ᱠᱳᱨᱟᱯᱩᱴ
| ᱠᱳᱨᱟᱯᱩᱴ | |
|---|---|
| ᱵᱟᱡᱟᱨ | |
 ᱫᱮᱣᱢᱟᱲᱤ Mountain range
| |
| ᱮᱴᱟᱜ ᱧᱩᱛᱩᱢ: Aero Engine Capital of India[᱑] | |
  ᱠᱳᱨᱟᱯᱩᱴ  ᱠᱳᱨᱟᱯᱩᱴ | |
| Coordinates: 18°51′22″N 82°44′05″E / 18.8561°N 82.7347°ECoordinates: 18°51′22″N 82°44′05″E / 18.8561°N 82.7347°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | Odisha |
| ᱦᱚᱱᱚᱛ | ᱠᱳᱨᱟᱯᱩᱴ |
| ᱥᱚᱨᱠᱟᱨ | |
| • ᱞᱮᱠᱟᱱ | ᱢᱩᱱᱥᱤᱯᱟᱞᱴᱤ |
| • ᱪᱟᱪᱞᱟᱣ | ᱠᱳᱨᱟᱯᱩᱴ ᱢᱩᱱᱥᱤᱯᱟᱞᱴᱤ |
| • ᱯᱟᱨᱞᱤᱭᱟᱢᱮᱴ ᱥᱚᱦᱮᱛ | ᱥᱟᱯᱛᱚᱜᱤᱨᱤ ᱩᱞᱟᱠᱟ, (INC) |
| • ᱞᱮᱡᱤᱥᱞᱮᱴᱤᱵᱽ ᱟᱥᱮᱢᱵᱞᱤ ᱥᱚᱦᱮᱛ | ᱨᱚᱜᱷᱩ ᱨᱟᱢ ᱯᱟᱫᱚᱞ, (BJD) |
| ᱩᱥᱩᱞ | 870 ᱢᱤᱴᱚᱨ (2850 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2011) |
| • ᱞᱮᱠᱷᱟᱜᱩᱴ | ᱔᱗,᱔᱖᱘ |
| ᱯᱟᱹᱨᱥᱤ | |
| • ᱟᱹᱢᱟᱹᱞᱮᱛ | ᱳᱰᱤᱭᱟᱹ |
| IST (ᱭᱩᱴᱤᱥᱤ+5:30) | |
| ᱜᱟᱹᱰᱤ ᱨᱤᱡᱤᱥᱴᱨᱤ | OD 10 |
| ᱣᱮᱵᱽᱥᱟᱭᱤᱴ | odisha |
ᱠᱳᱨᱟᱯᱩᱴ ᱳᱰᱤᱥᱟ ᱯᱚᱱᱚᱛ ᱨᱮ ᱠᱳᱨᱟᱯᱩᱴ ᱦᱚᱱᱚᱛ ᱨᱮᱭᱟᱜ ᱢᱤᱫ ᱵᱟᱡᱟᱨ ᱠᱟᱱᱟ ᱾ ᱥᱤᱨᱡᱚᱱ ᱫᱚ ᱫᱩᱠᱷᱤᱱ ᱳᱰᱤᱥᱟ ᱨᱮᱭᱟᱜ ᱠᱳᱨᱟᱯᱩᱴ ᱯᱚᱱᱚᱛ ᱨᱮᱟᱡᱟᱜ ᱪᱚᱨᱚᱠ ᱪᱮᱦᱮᱨᱟ ᱨᱩᱯ ᱮ ᱟᱴᱮᱫ ᱟᱹᱪᱩᱨ ᱟᱠᱟᱫ-ᱟ ᱾ ᱱᱚᱰᱮᱱᱟᱜ ᱦᱟᱹᱨᱭᱟᱹᱲ ᱛᱟᱥᱟᱫ ᱯᱮᱨᱮᱡ ᱴᱟᱺᱰᱤ , ᱵᱤᱨ, ᱡᱷᱟᱨᱱᱟ, ᱜᱷᱟᱹᱴᱤ ᱮᱢᱟᱱᱟᱜ ᱪᱚᱨᱚᱠ ᱟᱹᱰᱤ ᱜᱮ ᱢᱩᱦᱤᱛᱟᱱᱟᱜ ᱠᱟᱱᱟ ᱾ ᱘᱕᱓᱔ ᱥᱠᱚᱭᱟᱨ ᱠᱤᱞᱳᱢᱤᱴᱚᱨ ᱨᱮᱭᱟᱜ ᱮᱨᱤᱭᱟ ᱨᱮ ᱯᱟᱥᱱᱟᱣ ᱟᱠᱟᱱ ᱱᱚᱣᱟ ᱦᱚᱱᱚᱛ ᱵᱚᱝᱜᱟᱞ ᱨᱮᱭᱟᱜ ᱠᱷᱟᱰᱤ ᱠᱷᱚᱱ ᱟᱹᱰᱤ ᱜᱮ ᱥᱩᱨᱟ ᱾ ᱫᱮᱣᱢᱟᱲᱤ ᱦᱚᱱᱚᱛ ᱨᱮᱭᱟᱜ ᱡᱚᱛ ᱠᱷᱚᱱ ᱩᱥᱩᱞ ᱪᱟᱴᱟᱱᱤ ᱢᱮᱱᱟᱜ-ᱟ ᱡᱟᱦᱟᱸ ᱨᱮᱭᱟᱜ ᱩᱥᱩᱞ ᱫᱚ ᱕᱔᱘᱔ ᱯᱷᱤᱴ ᱢᱮᱱᱟᱜ-ᱟ ᱾ ᱫᱩᱜᱩᱢᱟ, ᱵᱟᱜᱽᱨᱟ ᱟᱨ ᱠᱷᱟᱸᱰᱟᱦᱟᱴᱤ ᱡᱷᱟᱨᱱᱟ ᱠᱷᱚᱱ ᱱᱚᱣᱟ ᱦᱚᱱᱚᱛ ᱟᱨ ᱦᱚᱸ ᱵᱟᱹᱲᱛᱤ ᱡᱤᱭᱟᱹᱲ ᱨᱟᱠᱟᱵ-ᱟ ᱾ ᱠᱳᱨᱟᱯᱩᱴ ᱨᱮ ᱵᱮᱱᱟᱣ ᱟᱠᱟᱱ ᱢᱩᱫᱽᱨᱤ, ᱢᱚᱴᱷ, ᱛᱟᱞᱟ ᱡᱩᱜᱽ ᱨᱮᱭᱟᱜ ᱫᱤᱞᱟᱱ ᱮᱢᱟᱱ ᱯᱟᱨᱚᱢ ᱟᱠᱟᱱ ᱱᱟᱝ ᱨᱮᱭᱟᱜ ᱠᱟᱹᱦᱱᱤᱭ ᱞᱟᱹᱭ ᱥᱚᱫᱚᱨᱟ ᱾ ᱚᱱᱟ ᱠᱚ ᱧᱮᱞ ᱞᱟᱹᱜᱤᱫ ᱛᱮ ᱥᱟᱸᱜᱷᱟᱨᱤᱭᱟᱹ ᱠᱚᱣᱟᱜ ᱱᱚᱰᱮ ᱞᱮᱛᱟᱲ ᱦᱤᱡᱩᱜ ᱥᱮᱱᱚᱜ ᱛᱟᱦᱮᱸᱱ ᱜᱮᱭᱟ ᱾
ᱢᱩᱠᱷᱤᱭᱟᱹ ᱢᱩᱦᱤᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱚᱵᱚᱨ ᱢᱟᱹᱱᱴᱚᱴᱷᱟ
ᱵᱚᱸᱜᱟ ᱡᱚᱜᱚᱱᱱᱟᱛᱷ ᱟᱜ ᱱᱚᱣᱟ ᱢᱟᱨᱮ ᱢᱩᱫᱽᱨᱤ ᱫᱚ ᱫᱚᱨᱮᱭᱟ ᱞᱟᱛᱟᱨ ᱠᱷᱚᱱ ᱒᱙᱐᱐ ᱯᱷᱩᱴ ᱩᱥᱩᱞ ᱨᱮ ᱢᱤᱫ ᱵᱩᱨᱩ ᱪᱟᱴᱟᱱᱤ ᱨᱮ ᱵᱮᱱᱟᱣ ᱟᱠᱟᱱᱟ ᱾ ᱢᱩᱫᱽᱨᱤ ᱥᱩᱨ ᱨᱮᱜᱮ ᱢᱤᱫ ᱡᱚᱱᱡᱟᱹᱛᱤ ᱢᱤᱣᱡᱤᱭᱚᱢ ᱢᱮᱱᱟᱜ-ᱟ, ᱡᱟᱦᱟᱸᱨᱮ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱟᱹᱫᱤᱢ ᱞᱟᱠᱪᱟᱨ ᱟᱨ ᱵᱤᱨᱟᱥᱚᱛ ᱥᱟᱛᱟᱢ ᱪᱮᱛᱟᱱ ᱨᱮ ᱩᱯᱨᱩᱢ ᱮ ᱥᱚᱫᱚᱨ ᱟᱠᱚᱣᱟ ᱾
ᱫᱩᱫᱩᱢᱟ ᱡᱷᱟᱨᱱᱟ
ᱢᱚᱛᱥᱭᱚ ᱛᱤᱨᱛᱷᱚ ᱧᱩᱛᱩᱢ ᱛᱮ ᱪᱟᱢᱯᱟᱴᱟᱣ ᱟᱠᱟᱱ ᱱᱚᱣᱟ ᱟᱹᱰᱤ ᱪᱚᱨᱚᱠ ᱡᱷᱟᱨᱱᱟ ᱫᱚ ᱑᱗᱕ ᱢᱤᱴᱚᱨ ᱩᱥᱩᱞ ᱠᱷᱚᱱ ᱞᱤᱸᱜᱤᱱ ᱠᱟᱱᱟ ᱾ ᱱᱚᱰᱮᱱᱟᱜ ᱦᱟᱹᱨᱤᱭᱟᱹᱲ ᱯᱮᱨᱮᱡ ᱟᱨ ᱱᱮᱢᱚᱥ ᱴᱚᱴᱷᱟ ᱨᱮ ᱢᱤᱫ ᱦᱟᱭᱰᱨᱳ ᱤᱞᱮᱠᱴᱨᱤᱠ ᱯᱨᱳᱡᱮᱠᱴ ᱵᱮᱱᱟᱣ ᱟᱠᱟᱱᱟ ᱾ ᱱᱚᱰᱮ ᱫᱚ ᱵᱤᱨᱥᱚᱲᱮ ᱠᱚ ᱢᱟᱱᱟᱣ ᱦᱚᱲ ᱠᱚᱣᱟᱜ ᱞᱮᱛᱟᱲ ᱵᱷᱤᱲ ᱛᱟᱦᱮᱸᱱᱟ ᱾ ᱫᱩᱫᱩᱢᱟ ᱡᱷᱟᱨᱱᱟ ᱠᱷᱚᱱ ᱓ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ ᱢᱤᱫ ᱦᱩᱰᱤᱧ ᱥᱟᱺᱦᱤᱡ ᱴᱚᱞᱟ ᱨᱮ ᱥᱟᱹᱨᱫᱤ ᱢᱟᱦᱟᱸ ᱦᱤᱞᱚᱜ ᱫᱩᱲᱩᱵ ᱦᱟᱴ ᱞᱟᱹᱜᱤᱫ ᱟᱹᱰᱤ ᱜᱮ ᱧᱩᱛᱩᱢ ᱢᱮᱱᱟᱜ-ᱟ ᱾
ᱜᱩᱯᱛᱮᱥᱣᱚᱨ ᱢᱩᱫᱽᱨᱤ
ᱵᱚᱸᱜᱟ ᱥᱤᱵᱽ ᱟᱜ ᱱᱚᱣᱟ ᱧᱩᱛᱩᱢᱟᱱ ᱜᱚᱸᱜᱷᱚᱨ ᱢᱩᱫᱽᱨᱤ ᱫᱚ ᱪᱩᱱ ᱫᱷᱤᱨᱤ ᱨᱮᱭᱟᱜ ᱢᱤᱫ ᱵᱩᱨᱩ ᱨᱮ ᱢᱮᱱᱟᱜ-ᱟ ᱾ ᱠᱚᱞᱟᱵᱽ ᱱᱟᱹᱭ ᱫᱷᱟᱨᱮ ᱨᱮ ᱱᱚᱣᱟ ᱵᱩᱨᱩ ᱫᱚ ᱥᱤᱨᱡᱚᱱ ᱨᱮᱭᱟᱜ ᱧᱮᱢᱮᱞ ᱛᱮ ᱯᱮᱨᱮᱡ ᱯᱩᱨᱩᱱ ᱢᱮᱱᱟᱜ-ᱟ ᱾ ᱢᱩᱫᱽᱨᱤ ᱨᱮᱭᱟᱜ ᱥᱚᱱᱚᱛ ᱞᱤᱸᱜᱽ ᱫᱚ ᱜᱩᱯᱛᱮᱥᱣᱚᱨ ᱢᱮᱱᱛᱮ ᱠᱚ ᱢᱮᱛᱟᱜ-ᱟ ᱡᱟᱦᱟᱸ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱩᱠᱩ ᱟᱠᱟᱱ ᱵᱚᱸᱜᱟ ᱾ ᱪᱷᱚᱛᱤᱥᱜᱚᱰ ᱨᱮ ᱱᱚᱣᱟ ᱫᱚ ᱜᱩᱯᱛ ᱠᱮᱫᱟᱨ ᱧᱩᱛᱩᱢ ᱛᱮ ᱩᱯᱨᱩᱢ ᱢᱮᱱᱟᱜ-ᱟ ᱾ ᱥᱤᱵᱽᱨᱟᱛᱨᱤ ᱛᱟᱠ ᱚᱠᱛᱚ ᱨᱮ ᱱᱚᱰᱮ ᱫᱚ ᱟᱹᱰᱤ ᱵᱟᱹᱲᱛᱤ ᱥᱤᱵᱽᱵᱷᱚᱠᱛᱚ ᱠᱚ ᱦᱟᱹᱡᱩᱜ-ᱟ ᱾
ᱫᱩᱢᱩᱨᱤᱯᱩᱴ
ᱱᱚᱣᱟ ᱟᱹᱛᱩ ᱫᱚ ᱠᱳᱨᱟᱯᱩᱴ ᱟᱨ ᱥᱩᱱᱟᱫᱮᱵᱽ ᱨᱮᱭᱟᱜ ᱛᱟᱞᱟᱨᱮ ᱡᱟᱹᱛᱤᱭᱟᱹᱨᱤ ᱨᱟᱡᱽᱦᱚᱨ ᱔᱓ ᱥᱩᱨ ᱨᱮ ᱢᱮᱱᱟᱜ-ᱟ ᱾ ᱱᱚᱰᱮᱱᱟᱜ ᱥᱨᱤᱨᱟᱢ ᱢᱩᱫᱽᱨᱤ ᱵᱚᱸᱜᱟ ᱦᱚᱱᱩᱢᱟᱱ ᱟᱜ ᱦᱟᱯᱲᱟᱜ ᱢᱩᱫᱽᱨᱤ ᱞᱟᱹᱜᱤᱫ ᱪᱟᱨᱪᱟ ᱨᱮ ᱛᱟᱦᱮᱸᱱᱟ ᱾ ᱱᱚᱣᱟ ᱢᱩᱨᱛᱤ ᱫᱚ ᱳᱰᱤᱥᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱦᱟᱯᱲᱟᱜ ᱦᱚᱱᱩᱢᱟᱱ ᱢᱩᱨᱛᱤ ᱢᱮᱱᱛᱮ ᱠᱚ ᱢᱟᱱᱟᱣ ᱵᱟᱛᱟᱣᱟ ᱾ ᱨᱟᱢ ᱱᱚᱵᱚᱢᱤ ᱯᱟᱨᱟᱵᱽ ᱚᱠᱛᱚ ᱨᱮ ᱱᱚᱰᱮ ᱟᱹᱰᱤ ᱵᱟᱹᱲᱛᱤ ᱮᱞᱮᱞ ᱥᱟᱶᱛᱮ ᱨᱟᱢ ᱟᱨ ᱦᱚᱱᱩᱢᱟᱱ ᱵᱷᱚᱠᱛᱚ ᱥᱮᱴᱮᱨ ᱠᱚ ᱛᱟᱦᱮᱸᱱᱟ ᱾
ᱱᱚᱸᱫᱽᱯᱩᱨ
ᱡᱮᱯᱚᱨ ᱨᱮᱭᱟᱜ ᱱᱚᱣᱟ ᱢᱟᱨᱮ ᱨᱟᱡᱽᱜᱟᱲ ᱫᱚ ᱵᱚᱛᱚᱨᱤᱥᱟ ᱥᱤᱝᱦᱟᱥᱚᱱ ᱞᱟᱹᱜᱤᱫ ᱜᱮ ᱛᱤᱸᱜᱩ ᱟᱠᱟᱱᱟ ᱾ ᱑ᱹ᱘ ᱢᱤᱴᱚᱨ ᱩᱥᱩᱞ ᱨᱮ ᱢᱮᱱᱟᱜ ᱜᱚᱬᱯᱚᱛ᱾ ᱟᱜ ᱢᱩᱨᱛᱤ ᱱᱚᱣᱟ ᱴᱚᱴᱷᱟ ᱨᱮᱭᱟᱜ ᱢᱟᱨᱮ ᱦᱟᱦᱟᱲᱟᱱ ᱠᱟᱛᱷᱟᱭ ᱩᱫᱩᱜ ᱥᱚᱫᱚᱨᱟ ᱾ ᱥᱚᱨᱵᱮᱥᱣᱚᱨ ᱢᱩᱫᱽᱨᱤ ᱟᱨ ᱚᱱᱟᱨᱮ ᱠᱷᱚᱰᱟ ᱟᱠᱟᱱ ᱜᱟᱨ ᱜᱚᱲᱦᱚᱱ ᱦᱚᱸ ᱱᱚᱣᱟ ᱴᱚᱴᱷᱟ ᱨᱮᱭᱟᱜ ᱥᱚᱨᱮᱥ ᱩᱯᱨᱩᱢ ᱮ ᱞᱟᱹᱭ ᱥᱚᱫᱚᱨᱟ ᱾
ᱠᱚᱞᱟᱵᱽ ᱵᱟᱸᱫᱽ
ᱠᱚᱞᱟᱵᱽ ᱱᱟᱹᱭ ᱨᱮ ᱵᱮᱱᱟᱣ ᱟᱠᱟᱱ ᱱᱚᱣᱟ ᱵᱟᱸᱫᱽ ᱫᱚ ᱫᱚᱨᱮᱭᱟ ᱞᱟᱛᱟᱨ ᱠᱷᱚᱱ ᱓᱐᱐᱐ ᱯᱷᱤᱴ ᱪᱮᱛᱟᱱ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱵᱟᱸᱫᱽ ᱨᱮᱭᱟᱜ ᱫᱟᱜ ᱛᱮᱫᱚ ᱦᱟᱭᱰᱨᱳ ᱤᱞᱟᱠᱴᱨᱤᱠ ᱯᱟᱣᱟᱨ ᱥᱤᱨᱡᱟᱹᱣ ᱦᱩᱭᱩᱜ ᱠᱟᱱᱟ ᱾ ᱥᱤᱨᱡᱚᱱ ᱨᱮᱭᱟᱜ ᱪᱚᱨᱚᱠ ᱛᱮ ᱯᱮᱨᱮᱡ ᱯᱩᱨᱩᱱ ᱟᱠᱟᱱ ᱱᱚᱣᱟ ᱴᱚᱴᱷᱟ ᱨᱮᱫᱚ ᱞᱟᱹᱣᱠᱟᱹ ᱥᱟᱸᱜᱷᱟᱨ ᱟᱨ ᱵᱤᱨᱥᱚᱲᱮ ᱨᱮᱭᱟᱜ ᱨᱚᱢᱚᱡᱽ ᱦᱚᱸ ᱦᱟᱛᱟᱣ ᱦᱩᱭ ᱫᱟᱲᱮᱭᱟᱜ-ᱟ ᱾
ᱡᱮᱯᱚᱨ
ᱡᱮᱯᱚᱨ ᱱᱟᱜᱟᱨ ᱨᱮ ᱱᱚᱰᱮᱱ ᱠᱚ ᱮᱛᱚᱦᱚᱵ ᱥᱟᱥᱚᱱᱤᱭᱟᱹ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱠᱤᱞᱟ ᱠᱚᱦᱚᱸ ᱧᱮᱞ ᱦᱩᱭ ᱜᱟᱱ ᱫᱟᱲᱮᱭᱟᱜ-ᱟ ᱾ ᱱᱚᱣᱟ ᱠᱤᱞᱟ ᱫᱚ ᱜᱚᱴᱟᱯᱟᱲᱟ ᱠᱷᱚᱱ ᱩᱥᱩᱞ ᱠᱟᱸᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱵᱚᱞᱚᱱ ᱫᱩᱣᱟᱹᱨ ᱫᱚ ᱟᱹᱰᱤ ᱜᱮ ᱩᱥᱩᱞᱟ ᱾ ᱱᱚᱰᱮᱱᱟᱜ ᱫᱮᱰᱷ ᱢᱤᱞ ᱚᱥᱟᱨ ᱛᱮ ᱢᱮᱱᱟᱜ ᱫᱟᱜ ᱠᱩᱸᱰᱚ ᱫᱚ ᱡᱚᱜᱚᱱᱱᱟᱛᱷ ᱥᱟᱜᱚᱨ ᱧᱩᱛᱩᱢ ᱛᱮ ᱩᱯᱨᱩᱢ ᱢᱮᱱᱟᱜ-ᱟ ᱾ ᱱᱚᱣᱟ ᱫᱟᱜ ᱠᱩᱸᱰ ᱫᱚ ᱫᱟᱜ ᱠᱷᱮᱞᱚᱸᱰ ᱨᱮ ᱨᱟᱹᱥᱠᱟᱹ ᱠᱚ ᱫᱚᱦᱚᱭ ᱦᱚᱲ ᱠᱚ ᱞᱟᱹᱜᱤᱫ ᱟᱹᱰᱤ ᱱᱟᱯᱟᱭ ᱡᱟᱭᱜᱟ ᱠᱟᱱᱟ ᱾ ᱡᱮᱯᱚᱨ ᱠᱳᱨᱟᱯᱩᱴ ᱦᱚᱱᱚᱛ ᱨᱮᱭᱟᱜ ᱫᱚ ᱫᱚ ᱵᱮᱯᱟᱨ ᱛᱟᱞᱢᱟ ᱞᱮᱠᱟᱛᱮ ᱱᱚᱣᱟ ᱨᱮᱭᱟᱜ ᱩᱛᱱᱟᱹᱣ ᱢᱮᱱᱟᱜ-ᱟ ᱾ ᱟᱨ ᱱᱚᱰᱮᱱᱟᱜ ᱯᱮᱯᱚᱨ ᱢᱟᱥᱠ ᱠᱨᱟᱯᱷᱴ ᱟᱹᱰᱤ ᱜᱮ ᱦᱚᱲ ᱠᱚ ᱠᱩᱥᱤᱭᱟᱜ-ᱟ ᱾
ᱦᱮᱡᱥᱮᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱦᱚᱭ ᱦᱚᱨ
ᱵᱤᱥᱟᱠᱷᱟᱯᱟᱴᱱᱟᱢ ᱩᱰᱟᱹᱱ ᱟᱰᱟ ᱫᱚ ᱠᱳᱨᱟᱯᱩᱴ ᱨᱮᱭᱟᱜ ᱥᱩᱨ ᱩᱰᱟᱹᱱᱟᱰᱟ ᱠᱟᱱᱟ ᱾ ᱱᱚᱣᱟ ᱩᱰᱟᱹᱱ-ᱟᱰᱟ ᱫᱚ ᱫᱤᱥᱚᱢ ᱨᱮᱭᱟᱜ ᱟᱨ ᱦᱚᱸ ᱟᱹᱰᱤᱜᱟᱱ ᱢᱟᱨᱟᱝ ᱵᱟᱡᱟᱨ ᱠᱷᱚᱱ ᱦᱚᱭᱦᱚᱨ ᱦᱚᱛᱮᱛᱮ ᱡᱩᱲᱟᱹᱭ ᱢᱮᱱᱟᱜ-ᱟ ᱾ ᱱᱚᱣᱟ ᱩᱰᱟᱹᱱ-ᱟᱰᱟ ᱫᱚ ᱠᱳᱨᱟᱯᱩᱴ ᱠᱷᱚᱱ ᱥᱩᱯᱩᱨ ᱒᱐᱒ ᱠᱤᱞᱳ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾
ᱨᱮᱞ ᱦᱚᱨ
ᱠᱳᱨᱟᱯᱩᱴ ᱨᱮᱭᱟᱜ ᱨᱮᱞ ᱦᱚᱨ ᱦᱚᱛᱮᱛᱮ ᱵᱤᱥᱟᱠᱷᱟᱯᱟᱴᱱᱟᱢ, ᱵᱷᱩᱵᱽᱱᱮᱥᱚᱨ, ᱫᱤᱞᱤ, ᱪᱮᱱᱱᱟᱭ ᱟᱨ ᱦᱚᱸ ᱠᱚᱞᱠᱟᱛᱟ ᱮᱢᱟᱱ ᱵᱟᱡᱟᱨ ᱥᱟᱶ ᱡᱩᱲᱟᱹᱭ ᱠᱟᱛᱮ ᱢᱮᱱᱟᱜ-ᱟ ᱾
ᱥᱚᱲᱚᱠ ᱦᱚᱨ
ᱡᱟᱹᱛᱤᱭᱟᱹᱨᱤ ᱨᱟᱡᱽ ᱦᱚᱨ ᱔᱓ ᱠᱳᱨᱟᱯᱩᱴ ᱥᱮᱫ ᱛᱮ ᱪᱟᱞᱟᱜ-ᱟ ᱡᱟᱦᱟᱸ ᱫᱚ ᱱᱚᱣᱟ ᱟᱹᱰᱤᱜᱟᱱ ᱵᱟᱡᱟᱨ ᱥᱟᱶ ᱮ ᱡᱩᱲᱟᱹᱭ ᱫᱚᱦᱚᱭᱟ ᱾ ᱯᱚᱱᱚᱛ ᱥᱟᱜᱟᱲ ᱱᱤᱜᱚᱢ ᱨᱮᱭᱟᱜ ᱫᱤᱱᱟᱹᱢ ᱵᱚᱥ ᱠᱳᱨᱟᱯᱩᱴ ᱞᱟᱹᱜᱤᱫ ᱪᱟᱞᱟᱣ ᱟᱠᱟ ᱛᱟᱦᱮᱸᱱ ᱠᱟᱱᱟ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ PTI (6 December 2014). "Koraput to be nurtured as Aero Engine Capital of India: Raha". OdishaTV. Retrieved 31 July 2018.
ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- Deomali – The highest & largest mountain peak of Odisha Archived ᱒᱐᱑᱙-᱐᱘-᱐᱑ at the Wayback Machine.
- Official GIS Maps of Koraput District Archived ᱒᱐᱑᱓-᱐᱘-᱒᱐ at the Wayback Machine.
- Road Map of Koraput District
- Official website of Koraput district
- Check More about Beauty of Koraput
- Koraput district map
- Koraput district info Archived ᱒᱐᱐᱙-᱐᱕-᱐᱓ at the Wayback Machine.
- Koraput district information
- Central University of Orissa
- Koraput village sets hygiene example Archived ᱒᱐᱑᱓-᱐᱖-᱒᱙ at Archive.is
- Koraput Tourism
