ᱥᱟᱝ ᱱᱟᱹᱭ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱥᱟᱝ ᱱᱟᱹᱭ (ᱤᱝᱞᱤᱥ: Indus River) ᱫᱚ ᱮᱥᱤᱭᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱡᱤᱞᱤᱧ ᱜᱟᱰᱟ ᱠᱚ ᱢᱩᱸᱫᱽ ᱠᱷᱚᱱ ᱱᱚᱶᱟ ᱦᱚᱸ ᱢᱤᱫ ᱠᱟᱱᱟ ᱾ ᱱᱚᱶᱟ ᱫᱚ ᱯᱟᱠᱤᱥᱛᱟᱱ, ᱥᱤᱧᱚᱛ (ᱡᱟᱢᱢᱩ ᱟᱨ ᱠᱟᱥᱢᱤᱨ) ᱟᱨ ᱪᱤᱱ (ᱯᱟᱪᱮ ᱛᱤᱵᱽᱵᱚᱛ) ᱥᱮᱫ ᱛᱮ ᱞᱤᱸᱻᱡᱤᱜ ᱠᱟᱱᱟ ᱾ ᱥᱟᱝ ᱱᱟᱹᱭ ᱨᱮᱱᱟᱜ ᱚᱰᱚᱠ ᱴᱷᱟᱶ ᱫᱚ ᱢᱟᱱᱚᱥᱚᱵᱚᱨ ᱥᱩᱨ ᱥᱤᱱ-ᱠᱟ-ᱵᱟᱵᱽ ᱠᱷᱚᱱ ᱡᱷᱟᱨᱟᱶᱜ ᱠᱟᱱᱟ ᱾ ᱱᱚᱶᱟ ᱱᱟᱹᱭ ᱨᱮᱱᱟᱜ ᱡᱤᱞᱤᱧ ᱫᱚ ᱒᱘᱘᱐ ᱠᱤᱞᱚᱢᱤᱴᱚᱨ ᱜᱟᱱ ᱦᱩᱭᱩᱜᱼᱟ ᱾ ᱱᱚᱸᱰᱮ ᱠᱷᱚᱱ ᱱᱚᱶᱟ ᱜᱟᱰᱟ ᱛᱤᱵᱽᱵᱚᱛ ᱟᱨ ᱠᱟᱥᱢᱤᱨ ᱛᱟᱞᱟ ᱛᱮ ᱞᱤᱸᱡᱤᱜ ᱠᱟᱱᱟ ᱾ ᱜᱟᱝ ᱵᱩᱨᱩ ᱨᱮᱱᱟᱜ ᱮᱛᱚᱢ ᱥᱮᱫ ᱛᱮ ᱠᱚᱧᱮ ᱯᱟᱪᱮ ᱨᱮ ᱯᱟᱠᱤᱥᱛᱟᱱ ᱛᱟᱞᱟ ᱛᱮ ᱞᱤᱸᱡᱤ ᱠᱟᱛᱮ ᱟᱨᱚᱵᱽ ᱢᱟᱦᱟᱫᱚᱨᱭᱟ ᱨᱮ ᱫᱩᱞ ᱢᱤᱫ ᱟᱠᱟᱱᱟ ᱾ᱱᱚᱶᱟ ᱜᱟᱰᱟ ᱨᱮᱱᱟᱜ ᱵᱟᱹᱲᱛᱤ ᱜᱟᱱ ᱦᱟᱹᱴᱤᱧ ᱫᱚ ᱯᱟᱠᱤᱥᱛᱟᱱ ᱨᱮ ᱞᱤᱸᱡᱤᱜ ᱠᱟᱱᱟ ᱾ ᱱᱚᱶᱟ ᱫᱚ ᱯᱟᱠᱤᱥᱛᱟᱱ ᱨᱮᱱᱟᱜ ᱡᱚᱛᱚ ᱠᱷᱚᱱ ᱡᱤᱞᱤᱧ ᱜᱟᱰᱟ ᱟᱨ ᱡᱟᱹᱛᱤᱭᱟᱹᱨᱤ ᱜᱟᱰᱟ ᱠᱟᱱᱟ ᱾

ᱥᱟᱝ ᱱᱟᱹᱭ ᱨᱮᱱᱟᱜ ᱢᱚᱬᱮ ᱜᱚᱴᱟᱝ ᱦᱚᱯᱚᱱ ᱱᱟᱹᱭ ᱢᱮᱱᱟᱜ ᱠᱚᱶᱟ ᱫᱚ, ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ : ᱵᱤᱛᱚᱥᱛᱟ, ᱪᱚᱱᱫᱽᱨᱚᱵᱷᱟᱜᱟ, ᱚᱭᱨᱟᱵᱩᱛᱤ ᱟᱨ ᱥᱚᱛᱚᱱᱫᱽᱨᱩ ᱾ ᱥᱚᱛᱞᱮᱡᱽ/ᱥᱚᱛᱚᱱᱫᱽᱨᱩ ᱱᱟᱹᱭ ᱪᱮᱛᱟᱱ ᱨᱮ ᱵᱮᱱᱟᱶ ᱟᱠᱟᱱᱟ ᱵᱷᱟᱠᱨᱟ-ᱱᱚᱝᱜᱚᱞ ᱰᱮᱢ ᱫᱟᱜ ᱦᱟᱹᱴᱤᱧ ᱟᱨ ᱵᱤᱡᱽᱞᱤ ᱛᱮᱭᱟᱨ ᱨᱮ ᱟᱹᱰᱤᱜᱟᱱ ᱥᱩᱵᱤᱫᱷᱟ ᱦᱩᱭᱩᱜ ᱠᱟᱱᱟ ᱾ ᱱᱚᱶᱟ ᱫᱤ ᱛᱮ ᱯᱚᱧᱡᱟᱵᱽ ᱟᱨ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱮᱱᱟᱜ ᱵᱟᱹᱫᱽ-ᱵᱟᱹᱭᱦᱟᱹᱲ ᱨᱮᱱᱟᱜ ᱨᱩᱯ ᱜᱮ ᱵᱚᱫᱚᱞ ᱩᱛᱟᱹᱨ ᱟᱠᱟᱫ ᱟᱭ ᱾ ᱵᱤᱛᱚᱥᱛᱟ (ᱡᱷᱮᱞᱚᱢ) ᱱᱟᱹᱭ ᱨᱮᱱᱟᱜ ᱰᱷᱤᱯ ᱨᱮ ᱡᱟᱹᱢᱩ ᱠᱟᱹᱥᱢᱤᱨ ᱨᱮᱱᱟᱜ ᱨᱟᱡᱽᱜᱟᱲ ᱢᱮᱱᱟᱜᱼᱟ ᱾

ᱩᱯᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱝ ᱱᱟᱹᱭ ᱫᱚ ᱮᱛᱚᱢ ᱥᱤᱧᱚᱛ ᱨᱮᱱᱟᱜ ᱯᱮᱭᱟ ᱢᱟᱨᱟᱝ ᱱᱟᱹᱭ ᱢᱩᱸᱫᱽ ᱠᱷᱚᱱ ᱢᱤᱫ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱥᱤᱨᱤᱡᱽ ᱢᱟᱨᱟᱝ ᱦᱮᱢᱟᱞ ᱵᱩᱨᱩ ᱨᱮᱱᱟᱜ ᱠᱚᱭᱞᱟᱥ ᱠᱷᱚᱱ ᱖᱒ᱹ᱕ ᱢᱟᱭᱤᱞ ᱥᱟᱹ ᱝᱜᱤᱧ ᱜᱟᱱ ᱮᱛᱚᱢ ᱥᱮᱫᱥᱮᱸᱜᱮᱠᱷᱟᱵᱽᱵᱟ ᱡᱷᱟᱨᱟᱶ ᱨᱮ ᱢᱮᱱᱟᱜᱼᱟ ᱾ ᱚᱸᱰᱮ ᱠᱷᱚᱱ ᱚᱰᱚᱠ ᱠᱟᱛᱮ ᱛᱤᱵᱽᱵᱚᱛ ᱨᱮᱱᱟᱜ ᱪᱚᱶᱲᱤ ᱜᱷᱟ,ᱴᱤ ᱥᱮᱫ ᱛᱮ ᱠᱟᱹᱥᱢᱤᱨ ᱥᱤᱢᱟᱹ ᱯᱟᱨᱚᱢ ᱠᱟᱛᱮ, ᱠᱚᱧᱮᱼᱯᱟᱪᱮ ᱥᱮᱦᱮᱫ ᱨᱮ ᱨᱮᱜᱤᱥᱛᱟᱱ ᱟᱨ ᱠᱚᱨᱟᱪᱤ ᱥᱮᱫ ᱛᱮ ᱟᱨᱚᱵᱽ ᱢᱟᱦᱟᱫᱚᱨᱭᱟ ᱨᱮ ᱧᱩᱨᱩᱜ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱡᱤᱞᱤᱧ ᱢᱚᱴᱟᱢᱩᱴᱤ ᱒᱐᱐᱐ ᱠᱤᱞᱚᱢᱤᱴᱚᱨ ᱜᱟᱱ ᱦᱩᱭᱩᱜ ᱟ ᱾ ᱵᱟᱞᱤᱛᱤᱥᱛᱟᱱ ᱨᱮᱱᱟᱜ ᱠᱷᱟᱭᱛᱟᱥᱚ ᱟᱹᱛᱩ ᱥᱩᱨ ᱨᱮ ᱑᱐,᱐᱐᱐ ᱠᱷᱚᱱ ᱵᱟᱹᱲᱛᱤ ᱜᱟᱹᱦᱤᱨ ᱰᱚᱰᱷᱟᱭ ᱵᱮᱱᱟᱶ ᱟᱠᱟᱫᱟ, ᱡᱟᱦᱟᱸ ᱫᱚ ᱡᱮᱜᱮᱛ ᱨᱮᱱᱟᱜ ᱢᱟᱨᱟᱝ ᱰᱚᱰᱷᱟ ᱠᱷᱚᱱ ᱢᱤᱫ ᱠᱟᱱᱟ ᱾

ᱚᱛᱱᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱟᱝ ᱱᱟᱹᱭ

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]