ᱠᱳᱞᱟᱥᱤᱵᱽ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱠᱳᱞᱟᱥᱤᱵᱽ ᱦᱚᱱᱚᱛ
ᱢᱤᱡᱚᱨᱟᱢ ᱨᱮᱱᱟᱜ ᱦᱚᱱᱚᱛ
ᱢᱤᱡᱚᱨᱟᱢ ᱨᱮ ᱠᱳᱞᱟᱥᱤᱵᱽ ᱦᱚᱱᱚᱛ ᱨᱮᱱᱟᱜ ᱴᱷᱟᱶ
ᱢᱤᱡᱚᱨᱟᱢ ᱨᱮ ᱠᱳᱞᱟᱥᱤᱵᱽ ᱦᱚᱱᱚᱛ ᱨᱮᱱᱟᱜ ᱴᱷᱟᱶ
ᱫᱤᱥᱚᱢᱥᱤᱧᱚᱛ
ᱯᱚᱱᱚᱛᱢᱤᱡᱚᱨᱟᱢ
ᱦᱮᱰᱠᱩᱣᱟᱴᱚᱨᱠᱳᱞᱟᱥᱤᱵᱽ
ᱥᱚᱨᱠᱟᱨ
 • ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣᱢᱤᱡᱚᱨᱟᱢ
 • ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ
ᱮᱨᱤᱭᱟ
 • ᱜᱩᱴ1382.51 ᱠᱤᱢᱤ (533.79 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ(2011)
 • ᱜᱩᱴ᱘᱓,᱙᱕᱕
 • ᱰᱮᱱᱥᱤᱴᱤ61/ᱠᱤᱢᱤ2 (160/ᱜᱟᱺᱴ ᱢᱟᱹᱭᱤᱞ)
ᱦᱚᱲ
 • ᱥᱮᱪᱮᱫ᱙᱓.᱕᱐
 • ᱡᱟᱱᱟᱝ ᱡᱟᱹᱱᱤ᱙᱕᱖
IST (ᱭᱩᱴᱤᱥᱤ+᱐᱕:᱓᱐)
ᱣᱮᱵᱽᱥᱟᱭᱤᱴkolasib.nic.in

ᱠᱳᱞᱟᱥᱤᱵᱽ ᱦᱚᱱᱚᱛ ᱫᱚ ᱢᱤᱡᱚᱨᱟᱢ ᱯᱚᱱᱚᱛ ᱨᱮᱭᱟᱜ ᱤᱨᱟᱹᱞ ᱜᱚᱴᱟᱝ ᱦᱚᱱᱚᱛ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱣᱟ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱮᱛᱚᱢ-ᱥᱟᱢᱟᱝ ᱱᱟᱠᱷᱟ ᱨᱮ ᱢᱮᱱᱟᱜ ᱟᱠᱟᱫᱟ ᱾ ᱱᱚᱣᱟ ᱫᱚ ᱦᱚᱱᱚᱛ ᱨᱮᱭᱟᱜ ᱡᱮᱛᱮ ᱠᱷᱚᱱ ᱦᱩᱰᱤᱧ ᱦᱚᱱᱚᱛ ᱠᱟᱱᱟ ᱟᱨ ᱦᱚᱱᱚᱛ ᱨᱮᱭᱟᱜ ᱮᱨᱤᱭᱟ/ᱟᱴᱮᱫᱥᱚᱝ ᱫᱚ ᱑,᱓᱘᱖ km²(535 sq mi) ᱥᱠᱚᱭᱟᱨ ᱠᱤᱞᱚᱢᱤᱴᱚᱨ ᱾[᱑]

ᱴᱷᱟᱹᱣᱠᱟᱹᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱱᱚᱛ ᱨᱮᱭᱟᱜ ᱮᱛᱚᱢ ᱟᱨ ᱮᱛᱚᱢ-ᱯᱟᱪᱮ ᱱᱟᱠᱷᱟ ᱨᱮ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱦᱟᱭᱞᱟᱠᱟᱱᱰᱤ (Hailakandi district) ᱦᱚᱱᱚᱛ, ᱯᱟᱪᱮ ᱱᱟᱠᱷᱟ ᱨᱮ ᱟᱥᱟᱢ ᱨᱮᱭᱟᱜ ᱢᱟᱢᱤᱛ ᱦᱚᱱᱚᱛ (Mamit district) ᱦᱚᱱᱚᱛ, ᱥᱟᱢᱟᱝ ᱟᱨ ᱠᱚᱧᱮ ᱱᱟᱠᱷᱟ ᱨᱮ ᱟᱭᱡᱚᱞ ᱦᱚᱱᱚᱛ (Aizawl district) ᱟᱨ ᱮᱛᱚᱢ-ᱥᱟᱢᱟᱝ ᱱᱟᱠᱷᱟ ᱨᱮ ᱟᱥᱟᱢ ᱨᱮᱭᱟᱜ ᱠᱟᱪᱟᱨ ᱦᱚᱱᱚᱛ (Cachar district) ᱥᱮᱫᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾ ᱦᱚᱱᱚᱛ ᱨᱮᱭᱟᱜ ᱮᱨᱤᱭᱟ ᱫᱚ ᱑᱓᱘᱒.᱕᱑ ᱥᱠᱚᱭᱟᱨ ᱠᱤ.ᱢᱤ ᱾ ᱦᱚᱱᱚᱛ ᱨᱮ ᱢᱤᱫᱴᱟᱝ ᱥᱮᱨᱞᱩᱭ ᱰᱮᱢ (Serlui B Dam) ᱵᱮᱣᱟᱣ ᱥᱟᱹᱛ ᱟᱠᱟᱱᱟ ᱟᱨ ᱵᱚᱭᱨᱚᱵᱤ ᱰᱮᱢ (Bairabi Dam) ᱟᱨ ᱴᱩᱭᱤᱨᱤᱭᱟᱞ ᱰᱮᱢ (Tuirial Dam) ᱒᱐᱑᱑ ᱥᱟᱹᱦᱤᱛ ᱠᱷᱚᱱ ᱵᱮᱱᱟᱣ ᱪᱟᱹᱞᱩ ᱟᱠᱟᱱᱟ ᱾[᱒]

ᱪᱟᱪᱞᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱱᱚᱛ ᱨᱮᱭᱟᱜ ᱥᱤᱨᱟᱹ ᱟᱢᱟᱹᱞᱤ ᱫᱚ ᱠᱳᱞᱟᱥᱤᱵᱽ ᱱᱟᱜᱟᱨ ᱨᱮ ᱢᱮᱱᱟᱜ ᱟᱠᱟᱫᱟ ᱾ ᱦᱚᱱᱚᱛ ᱨᱮ ᱯᱮᱭᱟ ᱵᱤᱫᱷᱟᱱ ᱥᱳᱵᱷᱟ ᱢᱟ.ᱪᱤ ᱢᱮᱱᱟᱜ-ᱟ, ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱾ * ᱴᱩᱭᱨᱤᱭᱟᱞ ᱵᱩᱫᱷᱟᱱ ᱥᱳᱵᱷᱟ ᱢᱟᱹᱪᱤ (Tuirial) *ᱠᱳᱞᱟᱥᱤᱵᱽ ᱵᱩᱫᱷᱟᱱ ᱥᱳᱵᱷᱟ ᱢᱟᱹᱪᱤ (Kolasib) ᱟᱨ * ᱥᱮᱨᱞᱩᱭ ᱵᱩᱫᱷᱟᱱ ᱥᱳᱵᱷᱟ ᱢᱟᱹᱪᱤ (Serlui) ᱾[᱓]

ᱦᱤᱡᱩᱜ ᱥᱮᱱᱚᱜ ᱯᱚᱣᱚᱱ ᱦᱚᱝᱥᱚ (Pawan Hans) ᱠᱳᱢᱯᱟᱱᱤ ᱠᱳᱞᱟᱥᱤᱵᱽ ᱟᱨ ᱟᱭᱡᱚᱞ ᱱᱟᱜᱟᱨ ᱦᱮᱞᱤᱠᱚᱯᱴᱚᱨ ᱥᱚᱨᱵᱷᱤᱥ ᱮᱢ ᱮᱫᱟᱭ [᱔]᱾ ᱠᱳᱞᱟᱥᱤᱵᱽ ᱠᱷᱚᱱ ᱟᱭᱡᱚᱞ ᱛᱮ ᱕᱔ ᱠᱤ.ᱢᱤ NH 54 ᱡᱟ.ᱛᱤᱭᱟ.ᱨᱤ ᱥᱚᱲᱚᱠ ᱢᱮᱱᱟᱜ-ᱟ ᱾[᱕]

ᱦᱚᱲ ᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧᱚᱛ ᱒᱐᱑᱑ ᱥᱟᱹᱦᱤᱛ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱘᱓,᱙᱕᱕ ᱜᱚᱴᱟᱝ ᱦᱚᱲ ᱢᱮᱱᱟᱜ ᱠᱚᱣᱟ, ᱡᱟᱦᱟᱸ ᱫᱚ ᱟᱱᱰᱳᱨᱟ (Andorra)[᱖] ᱫᱤᱥᱚᱢ ᱨᱤᱱ ᱦᱚᱲ ᱠᱚᱣᱟᱜ ᱮᱞᱮᱞ ᱥᱟᱶ ᱥᱩᱯᱩᱨᱚᱜ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱨᱤᱱ ᱦᱚᱲ ᱠᱚᱣᱟᱜ ᱮᱞᱮᱞ ᱫᱚ ᱖᱒᱐ ᱨᱮᱸᱠ ᱨᱮ ᱦᱤᱡᱩᱜ ᱠᱟᱱᱟ ᱾ (ᱥᱤᱧᱚᱛ ᱨᱮᱭᱟᱜ ᱖᱔᱐ ᱦᱚᱱᱚᱛ ᱠᱷᱚᱱ) ᱾ ᱰᱮᱱᱥᱤᱴᱤ ᱢᱮᱱᱫᱚ ᱢᱤᱫ ᱥᱠᱚᱭᱟᱨ ᱠᱤ.ᱢᱤ ᱨᱮ ᱖᱑ ᱜᱚᱴᱟᱝ ᱦᱚᱲ ᱚᱛᱱᱚ ᱞᱮᱠᱟᱛᱮᱠᱚ ᱦᱟᱹᱴᱤᱧ ᱧᱟᱢᱚᱜᱼᱟ ᱾ ᱒᱐᱐᱑-᱒᱐᱑᱑ ᱜᱮᱞᱟᱝ ᱥᱮᱨᱢᱟ ᱨᱮ ᱒᱗.᱒᱘ % ᱥᱟᱭᱠᱚᱲᱟ ᱦᱚᱲ ᱠᱚ ᱵᱷᱮᱨ ᱟᱠᱟᱱᱟ ᱾

ᱡᱟᱱᱟᱝ ᱨᱮᱥᱤᱳ, ᱑᱐᱐᱐ ᱠᱚᱲᱟ ᱦᱚᱯᱚᱱ ᱠᱚ ᱢᱩᱫᱽ ᱨᱮ ᱠᱩᱲᱤ ᱦᱚᱯᱚᱱ ᱠᱚᱣᱟᱜ ᱮᱞᱮᱞ ᱫᱚ ᱙᱕᱖ ᱟᱨ ᱥᱟᱱᱟᱢ ᱦᱚᱲ ᱠᱚᱣᱟᱜ ᱥᱮᱪᱮᱫ ᱫᱚᱨ ᱫᱚ ᱙᱓.᱕᱐ % ᱾[᱗]

ᱫᱷᱚᱨᱚᱢ ᱦᱚᱱᱚᱛ ᱨᱮ ᱵᱤᱥᱛᱤ ᱤᱥᱟᱹᱭ ᱫᱷᱚᱨᱚᱢ ᱢᱟᱱᱟᱣ ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱒᱐᱑᱑ ᱦᱚᱲ ᱞᱮᱠᱷᱟ ᱠᱷᱚᱱ ᱵᱟᱰᱟᱭᱚᱜᱼᱟ, * ᱤᱥᱟᱹᱭ ᱠᱚ ᱘᱙.᱕᱘ %, ᱢᱩᱥᱞᱤᱢ ᱠᱚ ᱕.᱒᱗ %, *ᱦᱤᱱᱫᱩ ᱠᱚ ᱔.᱗᱖ %, ᱵᱚᱣᱫᱷᱤ ᱠᱚ ᱐.᱒᱓ %, ᱥᱤᱠᱷ ᱠᱚ 0.᱐᱒ % ᱾ ᱵᱟᱫᱽ ᱵᱟᱹᱠᱤᱭᱟᱱ 0.᱒᱘ % ᱫᱚ ᱟᱠᱚᱣᱟᱜ ᱫᱷᱚᱨᱚᱢ ᱵᱟᱝ ᱠᱚ ᱪᱷᱟᱹᱴᱭᱟᱹᱨ ᱟᱠᱟᱫᱟ ᱾[᱘]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]