ᱤᱣᱩᱨᱳ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Euro Series Banknotes

ᱤᱭᱩᱨᱳ (symbol ᱫᱚ € ᱟᱨ ᱵᱮᱝᱠ ᱠᱳᱰ ᱫᱚ EUR) ᱫᱚ European Union ᱨᱤᱱ member ᱠᱚᱣᱟᱜ ᱠᱟᱹᱣᱰᱤ ᱧᱩᱛᱩᱢ ᱠᱟᱱᱟ᱾ ᱱᱟᱦᱟᱜ ᱒᱒ ᱜᱚᱴᱟᱝ ᱫᱤᱥᱚᱢ ᱨᱮ ᱤᱭᱩᱨᱳ ᱵᱮᱵᱚᱦᱟᱨᱚᱜ ᱠᱟᱱᱟ ᱾ ᱑᱙᱙᱙ ᱥᱮᱨᱢᱟ ᱨᱮ ᱑᱔ ᱜᱚᱴᱟᱝ ᱫᱤᱥᱚᱢ (ᱚᱥᱴᱨᱤᱭᱟ, ᱵᱮᱞᱡᱤᱭᱟᱢ, ᱡᱟᱨᱢᱟᱱᱤ, ᱯᱷᱤᱱᱞᱮᱱᱰ, ᱯᱷᱨᱟᱱᱥ, ᱟᱭᱟᱨᱞᱮᱱᱰ, ᱤᱛᱟᱞᱤ, ᱞᱩᱠᱥᱮᱢᱵᱩᱨᱜᱽ, ᱢᱳᱱᱟᱠᱳ, ᱱᱮᱫᱟᱨᱞᱮᱱᱰ, ᱯᱚᱨᱛᱩᱜᱟᱞ, ᱮᱥᱯᱮᱱ, ᱥᱟᱱ ᱢᱮᱨᱤᱱᱳ ᱟᱨ ᱵᱷᱮᱴᱤᱠᱟᱱ ᱥᱤᱴᱤ) ᱯᱩᱭᱞᱩ ᱤᱭᱩᱨᱳ ᱠᱚ ᱵᱮᱵᱚᱦᱟᱨ ᱞᱮᱫᱟ ᱾

ᱚᱱᱟ ᱛᱟᱭᱚᱢ ᱟᱨᱦᱚᱸ ᱮᱴᱟᱜ ᱫᱤᱥᱚᱢ ᱤᱭᱩᱨᱳ ᱵᱮᱵᱚᱦᱟᱨ ᱠᱚ ᱮᱦᱚᱵ ᱠᱮᱫᱟ᱾ ᱡᱮᱞᱮᱠᱟ, ᱒᱐᱐᱑ ᱥᱮᱨᱢᱟ ᱜᱨᱤᱥ, ᱒᱐᱐᱗ ᱥᱮᱨᱢᱟ ᱥᱞᱳᱵᱷᱮᱱᱤᱭᱟ, ᱒᱐᱐᱘ ᱥᱮᱨᱢᱟ ᱥᱟᱭᱯᱨᱟᱥ ᱟᱨ ᱢᱟᱞᱴᱟ, ᱒᱐᱐᱙ ᱥᱮᱨᱢᱟ ᱥᱞᱳᱵᱷᱟᱠᱤᱭᱟ, ᱒᱐᱑᱑ ᱥᱮᱨᱢᱟ ᱤᱥᱛᱳᱱᱤᱭᱟ, ᱒᱐᱑᱔ ᱥᱮᱨᱢᱟ ᱞᱟᱛᱵᱷᱤᱭᱟ ᱟᱨ ᱒᱐᱑᱕ ᱥᱮᱨᱢᱟ ᱨᱮ ᱞᱤᱛᱷᱩᱣᱟᱱᱤᱭᱟ ᱵᱮᱵᱚᱦᱟᱨ ᱠᱚ ᱮᱦᱚᱵ ᱠᱮᱫᱟ᱾ UK, ᱥᱩᱭᱰᱮᱱ ᱟᱨ ᱰᱮᱱᱢᱟᱨᱠ EU ᱨᱮᱱ member ᱦᱩᱭ ᱠᱟᱛᱮᱜ ᱦᱚᱸ ᱤᱭᱩᱨᱳ ᱵᱟᱠᱚ ᱦᱟᱛᱟᱣ ᱟᱠᱟᱫᱟ᱾

Euro symbol

ᱤᱭᱩᱨᱳ ᱠᱟᱹᱣᱰᱤ ᱨᱮᱱᱟᱜ ᱫᱚ ᱮᱭᱟᱭ ᱜᱚᱴᱮᱡ Note ᱢᱮᱱᱟᱜᱼᱟᱱᱟᱝ᱾ ᱚᱱᱟ ᱮᱭᱟᱭ ᱜᱚᱴᱮᱡ ᱨᱮᱱᱟᱜ ᱨᱚᱝ ᱟᱨ ᱢᱩᱴᱷᱟᱹᱱ ᱦᱚᱸ ᱡᱩᱫᱟᱹ ᱡᱩᱫᱟᱹ ᱜᱮᱭᱟ᱾ ᱚᱠᱟ ᱠᱟᱹᱣᱰᱤ ᱨᱮᱱᱟᱜ ᱫᱟᱢ ᱰᱷᱤᱨ ᱚᱱᱟ ᱨᱮᱱᱟ ᱢᱩᱴᱷᱟᱹᱱ ᱦᱚᱸ ᱞᱟᱹᱴᱩ ᱜᱮᱭᱟ᱾ ᱕ ᱤᱭᱩᱨᱳ ᱨᱮᱱᱟᱜ ᱨᱚᱝ ᱫᱚ ᱛᱚᱨᱚᱡ ᱞᱮᱠᱟ, ᱑᱐ ᱤᱭᱩᱨᱳ ᱨᱮᱱᱟᱜ ᱨᱚᱝ ᱫᱚ ᱟᱨᱟᱜ ᱜᱮ, ᱒᱐ ᱤᱭᱩᱨᱳ ᱨᱮᱱᱟᱜ ᱨᱚᱝ ᱫᱚ ᱱᱤᱞ ᱜᱮ, ᱕᱐ ᱤᱭᱩᱨᱳ ᱨᱮᱱᱟᱜ ᱨᱚᱝ ᱫᱚ ᱠᱚᱢᱞᱟ ᱞᱮᱠᱟ, ᱑᱐᱐ ᱤᱭᱩᱨᱳ ᱨᱮᱱᱟᱜ ᱨᱚᱝ ᱫᱚ ᱦᱟᱹᱨᱤᱭᱟᱹᱲ, ᱒᱐᱐ ᱤᱭᱩᱨᱳ ᱨᱮᱱᱟᱜ ᱨᱚᱝ ᱫᱚ ᱵᱟᱫᱟᱢ–ᱥᱟᱥᱟᱝ ᱟᱨ ᱕᱐᱐ ᱤᱭᱩᱨᱳ ᱨᱮᱱᱟᱜ ᱨᱚᱝ ᱫᱚ ᱮᱛᱟᱝ ᱵᱮᱝᱜᱟᱲ ᱨᱚᱝ᱾ ᱡᱚᱛᱚ ᱱᱳᱴ ᱨᱮᱱᱟᱜ ᱥᱟᱢᱟᱝ ᱥᱮᱡ ᱨᱮ ᱢᱤᱫ ᱴᱮᱱ ᱫᱩᱣᱟᱨ ᱥᱮ ᱡᱟᱱᱞᱟ ᱟᱨ ᱢᱤᱫᱴᱟᱹᱝ ᱵᱨᱤᱡᱽ ᱨᱮᱱᱟᱜ ᱪᱷᱟᱯᱟ ᱢᱮᱱᱟᱜᱼᱟ᱾ ᱟᱨ ᱛᱟᱭᱚᱢ ᱥᱮᱡ ᱫᱚ ᱤᱭᱩᱨᱳᱯ ᱨᱮᱱᱟᱜ ᱢᱟᱱᱪᱤᱛᱟᱹᱨ ᱢᱮᱱᱟᱜᱼᱟ᱾ ᱫᱩᱣᱟᱹᱨ, ᱡᱟᱱᱞᱟ ᱟᱨ ᱵᱨᱤᱡᱽ ᱱᱤᱭᱟᱹ ᱡᱚᱛᱚ ᱜᱮ ᱠᱟᱞᱯᱚᱱᱤᱠ ᱥᱮ ᱯᱷᱤᱠᱥᱚᱱ ᱠᱟᱱᱟ᱾ ᱚᱠᱟ ᱫᱤᱥᱚᱢ ᱥᱟᱶᱛᱮ ᱦᱚᱸ ᱡᱟᱛᱮ ᱵᱟᱝ ᱡᱚᱯᱲᱟᱣᱜ ᱚᱱᱟᱛᱮ᱾

᱑ ᱢᱤᱣᱨᱳ ᱑᱐᱐ ᱥᱮᱱᱴ ᱨᱮ ᱦᱟᱹᱴᱤᱧ ᱢᱮᱱᱟᱜᱼᱟ᱾ ᱑, ᱒, ᱕, ᱑᱐, ᱒᱐, ᱟᱨ ᱕᱐ ᱥᱮᱱᱴ ᱟᱨ ᱑ ᱤᱭᱩᱨᱳ ᱟᱨ ᱒ ᱤᱭᱩᱨᱳ ᱞᱟᱹᱜᱤᱫ ᱫᱚ ᱢᱮᱬᱦᱮᱫ ᱯᱟᱭᱥᱟ ᱢᱮᱱᱟᱜᱼᱟ᱾ ᱑ ᱟᱨ ᱒ ᱤᱭᱩᱨᱳ ᱨᱮᱱᱟᱜ ᱨᱚᱝ ᱫᱚ ᱥᱚᱱᱟ ᱟᱨ ᱨᱩᱯᱟᱹ ᱢᱮᱥᱟ᱾ ᱑᱐ᱹ ᱒᱐, ᱟᱨ ᱕᱐ ᱥᱮᱱᱴ ᱯᱟᱭᱥᱟ ᱨᱟᱱᱜ ᱨᱚᱝ ᱫᱚ ᱥᱚᱱᱟ ᱞᱮᱠᱟ᱾ ᱑, ᱒, ᱟᱨ ᱕ ᱥᱮᱱᱴ ᱨᱮᱱᱟᱜ ᱨᱚᱝ ᱫᱚ ᱛᱟᱢᱟ ᱞᱮᱫᱟ᱾ ᱤᱭᱩᱨᱳ ᱱᱳᱴ ᱠᱚ ᱫᱚ ᱡᱚᱛᱚ ᱫᱤᱥᱚᱢ ᱞᱟᱹᱜᱤᱫ ᱢᱤᱫ ᱨᱮᱦᱚᱸ ᱢᱮᱬᱦᱮᱫ ᱠᱟᱹᱣᱰᱤ ᱫᱚ ᱡᱩᱫᱟᱹ ᱡᱩᱫᱟᱹ ᱫᱤᱥᱚᱢ ᱞᱟᱹᱜᱤᱫ ᱡᱩᱫᱟᱹ ᱡᱩᱫᱟᱹ ᱜᱮᱭᱟ᱾ ᱠᱟᱹᱣᱰᱤ ᱨᱮᱱᱟᱜ ᱥᱟᱢᱟᱝ ᱥᱮᱡ ᱫᱚ ᱡᱚᱛᱚ ᱢᱤᱫ ᱞᱮᱠᱟ ᱜᱮᱭᱟ, ᱢᱮᱱᱠᱷᱟᱱ ᱛᱟᱭᱚᱢ ᱥᱮᱡ ᱫᱚ ᱡᱩᱫᱟᱹ ᱫᱤᱥᱚᱢ ᱨᱮ ᱡᱩᱫᱟᱹ ᱜᱮᱭᱟ᱾ ᱡᱮᱞᱮᱠᱟ ᱡᱟᱨᱢᱟᱱ ᱫᱤᱥᱟᱹᱢ ᱨᱮᱱᱟᱜ ᱠᱟᱹᱣᱰᱤ ᱛᱟᱭᱚᱢ ᱨᱮ ᱫᱚ ᱠᱩᱬᱩᱫ ᱟᱜ ᱪᱤᱛᱟᱹᱨ ᱢᱮᱱᱟᱜᱼᱟ᱾ ᱑᱐, ᱒᱐, ᱟᱨ ᱕᱐ ᱥᱮᱱᱴ ᱠᱚ ᱨᱮᱱᱟᱜ ᱛᱟᱭᱚᱢ ᱨᱮ ᱫᱚ ᱵᱟᱨᱞᱤᱱ ᱨᱮᱱᱟᱜ ᱵᱨᱟᱱᱰᱮᱱᱵᱩᱨᱜᱽ ᱫᱩᱣᱟᱹᱨ ᱨᱮᱱᱟᱜ ᱪᱤᱛᱟᱹᱨ ᱢᱮᱱᱟᱜᱼᱟ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱮᱰᱮᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]