ᱥᱟᱦᱟᱨᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Sahara satellite hires

ᱥᱟᱦᱟᱨᱟ ᱥᱮ ᱥᱟᱦᱟᱨᱟ ᱦᱟᱦᱟᱝᱠᱟᱨ (ᱜᱤᱛᱤᱞ ᱫᱷᱟᱹᱨᱛᱤ) ᱫᱚ ᱫᱷᱟᱹᱨᱛᱤ ᱨᱮᱱᱟᱜ ᱢᱟᱨᱟᱝ ᱩᱛᱟᱹᱨ ᱜᱤᱛᱤᱞ ᱫᱷᱟᱹᱨᱛᱤ ᱥᱮ ᱢᱚᱨᱩᱵᱷᱩᱢᱤ ᱠᱟᱱᱟ ᱱᱤᱭᱟᱹ᱾ ᱱᱤᱭᱟᱹ ᱫᱚ ᱢᱮᱱᱟᱜᱼᱟ ᱟᱯᱷᱨᱤᱠᱟ ᱢᱚᱦᱟᱫᱮᱥ ᱨᱮ᱾ ᱥᱟᱦᱟᱨᱟ ᱫᱚ ᱟᱨᱵᱤ ᱟᱹᱲᱟᱹ ᱠᱷᱚᱱ ᱦᱮᱡ ᱟᱠᱟᱱᱟ᱾ ᱥᱟᱦᱟᱨᱟ ᱫᱚ ᱙᱐,᱐᱐,᱐᱐,᱐᱐ ᱤᱥᱠᱩᱭᱟᱨ ᱠᱤᱞᱳᱢᱤᱴᱟᱨ ᱵᱮᱲᱦᱟᱭ ᱛᱮ ᱢᱮᱱᱟᱜᱼᱟ᱾ ᱚᱸᱰᱮ ᱢᱟᱱᱣᱟ ᱒᱐,᱐᱐,᱐᱐,᱐᱐ ᱠᱷᱚᱱ ᱰᱷᱤᱨ ᱫᱚ ᱵᱟᱹᱱᱩᱜ ᱠᱚᱣᱟ᱾ ᱵᱩᱨᱩ, ᱢᱟᱞᱵᱷᱩᱢᱤ, ᱜᱤᱛᱤᱞ, ᱵᱟᱝ ᱟᱵᱟᱫᱚᱜ ᱡᱚᱢᱤ ᱟᱨ ᱛᱷᱚᱲᱟ ᱫᱟᱨᱮ ᱠᱚ ᱦᱚᱸ ᱢᱮᱱᱟᱜᱼᱟ᱾ ᱫᱟᱜ ᱫᱚ ᱠᱩᱧ ᱠᱷᱚᱱ ᱜᱮ ᱧᱟᱢᱚᱜᱼᱟ᱾

Algérie 2009

ᱯᱟᱥᱱᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Libya 4985 Tadrart Acacus Luca Galuzzi 2007

ᱢᱤᱥᱳᱨ, ᱢᱚᱨᱚᱠᱠᱳ, ᱟᱞᱡᱮᱨᱤᱭᱟ, ᱛᱤᱣᱱᱤᱥᱤᱭᱟ, ᱞᱤᱵᱤᱭᱟ, ᱪᱟᱸᱫᱽ, ᱥᱩᱫᱟᱱ, ᱱᱟᱤᱡᱟᱨ, ᱢᱟᱞᱤ ᱱᱤᱭᱟᱹ ᱠᱚ ᱫᱤᱥᱟᱹᱢ ᱨᱮ ᱥᱟᱦᱟᱨᱟ ᱫᱚ ᱯᱟᱥᱱᱟᱣ ᱟᱠᱟᱱᱟ। ᱱᱚᱣᱟ ᱥᱟᱦᱟᱨᱟ ᱦᱟᱦᱟᱝᱠᱟᱨ ᱫᱚ ᱙ ᱱᱤᱡᱩᱛ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ (᱓,᱕᱐᱐,᱐᱐᱐ ᱪᱟᱹᱣᱠᱟᱹ ᱢᱟᱭᱤᱞ) ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ, ᱚᱠᱟ ᱫᱚ ᱟᱯᱷᱨᱤᱠᱟ ᱢᱟᱨᱟᱝ ᱫᱤᱥᱚᱢ ᱨᱮᱭᱟᱜ ᱥᱟᱭ ᱠᱟᱲᱟ ᱓᱒% ᱦᱤᱸᱥ ᱴᱚᱴᱷᱟᱭ ᱴᱚᱯᱟᱨ ᱟᱠᱟᱫ| ᱥᱮᱨᱢᱟ ᱨᱮ ᱒᱕ ᱢᱤᱞᱤ ᱢᱤᱨᱟᱨ ᱠᱷᱚᱱ ᱠᱚᱢ ᱫᱟᱜ ᱧᱩᱨᱩᱜ ᱡᱚᱛᱚ ᱴᱚᱴᱷᱟ ᱜᱮ ᱱᱤᱭᱟ ᱥᱟᱦᱟᱨᱟ ᱦᱟᱦᱝᱠᱟᱨ ᱨᱮ ᱥᱮᱞᱮᱫ ᱞᱮᱱᱠᱷᱟᱱ, ᱥᱟᱦᱟᱨᱟ ᱨᱮᱭᱟᱜ ᱴᱚᱴᱷᱟ ᱫᱚ ᱑᱑ ᱱᱤᱡᱩᱛ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ (᱔,᱒᱐᱐,᱐᱐᱐ ᱪᱟᱹᱣᱠᱟᱹ ᱢᱟᱭᱤᱞ) ᱦᱩᱭᱩᱜ-ᱟ| ᱱᱚᱣᱟ ᱫᱚ ᱟᱯᱷᱨᱤᱠᱟ ᱢᱟᱨᱟᱝ ᱫᱤᱥᱚᱢ ᱨᱮᱭᱟᱜ ᱯᱮᱭᱟ ᱢᱟᱨᱟᱝ ᱚᱴᱸᱚᱛ ᱦᱟᱯᱟᱴᱤᱧ ᱠᱷᱚᱱᱰ ᱨᱮᱭᱟᱜ ᱢᱤᱫ ᱢᱟᱨᱟᱝ ᱦᱤᱸᱥ ᱠᱟᱱᱟ|

ᱢᱤᱱᱟᱨᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱦᱟᱨᱟ ᱨᱮᱱᱟᱜ ᱞᱤᱵᱤᱭᱟ ᱟᱨ ᱟᱞᱡᱮᱨᱤᱭᱟ ᱨᱮ ᱟᱭᱢᱟ ᱥᱩᱱᱩᱢ ᱟᱨ ᱱᱮᱪᱟᱨᱟᱞ ᱜᱮᱥ ᱧᱟᱢᱚᱜᱼᱟ᱾ ᱚᱱᱟ ᱵᱟᱨᱦᱮ ᱨᱮᱦᱚᱸ ᱱᱚᱸᱰᱮ ᱛᱟᱢᱟ, ᱢᱮᱲᱦᱮᱫ, ᱯᱷᱚᱥᱯᱷᱮᱴ ᱮᱢᱟᱱ ᱢᱤᱱᱟᱨᱮᱞ (minerals) ᱢᱮᱱᱟᱜᱼᱟ᱾

ᱦᱚᱭ ᱦᱟᱣᱮᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱸᱰᱮ ᱱᱟᱜ ᱦᱚᱭ ᱫᱚ ᱟᱹᱰᱤ ᱞᱚᱞᱚ ᱟᱨ ᱦᱟᱣᱮᱛ ᱜᱮᱭᱟ᱾ ᱢᱤᱫ ᱥᱮᱨᱢᱟ ᱨᱮ ᱮᱵᱷᱟᱨᱮᱡ ᱫᱟᱜ ᱦᱩᱭᱩᱜᱼᱟ ᱒᱐ ᱥᱮᱱᱴᱤᱢᱤᱴᱟᱨ ᱠᱷᱚᱱ ᱛᱷᱚᱲᱟ᱾ ᱫᱤᱱ ᱨᱮ ᱫᱚ ᱟᱹᱰᱤ ᱜᱟᱨᱢᱟᱣᱟ ᱟᱨ ᱧᱤᱫᱟᱹ ᱫᱚ ᱨᱟᱵᱟᱝᱟ᱾ ᱚᱠᱟ ᱠᱚ ᱚᱠᱛᱮ ᱫᱚ ᱵᱩᱨᱩ ᱠᱚ ᱨᱮᱱᱟᱜ ᱟᱜᱟᱞ ᱨᱮ ᱵᱚᱨᱚᱯ ᱦᱚᱸ ᱡᱟᱣᱨᱟᱜ ᱜᱮᱭᱟ᱾ ᱨᱮᱭᱟᱲ ᱠᱷᱚᱱ ᱥᱤᱛᱩᱝ ᱪᱟᱸᱱᱫᱚ ᱨᱮ ᱫᱚ ᱴᱮᱢᱯᱟᱨᱮᱪᱟᱨ ᱑᱐ ᱰᱤᱜᱨᱤ ᱠᱷᱚᱱ ᱔᱓ ᱰᱤᱜᱨᱤ ᱫᱷᱟᱹᱵᱤᱡ ᱨᱟᱠᱟᱵ ᱯᱷᱮᱰᱚᱜᱼᱟ᱾

ᱢᱟᱱᱣᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱷᱤᱨ ᱵᱷᱟᱜ ᱜᱮ ᱫᱤᱥᱟᱹᱢ ᱫᱟᱲᱟᱱ ᱦᱚᱲ ᱠᱟᱱᱟ ᱠᱚ᱾ ᱩᱱᱠᱩ ᱫᱚ ᱢᱮᱨᱚᱢ, ᱵᱷᱤᱰᱤ, ᱟᱨ ᱩᱴ ᱠᱚ ᱟᱹᱥᱩᱞ ᱠᱚᱣᱟ ᱟᱨ ᱫᱟᱜ ᱨᱮᱱᱟᱜ ᱥᱮᱱᱫᱽᱨᱟ ᱨᱮ ᱠᱚ ᱫᱟᱲᱟᱱᱟ᱾

ᱫᱟᱨᱮ ᱱᱟᱹᱲᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱤᱛᱤᱞ ᱫᱷᱟᱹᱨᱛᱤ ᱥᱟᱦᱟᱨᱟ ᱨᱮ ᱠᱟᱹᱴᱤᱡ ᱫᱟᱨᱮ, ᱜᱷᱟᱸᱥ ᱟᱨ ᱱᱟᱹᱲᱤ ᱠᱚ ᱢᱮᱱᱟᱜᱼᱟ᱾ ᱫᱟᱜ ᱧᱟᱢ ᱞᱟᱹᱜᱤᱫ ᱛᱮ ᱚᱸᱰᱮᱱᱟᱜ ᱫᱟᱨᱮ ᱠᱚ ᱨᱮᱱᱟᱜ ᱨᱮᱦᱮᱫ ᱫᱚ ᱦᱟᱥᱟ ᱞᱟᱛᱟᱨ ᱟᱹᱰᱤ ᱜᱟᱹᱦᱤᱨ ᱪᱟᱞᱟᱣ ᱟᱠᱟᱱᱟ᱾ ᱟᱭᱢᱟ ᱚᱠᱛᱮ ᱦᱚᱭ ᱨᱮᱱᱟᱜ ᱫᱟᱜ ᱥᱟᱠᱟᱢ ᱛᱮ ᱫᱟᱨᱮ ᱫᱚ ᱠᱚ ᱦᱟᱛᱟᱣᱟ᱾

ᱪᱮᱬᱮ ᱪᱩᱯᱨᱩᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱤᱧ, ᱠᱟᱠᱲᱟ, ᱠᱷᱤᱸᱠᱲᱤ ᱞᱮᱠᱟᱱ ᱟᱭᱢᱟ ᱡᱤᱵᱽ ᱡᱤᱭᱟᱹᱞᱤ ᱠᱚ ᱢᱮᱱᱟᱜ ᱠᱚᱣᱟ᱾ ᱫᱤᱥᱟᱹᱢ ᱫᱟᱲᱟᱱ ᱦᱚᱲ ᱟᱨ ᱵᱮᱯᱟᱨᱤ ᱠᱚ ᱫᱚ ᱩᱴ ᱛᱮ ᱡᱤᱱᱤᱥ ᱠᱚ ᱠᱚ ᱤᱫᱤ ᱟᱹᱜᱩᱭᱟ᱾ ᱗᱐ ᱞᱮᱠᱟᱱ ᱛᱚᱣᱟ ᱧᱩᱣᱟᱱ (স্তন্যপায়ী), ᱙᱐ ᱞᱮᱠᱟᱱ ᱪᱮᱬᱮ, ᱑᱐᱐ ᱞᱮᱠᱟᱱ ᱛᱟᱵᱮᱨ ᱪᱟᱞᱟᱜ ᱡᱤᱭᱟᱹᱞᱤ (সরীসৃপ) ᱠᱚ ᱟᱨ ᱛᱷᱚᱲᱟ ᱛᱤᱡᱩ ᱞᱮᱠᱟᱱ ᱠᱚ ᱦᱚᱸ ᱢᱮᱱᱟᱜ ᱠᱚᱣᱟ᱾

ᱥᱮᱫᱟᱭ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱐,᱐᱐ ᱥᱮᱨᱢᱟ ᱞᱟᱦᱟ ᱨᱮ ᱥᱟᱦᱟᱨᱟ ᱨᱮᱱᱟᱜ ᱦᱚᱭ ᱨᱮ ᱫᱟᱜ ᱟᱨ ᱨᱮᱭᱟᱲ ᱛᱟᱦᱮ ᱠᱟᱱᱟ᱾ ᱢᱤᱫ ᱵᱟᱨ ᱞᱮᱠ (lake) ᱟᱨ ᱠᱟᱹᱴᱤᱡ ᱠᱷᱟᱹᱲᱤ ᱦᱚᱸ ᱢᱮᱟᱜ ᱢᱮᱱᱛᱮ ᱵᱟᱰᱟᱭ ᱟᱠᱟᱱᱟ᱾ ᱧᱮᱛᱚᱜ ᱥᱟᱦᱟ ᱨᱮᱱᱟᱜ ᱟᱭᱢᱟ ᱵᱩᱨᱩ ᱫᱟᱸᱫᱮᱨ ᱠᱚ ᱨᱮ ᱢᱟᱱᱣᱟ ᱠᱚᱣᱟᱜ ᱯᱟᱧᱡᱟ ᱟᱨ ᱩᱱᱠᱩᱣᱟᱜ ᱵᱮᱣᱦᱟᱨ ᱡᱤᱱᱤᱥ ᱠᱚ ᱧᱟᱢ ᱟᱠᱟᱱᱟ᱾ ᱚᱠᱟ ᱧᱮᱞ ᱛᱮ ᱵᱩᱡᱽᱦᱟᱹᱜᱼᱟ ᱚᱸᱰᱮ ᱥᱮᱫᱟᱭ ᱫᱟᱜ ᱧᱟᱢᱚᱜ ᱠᱟᱱ ᱛᱟᱦᱮᱱᱟ᱾ ᱱᱚᱛᱮ ᱦᱟᱹᱛᱤ, ᱡᱤᱨᱟᱯᱷ ᱟᱨ ᱮᱴᱟᱜ ᱡᱟᱱᱣᱟᱨ ᱠᱚ ᱦᱚᱸ ᱠᱚ ᱛᱟᱦᱮ ᱠᱟᱱᱟ᱾

ᱯᱷᱮᱰᱮᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]