ᱠᱩᱢᱩᱫᱽᱵᱮᱱ ᱡᱳᱥᱤ

ᱠᱩᱢᱩᱫᱽᱵᱮᱱ ᱢᱟᱱᱤᱥᱚᱸᱠᱚᱨ ᱡᱳᱥᱤ ᱟᱜ ᱡᱟᱱᱟᱢ ᱓᱑ ᱡᱟᱱᱩᱣᱟᱨᱤ ᱑᱙᱓᱔ ᱨᱮ, ᱜᱩᱡᱽᱨᱟᱴ ᱨᱮᱭᱟᱜ ᱥᱨᱤ ᱢᱚᱱᱤᱥᱚᱸᱠᱚᱨ ᱴᱷᱮᱱ ᱦᱩᱭ ᱞᱮᱱᱟ ᱾ ᱩᱱᱤ ᱫᱚ ᱒᱖ ᱱᱚᱵᱷᱮᱢᱵᱚᱨ ᱑᱙᱘᱕ ᱠᱷᱚᱱ ᱗ ᱯᱷᱮᱵᱽᱣᱟᱨᱤ ᱑᱙᱙᱐ ᱫᱷᱟᱹᱵᱤᱡ ᱟᱱᱫᱷᱨᱚ ᱯᱨᱚᱫᱮᱥ ᱨᱮᱱ ᱯᱚᱱᱚᱛ ᱜᱚᱢᱠᱮ ᱮ ᱛᱟᱦᱮ ᱠᱟᱱᱟ ᱾ ᱥᱟᱨᱫᱟ ᱢᱩᱠᱷᱟᱨᱡᱤ ᱛᱟᱭᱚᱢ ᱩᱱᱤ ᱜᱮ ᱯᱚᱱᱚᱛ ᱨᱮᱱ ᱫᱚᱥᱟᱨ ᱛᱤᱨᱞᱟᱹ ᱯᱚᱱᱚᱛ ᱜᱚᱢᱠᱮ ᱠᱟᱱᱟᱭ ᱾^[᱑] ᱩᱱᱤ ᱫᱚ ᱤᱱᱯᱷᱳᱨᱢᱮᱥᱚᱱ ᱟᱨ ᱩᱱᱩᱪᱷᱟᱹᱱ ᱢᱚᱱᱛᱨᱤ (ᱚᱠᱴᱚᱵᱚᱨ ᱑᱙᱘᱐ - ᱡᱟᱱᱩᱣᱟᱨᱤ ᱑᱙᱘᱒) ᱟᱨ ᱥᱟᱥᱛᱷᱚ ᱟᱨ ᱜᱷᱟᱨᱚᱸᱡᱽ ᱵᱩᱜᱤᱡᱩᱫᱟᱹ ᱢᱚᱱᱛᱨᱤ (ᱡᱟᱱᱩᱣᱟᱨᱤ ᱑᱙᱘᱒ - ᱰᱤᱥᱮᱢᱵᱚᱨ ᱑᱙᱘᱔) ᱞᱮᱠᱟᱛᱮ ᱦᱚᱸᱭ ᱛᱟᱦᱮ ᱠᱟᱱᱟ ᱾^[᱒]

ᱡᱳᱥᱤ ᱫᱚ ᱑᱕ ᱚᱠᱴᱚᱵᱚᱨ ᱑᱙᱗᱓ ᱠᱷᱚᱱ ᱒ ᱮᱯᱨᱤᱞ ᱑᱙᱗᱖, ᱓ ᱮᱯᱨᱤᱞ ᱑᱙᱗᱖ ᱠᱷᱚᱱ ᱒ ᱮᱯᱨᱤᱞ ᱑᱙᱘᱒ ᱟᱨ ᱓ ᱮᱯᱨᱤᱞ ᱑᱙᱘᱒ ᱠᱷᱚᱱ ᱒᱕ ᱱᱚᱵᱷᱮᱢᱵᱚᱨ ᱑᱙᱘᱕ ᱫᱷᱟᱹᱵᱤᱡ ᱯᱮ ᱫᱷᱟᱣ ᱨᱟᱡᱭᱚ ᱥᱚᱵᱷᱟ ᱨᱮᱱ ᱥᱚᱦᱮᱫ ᱮ ᱛᱟᱦᱮ ᱠᱟᱱᱟ ᱾ ᱩᱱᱤ ᱫᱚ ᱟᱨᱦᱚᱸ ᱜᱩᱡᱽᱨᱟᱴ ᱯᱤ.ᱥᱤ.ᱥᱤ ᱨᱮᱱ ᱢᱟᱬᱛᱮ ᱥᱩᱛᱨᱮᱛ ᱦᱚᱸᱭ ᱛᱟᱦᱮ ᱠᱟᱱᱟ ᱾

ᱟᱡᱟᱜ ᱦᱩᱫᱟᱹ ᱨᱮᱭᱟᱜ ᱟᱹᱜᱤᱵᱷᱟᱨ ᱜᱚᱜ ᱛᱟᱭᱚᱢ, ᱦᱟᱭᱫᱽᱨᱟᱵᱟᱫ ᱨᱟᱡᱽ ᱵᱷᱚᱵᱚᱱ ᱨᱮ ᱟᱡ ᱨᱮᱱ ᱑᱓ ᱜᱚᱴᱟᱱ ᱢᱟᱬᱟᱝ ᱛᱮᱱ (predecessors) ᱠᱚ ᱠᱷᱚᱱ ᱰᱷᱮᱨ ᱠᱟᱹᱢᱤ ᱨᱮ ᱪᱷᱩᱴᱟᱹᱣ ᱨᱮᱭᱟᱜ ᱨᱮᱠᱳᱨᱰ ᱵᱮᱱᱟᱣ ᱞᱟᱹᱜᱤᱫ ᱯᱚᱱᱚᱛ ᱨᱮᱭᱟᱜ ᱒᱓ ᱜᱚᱴᱟᱱ ᱦᱚᱱᱚᱛ ᱟᱨ ᱵᱟᱨᱦᱮ ᱛᱮ ᱟᱹᱰᱤ ᱜᱮᱭ ᱫᱟᱬᱟᱱ ᱠᱟᱱ ᱛᱟᱦᱮᱱᱟ ᱾ ᱒᱖ ᱱᱚᱵᱷᱮᱢᱵᱚᱨ ᱑᱙᱘᱕ ᱠᱷᱚᱱ ᱓᱐ ᱥᱮᱯᱴᱮᱢᱵᱚᱨ ᱑᱙᱘᱗ ᱫᱷᱟᱹᱵᱤᱡ ᱩᱱᱤ ᱦᱚᱱᱚᱛ ᱠᱚᱨᱮ ᱑᱐᱘ ᱟᱨ ᱵᱟᱨᱦᱮ ᱨᱮ ᱒᱒ ᱫᱷᱟᱣ ᱮ ᱫᱟᱬᱟ ᱟᱠᱟᱫᱟ ᱾ ᱨᱟᱢᱟ ᱨᱟᱣ, ᱩᱱ ᱚᱠᱛᱚ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱟᱨ ᱩᱱᱤᱭᱟᱜ ᱯᱟᱨᱴᱤ ᱨᱮᱱ ᱦᱚᱲ ᱠᱚ ᱱᱚᱣᱟ ᱫᱚ ᱠᱚᱝᱜᱽᱨᱮᱥ ᱞᱟᱹᱜᱤᱫ ᱢᱤᱫ ᱠᱮᱴᱮᱡ ᱜᱟᱲ ᱵᱮᱱᱟᱣ ᱨᱮᱭᱟᱜ ᱠᱩᱨᱩᱢᱩᱴᱩ ᱞᱮᱠᱟᱛᱮ ᱠᱚ ᱧᱮᱞ ᱞᱮᱫᱟ ᱾

ᱵᱤᱵᱟᱫᱽ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱩᱢᱩᱫᱽᱵᱮᱱ ᱢᱟᱱᱤᱥᱚᱸᱠᱚᱨ ᱡᱳᱥᱤ ᱨᱟᱡᱽ ᱵᱷᱚᱵᱚᱱ ᱨᱮ ᱛᱟᱦᱮ ᱚᱠᱛᱚ ᱫᱟᱲᱮ ᱨᱮ ᱢᱮᱱᱟᱭ ᱛᱮᱹᱞᱮᱜᱩ ᱫᱮᱥᱚᱢ ᱯᱟᱨᱴᱤ (ᱴᱤ.ᱰᱤ.ᱯᱤ) ᱟᱜ ᱦᱩᱢᱠᱤ (threats) ᱨᱮᱭ ᱛᱟᱦᱮ ᱠᱟᱱᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱯᱚᱱᱚᱛ ᱢᱚᱱᱛᱨᱤ ᱢᱟᱰᱮᱨ ᱨᱮ ᱟᱡᱟᱜ ᱫᱤᱥᱩᱣᱟᱹᱨᱤ ᱢᱟᱦᱟᱸ ᱯᱮᱨᱮᱰ ᱨᱮᱭᱟᱜ ᱵᱷᱟᱥᱚᱱ ᱨᱮᱭᱟᱜ "ᱠᱟᱹᱢᱤ ᱚᱠᱛᱚ ᱟᱨ ᱥᱟᱛᱟᱢ" ᱚᱠᱛᱟ ᱠᱟᱛᱮ (criticising) "ᱯᱚᱱᱚᱛ ᱨᱮᱭᱟᱜ ᱞᱟᱹᱭ ᱜᱟᱱᱚᱜ ᱩᱛᱷᱱᱟᱹᱣ ᱫᱮᱭᱟ ᱵᱟᱹᱜᱤ ᱠᱟᱛᱮ" ᱢᱤᱫ ᱯᱨᱚᱥᱛᱟᱵᱽ ᱟᱛᱟᱝ ᱫᱟᱨᱟᱢ ᱛᱟᱭᱚᱢ ᱩᱱᱤ ᱵᱤᱨᱩᱫᱽ ᱨᱮ ᱟᱵᱷᱤᱡᱟᱱ ᱰᱷᱮᱨ ᱮᱱᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱱᱚᱣᱟ ᱵᱟᱵᱚᱛ ᱛᱮ ᱫᱤᱥᱚᱢ ᱜᱚᱢᱠᱮ ᱟᱨ. ᱵᱷᱮᱸᱠᱚᱴᱚᱨᱚᱢᱚᱱ ᱴᱷᱮᱱ ᱥᱤᱨᱟᱹ ᱢᱚᱱᱛᱨᱤ ᱮᱱ.ᱴᱤ. ᱨᱟᱢᱟ ᱨᱟᱣ ᱪᱤᱴᱷᱤᱭ ᱚᱞᱟ ᱢᱮᱱᱛᱮᱭ ᱢᱮᱱ ᱞᱮᱫᱟ ᱾ ᱴᱤ.ᱰᱤ.ᱯᱤ ᱨᱮᱱ ᱢᱚᱱᱛᱨᱤ ᱠᱚ ᱩᱱᱤ "ᱠᱚᱝᱜᱽᱨᱮᱥ ᱨᱮᱱ ᱮᱡᱮᱱᱴ" ᱞᱮᱠᱟᱛᱮ ᱵᱮᱵᱷᱟᱨ ᱨᱮᱭᱟᱜ ᱠᱚ ᱟᱨᱳᱯ ᱟᱠᱟᱫᱟ ᱾

ᱡᱳᱥᱤ ᱦᱟᱭᱫᱽᱨᱟᱵᱟᱫ ᱨᱮᱭᱟᱜ ᱛᱷᱟᱱᱤᱛ ᱠᱷᱚᱵᱚᱨ ᱥᱟᱠᱟᱢ ᱠᱚᱨᱮ ᱟᱭᱢᱟ ᱜᱟᱱ ᱜᱟᱯᱟᱞᱢᱟᱨᱟᱣ ᱮᱢ ᱠᱟᱛᱮ ᱱᱚᱣᱟ ᱨᱮᱭᱟᱜ ᱛᱮᱞᱟᱭ ᱨᱩᱣᱟᱹᱲ ᱞᱮᱫᱟ ᱾ ᱩᱱᱤ ᱱᱚᱣᱟ ᱠᱚ ᱟᱨᱳᱯ ᱫᱚ "ᱚᱡᱽᱲᱟ" ᱢᱮᱱ ᱠᱟᱛᱮ ᱠᱷᱟᱨᱤᱡᱽ ᱜᱚᱫ ᱠᱟᱫᱟ ᱟᱨ ᱮ ᱞᱟᱹᱭ ᱠᱮᱫᱟ ᱱᱚᱣᱟ ᱠᱚ ᱟᱠᱛᱟ ᱨᱮᱭᱟᱜ ᱡᱚᱵᱟᱵᱽ ᱮᱢ ᱤᱧᱟᱜ ᱢᱟᱹᱱ ᱠᱷᱚᱱ ᱞᱟᱛᱟᱨ ᱜᱮᱭᱟ ᱾^[᱓]

ᱥᱟᱹᱠᱷᱹᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

↑ "Former Governors of Andhra Pradesh". National Informatics Centre. Archived from the original on 3 April 2014. Retrieved 21 December ᱒᱐᱑᱒. {{cite web}}: Check date values in: |accessdate= (help)
↑ "Worldwide Guide for women leadership". Guide2womenleaders. Retrieved 21 December 2012.
↑ Stefaniak, B.; Moll, J.; Sliwiński, M.; Dziatkowiak, A.; Zaslonka, J.; Chyliński, S.; Leśniak, K.; Iwaszkiewicz, A.; Iljin, W. (1977). "[Development of technics employed in extracorporeal circulation in the years 1961-1976 in the light of 1,200 cases]". Kardiologia Polska. 20 (3): 247–250. ISSN 0022-9032. PMID 328977.

[1] "Former Governors of Andhra Pradesh". National Informatics Centre. Archived from the original on 3 April 2014. Retrieved 21 December ᱒᱐᱑᱒. {{cite web}}: Check date values in: |accessdate= (help)

[2] "Worldwide Guide for women leadership". Guide2womenleaders. Retrieved 21 December 2012.

[3] Stefaniak, B.; Moll, J.; Sliwiński, M.; Dziatkowiak, A.; Zaslonka, J.; Chyliński, S.; Leśniak, K.; Iwaszkiewicz, A.; Iljin, W. (1977). "[Development of technics employed in extracorporeal circulation in the years 1961-1976 in the light of 1,200 cases]". Kardiologia Polska. 20 (3): 247–250. ISSN 0022-9032. PMID 328977.

[᱑]

[᱒]

[᱓]