ᱥᱟᱭᱱᱟ ᱱᱮᱦᱣᱟᱞ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱥᱟᱭᱱᱟ ᱱᱮᱦᱣᱟᱞ (ᱡᱟᱱᱟᱢ ᱺ ᱑᱗ ᱢᱟᱨᱪ ᱑᱙᱙᱐) ᱫᱚ ᱵᱷᱟᱨᱚᱛᱤᱭᱟ. ᱛᱤᱨᱞᱟ. ᱵᱮᱰᱢᱤᱱᱴᱚᱱ ᱠᱷᱮᱞᱚᱸᱰᱤᱭᱟ. ᱠᱟᱱᱟᱭ ᱾ ᱟᱡ ᱵᱟᱵᱟᱦᱟᱜ ᱧᱩᱛᱩᱢ ᱫᱚ ᱰᱚ. ᱦᱚᱨᱵᱤᱨ ᱥᱤᱝ ᱱᱮᱦᱣᱟᱞ ᱟᱨ ᱡᱟᱱᱟᱢ ᱟᱭᱳᱣᱟᱜ ᱧᱩᱛᱩᱢ ᱫᱚ ᱩᱥᱟ ᱱᱮᱦᱣᱟᱞ ᱾ ᱵᱟᱱᱟ ᱦᱚᱲ ᱜᱮ ᱦᱚᱨᱤᱭᱟᱱᱟ ᱨᱤᱱ ᱟᱭᱟᱨ ᱯᱚᱱᱚᱛᱟ.ᱨᱤ ᱵᱮᱰᱢᱤᱱᱴᱚᱱ ᱪᱟᱢᱯᱤᱭᱚᱱ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱥᱟᱭᱱᱟ ᱵᱮᱰᱢᱤᱱᱴᱚᱱ ᱠᱷᱮᱞ ᱛᱮ ᱦᱟ.ᱡᱩᱜ ᱨᱮᱭᱟᱜ ᱩᱫᱽᱜᱟ.ᱣ ᱫᱚ ᱟᱭᱳ ᱵᱟᱵᱟ ᱴᱷᱮᱱ ᱠᱷᱚᱱ ᱜᱮᱭ ᱧᱟᱢ ᱟᱠᱟᱜ-ᱟ ᱾ ᱩᱱᱤ ᱫᱚ ᱱᱤᱛᱚᱜ ᱡᱮᱜᱮᱛ ᱨᱮ ᱛᱤᱨᱞᱟ. ᱵᱮᱰᱢᱤᱱᱴᱚᱱ ᱠᱷᱮᱞᱚᱸᱰᱤᱭᱟ.ᱞᱮᱠᱟᱛᱮ ᱞᱟᱯᱷᱟᱝ ᱴᱷᱟᱶ ᱮ ᱟᱢᱮᱴ ᱦᱩᱭ ᱟᱠᱟᱫ-ᱟ ᱾ ᱒᱐᱑᱒ ᱥᱟᱞᱮ ᱞᱚᱱᱰᱚᱱ ᱚᱞᱤᱢᱯᱤᱠ ᱨᱮ ᱥᱟᱭᱱᱟ ᱱᱮᱦᱱᱟᱞ ᱫᱚ ᱵᱨᱚᱸᱡᱽ ᱢᱮᱰᱟᱞ ᱡᱤᱛᱠᱟ.ᱨ ᱠᱟᱛᱮ ᱢᱤᱫ ᱱᱟᱜᱟᱢ ᱜᱮᱭ ᱚᱞ-ᱛᱚᱞ ᱠᱮᱫ-ᱟ ᱾ ᱵᱮᱰᱢᱤᱱᱴᱚᱱ ᱨᱮ ᱱᱚᱝᱠᱟᱱ ᱴᱷᱟᱶ ᱟᱢᱮᱴ ᱟᱠᱟᱫᱤᱡ ᱫᱚ ᱵᱷᱟᱨᱚᱛ ᱨᱤᱱᱤᱡ ᱯᱩᱭᱞᱩ ᱠᱷᱮᱞᱚᱸᱰᱤᱭᱟ. ᱠᱟᱱᱟᱭ ᱾ ᱑᱐᱐᱗ ᱨᱮ ᱵᱮᱭᱡᱤᱝ ᱨᱮ ᱥᱟᱯᱲᱟᱣ ᱞᱮᱱ ᱳᱞᱤᱢᱯᱤᱠ ᱠᱷᱮᱞ ᱨᱮ ᱦᱚᱸ ᱠᱣᱟᱴᱚᱨ ᱯᱟᱭᱱᱟᱞ ᱫᱷᱟ.ᱵᱤᱡ ᱮ ᱥᱮᱴᱮᱨ ᱞᱮᱱᱟ ᱾ ᱩᱱᱤ ᱫᱚ ᱵᱤᱰᱚᱵᱽᱞᱩᱮᱯ ᱡᱮᱜᱮᱛ ᱡᱩᱱᱤᱭᱚᱨ ᱦᱮᱯᱨᱟᱣ ᱨᱮ ᱡᱤᱛᱠᱟ.ᱨ ᱟᱠᱟᱱᱤᱡ ᱯᱩᱭᱞᱩ ᱵᱷᱟᱨᱚᱛᱤᱭᱟ. ᱠᱟᱱᱟᱭ ᱾ ᱱᱤᱛᱚᱜ ᱫᱚ ᱩᱱᱤ ᱞᱟᱯᱷᱟᱝ ᱵᱷᱟᱨᱚᱛᱤᱭᱟ. ᱛᱤᱨᱞᱟ. ᱵᱮᱰᱢᱤᱱᱴᱚᱱ ᱠᱷᱮᱞᱚᱸᱰᱤᱭᱟ. ᱠᱟᱱᱟᱭ ᱟᱨ ᱵᱷᱟᱨᱚᱛᱤᱭᱟ. ᱵᱮᱰᱢᱤᱱᱴᱚᱱ ᱞᱤᱜᱽ ᱠᱷᱚᱱ ᱚᱵᱚᱫᱷ ᱣᱟᱨᱤᱭᱚᱨ ᱯᱟᱦᱴᱟ ᱠᱷᱚᱱ ᱮ ᱮᱱᱮᱡ ᱠᱟᱱᱟ ᱾

ᱥᱟᱭᱱᱟ ᱱᱮᱦᱣᱟᱞ
          ᱟᱯᱚᱱ ᱩᱯᱨᱩᱢ

ᱡᱟᱱᱟᱢ ᱧᱩᱛᱩᱢ ᱺ ᱥᱟᱭᱱᱟ ᱱᱮᱦᱣᱟᱞ

ᱡᱟᱱᱟᱢ ᱺ ᱑᱗ ᱢᱟᱨᱪ ᱑᱙᱙᱐ (ᱵᱚᱭᱚᱥ ᱒᱘) ᱦᱤᱥᱟᱨ, ᱦᱚᱨᱤᱭᱟᱬᱟ ᱾

ᱵᱟᱥᱟ ᱺ ᱦᱟᱭᱫᱨᱟᱵᱟᱫᱽ, ᱛᱮᱞᱚᱝᱜᱟᱱᱟ ᱾

ᱩᱥᱩᱞ ᱺ ᱑ᱹ᱖᱕ ᱢᱤ. (᱕ ᱯᱷᱤᱴ ᱕ ᱤᱸᱪ)

ᱩᱡᱩᱱ ᱺ ᱖᱐ ᱠᱤᱞᱚ (᱑᱓᱐ ᱮᱞᱵᱤ)

ᱫᱤᱥᱚᱢ ᱺ ᱵᱷᱟᱨᱚᱛ

ᱛᱤ ᱨᱮᱭᱟᱜ ᱵᱮᱵᱷᱟᱨ ᱺ ᱡᱚᱡᱚᱢ ᱛᱤ

ᱩᱯᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱭᱱᱟ ᱱᱮᱦᱣᱟᱞ ᱫᱚ ᱑᱗ ᱢᱟᱨᱪ ᱑᱙᱙᱐ ᱥᱟᱞᱮᱨᱮ ᱦᱤᱥᱟᱨ, ᱦᱚᱨᱤᱭᱟᱬᱟ ᱨᱮᱭᱟᱜ ᱢᱤᱫ ᱡᱟᱴ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡ ᱵᱟᱵᱟᱦᱟᱜ ᱧᱩᱛᱩᱢ ᱫᱚ ᱰᱨ. ᱦᱚᱨᱵᱤᱨ ᱥᱤᱝ ᱱᱮᱦᱣᱟᱞ ᱟᱨ ᱟᱭᱳᱣᱟᱜ ᱧᱩᱛᱩᱢ ᱫᱚ ᱩᱥᱟ ᱱᱮᱦᱣᱟᱞ ᱛᱟᱦᱮᱸ ᱠᱟᱱᱟ ᱾ ᱥᱟᱭᱱᱟ ᱫᱚ ᱥᱟᱭ ᱧᱩᱛᱩᱢ ᱠᱷᱚᱱ ᱵᱮᱱᱟᱣ ᱟᱠᱟᱱᱟ ᱾ ᱥᱟᱭᱱᱟ ᱫᱚ ᱮᱛᱚᱦᱚᱵ ᱥᱮᱱᱮᱪᱮᱫ ᱫᱚ ᱦᱟᱭᱫᱨᱟᱵᱟᱫᱽ ᱨᱮᱭᱟᱜ ᱞᱟᱞ ᱵᱟᱦᱟᱫᱩᱨ ᱥᱴᱟᱰᱤᱭᱚᱢ , ᱦᱟᱭᱫᱨᱟᱵᱟᱫᱽ ᱨᱮ ᱠᱳᱪ ᱱᱟᱱᱤ ᱯᱨᱚᱥᱟᱫᱽ ᱠᱷᱚᱱ ᱮ ᱟᱢᱮᱴ ᱞᱮᱫ-ᱟ ᱾ ᱟᱭᱳ ᱵᱟᱵᱟ ᱵᱟᱱᱟ ᱦᱚᱲ ᱵᱮᱰᱢᱤᱱᱴᱚᱱ ᱠᱷᱮᱞᱚᱸᱰᱤᱭᱟ. ᱠᱟᱱ ᱠᱷᱟ.ᱛᱤᱨ ᱠᱤᱱ ᱥᱟᱭᱱᱟ ᱦᱚᱸ ᱵᱮᱰᱢᱤᱱᱴᱚᱱ ᱥᱮᱫ ᱮᱛᱚᱦᱚᱵ ᱠᱷᱚᱱ ᱜᱮ ᱨᱤᱡᱷᱟ.ᱣ ᱮ ᱛᱟᱦᱮᱸ ᱠᱟᱱᱟ ᱾ ᱵᱟᱵᱟ ᱦᱚᱨᱵᱤᱨ ᱥᱤᱝ ᱫᱚ ᱦᱚᱯᱚᱱ ᱮᱨᱟ ᱟᱜ ᱵᱮᱰᱢᱤᱱᱴᱚᱱ ᱨᱮ ᱢᱚᱱᱮ ᱢᱮᱱᱟᱜ ᱧᱮᱞ ᱠᱟᱛᱮ ᱩᱱᱤ ᱯᱩᱨᱟ. ᱜᱚᱲᱚ ᱟᱨ ᱩᱫᱽᱜᱟ.ᱣ ᱮ ᱮᱢᱟ ᱟᱫᱮᱭᱟ ᱾

ᱥᱟᱭᱱᱟ ᱱᱮᱦᱣᱟᱞ ᱱᱤᱛᱚᱜ ᱫᱷᱟ.ᱵᱤᱡ ᱛᱮ ᱟ.ᱰᱤᱜᱟᱱ ᱢᱟᱨᱟᱝ ᱢᱟᱨᱟᱝ ᱢᱟ.ᱱ ᱦᱤᱥᱤᱨ, ᱥᱤᱨᱯᱷᱟ. ᱟᱡᱟᱜ ᱧᱩᱛᱩᱢ ᱨᱮᱭ ᱪᱷᱟ.ᱴᱭᱟ.ᱨ ᱦᱩᱭ ᱟᱠᱟᱫᱼᱟ ᱾ ᱩᱱᱤ ᱫᱚ ᱡᱮᱜᱮᱛ ᱡᱩᱱᱤᱭᱚᱨ ᱵᱮᱰᱢᱤᱱᱴᱚᱱ ᱡᱤᱛᱠᱟ.ᱨᱤᱭᱟ. ᱞᱮᱠᱟᱛᱮᱭ ᱛᱟᱦᱮᱸ ᱦᱩᱭ ᱟᱠᱟᱱᱟ ᱾ ᱚᱞᱤᱢᱯᱤᱠ ᱠᱷᱮᱞᱚᱸᱰ ᱨᱮ ᱛᱤᱨᱞᱟ. ᱮᱠᱞᱟ ᱵᱮᱰᱢᱤᱱᱴᱚᱱ ᱨᱮ ᱠᱟᱸᱥᱟ ᱦᱤᱥᱤᱨ ᱡᱤᱛᱠᱟ.ᱨ ᱟᱠᱟᱱ ᱫᱤᱥᱚᱢ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟ. ᱠᱟᱱᱟᱭ ᱾ ᱩᱱᱤ ᱫᱚ ᱒᱐᱐᱖ ᱨᱮ ᱤᱥᱤᱭᱟ ᱥᱮᱴᱞᱟᱭᱤᱴ ᱦᱮᱯᱨᱟᱣ ᱨᱮ ᱦᱚᱸᱭ ᱡᱤᱛᱠᱟ.ᱨ ᱦᱩᱭ ᱟᱠᱟᱱᱟ ᱾

ᱩᱱᱤ ᱫᱚ ᱒᱐᱐᱙ ᱥᱟᱞᱮᱨᱮ ᱤᱱᱰᱚᱱᱮᱥᱤᱭᱟ ᱳᱯᱮᱱ ᱡᱤᱛᱠᱟ.ᱨᱚᱜ ᱛᱩᱞᱩᱡ ᱥᱩᱯᱚᱨ ᱥᱤᱨᱤᱡᱽ ᱵᱮᱰᱢᱤᱱᱴᱚᱱ ᱦᱮᱯᱨᱟᱣ ᱪᱚᱢᱯᱤᱭᱚᱱᱥᱤᱯ ᱦᱚᱸ ᱟᱡᱟᱜ ᱧᱩᱛᱩᱢ ᱟᱠᱟᱫ ᱟᱭ ᱾ ᱱᱚᱣᱟ ᱮᱪᱤᱵᱽᱢᱮᱸᱴ ᱫᱚ ᱟᱡ ᱠᱷᱚᱱ ᱢᱟᱬᱟᱝ ᱨᱮ ᱮᱴᱟᱜ ᱚᱠᱚᱭ ᱵᱷᱟᱨᱚᱛᱤᱭᱟ. ᱛᱤᱨᱞᱟ. ᱦᱚᱸ ᱵᱟᱠᱚ ᱟᱢᱮᱴ ᱟᱠᱟᱫ ᱛᱟᱦᱮᱸᱫ ᱾ ᱫᱤᱞᱞᱤ ᱨᱮ ᱥᱟᱯᱲᱟᱣ ᱞᱮᱱ ᱠᱚᱢᱚᱱᱣᱮᱞᱛᱷ ᱜᱮᱢ ᱨᱮᱦᱚᱸ ᱩᱱᱤ ᱫᱚ ᱥᱳᱱᱟ ᱢᱟ.ᱱ ᱢᱟᱞᱟᱭ (gold medal) ᱟᱢᱮᱴ ᱟᱠᱟᱫᱼᱟ ᱾

ᱥᱮᱨᱢᱟ ᱒᱐᱑᱕ ᱨᱮ ᱱᱟᱣᱟ ᱫᱤᱞᱞᱤ ᱫᱚ ᱭᱳᱱᱮᱠᱥ ᱥᱚᱱᱨᱟᱭᱤᱡᱽ ᱤᱱᱰᱤᱭᱟ ᱳᱯᱮᱱ ᱥᱩᱯᱚᱨ ᱥᱤᱨᱤᱡᱽ ᱵᱮᱰᱢᱤᱱᱴᱚᱱ ᱦᱮᱯᱨᱟᱣ ᱨᱮ ᱥᱮᱢᱤᱯᱟᱭᱱᱟᱞ ᱨᱮ ᱡᱮᱜᱮᱛ ᱪᱚᱢᱯᱤᱭᱚᱱ ᱡᱟᱯᱟᱱ ᱨᱤᱱᱤᱡ ᱭᱩᱭᱤ ᱦᱟᱥᱤᱢᱳᱛᱳ ᱫᱚ ᱔᱔ ᱴᱤᱲᱤᱡ ᱨᱮ ᱒᱑-᱑᱕, ᱒᱑-᱑᱑ ᱛᱮ ᱦᱟᱨᱟᱣ ᱠᱮᱫᱮ ᱥᱟᱶ ᱛᱮᱜᱮ ᱫᱩᱱᱤᱭᱟ. ᱨᱤᱱᱤᱡ ᱞᱟᱯᱷᱟᱝ ᱴᱷᱟᱶ ᱠᱷᱮᱞᱚᱸᱰᱤᱭᱟ.ᱭ ᱵᱤᱠᱱᱟ.ᱣ ᱮᱱᱟ ᱟᱨ ᱯᱷᱟᱭᱱᱟᱞ ᱢᱮᱪ ᱨᱮ ᱛᱷᱟᱭᱞᱟᱸᱰ ᱨᱤᱱᱤᱡ ᱨᱳᱛᱪᱟᱱᱚᱠ ᱤᱸᱛᱟᱱᱳᱱ ᱦᱟᱨᱟᱣ ᱠᱟᱛᱮ ᱒᱙ ᱢᱟᱨᱪ ᱒᱐᱑᱕ ᱨᱮ ᱭᱳᱱᱮᱠᱥ ᱥᱳᱱᱨᱟᱭᱤᱡᱽ ᱤᱱᱰᱤᱭᱟ. ᱳᱯᱮᱱ ᱥᱩᱯᱚᱨ ᱥᱤᱨᱤᱡᱽ ᱵᱮᱰᱢᱤᱱᱴᱚᱱ ᱴᱩᱨᱱᱟᱢᱮᱸᱴ ᱨᱤᱱᱤᱡ ᱮᱠᱞᱟ ᱛᱤᱨᱞᱟ. ᱯᱟ.ᱨᱤᱥ ᱨᱤᱱᱤᱡ ᱡᱤᱛᱠᱟ.ᱨᱤᱭᱟ.ᱭ ᱵᱮᱱᱟᱣ ᱟᱠᱟᱱᱟ ᱾

ᱮᱯᱨᱤᱞ ᱒᱐᱑᱕ ᱥᱟᱞᱮᱨᱮ ᱳᱯᱷᱤᱥᱤᱭᱟᱞᱤ ᱟᱡᱟᱜ ᱫᱚ ᱡᱮᱜᱮᱛ ᱨᱮᱝᱠᱤᱝ ᱒ ᱢᱮᱱᱛᱮ ᱵᱤᱠᱱᱟ.ᱣ ᱮᱱᱟ ᱾ ᱱᱚᱣᱟ ᱴᱷᱟᱶ ᱫᱷᱟ.ᱵᱤᱡ ᱥᱮᱴᱮᱨ ᱟᱠᱟᱱ ᱩᱱᱤ ᱫᱚ ᱯᱩᱭᱞᱩ ᱵᱷᱟᱨᱚᱛᱤᱭᱟ. ᱵᱮᱰᱢᱤᱱᱴᱚᱱ ᱠᱷᱮᱞᱚᱸᱰᱤᱭᱟ. ᱠᱟᱱᱟᱭ ᱾

ᱯᱨᱚᱯᱷᱮᱥᱳᱱᱟᱞ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱐᱖-᱒᱐᱐᱙

᱒᱐᱐᱖ ᱥᱟᱞᱮᱨᱮ ᱥᱟᱭᱱᱟ ᱫᱚ ᱟᱱᱰᱟᱨ ᱑᱙ ᱡᱟ.ᱛᱤᱭᱟ.ᱨᱤ ᱪᱟᱢᱯᱤᱭᱚᱱ ᱮ ᱵᱮᱱᱟᱣ ᱮᱱᱟ ᱟᱨ ᱵᱟᱨ ᱫᱷᱟᱣ ᱯᱨᱮᱥᱴᱤᱡᱤᱣᱥ ᱮᱥᱤᱭᱟᱱ ᱥᱮᱴᱞᱟᱭᱤᱴ ᱵᱮᱰᱢᱤᱱᱴᱚᱱ ᱴᱩᱨᱱᱟᱢᱮᱸᱴ (ᱤᱸᱰᱤᱭᱟᱱ ᱪᱟᱯᱴᱚᱨ) ᱡᱤᱛᱠᱟ.ᱨ ᱠᱟᱛᱮ ᱱᱟᱜᱟᱢ ᱮ ᱵᱮᱱᱟᱣ ᱟᱠᱟᱫᱼᱟ ᱾ ᱩᱱᱤ ᱱᱚᱝᱠᱟᱱ ᱴᱷᱟᱶ ᱮ ᱟᱢᱮᱴ ᱟᱠᱟᱫ ᱯᱩᱭᱞᱩ ᱠᱷᱮᱞᱚᱸᱰᱤᱭᱟ.ᱭ ᱵᱮᱱᱟᱣ ᱮᱱᱟ ᱾ ᱒᱐᱐᱖ ᱥᱟᱞᱮᱨᱮ ᱩᱱᱤ ᱫᱚ ᱢᱤᱫ ᱯᱩᱱ ᱤᱯᱤᱞᱟᱱ ᱴᱳᱨᱱᱟᱢᱮᱸᱴ, ᱯᱷᱤᱞᱤᱯᱷᱤᱸᱥ ᱳᱯᱮᱱ ᱡᱤᱛᱠᱟ.ᱨ ᱟᱠᱟᱱᱤᱡ ᱫᱚᱥᱟᱨ ᱵᱷᱟᱨᱚᱛᱤᱭᱟ. ᱛᱤᱨᱞᱟ.ᱭ ᱵᱮᱱᱟᱣ ᱮᱱᱟ ᱟᱨ ᱤᱱᱟ. ᱛᱟᱭᱚᱢ ᱠᱷᱚᱱ ᱩᱱᱤ ᱡᱮᱜᱮᱛ ᱪᱤᱛᱟ.ᱨ ᱨᱮ ᱡᱷᱚᱞᱚᱠ ᱛᱟᱭ ᱡᱷᱟᱞᱠᱟᱣ ᱮᱱᱟ ᱾

᱒᱑ ᱡᱩᱱ ᱒᱐᱐᱙ ᱥᱟᱞᱮᱨᱮ ᱤᱸᱰᱚᱱᱮᱥᱤᱭᱟ ᱚᱯᱮᱱ ᱡᱤᱛᱠᱟ.ᱨ ᱠᱟᱛᱮ ᱩᱱᱤ ᱫᱚ ᱡᱮᱜᱮᱛ ᱨᱤᱱᱤᱡ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱵᱤ ᱰᱚᱵᱽᱞᱩ ᱮᱯ ᱥᱩᱯᱚᱨ ᱥᱤᱨᱤᱡᱽ ᱡᱤᱛᱠᱟᱹᱨ ᱟᱠᱟᱱ ᱯᱩᱭᱞᱩ ᱛᱤᱨᱞᱟ. ᱵᱷᱟᱨᱚᱛᱤᱭᱟ. ᱠᱷᱮᱞᱚᱸᱰᱤᱭᱟ.ᱭ ᱵᱮᱱᱟᱣ ᱮᱱᱟ ᱾ ᱩᱱᱤ ᱫᱚ ᱯᱷᱟᱭᱱᱟᱞ ᱨᱮ ᱪᱤᱱ ᱨᱤᱱᱤᱡ ᱵᱟᱜᱽ ᱞᱤᱱ ᱫᱚ ᱑᱒-᱒᱑, ᱒᱑-᱑᱘, ᱒᱑-᱙ ᱛᱮᱭ ᱦᱟᱨᱟᱣ ᱠᱮᱫᱮᱭᱟ ᱾

᱒᱐᱑᱐

ᱥᱟᱭᱱᱟ ᱫᱚ ᱫᱚᱲᱦᱚ ᱢᱚᱱᱮ ᱥᱟᱶ ᱛᱮᱜᱮ ᱒᱐᱑᱐ ᱨᱮ ᱩᱵᱚᱨ ᱠᱚᱯ ᱯᱷᱟᱭᱱᱟᱞ ᱨᱮ ᱥᱮᱢᱤᱯᱟᱭᱱᱟᱞ ᱞᱟ.ᱜᱤᱫ ᱫᱚ ᱵᱷᱟᱨᱚᱛᱤᱭᱟ. ᱛᱤᱨᱞᱟ. ᱴᱤᱢ ᱫᱚ ᱟᱡᱟᱜ ᱧᱮᱞ ᱡᱚᱛᱚᱱ ᱨᱮ ᱦᱩᱭ ᱮᱱᱟ ᱾ ᱥᱟᱭᱱᱟ ᱡᱤᱛᱠᱟᱹᱨᱤᱭᱟ. ᱴᱤᱱᱮ ᱨᱟᱥᱢᱩᱥᱮᱱ ᱴᱷᱮᱱ ᱦᱟᱨᱟᱣᱜ ᱢᱟᱬᱟᱝ ᱨᱮ ᱒᱐᱑᱐ ᱚᱞ ᱤᱸᱜᱽᱞᱚᱸᱰ ᱥᱩᱯᱚᱨ ᱥᱤᱨᱤᱡᱽ ᱨᱮᱭᱟᱜ ᱥᱮᱢᱤᱯᱟᱭᱱᱟᱞ ᱨᱮ ᱥᱮᱴᱮᱨ ᱟᱠᱟᱱ ᱯᱩᱭᱞᱩ ᱵᱷᱟᱨᱚᱛᱤᱭᱟ. ᱛᱤᱨᱞᱟ.ᱭ ᱦᱩᱭ ᱮᱱᱟ ᱾ ᱪᱮᱛᱟᱱ ᱴᱷᱟᱶ ᱮ ᱟᱢᱮᱴ ᱟᱠᱟᱫ ᱥᱟᱭᱱᱟ ᱭᱚᱱᱮᱠᱥ ᱥᱚᱱᱨᱟᱭᱤᱡᱽ ᱵᱮᱰᱢᱤᱱᱴᱚᱱ ᱮᱥᱤᱭᱟ ᱪᱟᱢᱯᱤᱭᱚᱱᱥᱤᱯ ᱒᱐᱑᱐ ᱨᱮ ᱪᱤᱱ ᱨᱮᱱᱤᱡ ᱠᱟ.ᱴᱤᱡ ᱠᱷᱮᱞᱚᱸᱰᱤᱭᱟ. ᱞᱤ ᱡᱷᱩᱭᱤᱨᱩᱭᱤ ᱴᱷᱮᱱ ᱮ ᱦᱟᱨᱟᱣᱜ ᱢᱟᱬᱟᱝ ᱨᱮ ᱥᱮᱢᱤᱯᱟᱭᱱᱟᱞ ᱫᱷᱟ.ᱵᱤᱡ ᱮ ᱥᱮᱴᱮᱨ ᱮᱱᱟ ᱾ ᱥᱟᱭᱱᱟᱭᱤᱡ ᱠᱳᱪ ᱜᱳᱯᱤᱪᱟᱸᱫᱽ ᱫᱚ ᱩᱱᱤ ᱜᱷᱟᱨᱚᱸᱡᱮᱛ ᱧᱮᱧᱮᱞᱤᱭᱟ. ᱠᱚᱣᱟᱜ ᱟ.ᱰᱤ ᱵᱟ.ᱲᱛᱤ ᱢᱤᱫᱢᱚᱱᱚᱛ ᱫᱚ ᱟᱡ ᱪᱮᱛᱟᱱ ᱨᱮ ᱟ.ᱰᱤ ᱰᱟ.ᱲᱛᱤ ᱦᱟᱢᱟᱞ ᱵᱟᱝ ᱤᱫᱤ ᱨᱮᱭᱟᱜ ᱫᱤᱥᱟ.ᱭ ᱮᱢᱟ ᱫᱮᱭᱟ ᱾

ᱥᱤᱨᱯᱷᱟ.[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱚᱨᱡᱩᱱ ᱯᱩᱨᱥᱠᱟᱨ (᱒᱐᱐᱙)
  • ᱨᱟᱡᱤᱵᱽ ᱜᱟᱱᱫᱷᱤ ᱠᱷᱮᱞᱚᱸᱰ ᱨᱚᱛᱱᱚ ᱯᱩᱨᱥᱠᱟᱨ (᱒᱐᱐᱙ - ᱒᱐᱑᱐)
  • ᱯᱚᱫᱽᱢᱚ ᱥᱨᱤ (᱒᱐᱑᱐)
᱒᱐᱑᱒ ᱞᱚᱱᱰᱚᱱ ᱚᱞᱤᱢᱯᱤᱠ ᱨᱮ ᱠᱟᱸᱥᱟ ᱢᱮᱰᱟᱞ ᱞᱟ.ᱜᱤᱫ
  • ᱑ ᱠᱚᱨᱚᱲ ᱠᱟ.ᱣᱰᱤ ᱦᱚᱨᱤᱭᱟᱬᱟ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱾
  • ᱕᱐ ᱜᱮᱥᱟᱥᱟᱭ ᱠᱟ.ᱣᱰᱤ ᱨᱟᱡᱚᱥᱛᱟᱱ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱾
  • ᱕᱐ ᱜᱮᱥᱟᱥᱟᱭ ᱠᱟ.ᱣᱰᱤ ᱟᱸᱫᱷᱨᱚᱯᱨᱚᱫᱮᱥ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱾
  • ᱑᱐ ᱜᱮᱥᱟᱥᱟᱭ ᱵᱷᱟᱨᱚᱛᱤᱭᱟ. ᱵᱮᱰᱢᱤᱱᱴᱚᱱ ᱜᱟᱶᱛᱟ ᱯᱟᱦᱴᱟ ᱠᱷᱚᱱ ᱾
  • ᱢᱚᱝᱜᱚᱞᱚᱭᱚᱱ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱯᱟᱦᱴᱟ ᱠᱷᱚᱱ ᱰᱚᱠᱴᱚᱨᱮᱴ ᱰᱤᱜᱽᱨᱤ ᱾

ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://www.samaylive.com/sports-hindi/saina_nehwal.html[permanent dead link]

http://www.bhaskar.com/article/SPO-saina-nehwal-career-history-1101301.html Archived ᱒᱐᱑᱐-᱐᱘-᱐᱓ at the Wayback Machine.

http://www.cgnewsupdate.com/cnu/news_detail.php?id=14473&type=6[permanent dead link]

http://www.olympicgoldquest.in/saina-nehwal-2/ Archived ᱒᱐᱑᱕-᱐᱓-᱓᱑ at the Wayback Machine.

http://hindi.news18.com/news/haryana/birthday-special-sainas-father-rushed-to-spend-half-the-salary-to-the-top-433724.html