱮᱜ-ᱟ ᱾ ᱑᱗ ᱵᱚᱪᱷᱚᱨ ᱵᱚᱭᱚᱥ ᱨᱮ ᱟᱡᱟᱜ ᱵᱟᱯᱞᱟ ᱫᱚ ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱥᱟᱶ ᱘ ᱯᱷᱮᱵᱽᱨᱩᱣᱟᱨᱤ ᱑᱙᱑᱖ ᱥᱟᱞ ᱨᱮ ᱦᱩᱭ ᱞᱮᱱᱟ ᱾ ᱡᱟᱶᱟᱭ ᱛᱟᱭᱚᱢ ᱫᱚ ᱟᱡᱟᱜ ᱧᱩᱛᱩᱢ ᱠᱚᱢᱚᱲᱟ ᱠᱚᱣᱩᱞ ᱱᱮᱦᱨᱩ ᱦᱩᱭ ᱮᱱᱟ ᱾ ᱵᱨᱤᱴᱤᱥ ᱚᱱᱚᱞᱤᱭᱟᱹ ᱠᱭᱟᱛᱷᱚᱨᱤᱱ ᱯᱷᱨᱟᱱᱥᱤᱠ "Indira: The Life of Indira Nehru Gandhi " ᱯᱚᱛᱚᱵ ᱨᱮ ᱚᱞ ᱟᱠᱟᱜ-ᱟ ᱵᱟᱵᱽᱬᱮ ᱥᱟᱶ ᱮ ᱵᱟᱯᱞᱟ ᱞᱮᱱ ᱠᱷᱟᱹᱛᱤᱨ ᱟᱡᱟᱜ ᱦᱚᱨᱚᱜ ᱵᱟᱱᱫᱮ ᱟᱪᱟᱨ ᱵᱮᱵᱷᱟᱨ ᱨᱮᱫᱚ ᱵᱟᱵᱽᱬᱮ ᱭᱟᱜ ᱡᱷᱚᱞᱚᱠ ᱜᱮ ᱧᱮᱞᱚᱜ-ᱟ ᱾ ᱤᱠᱷᱟᱹᱱ ᱵᱟᱯᱞᱟ ᱛᱟᱭᱚᱢ ᱫᱚ ᱵᱤᱫᱮᱥ ᱨᱮᱭᱟᱜ ᱡᱷᱚᱞᱚᱠ ᱢᱮᱱᱟᱜ ᱢᱤᱫ ᱵᱷᱮᱜᱟᱨ ᱯᱚᱨᱤᱵᱮᱥ ᱨᱮ ᱛᱟᱦᱮᱸ ᱦᱩᱭ ᱟᱫᱮᱭᱟ ᱾
ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱨᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱚᱢᱚᱲᱟ ᱱᱮᱦᱨᱩ ᱵᱷᱟᱨᱚᱛ ᱨᱮᱭᱟᱜ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱨᱮ ᱡᱚᱵᱟᱦᱚᱨᱞᱟᱞ ᱱᱮᱦᱨᱩᱭᱤᱡ ᱜᱚᱜᱚᱲᱚᱭᱤᱡ ᱮ ᱛᱟᱦᱮᱸ ᱠᱟᱱᱟ ᱾ ᱑᱙᱒᱑ ᱥᱟᱞ ᱨᱮ ᱚᱥᱚᱦᱚᱡᱚᱜᱽ ᱟᱱᱫᱚᱲᱚᱱ ᱨᱮ ᱟᱞᱦᱟᱵᱟᱫᱽ ᱨᱮ ᱛᱤᱨᱞᱟᱹ ᱠᱚ ᱡᱩᱢᱤᱫᱽ ᱠᱟᱛᱮ ᱵᱤᱫᱮᱥᱤ ᱞᱩᱜᱽᱲᱤ ᱫᱚᱠᱟᱱ ᱟᱨ ᱯᱟᱹᱨᱣᱟᱹ ᱫᱚᱠᱟᱱ ᱨᱮ ᱯᱤᱠᱮᱴᱤᱝ ᱮ ᱮᱦᱤᱵ ᱠᱮᱜ-ᱟ ᱾ ᱱᱚᱝᱠᱟ ᱪᱮ ᱡᱚᱠᱷᱚᱱ ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱤᱝᱨᱮᱡᱽ ᱵᱤᱨᱩᱫᱷᱤ ᱵᱦᱟᱥᱚᱬ ᱠᱷᱟᱹᱛᱤᱨ ᱠᱚ ᱜᱤᱨᱚᱯ ᱠᱮᱫᱮᱭᱟ ᱩᱱᱡᱷᱚᱜ ᱠᱚᱢᱚᱲᱟ ᱱᱮᱦᱨᱩᱣᱟᱜ ᱚᱞ ᱵᱷᱟᱥᱚᱬ ᱯᱟᱲᱦᱟᱣ ᱞᱟᱹᱜᱤᱫ ᱮ ᱢᱟᱬᱟᱝ ᱦᱮᱡ ᱞᱮᱱᱟ ᱾ [᱒][᱓] ᱠᱚᱢᱚᱲᱟ ᱱᱮᱦᱨᱩ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱨᱮ ᱟᱹᱰᱤ ᱛᱮᱫ ᱮ ᱢᱮᱬᱟᱝᱚᱜ ᱠᱟᱱ ᱧᱮᱞ ᱛᱮ ᱤᱝᱨᱮᱡᱽ ᱥᱚᱨᱠᱟᱨ ᱩᱱᱤ ᱵᱟᱨ ᱫᱷᱟᱣ ᱠᱚ ᱡᱤᱦᱚᱞ ᱞᱮᱫᱮᱭᱟ ᱾ ᱠᱚᱢᱚᱲᱟ ᱥᱟᱶ ᱥᱚᱨᱚᱡᱤᱱᱤ ᱱᱟᱭᱰᱩ ᱟᱨ ᱟᱹᱰᱤ ᱜᱟᱱ ᱛᱤᱨᱞᱟᱹ ᱜᱮ ᱡᱤᱦᱚᱞ ᱠᱚ ᱪᱟᱞᱟᱣ ᱞᱮᱱᱟ ᱾ ᱩᱱ ᱚᱠᱛᱚ ᱠᱚᱢᱚᱲᱟ ᱟᱡᱟᱜ ᱚᱲᱟᱜ ᱥᱣᱚᱨᱟᱡᱽ ᱵᱷᱚᱣᱚᱱ ᱨᱮ ᱜᱷᱟᱹᱞ ᱟᱠᱟᱱ ᱯᱷᱩᱨᱜᱟᱹᱞ ᱞᱟᱹᱰᱷᱩᱣᱟᱹ ᱠᱚ ᱥᱮᱵᱟ ᱠᱮᱫ ᱠᱚᱣᱟ ᱟᱨ ᱨᱟᱱ ᱠᱚᱭ ᱦᱟᱹᱴᱤᱧᱟᱫ ᱠᱚᱣᱟ ᱾ ᱠᱚᱢᱚᱲᱟ ᱦᱟᱜ ᱜᱩᱨ ᱛᱟᱭᱚᱢ ᱢᱚᱦᱟᱛᱢᱟ ᱜᱟᱱᱫᱷᱤ ᱮᱴᱟᱜ ᱱᱮᱛᱟ ᱥᱟᱶ ᱱᱚᱶᱟ ᱫᱚ ᱠᱚᱢᱚᱲᱟ ᱱᱮᱦᱨᱩ ᱢᱮᱢᱚᱨᱤᱭᱟᱞ ᱦᱟᱥᱯᱟᱛᱟᱞ ᱧᱩᱛᱩᱢ ᱛᱮᱠᱚ ᱵᱮᱨᱮᱫ ᱠᱮᱜ-ᱟ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ Jayakar, Pupul (1995). Indira Gandhi, a biography (Rev. ed.). New Delhi, India: Penguin. pp. 9–11. ISBN 978-0140114621.
- ↑ Nehru, Jawaharlal (26 January 1936). An Autobiography (1 ed.). London: Bodley Head.
{{cite book}}:|access-date=requires|url=(help) - ↑ "Kamala Nehru Biography". Iloveindia. Retrieved 15 August 2018.