ᱥᱟᱛᱨᱮ, ᱡᱮᱸ ᱯᱳᱞ
ᱡᱮᱸ ᱯᱳᱞ ᱥᱟᱛᱨᱮ (ᱯᱷᱚᱨᱟᱥᱤ ᱛᱮ Jean-Paul Sartre) (᱒᱑ ᱡᱩᱱ, ᱑᱙᱐᱕ – ᱑᱕ ᱮᱯᱨᱤᱞ, ᱑᱙᱘᱐) ᱫᱚ ᱯᱷᱟᱹᱨᱥᱤ Existentialist ᱥᱟᱱᱟᱥᱤ, ᱜᱟᱭᱟᱱ ᱚᱱᱚᱞᱤᱭᱟᱹ, ᱥᱟᱶᱦᱮᱫ ᱚᱱᱚᱞᱤᱭᱟᱹ ᱟᱨ critic ᱠᱟᱱᱟᱭ ᱾ ᱩᱱᱤ ᱫᱚ ᱢᱟᱨᱠᱥ ᱵᱟᱫᱽ ᱨᱮᱱ ᱟᱹᱭᱩᱨᱤᱡ ᱦᱚᱸ ᱠᱟᱱᱟᱭ ᱾ ᱡᱮᱸ ᱯᱳᱞ ᱟᱭᱟᱜ ᱠᱟᱹᱢᱤ ᱛᱮ ᱥᱚᱢᱟᱡᱽ ᱵᱤᱜᱜᱟᱱ, ᱥᱟᱶᱦᱮᱫ, ᱠᱚᱞᱚᱱᱤ (colony) ᱛᱟᱭᱚᱢ ᱛᱷᱤᱣᱨᱤ ᱠᱚ ᱨᱮ ᱟᱹᱰᱤ ᱯᱨᱚᱵᱷᱟᱵᱮ ᱫᱚᱦᱚ ᱟᱠᱟᱫᱟ ᱾ ᱥᱟᱛᱨᱮ ᱫᱚ ᱚᱱᱚᱞᱤᱭᱟᱹ ᱥᱤᱢᱳᱱ ᱫᱚ ᱵᱳᱵᱷᱳᱭᱟᱨ ᱥᱟᱶ ᱟᱹᱰᱤ ᱜᱟᱹᱦᱤᱨ ᱥᱟᱹᱜᱟᱭᱮ ᱫᱚᱦᱚ ᱟᱠᱟᱫ ᱛᱟᱦᱮᱱᱟ ᱾ ᱩᱱᱤ ᱥᱟᱶ ᱫᱩᱞᱟᱹᱲ ᱫᱩᱯᱞᱟᱹᱲ ᱛᱟᱦᱮᱠᱟᱱᱛᱟᱭᱟ ᱾ ᱡᱮᱸ ᱯᱳᱞ ᱥᱟᱛᱨᱮ ᱑᱙᱖᱔ ᱥᱮᱨᱢᱟ ᱨᱮ ᱥᱟᱶᱦᱮᱫ ᱞᱟᱹᱜᱤᱫ ᱱᱳᱵᱮᱞ ᱥᱤᱨᱯᱷᱟᱹ ᱞᱟᱹᱜᱤᱫ ᱮ ᱵᱟᱪᱷᱟᱣ ᱞᱮᱱᱟ ᱾ ᱢᱮᱱᱠᱷᱟᱱ ᱥᱟᱛᱨᱮ ᱫᱚ ᱚᱱᱟ ᱥᱤᱨᱯᱷᱟᱹ ᱵᱟᱭ ᱦᱟᱛᱟᱣ ᱞᱟᱹᱜᱤᱫ ᱞᱮᱱᱟ ᱾ ᱪᱮᱫᱟᱜ ᱥᱮ ᱩᱱᱤ ᱫᱚᱭ ᱢᱮᱱ ᱠᱮᱫᱟ ᱢᱤᱫ ᱴᱮᱱ ᱚᱱᱚᱞᱤᱭᱟᱹ ᱫᱚ ᱤᱱᱤᱥᱴᱤᱴᱤᱣᱴ ᱦᱩᱭᱩᱜ ᱫᱚ ᱵᱟᱝ ᱴᱷᱤᱠᱟ ᱾
ᱥᱮᱪᱮᱫ ᱡᱤᱭᱳᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱛᱨᱮ ᱫᱚ ᱯᱩᱭᱞᱩ ᱜᱮᱞ ᱥᱮᱨᱢᱟ ᱟᱡ ᱜᱚᱲᱚᱢᱵᱟ ᱢᱚᱥᱤᱭᱮᱸ ᱥᱟᱨᱞ ᱥᱳᱣᱟᱭᱤᱴᱡᱟᱨ ᱴᱷᱮᱱᱮ ᱛᱟᱦᱮ ᱠᱟᱱᱟ ᱾ ᱱᱚᱱᱰᱮ ᱜᱮ ᱥᱟᱛᱨᱮ ᱫᱚ ᱯᱷᱩᱨᱜᱟᱹᱞ ᱛᱮᱭ ᱦᱟᱨᱟᱭᱮᱱᱟ ᱾ ᱜᱤᱫᱽᱨᱟᱹ ᱩᱢᱮᱞ ᱨᱮ ᱜᱮ ᱟᱡ ᱜᱚᱜᱚ ᱨᱮᱱ ᱵᱟᱵᱟᱣᱟᱜ ᱞᱟᱭᱵᱨᱮᱨᱤ ᱠᱷᱚᱱ ᱟᱭᱢᱟ ᱯᱚᱛᱚᱵ ᱮ ᱯᱟᱲᱦᱟᱣ ᱞᱮᱫᱟ ᱾ ᱟᱡ ᱜᱚᱜᱚ ᱮᱱᱤᱢᱟᱨᱤ ᱫᱚ ᱑᱙᱕᱒ ᱥᱮᱨᱢᱟ ᱨᱮ ᱱᱳᱵᱮᱞ ᱥᱤᱨᱯᱷᱟᱹ ᱧᱟᱢᱤᱡ ᱟᱞᱵᱟᱨᱴ ᱥᱳᱣᱟᱭᱤᱛᱡᱟᱨ ᱨᱮᱱ ᱵᱷᱟᱹᱪᱟᱹᱛ ᱠᱩᱲᱤ ᱠᱟᱱᱟᱭ ᱾ ᱜᱤᱫᱽᱨᱟ ᱩᱢᱮᱞ ᱫᱚ ᱟᱡ ᱜᱚᱜᱚ ᱟᱨ ᱟᱡ ᱜᱚᱜᱚ ᱨᱮᱱ ᱟᱯᱟᱛ ᱪᱟᱨᱞᱥ ᱥᱳᱭᱮᱴᱡᱟᱨ ᱥᱟᱶ ᱜᱮ ᱯᱟᱨᱚᱢ ᱠᱟᱱᱟ ᱛᱟᱭᱟ ᱾ ᱚᱱᱟ ᱛᱮ ᱩᱝᱠᱤᱱᱟᱜ ᱟᱭᱢᱟ ᱪᱷᱟᱯ ᱜᱮ ᱥᱟᱛᱨᱮᱭᱟᱜ ᱢᱩᱫ ᱨᱮ ᱧᱟᱢᱚᱜᱼᱟ ᱾ ᱥᱟᱛᱨᱮ ᱟᱨ(᱙) ᱩᱢᱮᱞ ᱛᱟᱦᱮᱱ ᱚᱠᱛᱮ ᱜᱮ ᱟᱡ ᱜᱚᱜᱚ ᱫᱚᱥᱟᱨᱮ ᱫᱷᱟᱣ ᱮ ᱵᱟᱯᱞᱟ ᱭᱮᱱᱟ ᱾ ᱚᱱᱟᱛᱮ ᱟᱡ ᱜᱚᱜᱚ ᱥᱟᱶ ᱥᱟᱛᱨᱮᱭᱟᱜ ᱥᱟᱹᱜᱟᱹᱭ ᱫᱚ ᱛᱷᱚᱲᱟ ᱯᱷᱟᱨᱟᱠᱮᱱᱟ ᱾ ᱤᱥᱠᱩᱞ ᱟᱨ ᱠᱚᱞᱮᱡᱽ ᱠᱷᱚᱱ ᱜᱮ ᱟᱹᱰᱤ ᱛᱩᱠᱷᱟᱹᱲᱮ ᱵᱩᱡᱽᱦᱟᱹᱜ ᱠᱟᱱ ᱛᱟᱦᱮᱱᱟ ᱾ ᱟᱹᱰᱤ ᱡᱮᱫᱤ ᱜᱤᱭ ᱛᱟᱦᱮ ᱠᱟᱱᱟ ᱠᱟᱹᱴᱤᱡ ᱠᱷᱚᱱ ᱾ ᱚᱱᱟ ᱛᱟᱭᱚᱢ ᱑᱙᱒᱕ ᱥᱮᱨᱢᱟ ᱨᱮᱭ ᱵᱷᱩᱨᱛᱤ ᱭᱮᱱᱟ ᱯᱷᱚᱨᱟᱥᱤ ᱵᱩᱫᱫᱷᱤᱡᱤᱵᱤ ᱠᱚᱣᱟᱜ ᱥᱩᱛᱟᱹᱢᱜᱟᱲ ᱢᱮᱱᱛᱮ ᱠᱚ ᱢᱮᱛᱟᱜ 'ᱤᱠᱳᱞᱮ ᱱᱚᱨᱢᱟᱞ ᱥᱩᱯᱤᱨᱤᱭᱚᱨ' ᱨᱮ ᱾ ᱵᱤᱰᱟᱹᱣ ᱨᱮ ᱯᱩᱭᱞᱩ ᱫᱷᱟᱣ ᱵᱟᱭ ᱫᱟᱲᱮ ᱞᱮᱱ ᱨᱮ ᱦᱚᱸ ᱫᱚᱥᱟᱨ ᱫᱷᱟᱣ ᱑᱙᱒᱙ ᱥᱮᱨᱢᱟ ᱨᱮᱭ ᱯᱟᱨᱚᱢᱮᱱᱟ ᱾
ᱢᱟᱪᱮᱫ ᱟᱨ ᱥᱟᱱᱟᱥᱤ ᱪᱤᱱᱛᱟᱹᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱮᱨᱤᱥ ᱨᱮᱱᱟᱜ ᱧᱤᱛᱩᱢᱟᱱ ᱵᱤᱫᱫᱟᱹᱜᱟᱲ ᱮᱠᱳᱞᱤ ᱱᱚᱨᱢᱟᱞ ᱥᱩᱯᱮᱨᱤᱭᱮᱨ ᱠᱷᱚᱱ ᱥᱟᱱᱟᱥ(philoshophy) ᱨᱮᱭ ᱰᱚᱠᱴᱚᱨᱮᱴ ᱠᱮᱫᱟ᱾ ᱯᱷᱨᱟᱱᱥ ᱟᱨ ᱫᱷᱟᱹᱨᱛᱤ ᱨᱮᱱ ᱧᱤᱛᱩᱢᱟᱱ ᱟᱭᱢᱟ ᱥᱟᱱᱟᱥᱤ ᱠᱚ ᱥᱟᱶ ᱩᱯᱲᱩᱢ ᱦᱩᱭᱮᱱ ᱛᱟᱭᱟ ᱾ ᱵᱟᱹᱭ ᱵᱟᱹᱭ ᱛᱮ ᱠᱮᱱᱴ, ᱦᱮᱜᱮᱞ ᱟᱨ ᱦᱮᱭᱰᱮᱜᱟᱨ ᱞᱮᱠᱟᱱ ᱥᱟᱱᱟᱥᱤ ᱠᱚᱣᱟᱜ ᱛᱷᱤᱣᱨᱤᱭᱮ ᱯᱟᱲᱦᱟᱣ ᱠᱮᱫᱟ ᱾ ᱱᱤᱭᱟᱹ ᱠᱚ ᱢᱩᱫ ᱨᱮᱜᱮ ᱑᱙᱒᱙ ᱥᱮᱨᱢᱟ ᱨᱮ ᱢᱟᱭᱡᱩ ᱚᱱᱚᱞᱤᱭᱟᱹ ᱥᱤᱢᱚᱱ ᱫᱚ ᱵᱳᱵᱷᱳᱸᱭᱟᱨ ᱥᱟᱶ ᱩᱯᱲᱩᱢ ᱦᱩᱭᱮᱱ ᱛᱟᱭᱟ ᱾ ᱩᱱᱤ ᱥᱟᱶ ᱫᱚ ᱡᱤᱭᱳᱱ ᱨᱮᱱᱟᱜ ᱢᱩᱪᱟᱹᱫ ᱫᱤᱱ ᱦᱟᱹᱵᱤᱡ ᱱᱟᱯᱟᱭ ᱥᱟᱹᱜᱟᱹᱭ ᱛᱟᱦᱮ ᱠᱟᱱᱛᱟᱭᱟ ᱾ ᱑᱙᱓᱑ ᱥᱮᱨᱢᱟ ᱨᱮ ᱥᱟᱱᱟᱥᱤ ᱨᱮᱱ ᱯᱨᱚᱯᱷᱮᱥᱚᱨ ᱞᱮᱠᱟ ᱛᱮ ᱦᱟᱨᱵᱷᱮ ᱨᱮᱭ ᱥᱮᱞᱮᱫ ᱮᱱᱟ ᱾ ᱑᱙᱓᱒ ᱥᱮᱨᱢᱟ ᱨᱮ ᱮᱥᱠᱚᱞᱟᱨᱥᱤᱯ ᱦᱟᱛᱟᱣ ᱠᱟᱛᱮᱜ ᱡᱟᱨᱢᱟᱱ ᱛᱮ ᱥᱟᱱᱟᱥᱤ ᱪᱮᱛᱟᱱ ᱟᱨᱦᱚᱸ ᱰᱮᱨ ᱯᱟᱲᱦᱟᱜ ᱞᱟᱹᱜᱤᱫ ᱮ ᱪᱟᱞᱟᱣ ᱮᱱᱟ ᱾ ᱚᱱᱟ ᱚᱠᱛᱚ ᱨᱮᱱ ᱤᱣᱨᱳᱯ ᱨᱮᱱ ᱧᱤᱛᱩᱢᱟᱱ ᱟᱭᱢᱟ ᱥᱟᱱᱟᱥᱤ ᱥᱟᱶ ᱧᱟᱯᱟᱢ ᱦᱩᱭᱮᱱ ᱛᱟᱭᱟ ᱾ ᱩᱱᱤ ᱫᱚ ᱑᱙᱓᱕ ᱥᱮᱨᱢᱟ ᱨᱮ ᱯᱮᱨᱤᱥ ᱨᱮᱱᱟᱜ ᱞᱤᱥᱮ ᱠᱚᱸᱫᱚᱨᱥ ᱨᱮ ᱯᱟᱲᱦᱟᱣ ᱮ ᱮᱦᱚᱵ ᱠᱫᱟ ᱾ ᱚᱱᱟ ᱥᱟᱶ ᱟᱡ ᱦᱚᱸ ᱮᱰᱢᱩᱱᱰ ᱦᱩᱥᱨᱚᱞ ᱟᱨ ᱢᱟᱨᱴᱤᱱ ᱦᱟᱭᱤᱛᱛᱳᱜᱟᱨ ᱴᱷᱮᱱ ᱥᱟᱱᱟᱥ ᱪᱤᱫ ᱮ ᱮᱦᱚᱵ ᱠᱮᱫᱟ ᱾ ᱚᱱᱟ ᱠᱚ ᱛᱮ ᱜᱤ ᱫᱚᱥᱟᱨ ᱫᱷᱟᱹᱨᱛᱤ ᱞᱟᱹᱲᱦᱟᱹᱭ ᱮᱦᱚᱵ ᱮᱱ ᱠᱷᱟᱱ ᱯᱷᱟᱹᱨᱥᱤ ᱥᱚᱭᱱᱤᱠ ᱨᱮ 'ᱢᱮᱴᱮᱨᱳᱞᱚᱡᱤᱥᱴ' ᱞᱮᱠᱟᱛᱮᱭ ᱥᱮᱞᱮᱫ ᱮᱱᱟ ᱾ ᱩᱱᱤ ᱫᱚ ᱱᱟᱛᱥᱤ ᱯᱟᱨᱴᱤ ᱴᱷᱮᱱ ᱦᱚᱸᱭ ᱥᱟᱵ ᱟᱪᱚᱞᱮᱱᱟ᱾ ᱡᱟᱨᱢᱟᱱ ᱴᱷᱮᱱ ᱵᱚᱱᱫᱤ ᱛᱟᱦᱮᱱ ᱚᱠᱛᱮ ᱜᱮ ᱟᱭᱟᱜ ᱯᱩᱭᱞᱩ ᱜᱟᱭᱟᱱ ᱫᱚᱭ ᱚᱞ ᱞᱮᱫᱟ ᱾ ᱨᱩᱣᱟᱹᱭᱮᱱ ᱠᱟᱨᱚᱢ ᱛᱮ ᱥᱮᱨᱢᱟ ᱠᱚᱛᱮ ᱜᱤ ᱱᱟᱡᱤ ᱵᱟᱦᱤᱱᱤ ᱥᱟᱛᱨᱮ ᱠᱚ ᱟᱲᱟᱜ ᱠᱟᱫᱮᱭᱟ ᱾ ᱞᱟᱹᱲᱦᱟᱹᱭ ᱟᱨ ᱞᱟᱹᱲᱦᱟᱹᱭ ᱚᱠᱛᱚ ᱥᱟᱛᱨᱮ ᱭᱟᱜ ᱢᱚᱱ ᱨᱮ ᱟᱹᱰᱤ ᱪᱷᱟᱯ ᱮᱱᱟ ᱾ ᱱᱤᱭᱟᱹ ᱚᱠᱛᱮ ᱯᱮᱨᱤᱥ ᱨᱮ ᱨᱩᱣᱟᱹᱲ ᱠᱟᱛᱮᱜ ᱢᱤᱫ ᱱᱟᱡᱤ ᱵᱤᱨᱩᱫᱷ ᱜᱟᱫᱮᱞ ᱥᱟᱶ ᱮ ᱥᱮᱞᱮᱫ ᱮᱱᱟ ᱾ ᱚᱱᱟ ᱥᱟᱶ ᱚᱞ ᱦᱚᱸᱭᱮ ᱪᱟᱞᱟᱣ ᱤᱫᱤ ᱠᱮᱫᱟ ᱾ ᱑᱙᱔᱔ ᱥᱮᱨᱢᱟ ᱨᱮ ᱯᱮᱨᱤᱥ ᱨᱮ ᱞᱟᱹᱲᱦᱟᱭ ᱪᱟᱵᱟᱜ ᱚᱠᱛᱮ ᱟᱢᱨᱤᱠᱟ ᱨᱮᱱᱟᱜ ᱵᱤᱫᱫᱟᱜᱟᱲ ᱠᱚ ᱨᱮ ᱵᱚᱠᱛᱤᱛᱟᱭ ᱮᱢ ᱞᱮᱫᱟ ᱾ ᱚᱱᱟ ᱛᱮ ᱟᱹᱰᱤᱭᱮ ᱧᱤᱛᱩᱢᱮᱱᱟ ᱾ ᱜᱚᱴᱟ ᱩᱱᱤᱭᱟᱜ ᱧᱤᱛᱩᱢ ᱯᱟᱥᱱᱟᱣ ᱮᱱ ᱛᱟᱭᱟ ᱾ ᱑᱙᱗᱑ ᱥᱮᱨᱢᱟ ᱨᱮ ᱟᱭᱟᱜ ᱱᱤᱡᱽ ᱡᱤᱭᱳᱱ ᱚᱞ 'ᱯᱷᱞᱚᱨᱮᱭᱟᱨ' ᱩᱪᱷᱟᱹᱱᱮᱱᱛᱟᱭᱟ ᱾
ᱨᱟᱡᱽᱱᱤᱛᱤ ᱡᱤᱭᱳᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱭᱟᱜ ᱡᱤᱭᱳᱱ ᱨᱮ ᱫᱚ ᱥᱚᱨᱟᱥᱚᱨᱤ ᱨᱟᱡᱽᱱᱤᱛᱤ ᱥᱟᱶ ᱡᱚᱯᱲᱟᱣ ᱫᱚ ᱵᱟᱭ ᱛᱟᱦᱮ ᱠᱟᱱᱟ ᱾ ᱢᱮᱠᱷᱟᱱ ᱟᱭᱟᱜ ᱚᱞ ᱠᱚ ᱨᱮ ᱠᱚᱢᱤᱣᱱᱤᱡᱚᱢ ᱥᱟᱯᱚᱨᱴ ᱨᱮᱱᱟᱜ ᱪᱷᱟᱯ ᱧᱟᱢᱚᱜᱼᱟ ᱾ ᱚᱱᱟ ᱵᱟᱹᱜᱤ ᱠᱟᱛᱮᱜ ᱦᱚᱸ ᱟᱭᱟᱜ ᱨᱟᱡᱽᱱᱤᱛᱤᱠ ᱯᱟᱹᱛᱤᱭᱟᱣ ᱟᱨ ᱨᱚᱲ ᱞᱟᱹᱜᱤᱫ ᱛᱮ ᱟᱭᱢᱟ ᱦᱚᱲ ᱜᱮ ᱠᱚ ᱨᱚᱲ ᱟᱠᱟᱫᱤᱭᱟ᱾ ᱟᱞᱡᱮᱨᱤᱭᱟ ᱨᱮ ᱯᱷᱚᱨᱟᱥᱤ ᱟᱜᱨᱟᱥᱚᱱ ᱟᱨ ᱟᱢᱨᱤᱠᱟ ᱣᱟᱜ ᱵᱷᱤᱭᱮᱛᱱᱟᱢ ᱞᱟᱹᱲᱦᱟᱹᱭ ᱟᱹᱰᱤᱭᱮ ᱥᱚᱢᱟᱞᱳᱪᱚᱱᱟ ᱟᱠᱟᱫᱟ ᱾ ᱚᱱᱟ ᱠᱷᱟᱹᱛᱤᱨ ᱟᱭᱟᱜ ᱚᱲᱟᱜ ᱨᱮ ᱵᱳᱢᱟ ᱠᱚ ᱜᱤᱰᱤ ᱞᱮᱫᱟ ᱾ ᱠᱮᱯᱤᱴᱟᱞᱤᱡᱚᱢ ᱟᱨ ᱤᱢᱯᱮᱨᱤᱭᱟᱞᱤᱡᱚᱢ ᱨᱮᱱᱟᱜ ᱵᱤᱨᱩᱫᱷ ᱟᱭᱢᱟ ᱫᱷᱟᱣᱮ ᱫᱤᱝᱜᱩ ᱞᱮᱱᱟ ᱾ ᱚᱱᱟᱛᱮ ᱟᱭᱢᱟ ᱫᱷᱟᱣ ᱥᱟᱛᱨᱮ ᱜᱚᱡ ᱨᱮᱱᱟᱜ ᱦᱚᱸ ᱠᱩᱨᱩᱢᱩᱴᱩ ᱦᱩᱭ ᱞᱮᱱᱟ ᱾
ᱥᱟᱶᱦᱮᱫ ᱠᱟᱹᱢᱤ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱠᱟ ᱠᱚ ᱚᱞ ᱠᱟᱨᱚᱢ ᱛᱮ ᱥᱟᱛᱨᱮ ᱫᱚ ᱟᱹᱰᱤᱭᱮ ᱧᱤᱛᱩᱢ ᱞᱮᱱᱟ ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱾
ᱜᱟᱢᱟᱢ, ᱜᱟᱭᱟᱱ ᱟᱨ ᱠᱟᱹᱴᱤᱡ ᱠᱟᱹᱦᱟᱹᱱᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱞᱟ ᱱᱟᱡᱤ(ᱯᱩᱭᱞᱩ ᱜᱟᱢᱟᱢ)
- ᱵᱮᱨᱤᱭᱚᱱᱟ(ᱯᱩᱭᱞᱩ ᱜᱟᱭᱟᱱ)
- ᱫᱚ ᱯᱷᱞᱟᱭᱤᱡᱽ
- ᱱᱳ ᱮᱠᱡᱤᱴ
- ᱫᱚ ᱮᱡᱽ ᱚᱵᱽ ᱨᱤᱡᱚᱱ
- ᱫᱚ ᱨᱮᱥᱯᱮᱠᱴᱯᱷᱩᱞ
- ᱫᱚ ᱵᱷᱤᱠᱴᱚᱨᱥ
- ᱫᱚ ᱪᱤᱯᱥ ᱟᱨ ᱰᱟᱣᱩᱱ
- ᱤᱱ ᱫᱚ ᱢᱮᱥ
- ᱰᱟᱨᱴᱤ ᱦᱮᱱᱰᱥ
- ᱴᱨᱟᱵᱚᱞᱰ ᱯᱤ
- ᱫᱚ ᱰᱮᱵᱷᱤᱞ ᱮᱱᱰ ᱫᱚ ᱜᱩᱰ ᱞᱚᱨᱰ
- ᱠᱤᱱ
- ᱫᱚ ᱢᱚᱱᱰᱮᱢᱰ ᱚᱵᱽ ᱟᱞᱴᱳᱱᱟ
- ᱫᱚ ᱴᱨᱳᱡᱟᱱ ᱚᱢᱮᱱ
- ᱫᱚ ᱯᱷᱨᱚᱰ ᱥᱤᱱᱟᱨᱤᱭᱚ
ᱥᱟᱱᱟᱥᱤ ᱚᱞ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱤᱢᱮᱡᱤᱱᱮᱥᱚᱱ; ᱮ ᱥᱟᱭᱠᱳᱞᱚᱡᱤᱠᱮᱞ ᱠᱨᱤᱴᱤᱠ
- ᱫᱚ ᱴᱨᱟᱱᱥᱮᱱᱰᱮᱱᱥ ᱚᱵᱽ ᱫᱚ ᱤᱜᱳ
- ᱮᱥᱠᱮᱪ ᱯᱷᱚᱨ ᱮ ᱛᱷᱤᱣᱨᱤ ᱚᱵᱽ ᱫᱚ ᱤᱢᱳᱥᱚᱱᱥ
- ᱫᱚ ᱤᱢᱮᱡᱤᱱᱟᱨᱤ
- ᱵᱤᱭᱤᱝ ᱮᱱᱰ ᱱᱟᱛᱷᱤᱝᱥ
- ᱮᱠᱥᱤᱥᱴᱮᱱᱥᱤᱭᱟᱞᱤᱡᱚᱢ ᱤᱡᱽ ᱮ ᱦᱤᱣᱢᱮᱱᱤᱡᱚᱢ
- ᱥᱟᱨᱪ ᱯᱷᱚᱨ ᱢᱮᱛᱷᱚᱫ
- ᱠᱨᱤᱴᱤᱠ ᱚᱵᱽ ᱰᱟᱭᱟᱞᱮᱠᱴᱤᱠᱮᱞ ᱨᱤᱡᱚᱱ
- ᱮᱱᱴᱤ ᱥᱮᱢᱟᱭᱤᱴ ᱮᱱᱰ ᱡᱤᱣ
- ᱵᱚᱫᱞᱮᱭᱟᱨ
- ᱥᱤᱪᱩᱭᱮᱥᱚᱱ ᱥᱤᱨᱤᱡᱽ (ᱢᱤᱫ ᱠᱷᱚᱱ ᱜᱮᱞ ᱫᱷᱟᱹᱵᱤᱡ)
- ᱵᱞᱮᱠ ᱚᱨᱯᱷᱤᱣᱡᱽ
- ᱫᱚ ᱦᱮᱱᱨᱤ ᱢᱟᱨᱴᱤᱱ ᱮᱯᱷᱮᱭᱟᱨ
ᱱᱤᱡᱽ ᱡᱤᱭᱳᱱ ᱚᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱥᱟᱛᱨᱮ ᱵᱟᱭ ᱦᱤᱢᱥᱮᱞᱯᱷ
- ᱫᱚ ᱚᱣᱟᱨᱰᱥ
- ᱩᱭᱤᱴᱱᱮᱥ ᱴᱩ ᱢᱟᱤ ᱞᱟᱭᱤᱯᱷ ᱠᱳᱣᱟᱭᱤᱴ ᱢᱳᱢᱮᱱᱴ ᱤᱱ ᱮ ᱚᱣᱟᱨ
- ᱚᱣᱟᱨ ᱰᱟᱭᱮᱨᱤ
ᱥᱟᱛᱨᱮ ᱟᱨ ᱵᱳᱵᱷᱤᱭᱟ ᱢᱤᱫ ᱛᱮ 'ᱞᱮᱥ ᱵᱷᱮᱡᱽᱯᱚᱥ ᱢᱳᱫᱟᱨᱱᱮᱥ' ᱧᱤᱛᱩᱢᱟᱱ ᱢᱤᱫ ᱯᱚᱛᱨᱤᱠᱟ ᱠᱤᱱ ᱩᱰᱩᱝᱞᱮᱫᱟ ᱾ ᱚᱱᱟ ᱚᱠᱛᱮ ᱚᱱᱟ ᱯᱚᱛᱨᱤᱠᱟ ᱟᱹᱰᱤ ᱯᱟᱥᱱᱟᱣ ᱞᱮᱱᱟ ᱾ ᱥᱟᱶᱷᱮᱫ ᱨᱮ ᱤᱱᱟᱹᱜ ᱮᱱᱮᱢ ᱛᱟᱦᱮᱠᱟᱱ ᱛᱮ ᱑᱙᱖᱔ ᱥᱮᱨᱢᱟ ᱨᱮ ᱥᱟᱶᱷᱮᱫ ᱞᱟᱹᱜᱤᱫ ᱱᱳᱵᱮᱞ ᱥᱤᱨᱯᱷᱟᱹᱭᱮ ᱧᱟᱢ ᱞᱮᱫᱟ ᱾ ᱢᱮᱱᱠᱷᱟᱱ ᱵᱟᱭ ᱦᱟᱛᱟᱣ ᱞᱮᱫᱟ ᱾
ᱜᱚᱡ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱸᱦᱮᱫ ᱯᱷᱤᱯᱲᱤ (ᱯᱷᱩᱥᱯᱷᱩᱥ) ᱨᱮ ᱜᱷᱟᱣ ᱟᱨ ᱦᱚᱲᱢᱚ ᱨᱮ ᱟᱭᱢᱟ ᱞᱮᱠᱟᱱ ᱨᱩᱣᱟᱹ ᱠᱟᱨᱚᱢ ᱛᱮ ᱑᱙᱘᱐ ᱥᱮᱨᱢᱟ ᱨᱮᱱᱟᱜ ᱑᱕ ᱮᱯᱨᱤᱞ ᱗᱔ ᱥᱮᱨᱢᱟ ᱩᱢᱮᱨ ᱨᱮ ᱯᱮᱨᱤᱥ ᱨᱮᱭ ᱜᱚᱡ ᱮᱱᱟ ᱡᱮᱸ ᱯᱳᱞ ᱥᱟᱛᱨᱮ ᱫᱚ᱾