ᱢᱟᱭᱠᱨᱚᱥᱚᱯᱴ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱢᱟᱭᱠᱨᱚᱥᱚᱯᱴ ᱞᱚᱜᱚ ᱒᱐᱑᱒

ᱢᱟᱭᱠᱨᱚᱥᱚᱯᱴ ᱠᱚᱨᱯᱚᱨᱮᱥᱚᱱ ᱫᱚ ᱢᱤᱫ ᱠᱚᱢᱯᱟᱹᱱᱤ ᱠᱟᱱᱟ ᱡᱟᱦᱟᱸᱭ ᱫᱚ ᱠᱚᱢᱯᱩᱴᱚᱨ ᱥᱚᱯᱴᱮᱭᱟᱨ ᱟᱨ ᱵᱷᱤᱰᱤᱭᱚ ᱜᱮᱢ (ᱮᱱᱮᱡ) ᱠᱚᱭ ᱛᱮᱭᱟᱨᱟ ᱡᱮᱜᱮᱛ ᱨᱤᱱ ᱵᱮᱵᱷᱟᱨᱤᱭᱟᱹ ᱠᱚ ᱞᱟᱹᱜᱤᱫ ᱾ ᱵᱤᱞ ᱜᱮᱴᱥ ᱟᱨ ᱯᱟᱶᱞ ᱟᱞᱮᱱ ᱑᱙᱗᱕ ᱥᱟᱞᱮ ᱨᱮ ᱱᱚᱶᱟ ᱠᱚᱢᱯᱟᱹᱱᱤ ᱫᱚ ᱠᱤᱱ ᱵᱮᱨᱮᱫ ᱞᱮᱫ ᱛᱟᱦᱮᱸᱫ ᱾ ᱢᱟᱭᱠᱨᱚᱥᱚᱯᱴ ᱫᱚ ᱣᱤᱱᱰᱚᱥ, ᱢᱟᱭᱠᱨᱚᱥᱚᱯᱴ ᱚᱯᱷᱤᱥ, ᱮᱡᱽ (Edge), MSN ᱟᱨ Xbox ᱠᱚ ᱥᱟᱶᱛᱮ ᱟᱨᱦᱚᱸ ᱟᱭᱢᱟ ᱥᱚᱯᱴᱮᱭᱟᱨ ᱮ ᱛᱮᱭᱟᱨ ᱟᱠᱟᱫᱼᱟ ᱾ ᱢᱟᱭᱠᱨᱚᱥᱚᱯᱴ ᱯᱨᱚᱜᱨᱟᱢᱥ ᱠᱚᱫᱚ ᱵᱤᱱ ᱜᱚᱱᱚᱝ ᱛᱮ ᱟᱹᱛᱩᱨᱟᱬᱜᱚ ᱫᱚ ᱵᱟᱭ ᱜᱟᱱᱚᱜᱼᱟ, ᱚᱱᱟ ᱠᱚ ᱫᱚ ᱫᱚᱠᱟᱱ ᱠᱷᱚᱱ ᱟᱨᱵᱟᱝ ᱚᱱᱞᱟᱭᱤᱱ ᱛᱮ ᱠᱤᱨᱤᱧ ᱦᱩᱭᱩᱜᱼᱟ ᱾ ᱫᱤᱢᱤᱱ ᱜᱟᱱ ᱯᱨᱚᱰᱩᱠᱴ ᱠᱚᱫᱚ ᱠᱚᱢᱯᱩᱴᱚᱨ ᱠᱤᱨᱤᱧ ᱡᱚᱠᱷᱟᱜ ᱨᱮᱜᱮ ᱵᱟᱹᱭᱥᱟᱹᱶ ᱠᱚᱜᱼᱟ ᱾

ᱥᱚᱯᱴᱮᱭᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱢᱟᱭᱠᱨᱚᱥᱚᱯᱴ ᱣᱤᱱᱰᱚᱥ ᱫᱚ ᱢᱤᱫ ᱚᱯᱮᱨᱮᱴᱤᱝ ᱥᱤᱥᱴᱚᱢ ᱠᱟᱱᱟ, ᱢᱮᱱᱼᱫᱚ ᱢᱤᱫ ᱢᱩᱬ ᱥᱚᱯᱴᱮᱭᱟᱨ ᱠᱟᱱᱟ, ᱡᱟᱦᱟᱸ ᱫᱚ ᱦᱚᱲᱟᱜ ᱠᱚᱢᱯᱩᱴᱚᱨ ᱨᱮ ᱠᱟᱹᱢᱤᱭᱟᱭ ᱟᱨ ᱮᱴᱟᱜ ᱯᱨᱚᱜᱨᱟᱢᱥ ᱠᱚᱭ ᱠᱟᱹᱢᱤ ᱚᱪᱚ ᱠᱚᱣᱟ ᱾ ᱵᱟᱹᱲᱛᱤᱜᱟᱱ ᱰᱮᱥᱠᱴᱚᱯ ᱟᱨ ᱞᱟᱯᱴᱚᱯ ᱨᱮ ᱣᱤᱱᱰᱚᱥ ᱜᱮ ᱪᱟᱹᱞᱩᱜ ᱠᱟᱱᱟ ᱥᱟᱶᱛᱮ ᱛᱤᱢᱤᱱ ᱜᱟᱱ ᱴᱟᱵᱽᱞᱮᱴ ᱠᱚᱢᱯᱩᱴᱚᱨ ᱟᱨ ᱥᱢᱟᱨᱴᱯᱷᱚᱱ ᱨᱮᱦᱚᱸ ᱾ ᱣᱤᱱᱰᱚᱥ ᱨᱮᱱᱟᱦ ᱱᱟᱶᱟ ᱵᱷᱚᱨᱥᱚᱱ ᱫᱚ ᱣᱤᱱᱰᱚᱥ ᱑᱐ ᱠᱟᱱᱟ ᱾
  • ᱢᱟᱭᱠᱨᱚᱥᱚᱯᱴ ᱚᱯᱷᱤᱥ ᱫᱚ ᱚᱯᱷᱤᱥ ᱥᱩᱭᱤᱴ ᱠᱟᱱᱟ ᱾ ᱱᱚᱶᱟ ᱫᱟᱨᱟᱭ ᱛᱮ ᱦᱚᱲ ᱠᱚ ᱟᱠᱚᱣᱟᱜ ᱠᱚᱢᱯᱩᱴᱚᱨ ᱨᱮ ᱰᱚᱠᱩᱢᱮᱸᱴ ᱠᱚ ᱛᱮᱭᱟᱨ ᱫᱟᱲᱮᱭᱟᱜ ᱠᱟᱱᱟ ᱢᱟᱭᱠᱨᱚᱥᱚᱯᱴ ᱩᱣᱟᱨᱰ ᱧᱩᱛᱩᱢᱟᱱ ᱯᱨᱚᱜᱨᱟᱢᱥ ᱛᱮ, ᱪᱟᱨᱴᱥ ᱟᱨ ᱜᱨᱟᱯᱥ ᱢᱟᱭᱠᱨᱚᱥᱚᱯᱴ ᱮᱠᱥᱮᱞ ᱛᱮ, ᱯᱨᱥᱮᱱᱴᱮᱥᱚᱱ ᱠᱚ ᱢᱟᱭᱠᱨᱚᱥᱚᱯᱴ ᱯᱟᱣᱟᱨᱯᱚᱭᱮᱸᱴ ᱛᱮ ᱠᱚ ᱛᱮᱭᱟᱨ ᱫᱟᱲᱮᱭᱟᱜ ᱠᱟᱱᱟ ᱾ ᱥᱟᱶᱛᱮ ᱤᱢᱮᱞ ᱠᱚ ᱠᱩᱞ ᱜᱟᱱᱚᱜ ᱠᱟᱱᱟ ᱢᱟᱭᱠᱨᱚᱥᱚᱯᱴ ᱟᱣᱩᱴᱞᱩᱠ ᱛᱮ ᱾ ᱢᱟᱭᱠᱨᱚᱥᱚᱯᱴ ᱮᱠᱥᱯᱨᱮᱥᱚᱱ ᱫᱚ ᱣᱮᱵᱽ ᱩᱛᱱᱟᱹᱶ ᱥᱟᱢᱟᱱ ᱦᱟᱹᱛᱭᱟᱹᱨ ᱠᱟᱱᱟ ᱾
  • ᱤᱱᱴᱚᱨᱱᱮᱴ ᱮᱠᱥᱯᱞᱚᱨᱟᱨ ᱫᱚ ᱢᱤᱫ ᱥᱚᱯᱴᱮᱭᱟᱨ ᱠᱟᱱᱟ ᱡᱟᱦᱟᱸ ᱫᱚ ᱦᱚᱲ ᱠᱚ ᱡᱟᱦᱟᱸᱱ ᱡᱤᱱᱤᱥ ᱧᱮᱞ ᱥᱟᱶᱛᱮ ᱟᱹᱛᱩᱨᱟᱬᱜᱚ ᱞᱟᱹᱜᱤᱫ ᱵᱮᱵᱷᱟᱨᱚᱜ ᱠᱟᱱᱟ ᱾ ᱒᱐᱑᱕ ᱥᱟᱞᱮ ᱠᱷᱚᱱ ᱱᱚᱶᱟ ᱠᱟᱹᱢᱤ ᱫᱚ ᱢᱟᱭᱠᱨᱚᱥᱚᱯᱴ ᱮᱡᱽ ᱛᱮ ᱠᱚ ᱩᱪᱟᱹᱲ ᱠᱮᱫᱼᱟ ᱾
  • ᱢᱟᱭᱠᱨᱚᱥᱚᱯᱴ ᱵᱤᱝ ᱫᱚ ᱤᱱᱴᱚᱨᱱᱮᱴ ᱥᱮᱸᱫᱽᱨᱟ ᱤᱧᱡᱤᱱ ᱠᱟᱱᱟ ᱾ ᱵᱤᱝ ᱢᱮᱯᱥ ᱫᱚ ᱱᱚᱠᱥᱟᱭ ᱩᱫᱩᱜᱟ ᱾
  • MS-DOS ᱫᱚ ᱢᱟᱭᱠᱨᱚᱥᱚᱯᱴ ᱨᱮᱱᱟᱜ ᱯᱩᱭᱞᱩ ᱚᱯᱮᱨᱮᱴᱤᱝ ᱥᱤᱥᱴᱚᱢ ᱛᱟᱦᱮᱸᱠᱟᱱᱟ ᱾
  • Minecraft ᱟᱨ ᱟᱭᱢᱟ ᱯᱨᱚᱜᱨᱟᱢᱥ ᱠᱚ ᱢᱟᱭᱠᱨᱚᱥᱚᱯᱴᱻᱮ ᱠᱤᱨᱤᱧ ᱟᱠᱟᱫᱼᱟ ᱟᱨ ᱚᱱᱟ ᱠᱚ ᱢᱟᱬᱟᱝ ᱥᱮᱫᱻᱮ ᱞᱟᱦᱟ ᱦᱟᱠᱟᱫᱼᱟ ᱾

ᱦᱟᱰᱚᱭᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱭᱠᱨᱚᱥᱚᱯᱴ ᱦᱚᱸ ᱟᱭᱢᱟ ᱞᱮᱠᱟᱱ ᱦᱟᱰᱚᱭᱟᱨ ᱠᱚ ᱥᱮᱫᱟᱭ ᱠᱷᱚᱱ ᱜᱮᱭ ᱛᱮᱭᱟᱨ ᱟᱹᱜᱩ ᱟᱠᱟᱫᱼᱟ ᱾ ᱚᱱᱟ ᱠᱚ ᱢᱩᱸᱫ ᱠᱷᱚᱱ ᱠᱚᱢᱯᱩᱴᱚᱨ ᱨᱮᱱᱟᱜ ᱥᱟᱢᱟᱱ ᱠᱚ ᱡᱮᱢᱚᱱ ᱢᱟᱭᱤᱥ (mice), ᱠᱤᱵᱚᱰᱥ (keyboards), ᱟᱨ ᱣᱮᱵᱽᱠᱮᱢᱥ (webcams) ᱮᱢᱟᱱ ᱠᱚ ᱾

ᱱᱚᱶᱟ ᱠᱚᱢᱯᱟᱹᱱᱤ ᱫᱚ ᱟᱨᱦᱚᱸ ᱵᱤᱰᱤᱭᱚ ᱜᱮᱢ ᱠᱚᱱᱥᱚᱞ, ᱮᱠᱥᱵᱚᱠᱥ (Xbox) ᱮᱢᱟᱱ ᱠᱚ ᱛᱮᱭᱟᱨ ᱟᱨ ᱩᱛᱷᱱᱟᱹᱶ ᱮᱫᱼᱟᱭ ᱾ ᱱᱚᱶᱟ ᱫᱟᱨᱟᱭ ᱛᱮ ᱦᱚᱲ ᱠᱚ ᱴᱤᱵᱷᱤ ᱨᱮ ᱵᱷᱤᱰᱤᱭᱚ ᱜᱮᱢ ᱠᱚ ᱮᱱᱮᱡ ᱠᱟᱱᱟ ᱾ ᱜᱮᱢ ᱠᱚᱫᱚ ᱯᱩᱭᱞᱩ cd ᱥᱮ ᱥᱟᱢᱵᱟᱶᱜ ᱠᱟᱱ ᱛᱟᱦᱮᱸᱫ ᱢᱮᱱᱠᱷᱟᱱ ᱱᱮᱛᱟᱨ ᱫᱚ ᱟᱭᱢᱟ ᱜᱮᱢ ᱠᱚ ᱤᱱᱴᱚᱨᱱᱮᱴ ᱠᱷᱚᱱ ᱟᱹᱛᱩᱨᱟᱬᱜᱚ ᱜᱟᱱᱚᱜ ᱠᱟᱱᱟ ᱾ ᱮᱠᱥᱵᱚᱠᱥ ᱨᱮᱱᱟᱜ ᱫᱚ ᱯᱮᱭᱟ ᱜᱟᱬᱟ (generations) ᱢᱮᱱᱟᱜᱼᱟ ᱾ ᱮᱛᱚᱦᱚᱵ ᱜᱟᱬᱟ ᱫᱚ ᱒᱐᱐᱑ ᱥᱟᱞᱮ ᱨᱮ ᱚᱰᱚᱠ ᱞᱮᱱ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱥᱩᱢᱩᱝ ᱮᱠᱥᱵᱚᱠᱥ ᱜᱮ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱚᱱᱟᱛᱟᱭᱚᱢ ᱫᱚᱥᱟᱨ ᱜᱟᱬᱟ ᱫᱚ ᱒᱐᱐᱕ ᱥᱟᱞᱮ ᱨᱮ ᱚᱰᱚᱠ ᱮᱱᱟ ᱮᱠᱥᱵᱚᱠᱥ ᱓᱖᱐ ᱧᱩᱛᱩᱢ ᱛᱮ ᱾ ᱛᱮᱥᱟᱨ ᱟᱨ ᱱᱟᱶᱟ ᱵᱷᱚᱨᱥᱚᱱ ᱫᱚ ᱦᱩᱭᱩᱜ ᱠᱟᱱᱟ ᱮᱠᱥᱵᱚᱠᱥ ᱑ ᱾ ᱮᱠᱥᱵᱚᱠᱥ ᱓᱖᱐ ᱥᱟᱶᱛᱮ ᱢᱟᱭᱠᱨᱚᱥᱚᱯᱴ ᱮᱠᱥᱵᱚᱠᱥ ᱞᱟᱭᱤᱵᱽ (Xbox Live) ᱮ ᱚᱰᱚᱠ ᱠᱮᱫᱼᱟ, ᱡᱟᱦᱟᱸ ᱛᱮ ᱦᱚᱲ ᱚᱱᱞᱟᱭᱤᱱ ᱜᱮᱢ ᱠᱚ ᱮᱱᱮᱡ ᱫᱟᱲᱮᱭᱟᱜ ᱠᱟᱱᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]