ᱡᱚᱣᱟᱱ ᱚᱵᱽ ᱟᱨᱠ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Joan of Arc miniature graded

ᱡᱚᱣᱟᱱ ᱚᱵᱽ ᱟᱨᱠ (ᱡᱟᱱᱩᱣᱟᱨᱤ ᱖, ᱑᱔᱑᱒ – ᱢᱮ ᱓᱐, ᱑᱔᱑᱓) ᱫᱚ ᱯᱚᱨᱟᱫᱷᱤᱱ ᱯᱷᱨᱟᱱᱥ ᱨᱮᱱ ᱢᱤᱫ ᱵᱤᱨᱵᱟᱱᱴᱟ ᱠᱩᱲᱤ ᱠᱟᱱᱟᱭ᱾ ᱡᱟᱱ ᱫᱟᱨᱠ (Jeanne d' Arc) ᱜᱮ ᱤᱝᱨᱟᱹᱡᱤ ᱛᱮ ᱫᱚ Joan_of_Arc ᱠᱚ ᱢᱮᱛᱟᱭ ᱠᱟᱱᱟ᱾ ᱤᱝᱨᱮᱡᱽ ᱥᱟᱶ ᱥᱟᱭ ᱥᱮᱨᱢᱟ ᱞᱟᱹᱲᱦᱟᱹᱭ (᱑᱓᱓᱗–᱑᱔᱕᱓) ᱨᱮ ᱯᱷᱨᱟᱱᱥ ᱨᱮᱱ ᱥᱮᱱᱟ ᱠᱚᱭ ᱟᱹᱭᱩᱨ ᱞᱮᱫ ᱠᱚᱣᱟ᱾ ᱩᱱᱤ ᱫᱤᱥᱟᱹ ᱛᱮ ᱯᱷᱨᱟᱱᱥ ᱨᱮ ᱟᱭᱢᱟ sculpture ᱵᱮᱱᱟᱣ ᱢᱮᱱᱟᱜᱼᱟ᱾

ᱡᱟᱱᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱣᱡᱽ ᱜᱟᱰᱟ ᱟᱲᱮ ᱨᱮ ᱫᱚᱸᱨᱮᱢᱤ ᱟᱛᱚ ᱨᱮ ᱢᱤᱫ ᱠᱷᱮᱛ ᱠᱟᱹᱢᱤ ᱜᱷᱟᱨᱚᱡᱽ ᱨᱮ ᱑᱔᱑᱒ ᱥᱮᱨᱢᱟ ᱨᱮᱭᱩ ᱡᱟᱱᱟᱢ ᱞᱮᱱᱟ᱾ ᱚᱱᱟ ᱡᱚᱠᱷᱚᱡ ᱯᱷᱨᱟᱱᱥ ᱫᱚ ᱤᱝᱨᱮᱡᱽ ᱥᱟᱥᱚᱱ ᱞᱟᱛᱟᱨ ᱨᱮ ᱛᱟᱦᱮ ᱠᱟᱱᱟ᱾ ᱤᱝᱞᱟᱱᱰ ᱨᱮᱱ ᱨᱟᱡᱟ ᱯᱚᱬᱮ ᱦᱮᱱᱨᱤ (᱑᱓᱘᱗–᱑᱔᱒᱒) ᱨᱮᱱ ᱜᱤᱫᱽᱨᱟᱹ ᱛᱩᱨᱩᱭ ᱦᱮᱱᱨᱤ (᱑᱔᱒᱑–᱑᱔᱗᱑) ᱯᱷᱨᱟᱱᱥ ᱨᱮᱱᱟᱜ ᱨᱟᱡᱮ ᱫᱚᱠᱷᱚᱞ ᱠᱮᱫ ᱠᱷᱟᱱ ᱯᱷᱨᱟᱱᱥ ᱨᱮᱱ ᱨᱟᱡᱟ ᱮᱭᱟᱭ ᱪᱟᱨᱞᱥ ᱫᱚᱭ ᱫᱟᱹᱲ ᱠᱮᱫᱟ᱾

ᱵᱚᱸᱜᱟ ᱟᱲᱟᱝ ᱟᱧᱡᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱚᱣᱟᱱ ᱫᱚ ᱚᱞᱚᱜ ᱯᱟᱲᱦᱟᱜ ᱵᱟᱭ ᱵᱟᱰᱟᱭ ᱠᱟᱱ ᱛᱟᱦᱮᱱᱟ᱾ ᱠᱟᱛᱷᱟ ᱨᱮ ᱢᱮᱱᱟᱜᱼᱟ ᱠᱟᱛᱷᱟᱭ, ᱜᱮᱞ ᱯᱮ ᱩᱢᱮᱞ ᱨᱮ ᱵᱷᱤᱰᱤ ᱜᱩᱯᱤ ᱥᱮᱱ ᱠᱟᱛᱮᱜ ᱵᱚᱸᱜᱟ ᱨᱚᱲᱮ ᱟᱧᱡᱚᱢ ᱞᱮᱫᱟ᱾ ᱵᱚᱸᱜᱟ ᱨᱚᱲ ᱨᱮ ᱠᱚ ᱢᱮᱛᱟᱫᱤ ᱛᱟᱦᱮᱱᱟ ᱡᱟᱱᱟᱢ ᱫᱤᱥᱟᱢ ᱨᱚᱯᱷᱟ ᱨᱩᱣᱟᱹᱲ ᱠᱟᱛᱮᱜ ᱯᱷᱨᱟᱱᱥ ᱨᱮᱱ ᱥᱟᱹᱨᱤᱱ ᱨᱟᱡᱟᱜ ᱛᱤ ᱫᱟᱲᱮ ᱛᱤᱝᱜᱩᱭ᱾ ᱱᱚᱣᱟ ᱵᱚᱸᱜᱟ ᱵᱟᱠᱷᱮᱲ ᱫᱚ ᱩᱱᱤᱭᱟᱜ ᱡᱤᱭᱳᱱ ᱟᱹᱰᱤᱜᱮᱭ ᱵᱚᱫᱚᱞ ᱠᱮᱫ ᱛᱟᱭᱟ᱾

ᱚᱱᱟ ᱛᱟᱭᱚᱢ ᱟᱭᱢᱟ ᱠᱩᱨᱩᱢᱩᱴᱩ ᱛᱮ ᱯᱷᱨᱟᱱᱥ ᱨᱮᱱ ᱧᱤᱨ ᱟᱠᱟᱱ ᱨᱟᱡᱟ ᱮᱭᱟᱭ ᱪᱟᱨᱥ ᱥᱟᱶ ᱮ ᱧᱟᱯᱟᱢᱮᱱᱟ᱾ ᱟᱨ ᱫᱤᱥᱟᱹᱢ ᱯᱷᱩᱨᱜᱟᱹᱞ ᱞᱟᱜᱤᱫ ᱥᱳᱭᱱᱳ ᱣᱟᱜ ᱜᱚᱸᱲᱚᱭ ᱠᱚᱭ ᱠᱤᱫᱤᱭᱟ᱾ ᱢᱮᱱᱠᱷᱟᱱ ᱯᱩᱭᱞᱩ ᱨᱮ ᱫᱚ ᱨᱟᱡᱟ ᱩᱱᱤ ᱵᱟᱭ ᱯᱟᱹᱛᱤᱭᱟᱹᱣ ᱟᱫᱮᱭᱟ᱾ ᱛᱟᱭᱚᱢᱫᱟᱨᱟᱢ ᱫᱷᱚᱨᱚᱢ ᱜᱩᱨᱩ ᱠᱚᱣᱟᱜ ᱥᱚᱞᱦᱟ ᱛᱮ ᱥᱳᱭᱱᱳ ᱮᱢ ᱨᱟᱡᱟᱭ ᱵᱟᱛᱟᱣ ᱠᱮᱫᱟ᱾

ᱡᱚᱣᱟᱱᱟᱜ ᱚᱵᱷᱤᱡᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱚᱣᱟᱱ ᱫᱚ ᱯᱩᱸᱰ ᱦᱚᱨᱚᱜ ᱵᱟᱱᱫᱮ ᱠᱟᱛᱮᱜ ᱢᱤᱫ ᱯᱩᱸᱰ ᱥᱟᱫᱚᱢ ᱨᱮ ᱫᱮᱡ ᱠᱟᱛᱮᱜ ᱢᱚᱬᱮᱠᱨᱩᱥ ᱛᱟᱨᱣᱟᱲᱤ ᱥᱟᱵ ᱠᱟᱛᱮᱜ ᱔᱐᱐᱐ ᱜᱚᱴᱟᱝ ᱥᱳᱭᱱᱳ ᱣᱟᱱᱛᱮ ᱑᱔᱒᱙ ᱥᱮᱨᱢᱟ ᱨᱮᱱᱟᱜ ᱒᱘ ᱮᱯᱨᱤᱞ ᱫᱚᱠᱷᱚᱞᱟᱠᱟᱱ ᱚᱨᱞᱮᱭᱟᱸ ᱱᱚᱜᱚᱨᱮ ᱵᱚᱞᱚᱭᱮᱱᱟ᱾ ᱯᱩᱭᱞᱩ ᱨᱮ ᱜᱤ ᱠᱚ ᱡᱤᱛᱠᱟᱹᱨᱮᱱᱟ᱾ ᱚᱱᱟ ᱛᱟᱭᱚᱢ ᱡᱤᱛᱠᱟᱹᱨ ᱛᱮ ᱜᱤ ᱠᱚ ᱛᱟᱦᱮᱭᱮᱱᱟ᱾ ᱛᱷᱚᱲᱟ ᱢᱟᱦᱟ ᱛᱟᱭᱚᱢ ᱜᱮ ᱤᱝᱨᱮᱡᱽ ᱥᱮᱱᱟ ᱠᱷᱚᱱ ᱛᱩᱨᱮᱞᱵᱩᱨᱩᱡᱽ ᱱᱚᱜᱚᱨ ᱠᱚ ᱡᱷᱤᱱᱰᱟᱹᱣ ᱠᱮᱫᱟ᱾ ᱚᱱᱟ ᱛᱟᱭᱚᱢ ᱯᱟᱛᱮᱨ ᱞᱟᱹᱲᱦᱟᱹᱭ ᱨᱮ ᱦᱚᱸ ᱤᱝᱨᱮᱡᱽ ᱠᱚ ᱞᱚᱴᱚᱢ ᱟᱪᱚᱭᱮᱱᱟ᱾ ᱡᱩᱱ ᱪᱟᱸᱫᱚ ᱡᱚᱣᱟᱱ ᱫᱚ ᱨᱤᱢ ᱱᱚᱜᱚᱨ ᱫᱚᱠᱷᱚᱞ ᱠᱮᱫᱟ᱾ ᱚᱱᱟ ᱛᱟᱭᱚᱢ ᱑᱖ ᱡᱩᱞᱟᱭ ᱮᱭᱟᱭ ᱪᱟᱨᱞᱥ ᱯᱷᱨᱟᱱᱥ ᱨᱮᱭ ᱨᱟᱡᱟ ᱨᱩᱣᱟᱹᱲᱮᱱᱟ᱾ ᱱᱚᱠᱟ ᱛᱮ ᱜᱤ ᱯᱷᱨᱟᱱᱥ ᱫᱚ ᱯᱷᱩᱨᱜᱟᱹᱞᱮᱱᱟ᱾ ᱟᱨ ᱡᱚᱣᱟᱱ ᱫᱟᱨᱟᱭᱛᱮ ᱯᱷᱨᱟᱱᱥ ᱟᱨ ᱤᱝᱨᱮᱡᱽ ᱢᱩᱫᱽ ᱨᱮᱱᱟᱜ ᱥᱟᱭ ᱥᱨᱢᱟ ᱞᱟᱹᱲᱦᱟᱹᱭ ᱢᱩᱪᱟᱹᱫ ᱮᱱᱟ᱾

ᱡᱚᱣᱟᱱ ᱜᱚᱡ ᱨᱮᱱᱟᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱨᱟᱱᱥ ᱨᱮᱱᱟᱜ ᱯᱷᱩᱨᱜᱟᱹᱞ ᱛᱟᱭᱚᱢ ᱤᱝᱨᱮᱡᱽ ᱫᱚ ᱡᱚᱣᱟᱱ ᱜᱚᱡ ᱨᱟᱱᱟᱜ ᱟᱭᱢᱟ ᱥᱚᱲᱚᱡᱚᱱᱛᱨᱚ ᱠᱚ ᱮᱦᱚᱵ ᱠᱮᱫᱟ᱾ ᱯᱷᱨᱟᱱᱥ ᱨᱮᱱ ᱨᱟᱡᱽ ᱱᱮᱛᱟ ᱠᱚᱣᱟᱜ ᱜᱚᱬᱚ ᱛᱮ ᱤᱝᱨᱮᱡᱽ ᱫᱚ ᱡᱚᱣᱟᱱ ᱠᱚ ᱥᱟᱵ ᱠᱤᱫᱤᱭᱟ᱾ ᱚᱱᱟ ᱛᱟᱭᱚᱢ ᱢᱤᱫ ᱤᱝᱨᱮᱡ ᱫᱷᱚᱨᱚᱢ ᱜᱩᱨᱩ ᱴᱷᱮᱱ ᱩᱱᱤᱭᱟᱜ ᱵᱤᱪᱟᱹᱨ ᱠᱚ ᱪᱟᱞ ᱠᱮᱫᱟ᱾ ᱵᱤᱪᱟᱨ ᱨᱮ ᱩᱱᱤᱭᱟᱜ ᱠᱟᱹᱢᱤ ᱠᱚ ᱫᱚ ᱫᱷᱚᱨᱚᱢ ᱵᱤᱨᱩᱫᱽ ᱢᱮᱱ ᱛᱮ ᱠᱚ ᱞᱮᱠᱷᱟ ᱠᱮᱫᱟ᱾ ᱚᱱᱟ ᱛᱮ ᱩᱱᱤ ᱫᱚ ᱰᱟᱹᱱ ᱢᱮᱱᱛᱮ ᱠᱚ ᱞᱮᱠᱷᱟ ᱠᱤᱫᱤᱭᱟ᱾ ᱱᱤᱭᱟᱹ ᱨᱮᱱ ᱥᱟᱥᱛᱤ ᱛᱟᱦᱮ ᱠᱟᱱᱟ ᱡᱤᱣᱟᱹᱛ ᱛᱮ ᱨᱟᱯᱟᱜ᱾ ᱚᱱᱟ ᱞᱮᱠᱟ ᱛᱮ ᱡᱚᱣᱟᱱ ᱦᱚᱸ ᱑᱔᱓᱑ ᱥᱮᱨᱢᱟ ᱨᱮ ᱡᱤᱣᱟᱹᱛ ᱛᱮ ᱠᱚ ᱨᱟᱯᱟᱜ ᱜᱚᱡ ᱠᱤᱫᱤᱭᱟ᱾ ᱩᱱᱤ ᱜᱚᱡ ᱛᱟᱭᱚᱢ ᱯᱷᱚᱨᱟᱥᱤ ᱠᱚ ᱫᱚ ᱯᱷᱨᱟᱱᱥ ᱠᱷᱚᱱ ᱤᱝᱨᱮᱡᱟᱜ ᱡᱚᱛᱚ ᱪᱤᱠᱷᱱᱟ ᱢᱮᱴᱟᱣ ᱜᱤᱰᱤ ᱠᱚ ᱠᱮᱦᱚᱵ ᱠᱮᱫᱟ᱾ ᱫᱷᱟᱹᱨᱛᱤ ᱨᱮᱱᱟᱜ ᱱᱟᱜᱟᱢ ᱨᱮ ᱡᱚᱣᱟᱱ ᱚᱵᱽ ᱟᱨᱠ ᱫᱚ ᱢᱤᱫ ᱩᱫᱽᱜᱟᱹᱣ ᱨᱮᱱᱟᱜ ᱧᱤᱛᱩᱢ ᱠᱟᱱᱟ᱾

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]