ᱣᱤᱠᱤᱯᱤᱰᱤᱭᱟ:ᱪᱟᱸᱫᱚ ᱨᱮᱱᱟᱜ ᱵᱟᱪᱷᱟᱣ ᱚᱱᱚᱞ/ᱮᱯᱨᱤᱞ ᱒᱐᱒᱐
ᱠᱚᱨᱳᱱᱟ ᱵᱷᱟᱭᱨᱟᱥ ᱫᱚ ᱱᱤᱫᱩ ᱵᱷᱟᱭᱨᱟᱥ ᱛᱷᱚᱠ ᱨᱮᱱᱟᱜ ᱠᱚᱨᱳᱱᱟᱵᱷᱟᱭᱨᱚᱫᱟ ᱜᱷᱟᱨᱚᱸᱡᱽ ᱨᱮᱱ ᱠᱚᱨᱳᱱᱟᱵᱷᱟᱭᱨᱤᱱᱟ ᱩᱯᱳᱜᱳᱛᱨᱳ ᱨᱮᱱᱟᱜ ᱢᱤᱫᱴᱮᱱ ᱵᱷᱟᱭᱨᱟᱥ ᱯᱨᱚᱡᱟᱛᱤᱠᱟᱱᱟ᱾ ᱱᱚᱣᱟ ᱵᱷᱟᱭᱨᱟᱥ ᱨᱮᱱᱟᱜ ᱡᱤᱱᱳᱢ ᱫᱚ ᱟᱭᱟᱜ ᱟᱨᱹᱮᱱᱹᱮᱹ (RNA) ᱛᱮ ᱵᱮᱱᱟᱣ ᱟᱠᱟᱱᱟ᱾ ᱱᱚᱣᱟ ᱡᱤᱱᱳᱢ ᱫᱚ ᱒᱖ ᱠᱷᱚᱱ ᱓᱒ ᱠᱤᱞᱳᱵᱮᱥᱮ ᱵᱷᱤᱛᱨᱤᱨᱮ ᱦᱩᱭᱩᱜᱼᱟ ᱡᱟᱸᱦᱟᱸ ᱫᱚ ᱱᱚᱝᱠᱟᱱ ᱵᱷᱟᱭᱨᱟᱥ ᱵᱷᱤᱛᱨᱤᱨᱮ ᱡᱚᱛᱚᱠᱷᱚᱱ ᱞᱟᱹᱴᱩ ᱜᱮᱭᱟ᱾ ᱠᱚᱨᱳᱱᱟ ᱵᱷᱟᱭᱨᱟᱥ ᱟᱹᱲᱟᱹ ᱫᱚ ᱞᱮᱴᱤᱱ ᱠᱚᱨᱳᱱᱟ ᱠᱷᱳᱱ ᱦᱟᱛᱟᱣ ᱦᱩᱭ ᱟᱠᱟᱱᱟ ᱡᱟᱸᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ 'ᱢᱩᱠᱩᱴ' (Crown)᱾ ᱤᱞᱮᱠᱴᱨᱚᱱ ᱚᱱᱩᱵᱤᱠᱠᱷᱚᱱ ᱡᱚᱱᱛᱨᱚ ᱨᱮ ᱱᱚᱣᱟ ᱵᱷᱟᱭᱨᱟᱥ ᱫᱚ ᱢᱩᱠᱩᱴ ᱞᱮᱠᱟ ᱧᱮᱞᱚᱜᱼᱟ᱾ ᱵᱷᱟᱭᱨᱟᱥ ᱪᱮᱛᱟᱱ ᱥᱮᱡ ᱫᱚ ᱯᱨᱳᱴᱤᱱ ᱢᱮᱱᱟᱜᱼᱟ ᱡᱟᱸᱦᱟᱸ ᱫᱚ ᱵᱷᱟᱭᱨᱟᱞ ᱮᱥᱯᱟᱭᱤᱠ ᱯᱮᱯᱞᱳᱢᱟᱨ ᱛᱮ ᱟᱭᱟᱜ ᱵᱷᱤᱛᱨᱤᱭ ᱵᱮᱱᱟᱣᱟ᱾ ᱱᱚᱣᱟ ᱯᱨᱳᱴᱤᱱ ᱫᱚ ᱴᱤᱥᱩᱭ ᱵᱟᱹᱲᱤᱡᱟ᱾ ᱡᱚᱛᱚᱞᱮᱠᱟᱱ ᱠᱚᱨᱳᱱᱟ ᱵᱷᱟᱭᱨᱟᱥ ᱨᱮᱜᱮ ᱮᱥᱯᱟᱭᱤᱠ (ᱮᱥ), ᱮᱱᱵᱷᱮᱞᱚᱯ (ᱤ), ᱢᱮᱢᱵᱽᱨᱮᱱ (ᱮᱢ), ᱟᱨ ᱱᱤᱣᱠᱞᱤᱣᱳᱠᱮᱯᱥᱤᱰ (ᱮᱱ) ᱧᱩᱛᱩᱢᱟᱱ ᱯᱩᱱ ᱞᱮᱠᱟᱱ ᱯᱨᱳᱴᱤᱱ ᱢᱮᱱᱟᱜᱼᱟ᱾