ᱢᱩᱱᱜᱟᱹ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱢᱩᱜᱟᱹ ᱵᱟᱦᱟ ᱰᱟᱹᱨ
ᱢᱩᱱᱜᱟᱹ ᱥᱩᱴᱤ

ᱢᱩᱱᱜᱟᱹ ᱫᱚ ᱢᱤᱫ ᱩᱛᱩᱣᱟᱱᱟᱜ ᱫᱟᱨᱮ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱟᱲᱟᱜ, ᱵᱟᱦᱟ ᱟᱨ ᱡᱚ (ᱥᱩᱴᱤ) ᱦᱚᱸ ᱠᱚ ᱩᱛᱩᱭᱟ ᱾ ᱯᱩᱸᱰ ᱟᱨ ᱟᱨᱟᱜ ᱢᱩᱱᱟᱹ ᱧᱩᱛᱩᱢ ᱛᱮ ᱱᱚᱣᱟ ᱫᱚ ᱵᱟᱨ ᱦᱟᱹᱴᱤᱧ ᱨᱮ ᱦᱟᱹᱴᱤᱧ ᱟᱠᱟᱱᱟ ᱾ ᱯᱩᱸᱰ ᱢᱩᱱᱜᱟᱹ ᱫᱚ ᱥᱟᱫᱷᱟᱨᱚᱱ ᱫᱟᱨᱮ ᱞᱮᱠᱟ ᱥᱟᱠᱟᱢ ᱫᱚ ᱦᱟᱹᱨᱭᱟᱹᱲ ᱛᱟᱦᱮᱸᱱᱟ ᱟᱨ ᱟᱨᱟᱜ ᱢᱩᱱᱜᱟᱹ ᱦᱚᱸ ᱚᱱᱠᱟᱱ ᱫᱷᱟᱨᱟ ᱜᱮᱭᱟ ᱢᱮᱱᱠᱷᱟᱱ ᱚᱱᱟ ᱨᱮᱱᱟᱜ ᱥᱟᱠᱟᱢ ᱥᱤᱨ ᱫᱚ ᱟᱨᱟᱜ ᱜᱮᱭᱟ ᱾ ᱱᱩᱠᱤᱱ ᱵᱟᱱᱟᱨ ᱡᱟᱹᱛ ᱨᱮᱱᱟᱜ ᱢᱩᱱᱜᱟᱹ ᱨᱮ ᱜᱩᱱ ᱫᱚ ᱢᱤᱫ ᱜᱮᱭᱟ ᱾ ᱚᱠᱚᱭ ᱚᱠᱚᱭ ᱟᱨᱟᱜ ᱢᱩᱱᱜᱟᱹ ᱫᱚ ᱥᱩᱡᱽᱱᱟᱹ ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱜ ᱜᱮᱭᱟ ᱾

ᱫᱟᱨᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱩᱱᱜᱟᱹ ᱜᱟᱨᱮ ᱒᱐ ᱯᱷᱩᱴ ᱜᱟᱱ ᱩᱥᱩᱞᱚᱜ-ᱟ, ᱢᱮᱱᱠᱷᱟᱱ ᱦᱚᱲ ᱱᱚᱣᱟ ᱫᱮ ᱒ ᱢᱤᱴᱚᱨ ᱜᱟᱱ ᱨᱮᱜᱮ ᱠᱚ ᱢᱟᱜᱟ, ᱡᱮᱢᱚᱱ ᱱᱚᱣᱟ ᱨᱮᱱᱟᱜ ᱡᱚ ᱵᱟᱦᱟ ᱠᱚ ᱛᱤ ᱛᱮ ᱛᱤᱭᱩᱜ ᱜᱟᱱᱚᱜ ᱢᱟ ᱢᱮᱱᱛᱮ ᱾ ᱟᱹᱰᱤ ᱥᱮᱬᱟ ᱦᱟᱨᱟ ᱞᱮᱣᱠᱷᱟᱱ ᱟᱲᱟᱜ ᱥᱟᱠᱟᱢ ᱛᱤᱭᱩᱜ ᱟᱹᱰᱤ ᱢᱩᱥᱠᱤᱞᱟ, ᱪᱮᱫᱟᱜ ᱱᱚᱣᱟ ᱫᱟᱨᱮ ᱨᱮᱱᱟᱜ ᱰᱟᱹᱨ ᱠᱚ ᱫᱚ ᱠᱮᱴᱟᱡ ᱵᱟᱭ ᱛᱟᱦᱮᱸᱱᱟ ᱾

ᱵᱮᱵᱷᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱟᱴ ᱨᱮ ᱢᱯᱱᱜᱟᱹ ᱥᱩᱴᱤ

ᱨᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱩᱱᱜᱟᱹ ᱫᱚ ᱟᱹᱰᱤ ᱟᱭᱢᱟ ᱨᱟᱱ ᱢᱩᱨᱜᱟᱹᱱ ᱞᱮᱠᱟᱛᱮ ᱦᱚᱸ ᱵᱮᱵᱷᱟᱨᱚᱜ-ᱟ ᱾[᱑] [᱒]

  • ᱵᱚᱦᱚᱜ ᱦᱟᱹᱥᱩ ᱠᱚᱨᱮ ᱱᱚᱣᱟ ᱨᱮᱱᱟᱜ ᱡᱟᱝ ᱨᱚᱦᱚᱲ ᱠᱟᱛᱮ ᱠᱚᱴᱮᱡ ᱜᱩᱰᱟᱹ ᱠᱟᱛᱮ ᱡᱤ ᱭᱟᱠᱚ ᱾
  • ᱢᱮᱫ ᱵᱮᱢᱟᱨ ᱠᱚᱨᱮ ᱢᱩᱱᱜᱟᱹ ᱨᱟᱥᱟ ᱫᱚ ᱧᱮᱞᱮᱨᱟᱥᱟ ᱥᱟᱶ ᱢᱮᱥᱟ ᱠᱟᱛᱮ ᱠᱚ ᱧᱩᱭᱟ ᱾
  • ᱛᱩᱯᱩᱫ, ᱩᱡᱩ ᱮᱢᱱ ᱠᱚᱨᱮ ᱱᱚᱣᱟ ᱫᱟᱨᱮ ᱨᱮᱱᱟᱜ ᱪᱷᱟᱞ ᱫᱟᱜ ᱨᱮ ᱞᱚᱦᱚᱫ ᱠᱟᱛᱮ ᱠᱚ ᱨᱤᱫᱟ ᱟᱨ ᱠᱚ ᱚᱡᱚᱜᱟ ᱾
  • ᱢᱩᱱᱜᱟᱹ ᱪᱷᱟᱞ ᱟᱨ ᱯᱩᱸᱰ ᱛᱩᱲᱤ ᱰᱟᱺᱜᱽᱨᱤ ᱫᱟᱜ ᱥᱟᱶ ᱨᱤᱫ ᱠᱟᱛᱮ ᱛᱟᱯᱟᱜ ᱞᱮᱠᱷᱟᱱ ᱯᱷᱩᱞᱟᱹᱣ ᱟᱠᱟᱱ ᱡᱟᱸᱜᱟ ᱦᱚᱸ ᱵᱮᱥᱚᱜ-ᱟ ᱾
  • ᱡᱟᱹᱫᱩ ᱮᱢᱟᱱ ᱠᱚᱨᱮ ᱢᱩᱱᱜᱟᱹ ᱟᱲᱟᱜ ᱵᱩᱞᱩᱝ ᱥᱟᱞᱟᱜ ᱨᱤᱫ ᱠᱟᱛᱮ ᱠᱚ ᱚᱡᱚᱜᱟ ᱾

ᱤᱥᱤᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱢᱩᱱᱜᱟᱹ ᱥᱩᱴᱤ ᱫᱚ ᱩᱛᱩ ᱞᱟᱹᱜᱤᱫ ᱟᱹᱰᱤ ᱱᱟᱯᱟᱭᱟ, ᱟᱹᱰᱤ ᱥᱤᱵᱤᱞᱟ , ᱡᱚᱛᱚ ᱞᱮᱠᱟᱱᱟᱜ ᱥᱟᱶ ᱢᱮᱥᱟ ᱜᱟᱱᱚᱜ-ᱟ ᱾
  • ᱢᱩᱱᱜᱟᱹ ᱟᱲᱟᱜ ᱫᱚ ᱥᱤᱢ ᱵᱤᱞᱤ ᱥᱟᱶ ᱠᱚᱨᱦᱟ ᱞᱮᱠᱷᱟᱱ ᱫᱚ ᱟᱹᱰᱤ ᱥᱤᱵᱤᱞ ᱡᱚᱢ ᱵᱩᱫᱷᱟᱰᱜ-ᱟ
  • ᱵᱟᱥᱠᱮ ᱫᱟᱠᱟ ᱠᱚ ᱥᱟᱞᱟᱜ ᱢᱩᱱᱜᱟᱹ ᱟᱲᱟᱜ ᱫᱚ ᱟᱹᱰᱤ ᱯᱚᱴᱟᱣᱜ-ᱟ ᱾ ᱚᱱᱟᱛᱮ ᱟᱫᱷᱟᱱ ᱦᱚᱲ ᱫᱚ ᱥᱟᱱᱛᱟᱲ ᱠᱚᱣᱟᱜ ᱡᱟᱹᱛᱤᱭᱟᱹᱨᱤ ᱩᱛᱩ ᱞᱮᱠᱟᱛᱮ ᱦᱚᱸ ᱠᱚ ᱢᱟᱱᱟᱣᱟ ᱾
  • ᱢᱩᱱᱜᱟᱹ ᱵᱟᱦᱟ ᱦᱚᱸ ᱟᱹᱰᱤ ᱥᱤᱵᱤᱞᱟ , ᱫᱟᱹᱞ ᱠᱚ ᱥᱟᱶ ᱥᱚᱲᱮ ᱞᱮᱠᱷᱟᱱ ᱡᱚᱢ ᱵᱷᱟᱜᱟᱣᱜ ᱵᱟᱭ ᱥᱟᱱᱟᱢᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. https://www.mskcc.org/cancer-care/integrative-medicine/herbs/moringa-oleifera
  2. http://actamedicaphilippina.com.ph/sites/default/files/fulltexts/vol-47-no-3-effect.pdf