ᱠᱷᱟᱜᱽᱲᱟᱪᱷᱚᱲᱤ ᱦᱚᱱᱚᱛ

ᱠᱷᱟᱜᱽᱨᱟᱪᱷᱚᱲᱤ ᱦᱚᱱᱚᱛ Khagrachhari খাগড়াছড়ি
District
ᱵᱟᱦᱱᱟ ᱧᱩᱛᱩᱢ:  প্রাকৃতিক সৌন্দর্যের রাণী (The Queen of Natural Beauty)/উপত্যকার শহর (The City of Valleys)
ᱡᱚᱥ ᱠᱟᱛᱷᱟ:  বৈচিত্র্যে সৌন্দর্য (Beauty Lies in Diversity)
Location of Khagrachhari in Bangladesh
ᱠᱳᱣᱚᱨᱰᱤᱱᱮᱴᱥ: 23.0417°N 91.9944°E / 23.0417; 91.9944
Country	Bangladesh
Division	Chittagong Division
ᱛᱷᱟᱯᱚᱱ	1983 (1984)
ᱥᱚᱨᱠᱟᱨ
• MP	Kujendra Lal Tripura
• Mayor of Khagrachhari	Rafiqul Alam
ᱚᱥᱟᱨ ᱵᱤᱥᱟᱹᱨ
• ᱜᱩᱴ	2749.16 ᱠᱤᱢᱤ২ (1061.46 ᱜᱟᱺᱴ ᱢᱟᱭᱤᱞ)
ᱦᱚᱲ ᱮᱞ  (2011 census)
• ᱜᱩᱴ	᱖᱑᱓,᱙᱑᱗
• ᱰᱮᱱᱥᱤᱴᱤ	220/ᱠᱤᱢᱤ2 (580/ᱜᱟᱺᱴ ᱢᱟᱹᱭᱤᱞ)
ᱦᱚᱦᱚ ᱧᱩᱛᱩᱢ	Khagrasoria
ᱚᱠᱛᱚ ᱴᱚᱴᱷᱟ	ᱭᱩ.ᱴᱤ.ᱥᱤ+06:00 (BST)
Postal code	4400
ᱣᱮᱵᱽᱥᱟᱭᱤᱴ	www.khagrachhari.gov.bd

Tribal women near Ful Biju Chengi River, Khagrachhori. Photo:Biplob Rahman

ᱠᱷᱟᱜᱽᱲᱟᱪᱷᱚᱲᱤ ᱦᱚᱱᱚᱛ ᱵᱟᱝᱞᱟᱫᱮᱥ ᱨᱮᱭᱟᱜ ᱫᱟᱹᱠᱷᱤᱱ-ᱯᱩᱨᱩᱵᱽ ᱚᱱᱪᱚᱞ ᱨᱮ ᱢᱮᱱᱟᱜ-ᱟ᱾ ᱱᱚᱣᱟ ᱫᱚ ᱪᱚᱴᱴᱚᱜᱨᱟᱢ ᱠᱷᱚᱸᱰ ᱨᱮᱭᱟᱜ ᱢᱤᱫᱴᱟᱝ ᱯᱚᱨᱥᱟᱥᱚᱱᱤᱠ ᱮᱞᱟᱠᱟᱠᱚ ᱠᱟᱱᱟ᱾

ᱥᱩᱢᱩᱝ

ᱠᱷᱟᱜᱽᱨᱟᱪᱷᱚᱲᱤ ᱦᱚᱱᱚᱛ ᱨᱮᱭᱟᱜ ᱥᱩᱢᱩᱝ ᱫᱚ ᱒᱖᱙᱙.᱕᱖ ᱵᱚᱨᱜᱚ ᱠᱤᱞᱚᱢᱤᱴᱟᱹᱨ᱾

ᱦᱚᱲᱠᱚ

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱞᱮᱠᱷᱟ ᱧᱟᱢ ᱦᱚᱲ ᱕,᱒᱕,᱖᱖᱔ ᱜᱚᱴᱟᱝ᱾ ᱱᱚᱣᱟ ᱛᱟᱞᱮᱨᱮ ᱠᱚᱲᱟ ᱒,᱗᱗,᱖᱑᱔ ᱜᱚᱴᱟᱝ, ᱠᱩᱲᱤ ᱒,᱔᱘,᱓᱕᱐ ᱜᱚᱴᱟᱝ᱾ ᱦᱚᱲ ᱠᱚᱣᱟᱜ ᱥᱟᱶᱜᱮ ᱯᱚᱨᱛᱤ ᱵᱚᱨᱜᱚ ᱠᱤᱞᱚᱢᱤᱴᱟᱹᱨ ᱨᱮ ᱑᱙᱕ ᱜᱚᱱ ᱠᱟᱛᱮᱜ ᱞᱮᱠᱟ᱾ ᱢᱮᱱᱟᱜ ᱠᱚ ᱦᱚᱲ ᱠᱷᱚᱱ ᱢᱩᱥᱞᱟᱹ ᱔᱓.᱕᱒%, ᱦᱤᱱᱫᱩ ᱑᱖.᱔᱓%, ᱵᱳᱫᱫᱷᱚ ᱓᱙.᱒᱘%, ᱟᱨ ᱤᱥᱟᱹᱭ ᱠᱚ ᱥᱟᱶ ᱮᱴᱟᱜ ᱫᱷᱚᱨᱚᱢ ᱨᱮᱱ ᱐.᱗᱗%᱾ ᱱᱚᱣᱟ ᱦᱚᱱᱚᱛ ᱨᱮ ᱪᱟᱠᱢᱟ, ᱢᱟᱨᱢᱟ, ᱛᱨᱤᱯᱩᱨᱟ ᱥᱟᱶ ᱟᱨᱦᱚᱸ ᱟᱭᱢᱟ ᱞᱮᱠᱟᱱ ᱟᱹᱫᱤᱵᱟᱥᱤ ᱜᱚᱥᱴᱤ ᱢᱮᱱᱟᱜ ᱠᱚᱣᱟ᱾

ᱱᱟᱜᱟᱢ

ᱨᱟᱡᱽᱫᱷᱟᱱᱤ ᱰᱷᱟᱠᱟ ᱠᱷᱚᱱ ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱥᱟᱸᱜᱤᱧ ᱒᱗᱐ ᱠᱤᱞᱚᱢᱤᱴᱟᱹᱨ ᱟᱨ ᱪᱚᱴᱴᱚᱜᱨᱟᱢ ᱦᱚᱱᱚᱛ ᱨᱮᱭᱟᱜ ᱥᱚᱫᱚᱨ ᱠᱷᱚᱱ ᱑᱑᱑ ᱠᱤᱞᱚᱢᱤᱴᱟᱹᱨ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱯᱩᱨᱩᱵᱽ ᱫᱚ ᱨᱟᱝᱜᱟᱢᱟᱴᱤ ᱦᱚᱱᱚᱛ, ᱫᱟᱹᱠᱷᱤᱱ ᱫᱚ ᱨᱟᱝᱜᱟᱢᱟᱴᱤ ᱦᱚᱱᱚᱛ ᱟᱨ ᱪᱚᱴᱴᱚᱜᱨᱟᱢ ᱦᱚᱱᱚᱛ, ᱯᱩᱪᱷᱤᱢ ᱫᱚ ᱪᱚᱴᱴᱚᱜᱨᱟᱢ ᱦᱚᱱᱚᱛ ᱟᱨ ᱥᱤᱧᱚᱛ ᱨᱮᱭᱟᱜ ᱛᱨᱤᱯᱩᱨᱟ ᱯᱚᱱᱚᱛ ᱟᱨ ᱩᱛᱟᱹᱨ ᱫᱚ ᱥᱤᱧᱚᱛ ᱨᱮᱭᱟᱜ ᱛᱨᱤᱯᱩᱨᱟ ᱯᱚᱱᱚᱛ ᱢᱮᱱᱟᱜ-ᱟ᱾

ᱦᱩᱭᱟᱠᱟᱱ ᱠᱟᱛᱷᱟ

᱑᱘᱖᱐ ᱥᱮᱨᱢᱟ ᱒᱐ ᱡᱩᱱ ᱨᱟᱝᱜᱟᱢᱟᱴᱤ, ᱠᱷᱟᱜᱽᱨᱟᱪᱷᱚᱲᱤ, ᱵᱟᱱᱫᱚᱨᱵᱚᱱ ᱱᱚᱣᱟ ᱓ ᱟᱱᱟᱜ ᱚᱱᱪᱚᱞ ᱛᱮ ᱪᱚᱴᱴᱚᱜᱨᱟᱢ ᱦᱚᱱᱚᱛ ᱦᱩᱭᱞᱮᱱᱟ᱾ ᱦᱚᱱᱚᱛ ᱦᱩᱭ ᱞᱟᱦᱟᱨᱮ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱧᱩᱛᱩᱢ ᱫᱚ ᱠᱟᱨᱯᱟᱥ ᱢᱚᱦᱚᱞ ᱛᱟᱦᱮ ᱠᱟᱱᱟ᱾ ᱪᱚᱴᱴᱚᱜᱨᱟᱢ ᱦᱚᱱᱚᱛ ᱠᱷᱚᱱ ᱑᱙᱘᱑ ᱥᱮᱨᱢᱟ ᱨᱮ ᱵᱟᱱᱫᱚᱨᱵᱚᱱ ᱟᱨ ᱑᱙᱘᱓ ᱥᱮᱨᱢᱟ ᱨᱮ ᱠᱷᱟᱜᱽᱨᱟᱪᱷᱚᱲᱤ ᱟᱞᱫᱟ ᱢᱤᱴᱴᱟᱝ ᱠᱟᱛᱮᱜ ᱦᱚᱱᱚᱛ ᱠᱚ ᱛᱮᱭᱟᱨ ᱠᱮᱫᱟ᱾

ᱧᱩᱛᱩᱢᱟᱱ ᱠᱟᱛᱷᱟ

ᱠᱷᱟᱜᱽᱨᱟᱪᱷᱚᱲᱤ ᱫᱚ ᱢᱤᱫ ᱜᱟᱰᱟ ᱨᱮᱭᱟᱜ ᱧᱩᱛᱩᱢ ᱠᱟᱱᱟ᱾ ᱜᱟᱰᱟ ᱟᱲᱮ ᱨᱮᱭᱟᱜ ᱠᱷᱟᱜᱽᱲᱟ ᱜᱟᱡᱟᱲ ᱥᱟᱯᱟ ᱠᱟᱛᱮᱜ ᱦᱚᱲ ᱛᱟᱦᱮᱱ ᱡᱟᱜᱟ ᱦᱩᱭᱟᱠᱟᱱᱟ᱾ ᱟᱨ ᱩᱱᱠᱷᱚᱱᱱ ᱜᱮ ᱠᱷᱟᱜᱽᱨᱟᱪᱷᱚᱲᱤ ᱧᱩᱛᱩᱢ ᱛᱮ ᱪᱤᱱᱦᱟᱹ ᱜᱮᱫᱟᱠᱚ᱾

ᱯᱚᱨᱥᱟᱥᱚᱱᱤᱠ ᱮᱞᱟᱠᱟᱠᱚ

ᱠᱷᱟᱜᱽᱨᱟᱪᱷᱚᱲᱤ ᱦᱚᱱᱚᱛ ᱫᱚ ᱙ ᱜᱚᱴᱟᱝ ᱩᱯᱚᱡᱮᱞᱟ, ᱙ ᱜᱚᱴᱟᱝ ᱛᱷᱟᱱᱟ, ᱓ ᱜᱚᱴᱟᱝ ᱯᱳᱣᱨᱚᱥᱚᱵᱷᱟ, ᱓᱗ ᱜᱚᱴᱟᱝ ᱤᱭᱩᱱᱤᱭᱚᱱ, ᱑᱒᱑ ᱜᱚᱴᱟᱝ ᱢᱳᱣᱡᱟ, ᱑᱓᱘᱘ ᱜᱚᱴᱟᱝ ᱟᱛᱚ ᱟᱨ ᱑ ᱜᱚᱴᱟᱝ ᱟᱥᱚᱱ ᱱᱤᱭᱟᱹᱛᱮ ᱦᱩᱭᱟᱠᱟᱱᱟ᱾

ᱩᱯᱚᱡᱮᱞᱟᱠᱚ

ᱠᱷᱟᱜᱽᱨᱟᱪᱷᱚᱲᱤ ᱦᱚᱱᱚᱛ ᱨᱮ ᱙ ᱜᱚᱴᱟᱝ ᱩᱯᱚᱡᱮᱞᱟ ᱢᱮᱱᱟᱜ-ᱟ᱾ ᱚᱱᱟᱫᱚ ᱦᱩᱭᱩᱜ ᱠᱟᱱᱟ ᱺ

1. ᱫᱤᱜᱷᱤᱢᱟᱞᱟ ᱩᱯᱚᱡᱮᱞᱟ
2. ᱠᱷᱟᱜᱽᱨᱟᱪᱷᱚᱲᱤ ᱥᱚᱫᱚᱨ ᱩᱯᱚᱡᱮᱞᱟ
3. ᱞᱚᱠᱷᱤᱪᱷᱚᱲᱤ ᱩᱯᱚᱡᱮᱞᱟ
4. ᱢᱚᱦᱟᱞᱪᱷᱚᱲᱤ ᱩᱯᱚᱡᱮᱞᱟ
5. ᱢᱟᱱᱤᱠᱪᱷᱚᱲᱤ ᱩᱯᱚᱡᱮᱞᱟ
6. ᱢᱟᱴᱤᱨᱟᱝᱜᱟ ᱩᱯᱚᱡᱮᱞᱟ
7. ᱯᱟᱱᱪᱷᱚᱲᱤ ᱩᱯᱚᱡᱮᱞᱟ
8. ᱨᱟᱢᱜᱚᱲ ᱩᱯᱚᱡᱮᱞᱟ
9. ᱜᱩᱭᱢᱟᱨᱟ ᱩᱯᱚᱡᱮᱞᱟ

ᱜᱟᱰᱟᱠᱚ

ᱠᱷᱟᱜᱽᱨᱟᱪᱷᱚᱲᱤ ᱦᱚᱱᱚᱛ ᱨᱮ ᱓ ᱜᱚᱴᱟᱝ ᱯᱚᱨᱫᱷᱟᱱ ᱜᱟᱰᱟ ᱢᱮᱱᱟᱜ-ᱟ, ᱚᱱᱟ ᱫᱚ ᱢᱟᱭᱱᱤ ᱜᱟᱰᱟ, ᱪᱮᱸᱜᱤ ᱜᱟᱰᱟ, ᱟᱨ ᱯᱷᱮᱱᱤ ᱜᱟᱰᱟ

ᱟᱨᱦᱚᱸ ᱧᱮᱞ

• ᱪᱚᱴᱴᱚᱜᱨᱟᱢ ᱠᱷᱚᱸᱰ
• ᱵᱟᱝᱞᱟᱫᱮᱥ ᱨᱮᱭᱟᱜ ᱦᱚᱱᱚᱛᱠᱚ