ᱥᱚᱨᱚᱥᱤᱵᱟᱞᱟ ᱵᱚᱥᱩ
 | ᱱᱚᱣᱟ ᱚᱱᱚᱞ ᱯᱷᱮᱢᱤᱱᱤᱡᱤᱢ ᱮᱱᱰᱽ ᱯᱷᱳᱞᱠᱞᱳᱨ ᱒᱐᱒᱒ ᱚᱱ ᱟᱞᱭᱤᱱ ᱚᱱᱚᱞ ᱥᱟᱯᱲᱟᱣ ᱦᱮᱯᱨᱟᱣ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱞᱮᱠᱟᱛᱮ ᱵᱮᱱᱟᱣ/ᱟᱹᱨᱩ ᱟᱠᱟᱱᱟ ᱾ |  |
| ᱥᱚᱨᱚᱥᱤᱵᱟᱞᱟ ᱵᱚᱥᱩ | |
|---|---|
 ᱥᱚᱨᱚᱥᱤᱵᱟᱞᱟ ᱵᱚᱥᱩ ᱟᱜ ᱪᱤᱛᱟᱹᱨ: ᱜᱟᱢᱟᱢ ᱚᱱᱚᱞᱤᱭᱟᱹ, ᱠᱟᱹᱦᱟᱹᱱᱤᱭᱟᱹ, ᱚᱱᱚᱬᱦᱤᱭᱟᱹ, ᱛᱤᱨᱞᱟᱹ ᱟᱹᱭᱫᱟᱹᱨᱤ ᱞᱟᱹᱰᱷᱟᱹᱭᱤᱡ, ᱥᱟᱶᱛᱟ ᱠᱟᱹᱢᱤᱭᱟᱹ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱘᱘᱖ ᱠᱚᱞᱠᱟᱛᱟ, ᱥᱤᱧᱚᱛ |
| ᱜᱩᱨ | ᱑᱙᱒᱙ |
| ᱫᱤᱥᱚᱢᱤᱭᱟᱹ | ᱵᱽᱨᱤᱴᱤᱥ ᱥᱤᱧᱚᱛᱤᱭᱟᱹ |
| ᱧᱩᱢᱱᱟᱢ | ᱜᱟᱢᱟᱢ ᱚᱱᱚᱞᱤᱭᱟᱹ, ᱠᱟᱹᱦᱟᱹᱱᱤᱭᱟᱹ, ᱚᱱᱚᱬᱱᱤᱭᱟᱹ |
ᱥᱚᱨᱥᱤᱵᱟᱞᱟ ᱵᱚᱥᱩ (᱑᱘᱘᱖ᱼ᱑᱙᱒᱙) ᱫᱚ ᱥᱤᱧᱚᱛᱤᱭᱟᱹ ᱩᱯᱚᱢᱚᱢᱟ ᱫᱤᱥᱚᱢ ᱨᱮᱭᱟᱜ ᱵᱟᱝᱞᱟ ᱴᱚᱴᱷᱟ ᱨᱮᱱ ᱢᱤᱫ ᱜᱟᱢᱟᱱ ᱚᱱᱚᱞᱤᱭᱟᱹ ᱠᱟᱹᱦᱱᱤ ᱟᱨ ᱚᱱᱚᱬᱦᱤᱭᱟᱹᱭ ᱛᱟᱦᱮ ᱠᱟᱱᱟ᱾ ᱩᱱᱤ ᱫᱚ ᱵᱟᱝᱞᱟ ᱱᱚᱵᱚᱡᱟᱜᱚᱨᱚᱱ ᱡᱩᱜᱽ ᱨᱮᱱ ᱚᱱᱚᱞᱤᱭᱟᱹ ᱮ ᱛᱟᱦᱮ ᱠᱟᱱᱟ᱾ ᱩᱱᱤᱭᱟᱜ ᱠᱷᱟᱴᱚ ᱡᱤᱭᱚᱱ ᱚᱠᱛᱚ ᱨᱮ, ᱩᱱᱤ ᱫᱚ ᱵᱟᱨᱜᱮᱞ ᱠᱷᱚᱱ ᱦᱚᱸ ᱡᱟᱹᱥᱛᱤ ᱜᱟᱢᱟᱢ, ᱟᱭᱢᱟ ᱠᱷᱟᱴᱚ ᱠᱟᱹᱦᱟᱹᱱᱤ ᱟᱨ ᱚᱱᱚᱬᱦᱮᱭ ᱚᱞ ᱟᱠᱟᱫᱟ, ᱟᱨ ᱵᱟᱝᱞᱟ ᱥᱟᱶᱦᱮᱫ ᱨᱮ ᱟᱹᱰᱤ ᱢᱟᱨᱟᱝ ᱚᱨᱥᱚᱝ ᱮ ᱫᱚᱦᱚ ᱟᱠᱟᱫᱟ᱾ ᱟᱨ ᱩᱱᱤᱭᱟᱜ ᱱᱩᱱᱟᱹᱜ ᱜᱟᱱ ᱚᱱᱚᱞ ᱠᱚᱜᱮ ᱟᱹᱣᱨᱤ ᱯᱟᱨᱥᱟᱞᱚᱜᱼᱟ ᱥᱮ ᱵᱟᱝ ᱯᱟᱨᱥᱟᱞ ᱟᱠᱟᱱᱟ᱾ ᱥᱚᱨᱚᱥᱤᱵᱟᱞᱟ ᱩᱱᱚᱠᱛᱚ ᱥᱟᱶᱛᱟ ᱨᱮᱭᱟᱜ ᱮᱴᱠᱮᱴᱚᱬᱮ ᱟᱨ ᱩᱱᱤ ᱟᱸᱰᱮᱯᱟᱥᱮ ᱨᱮᱭᱟᱜ ᱥᱟᱪᱟᱨᱥᱮ ᱵᱟᱵᱚᱛ ᱛᱮᱭ ᱚᱞ ᱟᱹᱰᱤ ᱜᱟᱹᱦᱤᱨ ᱵᱷᱵᱽᱱᱟ ᱥᱟᱺᱦᱤᱡ ᱛᱮᱭ ᱚᱞ ᱟᱠᱟᱫᱟ᱾
ᱯᱩᱭᱞᱩ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱚᱨᱚᱥᱤᱵᱟᱞᱟ ᱵᱚᱥᱩ ᱫᱚ ᱑᱘᱘᱖ ᱥᱮᱨᱢᱟ ᱨᱮ ᱠᱚᱞᱠᱟᱛᱟ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱩᱱᱤᱭᱟᱜ ᱜᱤᱫᱽᱨᱟᱹ ᱚᱠᱛᱚ ᱨᱮᱭᱟᱜ ᱥᱮᱪᱮᱫ ᱫᱚ ᱢᱤᱫ ᱢᱤᱥᱚᱱᱟᱨᱤ ᱥᱠᱩᱞ ᱨᱮ ᱮᱦᱚᱵ ᱞᱮᱱ ᱛᱟᱭᱟ, ᱟᱨ ᱚᱱᱟ ᱛᱟᱭᱚᱱ ᱠᱚᱧᱮ ᱠᱚᱞᱠᱟᱛᱟ ᱨᱮᱭᱟᱜ ᱟᱨᱢᱤᱫ ᱥᱠᱩᱞ, ᱢᱟᱦᱟᱠᱟᱞᱤ ᱯᱟᱴᱷᱥᱟᱞᱟ ᱨᱮᱭ ᱵᱷᱩᱨᱛᱤ ᱞᱮᱱᱟ᱾ ᱠᱷᱟᱹᱞᱤ ᱢᱤᱫ ᱥᱮᱨᱢᱟ ᱛᱟᱭᱚᱢ ᱜᱮ, ᱛᱤᱨᱞᱟᱹ ᱥᱮᱪᱮᱫ ᱵᱤᱨᱩᱫᱽ ᱨᱮ ᱩᱱᱚᱠᱛᱚ ᱦᱤᱱᱫᱩ ᱠᱩᱥᱚᱝᱚᱥᱠᱟᱨ ᱠᱷᱟᱹᱛᱤᱨ ᱩᱱᱤ ᱫᱚ ᱥᱠᱩᱞ ᱠᱷᱚᱱ ᱠᱚ ᱳᱰᱳᱠ ᱞᱮᱫᱮᱭᱟ᱾ ᱚᱲᱟᱜ ᱨᱮᱜᱮ ᱩᱱᱤ ᱫᱚ ᱟᱡ ᱵᱚᱭᱦᱟ ᱟᱜ ᱯᱟᱲᱦᱟᱣ ᱟᱸᱡᱚᱢ ᱛᱮ ᱟᱹᱰᱤ ᱜᱟᱱ ᱥᱮᱪᱮᱫ ᱮ ᱧᱟᱢ ᱞᱮᱫᱟ᱾ ᱑᱙᱐᱐ ᱥᱮᱨᱢᱟ ᱟᱸᱰᱮᱯᱟᱥᱮ ᱟᱡᱟᱜ ᱩᱥᱟᱹᱨᱟ ᱵᱟᱯᱞᱟ ᱠᱷᱟᱹᱛᱤᱨ ᱩᱱᱤ ᱫᱚ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱜᱤᱨᱤᱰᱤᱦ ᱛᱮᱭ ᱦᱮᱡ ᱞᱮᱱᱟ᱾ ᱩᱱᱤ ᱨᱮᱱ ᱨᱟᱲᱟ ᱢᱚᱱᱟᱱ ᱡᱟᱶᱟᱭ ᱯᱷᱚᱱᱤᱱᱫᱨᱚᱱᱟᱛᱷ ᱵᱚᱥᱩ ᱟᱡᱟᱜ ᱚᱲᱟᱜ ᱨᱮᱜᱮ ᱩᱱᱤ ᱞᱟᱹᱜᱤᱫ ᱢᱤᱫ ᱯᱨᱟᱭᱵᱷᱮᱴ ᱴᱤᱣᱥᱩᱱ ᱢᱟᱥᱴᱟᱨ ᱮ ᱵᱚᱦᱟᱞ ᱞᱮᱫᱮᱭᱟ᱾ ᱩᱱᱤ ᱫᱚ ᱟᱨᱦᱚᱸ ᱚᱲᱟᱜ ᱠᱷᱚᱱ ᱜᱮ ᱤᱝᱞᱤᱥ ᱟᱨ ᱟᱨᱴᱥ ᱮ ᱥᱮᱪᱮᱫ ᱞᱮᱱᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡ ᱡᱟᱶᱟᱭᱟᱜ ᱩᱫᱽᱜᱟᱹᱣ ᱛᱮ ᱩᱱᱤ ᱫᱚ ᱵᱟᱝᱞᱟ ᱥᱟᱶᱦᱮᱫ ᱟᱨ ᱥᱟᱶᱛᱟ ᱠᱟᱹᱢᱤ ᱪᱮᱛᱟᱱ ᱫᱩᱞᱟᱹᱲ ᱦᱟᱨᱟ ᱤᱫᱤ ᱞᱮᱱ ᱛᱟᱭᱟ᱾ ᱟᱡᱟᱜ ᱚᱞᱟᱜ ᱜᱟᱢᱟᱢ, ᱚᱱᱚᱬᱦᱮ ᱫᱚ ᱵᱷᱟᱨᱚᱛᱵᱚᱨᱥᱚ, ᱯᱨᱚᱵᱟᱥᱤ, ᱢᱟᱱᱚᱥᱤ ᱟᱨ ᱢᱟᱨᱢᱟᱵᱟᱱᱤ ᱞᱮᱠᱟᱱ ᱩᱱᱚᱠᱛ ᱨᱮᱭᱟᱜ ᱧᱩᱛᱩᱢᱟᱱ ᱯᱟᱛᱷᱟᱢ ᱨᱮ ᱯᱟᱨᱥᱟᱞᱚᱜ ᱠᱟᱱ ᱛᱟᱦᱮᱱᱟ᱾ ᱩᱱᱤ ᱫᱚ ᱵᱷᱟᱦᱢᱚ ᱥᱚᱢᱟᱡᱽ ᱨᱮ ᱥᱮᱞᱮᱫ ᱵᱟᱭ ᱛᱟᱦᱮ ᱠᱟᱱ ᱨᱮᱦᱚᱸ, ᱨᱟᱡᱟ ᱨᱟᱢᱢᱚᱦᱚᱱ ᱨᱟᱭ ᱦᱚᱛᱮᱛᱮ ᱪᱟᱪᱞᱟᱣᱚᱜ ᱠᱟᱱ ᱛᱟᱦᱮᱸᱫ ᱢᱤᱫ ᱥᱟᱶᱛᱟ ᱟᱸᱫᱳᱲ, ᱟᱡᱟᱜ ᱚᱱᱚᱞ ᱨᱮ ᱧᱮᱞ ᱟᱠᱟᱱᱟ᱾ ᱩᱱᱤ ᱫᱚ ᱩᱱᱚᱠᱛᱚ ᱦᱤᱱᱫᱩ ᱥᱟᱶᱛᱟ ᱨᱮᱭᱟᱜ ᱟᱭᱢᱟ ᱵᱟᱹᱲᱤᱡ ᱥᱮᱨᱣᱟ ᱠᱷᱚᱱ ᱥᱟᱦᱟᱨᱮᱭ ᱛᱟᱦᱮ ᱠᱟᱱᱟ᱾ ᱩᱱᱤᱭᱟᱜ ᱧᱮᱱᱮᱞ ᱨᱮ ᱢᱟᱱᱣᱟ ᱡᱟᱹᱛᱤ ᱟᱜ ᱥᱮᱵᱟ ᱟᱨ ᱥᱟᱱᱟᱢ ᱦᱚᱲ ᱥᱟᱶ ᱵᱚᱭᱦᱟ ᱥᱟᱹᱜᱟᱹᱭ ᱜᱮ ᱜᱮ ᱛᱟᱦᱮ ᱠᱟᱱ ᱛᱟᱭᱟ᱾ ᱩᱱᱤ ᱫᱚ ᱟᱭᱢᱟ ᱵᱟᱝᱞᱟ ᱵᱷᱩᱨᱠᱟᱹ ᱨᱟᱠᱟᱵᱚᱜ ᱠᱟᱱ ᱚᱱᱚᱞᱤᱭᱟᱹ, ᱡᱮᱞᱮᱠᱟ ᱯᱨᱳᱵᱳᱫᱷ ᱥᱮᱱᱭᱟᱞ, ᱟᱥᱟᱯᱩᱨᱱᱟ ᱫᱮᱵᱤ, ᱱᱚᱨᱮᱫᱽᱨᱚ ᱫᱮᱵᱽ ᱟᱨ ᱱᱤᱨᱢᱚᱞ ᱵᱚᱨᱟᱞ ᱮᱢᱟᱱ ᱴᱷᱮᱱ ᱫᱤᱫᱤ ᱞᱮᱠᱟᱛᱮᱭ ᱵᱟᱲᱟᱭᱚᱜ ᱠᱟᱱ ᱛᱟᱦᱮᱱᱟ᱾