ᱢᱚᱝᱜᱚᱞᱠᱳᱴ ᱵᱚᱱᱚᱛ
| ᱢᱚᱝᱜᱚᱞᱠᱳᱴ | |
|---|---|
| ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ | |
.svg) ᱯᱚᱪᱷᱤᱢ ᱵᱟᱝᱞᱟ ᱨᱮ ᱴᱷᱟᱶ | |
| Coordinates: 23°30′51″N 87°53′28″E / 23.51417°N 87.89111°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱯᱚᱪᱷᱤᱢ ᱵᱟᱝᱞᱟ |
| ᱦᱚᱱᱚᱛ | ᱥᱟᱢᱟᱝ ᱵᱚᱨᱫᱷᱚᱢᱟᱱ ᱦᱚᱱᱚᱛ |
| ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱵᱳᱞᱯᱩᱨ |
| ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱢᱚᱝᱜᱚᱞᱠᱳᱴ |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | ᱑᱔᱑.᱑᱐ ᱜᱟᱺᱴ ᱢᱟᱭᱤᱞ (᱓᱖᱕.᱔᱔ ᱠᱤᱢᱤ২) |
| ᱩᱥᱩᱞ | ᱖᱒ ᱯᱷᱩᱴ (᱑᱙ ᱢᱤᱴᱚᱨ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱞᱮᱠᱷᱟᱜᱩᱴ | ᱒᱖᱓,᱒᱔᱐ |
| • ᱰᱮᱱᱥᱤᱴᱤ | ᱑,᱙᱐᱐/ᱜᱟᱺᱴ ᱢᱟᱹᱭᱤᱞ (᱗᱒᱐/ᱠᱤᱢᱤ᱒) |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱗᱑᱓᱑᱔᱗ (ᱢᱚᱝᱜᱚᱞᱠᱳᱴ/ᱱᱩᱛᱟᱱᱦᱟᱴ) |
| ᱴᱮᱞᱤᱯᱷᱚᱱ/STD ᱠᱳᱰ | ᱐᱓᱔᱕᱓ |
| ᱜᱟᱹᱰᱤ ᱨᱤᱡᱤᱥᱴᱨᱤ | WB-37, WB-38, WB-41, WB-42, WB-44 |
| ᱥᱤᱠᱷᱱᱟᱹᱛ ᱫᱚᱨ | ᱖᱗.᱙᱗ ᱥᱟᱭᱠᱚᱲᱟ |
| ᱣᱮᱵᱽᱥᱟᱭᱤᱴ | http://purbabardhaman.gov.in/ |
ᱢᱚᱝᱜᱚᱞᱠᱳᱴ ᱫᱚ ᱢᱤᱫ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱠᱟᱱᱟ ᱱᱚᱣᱟ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱯᱚᱪᱷᱤᱢ ᱵᱟᱝᱞᱟ ᱨᱮ ᱥᱟᱢᱟᱝ ᱵᱚᱨᱫᱷᱚᱢᱟᱱ ᱦᱚᱱᱚᱛ ᱨᱮᱱᱟᱜ ᱠᱟᱴᱣᱟ ᱡᱚᱜᱚ ᱠᱷᱚᱸᱰ ᱨᱮ ᱢᱤᱫ ᱥᱟᱥᱚᱱ ᱪᱟᱪᱞᱟᱣ ᱠᱷᱚᱸᱰᱮ ᱵᱮᱱᱟᱣᱟ ᱾
ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱴᱷᱟᱶ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱢᱚᱝᱜᱚᱞᱠᱳᱴ 23°30′51″N 87°53′28″E / 23.5141379°N 87.8912258°E ᱨᱮ ᱢᱮᱱᱟᱜᱼᱟ ᱾
ᱢᱚᱝᱜᱚᱞᱠᱳᱴ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱠᱚᱧᱮ ᱨᱮ ᱵᱤᱨᱵᱷᱩᱢ ᱦᱚᱱᱚᱛ ᱨᱮ ᱱᱟᱱᱩᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱟᱨ ᱠᱮᱛᱩᱜᱨᱟᱢ ᱑ ᱟᱨ ᱠᱮᱛᱩᱜᱨᱟᱢ ᱒ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ, ᱥᱟᱢᱟᱝ ᱨᱮ ᱠᱟᱴᱣᱟ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ, ᱮᱛᱚᱢ ᱨᱮ ᱵᱷᱚᱛᱟᱨ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱟᱨ ᱯᱟᱪᱮ ᱨᱮ ᱚᱥᱜᱨᱟᱢ ᱑ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾[᱑]
ᱢᱚᱝᱜᱚᱞᱠᱳᱴ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱫᱚ ᱓᱖᱕.᱔᱔ ᱠᱤᱞᱚᱢᱤᱴᱚᱨ᱒ ᱢᱮᱱᱟᱜᱼᱟ ᱾ ᱱᱚᱸᱰᱮ ᱢᱤᱫᱴᱟᱹᱝ ᱯᱟᱸᱪᱟᱭᱟᱛ ᱥᱟᱢᱤᱛᱤ, ᱑᱕ ᱜᱚᱴᱟᱝ ᱜᱨᱟᱢ ᱯᱟᱸᱪᱟᱭᱟᱛ, ᱑᱙᱘ ᱜᱚᱴᱟᱝ ᱜᱨᱟᱢ ᱥᱚᱸᱥᱚᱫᱽ (ᱟᱹᱛᱩ ᱵᱟᱹᱭᱥᱤ), ᱑᱓᱒ ᱜᱚᱴᱟᱝ ᱢᱚᱣᱡᱟ ᱟᱨ ᱑᱓᱐ ᱜᱚᱴᱟᱝ ᱟᱹᱛᱩ ᱢᱮᱱᱟᱜᱼᱟ ᱾ ᱢᱚᱝᱜᱚᱞᱠᱳᱴ ᱯᱩᱞᱤᱥ ᱥᱴᱮᱥᱚᱱ ᱫᱚ ᱱᱚᱣᱟ ᱵᱚᱱᱚᱛ ᱨᱮ ᱠᱟᱹᱢᱤᱭᱟ ᱾ ᱱᱚᱣᱟ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱱᱩᱛᱟᱱᱦᱟᱴ ᱨᱮ ᱢᱮᱱᱟᱜᱼᱟ ᱾[᱒]
ᱢᱚᱝᱜᱚᱞᱠᱳᱴ ᱵᱚᱱᱚᱛ/ᱯᱚᱸᱪᱟᱭᱚᱛ ᱥᱟᱢᱤᱛᱤ ᱨᱮᱱᱟᱜ ᱜᱨᱟᱢ ᱯᱚᱸᱪᱟᱭᱚᱛ ᱠᱚ ᱢᱮᱱᱟᱜᱼᱟ: ᱵᱷᱚᱞᱩᱣᱟᱜᱨᱟᱢ, ᱪᱟᱬᱚᱠ, ᱜᱚᱛᱤᱥᱴᱷᱟ, ᱡᱷᱤᱞᱩ ᱑, ᱡᱷᱤᱞᱩ ᱒, ᱠᱮᱪᱚᱨ ᱑, ᱠᱮᱪᱚᱨ ᱒, ᱠᱷᱤᱨᱜᱨᱟᱢ, ᱞᱚᱠᱷᱩᱨᱤᱭᱟᱹ, ᱢᱟᱡᱤᱜᱨᱟᱢ, ᱢᱚᱝᱜᱚᱞᱠᱳᱴ, ᱱᱮᱜᱩᱱ, ᱯᱟᱞᱤᱜᱨᱟᱢ, ᱥᱤᱢᱩᱞᱤᱭᱟᱹ ᱑ ᱟᱨ ᱥᱤᱢᱩᱞᱤᱭᱟᱹ ᱒ ᱢᱮᱱᱟᱜᱼᱟ ᱾ [᱓]
ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱦᱚᱲ ᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱢᱚᱝᱜᱚᱞᱠᱳᱴ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱤᱱ ᱜᱩᱴ ᱦᱚᱲ ᱮᱞ ᱫᱚ ᱒᱖᱓,᱒᱔᱐ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱱᱩᱠᱩ ᱫᱚ ᱟᱹᱛᱩ ᱨᱮᱠᱚ ᱛᱟᱦᱮᱸ ᱠᱟᱱᱟ ᱾ ᱱᱚᱸᱰᱮ ᱑᱓᱔,᱖᱙᱓ (᱕᱑%) ᱠᱚᱲᱟ ᱟᱨ ᱑᱒᱘,᱕᱔᱗ (᱔᱙%) ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱐-᱖ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱚᱨ ᱠᱚᱫᱚ ᱓᱑,᱑᱓᱓ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱜᱮᱨ ᱟᱹᱫᱤᱵᱟᱹᱥᱤ ᱫᱚ ᱘᱑,᱙᱕᱐ (᱓᱑.᱑᱓%) ᱟᱨ ᱟᱹᱫᱤᱵᱟᱹᱥᱤ ᱫᱚ ᱗,᱔᱖᱒ (᱒.᱘᱓%) ᱦᱚᱲ ᱢᱮᱱᱟᱜ ᱠᱚᱣᱟ ᱾[᱔]
ᱢᱚᱝᱜᱚᱞᱠᱳᱴ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱢᱟᱨᱟᱝ ᱟᱹᱛᱩ ᱠᱚ (᱔,᱐᱐᱐+ ᱦᱚᱲ ᱮᱞ ᱟᱜ) ᱢᱮᱱᱟᱜᱼᱟ (᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ): ᱱᱩᱛᱟᱱᱦᱟᱴ (᱕,᱓᱔᱙), ᱢᱚᱝᱜᱚᱞᱠᱳᱴ (᱑᱑,᱕᱓᱗), ᱡᱷᱤᱞᱩ (᱕,᱓᱑᱑), ᱥᱤᱢᱩᱞᱤᱭᱟᱹ (᱖,᱔᱙᱘), ᱯᱟᱞᱤᱜᱨᱟᱢ (᱖,᱑᱒᱓), ᱢᱟᱡᱤᱜᱨᱟᱢ (᱔,᱖᱒᱒), ᱠᱚᱞᱥᱩᱱᱟ (᱕,᱖᱓᱐), ᱵᱟᱸᱠᱟᱯᱟᱥᱤ (᱖,᱒᱕᱐), ᱯᱩᱨᱵᱵᱟ ᱜᱚᱯᱟᱞᱯᱩᱨ (᱗,᱓᱑᱕), ᱡᱟᱜᱮᱥᱣᱚᱨᱰᱤᱦᱤ (᱔,᱔᱐᱔), ᱠᱮᱪᱚᱨ (᱗,᱓᱔᱗), ᱱᱤᱜᱚᱱ (᱖,᱘᱒᱕) ᱟᱨ ᱜᱳᱵᱚᱨᱫᱷᱚᱱᱯᱩᱨ (᱔,᱒᱒᱗) ᱾[᱔]
ᱢᱚᱝᱜᱚᱞᱠᱳᱴ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱮᱴᱟᱜ ᱟᱹᱛᱩ ᱠᱚ ᱢᱮᱱᱟᱜᱼᱟ (᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ): ᱪᱟᱬᱚᱠ (᱑,᱙᱕᱓), ᱜᱚᱛᱤᱥᱴᱷᱟ (᱓,᱔᱗᱕), ᱞᱚᱠᱷᱩᱨᱤᱭᱟᱹ (᱓,᱒᱑᱔), ᱠᱷᱤᱨᱜᱨᱟᱢ (᱒,᱔᱗᱔), ᱵᱷᱟᱞᱩᱜᱨᱟᱢ (᱓,᱔᱙᱔) ᱟᱨ ᱯᱞᱞᱤᱜᱨᱟᱢ (᱓,᱗᱕᱘) ᱾[᱔]
ᱥᱤᱠᱷᱱᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱢᱚᱝᱜᱚᱞᱠᱳᱴ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱥᱤᱠᱷᱱᱟᱹᱛ ᱦᱚᱲᱟᱜ ᱜᱩᱴ ᱮᱞ ᱫᱚ ᱑᱕᱗,᱗᱖᱙ ᱜᱚᱴᱟᱝ (᱖᱗.᱙᱗%) ᱥᱤᱠᱷᱱᱟᱹᱛ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱠᱷᱚᱱ ᱘᱗,᱖᱗᱔ (᱗᱓.᱖᱗%) ᱠᱚᱲᱟ ᱟᱨ ᱗᱐,᱐᱙᱕ (᱖᱑.᱙᱘%) ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱡᱟᱱᱟᱝ ᱵᱷᱮᱜᱟᱨ (ᱛᱤᱨᱞᱟᱹ ᱟᱨ ᱠᱚᱲᱟ ᱥᱤᱠᱷᱱᱟᱹᱛ ᱫᱚᱨ ᱛᱟᱞᱟ ᱨᱮ ᱵᱷᱮᱜᱟᱨ) ᱫᱚ ᱑᱑.᱖᱙% ᱛᱟᱦᱮᱸ ᱠᱟᱱᱟ ᱾[᱔]
ᱯᱟᱹᱨᱥᱤ ᱟᱨ ᱫᱷᱚᱨᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱨᱮ, ᱑᱗᱐,᱔᱒᱐ ᱜᱚᱴᱟᱝ ᱦᱤᱱᱫᱩ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱢᱚᱝᱜᱚᱞᱠᱳᱴ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱩᱱᱠᱩᱣᱟᱜ ᱦᱚᱲ ᱮᱞ ᱫᱚ ᱖᱔.᱗᱔% ᱛᱟᱦᱮᱸ ᱠᱟᱱᱟ ᱾ ᱢᱩᱥᱞᱤᱢ ᱫᱚ ᱙᱑,᱙᱔᱙ ᱜᱚᱴᱟᱝ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱩᱣᱟᱜ ᱦᱚᱲ ᱮᱞ ᱓᱔.᱙᱓% ᱛᱟᱦᱮᱸ ᱠᱟᱱᱟ ᱾ ᱤᱥᱟᱹᱭ ᱫᱚ ᱕᱐᱐ ᱜᱚᱴᱟᱝ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱩᱣᱟᱜ ᱦᱚᱲ ᱮᱞ ᱐.᱑᱙% ᱛᱟᱦᱮᱸ ᱠᱟᱱᱟ ᱾ ᱮᱴᱟᱜ ᱠᱚᱫᱚ ᱓᱗᱑ ᱜᱚᱴᱟᱝ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱩᱣᱟᱜ ᱦᱚᱲ ᱮᱞ ᱫᱚ ᱐.᱑᱔% ᱛᱟᱦᱮᱸ ᱠᱟᱱᱟ ᱾[᱕]
ᱵᱚᱨᱫᱷᱚᱢᱟᱱ ᱦᱚᱱᱚᱛ ᱨᱮ ᱦᱤᱱᱫᱩ ᱦᱚᱲ ᱮᱞ ᱟᱜ ᱥᱟᱭᱠᱚᱲᱟ ᱫᱚ ᱑᱙᱖᱑ ᱥᱟᱞ ᱨᱮ ᱘᱔.᱓% ᱠᱷᱚᱱ ᱜᱷᱟᱴᱟᱣ ᱠᱟᱛᱮ ᱒᱐᱑᱑ ᱥᱟᱞ ᱨᱮ ᱗᱗.᱙% ᱦᱩᱭ ᱮᱱᱟ ᱟᱨ ᱢᱩᱥᱞᱤᱢ ᱦᱚᱲ ᱮᱞ ᱟᱜ ᱥᱟᱭᱠᱚᱲᱟ ᱫᱚ ᱑᱙᱖᱑ ᱥᱟᱞ ᱨᱮ ᱑᱕.᱒% ᱠᱷᱚᱱ ᱵᱟᱲᱦᱟᱣ ᱠᱟᱛᱮ ᱒᱐᱑᱑ ᱥᱟᱞ ᱨᱮ ᱒᱐.᱗% ᱦᱩᱭ ᱮᱱᱟ ᱾[᱖]
᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱚᱠᱛᱚ, ᱙᱘.᱐᱖% ᱫᱚ ᱵᱟᱝᱞᱟ ᱟᱨ ᱑.᱖᱙% ᱫᱚ ᱥᱟᱱᱛᱟᱲᱤ ᱟᱡᱟᱜ ᱢᱟᱲᱟᱝ ᱯᱟᱹᱨᱥᱤ ᱞᱮᱠᱟᱛᱮ ᱨᱚᱲᱼᱮᱫ ᱛᱟᱦᱮᱸᱫ ᱾[᱗]
ᱠᱟᱹᱣᱰᱤ ᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱮᱸᱠᱤᱝ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱑᱓-᱑᱔ ᱥᱟᱞ ᱨᱮ, ᱢᱚᱝᱜᱚᱞᱠᱳᱴ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱙ ᱜᱚᱴᱟᱝ ᱵᱮᱯᱟᱨ ᱵᱮᱸᱠ ᱟᱨ ᱯᱩᱱᱭᱟᱹ ᱜᱨᱟᱢᱤᱬ ᱵᱮᱸᱠ ᱨᱮᱱᱟᱜ ᱚᱯᱷᱤᱥ ᱛᱟᱦᱮᱸ ᱠᱟᱱᱟ ᱾
ᱦᱮᱡ ᱥᱮᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱚᱨᱫᱷᱚᱢᱟᱱ-ᱠᱟᱴᱣᱟ ᱞᱟᱭᱤᱱ ᱫᱚ ᱱᱮᱨᱳ ᱜᱮᱡᱽ ᱠᱷᱚᱱ ᱤᱞᱮᱠᱨᱤᱯᱷᱤᱰ ᱵᱨᱚᱰ ᱜᱮᱡᱽ ᱨᱮ ᱵᱚᱫᱚᱞ ᱠᱟᱛᱮ ᱛᱟᱭᱚᱢ ᱑᱒ ᱡᱟᱱᱩᱣᱟᱨᱤ ᱒᱐᱑᱘ ᱥᱟᱞ ᱨᱮ ᱫᱤᱥᱩᱣᱟᱹ ᱠᱚ ᱞᱟᱹᱜᱤᱫ ᱡᱷᱤᱡ ᱮᱱᱟ ᱾[᱘] ᱥᱚᱣᱛᱟ, ᱱᱤᱜᱚᱱ, ᱠᱮᱭᱪᱚᱨ ᱟᱨ ᱵᱟᱸᱠᱟᱯᱟᱥᱤ.[᱙]
ᱨᱟᱡᱽᱜᱨᱟᱢ (ᱵᱤᱨᱵᱷᱩᱢ ᱦᱚᱱᱚᱛ ᱨᱮ) ᱠᱷᱚᱱ ᱢᱮᱫᱤᱱᱤᱯᱩᱨ (ᱯᱟᱪᱮ ᱢᱮᱫᱤᱱᱤᱯᱩᱨ ᱦᱚᱱᱚᱛ ᱨᱮ) ᱫᱷᱟᱹᱨᱤᱡ ᱪᱟᱞᱟᱜᱟᱜ ᱯᱚᱱᱚᱛ ᱨᱟᱡᱽᱰᱟᱦᱟᱨ ᱗ ᱟᱨ ᱯᱚᱱᱚᱛ ᱨᱟᱡᱽᱰᱟᱦᱟᱨ ᱑᱔ (ᱯᱚᱪᱷᱤᱢ ᱵᱟᱝᱞᱟ) ᱫᱚ ᱫᱩᱵᱽᱨᱟᱡᱽᱯᱩᱨ (ᱵᱤᱨᱵᱷᱩᱢ ᱦᱚᱱᱚᱛ ᱨᱮ) ᱠᱷᱚᱱ ᱵᱮᱛᱟᱭ (ᱱᱟᱫᱤᱭᱟ ᱦᱚᱱᱚᱛ ᱨᱮ) ᱫᱷᱟᱹᱨᱤᱡ ᱪᱟᱞᱟᱜᱟᱜ ᱱᱚᱣᱟ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱞᱮᱠᱟᱛᱮ ᱥᱮᱱᱚᱜᱼᱟ ᱾[᱑᱐]
ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱑᱓-᱑᱔ ᱥᱟᱞ ᱨᱮ, ᱢᱚᱝᱜᱚᱞᱠᱳᱴ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱑᱗᱖ ᱜᱚᱴᱟᱝ ᱯᱨᱟᱭᱢᱮᱨᱤ ᱤᱥᱠᱩᱞ ᱨᱮ ᱑᱕,᱖᱒᱓ ᱜᱚᱴᱟᱝ ᱯᱟᱹᱴᱷᱩᱣᱟᱹ, ᱯᱩᱱᱭᱟᱹ ᱛᱟᱱᱟᱞᱟ ᱟᱥᱲᱟ ᱨᱮ ᱒᱔᱙ ᱜᱚᱴᱟᱝ ᱯᱟᱹᱴᱷᱩᱣᱟᱹ, ᱒᱐ ᱜᱚᱴᱟᱝ ᱩᱱᱩᱥᱩᱞ ᱟᱥᱲᱟ ᱨᱮ ᱑᱓,᱖᱘᱗ ᱜᱚᱴᱟᱝ ᱯᱟᱹᱴᱷᱩᱣᱟᱹ, ᱑᱐ ᱜᱚᱴᱟᱝ ᱩᱱᱩᱥᱩᱞ ᱥᱮᱠᱮᱱᱰᱟᱨᱤ ᱤᱥᱠᱩᱞ ᱨᱮ ᱙,᱒᱘᱑ ᱜᱚᱴᱟᱝ ᱯᱟᱹᱴᱷᱩᱣᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾
᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱢᱚᱝᱜᱚᱞᱠᱳᱴ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ, ᱑᱓᱐ ᱜᱚᱴᱟᱝ ᱟᱹᱛᱩ ᱠᱷᱚᱱ ᱗ ᱜᱚᱴᱟᱝ ᱟᱹᱛᱩ ᱨᱮ ᱤᱥᱠᱩᱞ ᱜᱮ ᱵᱟᱭ ᱛᱟᱦᱮᱸ ᱠᱟᱱᱟ, ᱖᱗ ᱜᱚᱴᱟᱝ ᱟᱹᱛᱩ ᱨᱮ ᱵᱟᱨᱭᱟ ᱟᱨᱵᱟᱝ ᱰᱮᱦᱮᱨ ᱯᱨᱟᱭᱢᱮᱨᱤ ᱤᱥᱠᱩᱞ ᱛᱟᱦᱮᱸ ᱠᱟᱱᱟ, ᱔᱑ ᱜᱚᱴᱟᱝ ᱟᱹᱛᱩ ᱨᱮ ᱠᱚᱢ ᱠᱷᱚᱱ ᱠᱚᱢ ᱢᱤᱫᱴᱟᱹᱝ ᱯᱨᱟᱭᱢᱮᱨᱤ ᱟᱨ ᱢᱤᱫᱴᱟᱹᱝ ᱛᱟᱱᱟᱞᱟ ᱟᱥᱲᱟ ᱛᱟᱦᱮᱸ ᱠᱟᱱᱟ ᱟᱨ ᱓᱗ ᱜᱚᱴᱟᱝ ᱟᱹᱛᱩ ᱨᱮ ᱠᱚᱢ ᱠᱷᱚᱱ ᱠᱚᱢ ᱢᱤᱫᱴᱟᱹᱝ ᱛᱟᱱᱟᱞᱟ ᱟᱥᱲᱟ ᱛᱟᱦᱮᱸ ᱠᱟᱱᱟ ᱟᱨ ᱢᱤᱫᱴᱟᱹᱝ ᱥᱮᱠᱮᱱᱰᱟᱨᱤ ᱤᱥᱠᱩᱞ ᱛᱟᱦᱮᱸ ᱠᱟᱱᱟ ᱾[᱑᱑]
ᱢᱚᱝᱜᱚᱞᱠᱳᱴ ᱥᱚᱨᱠᱟᱨᱤ ᱠᱚᱞᱮᱡᱽ ᱨᱮᱱᱟᱜ ᱛᱷᱟᱯᱚᱱ ᱫᱚ ᱒᱐᱑᱕ ᱥᱟᱞ ᱨᱮ ᱢᱚᱝᱜᱚᱞᱠᱳᱴ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾[᱑᱒]
ᱦᱚᱲᱢᱚ ᱥᱟᱶᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱑᱔ ᱥᱟᱞ ᱨᱮ, ᱢᱚᱝᱜᱚᱞᱠᱳᱴ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱢᱤᱫᱴᱟᱹᱝ ᱫᱮᱦᱟᱛ ᱟᱥᱯᱟᱛᱟᱞ, ᱢᱤᱫᱴᱟᱹᱝ ᱵᱚᱱᱚᱛ ᱯᱨᱟᱭᱢᱮᱨᱤ ᱦᱮᱞᱛᱷ ᱛᱟᱞᱢᱟ ᱟᱨ ᱯᱩᱱᱭᱟᱹ ᱯᱨᱟᱭᱢᱮᱨᱤ ᱦᱮᱞᱛᱷ ᱛᱟᱞᱢᱟ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱨᱮ ᱜᱩᱴ ᱘᱑ ᱵᱮᱰ ᱟᱨ ᱑᱐ ᱜᱚᱴᱟᱝ ᱰᱚᱠᱴᱚᱨ ᱠᱚ ᱛᱟᱦᱮᱸ ᱠᱟᱱᱟ ᱾ ᱱᱚᱸᱰᱮ ᱓᱘ ᱜᱷᱟᱨᱚᱸᱡᱽ ᱠᱚᱞᱭᱟᱬ ᱡᱚᱜᱚ ᱛᱟᱞᱢᱟ ᱟᱨ ᱢᱤᱫᱴᱟᱹᱝ ᱜᱷᱟᱨᱚᱸᱡᱽ ᱠᱚᱞᱭᱟᱬ ᱛᱟᱞᱢᱟ ᱛᱟᱦᱮᱸ ᱠᱟᱱᱟ ᱾
ᱥᱤᱸᱜᱳᱴ, ᱯᱤ ᱳ ᱢᱟᱛᱷᱨᱩᱱ ᱨᱮ ᱥᱤᱸᱜᱳᱴ ᱜᱨᱟᱢᱤᱬ ᱟᱥᱯᱟᱛᱟᱞ (᱕᱐ ᱵᱮᱰ ᱟᱜ) ᱫᱚ ᱢᱚᱝᱜᱚᱞᱠᱳᱴ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱢᱩᱬ ᱥᱚᱨᱠᱟᱨᱤ ᱢᱮᱰᱤᱠᱟᱞ ᱥᱩᱵᱤᱫᱷᱟ ᱢᱮᱱᱟᱜᱼᱟ ᱾ ᱱᱩᱛᱟᱱᱦᱟᱴ ᱨᱮ ᱢᱚᱝᱜᱚᱞᱠᱳᱴ ᱵᱚᱱᱚᱛ ᱯᱨᱟᱭᱢᱮᱨᱤ ᱦᱮᱞᱛᱷ ᱛᱟᱞᱢᱟ ᱫᱚ ᱑᱕ ᱵᱮᱰ ᱟᱜ ᱥᱟᱶᱛᱮ ᱠᱟᱹᱢᱤᱭᱟ ᱾ ᱪᱚᱱᱟᱠᱠᱚᱥᱮᱱ, ᱯᱤ ᱳ ᱠᱟᱥᱮᱢ ᱱᱚᱜᱚᱨ (᱖ ᱵᱮᱰ ᱟᱜ), ᱠᱷᱤᱨᱜᱨᱟᱢ (᱒ ᱵᱮᱰ ᱟᱜ), ᱞᱚᱠᱷᱳᱨᱤᱭᱟᱹ (᱑᱐ ᱵᱮᱰ ᱟᱜ) ᱟᱨ ᱱᱤᱜᱚᱱ (᱖ ᱵᱮᱰ ᱟᱜ) ᱨᱮ ᱯᱨᱟᱭᱢᱮᱨᱤ ᱦᱮᱞᱛᱷ ᱛᱟᱞᱢᱟ ᱢᱮᱱᱟᱜᱼᱟ ᱾[᱑᱓]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Tehsil Map of Barddhaman". CD Block/ Tehsil. Maps of India. Retrieved 23 January 2017.
- ↑ "District Census Handbook: Barddhaman" (PDF). Map of Barddhaman with CD Block HQs and Police Stations (on the fourth page). Directorate of Census Operations, West Bengal, 2011. Retrieved 22 January 2017.
- ↑ "Directory of District, Subdivision, Panchayat Samiti/ Block and Gram Panchayats in West Bengal". Bardhaman - Revised in March 2008. Panchayats and Rural Development Department, Government of West Bengal. Retrieved 30 January 2017.
- ↑ ᱔.᱐ ᱔.᱑ ᱔.᱒ ᱔.᱓ "C.D. Block Wise Primary Census Abstract Data(PCA)". 2011 census: West Bengal – District-wise CD Blocks. Registrar General and Census Commissioner, India. Retrieved 16 January 2017.
- ↑ "Table C-01 Population by Religion: West Bengal". censusindia.gov.in. Registrar General and Census Commissioner of India. 2011.
- ↑ "Census of Indiia 2011: District Census Handbook, Barddhaman" (PDF). Table 9: Population by religion in Badhaman district (1961-2011), Page 50. Registrar General and Census Commissioner, India. Retrieved 27 January 2017.
- ↑ ᱗.᱐ ᱗.᱑ "Table C-16 Population by Mother Tongue: West Bengal". www.censusindia.gov.in. Registrar General and Census Commissioner of India.
- ↑ "Baro rail Katwae, jamlo bhidr (Big railway in Katwa, crowd gathers)". Bengali. Ananda Bazar Patrika, 13 January 2018. Retrieved 13 January 2018.
- ↑ "District Census Handbook Barddhaman, Series 20 Part XII A, Census of India 2011" (PDF). Page 367: Map of Mangalkote CD Block. Directorate of Census Operations 2011. Retrieved 21 January 2019.
- ↑ "List of State Highways in West Bengal". West Bengal Traffic Police. Retrieved 5 February 2017.
- ↑ "District Census Handbook, Barddhaman, 2011, Series 20, Part XII A" (PDF). Page 1082, Appendix I A: Villages by number of Primary Schools and Appendix I B: Villages by Primary, Middle and Secondary Schools. Directorate of Census Operations, West Bengal. Retrieved 9 February 2019.
- ↑ "Government General Degree College, Mangalkote". GGDC. Retrieved 2 March 2017.
- ↑ "Health & Family Welfare Department". Health Statistics. Government of West Bengal. Archived from the original on 28 October 2021. Retrieved 19 January 2019.