ᱢᱟᱛᱠᱚᱢ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱢᱟᱛᱠᱚᱢ
Mahuwa trees in Chhattisgarh.jpg
ᱥᱟᱬᱮᱥ ᱞᱮᱠᱟᱛᱮ ᱦᱟᱹᱴᱤᱧ edit
Kingdom: ᱯᱞᱟᱴᱮᱭ
Clade: Angiosperms
Clade: Eudicots
Clade: Asterids
Order: Ericales
Family: Sapotaceae
Genus: Madhuca
ᱡᱟᱹᱛ: M. longifolia
ᱵᱟᱭᱱᱚᱢᱤᱭᱟᱞ ᱧᱩᱛᱩᱢ
Madhuca longifolia
ᱢᱟᱛᱠᱚᱢ ᱫᱟᱨᱮ
ᱢᱟᱛᱠᱚᱢ ᱵᱟᱦᱟ

ᱢᱟᱛᱠᱚᱢ ᱫᱚ ᱦᱩᱭᱩᱜ ᱠᱟᱱᱟ ᱥᱤᱧᱚᱛᱤᱭᱟᱹ ᱴᱨᱚᱯᱤᱠᱟᱞ (tropical) ᱫᱟᱨᱮ ᱾ ᱳᱰᱤᱥᱟ, ᱡᱷᱟᱨᱠᱷᱚᱸᱰ, ᱠᱚᱧᱮ ᱯᱚᱱᱚᱛ, ᱵᱤᱦᱟᱨ, ᱠᱮᱨᱚᱲ ᱟᱨ ᱜᱩᱡᱽᱨᱟᱴ ᱯᱚᱱᱚᱛ ᱨᱮᱭᱟᱜ ᱵᱩᱨᱩ ᱠᱚᱨᱮ ᱢᱟᱛᱠᱚᱢ ᱫᱟᱨᱮ ᱫᱚ ᱟᱭᱢᱟ ᱧᱮᱞᱚᱜᱼᱟ᱾[᱑] ᱯᱮ ᱥᱮᱨᱢᱟ ᱦᱩᱭ ᱞᱮᱱ ᱠᱷᱟᱱ ᱢᱟᱛᱠᱚᱢ ᱵᱟᱦᱟᱜ ᱮᱦᱚᱵᱚᱜᱼᱟ ᱟᱨ ᱜᱮᱞ ᱵᱚᱪᱷᱚᱨ ᱦᱩᱭ ᱞᱮᱱ ᱠᱷᱟᱱ ᱡᱚᱜᱼᱟ᱾ ᱢᱟᱛᱠᱚᱢ ᱫᱟᱨᱮ ᱫᱚ ᱑᱐᱐ ᱠᱷᱚᱱ ᱑᱕᱐ ᱥᱮᱨᱢᱟ ᱦᱟᱹᱵᱤᱡ ᱵᱟᱧᱪᱟᱜᱼᱟ᱾ ᱢᱤᱫᱴᱤᱡ ᱢᱟᱨᱟᱝ ᱫᱟᱨᱮ ᱠᱷᱚᱱᱟᱜ ᱗᱐ ᱠᱷᱚᱱ ᱗᱕ ᱠᱤᱞᱚ ᱜᱟᱹᱵᱤᱡ ᱢᱟᱛᱠᱚᱢ ᱧᱟᱢᱚᱜᱼᱟ᱾ ᱵᱟᱦᱟᱜ ᱢᱟᱬᱟᱝ ᱨᱮ ᱵᱚᱪᱷᱚᱨ ᱯᱷᱮᱵᱽᱨᱩᱣᱟᱨᱤ ᱠᱷᱚᱱ ᱮᱯᱨᱤᱞ ᱵᱷᱤᱛᱤᱨ ᱨᱮ ᱢᱟᱨᱮ ᱥᱟᱠᱟᱢ ᱧᱩᱨᱩᱜᱼᱟ ᱟᱨ ᱮᱯᱨᱤᱞ ᱠᱷᱚᱱ ᱢᱮ ᱵᱷᱤᱛᱨᱤ ᱨᱮ ᱱᱟᱶᱟ ᱥᱟᱠᱟᱢ ᱥᱟᱜᱮᱱᱚᱜᱼᱟ᱾ ᱢᱟᱛᱠᱚᱢ ᱵᱟᱦᱟ ᱫᱚ ᱢᱤᱫ ᱟᱨ ᱟᱫᱷᱟ ᱤᱧᱪ ᱦᱟᱹᱵᱤᱡ ᱦᱟᱨᱟᱜᱼᱟ᱾ ᱡᱩᱱ ᱠᱷᱚᱱ ᱚᱜᱚᱥᱴᱚ ᱵᱷᱤᱛᱨᱤ ᱨᱮ ᱱᱚᱶᱟ ᱨᱮᱭᱟᱜ ᱡᱚ ᱵᱤᱞᱤᱜᱼᱟ᱾ ᱱᱚᱶᱟ ᱨᱮᱭᱟᱜ ᱡᱟᱝ ᱫᱚ ᱒/᱓ ᱥᱮᱱᱴᱤᱢᱤᱴᱚᱨ ᱦᱟᱹᱵᱤᱡ ᱦᱩᱭᱩᱜᱼᱟ ᱟᱨ ᱥᱤᱢ ᱵᱤᱞᱤ ᱞᱮᱠᱟ ᱜᱩᱞᱟᱹᱭ ᱟᱨ ᱡᱤᱞᱤᱧᱟ᱾

ᱢᱟᱛᱠᱚᱢ ᱵᱟᱦᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱦᱟᱸ ᱢᱟᱛᱠᱚᱢ ᱵᱚ ᱢᱮᱛᱟᱜ ᱠᱟᱱᱟ ᱚᱱᱟ ᱜᱮ ᱢᱟᱛᱠᱚᱢ ᱵᱟᱦᱟ ᱫᱚ ᱾ ᱱᱚᱶᱟ ᱫᱚ ᱦᱟᱞᱟᱝ ᱟᱹᱜᱩ ᱠᱟᱛᱮ ᱠᱚ ᱛᱟᱥᱮ ᱨᱚᱦᱚᱲᱟ ᱾ ᱚᱱᱟ ᱛᱟᱭᱚᱢ ᱢᱟᱛᱠᱚᱢ ᱟᱛᱟ, ᱢᱟᱛᱠᱚᱢ ᱞᱟᱴᱷᱮ ᱵᱮᱱᱟᱶ ᱠᱟᱛᱮ ᱠᱚ ᱡᱚᱢᱟ ᱾ ᱱᱚᱶᱟ ᱛᱮ ᱯᱟᱹᱣᱨᱟᱹ ᱦᱚᱸᱠᱚ ᱵᱮᱱᱟᱶᱟ ᱾

ᱠᱩᱸᱭᱰᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱛᱠᱚᱢ ᱨᱮᱭᱟᱜ ᱡᱚ ᱫᱚ ᱠᱩᱸᱭᱰᱤ ᱠᱚ ᱢᱮᱛᱟᱜᱼᱟ ᱾ ᱠᱩᱸᱭᱰᱤ ᱪᱮᱛᱟᱱ ᱨᱮ ᱡᱟᱦᱟᱸ ᱦᱟᱨᱛᱟ ᱛᱟᱦᱮᱸᱱᱟ ᱚᱱᱟ ᱫᱚ ᱵᱟᱠᱲᱮ ᱠᱚ ᱢᱮᱛᱟᱜᱼᱟ ᱾ ᱠᱩᱸᱭᱰᱤ ᱫᱚ ᱟᱥᱟᱲ ᱵᱚᱸᱜᱟ ᱮᱦᱚᱵ ᱠᱚᱛᱮ ᱵᱤᱞᱤᱜᱼᱟ ᱾ ᱚᱱᱟ ᱠᱩᱸᱭᱰᱤ ᱫᱚ ᱦᱟᱞᱟᱝ ᱟᱹᱜᱩ ᱠᱟᱛᱮ ᱠᱚᱴᱮᱡᱟ ᱠᱚ ᱾ ᱚᱱᱟ ᱛᱟᱭᱚᱢ ᱛᱟᱥᱮ ᱨᱚᱦᱚᱲᱟ ᱠᱚ ᱟᱨ ᱠᱩᱸᱭᱰᱤ ᱥᱩᱱᱩᱢ ᱠᱚ ᱵᱮᱱᱟᱶᱟ ᱾

ᱵᱟᱠᱲᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱩᱸᱭᱰᱤ ᱨᱮᱭᱟᱜ ᱪᱚᱠᱟᱜ/ᱦᱟᱨᱛᱟ ᱫᱚ ᱵᱟᱠᱲᱮ ᱠᱚ ᱢᱮᱛᱟᱜᱼᱟ ᱾ ᱱᱚᱶᱟ ᱫᱚ ᱦᱮᱲᱮᱢ ᱜᱮ ᱠᱷᱟᱹᱛᱤᱨ ᱢᱟᱹᱱᱢᱤ, ᱰᱟᱹᱨᱤ ᱟᱨ ᱢᱤᱴᱩ ᱦᱚᱸᱠᱚ ᱡᱚᱢᱟ ᱾ ᱵᱤᱥᱛᱤ ᱵᱤᱞᱤ ᱞᱮᱱᱠᱷᱟᱱ ᱱᱚᱶᱟ ᱫᱚᱠᱚ ᱛᱤᱡᱩᱭᱟ, ᱚᱱᱟᱛᱮ ᱠᱩᱸᱭᱰᱤ ᱦᱟᱞᱟᱝ ᱡᱷᱚᱜ ᱱᱚᱶᱟ ᱫᱚ ᱫᱟᱨᱮ ᱵᱩᱴᱟᱹ ᱨᱮᱜᱮ ᱠᱚ ᱯᱚᱪᱚᱨ ᱜᱤᱰᱤ ᱚᱴᱚ ᱠᱟᱜᱼᱟ ᱾ ᱵᱮᱨᱮᱞ ᱵᱟᱠᱲᱮ ᱫᱚ ᱦᱚᱭᱚ ᱠᱟᱛᱮ ᱠᱚ ᱩᱛᱩᱭ ᱜᱮᱭᱟ ᱾ ᱱᱚᱶᱟ ᱦᱚᱸ ᱦᱮᱲᱮᱢ ᱜᱮ ᱥᱤᱵᱤᱞᱟ ᱾

ᱮᱴᱟᱜ ᱯᱟᱹᱨᱥᱤ ᱛᱮ ᱧᱩᱛᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱦᱤᱱᱫᱤ ᱛᱮ- ᱢᱚᱦᱣᱟ, ᱢᱚᱦᱩᱞ ᱟᱨ ᱢᱚᱣᱩᱞ
  • ᱵᱟᱝᱞᱟ ᱛᱮ- ᱢᱚᱦᱣᱟ
  • ᱢᱚᱨᱟᱴᱷᱤ ᱛᱮ- ᱢᱚᱦᱩᱫᱟ
  • ᱜᱩᱡᱽᱨᱟᱴᱤ ᱛᱮ- ᱤᱯᱯᱟ
  • ᱠᱚᱱᱱᱚᱰ ᱛᱚ- ᱤᱯᱯᱮ, ᱦᱤᱯᱯᱮ
  • ᱛᱟᱢᱤᱞ ᱛᱮ- ᱤᱞᱩᱯᱮᱭᱤ
  • ᱢᱚᱞᱚᱭᱟᱞᱚᱢ ᱛᱚ- ᱯᱩᱱᱚᱢ, ᱤᱞᱩᱯᱟ
  • ᱩᱰᱤᱭᱟᱹ ᱛᱮ - ᱢᱚᱦᱩᱞ

ᱵᱮᱵᱷᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱥᱮᱫᱟᱭ ᱫᱚ ᱥᱟᱱᱟᱛᱟᱲ ᱦᱚᱲ ᱢᱟᱛᱠᱚᱢ ᱟᱛᱟ ᱠᱟᱛᱮ, ᱞᱟᱴᱷᱮ ᱵᱮᱱᱟᱣ ᱠᱟᱛᱮ ᱠᱚ ᱡᱚᱢ ᱛᱟᱦᱮᱸᱫ᱾
  • ᱢᱟᱛᱠᱚᱢ ᱠᱷᱚᱱᱟᱜ ᱯᱟᱹᱣᱨᱟᱹ ᱦᱚᱸ ᱵᱮᱱᱟᱜ ᱠᱟᱱᱟ᱾
  • ᱢᱟᱛᱠᱚᱢ ᱫᱟᱨᱮ ᱥᱟᱞᱟᱜ ᱢᱟ.ᱱᱢᱤ ᱡᱤᱭᱤ ᱨᱮᱱᱟᱝ ᱟ.ᱵᱤ ᱢᱟᱨᱟᱝ ᱥᱟ.ᱜᱟ.ᱭ ᱢᱮᱱᱟᱜᱼᱟ᱾ ᱢᱟᱛᱠᱚᱢ ᱫᱟᱨᱮ ᱫᱚ ᱡᱟᱱᱟᱢ ᱟᱭᱳ ᱛᱳᱣᱟ ᱫᱟᱨᱮ ᱛᱩᱞᱩᱡᱟᱜ ᱠᱟᱱᱟ᱾ ᱚᱱᱟᱛᱮᱜᱮ ᱦᱩᱵᱤᱝ ᱜᱤᱫᱽᱨᱟ.ᱠᱚ ᱨᱩᱣᱟ.ᱲ ᱞᱮᱱᱠᱷᱟᱱ ᱢᱟᱛᱠᱚᱢ ᱵᱩᱴᱟ.ᱨᱮᱵᱚᱱ ᱵᱟᱭ ᱠᱚᱣᱟ᱾
  • ᱢᱟᱛᱠᱚᱢ ᱡᱚ ᱫᱚ ᱠᱩᱸᱭᱰᱤ ᱵᱚᱱ ᱢᱮᱛᱟᱜ ᱠᱟᱱᱟ᱾ ᱚᱱᱟ ᱠᱷᱚᱱ ᱥᱩᱱᱩᱢ ᱵᱚ ᱧᱟᱢ ᱮᱫᱼᱟ᱾

ᱡᱚᱲᱟᱣᱟᱱ ᱠᱟᱛᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱥᱟᱝ ᱥᱟᱶᱛᱟ ᱨᱮ ᱠᱩᱫᱩᱢ ᱠᱟᱹᱦᱱᱤ ᱠᱟᱛᱷᱟ ᱠᱚ ᱦᱚᱸ ᱧᱮᱞ ᱧᱟᱢᱚᱜ ᱜᱮᱭᱟ, ᱡᱮᱢᱚᱱ ᱢᱤᱫ ᱠᱩᱫᱩᱢ :-

ᱠᱩᱫᱩᱢ ᱨᱮ ᱠᱩᱲᱤᱫ ᱠᱩᱲᱤᱫ, ᱢᱤᱫ ᱟᱯᱟᱛ ᱯᱮᱭᱟ ᱜᱤᱫᱽᱨᱟᱹ

ᱱᱚᱣᱟ ᱨᱮᱱᱟᱜ ᱫᱚ ᱱᱚᱣᱟ ᱜᱮ ᱪᱤ ᱢᱟᱛᱠᱚᱢ ᱫᱟᱨᱮ ᱫᱚ ᱢᱩᱫᱴᱟᱝ ᱜᱮ ᱢᱮᱱᱠᱷᱟᱱ ᱱᱚᱣᱟ ᱨᱮᱱᱟᱜ ᱡᱚ ᱵᱟᱦᱟ ᱫᱚ ᱮᱴᱟᱜ ᱮᱴᱟᱜ ᱧᱩᱛᱩᱢ ᱛᱮ ᱵᱟᱰᱟᱭᱚᱜ-ᱟ ᱾ ᱡᱮᱢᱚᱱ ᱵᱟᱦᱟ ᱫᱚ "ᱢᱟᱛᱠᱚᱢ" ᱡᱚ ᱫᱚ ᱵᱤᱞᱤ ᱞᱮᱱᱠᱷᱟᱱ "ᱵᱟᱠᱲᱮ" ᱟᱨ ᱡᱟᱝ ᱫᱚ "ᱠᱩᱸᱭᱰᱤ"

ᱟᱨ ᱢᱤᱫ ᱠᱩᱫᱩᱢ

ᱠᱩᱫᱩᱢ ᱨᱮ ᱠᱩᱲᱤᱫ ᱠᱩᱲᱤᱫ ᱚᱛ ᱨᱮ ᱵᱤᱞᱤ ᱪᱚᱴ ᱨᱮ ᱛᱩᱠᱟᱹ

ᱱᱚᱶᱟ ᱨᱮᱭᱟᱜ ᱢᱮᱱᱮᱛ ᱫᱚ ᱵᱤᱞᱤ ᱚᱛ ᱨᱮ ᱧᱩᱨ ᱟᱠᱟᱱᱟ, ᱛᱩᱠᱟᱹ ᱫᱚ ᱪᱚᱴ ᱨᱮ ᱢᱮᱱᱟᱜ-ᱟ |

[᱒]

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱨᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. http://trifed.nic.in/productdetails.asp?productid=95&id=prod, Product profile, Mahuwa, Trifed, Ministry of Tribal Affairs, Government of India
  2. "File:Madhuca longifolia var latifolia (Mahua) fruits Melghat Tiger Reserve Maharashtra 56 249.jpg - Wikimedia Commons". Commons.wikimedia.org. Retrieved 2013-11-21.