ᱥᱟᱱᱛᱟᱞᱤ ᱟᱲᱟᱝ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱥᱟᱱᱛᱟᱲᱤ ᱟᱲᱟᱝ ᱫᱚ Austro Asiatic ᱟᱲᱟᱝ ᱜᱷᱟᱨᱚᱸᱡᱽ ᱨᱮᱱᱟᱜ ᱢᱩᱱᱰᱟᱹᱨᱤ ᱜᱷᱟᱨᱚᱸᱡᱽ ᱨᱮᱱᱟᱜ ᱠᱟᱱᱟ ᱾ ᱦᱚ ᱟᱨ ᱢᱩᱱᱰᱟᱹᱨᱤ ᱟᱲᱟᱝ ᱥᱟᱶᱛᱮ ᱥᱟᱱᱛᱟᱲᱤ ᱟᱲᱟᱝ ᱨᱮᱱᱟᱜ ᱟᱹᱰᱤ ᱡᱩᱨᱤ ᱦᱮᱱᱟᱜ-ᱟ ᱾ ᱒᱐᱑᱑ ᱥᱮᱨᱢᱟ ᱨᱮᱱᱟᱜ ᱞᱮᱠᱷᱟ ᱞᱮᱠᱟᱛᱮ ᱵᱷᱟᱨᱚᱛ ᱫᱤᱥᱚᱢ ᱨᱮ ᱕᱙ ᱞᱟᱠᱷ ᱔᱐ ᱦᱟᱡᱟᱨ ᱞᱮᱠᱟ ᱦᱚᱲ ᱥᱟᱱᱛᱟᱲᱤ ᱟᱲᱟᱝᱛᱮ ᱠᱟᱛᱷᱟ ᱠᱚ ᱨᱚᱲᱟ ᱾ ᱒᱐᱑᱑ ᱥᱮᱨᱢᱟ ᱨᱮᱱᱟᱜ ᱞᱮᱠᱷᱟ ᱛᱮ ᱵᱟᱝᱞᱟ ᱫᱤᱥᱚᱢ ᱨᱮ ᱒ ᱞᱟᱠᱷ ᱒᱕ ᱦᱟᱡᱟᱨ ᱟᱨ ᱱᱮᱯᱟᱞ ᱨᱮ ᱔᱙ ᱦᱟᱡᱟᱨ ᱟᱨᱮ ᱥᱟᱭ ᱦᱚᱲ ᱥᱟᱱᱛᱟᱲᱤ ᱛᱮᱠᱚ ᱨᱚᱲᱟ ᱾ ᱥᱟᱱᱛᱟᱞᱤ ᱛᱮ ᱡᱟᱹᱥᱛᱤ ᱠᱚ ᱨᱚᱲᱟ ᱦᱚᱲ ᱠᱚᱫᱚ ᱵᱷᱟᱨᱚᱛ ᱨᱮ ᱡᱷᱟᱨᱠᱷᱚᱸᱰ, ᱟᱥᱟᱢ, ᱵᱤᱦᱟᱨ, ᱳᱰᱤᱥᱟ ᱟᱨ ᱯᱚᱪᱷᱤᱢ ᱵᱟᱝᱞᱟ ᱨᱮᱜᱮᱠᱚ ᱨᱚᱲᱟ ᱾

ᱥᱟᱱᱛᱟᱲᱤ ᱟᱲᱟᱝ ᱨᱮᱱᱟᱜ ᱪᱤᱠᱤ ᱫᱚ ᱦᱩᱭᱩᱜ ᱠᱟᱱᱟ ᱚᱞ ᱪᱤᱠᱤ ᱾ ᱛᱚᱵᱮ ᱵᱟᱝᱞᱟ, ᱳᱰᱤᱭᱟ, ᱫᱮᱵᱱᱟᱜᱽᱨᱤ ᱟᱨ ᱨᱳᱢᱟᱱ ᱪᱤᱠᱤ ᱛᱮᱦᱚᱸᱠᱚ ᱚᱞ ᱜᱮᱭᱟ ᱾ ᱥᱟᱱᱛᱟᱲᱤ ᱛᱮᱠᱚ ᱨᱚᱲ ᱦᱚᱲ ᱠᱚᱫᱚ ᱱᱤᱛᱦᱚᱸ ᱚᱞᱚᱜ ᱯᱟᱲᱦᱟᱣ ᱨᱮ ᱫᱚᱠᱚ ᱛᱟᱭᱱᱚᱢ ᱟᱠᱟᱱᱟ ᱾ ᱥᱟᱱᱛᱟᱲᱤ ᱛᱮ ᱠᱚ ᱨᱚᱲ ᱦᱚᱲ ᱠᱚᱣᱟᱜ ᱥᱤᱠᱷᱱᱟᱹᱛ ᱢᱚᱡᱽᱛᱮ ᱵᱟᱝ ᱞᱮᱠᱷᱟ ᱦᱩᱭᱩᱜᱛᱮ ᱩᱱᱠᱩᱭᱟ ᱦᱤᱥᱟᱹᱵᱫᱚ ᱵᱟᱝ ᱞᱟᱹᱭᱚᱜ ᱠᱟᱱᱟ᱾