ᱡᱩᱜᱽ ᱥᱤᱨᱤᱡᱚᱞ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱡᱩᱜᱽ ᱥᱤᱨᱤᱡᱚᱞ
ᱡᱩᱜᱽ ᱥᱤᱨᱤᱡᱚᱞ ᱒᱐᱑᱒
ᱥᱟᱼᱥᱟᱯᱲᱟᱣᱤᱡ
  • ᱫᱤᱞᱤᱯ ᱦᱮᱢᱵᱽᱨᱚᱢ
ᱛᱷᱚᱠᱥᱟᱶᱦᱮᱫ ᱟᱨ ᱞᱟᱠᱪᱟᱨ
ᱯᱟᱨᱥᱟᱞ ᱚᱠᱛᱚᱪᱟᱸᱫᱚᱠᱤᱭᱟᱹ
ᱯᱟᱯᱟᱨᱥᱟᱞᱤᱡᱥᱟᱱᱛᱟᱞᱤ ᱞᱤᱴᱟᱨᱟᱨᱤ ᱮᱱᱰ ᱠᱟᱞᱪᱟᱨᱟᱞ ᱥᱳᱥᱟᱭᱴᱤ
ᱛᱷᱟᱯᱚᱱᱤᱡᱱᱮᱛᱷᱱᱤᱭᱮᱞ ᱢᱩᱨᱢᱩ
ᱯᱩᱭᱞᱩ ᱩᱪᱷᱟᱹᱱᱚᱜᱚᱥᱴ ᱑᱙᱗᱑ (1971-08)
ᱫᱤᱥᱚᱢᱥᱤᱧᱚᱛ
ᱴᱷᱟᱶᱠᱚᱞᱠᱟᱛᱟ
ᱯᱟᱹᱨᱥᱤᱥᱟᱱᱛᱟᱲᱤ (ᱨᱳᱢᱟᱱ ᱪᱤᱠᱤ ᱛᱮ)

ᱡᱩᱜᱽ ᱥᱤᱨᱤᱡᱚᱞ ᱫᱚ ᱢᱤᱫ ᱥᱟᱱᱛᱟᱲᱤ ᱥᱟᱶᱦᱮᱫ ᱟᱨ ᱞᱟᱠᱪᱟᱨ ᱯᱟᱛᱷᱟᱢ ᱠᱟᱱᱟ᱾ ᱠᱚᱞᱠᱟᱛᱟ ᱠᱷᱚᱱᱟᱜ ᱑᱙᱗᱑ ᱥᱮᱨᱢᱟ ᱨᱮᱱᱟᱜ ᱟᱜᱚᱥᱴ ᱪᱟᱸᱜᱟ ᱠᱷᱚᱱ ᱱᱚᱣᱟ ᱯᱟᱛᱷᱟᱢ ᱫᱚ ᱯᱟᱨᱥᱟᱞᱚᱜ ᱠᱟᱱᱟ᱾ ᱧᱩᱛᱩᱢᱟᱱ ᱥᱟᱶᱦᱮᱫᱤᱭᱟᱹ, ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱟᱨ ᱨᱟᱡᱽᱟᱹᱨᱤ ᱱᱮᱛᱟ ᱱᱮᱛᱷᱱᱤᱭᱮᱞ ᱢᱩᱨᱢᱩ ᱱᱚᱣᱟ ᱨᱮᱱ ᱯᱩᱭᱞᱩ ᱥᱟᱥᱟᱯᱲᱟᱣᱤᱡ ᱮ ᱛᱟᱦᱮᱸ ᱠᱟᱱᱟ᱾

ᱨᱳᱢᱟᱱ ᱪᱤᱠᱤ ᱛᱮ ᱯᱟᱨᱥᱟᱞᱚᱜ ᱠᱟᱱ ᱠᱷᱟᱹᱛᱤᱨ, ᱨᱳᱢᱟᱱ ᱪᱤᱠᱤ ᱵᱟᱲᱟᱭᱟᱱ ᱦᱚᱲ ᱠᱚ ᱢᱩᱸᱫᱽ ᱨᱮᱜᱮ ᱱᱚᱣᱟ ᱨᱮᱭᱟᱜ ᱪᱟᱨᱪᱟ ᱡᱟᱹᱥᱛᱤ ᱢᱮᱱᱟᱜᱼᱟ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱧᱮ ᱵᱟᱝᱞᱟ ᱟᱨ ᱫᱩᱢᱠᱟᱹ ᱴᱚᱴᱷᱟ ᱠᱷᱚᱱ ᱠᱚᱞᱠᱟᱛᱟ ᱨᱮ ᱠᱟᱹᱢᱤ ᱞᱟᱹᱜᱤᱫ ᱦᱮᱡ ᱟᱠᱟᱱ ᱤᱥᱟᱹᱭ ᱥᱟᱱᱛᱟᱲ ᱠᱚ ᱤᱫᱤ ᱠᱟᱛᱮ ᱑᱙᱖᱕ ᱥᱮᱨᱢᱟ ᱨᱮ ᱱᱮᱛᱷᱱᱤᱭᱮᱞ ᱢᱩᱨᱢᱩ ᱟᱜ ᱟᱹᱭᱩᱨ ᱛᱮ ᱥᱟᱱᱛᱟᱞᱤ ᱞᱤᱴᱟᱨᱟᱨᱤ ᱮᱱᱰ ᱠᱟᱞᱪᱟᱨᱟᱞ ᱥᱳᱥᱟᱭᱴᱤ ᱧᱩᱛᱩᱢ ᱛᱮ ᱢᱤᱫ ᱜᱚᱱᱚᱴᱷᱚᱱ ᱵᱮᱨᱮᱫ ᱞᱮᱱᱟ᱾ ᱥᱟᱶᱦᱮᱫ ᱟᱨ ᱞᱟᱭ ᱞᱟᱠᱪᱟᱨ ᱩᱛᱷᱱᱟᱹᱣ ᱞᱟᱹᱜᱤᱫ ᱛᱮ ᱱᱚᱣᱟ ᱜᱚᱱᱚᱴᱷᱚᱱ ᱦᱚᱛᱮᱛᱮ ᱑᱙᱖᱖ ᱥᱮᱨᱢᱟ ᱠᱷᱚᱱ ᱥᱟᱨ ᱥᱟᱫᱽᱞᱮ ᱧᱩᱛᱩᱢ ᱛᱮ ᱢᱤᱫ ᱵᱟᱨᱼᱪᱟᱸᱫᱚᱠᱤᱭᱟᱹ ᱥᱟᱶᱦᱮᱫ ᱯᱟᱛᱷᱟᱢ ᱯᱟᱨᱥᱟᱞ ᱮᱦᱚᱵ ᱞᱮᱱᱟ᱾ ᱢᱚᱬᱮ ᱥᱮᱨᱢᱟ ᱯᱟᱨᱥᱟᱞ ᱛᱟᱭᱚᱢ ᱱᱚᱣᱟ ᱫᱚ ᱑᱙᱗᱑ ᱥᱮᱨᱢᱟ ᱨᱮ ᱡᱩᱜᱽ ᱥᱤᱨᱤᱡᱚᱞ ᱧᱩᱛᱩᱢ ᱨᱮ ᱧᱩᱢ ᱟᱹᱨᱩ ᱞᱮᱱᱟ᱾

ᱡᱩᱜᱽ ᱥᱤᱨᱤᱡᱚᱞ ᱒᱐᱑᱕

ᱥᱟᱥᱟᱯᱲᱟᱣᱤᱡ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱨᱮᱱ ᱯᱩᱭᱞᱩ ᱥᱟᱥᱟᱯᱲᱟᱣᱤᱡ ᱫᱚᱭ ᱛᱟᱦᱮᱸ ᱠᱟᱱᱟ ᱱᱮᱛᱷᱱᱤᱭᱮᱞ ᱢᱩᱨᱢᱩ᱾ ᱱᱚᱣᱟ ᱨᱮᱱ ᱥᱟᱥᱟᱯᱲᱟᱣᱤᱡ ᱠᱚᱫᱚ ᱠᱚ ᱦᱩᱭᱩᱜ ᱠᱟᱱᱟ -

ᱮᱱᱮᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱩᱜᱽ ᱥᱤᱨᱤᱡᱚᱞ ᱯᱟᱛᱷᱟᱢ ᱨᱮ ᱠᱷᱚᱵᱚᱨ ᱥᱟᱶᱛᱮ, ᱠᱟᱹᱦᱱᱤ, ᱚᱱᱚᱬᱦᱮᱸ, ᱚᱱᱚᱞ ᱟᱨ ᱜᱟᱞᱢᱟᱨᱟᱣ ᱮᱢᱟᱱ ᱠᱚ ᱞᱮᱛᱟᱲ ᱜᱮ ᱱᱚᱣᱟ ᱨᱮᱭᱟᱜ ᱟᱹᱰᱤ ᱜᱟᱱ ᱞᱮᱠᱷᱟ ᱨᱮ ᱯᱟᱨᱥᱟᱞᱚᱜ ᱠᱟᱱᱟ᱾ ᱱᱚᱣᱟ ᱯᱟᱛᱷᱟᱢ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱥᱚᱨᱮᱥ ᱦᱤᱸᱥ ᱫᱚ ᱦᱩᱭᱩᱜ ᱠᱟᱱᱟ ᱱᱚᱣᱟ ᱨᱮᱭᱟᱜ "ᱥᱟᱯᱲᱮᱛ ᱟᱲᱟᱝ"᱾ ᱱᱚᱣᱟ ᱨᱮ ᱥᱟᱶᱛᱟ, ᱞᱟᱠᱪᱟᱨ, ᱯᱟᱹᱨᱥᱤ, ᱥᱟᱶᱦᱮᱫ ᱨᱮᱭᱟᱜ ᱱᱟᱱᱟᱼᱦᱩᱱᱟᱹᱨ ᱠᱟᱛᱷᱟ ᱠᱚ ᱥᱟᱵ ᱨᱟᱠᱟᱵ ᱦᱩᱭᱩᱜᱼᱟ᱾ "ᱥᱟᱯᱲᱮᱛ ᱟᱲᱟᱝ" ᱛᱷᱚᱠ ᱨᱮ ᱥᱟᱥᱟᱯᱲᱟᱣᱤᱡ ᱫᱚ ᱢᱮᱱᱢᱮ ᱥᱩᱥᱟᱹᱨᱤᱭᱟᱹ ᱟᱜ ᱮ ᱠᱟᱹᱢᱤᱭᱟ᱾ ᱞᱮᱛᱟᱲ ᱜᱮ ᱱᱤᱛ ᱦᱚᱸ ᱱᱚᱣᱟ ᱯᱟᱛᱷᱟᱢ ᱯᱟᱨᱥᱟᱞᱚᱜ ᱠᱟᱱ ᱜᱮᱭᱟ, ᱟᱨ ᱯᱟᱹᱨᱥᱤ ᱥᱟᱶᱦᱮᱫ ᱦᱟᱨᱟ ᱵᱩᱨᱩ ᱨᱮ ᱡᱩᱜᱽ ᱥᱤᱨᱤᱡᱚᱞ ᱨᱮᱭᱟᱜ ᱡᱟᱦᱟᱸ ᱮᱱᱮᱢ ᱚᱱᱟ ᱫᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱥᱚᱱᱟ ᱟᱠᱷᱚᱨ ᱛᱮ ᱚᱞ ᱛᱟᱦᱮᱸᱱᱟ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. K. P. Aleaz, Theology of Religions: Birmingham Papers and Other Essays, Moumita Publishers and Distributors, Calcutta, 1998, p.265. [᱑]
  2. Anadi Kumar Mahapatra, Tribal Politics in West Bengal, Suhrid Publication, Calcutta, 1987, p.103. [᱒]