ᱥᱤᱞᱮᱴ ᱦᱚᱱᱚᱛ
| ᱥᱤᱞᱮᱴ (Sylhet) সিলেট ꠍꠤꠟꠐ | |
|---|---|
| ᱵᱟᱝᱞᱟᱫᱮᱥ ᱨᱮᱱᱟᱜ ᱦᱚᱱᱚᱛᱠᱚ | |
 Two landmarks of the city: Keane Bridge and Ali Amjad's Clock | |
| ᱮᱴᱟᱜ ᱧᱩᱛᱩᱢ: ᱡᱟᱞᱟᱞᱟᱵᱟᱫᱽ | |
 Location of Sylhet in Bangladesh | |
| Coordinates: 24°53′N 91°52′E / 24.883°N 91.867°ECoordinates: 24°53′N 91°52′E / 24.883°N 91.867°E | |
| ᱫᱤᱥᱟᱹᱢ |  Bangladesh |
| ᱯᱚᱱᱚᱛ | Sylhet Division |
| Established | ᱑᱗᱘᱒ |
| ᱮᱨᱤᱭᱟ [᱒] | |
| • ᱞᱮᱠᱷᱟᱜᱩᱴ | 3452.07 ᱠᱤᱢᱤ২ (1332.85 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2016) |
| • ᱞᱮᱠᱷᱟᱜᱩᱴ | ᱓,᱙᱕᱗,᱐᱐᱐[᱑] |
| Demonym(s) | Sylheti, Siloti |
| Literacy rate | |
| • Total | 66% |
| BST (ᱭᱩᱴᱤᱥᱤ+06:00) | |
| ᱯᱤᱱ ᱠᱳᱰ | 3100 |
| ᱣᱮᱵᱽᱥᱟᱭᱤᱴ | sylhet |
ᱥᱤᱞᱮᱴ ᱦᱚᱱᱚᱛ ᱫᱚ ᱵᱟᱝᱞᱟᱫᱮᱥ ᱨᱮᱱᱟᱜ ᱮᱛᱚᱢ-ᱥᱟᱢᱟᱝ ᱨᱮᱱᱟᱜ ᱢᱤᱫᱴᱮᱱ ᱮᱞᱟᱠᱟ ᱠᱟᱱᱟ᱾ ᱱᱚᱣᱟ ᱫᱚ ᱥᱤᱞᱮᱴ ᱯᱚᱱᱚᱛ ᱨᱮᱱᱟᱜ ᱢᱤᱫᱴᱮᱱ ᱦᱚᱱᱚᱛ ᱠᱟᱱᱟ᱾ ᱱᱚᱣᱟ ᱦᱚᱱᱚᱛ ᱫᱚ ᱟᱭᱢᱟ ᱥᱮᱡ ᱞᱮᱠᱟᱛᱮ ᱟᱹᱰᱤ ᱜᱮ ᱱᱟᱯᱟᱭᱟ᱾ ᱥᱚᱦᱟᱭ ᱥᱚᱢᱯᱚᱫᱽ, ᱦᱟᱹᱠᱩ ᱠᱟᱴᱠᱚᱢ ᱟᱨ ᱟᱹᱰᱤ ᱱᱟᱯᱟᱭ ᱱᱟᱯᱟᱭ ᱧᱮᱞ ᱡᱚᱝ ᱡᱟᱜᱟ ᱠᱚᱛᱮ ᱯᱮᱨᱮᱡ ᱟᱠᱟᱱᱟ᱾ ᱱᱚᱣᱟ ᱫᱷᱟᱹᱨᱛᱤ ᱨᱮᱱᱟᱜ ᱫᱚᱥᱟᱨ ᱞᱚᱱᱰᱚᱱ ᱦᱚᱸ ᱠᱚ ᱢᱮᱛᱟᱜᱼᱟ᱾ ᱱᱚᱸᱰᱮᱱᱟᱜ ᱱᱟᱯᱟᱭ ᱱᱟᱯᱟᱭ ᱡᱟᱜᱟ ᱡᱮᱞᱮᱠᱟ ᱡᱳᱭᱱᱛᱤᱭᱟ ᱵᱩᱨᱩ, ᱡᱟᱯᱷᱞᱚᱝ, ᱵᱤᱪᱷᱟᱱᱟᱠᱟᱱᱫᱤ, ᱨᱟᱛᱟᱨᱜᱩᱞ ᱮᱢᱟᱱᱛᱮᱭᱟᱜ ᱡᱟᱜᱟ ᱠᱩ ᱧᱮᱞ ᱞᱟᱹᱜᱤᱛ ᱫᱤᱥᱟᱹᱢ ᱨᱮᱱ ᱥᱮ ᱫᱤᱥᱟᱹᱢ ᱵᱟᱨᱦᱮ ᱠᱷᱚᱱ ᱦᱚᱸ ᱢᱟᱹᱱᱢᱤ ᱠᱩ ᱫᱟᱬᱟᱵᱟᱲᱟᱭ ᱞᱟᱹᱜᱤᱛ ᱥᱤᱞᱮᱴ ᱠᱩ ᱦᱤᱡᱩᱜᱼᱟ᱾
ᱚᱛᱱᱚ ᱥᱤᱢᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱞᱮᱴ ᱦᱚᱱᱚᱛ ᱨᱮᱱᱟᱜ ᱚᱛᱱᱚᱜ ᱥᱤᱢᱟᱹ ᱫᱚ ᱦᱩᱭᱩᱜ ᱠᱟᱱᱟ ᱒᱔° ᱔᱐ ᱠᱷᱚᱱ ᱒᱕° ᱑᱑ ᱮᱛᱚᱢ ᱚᱠᱷᱟᱝᱥᱚ ᱟᱨ ᱙᱑° ᱓ ᱠᱷᱚᱱ ᱙᱒° ᱓ ᱥᱟᱢᱟᱝ ᱫᱨᱟᱜᱷᱤᱢᱟᱝᱥᱚ᱾ ᱥᱤᱞᱮᱴ ᱦᱚᱱᱚᱛ ᱮᱛᱚᱢ ᱥᱮᱡ ᱥᱤᱧᱚᱛ ᱨᱮᱱᱟᱜ ᱢᱮᱜᱷᱟᱞᱚᱭ ᱟᱨ ᱠᱷᱟᱥᱤᱭᱟ ᱡᱳᱭᱱᱛᱤᱭᱟ ᱵᱩᱨᱩ, ᱥᱟᱢᱟᱝ ᱥᱮᱡ ᱫᱚ ᱟᱥᱟᱢ, ᱠᱚᱧᱮ ᱥᱮᱡ ᱫᱚ ᱢᱳᱞᱵᱷᱤᱵᱟᱡᱟᱨ ᱦᱚᱱᱚᱛ ᱟᱨ ᱯᱟᱪᱷᱮ ᱥᱮᱡ ᱫᱚ ᱥᱩᱱᱟᱢᱜᱚᱸᱡᱽ ᱟᱨ ᱦᱚᱵᱤᱜᱚᱸᱡᱽ ᱦᱚᱱᱚᱛ᱾ ᱢᱩᱬᱩᱛ ᱜᱟᱰᱟ ᱫᱚ ᱥᱩᱨᱢᱟ ᱟᱨ ᱠᱩᱥᱤᱭᱟᱨᱟ᱾
ᱯᱨᱚᱥᱟᱥᱚᱱᱤᱠ ᱮᱞᱟᱠᱟ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱗᱘᱒ ᱥᱮᱨᱢᱟ ᱨᱮᱱᱟᱜ ᱓ ᱡᱟᱱᱩᱣᱟᱨᱤ ᱥᱤᱞᱮᱴ ᱦᱚᱱᱚᱛ ᱵᱮᱱᱟᱣ ᱟᱠᱟᱱᱟ᱾ ᱑᱘᱗᱔ ᱥᱮᱨᱢᱟ ᱫᱷᱟᱹᱵᱤᱡ ᱱᱚᱣᱟ ᱦᱚᱱᱚᱛ ᱫᱚ ᱰᱷᱟᱠᱟ ᱯᱚᱱᱚᱛ ᱨᱮᱜᱮ ᱛᱟᱸᱦᱮᱸᱠᱟᱱᱟ᱾ ᱢᱤᱫ ᱡᱚᱠᱷᱚᱡ ᱥᱤᱞᱮᱴ ᱫᱚ ᱟᱥᱟᱢ ᱨᱮᱱᱟᱜ ᱚᱝᱥᱚ ᱛᱟᱸᱦᱮᱸᱠᱟᱱᱟ᱾ ᱑᱙᱔᱗ ᱥᱮᱨᱢᱟ ᱨᱮ ᱥᱤᱧᱚᱛ ᱟᱨ ᱯᱟᱠᱤᱥᱛᱟᱱ ᱵᱷᱟᱜᱽ ᱡᱚᱠᱷᱚᱡ ᱥᱤᱞᱮᱴ ᱫᱚ ᱥᱟᱢᱟᱝ ᱯᱟᱠᱤᱥᱛᱟᱱ ᱥᱮ ᱱᱮᱛᱟᱨᱟᱜ ᱵᱟᱝᱞᱟᱫᱮᱥ ᱨᱮ ᱯᱟᱲᱟᱣᱱᱟ᱾ ᱟᱫᱚ ᱥᱤᱞᱮᱴ ᱦᱚᱱᱚᱛ ᱨᱮ ᱑᱓ ᱜᱚᱴᱟᱝ ᱩᱯᱳᱡᱮᱞᱟ ᱢᱮᱱᱟᱜᱼᱟ᱾ ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ:
- ᱵᱟᱞᱟᱜᱚᱸᱡᱽ
- ᱵᱤᱭᱟᱱᱤᱵᱟᱡᱟᱨ
- ᱵᱤᱥᱥᱚᱱᱟᱛᱷ
- ᱠᱳᱢᱯᱟᱱᱤᱜᱚᱸᱡᱽ
- ᱯᱷᱮᱧᱪᱩᱜᱚᱸᱡᱽ
- ᱜᱳᱞᱟᱯᱜᱚᱸᱡᱽ
- ᱜᱳᱣᱟᱭᱤᱱᱦᱟᱴ
- ᱡᱳᱭᱱᱛᱟᱯᱩᱨ
- ᱠᱟᱱᱟᱭᱜᱷᱟᱴ
- ᱥᱤᱞᱮᱴ ᱥᱚᱫᱚᱨ
- ᱡᱚᱠᱤᱜᱚᱸᱡᱽ
- ᱠᱚᱧᱮ ᱥᱩᱨᱢᱟ
- ᱳᱥᱢᱟᱱᱤ ᱱᱚᱜᱚᱨ
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱞᱮᱴ ᱨᱮᱱᱟᱜ ᱮᱞᱟᱠᱟ ᱵᱷᱤᱛᱛᱤᱠ ᱱᱟᱜᱟᱢ ᱨᱮ ᱧᱮᱞᱚᱜᱼᱟ ᱡᱮ ᱞᱟᱦᱟᱛᱮᱱᱟᱜ ᱥᱨᱤᱦᱚᱴᱴᱚ ᱫᱚ ᱱᱮᱛᱟᱨᱟᱜ ᱥᱤᱞᱮᱴ ᱯᱚᱱᱚᱛ ᱠᱷᱚᱱ ᱦᱚᱸ ᱞᱟᱹᱴᱩ ᱛᱟᱸᱦᱮᱸᱠᱟᱱᱟ᱾ ᱦᱤᱱᱫᱩ ᱠᱳᱣᱟᱜ ᱵᱳᱤᱫᱤᱠ ᱯᱚᱛᱚᱵᱽ ᱠᱟᱢᱟᱠᱠᱷᱟ ᱛᱚᱱᱛᱨᱚ ᱞᱮᱠᱟᱛᱮ ᱥᱮᱫᱟᱭ ᱠᱟᱢᱨᱩᱯ ᱨᱟᱡᱡᱚ ᱨᱮᱱᱟᱜ ᱠᱚᱧᱮ-ᱯᱟᱪᱷᱮ ᱥᱤᱢᱟᱹ ᱫᱚ ᱥᱨᱤᱦᱚᱴᱴᱚ ᱛᱟᱸᱦᱮᱸᱠᱟᱱᱟ᱾ ᱑᱔ ᱥᱟᱭ ᱥᱮᱨᱢᱟ ᱨᱮ ᱤᱭᱮᱢᱮᱱ ᱨᱮᱱ ᱥᱟᱹᱫᱷᱩ ᱵᱟᱵᱟ ᱦᱚᱡᱽᱨᱚᱛ ᱥᱟᱦᱡᱟᱞᱟᱞ (ᱨᱟ:) ᱥᱤᱞᱮᱴ ᱮᱞᱟᱠᱟ ᱡᱤᱛᱠᱟᱨ ᱠᱟᱛᱮ ᱤᱥᱞᱟᱢ ᱫᱷᱚᱨᱚᱢ ᱯᱟᱥᱱᱟᱣᱮ ᱫᱷᱩᱨᱟᱹᱣ ᱞᱮᱱᱟ᱾ ᱑᱘᱕᱗ ᱥᱮᱨᱢᱟ ᱨᱮ ᱵᱨᱤᱴᱤᱥ ᱵᱤᱨᱩᱫᱷ ᱞᱟᱹᱲᱦᱟᱹᱭ ᱨᱮ ᱥᱤᱞᱮᱴ ᱨᱮᱱ ᱦᱩᱞᱜᱟᱹᱨᱤᱭᱟᱹ ᱠᱚ ᱠᱩ ᱦᱟᱨᱟᱣ ᱚᱪᱚᱞᱮᱱᱟ᱾
ᱧᱩᱛᱩᱢ ᱨᱮᱱᱟᱜ ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱤᱱᱫᱩ ᱫᱷᱚᱨᱚᱢ ᱨᱮᱱᱟᱜ ᱯᱚᱛᱚᱵᱽ ᱠᱚ ᱞᱮᱠᱟᱛᱮ ᱥᱤᱵᱽ ᱨᱮᱱ ᱵᱟᱹᱦᱩ ᱥᱚᱛᱤ ᱫᱮᱵᱤ ᱟᱜ ᱜᱮᱛ ᱛᱤ ᱱᱚᱣᱟ ᱮᱞᱟᱠᱟ ᱨᱮ ᱧᱩᱨᱦᱟᱹ ᱞᱮᱱᱟ᱾ ᱚᱱᱟ ᱠᱷᱚᱱ ᱜᱮ ᱥᱨᱤᱦᱚᱴᱴᱚ ᱧᱩᱛᱩᱢ ᱫᱚ ᱦᱮᱡ ᱟᱠᱟᱱᱟ᱾
ᱛᱩᱨᱠᱤ ᱥᱮᱱᱟᱯᱚᱛᱤ ᱤᱠᱷᱛᱤᱭᱟᱨ ᱩᱫᱫᱤᱱ ᱢᱩᱦᱚᱢᱢᱚᱫᱽ ᱵᱚᱠᱷᱛᱤᱭᱟᱨ ᱠᱷᱚᱞᱡᱤ ᱵᱟᱝᱞᱟ ᱡᱤᱛᱠᱟᱹᱨ ᱛᱟᱭᱚᱢ ᱤᱥᱞᱟᱢ ᱫᱷᱚᱨᱚᱢ ᱨᱮᱱᱟᱜ ᱯᱟᱥᱱᱟᱣ ᱡᱟᱹᱥᱛᱤᱭᱮᱱᱟ᱾ ᱩᱱ ᱡᱚᱠᱷᱚᱡ ᱠᱷᱚᱡ ᱢᱩᱥᱞᱟᱹ ᱫᱚ ᱥᱨᱤᱦᱚᱴᱴᱚ ᱵᱟᱫᱽ ᱠᱟᱛᱮ ᱥᱤᱞᱟᱦᱮᱴ, ᱥᱤᱞᱦᱮᱴ ᱧᱩᱛᱩᱢ ᱚᱞ ᱠᱩ ᱫᱷᱩᱨᱟᱹᱣ ᱞᱮᱱᱟ᱾
ᱦᱚᱡᱨᱚᱛ ᱥᱟᱦᱡᱟᱞᱟᱞ ᱡᱚᱠᱷᱚᱱ ᱱᱚᱣᱟ ᱮᱞᱟᱠᱟ ᱨᱮᱭ ᱦᱮᱡ ᱞᱮᱱᱟ ᱩᱱ ᱡᱚᱠᱷᱚᱡ ᱟᱡ ᱨᱮᱱ ᱵᱤᱯᱚᱠᱠᱷᱚ ᱠᱩ ᱫᱷᱤᱨᱤ ᱛᱮ ᱠᱩ ᱮᱥᱮᱫᱽ ᱟᱠᱟᱫᱤ ᱛᱟᱸᱦᱮᱸᱱᱟ᱾ ᱟᱫᱚ ᱩᱱ ᱡᱚᱠᱷᱚᱡ ᱩᱱᱤᱭ ᱵᱟᱸᱠᱷᱮᱬ ᱞᱮᱫᱟ ᱥᱤᱞᱟ ᱦᱟᱴ ᱢᱟᱱᱮ ᱫᱷᱤᱨᱤ ᱠᱩ ᱚᱪᱚᱜᱚᱜ ᱢᱟ᱾ ᱟᱫᱚ ᱚᱱᱟ ᱫᱷᱤᱨᱤ ᱠᱩ ᱚᱪᱚᱜ ᱠᱟᱛᱮ ᱠᱚ ᱵᱟᱸᱪᱟᱣ ᱞᱮᱱᱟ᱾ ᱩᱱ ᱠᱷᱚᱱ ᱥᱤᱞᱟᱦᱟᱴ ᱧᱩᱛᱩᱢ ᱠᱚ ᱢᱮᱱᱟ᱾
ᱵᱟᱝᱢᱟ ᱢᱤᱫᱴᱮᱱ ᱠᱤᱥᱟᱹᱬ ᱨᱮᱱ ᱢᱤᱫᱴᱮᱱ ᱦᱚᱯᱚᱨᱟᱛᱮ ᱛᱟᱸᱦᱮᱸᱠᱟᱱᱟ ᱡᱟᱸᱦᱟᱸᱭᱟᱜ ᱧᱩᱛᱩᱢ ᱫᱚ ᱥᱤᱞᱟ ᱛᱟᱸᱦᱮᱸᱠᱟᱱ ᱛᱟᱭᱟ᱾ ᱩᱱᱤ ᱠᱤᱥᱟᱹᱬ ᱟᱭᱟᱜ ᱦᱚᱯᱚᱨᱟᱛ ᱟᱜ ᱫᱤᱥᱟᱹ ᱛᱮ ᱢᱤᱫᱴᱮᱱ ᱦᱟᱹᱴᱤᱭᱟᱹᱭ ᱵᱮᱱᱟᱣ ᱞᱮᱫᱟ᱾ ᱚᱸᱰᱮ ᱠᱷᱚᱱ ᱦᱚᱸ ᱥᱤᱞᱟ ᱦᱟᱴ ᱦᱮᱡ ᱠᱟᱱᱟ ᱢᱮᱱᱛᱮ ᱠᱚ ᱞᱟᱹᱭᱟ᱾ ᱟᱫᱚ ᱱᱟᱜᱟᱢᱤᱭᱟᱹ ᱠᱩ ᱟᱜ ᱨᱚᱲ ᱥᱮ ᱚᱞ ᱛᱮ ᱱᱚᱝᱠᱟ ᱱᱚᱝᱠᱟ ᱛᱮᱜᱮ ᱥᱨᱤᱦᱚᱴᱴᱚ, ᱥᱤᱞᱟᱦᱟᱴ, ᱥᱤᱞᱦᱮᱴ ᱠᱷᱚᱱ ᱜᱮ ᱱᱮᱛᱟᱨᱟᱜ ᱥᱤᱞᱮᱴ ᱧᱩᱛᱩᱢ ᱫᱚ ᱦᱮᱡ ᱟᱠᱟᱱᱟ᱾
ᱯᱟᱹᱨᱥᱤ ᱟᱨ ᱟᱹᱨᱤᱪᱟᱹᱞᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱝᱞᱟ ᱯᱟᱹᱨᱥᱤ ᱥᱟᱶᱛᱮ ᱥᱤᱞᱮᱴ ᱨᱮ ᱫᱚ ᱥᱤᱞᱚᱴᱤ ᱯᱟᱹᱨᱥᱤ ᱠᱩ ᱵᱮᱵᱷᱟᱨᱟ᱾ ᱱᱚᱣᱟ ᱫᱚ ᱚᱱᱟ ᱮᱞᱟᱠᱟ ᱨᱮᱱᱟᱜ ᱢᱤᱫᱴᱮᱱ ᱮᱞᱟᱠᱟᱜᱚᱛᱚ ᱯᱟᱹᱨᱥᱤ ᱠᱟᱱᱟ᱾
ᱥᱤᱞᱮᱴ ᱨᱮᱫᱚ ᱟᱭᱢᱟ ᱨᱚᱠᱚᱢ ᱟᱹᱨᱤᱪᱟᱹᱞᱤ ᱨᱮᱱᱟᱜ ᱪᱚᱞ ᱢᱮᱱᱟᱜᱼᱟ᱾ ᱢᱤᱫ ᱡᱚᱠᱷᱚᱡ ᱚᱱᱟᱠᱩ ᱮᱞᱟᱠᱟ ᱠᱚᱨᱮ ᱦᱤᱱᱫᱩ ᱟᱹᱨᱥᱤᱪᱟᱹᱞᱤ ᱵᱮᱥ ᱛᱟᱸᱦᱮᱸᱠᱟᱱᱟ᱾ ᱢᱩᱥᱞᱟᱹ ᱡᱚᱠᱷᱚᱱ ᱟᱹᱠᱩᱣᱟᱜ ᱨᱟᱡᱽ ᱠᱚ ᱦᱟᱛᱟᱣ ᱠᱮᱫᱟ ᱩᱱ ᱡᱚᱠᱷᱚᱡ ᱤᱥᱞᱟᱢ ᱫᱷᱚᱨᱚᱢ ᱨᱮᱱᱟᱜ ᱟᱹᱨᱤᱪᱟᱹᱞᱤ ᱠᱚ ᱵᱚᱞᱚᱭᱱᱟ᱾
ᱥᱤᱞᱮᱴ ᱮᱞᱟᱠᱟ ᱨᱮ ᱵᱟᱝᱜᱟᱞᱤ ᱵᱟᱫᱽ ᱠᱟᱛᱮ ᱦᱚᱸ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱠᱩ ᱢᱮᱱᱟᱜ ᱠᱳᱣᱟ᱾ ᱢᱩᱱᱤᱯᱩᱨᱤ, ᱥᱟᱱᱛᱟᱲ, ᱢᱩᱸᱰᱟᱹ, ᱠᱷᱟᱥᱤᱭᱟ ᱮᱢᱟᱱ ᱛᱮᱛ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱠᱩ ᱢᱮᱱᱟᱜ ᱠᱳᱣᱟ᱾
ᱧᱩᱛᱩᱢᱟᱱ ᱢᱟᱹᱱᱢᱤ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱞᱮᱴ ᱮᱞᱟᱠᱟ ᱨᱮᱱ ᱧᱩᱛᱩᱢᱟᱱ ᱠᱤᱪᱷᱩ ᱢᱟᱹᱱᱢᱤ ᱠᱳᱣᱟ ᱧᱩᱛᱩᱢ ᱨᱮᱱᱟᱜ ᱛᱟᱹᱞᱠᱟᱹ:
- ᱡᱮᱱᱟᱨᱮᱞ ᱮᱢ ᱡᱤ ᱳᱥᱢᱟᱱᱤ
- ᱥᱟᱭᱯᱷᱩᱨ ᱨᱚᱦᱚᱢᱟᱱ
- ᱟᱵᱩᱞ ᱢᱟᱞ ᱟᱵᱫᱩᱞ ᱢᱩᱦᱤᱛ
- ᱱᱩᱨᱩᱞ ᱤᱥᱞᱟᱢ ᱱᱟᱦᱤᱫᱽ
- ᱢᱟᱦᱢᱩᱫᱩᱞ ᱟᱢᱤᱱ ᱪᱳᱣᱫᱷᱩᱨᱤ
- ᱦᱮᱢᱟᱝᱜᱚ ᱵᱤᱥᱥᱟᱥ
- ᱜᱳᱵᱤᱱᱫᱚ ᱪᱚᱸᱫᱨᱚ ᱫᱮᱵᱽ
- ᱥᱩᱦᱟᱥᱤᱱᱤ ᱫᱟᱥ
- ᱦᱮᱱᱟ ᱫᱟᱥ
- ᱥᱨᱤ ᱪᱳᱭᱛᱳᱱᱱᱳ ᱫᱮᱵᱽ
- ᱥᱤᱛᱟᱞᱚᱝ ᱥᱟᱦ
- ᱨᱟᱡᱟ ᱜᱤᱨᱤᱥᱪᱚᱱᱫᱨᱚ ᱨᱟᱭ
- ᱟᱵᱫᱩᱞ ᱠᱚᱨᱤᱢ
- ᱜᱩᱨᱩᱥᱚᱫᱚᱭ ᱫᱚᱛᱛᱚ
- ᱯᱩᱨᱱᱮᱱᱫᱩ ᱠᱤᱥᱳᱨ ᱥᱮᱱᱜᱩᱯᱛᱚ
- ᱨᱟᱫᱷᱟ ᱨᱚᱢᱚᱱ ᱫᱚᱛᱛᱚ
- ᱥᱟᱦ ᱟᱵᱫᱩᱞ ᱠᱚᱨᱤᱢ
- ᱫᱩᱨᱵᱤᱱ ᱥᱟᱦ
- ᱥᱩᱨᱮᱱᱫᱨᱚ ᱠᱩᱢᱟᱨ ᱥᱤᱱᱦᱟ
- ᱥᱟᱞᱢᱟᱱ ᱥᱟᱦ
ᱟᱨᱦᱚᱸ ᱧᱮᱞᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- List of people from Sylhet
- Districts of Bangladesh
- Sylhet Division
- List of colleges in Sylhet
- Chowkideki
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱠᱷᱩᱞᱱᱟ ᱠᱷᱚᱸᱰ |  | |
|---|---|---|
| ᱪᱚᱴᱴᱚᱜᱨᱟᱢ ᱠᱷᱚᱸᱰ | ||
| ᱰᱷᱟᱠᱟ ᱠᱷᱚᱸᱰ | ||
| ᱵᱚᱨᱤᱥᱟᱞ ᱠᱷᱚᱸᱰ | ||
| ᱢᱚᱭᱢᱚᱱᱥᱤᱝᱦᱚ ᱠᱷᱚᱸᱰ | ||
| ᱨᱚᱝᱯᱩᱨ ᱠᱷᱚᱸᱰ | ||
| ᱨᱟᱡᱽᱥᱟᱦᱤ ᱠᱷᱚᱸᱰ | ||
| ᱥᱤᱞᱮᱴ ᱠᱷᱚᱸᱰ | ||
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ http://population.city/bangladesh/sylhet/
- ↑ Bangladesh at GeoHive Archived ᱒᱖ ᱯᱷᱮᱵᱽᱨᱩᱣᱟᱨᱤ ᱒᱐᱑᱔ at the Wayback Machine.