ᱠᱟᱞᱤᱢᱯᱚᱝ ᱑ ᱵᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱠᱟᱞᱤᱢᱯᱚᱝ ᱑
ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ
Location of ᱠᱟᱞᱤᱢᱯᱚᱝ ᱑
Coordinates: 27°04′N 88°28′E / 27.06°N 88.47°E / 27.06; 88.47Coordinates: 27°04′N 88°28′E / 27.06°N 88.47°E / 27.06; 88.47
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛᱯᱚᱪᱷᱤᱢ ᱵᱟᱝᱞᱟ
ᱦᱚᱱᱚᱛᱠᱟᱞᱤᱢᱯᱚᱝ
ᱮᱨᱤᱭᱟ
 • ᱞᱮᱠᱷᱟᱜᱩᱴ360.46 ᱠᱤᱢᱤ২ (139.17 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ(᱒᱐᱑᱑)
 • ᱞᱮᱠᱷᱟᱜᱩᱴ᱗᱔,᱗᱔᱖
 • ᱰᱮᱱᱥᱤᱴᱤ210/ᱠᱤᱢᱤ2 (540/ᱜᱟᱺᱴ ᱢᱟᱹᱭᱤᱞ)
IST (ᱭᱩᱴᱤᱥᱤ+᱐᱕:᱓᱐)
ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟᱫᱟᱨᱡᱤᱞᱤᱝ
ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟᱠᱟᱞᱤᱢᱯᱚᱝ
ᱣᱮᱵᱽᱥᱟᱭᱤᱴkalimpong1bdo.in

ᱠᱟᱞᱤᱢᱯᱚᱝ ᱑ ᱫᱚ ᱢᱤᱫ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱠᱟᱱᱟ ᱱᱚᱣᱟ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱯᱚᱪᱷᱤᱢ ᱵᱟᱝᱞᱟ ᱨᱮ ᱠᱟᱞᱤᱢᱯᱚᱝ ᱦᱚᱱᱚᱛ ᱨᱮᱱᱟᱜ ᱠᱟᱞᱤᱢᱯᱚᱝ ᱡᱚᱜᱚ ᱠᱷᱚᱸᱰ ᱨᱮ ᱢᱤᱫ ᱥᱟᱥᱚᱱ ᱪᱟᱪᱞᱟᱣ ᱠᱷᱚᱸᱰᱮ ᱵᱮᱱᱟᱣᱟ ᱾

ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱟᱞᱤᱢᱯᱚᱝ 27°04′N 88°28′E / 27.06°N 88.47°E / 27.06; 88.47 ᱨᱮ ᱢᱮᱱᱟᱜᱼᱟ ᱾

ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱫᱚ ᱠᱟᱞᱤᱢᱯᱚᱝ ᱨᱮᱸᱡᱽ ᱚᱛᱱᱚᱜ ᱴᱚᱴᱷᱟ ᱨᱮᱱᱟᱜ ᱴᱷᱟᱶ ᱠᱟᱱᱟ ᱾ ᱫᱚᱨᱭᱟ ᱟᱴᱮᱫ ᱠᱷᱚᱱ ᱓᱐᱐ ᱢᱤᱴᱚᱨ ᱠᱷᱚᱱ ᱓,᱐᱐᱐ ᱢᱤᱴᱚᱨ ᱩᱥᱩᱞ ᱦᱩᱭᱩᱜᱼᱟ ᱾

ᱛᱤᱥᱛᱟ ᱫᱚ ᱯᱚᱪᱷᱤᱢ ᱵᱟᱝᱞᱟ ᱟᱨ ᱥᱤᱠᱠᱤᱢ ᱛᱟᱞᱟ ᱨᱮ ᱠᱟᱞᱤᱢᱯᱚᱝ ᱒ ᱟᱨ ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮᱱᱟᱜ ᱠᱚᱧᱮ ᱥᱤᱢᱟᱹ ᱥᱟᱶᱛᱮ ᱛᱤᱥᱛᱟ ᱵᱟᱡᱟᱨ ᱫᱷᱟᱹᱨᱤᱡ ᱥᱤᱢᱟᱹᱭ ᱵᱮᱱᱟᱣᱟ, ᱡᱟᱦᱟᱸ ᱛᱟᱭᱚᱢ ᱱᱚᱣᱟ ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱞᱮᱠᱟᱛᱮ ᱞᱤᱸᱜᱤᱱᱟ ᱾ ᱱᱚᱣᱟ ᱫᱚ ᱥᱮᱵᱷᱚᱠᱮ ᱥᱩᱨ ᱴᱟᱺᱰᱤ ᱮᱞᱟᱠᱟ ᱨᱮ ᱵᱚᱞᱚᱱᱟ ᱾[᱑][᱒]

ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱠᱚᱧᱮ ᱨᱮ ᱥᱤᱠᱠᱤᱢ ᱨᱮᱱᱟᱜ ᱮᱛᱚᱢ ᱥᱤᱠᱠᱤᱢ ᱦᱚᱱᱚᱛ ᱟᱨ ᱠᱟᱞᱤᱢᱯᱚᱝ ᱒ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ, ᱥᱟᱢᱟᱝ ᱨᱮ ᱜᱳᱨᱩᱵᱽᱛᱷᱟᱱ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ, ᱮᱛᱚᱢ ᱨᱮ ᱡᱚᱞᱯᱟᱭᱜᱩᱲᱤ ᱦᱚᱱᱚᱛ ᱨᱮ ᱢᱟᱞ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱟᱨ ᱯᱟᱪᱮ ᱨᱮ ᱠᱟᱨᱥᱤᱭᱟᱝ ᱟᱨ ᱨᱚᱝᱞᱤ ᱨᱚᱝᱞᱤᱭᱚᱴ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾[᱓][᱔][᱕]

ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱫᱚ ᱓᱖᱐.᱔᱖ ᱠᱤᱞᱚᱢᱤᱴᱚᱨ᱒ ᱢᱮᱱᱟᱜᱼᱟ ᱾ ᱱᱚᱸᱰᱮ ᱢᱤᱫᱴᱟᱹᱝ ᱯᱟᱸᱪᱟᱭᱟᱛ ᱥᱟᱢᱤᱛᱤ, ᱑᱘ ᱜᱚᱴᱟᱝ ᱜᱨᱟᱢ ᱯᱟᱸᱪᱟᱭᱟᱛ, ᱑᱑᱔ ᱜᱚᱴᱟᱝ ᱜᱨᱟᱢ ᱥᱚᱸᱥᱚᱫᱽ (ᱟᱹᱛᱩ ᱵᱟᱹᱭᱥᱤ), ᱕᱑ ᱜᱚᱴᱟᱝ ᱢᱚᱣᱡᱟ ᱟᱨ ᱔᱓ ᱜᱚᱴᱟᱝ ᱟᱹᱛᱩ ᱢᱮᱱᱟᱜᱼᱟ ᱾ ᱜᱳᱨᱩᱵᱽᱛᱷᱟᱱ ᱯᱩᱞᱤᱥ ᱥᱴᱮᱥᱚᱱ ᱫᱚ ᱱᱚᱣᱟ ᱵᱚᱱᱚᱛ ᱨᱮ ᱠᱟᱹᱢᱤᱭᱟ ᱾[᱖][᱗] ᱱᱚᱣᱟ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱠᱟᱞᱤᱢᱯᱚᱝ ᱨᱮ ᱢᱮᱱᱟᱜᱼᱟ ᱾[᱘]

ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱜᱨᱟᱢ ᱯᱟᱸᱪᱟᱭᱟᱛ ᱠᱚ ᱢᱮᱱᱟᱜᱼᱟ: ᱵᱷᱟᱞᱩᱠᱷᱳᱯ, ᱵᱳᱝ, ᱰᱨ. ᱜᱨᱟᱦᱚᱢ ᱦᱳᱢᱥ, ᱰᱩᱸᱜᱽᱨᱟ, ᱠᱟᱯᱷᱚᱨ ᱠᱟᱸᱠᱮ ᱵᱳᱝ, ᱠᱟᱞᱤᱢᱯᱚᱝ, ᱞᱳᱣᱟᱨ ᱤᱪᱟᱭ, ᱱᱤᱢᱵᱳᱝ, ᱯᱟᱵᱨᱤᱝᱴᱟᱨ, ᱯᱩᱛᱩᱨ, ᱥᱟᱢᱚᱞᱵᱳᱝ, ᱥᱚᱢᱛᱷᱟᱨ, ᱥᱮᱣᱚᱠᱵᱤᱨ, ᱥᱤᱸᱫᱷᱮᱯᱚᱝ, ᱛᱟᱥᱤᱰᱤᱝ, ᱛᱤᱥᱛᱟ ᱟᱨ ᱭᱟᱝᱢᱟᱠᱩᱢ ᱾[᱙]

ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱲ ᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱤᱱ ᱜᱩᱴ ᱦᱚᱲ ᱮᱞ ᱫᱚ ᱗᱔,᱗᱔᱖ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱠᱷᱚᱱ ᱖᱗,᱙᱕᱗ ᱦᱚᱲ ᱫᱚ ᱟᱹᱛᱩ ᱨᱮ ᱟᱨ ᱖,᱗᱘᱙ ᱦᱚᱲ ᱫᱚ ᱥᱚᱦᱚᱨ ᱨᱮᱠᱚ ᱛᱟᱦᱮᱸ ᱠᱟᱱᱟ ᱾ ᱱᱚᱸᱰᱮ ᱓᱗,᱗᱕᱐ (᱕᱑%) ᱠᱚᱲᱟ ᱟᱨ ᱓᱖,᱙᱙᱖ (᱔᱙%) ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱐-᱖ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱚᱨ ᱠᱚᱫᱚ ᱗,᱔᱒᱒ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱜᱮᱨ ᱟᱹᱫᱤᱵᱟᱹᱥᱤ ᱫᱚ ᱕,᱒᱑᱓ (᱖.᱙᱗%) ᱟᱨ ᱟᱹᱫᱤᱵᱟᱹᱥᱤ ᱫᱚ ᱒᱕,᱖᱕᱗ (᱓᱔.᱓᱓%) ᱦᱚᱲ ᱢᱮᱱᱟᱜ ᱠᱚᱣᱟ ᱾[᱑᱐]

ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱦᱚᱲ ᱞᱮᱠᱷᱟ ᱡᱚᱠᱷᱟ ᱥᱚᱦᱚᱨ ᱠᱚ ᱢᱮᱱᱟᱜᱼᱟ (᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ): ᱰᱩᱸᱜᱽᱨᱟ ᱠᱷᱟᱥᱢᱚᱦᱚᱞ (᱖,᱗᱘᱙) ᱾ [᱑᱐]

ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱢᱟᱨᱟᱝ ᱟᱹᱛᱩ ᱠᱚ (᱔,᱐᱐᱐+ ᱦᱚᱲ ᱮᱞ ᱟᱜ) ᱢᱮᱱᱟᱜᱼᱟ (᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ): ᱤᱪᱟ ᱠᱷᱟᱥᱢᱚᱦᱚᱞ (᱔,᱑᱗᱖), ᱥᱤᱸᱫᱤᱵᱳᱝ ᱠᱷᱟᱥᱢᱚᱦᱚᱞ (᱗,᱖᱐᱖), ᱵᱷᱟᱞᱩᱠᱷᱳᱯ ᱠᱷᱟᱥᱢᱚᱦᱚᱞ (᱕,᱔᱐᱔), ᱠᱟᱞᱤᱢᱯᱚᱝ ᱠᱷᱟᱥᱢᱚᱦᱚᱞ (᱘,᱘᱘᱑) ᱟᱨ ᱵᱳᱝ ᱠᱷᱟᱥᱢᱚᱦᱚᱞ (᱔,᱒᱒᱐) ᱾[᱑᱐]

ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱮᱴᱟᱜ ᱟᱹᱛᱩ ᱠᱚ ᱢᱮᱱᱟᱜᱼᱟ (᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ): ᱦᱳᱢᱥ ᱥᱮᱸᱴ ᱟᱨ ᱟᱨ ᱜᱨᱟᱦᱤᱢᱥ (᱓,᱘᱙᱙), ᱠᱟᱸᱠᱮ ᱵᱳᱝ (᱑,᱘᱓᱕), ᱛᱤᱥᱛᱟ ᱵᱟᱡᱟᱨ (᱒,᱙᱕᱓), ᱱᱤᱝᱵᱳᱝ (᱒,᱖᱕᱙), ᱭᱟᱝ ᱢᱟᱠᱩᱢ ᱠᱷᱟᱥᱢᱚᱦᱚᱞ (᱓,᱓᱕᱐), ᱥᱟᱢᱚᱞᱵᱳᱝ ᱠᱷᱟᱥᱢᱚᱦᱚᱞ (᱒,᱐᱕᱐), ᱯᱩᱰᱩᱝ (᱒,᱓᱘᱒), ᱢᱮᱝᱯᱚᱝ ᱵᱤᱨ (᱑,᱑᱑᱑), ᱠᱟᱯᱷᱤᱨ ᱠᱷᱟᱥᱢᱚᱦᱚᱞ (᱕᱔᱙) ᱟᱨ ᱥᱩᱱᱛᱟᱞᱮ ᱠᱷᱟᱥᱢᱚᱦᱚᱞ (᱒᱐᱙) ᱾[᱑᱐]

ᱥᱤᱠᱷᱱᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱥᱤᱠᱷᱱᱟᱹᱛ ᱦᱚᱲᱟᱜ ᱜᱩᱴ ᱮᱞ ᱫᱚ ᱕᱔,᱘᱒᱐ ᱜᱚᱴᱟᱝ (᱘᱒.᱔᱓%) ᱥᱤᱠᱷᱱᱟᱹᱛ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱠᱷᱚᱱ ᱒᱙,᱓᱘᱙ (᱘᱖.᱕᱕%) ᱠᱚᱲᱟ ᱟᱨ ᱒᱕,᱔᱓᱑ (᱗᱖.᱒᱑%) ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱡᱟᱱᱟᱝ ᱵᱷᱮᱜᱟᱨ (ᱛᱤᱨᱞᱟᱹ ᱟᱨ ᱠᱚᱲᱟ ᱥᱤᱠᱷᱱᱟᱹᱛ ᱫᱚᱨ ᱛᱟᱞᱟ ᱨᱮ ᱵᱷᱮᱜᱟᱨ) ᱫᱚ ᱑᱐.᱓᱔% ᱛᱟᱦᱮᱸ ᱠᱟᱱᱟ ᱾[᱑᱐]

ᱯᱟᱹᱨᱥᱤ ᱟᱨ ᱫᱷᱚᱨᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱫᱷᱚᱨᱚᱢ ᱠᱚ (᱒᱐᱑᱑)
ᱦᱤᱱᱫᱩ
 
 58.74%
ᱤᱥᱟᱹᱭ
 
 19.47%
ᱵᱩᱫᱫᱷᱚ
 
 18.94%
ᱠᱤᱨᱟᱛ ᱢᱩᱱᱫᱷᱩᱢ
 
 1.63%
ᱤᱥᱞᱟᱢ
 
 1.14%
ᱮᱴᱟᱜᱟᱜ ᱟᱨᱵᱟᱝ ᱵᱟᱭ ᱞᱟᱹᱭ ᱟᱠᱟᱱᱟ
 
 0.09%

᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱨᱮ, ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱦᱤᱱᱫᱩ ᱫᱷᱚᱨᱚᱢ ᱠᱚᱣᱟᱜ ᱮᱞ ᱔᱓,᱙᱐᱓ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱩᱣᱟᱜ ᱦᱚᱲ ᱮᱞ ᱨᱮᱱᱟᱜ ᱕᱘.᱗᱔% ᱛᱟᱦᱮᱸ ᱠᱟᱱᱟ ᱾ ᱤᱥᱟᱹᱭ ᱫᱷᱚᱨᱚᱢ ᱠᱚᱣᱟᱜ ᱮᱞ ᱑᱔,᱕᱕᱐ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱩᱣᱟᱜ ᱦᱚᱲ ᱮᱞ ᱨᱮᱱᱟᱜ ᱑᱙.᱔᱗% ᱛᱟᱦᱮᱸ ᱠᱟᱱᱟ ᱾ ᱵᱩᱫᱫᱷᱚ ᱫᱷᱚᱨᱚᱢ ᱠᱚᱣᱟᱜ ᱮᱞ ᱑᱔,᱑᱕᱖ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱩᱣᱟᱜ ᱦᱚᱲ ᱮᱞ ᱨᱮᱱᱟᱜ ᱑᱘.᱙᱔% ᱛᱟᱦᱮᱸ ᱠᱟᱱᱟ ᱾ ᱤᱥᱞᱟᱢ ᱫᱷᱚᱨᱚᱢ ᱠᱚᱣᱟᱜ ᱮᱞ ᱘᱕᱓ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱩᱣᱟᱜ ᱦᱚᱲ ᱮᱞ ᱨᱮᱱᱟᱜ ᱑.᱑᱔% ᱛᱟᱦᱮᱸ ᱠᱟᱱᱟ ᱾ ᱮᱴᱟᱜ ᱠᱚᱣᱟᱜ ᱮᱞ ᱑,᱒᱘᱔ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱩᱣᱟᱜ ᱦᱚᱲ ᱮᱞ ᱨᱮᱱᱟᱜ ᱑.᱗᱒% ᱛᱟᱦᱮᱸ ᱠᱟᱱᱟ ᱾[᱑᱑]

ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮᱱᱟᱜ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮᱱᱟᱜ ᱯᱟᱹᱨᱥᱤ ᱠᱚ (᱒᱐᱑᱑)[᱑᱒]

  ᱱᱮᱯᱟᱞᱤ (89.96%)
  ᱞᱮᱯᱪᱟ (5.57%)
  ᱦᱤᱱᱫᱤ (1.33%)
  ᱮᱴᱟᱜ ᱠᱚᱣᱟᱜ (3.14%)

᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱚᱠᱛᱚ, ᱘᱙.᱙᱖% ᱫᱚ ᱱᱮᱯᱟᱞᱤ, ᱕.᱕᱗% ᱫᱚ ᱞᱮᱯᱪᱟ ᱟᱨ ᱑.᱓᱓% ᱫᱚ ᱦᱤᱱᱫᱤ ᱟᱡᱟᱜ ᱢᱟᱲᱟᱝ ᱯᱟᱹᱨᱥᱤ ᱞᱮᱠᱟᱛᱮ ᱨᱚᱲᱼᱮᱫ ᱛᱟᱦᱮᱸᱫ ᱾[᱑᱒]

ᱠᱟᱹᱣᱰᱤ ᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱮᱸᱠᱤᱝ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱒-᱑᱓ ᱥᱟᱞ ᱨᱮ, ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱢᱤᱫᱴᱟᱹᱝ ᱵᱮᱯᱟᱨ ᱵᱮᱸᱠ ᱟᱨ ᱵᱟᱨᱭᱟ ᱜᱨᱟᱢᱤᱬ ᱵᱮᱸᱠ ᱨᱮᱱᱟᱜ ᱚᱯᱷᱤᱥ ᱛᱟᱦᱮᱸ ᱠᱟᱱᱟ ᱾

ᱦᱮᱡ ᱥᱮᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱑᱐ ᱫᱚ ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱞᱮᱠᱟᱛᱮ ᱥᱮᱱᱚᱜᱼᱟ ᱾[᱑᱓]

ᱯᱚᱱᱚᱛ ᱨᱟᱡᱽᱰᱟᱦᱟᱨ ᱑᱒ ᱫᱚ ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱞᱮᱠᱟᱛᱮ ᱥᱮᱱᱚᱜᱼᱟ ᱾[᱑᱔]

ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱒-᱑᱓ ᱥᱟᱞ ᱨᱮ, ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱑᱑᱑ ᱜᱚᱴᱟᱝ ᱯᱨᱟᱭᱢᱮᱨᱤ ᱤᱥᱠᱩᱞ ᱨᱮ ᱘,᱔᱒᱐ ᱜᱚᱴᱟᱝ ᱯᱟᱹᱴᱷᱩᱣᱟᱹ, ᱖ ᱜᱚᱴᱟᱝ ᱛᱟᱱᱟᱞᱟ ᱟᱥᱲᱟ ᱨᱮ ᱑,᱕᱑᱙ ᱜᱚᱴᱟᱝ ᱯᱟᱹᱴᱷᱩᱣᱟᱹ, ᱕ ᱜᱚᱴᱟᱝ ᱩᱱᱩᱥᱩᱞ ᱟᱥᱲᱟ ᱨᱮ ᱓,᱐᱓᱖ ᱜᱚᱴᱟᱝ ᱯᱟᱹᱴᱷᱩᱣᱟᱹ, ᱢᱤᱫᱴᱟᱹᱝ ᱩᱱᱩᱥᱩᱞ ᱥᱮᱠᱮᱱᱰᱟᱨᱤ ᱤᱥᱠᱩᱞ ᱨᱮ ᱒,᱑᱒᱓ ᱜᱚᱴᱟᱝ ᱯᱟᱹᱴᱷᱩᱣᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾

ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ, ᱔᱓ ᱜᱚᱴᱟᱝ ᱟᱹᱛᱩ ᱠᱷᱚᱱ ᱮᱭᱟᱭ ᱜᱚᱴᱟᱝ ᱟᱹᱛᱩ ᱨᱮ ᱤᱥᱠᱩᱞ ᱜᱮ ᱵᱟᱭ ᱛᱟᱦᱮᱸ ᱠᱟᱱᱟ, ᱒᱗ ᱜᱚᱴᱟᱝ ᱟᱹᱛᱩ ᱨᱮ ᱵᱟᱨᱭᱟ ᱟᱨᱵᱟᱝ ᱰᱮᱦᱮᱨ ᱯᱨᱟᱭᱢᱮᱨᱤ ᱤᱥᱠᱩᱞ ᱛᱟᱦᱮᱸ ᱠᱟᱱᱟ, ᱑᱙ ᱜᱚᱴᱟᱝ ᱟᱹᱛᱩ ᱨᱮ ᱠᱚᱢ ᱠᱷᱚᱱ ᱠᱚᱢ ᱢᱤᱫᱴᱟᱹᱝ ᱯᱨᱟᱭᱢᱮᱨᱤ ᱟᱨ ᱢᱤᱫᱴᱟᱹᱝ ᱛᱟᱱᱟᱞᱟ ᱟᱥᱲᱟ ᱛᱟᱦᱮᱸ ᱠᱟᱱᱟ ᱟᱨ ᱗ ᱜᱚᱴᱟᱝ ᱟᱹᱛᱩ ᱨᱮ ᱠᱚᱢ ᱠᱷᱚᱱ ᱠᱚᱢ ᱢᱤᱫᱴᱟᱹᱝ ᱛᱟᱱᱟᱞᱟ ᱟᱥᱲᱟ ᱛᱟᱦᱮᱸ ᱠᱟᱱᱟ ᱟᱨ ᱢᱤᱫᱴᱟᱹᱝ ᱥᱮᱠᱮᱱᱰᱟᱨᱤ ᱤᱥᱠᱩᱞ ᱛᱟᱦᱮᱸ ᱠᱟᱱᱟ ᱾[᱑᱕]

ᱦᱚᱲᱢᱚ ᱥᱟᱶᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱓ ᱥᱟᱞ ᱨᱮ, ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱢᱤᱫᱴᱟᱹᱝ ᱟᱥᱯᱟᱛᱟᱞ, ᱢᱤᱫᱴᱟᱹᱝ ᱫᱮᱦᱟᱛ ᱟᱥᱯᱟᱛᱟᱞ ᱟᱨ ᱵᱟᱨᱭᱟ ᱯᱨᱟᱭᱢᱮᱨᱤ ᱦᱮᱞᱛᱷ ᱛᱟᱞᱢᱟ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱨᱮ ᱜᱩᱴ ᱖᱒ ᱵᱮᱰ ᱟᱨ ᱯᱩᱱᱭᱟᱹ ᱰᱚᱠᱴᱚᱨ ᱠᱚ ᱛᱟᱦᱮᱸ ᱠᱟᱱᱟ ᱾ ᱱᱚᱸᱰᱮ ᱒᱐ ᱜᱷᱟᱨᱚᱸᱡᱽ ᱠᱚᱞᱭᱟᱬ ᱡᱚᱜᱚ ᱛᱟᱞᱢᱟ ᱟᱨ ᱢᱤᱫᱴᱟᱹᱝ ᱜᱷᱟᱨᱚᱸᱡᱽ ᱠᱚᱞᱭᱟᱬ ᱛᱟᱞᱢᱟ ᱛᱟᱦᱮᱸ ᱠᱟᱱᱟ ᱾

ᱨᱟᱢᱵᱤ ᱵᱟᱡᱟᱨ, ᱯᱤ ᱳ ᱨᱤᱭᱟᱝ ᱨᱮ ᱓᱐ ᱵᱭᱰ ᱟᱜ ᱨᱟᱢᱵᱤ ᱜᱨᱟᱢᱤᱬ ᱟᱥᱯᱟᱛᱟᱞ, ᱠᱟᱞᱤᱢᱯᱚᱝ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱢᱩᱬ ᱥᱚᱨᱠᱟᱨᱤ ᱢᱮᱰᱤᱠᱟᱞ ᱥᱩᱵᱤᱫᱷᱟ ᱢᱮᱱᱟᱜᱼᱟ ᱾ ᱥᱚᱢᱛᱷᱚᱨ (᱖ ᱵᱮᱰ ᱟᱜ) ᱟᱨ ᱛᱤᱥᱛᱟ ᱵᱟᱡᱟᱨ (᱑᱐ ᱵᱮᱰ ᱟᱜ) ᱨᱮ ᱯᱨᱟᱭᱢᱮᱨᱤ ᱦᱮᱞᱛᱷ ᱛᱟᱞᱢᱟ ᱢᱮᱱᱟᱜᱼᱟ ᱾[᱑᱖][᱑᱗]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ↑ "District Census Handbook: Darjiling" (PDF). Map of District Darjiling (on the fifth page). Directorate of Census Operations, West Bengal, 2011. Retrieved 12 February 2020.
  2. ↑ "District Census Handbook, Darjeeling, Series 20, Part XII A, 2011 Census of India" (PDF). Pages 15-17: Drainage. Directorate of Census Operations, West Bengal. Retrieved 12 February 2020.
  3. ↑ "District Census Handbook, Darjeeling, Series 20, Part XII A, 2011 Census of India" (PDF). Map of Darjeeling district on the fifth page. Directorate of Census Operations, West Bengal. Retrieved 12 February 2020.
  4. ↑ "Sikkim Tehsil Map". Maps of India. Retrieved 12 February 2020.
  5. ↑ "Tehsil map of Jalpaiguri". Maps of India. Retrieved 12 February 2020.
  6. ↑ "District Statistical Handbook 2013 Darjeeling". Tables 2.1, 2.2. Department of Statistics and Programme Implementation, Government of West Bengal. Retrieved 12 February 2020.[permanent dead link]
  7. ↑ "Provisional Population Totals, West Bengal , Table 4". Census of India 2001, Darjeeling district (01). Census Commissioner of India. Archived from the original on 19 ᱡᱩᱞᱟᱭ 2011. Retrieved 12 ᱯᱷᱮᱵᱽᱨᱩᱣᱟᱨᱤ 2020.
  8. ↑ "District Census Handbook: Darjiling" (PDF). Map of District Darjiling with CD block HQs and Police Stations (on the fifth page). Directorate of Census Operations, West Bengal, 2011. Retrieved 12 February 2020.
  9. ↑ "Egiye Bangla Darjeeling" (PDF). Miscellaneous - District Detail. District administration. Retrieved 12 February 2020.
  10. ↑ ᱑᱐.᱐ ᱑᱐.᱑ ᱑᱐.᱒ ᱑᱐.᱓ ᱑᱐.᱔ "CD block Wise Primary Census Abstract Data(PCA)". 2011 census: West Bengal – District-wise CD blocks. Registrar General and Census Commissioner, India. Retrieved 12 February 2020.
  11. ↑ "Table C-01 Population by Religion: West Bengal". censusindia.gov.in. Registrar General and Census Commissioner of India. 2011.
  12. ↑ ᱑᱒.᱐ ᱑᱒.᱑ "Table C-16 Population by Mother Tongue: West Bengal". www.censusindia.gov.in. Registrar General and Census Commissioner of India.
  13. ↑ "New Numbering of National Highways notification - Government of India" (PDF). The Gazette of India. Retrieved 18 April 2019.
  14. ↑ "List of State Highways in West Bengal". West Bengal Traffic Police. Retrieved 21 February 2020.
  15. ↑ "District Census Handbook, Darjiling, 2011, Series 20, Part XII A" (PDF). Page 394, Appendix I A: Villages by number of Primary Schools and Appendix I B: Villages by Primary, Middle and Secondary Schools. Directorate of Census Operations, West Bengal. Retrieved 12 February 2020.
  16. ↑ "Health & Family Welfare Department" (PDF). Health Statistics – Rural Hospitals. Government of West Bengal. Archived from the original (PDF) on 8 October 2022. Retrieved 3 April 2020.
  17. ↑ "Health & Family Welfare Department" (PDF). Health Statistics – Primary Health Centres. Government of West Bengal. Archived from the original (PDF) on 21 April 2018. Retrieved 3 April 2020.

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱠᱟᱞᱤᱢᱯᱚᱝ ᱴᱨᱟᱵᱷᱮᱞ ᱵᱟᱵᱚᱫᱽ ᱠᱟᱛᱷᱟ ᱣᱤᱠᱤᱦᱤᱨᱤ (Wikivoyage) ᱨᱮ
"https://sat.wikipedia.org/w/index.php?title=ᱠᱟᱞᱤᱢᱯᱚᱝ_᱑_ᱵᱚᱱᱚᱛ&oldid=128889" ᱠᱷᱚᱱ ᱧᱟᱢ ᱟᱹᱜᱩᱭ