ᱥᱟᱱᱛᱟᱲᱤ ᱵᱤᱵᱷᱟᱜᱽ, ᱵᱤᱥᱥᱚ ᱵᱷᱟᱨᱚᱛᱤ
| ᱥᱟᱱᱛᱟᱲᱤ ᱵᱤᱵᱷᱟᱜᱽ, ᱵᱤᱥᱥᱚ-ᱵᱷᱟᱨᱚᱛᱤ | |
|---|---|
| ᱥᱟᱱᱛᱟᱲᱤ ᱵᱤᱵᱷᱟᱜᱽ, ᱵᱤᱥᱥᱚ-ᱵᱷᱟᱨᱚᱛᱤ | |
| ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ | |
 | |
| ᱴᱷᱟᱶ | ᱥᱟᱱᱛᱤᱱᱤᱠᱮᱛᱚᱱ, ᱵᱤᱨᱵᱷᱩᱢ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱚᱛᱱᱚᱜ ᱴᱷᱟᱶ | 23°41′06″N 87°41′15″E / 23.68491°N 87.68760°ECoordinates: 23°41′06″N 87°41′15″E / 23.68491°N 87.68760°E |
| ᱛᱷᱟᱯᱚᱱ | ᱒᱐᱐᱙ |
| ᱢᱩᱬᱩᱛ | ᱰᱨ. ᱫᱩᱠᱷᱤᱭᱟᱹ ᱢᱩᱨᱢᱩ |
ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱥᱟᱱᱛᱟᱲᱤ ᱵᱤᱵᱷᱟᱜᱽ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱥᱟᱱᱛᱤᱱᱤᱠᱮᱛᱚᱱ ᱨᱮ ᱢᱮᱱᱟᱜ ᱢᱤᱫ ᱥᱟᱱᱛᱟᱲᱤ ᱯᱟᱹᱨᱥᱤ, ᱥᱟᱶᱦᱮᱫ ᱟᱨ ᱞᱟᱠᱪᱟᱨ ᱯᱚᱲᱦᱚᱱ ᱨᱮᱭᱟᱜ ᱛᱟᱞᱢᱟ ᱠᱟᱱᱟ᱾ ᱱᱚᱣᱟ ᱫᱚ ᱒᱐᱐᱙ ᱥᱮᱨᱢᱟ ᱨᱮ ᱥᱟᱱᱛᱟᱲᱤ ᱨᱮ ᱵᱤ.ᱮ. (ᱢᱟᱹᱱᱟᱱ) ᱯᱚᱲᱦᱚᱱ ᱠᱟᱹᱢᱤᱦᱚᱨᱟ ᱥᱟᱶᱛᱮ ᱮᱛᱚᱦᱚᱵ ᱞᱮᱱᱟ᱾ ᱥᱟᱱᱛᱟᱲᱤ ᱯᱟᱹᱨᱥᱤ, ᱥᱟᱶᱦᱮᱫ ᱟᱨ ᱞᱟᱠᱪᱟᱨ ᱨᱮᱭᱟᱜ ᱩᱛᱷᱱᱟᱹᱣ ᱜᱮ ᱵᱤᱵᱷᱟᱜᱽ ᱨᱮᱭᱟᱜ ᱢᱩᱬᱩᱛ ᱡᱚᱥ ᱫᱚ ᱠᱟᱱᱟ᱾[᱑]
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱱᱛᱟᱲᱤ ᱵᱤᱵᱷᱟᱜᱽ ᱫᱚ ᱟᱹᱰᱤ ᱟᱭᱢᱟ ᱦᱩᱞᱥᱟᱹᱭ ᱛᱟᱭᱚᱢ ᱛᱷᱟᱯᱚᱱ ᱟᱠᱟᱱᱟ᱾ ᱯᱩᱭᱞᱩ ᱑᱙᱘᱐ ᱥᱮᱨᱢᱟ ᱨᱮ ᱥᱟᱱᱛᱟᱲᱤ ᱵᱤᱵᱷᱟᱜᱽ ᱫᱚ ᱵᱟᱝᱞᱟ ᱵᱤᱵᱷᱟᱜᱽ ᱨᱮᱭᱟᱜ ᱥᱟᱱᱛᱟᱲᱤ ᱯᱟᱹᱨᱥᱤ ᱦᱟᱹᱴᱤᱧ ᱦᱤᱥᱟᱹᱵᱽ ᱛᱮ ᱛᱷᱟᱯᱚᱱ ᱞᱮᱱᱟ᱾ ᱩᱱ ᱡᱚᱠᱷᱮᱡᱽ ᱱᱚᱣᱟ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱪᱮᱛᱟᱱ ᱥᱟᱨᱴᱤᱯᱷᱤᱠᱮᱴ (ᱥᱤᱫ ᱥᱟᱠᱟᱢ), ᱰᱤᱯᱞᱳᱢᱟ ᱟᱨ ᱮᱰᱵᱷᱟᱱᱥ ᱰᱤᱯᱞᱳᱢᱟ ᱠᱟᱹᱢᱤᱦᱚᱨᱟ ᱪᱟᱪᱞᱟᱣ ᱞᱟᱹᱜᱤᱫ ᱵᱮᱵᱷᱟᱨᱚᱜ ᱠᱟᱱ ᱛᱟᱦᱮᱱᱟ᱾ ᱩᱱ ᱚᱠᱛᱚ ᱵᱤᱵᱷᱟᱜᱽ ᱨᱮᱭᱟᱜ ᱡᱚᱥ ᱛᱟᱦᱮ ᱠᱟᱱᱟ ᱵᱮᱼᱥᱟᱱᱛᱟᱲ ᱦᱚᱲ ᱠᱚ ᱛᱟᱞᱟ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮᱭᱟᱜ ᱯᱟᱥᱱᱟᱣ᱾ ᱮᱛᱚᱦᱚᱵ ᱚᱠᱛᱚ ᱨᱮ ᱵᱚᱨᱠᱟ ᱥᱚᱨᱮᱱ ᱫᱚ ᱱᱚᱣᱟ ᱦᱟᱹᱴᱤᱧ ᱨᱮᱱ ᱮᱥᱤᱥᱴᱮᱱᱴ ᱞᱮᱠᱪᱟᱨᱟᱨ ᱮ ᱛᱟᱦᱮ ᱠᱟᱱᱟ᱾ ᱩᱱᱡᱚᱠᱷᱮᱡ ᱱᱚᱸᱰᱮ ᱨᱳᱢᱟᱱ ᱪᱤᱠᱤ ᱛᱮ ᱯᱟᱲᱦᱟᱣ ᱦᱩᱭᱩᱜ ᱠᱟᱱ ᱛᱟᱦᱮᱱᱟ᱾ ᱒᱐᱐᱓ ᱥᱮᱨᱢᱟ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱥᱤᱧᱚᱛ ᱨᱮᱭᱟᱜ ᱥᱚᱝᱵᱤᱫᱷᱟᱱ ᱨᱮᱭᱟᱜ ᱤᱨᱟᱹᱞᱟᱱ ᱚᱱᱩᱥᱩᱪᱤ ᱨᱮ ᱥᱮᱞᱮᱫ ᱮᱱᱟ ᱟᱨ ᱒᱐᱐᱔ ᱥᱮᱨᱢᱟ ᱨᱮ ᱢᱱ. ᱥᱩᱨᱭᱚ ᱠᱩᱢᱟᱨ ᱦᱟᱸᱥᱫᱟ ᱥᱟᱱᱛᱟᱲᱤ ᱯᱟᱹᱨᱥᱤ ᱦᱟᱹᱴᱤᱧ ᱨᱮᱱ ᱮᱥᱤᱥᱴᱮᱱᱴ ᱞᱮᱠᱪᱟᱨᱟᱨ ᱞᱮᱠᱟᱛᱮᱭ ᱵᱚᱦᱟᱞ ᱞᱮᱱᱟ᱾
ᱥᱟᱱᱛᱟᱲ ᱠᱚᱣᱟᱜ ᱟᱹᱰᱤ ᱟᱭᱢᱟ ᱦᱩᱞᱥᱟᱹᱭ ᱛᱟᱭᱚᱢ ᱢᱩᱪᱟᱹᱫ ᱒᱐᱐᱙ ᱥᱮᱨᱢᱟ ᱨᱮ ᱵᱤ.ᱮ. ᱥᱟᱱᱛᱟᱲᱤ ᱠᱟᱹᱢᱤᱦᱚᱨᱟ ᱥᱟᱶᱛᱮ ᱥᱟᱱᱛᱟᱲᱤ ᱵᱤᱵᱷᱟᱜᱽ ᱪᱟᱹᱞᱩ ᱞᱮᱱᱟ᱾[᱒] ᱱᱤᱛ ᱱᱚᱸᱰᱮ ᱠᱷᱟᱹᱞᱤ ᱚᱞ ᱪᱤᱠᱤ ᱦᱚᱨᱚᱯ ᱛᱮᱜᱮ ᱚᱞᱚᱜᱼᱯᱟᱲᱦᱟᱣ ᱦᱩᱭᱩᱜ ᱠᱟᱱᱟ᱾
ᱠᱳᱨᱥ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱞᱮᱛᱟᱲ ᱠᱳᱨᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
| ᱠᱳᱨᱥ ᱨᱮᱭᱟᱜ ᱧᱩᱛᱩᱢ[᱓] | ᱦᱟᱛᱟᱣ ᱦᱩᱭᱩᱜ ᱠᱟᱱᱟ |
|---|---|
| ᱵᱤ.ᱮ. ᱥᱟᱱᱛᱟᱲᱤ (ᱢᱟᱹᱱᱟᱱ) | ᱑᱙ |
| ᱮᱢ.ᱮ. ᱥᱟᱱᱛᱟᱲᱤ (ᱟᱹᱠᱤᱞᱢᱟᱱ) | ᱓᱑ |
| ᱥᱟᱱᱛᱟᱲᱤ ᱨᱮ ᱵᱤ.ᱮᱰ | ᱐᱓ |
| ᱥᱟᱱᱛᱟᱲᱤ ᱨᱮ ᱯᱤ.ᱮᱭᱤᱪᱰᱤ | ᱐᱕ |
ᱠᱮᱡᱩᱣᱟᱞ ᱠᱳᱨᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
| ᱠᱳᱨᱥ ᱨᱮᱭᱟᱜ ᱧᱩᱛᱩᱢ[᱔] | ᱦᱟᱛᱟᱣ ᱦᱩᱭᱩᱜ ᱠᱟᱱᱟ |
|---|---|
| ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮ ᱥᱟᱨᱴᱤᱯᱷᱤᱠᱮᱴ | ᱔᱒ |
| ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮ ᱰᱤᱯᱞᱳᱢᱟ | ᱔᱒ |
| ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮ ᱮᱰᱵᱷᱟᱱᱥ ᱰᱤᱯᱞᱳᱢᱟ | ᱔᱒ |
ᱵᱷᱩᱨᱛᱤ ᱨᱮᱭᱟᱜ ᱦᱚᱨᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱢᱟᱪᱮᱫ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱤᱛᱚᱜ ᱵᱤᱵᱷᱟᱜᱽ ᱨᱮᱱ ᱛᱩᱨᱩᱭ ᱜᱚᱴᱟᱱ ᱢᱟᱪᱮᱫ ᱢᱮᱱᱟᱜ ᱠᱚᱣᱟ᱾[᱕]
᱒᱐᱐᱙ ᱥᱮᱨᱢᱟ ᱨᱮ ᱢᱱ. ᱥᱚᱱᱚᱛ ᱦᱟᱸᱥᱫᱟ ᱟᱨ ᱰᱨ. ᱫᱷᱚᱱᱮᱥᱣᱚᱨ ᱢᱟᱺᱡᱷᱤ, ᱒᱐᱑᱐ ᱥᱮᱨᱢᱟ ᱨᱮ ᱰᱨ. ᱫᱩᱠᱷᱤᱭᱟᱹ ᱢᱩᱨᱢᱩ ᱟᱨ ᱢᱱ. ᱢᱚᱱᱥᱟᱨᱟᱢ ᱢᱩᱨᱢᱩ, ᱟᱨ ᱒᱐᱑᱑ ᱥᱮᱨᱢᱟ ᱨᱮ ᱢᱱ. ᱛᱚᱯᱚᱱ ᱥᱚᱨᱮᱱ ᱟᱨ ᱢᱱ. ᱨᱟᱹᱢᱩ ᱦᱮᱢᱵᱽᱨᱚᱢ ᱵᱤᱵᱷᱟᱜᱽ ᱨᱮᱱ ᱮᱥᱤᱥᱴᱮᱱᱴ ᱯᱳᱨᱯᱷᱮᱥᱟᱨ ᱞᱮᱠᱟᱛᱮ ᱠᱚ ᱵᱚᱦᱟᱞ ᱟᱠᱟᱱᱟ᱾ ᱚᱱᱟ ᱛᱟᱭᱚᱢ ᱒᱐᱑᱒ ᱥᱮᱨᱢᱟ ᱨᱮ ᱮᱢ.ᱮ. ᱥᱟᱱᱛᱟᱲᱤ ᱠᱟᱹᱢᱤᱦᱚᱨᱟ ᱪᱟᱹᱞᱩ ᱟᱠᱟᱱᱟ᱾[᱖]
ᱯᱩᱛᱷᱤ ᱠᱷᱟᱸᱫᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱱᱛᱟᱲᱤ ᱵᱤᱵᱷᱟᱜᱽ ᱨᱮ ᱢᱤᱫ ᱯᱩᱛᱷᱤ ᱠᱷᱟᱸᱫᱟ (ᱞᱟᱭᱵᱽᱨᱮᱨᱤ) ᱢᱮᱱᱟᱜᱼᱟ᱾ ᱱᱚᱸᱰᱮ ᱫᱚ ᱥᱟᱱᱛᱟᱲᱤ ᱯᱩᱛᱷᱤ, ᱯᱟᱛᱷᱟᱢ ᱠᱚ ᱥᱟᱶᱛᱮ ᱱᱚᱸᱰᱮ ᱨᱮᱱ ᱯᱟᱹᱴᱷᱩᱣᱟᱹ, ᱠᱷᱚᱸᱫᱽᱨᱚᱫᱤᱭᱟᱹ ᱟᱨ ᱢᱟᱪᱮᱫ ᱠᱚᱣᱟᱜ ᱠᱷᱚᱸᱫᱽᱨᱚᱱ ᱥᱟᱠᱟᱢ ᱠᱚ ᱡᱚᱜᱟᱣ ᱡᱚᱛᱚᱱ ᱠᱟᱛᱮ ᱫᱚᱦᱚ ᱢᱮᱱᱟᱜᱼᱟ᱾
ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Bhasa Bhavana". Visva Bharati. Retrieved 23 August 2019.
- ↑ "Bhasa Bhavana". Visva Bharati. Retrieved 23 August 2019.
- ↑ "Visva Bharati Prospectua 2021" (PDF).
{{cite journal}}: Cite journal requires|journal=(help) - ↑ "Visva Bharati Prospectua 2021" (PDF).
{{cite journal}}: Cite journal requires|journal=(help) - ↑ "Faculty List". Retrieved 5 April 2022.
- ↑ "VB Santali Department" (PDF).
{{cite journal}}: Cite journal requires|journal=(help)