ᱥᱚᱵᱤᱛᱟ ᱥᱟᱥᱛᱨᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱥᱚᱵᱤᱛᱟ ᱥᱟᱥᱛᱨᱤ (ᱤᱝᱞᱤᱥ Savitha Sastry) ᱫᱚ ᱥᱤᱧᱚᱛ ᱨᱤᱱᱤᱡ ᱵᱷᱟᱨᱚᱛᱱᱟᱴᱭᱚᱢ (Bharatanatyam) ᱥᱟᱶᱛᱟ ᱟᱹᱨᱤ ᱮᱱᱮᱡ ᱱᱟᱪᱚᱱᱤᱭᱟᱹ ᱠᱟᱱᱟᱭ ᱾[᱑][᱒][᱓][᱔] ᱟᱡᱟᱜ ᱱᱟᱶᱟ ᱰᱷᱚᱝ ᱛᱮ ᱵᱷᱟᱨᱚᱛ ᱱᱟᱴᱭᱚᱢ ᱥᱚᱫᱚᱨ ᱛᱤᱢᱤᱱ ᱦᱚᱲ ᱫᱚ 'ᱦᱚᱨ ᱨᱟᱹᱯᱩᱫ' ᱦᱚ ᱠᱚ ᱢᱮᱛᱟᱜᱟᱜᱼᱟ ᱾[᱕] ᱛᱤᱢᱤᱱ ᱜᱟᱱ ᱫᱚ ᱨᱮᱱᱟᱸᱥᱟ ᱟᱨᱠᱤᱴᱮᱠᱪᱚᱨ ᱦᱚ ᱠᱚ ᱢᱮᱛᱟᱭᱟ,[᱖] ᱡᱟᱦᱟᱸ ᱞᱮᱠᱟ ᱨᱩᱠᱢᱤᱬᱤ ᱫᱮᱵᱤ ᱚᱨᱩᱱᱰᱮᱞ ᱮ ᱩᱫᱩᱜᱮᱫ ᱛᱟᱦᱮᱸᱫ ᱟᱡᱟᱜ ᱚᱠᱛᱚ ᱨᱮ ᱾[᱗][᱘]

ᱯᱩᱭᱞᱩ ᱡᱤᱭᱚᱱ ᱟᱨ ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱵᱤᱛᱟ ᱥᱩᱵᱽᱨᱚᱢᱚᱱᱤᱭᱚᱢ ᱫᱚ ᱦᱟᱭᱫᱽᱨᱟᱵᱟᱫᱽ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱟᱨ ᱚᱱᱟ ᱛᱟᱭᱚᱢ ᱢᱩᱢᱵᱟᱭ ᱨᱮ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱟᱨ ᱚᱱᱟ ᱛᱟᱭᱚᱢ ᱟᱠᱚᱣᱟᱜ ᱴᱟᱣᱱ ᱪᱮᱱᱤ ᱛᱮ ᱩᱪᱟᱹᱲ ᱞᱮᱱ ᱛᱟᱦᱮᱸᱫ ᱾ ᱢᱩᱢᱵᱟᱭ ᱨᱮᱱᱟᱜ "ᱥᱨᱤ ᱨᱟᱡᱚᱨᱟᱡᱮᱥᱣᱚᱨᱤ ᱱᱟᱴᱭᱚ ᱠᱟᱞᱟ ᱢᱟᱱᱫᱤᱨ" ᱨᱮ ᱜᱩᱨᱩ ᱢᱚᱦᱟᱞᱤᱝᱜᱚᱢ ᱯᱤᱞᱞᱟᱭ ᱴᱷᱮᱱ ᱠᱷᱚᱱ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱮ ᱥᱮᱬ ᱞᱮᱫ ᱛᱟᱦᱮᱸᱫ ᱟᱨ ᱛᱟᱭᱚᱢ ᱛᱮ ᱪᱮᱱᱱᱟᱭ ᱨᱮ ᱟᱫᱽᱭᱟᱨ ᱠᱮ ᱞᱚᱠᱥᱢᱚᱬ ᱟᱨ ᱫᱷᱚᱱᱚᱧᱡᱚᱭ ᱴᱷᱮᱱ ᱠᱷᱚᱱ ᱮ ᱥᱮᱪᱮᱫ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱯᱤᱹᱮᱥ ᱥᱤᱱᱤᱭᱚᱨ ᱥᱮᱠᱮᱱᱰᱟᱨᱤ ᱟᱥᱲᱟ ᱠᱷᱚᱱ ᱯᱟᱥ ᱠᱟᱛᱮ ᱥᱴᱮᱞᱟ ᱢᱟᱨᱤᱥ ᱠᱚᱞᱮᱡᱽ ᱠᱷᱚᱱ ᱥᱚᱱᱮᱨ ᱮ ᱥᱟᱹᱛ ᱞᱮᱫ ᱛᱟᱦᱮᱸᱫ ᱾

᱑᱙᱘᱖ ᱥᱟᱹᱦᱤᱛ ᱨᱮ ᱩᱱᱤ ᱫᱚ 'ᱟᱱᱚᱱᱫᱽ ᱛᱟᱱᱰᱚᱵᱚᱢ' ᱧᱩᱛᱩᱢᱟᱱ ᱛᱟᱢᱤᱞ ᱯᱷᱤᱞᱢ ᱨᱮ ᱱᱟᱪᱱᱤᱭᱟᱹ ᱞᱮᱠᱟᱛᱮᱭ ᱠᱟᱹᱢᱤ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱟᱡᱤᱡ ᱜᱩᱨᱩ ᱟᱫᱽᱭᱟᱨ ᱠᱮ ᱞᱚᱠᱥᱢᱚᱬ(Adyar K Lakshman) [᱙] ᱟᱜ ᱯᱨᱚᱰᱚᱠᱥᱚᱱ ᱦᱚᱛᱮᱛᱮ ᱵᱮᱱᱟᱣ ᱞᱮᱱᱟ ᱾ ᱩᱱᱤ ᱫᱚ ᱟᱢᱮᱨᱤᱠᱟ ᱨᱮ ᱱᱤᱣᱨᱚᱥᱟᱭᱤᱱᱥ (neuroscience) ᱥᱟᱛᱟᱢ ᱛᱮ ᱟᱹᱠᱤᱞᱢᱟᱱ (ᱢᱟᱴᱟᱨ ᱰᱤᱜᱽᱨᱤ) ᱥᱟᱹᱛ ᱞᱮᱫ ᱛᱟᱦᱮᱸᱫ ᱾

ᱵᱷᱟᱨᱚᱛᱱᱟᱴᱭᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱘᱐ ᱠᱷᱚᱱ ᱒᱐᱐᱐ ᱦᱟᱹᱵᱤᱡ ᱩᱱᱤ ᱫᱚ ᱵᱷᱟᱨᱚᱛ ᱱᱟᱴᱭᱚᱢ ᱮᱱᱮᱡ ᱮ ᱩᱫᱩᱜ ᱥᱚᱫᱚᱨ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱚᱠᱛᱚ ᱨᱮ ᱩᱱᱤ ᱫᱚ 'ᱠᱨᱩᱥᱱᱚ ᱺ ᱯᱚᱨᱚᱢ ᱨᱟᱦᱟᱥᱭᱚᱢᱚᱭ ᱟᱨ ᱯᱩᱨᱩᱥᱟᱨᱴᱷᱚ" ᱮᱱᱮᱡ ᱨᱮᱱᱟᱜ ᱰᱟᱦᱟᱨ ᱮ ᱢᱟᱨᱥᱟᱞ ᱞᱮᱫ ᱛᱟᱦᱮᱸᱫ ᱾[᱑᱐]

ᱵᱷᱟᱨᱚᱛ ᱱᱟᱴᱭᱚᱢ ᱨᱮ ᱞᱟᱹᱠᱛᱤᱜ ᱠᱟᱱ ᱜᱮᱭᱟᱱ ᱟᱨ ᱴᱮᱠᱱᱤᱠᱟᱞ ᱰᱷᱚᱝ ᱩᱱᱤ ᱫᱚ ᱟᱹᱰᱤ ᱱᱟᱯᱟᱭ ᱛᱮ ᱥᱚᱫᱚᱨ ᱛᱟᱦᱮᱸᱫ ᱾[᱑᱑] ᱥᱤᱰᱱᱤ ᱨᱤᱱᱤᱡ ᱚᱯᱛᱤᱭᱟᱹ ᱦᱚᱝᱥ ᱵᱷᱮᱝᱠᱚᱴ ᱟᱡᱟᱜ ᱵᱟᱵᱚᱫᱽ ᱛᱮ ᱚᱞ ᱞᱮᱫᱼᱟᱭ ᱺ "ᱥᱚᱵᱤᱛᱟ ᱦᱟᱜ ᱮᱱᱮᱡ, ᱯᱷᱩᱴᱟᱹᱣ ᱨᱟᱠᱟᱵ ᱜᱟᱨ ᱢᱤᱫ ᱱᱟᱶᱟ ᱥᱤᱨᱡᱟᱹᱣ ᱮ ᱥᱚᱫᱚᱨᱟ ᱡᱟᱦᱟᱸ ᱫᱚ ᱯᱟᱹᱴᱷᱣᱟᱹ ᱠᱚ ᱞᱟᱹᱜᱤᱫ ᱟᱹᱰᱤ ᱱᱟᱯᱟᱭᱟᱱ ᱾" [᱑᱒] "ᱢᱩᱱᱫᱽᱨᱤ ᱨᱮᱱᱟᱜ ᱵᱮᱱᱟᱣ ᱢᱩᱴᱷᱟᱹᱱ ᱠᱚ ᱡᱤᱣᱤᱫ ᱠᱟᱛᱮ ᱮᱱᱮᱡ ᱠᱟᱱ ᱞᱮᱠᱟ ᱵᱩᱡᱷᱟᱹᱣᱼᱟ", ᱱᱚᱶᱟ ᱫᱚ ᱥᱟᱱᱯᱷᱨᱟᱱᱥᱤᱥᱠᱚ ᱮᱛᱷᱱᱤᱠ ᱮᱱᱮᱡ ᱯᱟᱨᱟᱵᱽ ᱨᱮᱱᱟᱜ ᱚᱰᱤᱥᱚᱱ ᱯᱟᱱᱮᱞᱞ ᱨᱮ ᱨᱚᱲ ᱞᱮᱫ ᱛᱟᱦᱮᱸᱫ ᱾[᱑᱐] ᱢᱤᱫ ᱠᱟᱛᱷᱟ ᱛᱮ ᱢᱮᱱ ᱜᱟᱱᱚᱜᱼᱟ, ᱩᱱᱤ ᱫᱚ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱨᱤᱱᱤᱡ ᱯᱟᱹᱨᱩᱠᱷᱤᱭᱟᱹ ᱱᱟᱪᱚᱱᱤᱭᱟᱹ ᱜᱮ ᱛᱟᱦᱮᱸ ᱠᱟᱱᱟᱭ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]