ᱨᱟᱢᱟᱥᱣᱟᱢᱤ ᱵᱷᱮᱸᱠᱚᱴᱚᱨᱚᱢᱚᱱ

ᱨᱟᱢᱟᱥᱣᱟᱢᱤ ᱵᱮᱝᱠᱚᱴᱚᱨᱟᱢᱚᱱ
ᱨᱟᱢᱟᱥᱣᱟᱢᱤ ᱵᱮᱝᱠᱚᱴᱚᱨᱟᱢᱚᱱ
᱘ ᱟᱹᱱᱤᱡ ᱥᱤᱧᱚᱛ ᱫᱤᱥᱚᱢ ᱜᱚᱢᱠᱚ
	ᱟᱹᱢᱟᱹᱞᱤ ᱨᱮ; ᱒᱕ ᱡᱩᱞᱟᱭ ᱑᱙᱘᱗ – ᱒᱕ ᱡᱩᱞᱟᱭ ᱑᱙᱙᱒
ᱢᱟᱨᱟᱝ ᱢᱚᱱᱛᱨᱤ	ᱨᱟᱡᱤᱵᱽ ᱜᱟᱱᱫᱷᱤ; ᱣᱤ. ᱯᱤ. ᱥᱤᱝ; ᱪᱚᱸᱫᱽᱨᱚ ᱥᱮᱠᱷᱚᱨ; ᱯᱤ. ᱣᱤ. ᱱᱚᱨᱚᱥᱤᱢᱦᱟ ᱨᱟᱣ
Vice President	ᱥᱚᱝᱠᱚᱨ ᱫᱚᱭᱟᱞ ᱥᱚᱨᱢᱟ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱡᱮᱭᱞ ᱥᱤᱝ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱥᱚᱝᱠᱚᱨ ᱫᱚᱭᱟᱞ ᱥᱚᱨᱢᱟ
᱗ ᱟᱹᱱᱤᱡ ᱥᱤᱧᱚᱛ ᱡᱚᱜᱚ ᱫᱤᱥᱚᱢ ᱜᱚᱢᱠᱮ
	ᱟᱹᱢᱟᱹᱞᱤ ᱨᱮ; ᱓᱑ ᱚᱜᱚᱥᱴ ᱑᱙᱘᱔ – ᱒᱔ ᱡᱩᱞᱟᱭ ᱑᱙᱘᱗
ᱫᱤᱥᱚᱢ ᱜᱚᱢᱠᱮ	ᱡᱮᱭᱞ ᱥᱤᱝ
ᱢᱟᱨᱟᱝ ᱢᱚᱱᱛᱨᱤ	ᱤᱱᱫᱤᱨᱟ ᱜᱟᱱᱫᱷᱤ; ᱨᱟᱡᱤᱵᱽ ᱜᱟᱱᱫᱷᱤ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱢᱚᱦᱚᱢᱚᱫᱽ ᱦᱤᱫᱟᱭᱟᱛᱩᱞᱞᱟᱦ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱥᱚᱝᱠᱚᱨ ᱫᱚᱭᱟᱞ ᱥᱚᱨᱢᱟ
Minister of Home Affairs
	ᱟᱹᱢᱟᱹᱞᱤ ᱨᱮ; ᱒᱒ ᱡᱩᱱ ᱑᱙᱘᱒ – ᱒ ᱥᱮᱯᱴᱮᱢᱵᱚᱨ ᱑᱙᱘᱒
ᱢᱟᱨᱟᱝ ᱢᱚᱱᱛᱨᱤ	ᱤᱱᱫᱤᱨᱟ ᱜᱟᱱᱫᱷᱤ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱡᱮᱭᱞ ᱥᱤᱝ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱯᱨᱚᱠᱟᱥ ᱪᱚᱸᱫᱽᱨᱚ ᱥᱮᱴᱷᱤ
Minister of Defence
	ᱟᱹᱢᱟᱹᱞᱤ ᱨᱮ; ᱑᱕ ᱡᱟᱱᱩᱣᱟᱨᱤ ᱑᱙᱘᱒ – ᱒ ᱚᱜᱚᱥᱴ ᱑᱙᱘᱔
ᱢᱟᱨᱟᱝ ᱢᱚᱱᱛᱨᱤ	ᱤᱱᱫᱤᱨᱟ ᱜᱟᱱᱫᱷᱤ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱤᱱᱫᱤᱨᱟ ᱜᱟᱱᱫᱷᱤ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱥᱚᱝᱠᱚᱨᱨᱟᱣ ᱪᱚᱣᱚᱱ
Minister of Finance
	ᱟᱹᱢᱟᱹᱞᱤ ᱨᱮ; ᱑᱔ ᱡᱟᱱᱩᱣᱟᱨᱤ ᱑᱙᱘᱐ – ᱑᱕ ᱡᱟᱱᱩᱣᱟᱨᱤ ᱑᱙᱘᱒
ᱢᱟᱨᱟᱝ ᱢᱚᱱᱛᱨᱤ	ᱤᱱᱫᱤᱨᱟ ᱜᱟᱱᱫᱷᱤ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱦᱮᱢᱵᱚᱛᱤ ᱱᱚᱱᱫᱚᱱ ᱵᱚᱦᱩᱜᱩᱱᱟ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱯᱨᱚᱱᱚᱵᱽ ᱢᱩᱠᱷᱚᱨᱡᱤ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ	ᱨᱟᱢᱟᱥᱣᱟᱢᱤ ᱵᱮᱝᱠᱚᱴᱚᱨᱟᱢᱚᱱ; ᱔ ᱰᱤᱥᱮᱢᱵᱚᱨ ᱑᱙᱑᱐; ᱨᱟᱡᱟᱢᱚᱫᱚᱱ, ᱢᱟᱫᱽᱨᱟᱥ ᱯᱨᱮᱥᱤᱰᱮᱱᱥᱤ, ᱵᱽᱨᱤᱴᱤᱥ ᱤᱱᱰᱤᱭᱟ; (ᱱᱤᱛᱚᱜ ᱫᱚ ᱛᱟᱢᱤᱞᱱᱟᱰᱩ, ᱥᱤᱧᱚᱛ)
ᱜᱩᱨ	᱒᱗ ᱡᱟᱱᱩᱣᱟᱨᱤ ᱒᱐᱐᱙ (ᱩᱢᱮᱨ ᱙᱘ ᱥᱮᱨᱢᱟ); ᱱᱟᱶᱟ ᱫᱤᱞᱞᱤ, ᱥᱤᱧᱚᱛ
ᱨᱟᱡᱽᱟᱹᱨᱤ ᱫᱚᱞ	ᱤᱱᱰᱤᱭᱟᱱ ᱱᱮᱥᱱᱟᱞ ᱠᱚᱸᱜᱽᱨᱮᱥ
ᱡᱤᱭᱚᱱ ᱥᱚᱦᱮᱫ	ᱡᱟᱱᱚᱠᱤ ᱵᱮᱝᱠᱚᱴᱚᱨᱟᱢᱚᱱ
ᱦᱚᱯᱚᱱ	ᱯᱚᱫᱽᱢᱟ ᱵᱮᱝᱠᱚᱴᱚᱨᱟᱢᱚᱱ; ᱵᱤᱡᱚᱭᱟ ᱨᱟᱢᱚᱪᱚᱸᱫᱽᱨᱚᱱ; ᱞᱚᱠᱥᱢᱤ ᱵᱮᱝᱠᱚᱴᱮᱥᱟᱱ;
ᱥᱮᱪᱮᱫ ᱟᱠᱷᱲᱟ	ᱞᱳᱭᱳᱞᱟ ᱢᱟᱨᱟᱝ ᱵᱤᱨᱫᱟᱹᱜᱟᱲ, ᱢᱟᱫᱽᱨᱟᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ
ᱠᱟᱹᱢᱤ	ᱩᱠᱤᱞ; ᱨᱟᱡᱽᱟᱹᱨᱤᱭᱟᱹ;
ᱥᱩᱦᱤ

ᱨᱟᱢᱟᱥᱣᱟᱢᱤ ᱵᱷᱮᱸᱠᱚᱴᱚᱨᱟᱢᱚᱱ (᱔ ᱰᱤᱥᱮᱢᱵᱚᱨ ᱑᱙᱑᱐-᱒᱖ ᱡᱟᱱᱩᱣᱟᱨᱤ ᱒᱐᱐᱙) ᱫᱚ ᱥᱤᱧᱚᱛ ᱨᱤᱱᱤᱡ ᱘ ᱟᱹᱱᱤᱡ ᱫᱤᱥᱚᱢ ᱜᱚᱢᱠᱮᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱑᱙᱘᱗ ᱠᱷᱚᱱ ᱑᱙᱙᱒ ᱦᱟᱹᱵᱤᱡ ᱱᱚᱶᱟ ᱛᱷᱟᱱᱚᱛ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱫᱤᱥᱚᱢ ᱫᱚᱢᱠᱮ ᱵᱮᱱᱟᱣᱜ ᱞᱟᱦᱟᱨᱮ ᱟᱡ ᱫᱚ ᱔ ᱥᱮᱨᱢᱟ ᱦᱟᱹᱵᱤᱡ ᱥᱤᱧᱚᱛ ᱨᱤᱱᱤᱡ ᱡᱚᱜᱚ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱛᱮ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱵᱟᱞᱮ ᱢᱟᱦᱟᱸ ᱒᱖ ᱡᱟᱱᱩᱣᱟᱨᱤ ᱦᱤᱞᱚᱜ ᱟᱹᱰᱤ ᱫᱤᱱ ᱟᱡᱟᱨ ᱛᱟᱭᱚᱢ ᱟᱡᱟᱜ ᱡᱤᱣᱤᱵᱟᱹᱛᱤ ᱫᱚ ᱤᱬᱤᱡ ᱞᱮᱱ ᱛᱟᱦᱮᱸᱫ ᱾ ᱩᱱ ᱡᱚᱦᱚᱜ ᱩᱱᱤ ᱫᱚ ᱗᱙ ᱵᱚᱨᱥᱚ ᱨᱤᱱᱤᱡ ᱮ ᱛᱟᱦᱮᱸ ᱠᱟᱱᱟ ᱾ ᱫᱤᱥᱚᱢ ᱜᱚᱢᱠᱮ, ᱡᱚᱜᱚ ᱫᱤᱥᱚᱢ ᱜᱚᱢᱠᱮ ᱟᱨ ᱢᱟᱨᱟᱝ ᱢᱚᱱᱛᱨᱤ ᱥᱟᱶᱛᱮ ᱫᱤᱥᱚᱢ ᱡᱟᱠᱟᱛ ᱨᱤᱱ ᱟᱹᱰᱤᱜᱟᱱ ᱨᱟᱡᱽᱟᱹᱨᱤ ᱱᱮᱛᱟ ᱠᱚ ᱟᱡᱟᱜ ᱜᱩᱨ ᱚᱠᱛᱚ ᱨᱮ ᱫᱩᱠ ᱠᱚ ᱥᱚᱫᱚᱨ ᱞᱮᱫ-ᱟ ᱾ ᱩᱱᱤ ᱒ ᱺ ᱓᱐ ᱴᱟᱲᱟᱝ ᱨᱮ ᱫᱤᱞᱞᱤ ᱨᱮ ᱥᱮᱱᱟ ᱟᱜ ᱨᱤᱥᱚᱨᱪ ᱮᱸᱰ ᱨᱮᱯᱷᱨᱚᱞ ᱦᱟᱥᱯᱟᱛᱟᱞ ᱨᱮ ᱢᱩᱪᱟᱹᱫ ᱥᱟᱦᱮᱫ ᱮ ᱤᱫᱤ ᱞᱮᱫ-ᱟ ᱾ ᱩᱱᱤ ᱫᱚ ᱨᱟᱪᱟᱦᱚᱨ ᱨᱮ ᱤᱱᱯᱷᱮᱠᱥᱮᱱ (ᱭᱩᱨᱳᱥᱮᱯᱥᱤᱥ) ᱨᱮᱱᱟᱜ ᱮᱴᱠᱮᱴᱚᱬᱮ ᱛᱟᱭᱚᱢ ᱪᱟᱞᱣᱮᱱ ᱑᱒ ᱡᱟᱱᱩᱣᱟᱨᱤ ᱫᱚ ᱦᱟᱥᱯᱟᱛᱟᱞ ᱨᱮᱠᱚ ᱵᱷᱩᱨᱛᱤ ᱞᱮᱫᱮ ᱛᱟᱦᱮᱸᱫ ᱾ ᱩᱱᱤ ᱥᱟᱦᱮᱫ ᱮᱴᱠᱮᱴᱚᱬᱮ ᱟᱡᱟᱨ ᱨᱮᱦᱚᱸ ᱯᱟᱲᱟᱣ ᱮ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱠᱟᱹᱢᱤᱠᱛᱚ ᱫᱚ ᱑᱙᱘᱗ ᱠᱷᱚᱱ ᱑᱙᱙᱒ ᱦᱟᱹᱵᱤᱡ ᱛᱟᱦᱮᱸ ᱠᱟᱱᱟ ᱾ ᱫᱤᱥᱚᱢ ᱜᱚᱢᱠᱮ ᱛᱷᱟᱱᱚᱛ ᱨᱮ ᱫᱩᱲᱩᱵ ᱞᱟᱦᱟ ᱨᱮ ᱵᱷᱮᱸᱠᱚᱴᱚᱨᱟᱢᱚᱱ ᱫᱚ ᱥᱩᱯᱩᱨ ᱯᱩᱱ ᱥᱮᱨᱢᱟ ᱦᱟᱹᱵᱤᱡ ᱫᱤᱥᱚᱢ ᱨᱤᱱᱤᱡ ᱡᱚᱜᱚ ᱫᱤᱥᱚᱢ ᱜᱚᱢᱠᱮ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ^[᱑]

ᱮᱛᱚᱦᱚᱵ ᱡᱤᱭᱚᱱ

ᱵᱷᱮᱸᱠᱚᱴᱚᱨᱟᱢᱚᱱ ᱟᱜ ᱡᱟᱱᱟᱢ ᱫᱚ ᱔ ᱰᱤᱥᱮᱢᱵᱚᱨ ᱑᱙᱑᱐ ᱨᱮ ᱛᱟᱢᱤᱞᱱᱟᱰᱩ ᱨᱮ ᱪᱚᱸᱡᱚᱣᱨ ᱥᱩᱨ ᱨᱮᱱᱟᱜ ᱯᱚᱴᱴᱩᱠᱳᱴᱴᱚᱭ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤᱭᱟᱜ ᱵᱟᱹᱲᱛᱤ ᱥᱮᱪᱮᱫ ᱫᱚ ᱨᱟᱡᱽᱜᱟᱲ ᱪᱮᱱᱱᱟᱭ (ᱩᱱ ᱡᱚᱦᱚᱜ ᱢᱟᱫᱽᱨᱟᱥ) ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ^[᱒] ᱩᱱᱤ ᱫᱚ ᱠᱟᱹᱣᱰᱤᱟᱹᱨᱤ ᱨᱮ ᱥᱚᱱᱮᱨᱥᱤᱫᱽ ᱢᱟᱹᱱᱦᱤᱥᱤᱨ ᱢᱟᱫᱽᱨᱟᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱮ ᱟᱢᱮᱴ ᱞᱮᱫ-ᱟ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱢᱟᱫᱽᱨᱟᱥ ᱨᱮᱱᱟᱜ ᱜᱮ ᱞᱚ ᱠᱚᱞᱮᱡᱽ ᱠᱷᱚᱱ ᱠᱟᱱᱩᱱ ᱮ ᱯᱟᱲᱦᱟᱣ ᱮᱱᱟ ᱾ ᱥᱮᱪᱮᱫ ᱥᱟᱹᱛ ᱠᱮᱫ ᱛᱟᱭᱚᱢ ᱩᱱᱤ ᱫᱚ ᱢᱟᱫᱽᱨᱟᱥ ᱩᱱᱩᱥᱩᱞ ᱫᱚᱨᱵᱟᱨᱜᱟᱲ ᱨᱮ ᱥᱮᱨᱢᱟ ᱑᱙᱓᱕ ᱠᱷᱚᱱ ᱩᱠᱤᱞᱟᱹᱛᱤᱭ ᱮᱛᱚᱦᱚᱵ ᱠᱮᱫ-ᱟ ᱟᱨ ᱑᱙᱕᱑ ᱠᱷᱚᱱ ᱩᱱᱤ ᱫᱚ ᱞᱟᱯᱷᱟᱝ ᱫᱚᱨᱵᱟᱨᱜᱟᱲ ᱨᱮ ᱩᱠᱤᱞᱟᱹᱛᱤᱭ ᱮᱛᱚᱦᱚᱵ ᱠᱮᱫ-ᱟ ᱾ ᱩᱠᱤᱞᱟᱹᱛᱤ ᱚᱠᱛᱚ ᱨᱮᱜᱮ ᱩᱱᱤ ᱫᱚ ᱫᱤᱥᱚᱢ ᱨᱮᱱᱟᱜ ᱯᱷᱩᱨᱜᱟᱹᱞ ᱦᱩᱞᱥᱟᱹᱭ ᱨᱮᱦᱚᱸ ᱫᱟᱣ ᱮ ᱦᱟᱛᱟᱣ ᱠᱮᱫ-ᱟ ᱾ ᱟᱨ ᱑᱙᱔᱒ ᱨᱮᱱᱟᱜ ᱥᱤᱧᱚᱛ ᱵᱟᱹᱜᱤᱱ ᱦᱩᱞᱥᱟᱹᱭ ᱨᱮ ᱢᱤᱫ ᱞᱮᱛᱟᱲ ᱠᱩᱨᱩᱢᱩᱴᱩ ᱟᱹᱱᱤᱡ ᱞᱮᱠᱟᱭ ᱠᱟᱹᱢᱤ ᱠᱮᱫ-ᱟ ᱾ ᱯᱷᱩᱨᱜᱟᱹᱞ ᱛᱟᱭᱚᱢ ᱩᱠᱤᱞᱟᱹᱛᱤ ᱨᱮ ᱩᱱᱤᱭᱟᱜ ᱥᱚᱨᱮᱥ ᱠᱟᱹᱢᱤ ᱧᱮᱞ ᱠᱟᱛᱮ ᱥᱤᱧᱚᱛ ᱥᱚᱨᱠᱟᱨ ᱫᱚ ᱩᱱᱤ ᱫᱤᱥᱚᱢ ᱨᱤᱱ ᱪᱮᱛᱟᱱ ᱛᱷᱚᱠ ᱨᱤᱱ ᱩᱠᱤᱞ ᱠᱚᱣᱟᱜ ᱜᱟᱫᱮᱞ ᱨᱮ ᱴᱷᱟᱶᱮ ᱮᱢᱟᱫᱮᱭᱟ ᱾ ᱑᱙᱔᱘ ᱠᱷᱚᱱ ᱑᱙᱕᱐ ᱦᱟᱹᱵᱤᱡ ᱩᱱᱤ ᱫᱚ ᱢᱟᱫᱽᱨᱟᱥ ᱴᱚᱴᱷᱟ ᱨᱤᱱᱤᱡ ᱵᱟᱨ ᱯᱷᱮᱰᱨᱮᱥᱚᱱ ᱨᱤᱱᱤᱡ ᱥᱩᱛᱨᱮᱛ ᱞᱮᱠᱟᱛᱮᱭ ᱛᱟᱦᱮᱸ ᱮᱱᱟ ᱾ ᱠᱟᱱᱩᱱ ᱨᱮᱱᱟᱜ ᱵᱟᱱᱟᱰᱟᱭ ᱟᱨ ᱟᱪᱮᱛᱤᱭᱟᱹ ᱨᱟᱡᱽᱟᱹᱨᱤ ᱨᱮ ᱠᱩᱨᱩᱢᱩᱴᱩ ᱠᱟᱹᱢᱤ ᱠᱷᱟᱹᱛᱤᱨ ᱩᱥᱟᱹᱨᱟ ᱜᱮ ᱨᱟᱡᱽᱟᱹᱨᱤ ᱨᱮᱦᱚᱸᱭ ᱵᱚᱞᱚᱭᱮᱱᱟ ᱾ ᱥᱮᱨᱢᱟ ᱑᱙᱕᱐ ᱨᱮ ᱩᱱᱤ ᱫᱚ ᱯᱷᱩᱨᱜᱟᱹᱞ ᱥᱤᱧᱚᱛ ᱨᱤᱱᱤᱡ ᱯᱨᱚᱵᱷᱤᱡᱚᱱᱟᱞ ᱯᱟᱨᱞᱤᱭᱟᱢᱮᱸᱴ ᱞᱟᱹᱜᱤᱫ ᱮ ᱵᱟᱪᱷᱚᱱ ᱮᱱᱟ ᱾ ᱚᱱᱟ ᱛᱟᱭᱚᱢ ᱑᱙᱕᱒ ᱠᱷᱚᱱ ᱑᱙᱕᱘ ᱦᱟᱹᱵᱤᱡ ᱩᱱᱤ ᱫᱚ ᱫᱤᱥᱚᱢ ᱨᱤᱱᱤᱡ ᱯᱩᱭᱞᱩ ᱯᱟᱨᱞᱤᱭᱟᱢᱮᱸᱴ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱮᱱᱟ ᱾ ᱩᱱᱤ ᱫᱚ ᱥᱮᱨᱢᱟ ᱑᱙᱕᱓ ᱠᱷᱚᱱ ᱑᱙᱕᱔ ᱦᱟᱹᱵᱤᱡ ᱠᱚᱸᱜᱽᱨᱮᱥ ᱯᱟᱴᱤ ᱨᱮ ᱥᱩᱛᱨᱮᱛ ᱛᱷᱟᱱᱚᱛ ᱨᱮᱦᱚᱸᱭ ᱛᱟᱦᱮᱸ ᱠᱟᱱᱟ ᱾

ᱨᱟᱡᱽᱟᱹᱨᱤ ᱡᱤᱭᱚᱱ

᱑᱙᱕᱘ ᱨᱮ ᱥᱚᱝᱥᱚᱫᱽ ᱞᱟᱹᱜᱤᱫ ᱮ ᱵᱟᱪᱷᱚᱱ ᱮᱱ ᱨᱮᱫᱚᱸ ᱨᱟᱢᱟᱥᱣᱟᱢᱤ ᱵᱷᱮᱸᱠᱚᱴᱚᱨᱟᱢᱚᱱ ᱫᱚ ᱞᱳᱠ ᱥᱚᱵᱷᱟ ᱢᱟᱹᱪᱤ ᱠᱷᱚᱱ ᱨᱤᱡᱟᱭᱤᱱ ᱮᱢ ᱠᱟᱛᱮ ᱢᱟᱫᱽᱨᱟᱥ ᱥᱚᱨᱠᱟᱨ ᱨᱮ ᱢᱤᱫ ᱢᱚᱱᱛᱨᱤᱭᱟᱜ ᱛᱷᱟᱱᱚᱛ ᱮ ᱟᱯᱱᱟᱨ ᱠᱮᱫ-ᱟ ᱾ ᱱᱚᱶᱟ ᱚᱠᱛᱚ ᱨᱮ ᱩᱱᱤ ᱫᱚ ᱠᱟᱹᱨᱜᱟᱲ, ᱥᱟᱶᱛᱟ, ᱦᱮᱡᱥᱮᱱ, ᱠᱟᱹᱣᱰᱤᱟᱹᱨᱤ ᱟᱨ ᱫᱤᱥᱣᱟᱹ ᱠᱚᱣᱟᱜ ᱵᱷᱟᱹᱞᱟᱹᱭ ᱞᱟᱹᱜᱤᱫ ᱟᱹᱰᱤᱜᱟᱱ ᱩᱛᱱᱟᱹᱣᱟᱱ ᱠᱟᱹᱢᱤᱭ ᱠᱟᱹᱢᱤ ᱠᱮᱫ-ᱟ ᱾ ᱑᱙᱗᱙ ᱨᱮ ᱩᱱᱤ ᱫᱚ ᱯᱚᱨᱛᱚᱱ ᱠᱚᱢᱤᱥᱳᱱ ᱨᱤᱱᱤᱡ ᱥᱚᱦᱮᱛ ᱞᱮᱠᱟᱭ ᱵᱤᱥᱮᱞᱮᱫ ᱮᱱᱟ ᱾ ᱟᱨ ᱩᱱᱤ ᱫᱚ ᱠᱟᱹᱨᱜᱟᱲ, ᱦᱮᱡᱥᱮᱱ, ᱟᱨ ᱨᱮᱞᱦᱚᱨ ᱞᱮᱠᱟᱱ ᱢᱩᱬᱩᱛ ᱦᱩᱫᱟᱹ ᱨᱮᱱᱟᱜ ᱟᱺᱜᱤᱵᱷᱟᱨ ᱠᱚ ᱪᱟᱞ ᱟᱫᱮᱭᱟ ᱾ ᱑᱙᱔᱙ ᱨᱮ ᱠᱚᱧᱮ ᱢᱟᱫᱽᱨᱟᱥ ᱨᱮᱱᱟᱜ ᱥᱤᱴ ᱠᱷᱚᱱ ᱩᱱᱤ ᱫᱚ ᱞᱳᱠ ᱥᱚᱵᱷᱟ ᱞᱟᱹᱜᱤᱫ ᱥᱚᱦᱮᱛ ᱠᱚ ᱵᱟᱪᱷᱚᱱ ᱠᱮᱫᱮᱭᱟ ᱾ ᱡᱟᱦᱟᱸᱨᱮ ᱩᱱᱤ ᱫᱚ ᱩᱞᱴᱟᱹ ᱯᱟᱦᱴᱟ ᱱᱮᱛᱟᱦᱟᱜ ᱴᱷᱟᱶ ᱮ ᱛᱚᱨᱟᱣ ᱠᱮᱫ-ᱟ ᱾ ᱑᱙᱘᱐ ᱨᱮ ᱟᱡ ᱫᱚ ᱞᱳᱠ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ ᱮ ᱵᱟᱪᱷᱚᱱ ᱮᱱ ᱛᱟᱭᱚᱢ ᱤᱱᱫᱤᱨᱟ ᱜᱟᱱᱫᱷᱤᱭᱟᱜ ᱥᱚᱨᱠᱟᱨ ᱨᱮ ᱩᱱᱤ ᱫᱚ ᱯᱷᱟᱭᱱᱟᱱᱥ ᱢᱤᱱᱤᱥᱴᱨᱤ ᱨᱮᱱᱟᱜ ᱟᱺᱜᱤᱵᱷᱟᱨ ᱠᱚ ᱪᱟᱞ ᱟᱫᱮᱭᱟ ᱟᱨ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱰᱤᱯᱷᱮᱱᱥ ᱢᱤᱱᱤᱴᱚᱨ ᱠᱚ ᱵᱮᱱᱟᱣ ᱠᱮᱫᱮᱭᱟ ᱾ ᱩᱱᱤ ᱫᱚ ᱯᱟᱪᱷᱮ ᱟᱨ ᱥᱟᱢᱟᱝ ᱭᱩᱨᱳᱯ ᱥᱟᱶ ᱜᱮ ᱥᱳᱵᱤᱭᱚᱛ ᱭᱩᱱᱤᱭᱚᱱ, ᱟᱢᱮᱨᱤᱠᱟ, ᱠᱟᱱᱟᱰᱟ, ᱠᱚᱧᱮ ᱯᱟᱪᱷᱮ ᱮᱥᱤᱭᱟ, ᱡᱟᱯᱟᱱ, ᱚᱥᱴᱨᱮᱞᱤᱭᱟ, ᱱᱤᱣᱡᱤᱞᱮᱸᱰ, ᱭᱩᱜᱳᱥᱞᱟᱵᱤᱭᱟ ᱟᱨ ᱢᱟᱨᱤᱥᱚᱥ ᱠᱚᱭ ᱥᱟᱸᱜᱷᱟᱨ ᱟᱠᱟᱫ-ᱟ ᱾ ᱟᱡ ᱫᱚ ᱚᱜᱚᱥᱴ ᱑᱙᱔᱙ ᱨᱮ ᱫᱤᱥᱚᱢ ᱨᱤᱱᱤᱡ ᱡᱚᱜᱚ ᱫᱤᱥᱚᱢ ᱜᱚᱢᱠᱮᱭ ᱵᱮᱱᱟᱣ ᱮᱱᱟ ᱾ ᱱᱚᱶᱟ ᱥᱟᱶᱛᱮ ᱜᱮ ᱟᱡ ᱫᱚ ᱨᱟᱡᱽᱡᱚᱥᱚᱵᱷᱟ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮ ᱦᱚᱸᱭ ᱛᱟᱦᱮᱸ ᱟᱠᱟᱱᱟ ᱾ ᱱᱤᱭᱟᱹ ᱚᱠᱛᱚ ᱨᱮ ᱩᱱᱤ ᱫᱚ ᱤᱱᱫᱤᱨᱟ ᱜᱟᱱᱫᱷᱤ ᱥᱟᱱᱛᱤ ᱯᱩᱨᱚᱥᱠᱟᱨ ᱟᱨ ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱮᱣᱟᱨᱰ ᱯᱷᱳᱨ ᱤᱱᱴᱚᱨᱱᱮᱥᱱᱟᱞ ᱚᱸᱰᱚᱨᱥᱰᱮᱱᱰᱤᱝ ᱨᱤᱱᱤᱡ ᱯᱟᱨᱥᱮᱛ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱒᱕ ᱡᱩᱞᱟᱭ ᱑᱙᱔᱙ ᱨᱮ ᱫᱤᱥᱚᱢ ᱨᱤᱱᱤᱡ ᱘ ᱟᱹᱱᱤᱡ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱛᱮ ᱠᱤᱨᱤᱭᱟᱹᱭ ᱦᱟᱛᱟᱣ ᱞᱮᱫ-ᱟ ᱾ ^[᱓]

ᱢᱩᱪᱟᱹᱫ ᱚᱠᱛᱚ

ᱛᱟᱞᱢᱟ ᱥᱚᱨᱠᱟᱨ ᱫᱚ ᱟᱭᱟᱨ ᱫᱤᱥᱚᱢ ᱜᱚᱢᱠᱮ ᱟᱨ. ᱵᱷᱮᱸᱠᱚᱴᱚᱨᱚᱢᱚᱱ ᱟᱜ ᱥᱚᱱᱢᱟᱱ ᱨᱮ ᱫᱤᱥᱚᱢ ᱨᱮ ᱮᱭᱟᱭ ᱢᱟᱦᱟᱸ ᱞᱟᱹᱜᱤᱫ ᱡᱟᱹᱛᱤᱭᱟᱹᱨᱤ ᱟᱹᱠᱩᱛ ᱮ ᱵᱤᱠᱱᱟᱹᱣ ᱞᱮᱫ-ᱟ ᱾ ᱢᱤᱫ ᱥᱚᱨᱠᱟᱨᱤ ᱜᱟᱞᱚᱪᱤᱭᱟᱹᱭ ᱞᱟᱹᱭ ᱠᱮᱫ-ᱟ ᱫᱚ ᱱᱤᱭᱟᱹ ᱚᱠᱛᱚ ᱨᱮ ᱚᱠᱟ ᱦᱚᱸ ᱥᱚᱨᱠᱟᱨᱤᱭᱟᱹ ᱨᱟᱹᱥᱠᱟᱹ ᱨᱚᱢᱚᱡᱽ ᱠᱟᱹᱢᱤᱦᱚᱨᱟ ᱵᱟᱝ ᱦᱩᱭᱩᱜ-ᱟ ᱟᱨ ᱡᱚᱛᱚ ᱥᱚᱨᱠᱟᱨᱤᱭᱟᱹ ᱫᱚᱞᱟᱱ ᱨᱮ ᱪᱤᱨ ᱫᱚ ᱟᱫᱷᱟ ᱞᱤᱰᱩᱨ ᱛᱟᱦᱮᱸᱱᱟ ᱾ ^[᱔] ᱱᱚᱶᱟ ᱥᱟᱶᱛᱮ ᱫᱤᱥᱣᱟᱹ ᱢᱟᱦᱟᱸ ᱦᱮᱞᱢᱮᱞ ᱛᱟᱭᱚᱢ ᱦᱩᱭᱩᱜ ᱵᱤᱴᱤᱝ ᱨᱤ-ᱴᱨᱤᱴ ᱟᱨ ᱡᱟᱹᱛᱤᱭᱟᱹᱨᱤ ᱠᱮᱭᱰᱮᱴ ᱠᱳᱨᱯᱥ ᱨᱮᱱᱟᱜ ᱢᱟᱨᱟᱝ ᱢᱚᱱᱛᱨᱤ ᱨᱮᱞᱤ ᱥᱟᱶᱛᱮ ᱡᱚᱛᱚ ᱥᱚᱨᱠᱟᱹᱨᱤᱭᱟᱹ ᱠᱟᱹᱢᱤᱦᱚᱨᱟ ᱴᱷᱟᱠᱮᱫ ᱫᱚᱦᱚ ᱦᱩᱭ ᱮᱱᱟ ᱾ ^[᱕] ᱥᱟᱹᱜᱩᱱ ᱢᱟᱦᱟᱸ ᱒᱙ ᱡᱟᱱᱩᱣᱟᱨᱤ ᱫᱚ ᱱᱟᱶᱟ ᱫᱤᱞᱞᱤ ᱨᱮ ᱡᱩᱢᱤᱫᱽ ᱛᱷᱟᱱ ᱨᱮ ᱯᱩᱨᱟᱹ ᱡᱟᱹᱛᱤᱭᱟᱹᱨᱤ ᱢᱟᱹᱱ ᱢᱟᱱᱚᱛ ᱥᱟᱶᱛᱮ ᱩᱱᱤᱭᱟᱜ ᱢᱩᱪᱟᱹᱫ ᱥᱩᱥᱟᱹᱨ ᱠᱟᱹᱢᱤ ᱥᱟᱹᱛ ᱮᱱᱟ ᱾ ᱩᱱᱤᱭᱤᱡ ᱡᱟᱶᱟᱭ ᱜᱚᱢᱠᱮ ᱠᱮᱵᱤ ᱵᱷᱮᱸᱠᱚᱴ ᱫᱚ ᱩᱱᱤ ᱥᱟᱨᱟ ᱥᱮᱸᱜᱮᱞ ᱮ ᱮᱢᱟ ᱫᱮᱭᱟ ᱾ ᱡᱚᱛᱚ ᱫᱷᱚᱨᱚᱢ ᱚᱦᱬᱮ ᱟᱨ ᱒᱑ ᱵᱟᱺᱫᱩᱠ ᱥᱟᱞᱟᱢ ᱛᱟᱞᱟᱨᱮ ᱵᱷᱮᱸᱠᱚᱴᱨᱚᱢᱚᱱ ᱟᱜ ᱜᱚᱡ ᱦᱚᱲᱢᱚ ᱢᱚᱬᱮᱡᱟᱭ ᱨᱮ ᱢᱮᱴᱟᱣ ᱥᱟᱹᱨᱤᱭᱮᱱᱟ ᱾ ᱱᱚᱶᱟ ᱞᱟᱦᱟᱨᱮ ᱫᱤᱥᱚᱢ ᱜᱚᱢᱠᱮ ᱯᱨᱚᱛᱤᱵᱷᱟ ᱯᱟᱴᱤᱞ ᱫᱚ ᱩᱱᱤ ᱢᱩᱪᱟᱹᱫ ᱵᱤᱫᱟᱹᱭᱮ ᱮᱢᱟᱫᱮᱭᱟ ᱾ ^[᱖] ᱡᱟᱹᱨᱩᱢ ᱢᱟᱦᱟᱸ ᱓᱐ ᱡᱟᱱᱩᱣᱟᱨᱤ ᱫᱚ ᱟᱭᱟᱨ ᱫᱤᱥᱚᱢ ᱜᱚᱢᱠᱮ ᱟᱜ ᱡᱟᱝᱵᱟᱦᱟ ᱦᱚᱨᱤᱫᱽᱣᱟᱨ ᱨᱮ ᱜᱟᱝ ᱱᱟᱹᱭ ᱨᱮᱠᱚ ᱵᱚᱦᱮᱞ ᱠᱮᱫ-ᱟ ᱾ ᱩᱱᱤᱭᱤᱡ ᱡᱟᱶᱟᱭ ᱜᱚᱢᱠᱮ ᱰᱨ. ᱠᱮ. ᱵᱷᱮᱸᱠᱚᱴᱨᱚᱢᱚᱱ ᱟᱨ ᱯᱨᱚᱯᱷᱮᱥᱚᱨ ᱟᱨ. ᱨᱟᱢᱪᱚᱸᱫᱽᱨᱚᱱ ᱥᱟᱶᱛᱮ ᱦᱚᱯᱚᱱ ᱮᱨᱟ ᱞᱚᱠᱷᱥᱢᱤ ᱵᱤ ᱵᱷᱮᱸᱠᱚᱴᱮᱥᱣᱚᱨ ᱫᱤᱞᱞᱤ ᱠᱷᱚᱱ ᱩᱱᱤᱭᱟᱜ ᱡᱟᱝᱵᱟᱦᱟ ᱟᱹᱜᱩ ᱠᱟᱛᱮ ᱚᱸᱰᱮ ᱠᱚ ᱥᱮᱴᱮᱨ ᱮᱱᱟ ᱾ ᱧᱩᱛᱩᱢᱟᱱ ᱜᱷᱟᱴ ᱨᱮ ᱩᱛᱚᱨᱟᱠᱷᱚᱸᱰ ᱨᱤᱱᱤᱡ ᱥᱮᱪᱮᱫ ᱢᱚᱱᱛᱨᱤ ᱢᱚᱫᱚᱱ ᱠᱚᱣᱥᱤᱠ ᱦᱚᱨᱤᱫᱽᱣᱟᱨ ᱨᱤᱱᱤᱡ ᱦᱚᱱᱚᱛᱤᱵᱷᱟᱨ, ᱥᱮᱭᱞᱮᱥ ᱵᱟᱜᱳᱞᱤ ᱟᱨ ᱮᱥᱮᱥᱯᱤ ᱥᱚᱧᱡᱚᱭ ᱜᱩᱸᱡᱽᱭᱮᱞ ᱥᱮᱴᱮᱨ ᱠᱚ ᱛᱟᱦᱮᱸ ᱠᱟᱱᱟ ᱾ ᱟᱭᱟᱨ ᱫᱤᱥᱚᱢ ᱜᱚᱢᱠᱮ ᱨᱤᱱ ᱜᱷᱟᱨᱚᱸᱡᱤᱭᱟᱹ ᱠᱚ ᱥᱟᱶ ᱫᱤᱞᱞᱤ ᱠᱷᱚᱱ ᱠᱚ ᱦᱮᱡ ᱞᱮᱱ ᱯᱚᱸᱰᱤᱛ ᱥᱩᱱᱫᱚᱨ ᱨᱟᱜᱷᱚᱵᱽ ᱥᱚᱨᱢᱟ ᱫᱚ ᱜᱷᱟᱴ ᱨᱮᱭ ᱵᱚᱸᱜᱟ ᱵᱳᱨᱳ ᱠᱮᱫ-ᱟ ᱟᱨ ᱛᱟᱭᱚᱢ ᱛᱮ ᱱᱟᱹᱭ ᱨᱮ ᱡᱟᱝᱵᱟᱦᱟᱭ ᱵᱚᱦᱮᱞ ᱚᱪᱚ ᱠᱮᱫ ᱠᱚᱣᱟ ᱾ ᱱᱚᱶᱟ ᱞᱟᱦᱟᱨᱮ ᱥᱮᱱᱟ ᱠᱚᱭᱤᱡ ᱛᱩᱨᱩᱭ ᱟᱹᱱᱤᱡ ᱟᱨᱴᱤᱞᱮᱨᱤ ᱵᱽᱨᱤᱜᱮᱰ ᱨᱤᱱᱤᱡ ᱞᱟᱯᱷᱟᱝ ᱟᱹᱢᱟᱹᱞᱤᱭᱟᱹ ᱫᱚ ᱥᱚᱱᱚᱛ ᱵᱟᱡᱟᱨ ᱵᱟᱦᱨᱮ ᱨᱮ ᱢᱮᱱᱟᱜ ᱨᱟᱭᱵᱟᱞᱟ ᱴᱚᱴᱷᱟᱨᱮ ᱵᱷᱮᱸᱠᱚᱴᱨᱚᱢᱚᱱ ᱟᱜ ᱡᱟᱝᱵᱟᱦᱟ ᱪᱩᱠᱟᱹᱜ ᱨᱮ ᱵᱟᱦᱟ ᱢᱟᱞᱟᱭ ᱟᱨᱟᱣ ᱠᱮᱫ-ᱟ ᱾ ^[᱗]

ᱥᱟᱹᱠᱷᱭᱟᱹᱛ

↑ http://newsinhindi.freshnews.in/?p=13839%5B%5D
↑ "Archive copy". Archived from the original on 2021-10-25. Retrieved 2020-06-03.{{cite web}}: CS1 maint: archived copy as title (link)
↑ "ᱟᱭᱟᱨ ᱫᱤᱥᱚᱢ ᱜᱚᱢᱠᱮ ᱟᱨᱹ ᱵᱮᱸᱠᱚᱴᱚᱨᱚᱢᱚᱱ ᱟᱜ ᱜᱩᱨ". ᱵᱷᱟᱥᱠᱚᱨ. Archived from the original (ᱮᱪᱴᱤᱮᱢᱮᱞ) on 2009-01-31. Retrieved ᱓᱑ ᱡᱟᱱᱩᱣᱟᱨᱤ ᱒᱐᱐᱙. {{cite web}}: Check date values in: |access-date= (help)
↑ http://www.bbc.co.uk/hindi/regionalnews/story/2009/01/090127_venkatraman_dead.shtml
↑ http://www.rashtriyasahara.com/NewsDetailFrame.aspx?newsid=75858&catid=19&vcatname=%E0%A4%9F%E0%A5%89%E0%A4%AA_%E0%A4%B8%E0%A5%8D%E0%A4%9F%E0%A5%8B%E0%A4%B0%E0%A5%80_%5B%5D
↑ http://www.pressnote.in/readnews.php?id=40266
↑ http://in.jagran.yahoo.com/news/national/general/5_1_5196331/%5B%5D

ᱵᱟᱦᱨᱮ ᱡᱚᱱᱚᱲ

Late R.Venkatraman's Journey
maintained by RV Foundation Archived ᱒᱐᱑᱓-᱐᱖-᱑᱕ at the Wayback Machine., a Trust founded by him and administered by the family.

[1] ttp://newsinhindi.freshnews.in/?p=13839%5B%5D

[2] "Archive copy". Archived from the original on 2021-10-25. Retrieved 2020-06-03.{{cite web}}: CS1 maint: archived copy as title (link)

[3] "ᱟᱭᱟᱨ ᱫᱤᱥᱚᱢ ᱜᱚᱢᱠᱮ ᱟᱨᱹ ᱵᱮᱸᱠᱚᱴᱚᱨᱚᱢᱚᱱ ᱟᱜ ᱜᱩᱨ". ᱵᱷᱟᱥᱠᱚᱨ. Archived from the original (ᱮᱪᱴᱤᱮᱢᱮᱞ) on 2009-01-31. Retrieved ᱓᱑ ᱡᱟᱱᱩᱣᱟᱨᱤ ᱒᱐᱐᱙. {{cite web}}: Check date values in: |access-date= (help)

[4] ttp://www.bbc.co.uk/hindi/regionalnews/story/2009/01/090127_venkatraman_dead.shtml

[5] ttp://www.rashtriyasahara.com/NewsDetailFrame.aspx?newsid=75858&catid=19&vcatname=%E0%A4%9F%E0%A5%89%E0%A4%AA_%E0%A4%B8%E0%A5%8D%E0%A4%9F%E0%A5%8B%E0%A4%B0%E0%A5%80_%5B%5D

[6] ttp://www.pressnote.in/readnews.php?id=40266

[7] ttp://in.jagran.yahoo.com/news/national/general/5_1_5196331/%5B%5D

[᱑]

[᱒]

[᱓]

[᱔]

[᱕]

[᱖]

[᱗]