ᱢᱟᱜᱽ ᱵᱚᱝᱜᱟ

ᱢᱟᱜᱽ ᱵᱚᱸᱜᱟ ᱨᱮᱱᱟᱜ ᱡᱟᱭ ᱛᱮᱫ

ᱢᱟᱜᱽ ᱪᱟᱸᱫᱚ ᱫᱚ ᱠᱷᱮᱨᱣᱟᱲ ᱜᱚᱰᱮᱛ (Calander) ᱞᱮᱠᱟᱛᱮ ᱥᱮᱨᱢᱟ ᱨᱮᱱᱟᱜ ᱯᱩᱭᱞᱩ ᱪᱟᱸᱫᱚ ᱠᱟᱱᱟ᱾ ᱱᱟᱶᱟ ᱥᱮᱨᱢᱟ ᱱᱚᱸᱰᱮ ᱠᱷᱚᱱ ᱜᱮ ᱮᱛᱚᱦᱚᱵᱚᱜᱼᱟ᱾ ᱱᱟᱶᱟ ᱫᱷᱟᱹᱨᱛᱤ ᱱᱟᱶᱟ ᱫᱟᱨᱮ ᱥᱟᱠᱟᱢ ᱥᱟᱜᱮᱱᱚᱜ ᱞᱟᱹᱜᱤᱫ ᱯᱮᱨᱮᱡ ᱦᱚᱲᱢᱚ ᱨᱮ ᱠᱩᱱ ᱠᱩᱱᱟᱹᱣᱜᱼᱟ ᱾

ᱵᱚᱸᱜᱟ ᱠᱚ

ᱢᱟᱜᱽ ᱪᱟᱸᱫᱚ ᱢᱩᱞᱩᱜ ᱦᱤᱞᱚᱜ ᱫᱚ ᱠᱷᱮᱨᱣᱟᱲ (Kherwal Community) ᱥᱟᱶᱛᱟ, ᱟᱹᱨᱤᱪᱟᱹᱞᱤ ᱦᱚᱲᱟᱜ ᱱᱟᱶᱟ ᱥᱮᱨᱢᱟ ᱠᱟᱱᱟ ᱾ ᱢᱩᱞᱩᱜ ᱢᱚᱬᱮ ᱢᱟᱦᱟ ᱨᱮᱫᱚ ᱢᱟᱜᱽ ᱥᱤᱢ ᱠᱚ ᱵᱚᱸᱜᱟᱭᱟ᱾ ᱢᱟᱜᱽ ᱵᱚᱸᱜᱟ ᱠᱩᱱᱟᱹᱢᱤ ᱨᱮᱫᱚ ᱚᱱᱚᱞ ᱵᱚᱸᱜᱟ ᱵᱤᱫᱩ ᱪᱟᱸᱫᱟᱱ ᱛᱤᱠᱤᱱ ᱞᱟᱹᱜᱤᱫ ᱵᱚᱸᱜᱟᱵᱳᱨᱳ ᱦᱩᱭᱩᱜᱼᱟ᱾

ᱱᱟᱶᱟ ᱥᱮᱨᱢᱟ

ᱠᱷᱮᱨᱣᱟᱲ ᱥᱟᱶᱛᱟ ᱨᱮᱱ ᱦᱚᱲ ᱦᱚᱯᱚᱱᱟᱜ ᱱᱟᱶᱟ ᱥᱮᱨᱢᱟ ᱫᱚ ᱥᱮᱨᱢᱟ ᱨᱮᱱᱟᱜ ᱯᱩᱭᱞᱩ ᱪᱟᱸᱫᱚ ᱢᱟᱜᱽ ᱪᱟᱸᱫᱚ ᱢᱩᱞᱩᱜ ᱦᱤᱞᱚᱜ ᱠᱟᱱᱟ᱾ ᱤᱱᱟᱹ ᱦᱤᱞᱚᱜ ᱠᱷᱚᱱ ᱥᱮᱨᱢᱟ ᱞᱮᱠᱷᱟ ᱮᱦᱚᱵᱚᱜᱼᱟ ᱾

ᱢᱟᱜᱽ ᱪᱟᱸᱫᱚ ᱮᱛᱚᱦᱚᱵ ᱫᱚ ᱟᱠᱷᱟᱱ ᱦᱚᱸᱠᱚ ᱠᱚ ᱢᱮᱛᱟᱜᱼᱟ᱾ ᱮᱱ ᱦᱤᱞᱚᱜ ᱫᱚ ᱦᱚᱲ ᱦᱚᱯᱚᱱ ᱫᱚ ᱫᱟᱨᱟᱭ ᱠᱟᱱ ᱱᱟᱶᱟ ᱥᱮᱨᱢᱟ ᱨᱮ ᱠᱟᱹᱢᱤ ᱠᱚ ᱥᱮ ᱱᱟᱶᱟ ᱠᱟᱹᱢᱤ ᱦᱚᱨᱟ ᱠᱚ ᱥᱟᱨ ᱠᱚᱜ ᱥᱟᱹᱜᱩᱱ ᱠᱚᱜ ᱨᱮᱭᱟᱜ ᱟᱸᱥ ᱠᱚ ᱫᱚᱦᱚᱭᱟ᱾ ᱚᱱᱟᱛᱮ ᱮᱱ ᱦᱤᱞᱚᱜ ᱫᱚ ᱠᱷᱮᱛ ᱵᱟᱲᱜᱤ ᱨᱮ ᱟᱹᱲᱟᱹᱭ ᱯᱟᱸᱠ ᱱᱟᱦᱮᱞ ᱛᱮ ᱥᱤ ᱟᱹᱪᱩᱨᱟᱠᱚ᱾ ᱡᱟᱦᱟᱸᱭ ᱫᱚ ᱱᱟᱶᱟ ᱥᱮᱨᱢᱟ ᱨᱮ ᱚᱲᱟᱜ ᱮᱢᱟᱱᱮ ᱮᱦᱚᱵ ᱠᱷᱟᱱ ᱮᱱ ᱦᱤᱞᱚᱜ ᱫᱚ ᱵᱟᱨ ᱠᱩᱰᱤ ᱦᱟᱥᱟᱭ ᱞᱟᱭᱟ ᱜᱚᱨᱚᱸᱛ ᱞᱟᱹᱜᱤᱫ᱾ ᱟᱨᱦᱚᱸ ᱚᱱᱠᱟ ᱜᱮ ᱱᱟᱶᱟ ᱠᱟᱹᱢᱤ ᱦᱚᱨᱟ ᱠᱚ ᱮᱦᱚᱵᱟ ᱾

ᱵᱤᱫᱩ ᱪᱟᱸᱫᱟᱱ ᱵᱚᱸᱜᱟ

ᱢᱟᱜᱽ ᱵᱚᱸᱜᱟ ᱠᱩᱱᱟᱹᱢᱤᱨᱮ ᱵᱤᱫᱩ ᱪᱟᱸᱫᱟᱱ ᱵᱚᱸᱜᱟ ᱾ ᱵᱤᱫᱩ ᱪᱟᱸᱫᱟᱱ ᱫᱚ ᱚᱞᱚᱜ ᱵᱚᱸᱜᱟ ᱠᱟᱱᱟ ᱠᱤᱱ ᱾ ᱜᱩᱱ ᱵᱤᱨᱫᱟᱹ ᱟᱹᱠᱤᱞ ᱜᱮᱭᱟᱱ ᱮᱢᱚᱜ ᱵᱚᱸᱜᱟ ᱠᱟᱱᱟ ᱠᱤᱱ ᱾ ᱱᱩᱠᱤᱱ ᱵᱚᱸᱜᱟ ᱫᱚ ᱚᱞᱚᱜ ᱦᱚᱲᱟᱜ ᱢᱩᱦᱤᱱ ᱵᱤᱜᱷᱤᱱ ᱦᱚᱸ ᱠᱤᱱ ᱥᱟᱦᱟᱭᱟ ᱾ ᱚᱱᱟᱛᱮ ᱚᱞᱚᱜ ᱦᱚᱲ ᱠᱚᱜᱮ ᱤᱛᱩᱱ ᱟᱥᱲᱟ ᱟᱨ ᱵᱤᱨᱫᱟᱹᱜᱟᱲ ᱠᱚᱨᱮ ᱵᱟᱹᱛᱤ ᱫᱚᱠᱚ ᱯᱮᱨᱮᱡ ᱩᱢᱟᱹᱬ ᱠᱤᱱᱟ ᱾ ᱱᱩᱠᱤᱱ ᱵᱚᱸᱜᱟ ᱦᱟᱜ ᱫᱤᱥᱟᱹ ᱩᱫᱩᱜ ᱛᱮᱜᱮ ᱯᱟᱹᱨᱥᱤ ᱥᱤᱧ ᱪᱟᱸᱫᱚ ᱚᱞ ᱜᱩᱨᱩ ᱜᱚᱝᱠᱮ ᱯᱚᱸᱰᱤᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱛᱟᱹᱠᱤᱱ ᱫᱚ ᱚᱞ ᱪᱤᱠᱤ ᱠᱤᱱ ᱧᱟᱢ ᱞᱮᱫᱼᱟ ᱾ ᱠᱟᱹᱯᱤ ᱵᱩᱨᱩ ᱨᱮᱱᱟᱜ ᱵᱚᱸᱜᱟ ᱨᱟᱠᱟᱵ ᱯᱟᱦᱴᱟ ᱨᱮ ᱵᱤᱫᱩ ᱵᱟᱜᱟᱱ ᱢᱮᱱᱟᱜᱼᱟ ᱾ ᱚᱸᱰᱮ ᱦᱚᱸ ᱵᱤᱫᱩ ᱪᱟᱸᱫᱟᱱ ᱜᱟᱲ ᱦᱚᱸ ᱢᱮᱱᱟᱜᱼᱟ ᱾