ᱥᱚᱨᱚᱡᱤᱱᱤ ᱱᱟᱭᱰᱩ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱥᱚᱨᱚᱡᱤᱱᱤ ᱱᱟᱭᱰᱩ
Sarojini Naidu in Bombay 1946.jpg
1st Governor of United Provinces
ᱟᱹᱢᱟᱹᱞᱤ ᱨᱮ
᱑᱕ ᱚᱜᱚᱥᱴ ᱑᱙᱔᱘ – ᱒ ᱢᱟᱨᱪ ᱑᱙᱔᱙
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ Position established
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ ᱦᱚᱨᱢᱟᱥᱡᱤ ᱯᱮᱨᱚᱥᱚᱣ ᱢᱚᱫᱤ
ᱵᱷᱟᱨᱚᱛᱤᱭᱟᱹ ᱱᱮᱥᱱᱟᱞ ᱠᱚᱸᱜᱨᱮᱥ ᱨᱤᱱᱤᱡ ᱯᱟᱨᱥᱮᱛ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ ᱱᱚᱦᱟᱛᱢᱟ ᱜᱟ.ᱱᱫᱷᱤ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ ᱮᱥᱹ ᱥᱨᱤᱱᱤᱵᱟᱥᱟ ᱟᱭᱮᱝᱜᱟᱨ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ ᱥᱚᱨᱚᱡᱤᱱᱤ ᱪᱟᱴᱚᱯᱟᱫᱷᱭᱟᱭ
᱑᱓ ᱯᱷᱮᱵᱽᱨᱩᱣᱟᱨᱤ ᱑᱘᱗᱙(1879-02-13)
ᱦᱟᱭᱫᱨᱟᱵᱟᱫᱽ, ᱦᱟᱭᱫᱨᱟᱵᱟᱫᱽ ᱯᱚᱱᱚᱛ, ᱵᱨᱤᱴᱤᱥ ᱤᱱᱰᱤᱭᱟᱹ (ᱱᱤᱛᱚᱜ ᱫᱚ ᱛᱮᱞᱮᱝᱜᱟᱱᱟ, ᱥᱤᱧᱚᱛ)
ᱜᱩᱨ ᱒ ᱢᱟᱨᱪ ᱑᱙᱔᱙ (᱗᱐ ᱵᱚᱭᱚᱥ)
ᱞᱚᱠᱱᱚᱣ, United Provinces, ᱥᱤᱧᱚᱛ
ᱡᱟᱹᱛᱤᱭᱟᱹᱨᱤ ᱥᱤᱧᱚᱛᱤᱭᱟᱹ
ᱨᱟᱡᱽᱟᱹᱨᱤ ᱫᱚᱞ ᱤᱱᱰᱤᱭᱟᱱ ᱱᱮᱥᱱᱟᱞ ᱠᱚᱸᱜᱨᱮᱥ
ᱡᱤᱭᱚᱱ ᱥᱚᱦᱮᱫ ᱜᱚᱵᱤᱱᱫᱚᱨᱟᱡᱩᱞᱩ ᱱᱟᱭᱰᱩ (᱑᱘᱙᱘–᱑᱙᱔᱙)
ᱦᱚᱯᱚᱱ ᱕; ᱥᱮᱞᱮᱫ ᱠᱟᱛᱮ ᱯᱚᱫᱽᱢᱟᱡᱟ
ᱥᱮᱪᱮᱫ ᱟᱠᱷᱲᱟ ᱢᱟᱰᱨᱟᱞ ᱡᱮᱜᱮᱛ ᱵᱤᱨᱫᱟᱹᱜᱟᱲ
ᱠᱤᱝᱥ ᱵᱤᱨᱫᱟᱹᱜᱟᱲ ᱞᱚᱱᱰᱚᱣ
ᱜᱤᱨᱛᱚᱱ ᱵᱤᱨᱫᱟᱹᱜᱟᱲ, ᱠᱮᱢᱵᱨᱤᱡᱽ
ᱠᱟᱹᱢᱤ ᱨᱟᱡᱽ-ᱟᱹᱨᱤ ᱠᱟᱹᱢᱤᱭᱟᱹ, ᱚᱱᱚᱬᱦᱤᱭᱟᱹ-ᱚᱱᱚᱞᱤᱭᱟᱹ
ᱥᱚᱨᱚᱡᱤᱱᱤ ᱱᱟᱭᱰᱩ
ᱯᱟᱹᱨᱥᱤ ᱤᱸᱜᱽᱞᱤᱥ
ᱥᱟᱶᱦᱮᱫ ᱮᱱᱮᱢ In the Bazaars of Hyderabad

ᱥᱚᱨᱚᱡᱤᱱᱤ ᱱᱟᱭᱰᱩ (᱑᱓ ᱯᱷᱮᱵᱨᱩᱣᱟᱨᱤ ᱑᱘᱗᱙ - ᱒ ᱢᱟᱨᱪ ᱑᱙᱔᱙) ᱣᱟᱜ ᱡᱟᱱᱟᱢ ᱫᱚ ᱥᱤᱧᱚᱛ ᱨᱮᱭᱟᱜ ᱦᱟᱭᱫᱨᱟᱵᱟᱫᱽ ᱱᱟᱜᱟᱨ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱱᱩᱭ ᱟᱡ ᱵᱟᱵᱟ ᱫᱚ ᱚᱜᱷᱳᱨᱱᱟᱛᱷ ᱪᱚᱴᱯᱟᱜᱷᱭᱟᱭ ᱢᱤᱫ ᱧᱩᱛᱩᱢᱟ.ᱱᱤᱡ ᱥᱟᱶᱛᱮ ᱟᱭᱳ ᱫᱚ ᱚᱱᱚᱬᱦᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱟᱨ ᱵᱟᱸᱜᱽᱞᱟ ᱯᱟᱹᱨᱥᱤ ᱛᱮᱭ ᱚᱞ ᱛᱟᱦᱮᱸᱫ ᱾ ᱜᱤᱫᱽᱨᱟᱹ ᱠᱷᱚᱱ ᱜᱮ ᱟᱹᱰᱤ ᱞᱟᱥᱮᱨ ᱦᱟᱛᱟᱝ ᱦᱚᱲ ᱮ ᱛᱟᱦᱮᱸ ᱠᱟᱱ ᱠᱷᱟᱹᱛᱤᱨ ᱟᱡ ᱫᱚ ᱑᱒ ᱵᱚᱪᱷᱚᱨ ᱦᱩᱰᱤᱧ ᱵᱚᱭᱚᱥ ᱨᱮᱜᱮ ᱑᱒ ᱪᱟᱱᱚᱪ ᱨᱮᱭᱟᱜ ᱵᱤᱱᱤᱰ ᱫᱚ ᱱᱟᱯᱟᱭ ᱚᱨᱡᱚ ᱛᱮᱭ ᱥᱟᱹᱛ ᱞᱮᱫ ᱛᱟᱦᱮᱸᱫ ᱾ ᱟᱨ ᱑᱓ ᱵᱚᱨᱥᱚ ᱵᱚᱭᱚᱥ ᱨᱮᱜᱮ 'ᱞᱮᱰᱤ ᱳᱯᱷ ᱫᱤ ᱞᱮᱠ' ᱧᱩᱛᱩᱢ ᱟᱱᱟᱜ ᱢᱤᱫ ᱚᱱᱚᱬᱦᱮᱭ ᱜᱟᱵᱟᱱ ᱠᱮᱜ-ᱟ ᱾ ᱚᱯᱨᱮᱥᱚᱱ ᱨᱮ ᱠᱞᱚᱨᱚᱯᱷᱟᱨᱢ ᱨᱮᱭᱟᱜ ᱚᱨᱥᱚᱝ ᱯᱨᱚᱢᱟᱬ ᱞᱟᱹᱜᱤᱫ ᱦᱟᱭᱫᱨᱟᱵᱟᱫᱽ ᱨᱮᱭᱟᱜ ᱱᱤᱡᱟᱢ ᱦᱚᱛᱮᱛᱮ ᱪᱟᱞ ᱟᱠᱟᱱ ᱫᱟᱱ ᱠᱷᱚᱱ "ᱥᱚᱨᱚᱡᱤᱱᱤ ᱱᱟᱭᱰᱩ" ᱫᱚ ᱤᱸᱜᱽᱞᱚᱸᱰ ᱠᱚ ᱵᱷᱮᱡᱟ ᱞᱮᱫᱮ ᱛᱟᱦᱮᱸᱫ ᱾ ᱥᱚᱨᱚᱡᱤᱱᱤ ᱱᱟᱭᱰᱩ ᱫᱚ ᱯᱩᱭᱞᱩ ᱞᱚᱱᱰᱚᱱ ᱨᱮᱭᱟᱜ ᱠᱤᱝ ᱵᱤᱨᱫᱟᱹᱜᱟᱲ ᱟᱨ ᱛᱟᱭᱚᱢ ᱛᱮ ᱠᱮᱸᱵᱨᱤᱡᱽ ᱨᱮᱭᱟᱜ ᱜᱤᱨᱴᱚᱱ ᱵᱤᱨᱫᱟᱹᱜᱟᱲ ᱨᱮ ᱯᱟᱲᱦᱟᱣᱜ ᱨᱮᱭᱟᱜ ᱛᱟᱠ ᱮ ᱧᱟᱢ ᱞᱮᱜ-ᱟ ᱾[᱑]

ᱟᱡ ᱫᱚ ᱑᱘᱙᱕ ᱨᱮ ᱞᱟᱯᱷᱟᱝ ᱥᱮᱪᱮᱫ ᱟᱢᱮᱴ ᱞᱟ.ᱜᱤᱫ ᱤᱸᱜᱽᱞᱚᱸᱰ ᱮ ᱪᱟᱞᱟᱣ ᱮᱱᱟ ᱟᱨ ᱯᱟᱲᱦᱟᱣ ᱥᱟᱶ-ᱥᱟᱶ ᱛᱮ ᱚᱱᱚᱬᱦᱮ ᱦᱚᱸ ᱚᱞ ᱟᱠᱟᱭ ᱛᱟᱦᱮᱸ ᱮᱱᱟ ᱾ ᱜᱳᱞᱰᱮᱱ ᱛᱷᱨᱟᱥᱚᱞᱰ ᱟᱡᱟᱜ ᱫᱚ ᱯᱩᱭᱞᱩ ᱚᱱᱚᱬᱦᱮ ᱡᱟᱣᱨᱟᱱ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱫᱚᱥᱟᱨ ᱥᱟᱶᱛᱮ ᱛᱮᱥᱟᱨ ᱚᱱᱚᱬᱦᱮ ᱡᱟᱣᱠᱟᱱ ᱫᱚ ᱵᱟᱨᱰ ᱚᱯᱷ ᱴᱟᱭᱤᱢ ᱟᱨ ᱵᱨᱚᱠᱮᱱ ᱣᱤᱝ ᱫᱚ ᱩᱱᱤ ᱱᱟᱯᱟᱭ ᱩᱯᱨᱩᱢ ᱮ ᱥᱚᱫᱚᱨ ᱠᱮᱫ ᱛᱟᱭᱟ ᱾

ᱜᱟᱱᱫᱷᱤᱡᱤ ᱥᱟᱶ ᱩᱯᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱘᱙᱘ ᱥᱟᱞᱮ ᱨᱮ ᱥᱚᱨᱚᱡᱤᱱᱤ ᱱᱟᱭᱰᱩ ᱫᱚ ᱰᱨ. ᱜᱳᱵᱤᱸᱫᱽᱨᱟᱡᱩᱞᱩ ᱱᱟᱭᱰᱩ ᱭᱤᱡ ᱫᱷᱚᱨᱚᱢ ᱮᱨᱟᱭ ᱵᱮᱱᱟᱣ ᱮᱱᱟ ᱾ ᱑᱙᱑᱔ ᱥᱟᱞᱮᱨᱮ ᱤᱸᱜᱽᱞᱚᱸᱰ ᱨᱮ ᱱᱩᱭ ᱫᱚ ᱯᱩᱭᱞᱩ ᱫᱷᱟᱣ ᱜᱟᱱᱫᱷᱤ ᱡᱤ ᱥᱟᱶ ᱮ ᱧᱟᱯᱟᱢ ᱞᱮᱱᱟ ᱟᱨ ᱩᱱᱤᱭᱟᱜ ᱠᱟᱛᱷᱟ ᱨᱮ ᱢᱩᱦᱤᱛ ᱠᱟᱛᱮ ᱫᱤᱥᱚᱢ ᱞᱟ.ᱜᱤᱫ ᱮ ᱟᱞᱟᱭ ᱮᱱᱟ ᱾ ᱢᱤᱫ ᱫᱟᱲᱮᱭᱟᱱ ᱢᱟᱬᱛᱮ ᱞᱮᱠᱟ ᱡᱚᱜᱚ ᱴᱷᱟᱶ ᱨᱮᱜᱮ ᱟᱡᱟᱜ ᱜᱩᱱ ᱵᱤᱨᱫᱟ.ᱭ ᱩᱫᱩᱜ ᱥᱚᱫᱚᱨ ᱟᱠᱟᱜᱼᱟ (ᱥᱚᱛᱭᱟᱜᱨᱚᱦᱚ ᱦᱩᱭ ᱠᱚᱜ ᱟᱨᱵᱟᱝ ᱜᱟᱶᱛᱟ ᱨᱮᱭᱟᱜ ᱠᱟᱛᱷᱟ ) ᱾ ᱟᱡᱟᱜ ᱛᱟ.ᱨᱤ ᱨᱮ ᱟ.ᱰᱤᱜᱟᱱ ᱡᱟ.ᱛᱤᱭᱟ.ᱨᱤ ᱦᱩᱞᱥᱟ.ᱭ ᱦᱩᱭ ᱟᱠᱟᱱᱟ ᱟᱨ ᱚᱱᱟ ᱠᱷᱟ.ᱛᱤᱨ ᱟ.ᱰᱤ ᱵᱮᱲᱟᱨᱮ ᱡᱤᱦᱚᱞ ᱦᱚᱸᱭ ᱥᱮᱱ ᱟᱠᱟᱱᱟ ᱾ ᱟᱱᱟᱴ ᱵᱮᱲᱟᱨᱮ ᱵᱟᱝ ᱵᱚᱛᱚᱨ ᱠᱟᱛᱮ ᱟᱡ ᱫᱚ ᱢᱤᱫ ᱱᱮᱢᱚᱥ ᱵᱤᱨᱵᱷᱟᱱᱴᱟ ᱞᱮᱠᱟ ᱟ.ᱛᱩ ᱟ.ᱛᱩ ᱫᱟᱬᱟ ᱠᱟᱛᱮ ᱫᱤᱥᱚᱢ ᱫᱩᱞᱟ.ᱲ ᱨᱮᱭᱟᱜ ᱩᱭᱦᱟ.ᱨ ᱥᱟᱨᱥᱟᱣ ᱟᱠᱟᱭ ᱛᱟᱦᱮᱸ ᱮᱱᱟ ᱾ ᱟᱨ ᱫᱤᱥᱚᱢ ᱦᱚᱲ ᱠᱚ ᱴᱷᱮᱱ ᱫᱤᱥᱚᱢ ᱞᱟ.ᱜᱤᱫ ᱟᱠᱚᱣᱟᱜ ᱟᱺᱜᱤᱵᱷᱟᱨ ᱩᱭᱦᱟ.ᱨ ᱟᱠᱚ ᱟᱠᱟᱭ ᱛᱟᱦᱮᱸ ᱮᱱᱟ ᱾ ᱟᱡᱟᱜ ᱜᱟᱞᱚᱪ ᱛᱮ ᱦᱚᱲᱟᱜ ᱨᱤᱫᱟ.ᱭ ᱮ ᱵᱚᱲᱦᱮ ᱮᱫ ᱛᱟᱦᱮᱸᱫ ᱟᱨ ᱫᱤᱥᱚᱢ ᱞᱟ.ᱜᱤᱫ ᱯᱩᱨᱟ.ᱯᱩᱨᱤ ᱟᱞᱟᱭᱚᱜ ᱞᱟ.ᱜᱤᱫ ᱮ ᱩᱫᱽᱜᱟ.ᱣ ᱮᱫ ᱠᱚ ᱛᱟᱦᱮᱸᱫ ᱾ ᱟᱡ ᱟ.ᱰᱤᱜᱟᱱ ᱯᱟ. ᱨᱥᱤᱭᱟ.ᱭ ᱛᱟᱦᱮᱸ ᱠᱟᱱᱟ ᱟᱨ ᱴᱚᱴᱷᱟ ᱞᱮᱠᱟᱛᱮ ᱟᱡᱟᱜ ᱜᱟᱞᱚᱪ ᱫᱚ ᱦᱤᱱᱫᱤ, ᱤᱸᱜᱽᱞᱤᱥ, ᱵᱟᱸᱜᱽᱞᱟ, ᱜᱩᱡᱽᱨᱟᱛᱤ ᱮᱢᱟᱱ ᱛᱮᱭ ᱮᱢ ᱮᱫ ᱛᱟᱦᱮᱸᱫ ᱾ ᱞᱚᱱᱰᱚᱱ ᱨᱮᱭᱟᱜ ᱥᱚᱵᱷᱟ ᱟᱠᱷᱲᱟ ᱨᱮ ᱤᱸᱜᱽᱞᱤᱥ ᱛᱮ ᱜᱟᱞᱚᱪ ᱠᱟᱛᱮ ᱚᱸᱰᱮ ᱠᱚ ᱥᱮᱴᱮᱨ ᱞᱮᱱ ᱡᱚᱛᱚ ᱟᱸᱡᱚᱢᱤᱭᱟ. ᱠᱚᱭ ᱢᱟᱱᱛᱟᱨ ᱢᱩᱦᱤᱛ ᱞᱮᱫ ᱠᱚᱣᱟ

ᱟᱡᱟᱜ ᱦᱚᱲ ᱫᱩᱞᱟ.ᱲ ᱟᱨ ᱱᱟᱯᱟᱭ ᱜᱩᱱ ᱵᱤᱨᱫᱟ. ᱠᱷᱟ.ᱛᱤᱨ ᱑᱙᱒᱕ ᱥᱟᱞᱮᱨᱮ ᱠᱟᱱᱯᱩᱨ ᱨᱮ ᱦᱩᱭ ᱮᱱ ᱠᱚᱸᱜᱨᱮᱥ ᱠᱚᱱᱵᱷᱮᱱᱥᱳᱱ ᱨᱤᱱᱤᱡ ᱟᱡ ᱫᱚ ᱯᱟᱨᱥᱮᱛ ᱮ ᱵᱮᱱᱟᱣ ᱮᱱᱟ ᱟᱨ ᱑᱙᱓᱒ ᱥᱟᱞᱮ ᱨᱮ ᱥᱤᱧᱚᱛ ᱨᱤᱱᱤᱡ ᱨᱤᱯᱨᱮᱸᱡᱮᱱᱴᱮᱴᱤᱵᱽ ᱵᱮᱱᱟᱣ ᱠᱟᱛᱮ ᱠᱚᱧᱮ ᱟᱯᱨᱤᱠᱟ ᱦᱚᱸᱭ ᱪᱟᱞᱟᱣᱟ ᱾ ᱥᱤᱧᱚᱛ ᱨᱮᱭᱟᱜ ᱯᱷᱩᱨᱜᱟ.ᱞ ᱟᱢᱮᱴ ᱮᱱ ᱛᱟᱭᱚᱢ ᱩᱛᱚᱨ ᱯᱨᱚᱫᱮᱥ ᱨᱤᱱᱤᱡ ᱯᱩᱭᱞᱩ ᱨᱟᱡᱽᱯᱟᱞ ᱮ ᱵᱮᱱᱟᱣ ᱮᱱᱟ ᱾ ᱢᱟ.ᱱᱤᱡ ᱮᱱᱤ ᱵᱮᱥᱚᱸᱛ ᱤᱡ ᱫᱩᱞᱟ.ᱲ ᱡᱚᱴᱟᱣ ᱟᱨ ᱜᱟᱱᱫᱷᱤ ᱡᱤ ᱭᱤᱡ ᱱᱩᱭ ᱫᱩᱞᱟ.ᱲ ᱟᱪᱮᱛᱤᱭᱟ. ᱫᱚ ᱟᱡᱟᱜ ᱯᱩᱨᱟ. ᱡᱤᱭᱚᱱ ᱫᱤᱥᱚᱢ ᱞᱟ.ᱜᱤᱫ ᱮ ᱟᱞᱟᱭ ᱜᱚᱫ ᱠᱟᱫᱼᱟ ᱾ ᱒ ᱢᱟᱨᱪ ᱑᱙᱔᱙ ᱥᱟᱞᱮᱨᱮ ᱟᱡᱟᱜ ᱜᱩᱨ ᱫᱚ ᱦᱩᱭ ᱮᱱᱟ ᱾ ᱑᱓ ᱯᱷᱮᱵᱽᱨᱩᱣᱟᱨᱤ ᱑᱙᱖᱔ ᱨᱮ ᱥᱤᱧᱚᱛ ᱥᱚᱨᱠᱟᱨ ᱫᱚ ᱟᱡᱟᱜ ᱥᱮᱨᱢᱟᱠᱤᱭᱟ. ᱡᱟᱱᱟᱢ ᱢᱟᱦᱟᱸᱨᱮ ᱩᱱᱤᱭᱟᱜ ᱢᱟ.ᱱ ᱦᱟᱞᱟᱝ ᱞᱟ.ᱜᱤᱫ ᱑᱕ ᱱᱟᱣᱟ ᱠᱟ.ᱣᱰᱤ ᱨᱮᱭᱟᱜ ᱢᱤᱫ ᱰᱟᱠ ᱴᱤᱠᱮᱴ ᱮ ᱩᱫᱩᱜ ᱥᱚᱫᱚᱨ ᱞᱮᱜᱼᱟ ᱾

ᱨᱟᱡᱽᱯᱟᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱩᱨᱜᱟ.ᱞ ᱟᱢᱮᱴ ᱮᱱ ᱛᱟᱭᱚᱢ ᱫᱤᱥᱚᱢ ᱫᱚ ᱚᱱᱟ ᱡᱚᱥ ᱫᱷᱟ.ᱵᱤᱡ ᱥᱮᱴᱮᱨ ᱟᱠᱟᱫ ᱱᱮᱛᱟ ᱠᱚ ᱥᱟᱢᱟᱝ ᱨᱮ ᱱᱤᱛᱚᱜ ᱫᱚ ᱮᱴᱟᱜ ᱠᱟ.ᱢᱤ ᱛᱟᱦᱮᱸ ᱠᱟᱱᱟ ᱾ ᱛᱮᱦᱮᱧ ᱫᱷᱟ.ᱵᱤᱡ ᱩᱱᱤ ᱫᱚ ᱞᱟ.ᱲᱦᱟ.ᱭ ᱟᱠᱟᱭ ᱛᱟᱦᱮᱸ ᱠᱟᱱᱟ ᱾ ᱤᱠᱷᱟ.ᱱ ᱱᱤᱛᱚᱜ ᱫᱚ ᱫᱤᱥᱚᱢ ᱵᱮᱱᱟᱣ ᱨᱮᱭᱟᱜ ᱟᱺᱜᱤᱵᱷᱟᱨ ᱟᱡᱟᱜ ᱛᱟᱨᱮᱱ ᱪᱮᱛᱟᱱ ᱨᱮ ᱯᱟᱲᱟᱣ ᱦᱮᱡ ᱟᱠᱟᱱ ᱛᱟᱦᱮᱸᱫ ᱾ ᱛᱤᱱᱟ.ᱝ ᱜᱟᱱ ᱱᱮᱛᱟ ᱠᱚᱫᱚ ᱥᱚᱨᱠᱟᱨᱤᱭᱟ. ᱡᱚᱱᱛᱨᱚ ᱟᱨ ᱯᱨᱚᱥᱟᱥᱚᱱ ᱨᱮ ᱪᱟ.ᱠᱨᱤ ᱠᱚ ᱮᱢᱟᱫ ᱠᱚ ᱛᱟᱦᱮᱸᱫ ᱾ ᱚᱱᱟᱨᱮ ᱥᱚᱨᱚᱡᱤᱱᱤ ᱱᱟᱭᱰᱩ ᱦᱚᱸ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱩᱛᱚᱨ ᱯᱨᱚᱫᱮᱥ ᱨᱤᱱᱤᱡ ᱨᱟᱡᱽᱯᱟᱞ ᱞᱮᱠᱟᱛᱮ ᱵᱷᱤᱥᱮᱞᱮᱫ ᱦᱩᱭ ᱞᱮᱱᱟ ᱾ ᱚᱱᱟ ᱫᱚ ᱯᱟᱥᱱᱟᱣ ᱟᱨ ᱦᱚᱲ ᱮᱞᱮᱞ ᱞᱮᱠᱟᱛᱮ ᱫᱤᱥᱚᱢ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱴᱚᱴᱷᱟ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱢᱟ.ᱪᱤᱭ ᱟᱯᱱᱟᱨ ᱮᱫ ᱛᱩᱞᱩᱡ ᱩᱱᱤᱭ ᱢᱮᱱ ᱠᱮᱫᱼᱟ, "ᱤᱧ ᱫᱚ ᱱᱤᱛᱚᱜ ᱦᱟ.ᱲᱤ ᱟᱠᱟᱱ ᱵᱤᱨ ᱨᱤᱱᱤᱡ ᱪᱮᱬᱮ" ᱞᱮᱠᱟ.ᱧ ᱵᱩᱡᱷᱟ.ᱣᱮᱜᱼᱟ ᱾ ᱤᱠᱷᱟ.ᱱ ᱟᱡ ᱫᱚ ᱢᱟᱨᱟᱝ ᱢᱚᱱᱛᱨᱤ ᱡᱚᱵᱟᱦᱚᱨᱞᱟᱞ ᱱᱮᱦᱨᱩᱣᱟᱜ ᱟᱸᱥ ᱵᱟᱭ ᱮᱨᱮᱲ ᱫᱟᱲᱮᱭᱟᱫᱼᱟ ᱡᱟᱦᱟᱸᱭ ᱞᱟ.ᱜᱤᱫ ᱟᱡᱟᱜ ᱢᱚᱱᱮᱨᱮ ᱜᱟᱺᱦᱤᱨ ᱜᱚᱨᱚᱡᱽ ᱟᱨ ᱫᱩᱞᱟ.ᱲ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱠᱷᱟ.ᱛᱤᱨ ᱟᱡ ᱫᱚ ᱞᱚᱠᱷᱱᱚᱣ ᱪᱟᱞᱟᱣ ᱠᱟᱛᱮ ᱚᱸᱰᱮᱭ ᱵᱚᱥᱠᱚᱫ ᱮᱱᱟ ᱟᱨ ᱚᱸᱰᱮ ᱱᱟᱯᱟᱨ ᱟᱨ ᱜᱚᱨᱚᱵᱽ ᱯᱮᱨᱮᱡ ᱵᱮᱵᱷᱟᱭ ᱦᱚᱛᱮᱛᱮ ᱟᱡᱟᱜ ᱨᱟᱡᱽᱟ.ᱨᱤᱭᱟᱜ ᱟᱺᱜᱤᱵᱷᱟᱨ ᱱᱟᱯᱟᱭ ᱛᱮᱭ ᱛᱚᱨᱟᱣ ᱠᱮᱜᱼᱟ ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]