ᱡᱟᱹᱯᱩᱫ
ᱡᱟᱹᱯᱩᱫ (Rainfall) ᱢᱤᱫ ᱞᱮᱠᱟᱱ ᱥᱟᱸᱜᱷᱱᱟᱱ ᱠᱟᱱᱟ ᱚᱛ ᱨᱮᱱᱟᱜ ᱥᱟᱛᱟᱦ ᱠᱷᱚᱱ ᱫᱟᱜ ᱞᱚᱞᱚ ᱠᱟᱛᱮ ᱪᱮᱛᱟᱱ ᱨᱟᱠᱟᱵᱚᱜ ᱠᱟᱱᱟ ᱟᱨ ᱨᱮᱭᱟᱲ ᱠᱟᱛᱮ ᱫᱟᱜ ᱨᱮᱱᱟᱜ ᱜᱩᱴ ᱫᱷᱟᱹᱨᱤ ᱛᱮ ᱴᱤᱯᱤᱜ ᱧᱩᱨᱩᱜ ᱠᱟᱱᱟ ᱱᱚᱶᱟ ᱜᱮ ᱡᱟᱹᱯᱩᱫ ᱵᱚ ᱢᱮᱛᱟᱜᱼᱟ᱾
ᱵᱟᱰᱟᱭ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱚᱭ ᱨᱮ ᱫᱟᱜᱵᱷᱟᱯ ᱨᱮᱭᱟᱲ ᱡᱤᱱᱤᱥ ᱟᱜ ᱥᱩᱯᱩᱨ ᱦᱮᱡ ᱠᱟᱛᱮᱜ ᱥᱟᱸᱜᱷᱱᱟᱱ (condensation) ᱠᱷᱟᱹᱛᱤᱨ ᱛᱮ ᱚᱥᱟᱸᱠ ᱫᱷᱟᱹᱵᱤᱡ ᱥᱮᱴᱮᱨᱚᱜ ᱠᱟᱱᱟ᱾ ᱡᱚᱠᱷᱚᱱ ᱦᱚᱭ ᱨᱮᱱᱟᱜ ᱞᱚᱞᱚ ᱚᱥᱟᱸᱠ ᱠᱷᱚᱱ ᱞᱟᱛᱟᱨ ᱧᱩᱨᱩᱜ ᱠᱟᱱᱟ, ᱛᱚᱠᱷᱚᱱ ᱨᱮᱭᱟᱲ ᱫᱟᱜ ᱨᱮᱱᱟᱜ ᱜᱩᱴ ᱥᱮ ᱟᱨᱮᱞ ᱨᱩᱯ ᱛᱮ ᱚᱛ ᱨᱮ ᱧᱩᱨᱩᱜ ᱠᱟᱱᱟ᱾ ᱱᱚᱶᱟ ᱜᱮ ᱡᱟᱹᱯᱩᱫ (ᱡᱟᱹᱲᱤ) ᱵᱚ ᱢᱮᱛᱟᱜᱼᱟ᱾ ᱡᱟᱦᱟᱱ ᱡᱟᱭᱜᱟ ᱨᱮ ᱜᱮ ᱠᱷᱟᱥ ᱚᱠᱛᱚ ᱨᱮ ᱫᱟᱜ ᱮ ᱡᱟᱹᱲᱤ ᱟᱠᱟᱫ ᱫᱟᱜ ᱨᱮᱱᱟᱜ ᱠᱟᱹᱴᱤᱡ-ᱠᱟᱹᱴᱤᱡ ᱠᱟᱬ ᱢᱚᱛᱨᱚ ᱦᱤᱢᱠᱟᱬ ᱠᱷᱚᱱ ᱧᱟᱢᱚᱜ ᱫᱟᱜ ᱨᱮᱱᱟᱜ ᱟᱸᱥ ᱫᱚ ᱚᱸᱰᱮ ᱨᱮᱱᱟᱜ ᱡᱟᱹᱯᱩᱫ ᱨᱮᱱᱟᱜ ᱱᱟᱯᱤ ᱵᱚ ᱢᱮᱛᱟᱜᱼᱟ᱾
ᱥᱤᱛᱩᱝ ᱠᱷᱟᱹᱛᱤᱨ ᱛᱮ ᱨᱟᱠᱟᱵᱚᱜ ᱫᱟᱵᱷᱟᱯ ᱪᱮᱛᱟᱱ ᱛᱮ ᱨᱟᱠᱟᱵᱚᱜ ᱥᱮᱨᱢᱟ ᱨᱮ ᱪᱟᱞᱟᱣ ᱠᱟᱛᱮᱜ ᱪᱷᱟᱹᱨᱭᱟᱹᱣᱜ ᱠᱟᱱᱟ ᱟᱨ ᱨᱮᱭᱟᱲᱚᱜ ᱠᱟᱱᱟ᱾ ᱚᱱᱟᱛᱮ ᱡᱮᱞᱮᱠᱟ ᱡᱮᱞᱮᱠᱟ ᱦᱚᱭ ᱪᱮᱛᱟᱱᱛᱮ ᱨᱟᱠᱟᱵᱚᱜᱼᱟ, ᱩᱱᱨᱮ ᱫᱟᱜᱵᱷᱟᱯ ᱫᱷᱟᱨᱟᱱ ᱨᱮᱱᱟᱜ ᱫᱟᱲᱮ ᱠᱚᱢ ᱤᱫᱤᱜ ᱠᱟᱱᱟ᱾ ᱱᱚᱸᱰᱮ ᱦᱟᱹᱵᱤᱡ ᱵᱟᱬᱛᱤ ᱪᱮᱛᱟᱱᱛᱮ ᱨᱟᱠᱟᱵᱚᱜᱼᱟ ᱠᱷᱟᱱ ᱦᱚᱭ ᱨᱮᱱᱟᱜ ᱞᱚᱞᱚ ᱚᱱᱟ ᱟᱸᱥ ᱦᱟᱹᱵᱤᱡ ᱥᱮᱴᱮᱨ ᱫᱟᱲᱮᱭᱟᱜᱼᱟ, ᱡᱟᱦᱟᱸ ᱦᱚᱭ ᱫᱟᱜᱵᱷᱟᱯ ᱮ ᱫᱷᱟᱨᱟᱱ ᱫᱟᱲᱮᱭᱟᱜᱼᱟ᱾ ᱱᱚᱶᱟ ᱠᱷᱚᱱ ᱦᱚᱸ ᱠᱚᱢ ᱫᱷᱤᱯᱟᱣ ᱨᱮ ᱦᱩᱭ ᱞᱮᱱ ᱠᱷᱟᱱ, ᱫᱟᱜᱵᱷᱟᱯ ᱫᱟᱜ ᱠᱟᱹᱴᱤᱡ-ᱠᱟᱹᱴᱤᱡ ᱦᱟᱹᱴᱤᱧ ᱨᱮ ᱵᱚᱫᱚᱞᱚᱜ ᱠᱟᱱᱟ᱾ ᱱᱚᱶᱟ ᱠᱷᱚᱱ ᱜᱮ ᱨᱤᱢᱤᱞ ᱫᱚ ᱵᱟᱱᱟᱜ ᱠᱟᱱᱟ᱾ ᱟᱨᱦᱚᱸ ᱨᱤᱢᱤᱞ ᱫᱟᱜ ᱠᱷᱟᱹᱛᱤᱨ ᱛᱮ ᱫᱷᱚᱨᱚᱛᱟᱞ ᱨᱮ ᱡᱟᱹᱲᱤ ᱮᱫᱼᱟ᱾ ᱴᱤᱯᱤᱜ ᱫᱟᱜ ᱵᱟᱱᱟᱣ ᱛᱟᱭᱚᱢ ᱦᱚᱸ ᱡᱩᱫᱤ ᱦᱚᱭ ᱨᱮᱱᱟᱜ ᱫᱷᱤᱯᱟᱣ ᱠᱚᱢ ᱤᱫᱤᱜ-ᱤᱫᱤᱜ ᱛᱮ ᱦᱤᱢᱟᱸᱠ ᱠᱷᱚᱱ ᱦᱚᱸ ᱠᱚᱢ ᱦᱩᱭ ᱫᱟᱲᱮᱭᱟᱜᱼᱟ, ᱡᱟᱦᱟᱸ ᱫᱚ ᱦᱤᱢᱡᱟᱹᱲᱤ ᱫᱟᱜ, ᱡᱟᱹᱯᱩᱫ ᱞᱟᱹᱜᱤᱫ ᱵᱟᱨᱭᱟ ᱠᱟᱛᱷᱟ ᱦᱩᱫᱤᱥ ᱵᱚᱱ ᱫᱚᱦᱚᱭ ᱢᱟ᱾
- (᱑) ᱦᱚᱭ ᱨᱮ ᱥᱟᱨᱮᱡ ᱟᱸᱥ ᱨᱮ ᱫᱟᱜ ᱵᱷᱟᱯ ᱛᱟᱦᱮᱱᱟ ᱟᱨ
- (᱒) ᱵᱷᱟᱯ ᱛᱮ ᱯᱮᱨᱮᱡ ᱦᱚᱭ ᱨᱮᱱᱟᱜ ᱨᱮᱭᱟᱲ ᱡᱤᱱᱤᱥ ᱥᱩᱨ ᱨᱮ ᱦᱮᱡᱩᱜ ᱨᱮ ᱨᱮᱭᱟᱲᱚᱜᱼᱟ ᱟᱨ ᱚᱥᱟᱸᱠ ᱦᱟᱹᱵᱤᱡ ᱥᱮᱴᱮᱨᱚᱜᱟ᱾
ᱡᱟᱹᱯᱩᱫ ᱨᱮᱱᱟᱜ ᱦᱟᱹᱴᱤᱧ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱹᱯᱩᱫ ᱯᱮ ᱞᱮᱠᱟᱱᱟᱜ :
ᱥᱟᱶᱦᱱᱤᱭ ᱡᱟᱹᱯᱩᱫ (Convectional rain)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱶᱦᱟᱱᱤᱭ ᱨᱮᱱᱟᱜ ᱫᱟᱜ ᱵᱟᱬᱛᱤ ᱛᱮ ᱵᱷᱩᱢᱟᱫᱷᱭᱚ ᱨᱮᱠᱷᱤᱭ ᱫᱤᱥᱚᱢ ᱨᱮ ᱫᱤᱱᱟᱢ ᱜᱮ ᱦᱩᱭᱩᱜ ᱠᱟᱱᱟ᱾ ᱵᱷᱩᱢᱟᱫᱷᱭᱚ ᱨᱮᱠᱷᱟ ᱨᱮ ᱵᱟᱬᱛᱤ ᱩᱫᱜᱟᱹᱨ ᱯᱟᱲᱟᱣ ᱛᱮ ᱥᱟᱢᱩᱫᱨᱚ ᱠᱷᱚᱱ ᱫᱟᱜᱵᱷᱟᱯ ᱨᱮ ᱢᱮᱥᱟ ᱠᱟᱛᱮᱜ, ᱩᱫᱜᱟᱹᱨ ᱟᱨ ᱥᱤᱛᱩᱝ ᱠᱷᱟᱹᱛᱤᱨ ᱛᱮ ᱞᱚᱞᱚ ᱦᱚᱭ ᱪᱮᱛᱟᱱᱛᱮ ᱨᱟᱠᱟᱵᱚᱜ ᱠᱟᱱᱟ ᱟᱨ ᱟᱡᱟᱜ ᱡᱟᱭᱜᱟ ᱵᱟᱱᱟᱣ ᱞᱟᱹᱜᱤᱫ ᱟᱨᱚ ᱦᱚᱭ ᱦᱤᱡᱩᱜ ᱛᱮᱜᱮ ᱛᱟᱦᱮᱱᱟ᱾ ᱦᱚᱭ ᱪᱮᱛᱟᱱ ᱪᱟᱞᱟᱣ ᱠᱟᱛᱮᱜ ᱨᱮᱭᱟᱲᱚᱜ ᱠᱟᱱᱟ ᱟᱨ ᱪᱷᱟᱹᱨᱭᱟᱹᱣᱜ ᱠᱟᱱᱟ᱾ ᱵᱷᱟᱯ ᱨᱮᱱᱟᱜ ᱢᱚᱛᱨᱚ ᱵᱟᱬᱛᱤ ᱞᱮᱱᱠᱷᱟᱱ ᱚᱥᱟᱸᱠ ᱦᱟᱹᱵᱤᱡ ᱥᱮᱴᱮᱨᱚᱜ ᱞᱟᱹᱜᱤᱫ ᱛᱟᱯ ᱫᱚ ᱠᱚᱢ ᱜᱮ ᱧᱩᱨᱩᱜᱼᱟ᱾ ᱚᱱᱟᱛᱮ ᱵᱷᱟᱯ ᱩᱥᱟᱹᱨᱟ ᱜᱮ ᱫᱟᱜ ᱨᱮᱱᱟᱜ ᱨᱩᱯ ᱮ ᱦᱟᱛᱟᱣᱟ ᱟᱨ ᱫᱤᱱᱟᱢ ᱜᱮ ᱵᱟᱨ ᱴᱟᱲᱟᱝ ᱚᱠᱛᱚ ᱛᱟᱭᱚᱢ ᱟᱹᱰᱤ ᱟᱸᱴ ᱮ ᱡᱟᱹᱯᱩᱫᱟ᱾ ᱱᱚᱶᱟ ᱡᱟᱹᱯᱩᱫ ᱫᱚ ᱥᱟᱶᱦᱟᱱᱤᱭ ᱡᱟᱹᱯᱩᱫ ᱠᱚ ᱢᱮᱛᱟᱜᱼᱟ᱾
ᱯᱟᱨᱣᱟᱛᱠᱨᱤᱛ ᱡᱟᱹᱯᱩᱫ (Orographical rain)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱷᱟᱯ ᱛᱮ ᱯᱮᱨᱮᱡ ᱦᱚᱭ ᱨᱮᱱᱟᱜ ᱰᱟᱦᱟᱨ ᱨᱮ ᱵᱩᱨᱩ ᱰᱩᱸᱜᱨᱤ ᱨᱮᱱᱟᱜ ᱟᱣᱨᱚᱫᱷ ᱥᱮᱴᱮᱨᱚᱜ ᱨᱮ ᱱᱚᱶᱟ ᱦᱚᱭ ᱠᱚ ᱪᱮᱛᱟᱱᱛᱮ ᱨᱟᱠᱟᱵᱚᱜ ᱠᱟᱱᱟ᱾ ᱡᱟᱦᱟᱸ ᱫᱚ ᱰᱩᱸᱜᱨᱤ ᱠᱷᱚᱱ ᱪᱮᱛᱟᱱᱛᱮ ᱥᱮᱞᱮᱫ ᱟᱠᱟᱱ ᱦᱤᱢ ᱨᱮᱱᱟᱜ ᱯᱨᱚᱵᱷᱟᱣ ᱛᱮ ᱟᱨ ᱦᱚᱭ ᱪᱷᱟᱹᱨᱭᱟᱹᱣᱜ ᱠᱟᱛᱮ ᱨᱮᱭᱟᱲ ᱠᱷᱟᱹᱛᱤᱨ ᱛᱮ ᱦᱚᱭ ᱨᱮᱱᱟᱜ ᱵᱷᱟᱯ ᱠᱟᱹᱴᱤᱡ-ᱠᱟᱹᱴᱤᱡ ᱫᱟᱜ ᱨᱩᱯ ᱛᱮ ᱫᱷᱟᱨᱟᱛᱟᱞ ᱨᱮ ᱫᱟᱜ ᱯᱟᱲᱟᱣᱜ ᱠᱟᱱᱟ᱾ ᱱᱚᱶᱟ ᱦᱚᱭ ᱵᱩᱨᱩ ᱠᱷᱚᱱ ᱪᱮᱛᱟᱱ ᱫᱚᱥᱟᱨ ᱟᱨ ᱴᱟᱸᱰᱤ ᱨᱮ ᱟᱬᱜᱚ ᱥᱟᱶᱛᱮ ᱞᱚᱞᱚ ᱜᱚᱫᱚᱜ ᱠᱟᱱᱟ ᱟᱨ ᱟᱨ ᱟᱲᱮ-ᱯᱟᱥᱮᱡ ᱠᱚ ᱣᱟᱛᱟᱣᱟᱨᱟᱱ ᱠᱚᱭ ᱞᱚᱞᱚ ᱮᱫᱼᱟ᱾ ᱫᱩᱱᱤᱭᱟᱹ ᱨᱮ ᱱᱚᱸᱠᱟ ᱜᱮ ᱟᱭᱢᱟ ᱡᱟᱭᱜᱟ ᱨᱮ ᱱᱚᱸᱠᱟ ᱜᱮ ᱡᱟᱹᱯᱩᱫ ᱮᱫᱼᱟᱭ ᱢᱟᱱᱥᱩᱱᱤ ᱫᱤᱥᱚᱢ (ᱥᱤᱧᱚᱛ) ᱨᱮ ᱦᱚᱸ ᱱᱚᱸᱠᱟ ᱜᱮ ᱡᱟᱹᱯᱩᱫ ᱮᱫᱼᱟᱭ᱾ ᱱᱚᱶᱟ ᱡᱟᱹᱯᱩᱫ ᱜᱮ ᱯᱟᱨᱣᱟᱛᱠᱨᱤᱛ ᱡᱟᱹᱯᱩᱫ ᱵᱚ ᱢᱮᱛᱟᱜᱼᱟ᱾
ᱪᱟᱠᱨᱟᱣᱟᱛᱤᱭ (Cyclonic rain)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱸᱠᱟᱱ ᱡᱟᱹᱯᱩᱫ ᱞᱚᱞᱚ ᱟᱨ ᱨᱮᱭᱟᱲ ᱫᱟᱜ ᱨᱟᱹᱥ ᱛᱚᱯᱚᱞ ᱛᱮ ᱦᱩᱭᱩᱜ ᱠᱟᱱᱟ᱾ ᱪᱮᱫᱟᱜ ᱥᱮ ᱱᱟᱥᱮ ᱞᱚᱞᱚ ᱦᱚᱭ ᱪᱮᱛᱟᱱᱛᱮ ᱨᱟᱠᱟᱵᱚᱜᱼᱟ ᱟᱨ ᱦᱟᱢᱟᱞ ᱨᱮᱭᱟᱲ ᱦᱚᱭ ᱞᱟᱛᱟᱨ ᱛᱮ ᱟᱬᱜᱚᱱᱟ᱾ ᱚᱱᱟᱛᱮ ᱪᱮᱛᱟᱱᱛᱮ ᱨᱟᱠᱟᱵᱚᱜᱼᱟ ᱟᱱ ᱦᱚᱭ ᱨᱮᱭᱟᱲ ᱠᱟᱛᱮᱜ ᱡᱟᱹᱯᱩᱫ ᱛᱮᱜᱮ ᱛᱟᱦᱮᱱᱟ᱾ ᱱᱚᱸᱠᱟ ᱜᱮ ᱡᱟᱹᱯᱩᱫ ᱥᱷᱤᱛᱚᱥᱬ ᱠᱟᱴᱤᱵᱟᱸᱫᱷ ᱨᱮ ᱦᱩᱭᱩᱜ ᱛᱮᱜᱮ ᱛᱟᱦᱮᱱᱟ।
ᱫᱟᱜ ᱡᱟᱹᱲᱤ ᱱᱟᱯᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱚᱠᱟ ᱡᱟᱭᱜᱟ ᱨᱮ ᱛᱤᱱᱟᱹᱜ ᱟᱨ ᱮ ᱫᱟᱜ ᱠᱮᱫᱟ, ᱱᱚᱶᱟ ᱱᱟᱯᱤ ᱞᱟᱹᱜᱤᱫ ᱢᱤᱫ ᱢᱚᱥᱤᱱ ᱠᱟᱹᱢᱤᱨᱮ ᱞᱟᱜᱟᱜ ᱠᱟᱱᱟ, ᱡᱟᱦᱟᱸ ᱡᱟᱹᱯᱩᱫ ᱱᱟᱯᱤ (Rain gauge) ᱵᱚ ᱢᱮᱱᱟ᱾ ᱱᱚᱶᱟ ᱫᱚ ᱠᱷᱟᱥ ᱚᱠᱛᱚ ᱨᱮ ᱠᱷᱟᱥ ᱡᱟᱭᱜᱟ ᱨᱮ ᱫᱟᱜ ᱨᱮ ᱫᱟᱜ ᱮ ᱡᱟᱹᱲᱤ ᱨᱮᱱᱟᱜ ᱢᱟᱛᱨᱚ ᱠᱚ ᱱᱟᱯᱤ ᱮᱫᱼᱟ᱾
ᱡᱟᱹᱯᱩᱫ ᱟᱭᱢᱟ ᱞᱮᱠᱟᱛᱮ ᱦᱭᱩᱭᱜ ᱠᱟᱱᱟ᱾ ᱫᱟᱜ ᱫᱚ ᱵᱟᱬᱛᱤ ᱛᱮ ᱤᱸᱪ ᱥᱮ ᱟᱮᱸᱴᱤᱢᱤᱴᱚᱨ ᱨᱮ ᱠᱚ ᱱᱟᱯᱤ ᱮᱫᱼᱟ, ᱫᱟᱜ ᱱᱟᱯᱤ ᱢᱤᱫ ᱠᱷᱚᱭᱚ ᱵᱮᱞᱱᱟ ᱞᱮᱠᱟ ᱛᱟᱦᱮᱱ ᱠᱟᱱᱟ ᱡᱟᱦᱟᱸ ᱫᱚ ᱚᱱᱟ ᱵᱷᱤᱛᱨᱤᱨᱮ ᱢᱤᱫ ᱵᱚᱛᱚᱞ ᱫᱚᱦᱚ ᱛᱟᱦᱮᱱ ᱠᱟᱱᱟ ᱟᱨ ᱚᱱᱟ ᱪᱮᱛᱟᱱ ᱨᱮ ᱢᱤᱫ ᱠᱤᱯ ᱞᱟᱜᱟᱣ ᱛᱟᱦᱮᱱ ᱠᱟᱱᱟ᱾ ᱡᱟᱹᱲᱤ ᱫᱟᱜ ᱠᱤᱯ ᱛᱮ ᱵᱚᱛᱚᱞ ᱨᱮ ᱯᱮᱨᱮᱡ ᱦᱩᱭᱩᱜ ᱠᱟᱱᱟ ᱟᱨ ᱛᱟᱭᱚᱢ ᱛᱮ ᱫᱟᱜ ᱫᱚ ᱢᱟᱯᱟᱠ ᱛᱮ ᱱᱟᱯᱤ ᱦᱩᱭᱩᱜ ᱠᱟᱱᱟ᱾ ᱱᱚᱶᱟ ᱢᱚᱥᱤᱱ ᱫᱚ ᱵᱟᱦᱨᱮ ᱡᱟᱜᱟ ᱨᱮ ᱠᱚ ᱫᱚᱦᱚᱭᱟ, ᱪᱮᱫᱟᱜ ᱥᱮ ᱡᱟᱹᱯᱩᱫ ᱫᱟᱜ ᱨᱮᱱᱟᱜ ᱠᱤᱯ ᱨᱮ ᱧᱩᱨᱩᱜ ᱨᱮ ᱪᱮᱫ ᱞᱮᱠᱟᱛᱮ ᱦᱚᱸ ᱵᱟᱝ ᱮᱥᱮᱫᱚᱜᱼᱟ᱾
ᱱᱚᱸᱰᱮ ᱦᱚᱸ ᱧᱮᱞᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱫᱟᱜᱪᱟᱠᱨᱚ
- ᱡᱟᱹᱯᱩᱫ ᱫᱤᱱ
- ᱵᱩᱨᱩ ᱫᱟᱜ
- ᱢᱟᱱᱥᱩᱱ
- ᱤᱸᱫᱨᱚ ᱥᱟᱨ