ᱥᱟᱨᱚᱫᱟ ᱥᱤᱱᱦᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱥᱟᱨᱚᱫᱟ ᱥᱤᱱᱦᱟ (ᱤᱝᱞᱤᱥSharda Sinha(᱑ ᱚᱠᱴᱚᱵᱚᱨ ᱑᱙᱕᱒) ᱫᱚ ᱢᱤᱫ ᱥᱟᱶᱛᱟ ᱟᱹᱤ ᱥᱮᱨᱮᱧᱤᱡ ᱠᱟᱱᱟᱭ ᱾ ᱩᱱᱤ ᱫᱚ ᱵᱟᱲᱛᱤ ᱠᱟᱛᱮ ᱢᱚᱭᱛᱷᱤᱞᱤ ᱯᱟᱹᱨᱥᱤ ᱛᱮ ᱥᱮᱨᱮᱧᱟᱭ ᱾ ᱪᱷᱚᱴᱯᱩᱡᱟ (ᱪᱷᱚᱴ ᱵᱳᱸᱜᱟ) ᱨᱮᱱᱟᱜ ᱢᱚᱭᱛᱷᱤᱞᱤ ᱵᱷᱚᱨᱥᱚᱱ (Version) ᱵᱮᱱᱟᱣ ᱠᱟᱛᱮ ᱦᱚᱲ ᱥᱟᱢᱟᱝ ᱨᱮ ᱩᱯᱨᱩᱢ ᱮ ᱛᱤᱝᱜᱩ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱫᱚ 'ᱦᱳ ᱫᱤᱱᱟᱱᱟᱛᱷ' ᱮ ᱧᱩᱛᱩᱢ ᱞᱮᱫ ᱛᱟᱦᱮᱸᱫ ᱾ ᱥᱟᱹᱦᱤᱛ ᱒᱐᱑᱘ ᱨᱮ ᱥᱤᱧᱚᱛ ᱨᱮᱱᱟᱜ ᱡᱚᱛᱳ ᱠᱷᱚᱱ ᱢᱟᱨᱟᱝ ᱢᱟᱹᱱ ᱥᱟᱨᱦᱟᱣ ᱯᱚᱫᱽᱢᱚ ᱵᱷᱩᱥᱚᱬ ᱮ ᱧᱟᱢ ᱞᱮᱫ ᱴᱟᱦᱮᱸᱫ ᱾ [᱑][᱒]

ᱩᱯᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱩᱞᱟᱥ, ᱨᱚᱜᱷᱚᱯᱩᱨ, ᱥᱩᱯᱚᱣᱞ ᱦᱚᱱᱚᱛ, ᱵᱤᱦᱟᱨ ᱨᱮ ᱥᱤᱱᱦᱟ ᱫᱚᱭ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾[᱓] ᱩᱱᱤ ᱫᱚ ᱢᱚᱭᱛᱷᱤᱞᱤ ᱥᱟᱶᱛᱟ ᱟᱹᱨᱤ ᱥᱮᱨᱮᱧ ᱮᱦᱚᱵ ᱠᱟᱛᱮ ᱟᱡᱟᱜ ᱟᱨᱡᱟᱣ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾[᱓] ᱥᱟᱨᱚᱫᱟ ᱥᱤᱱᱦᱟ ᱫᱚ ᱢᱚᱭᱛᱷᱤᱞᱤ, ᱵᱷᱚᱡᱽᱯᱩᱨᱤ ᱟᱨ ᱢᱚᱜᱚᱫᱷᱤ ᱯᱟᱹᱨᱥᱤ ᱛᱮ ᱥᱮᱨᱮᱧᱮᱫ ᱛᱟᱦᱮᱸᱫ ᱟᱨ ᱱᱚᱶᱟ ᱠᱚ ᱥᱮᱨᱮᱧ ᱮᱛᱟᱱ ᱟᱡᱟᱜ ᱮᱱᱮᱢ ᱠᱷᱟᱹᱛᱤᱨ ᱯᱚᱫᱽᱢᱚᱥᱨᱤ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾[᱔] ᱯᱨᱚᱭᱟᱜᱽ ᱨᱮ ᱯᱨᱚᱭᱟᱜᱽ ᱥᱮᱱᱮᱨᱮᱧ ᱜᱟᱶᱛᱟ ᱦᱚᱛᱮᱛᱮ ᱥᱟᱯᱲᱟᱣ ᱞᱮᱱ ᱵᱚᱥᱚᱱᱛᱚ ᱯᱚᱧᱪᱚᱢᱤ ᱯᱟᱨᱟᱵᱽ ᱨᱮ ᱚᱱᱟ ᱧᱩᱛᱩᱢ ᱛᱮ ᱟᱭᱢᱟ ᱥᱮᱨᱮᱧᱮ ᱥᱮᱨᱮᱧ ᱞᱮᱫ ᱛᱟᱦᱮᱸᱫ, [᱕] ᱡᱟᱦᱟᱸ ᱫᱚ ᱥᱟᱶᱛᱟ ᱟᱹᱨᱮ ᱥᱮᱨᱮᱧ ᱨᱟᱦᱟ ᱛᱮ ᱵᱚᱥᱚᱛᱚ ᱨᱤᱛᱩ ᱨᱮᱱᱟᱜ ᱜᱩᱱ ᱠᱚᱭ ᱯᱷᱩᱴᱟᱹᱣ ᱜᱟᱞᱟᱝ ᱨᱟᱠᱟᱵ ᱞᱮᱫ ᱛᱟᱦᱮᱸᱫ ᱾[᱖][᱗] ᱢᱚᱨᱤᱥᱚᱥ ᱨᱤᱱᱤᱡ ᱢᱟᱨᱟᱝ ᱢᱚᱛᱨᱤ ᱱᱚᱵᱤᱱ ᱨᱟᱢᱜᱩᱞᱟᱢ ᱵᱤᱦᱟᱨ ᱮ ᱦᱮᱡ ᱞᱮᱱ ᱡᱚᱠᱷᱟᱜ ᱥᱟᱨᱚᱫᱟ ᱫᱚᱭ ᱥᱮᱨᱮᱧ ᱞᱮᱫ ᱛᱟᱦᱮᱸᱫ ᱾[᱘][᱙]

᱒᱐᱑᱐ ᱥᱟᱹᱦᱤᱛ ᱨᱮ ᱱᱟᱶᱟ ᱫᱤᱞᱞᱤ ᱨᱮᱱᱟᱜ ᱯᱨᱚᱜᱚᱛᱤ ᱰᱟᱹᱦᱤ (ᱢᱟᱭᱫᱟᱱ) ᱨᱮ ᱥᱟᱯᱲᱟᱣ ᱞᱮᱱ ᱵᱤᱦᱟᱨ ᱯᱟᱨᱟᱵᱽ ᱨᱮ ᱥᱮᱨᱮᱧ ᱥᱮᱨᱮᱧ ᱞᱮᱫ ᱛᱟᱦᱮᱸᱫ ᱾[᱑᱐]

᱑᱙᱘᱙ ᱥᱟᱹᱦᱤᱛ ᱨᱮ ᱢᱤᱫ ᱥᱚᱨᱮᱥ ᱯᱷᱤᱞᱢ ᱢᱮᱱᱮ ᱯᱭᱟᱨ ᱠᱤᱭᱟ ᱨᱮ 'ᱠᱟᱦᱮ ᱛᱚᱦᱮ ᱥᱮ ᱥᱟᱡᱽᱱᱟ', ᱜᱮᱝᱜᱽᱥ ᱚᱯᱷ ᱣᱟᱥᱤᱯᱩᱨ ᱒ ᱨᱮ 'ᱛᱟᱨ ᱵᱤᱡᱽᱞᱤ' ᱟᱨ ᱪᱟᱨᱯᱷᱩᱨᱛᱤᱭᱟ ᱪᱷᱚᱠ ᱯᱷᱤᱞᱢ ᱨᱮᱱᱟᱜ 'ᱠᱚᱣᱱ ᱥᱤ ᱱᱟᱜᱟᱨᱤᱭᱟ' ᱥᱮᱨᱮᱧ ᱢᱩᱢᱵᱟᱭ ᱨᱮ ᱥᱮᱨᱮᱧ ᱞᱮᱫ ᱛᱟᱦᱮᱸᱫ ᱾


ᱥᱟᱨᱚᱫᱟ ᱥᱤᱱᱦᱟ ᱟᱨ ᱪᱷᱚᱴ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱐ ᱥᱮᱨᱢᱟ ᱨᱤᱱᱤᱡ ᱥᱟᱶᱛᱟ ᱟᱹᱨᱤ ᱥᱮᱨᱮᱧᱤᱡ ᱡᱟᱦᱟᱸᱭᱟᱜ ᱧᱩᱛᱩᱢ ᱫᱚ ᱪᱷᱚᱴ ᱥᱟᱶ ᱡᱩᱲᱹᱟᱣ ᱟᱠᱟᱱᱟ, ᱩᱱᱤ ᱥᱟᱨᱚᱫᱟ ᱥᱤᱱᱦᱟ ᱒᱐᱑᱖ ᱥᱟᱹᱦᱤᱛ ᱪᱷᱚᱴ ᱯᱟᱨᱟᱵᱽ ᱧᱩᱛᱩᱢ ᱛᱮ ᱵᱟᱨᱭᱟ ᱥᱮᱨᱮᱧᱮ ᱥᱮᱨᱮᱧ ᱞᱮᱫ ᱛᱟᱦᱮᱸᱫ ᱾[᱑᱑] ᱒᱐᱐᱖ ᱥᱟᱹᱦᱤᱛ ᱨᱮ ᱟᱡᱟᱜ ᱢᱩᱪᱷᱟᱹᱛ ᱵᱟᱝᱵᱩᱨᱩ ᱵᱷᱚᱠᱛᱤ ᱥᱮᱨᱮᱧ ᱟᱞᱵᱚᱢ ᱮ ᱵᱮᱱᱟᱣ ᱞᱮᱫ ᱛᱟᱦᱮᱱᱫ [᱑᱑]

'ᱥᱚᱯᱟᱣᱚ ᱱᱟ ᱢᱤᱞᱮ ᱢᱟᱭᱤ' ᱟᱨ 'ᱯᱚᱦᱤᱞᱮ ᱯᱚᱦᱤᱞᱮ ᱢᱚᱭᱤᱭᱟ' ᱥᱮᱨᱮᱧ ᱛᱟᱞᱟ ᱛᱮ ᱦᱚᱲ ᱠᱚ ᱪᱷᱚᱴ ᱚᱠᱛᱚ ᱨᱮ ᱵᱤᱦᱟᱨ ᱦᱤᱡᱩᱜ ᱨᱮᱱᱟᱜ ᱮ ᱱᱮᱦᱚᱨ ᱟᱠᱟᱫ ᱠᱚᱣᱟ ᱾[᱑᱑] ᱩᱱᱤ ᱥᱮᱨᱮᱧ ᱟᱠᱟᱫ ᱮᱴᱟᱜ ᱪᱷᱚᱴ ᱥᱮᱨᱮᱧ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱺ 'ᱠᱮᱞᱣᱟ ᱠᱮ ᱯᱟᱛ ᱯᱚᱨ ᱩᱜᱽᱞᱟᱱ ᱥᱩᱨᱚᱡᱽ ᱢᱟᱞ ᱡᱷᱩᱠᱮ ᱡᱷᱩᱠᱮ', 'ᱦᱮ ᱪᱷᱚᱴᱤ ᱢᱟᱭᱤᱭᱟ', 'ᱦᱚ ᱫᱤᱱᱟᱱᱟᱛᱷ', 'ᱵᱚᱦᱤᱝᱜᱤ ᱞᱚᱪᱠᱚᱛ ᱡᱟᱭᱮ', 'ᱨᱚᱡᱮ ᱨᱚᱡᱮ ᱩᱜᱮᱞᱟ', 'ᱥᱩᱱᱟ ᱪᱷᱟᱛᱤ ᱢᱟᱭᱤ', 'ᱡᱚᱰᱮ ᱡᱚᱰᱮ ᱥᱩᱯᱚᱣᱟ' ᱟᱨ 'ᱯᱟᱴᱱᱟ ᱠᱮ ᱜᱷᱟᱴ ᱯᱟᱨ' ᱾[᱑᱑] ᱥᱮᱨᱮᱧ ᱫᱚ ᱢᱟᱨᱟᱮ ᱨᱮᱦᱚᱸ ᱵᱷᱚᱠᱛᱚ ᱠᱚ ᱡᱟᱣ ᱥᱮᱨᱢᱟ ᱚᱱᱟ ᱜᱮ ᱠᱚ ᱥᱟᱰᱮᱭᱟ ᱾[᱑᱑]

  1. "Government announces recipients of 2018 Padma awards". The Times of India. 26 ᱡᱟᱱᱩᱣᱟᱨᱤ 2018. Retrieved 26 ᱡᱟᱱᱩᱣᱟᱨᱤ 2018. 
  2. "This Chhath Puja song is making people so nostalgic, they want to go home". The Indian Express. 4 ᱱᱚᱵᱷᱮᱢᱵᱚᱨ 2016. Retrieved 28 ᱱᱚᱵᱷᱮᱢᱵᱚᱨ 2016. 
  3. ᱓.᱐ ᱓.᱑ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named youtube.com
  4. "Padma Awards" (PDF). Ministry of Home Affairs, Government of India. 2015. Retrieved 21 ᱡᱩᱞᱟᱭ 2015. 
  5. "of spring narrated through folk songs". The Times of India. 22 ᱢᱟᱨᱪ 2009. Retrieved 25 ᱮᱯᱨᱤᱞ 2009. 
  6. Manisha Prakash (4 ᱚᱠᱴᱚᱵᱚᱨ 2003). "Music maestros add to Puja festivities". The Times of India. Retrieved 25 ᱮᱯᱨᱤᱞ 2009. 
  7. "Puja euphoria reaches a crescendo". The Times of India. 4 ᱚᱠᱴᱚᱵᱚᱨ 2003. Retrieved 25 ᱮᱯᱨᱤᱞ 2009. 
  8. Faizan Ahmad & Dipak Mishra (19 ᱯᱷᱮᱵᱽᱨᱩᱣᱟᱨᱤ 2008). "Mauritius scholarship for two". The Times of India. Retrieved 25 ᱮᱯᱨᱤᱞ 2009. 
  9. "A new brand of music in Gangs Of Wasseypur series - Times of India". The Times of India. Retrieved 31 ᱡᱟᱱᱩᱣᱟᱨᱤ 2020. 
  10. "Sharda Sinha's performance at Bihar Utsav an instant hit". The Times of India. 28 ᱢᱟᱨᱪ 2010. Retrieved 29 ᱢᱟᱨᱪ 2010. 
  11. ᱑᱑.᱐ ᱑᱑.᱑ ᱑᱑.᱒ ᱑᱑.᱓ ᱑᱑.᱔ Amit Bhelari (4 ᱱᱚᱵᱷᱮᱢᱵᱚᱨ 2016). "Sweet and sour festive notes in the air - Sharda back with a bang after decade". The Telegraph (Calcutta). Retrieved 28 ᱱᱚᱵᱷᱮᱢᱵᱚᱨ 2016.