ᱥᱤᱢᱲᱤᱯᱟᱲ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ

ᱥᱤᱢᱲᱤᱯᱟᱲ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ
ᱥᱤᱢᱲᱤᱯᱟᱲ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ
IUCN category II (national park)
	ᱥᱤᱢᱲᱤᱯᱟᱲ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ, ᱳᱰᱤᱥᱟ
Location	ᱳᱰᱤᱥᱟ, ᱥᱤᱧᱚᱛ
Nearest city	ᱵᱟ.ᱨᱯᱟᱫᱟ
Coordinates	21°50′N 86°20′E / 21.833°N 86.333°E
Area	2,750 km2 (1,060 sq mi)
Established	᱑᱙᱘᱐
Visitors	NA (in ᱒᱐᱐᱕)
Governing body	ᱢᱤᱱᱤᱥᱴᱨᱭ ᱚᱯ ᱯᱦᱚᱨᱮᱥᱴ, ᱥᱤᱧᱚᱛ ᱥᱚᱨᱠᱟᱨ
Website	www.similipal.org

ᱥᱤᱢᱲᱤᱯᱟᱲ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱢᱤᱫ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱠᱟᱱᱟ ᱟᱨ ᱠᱩᱞ ᱨᱟᱠᱷᱟ ᱛᱦᱟᱱ, ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱢᱚᱭᱩᱨᱵᱷᱚᱸᱡᱽ ᱡᱤᱞᱟ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱥᱤᱢᱲᱤᱯᱟᱲ-ᱠᱩᱞᱰᱷᱤᱭᱟᱹ-ᱦᱚᱫᱽᱜᱚᱲ ᱦᱟᱹᱛᱤ ᱨᱟᱠᱷᱟ ᱛᱷᱟᱱ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ, ᱡᱟᱦᱟᱸ ᱫᱚ ᱢᱚᱭᱩᱨᱵᱷᱚᱸᱡᱽ ᱦᱟᱹᱛᱤ ᱨᱟᱠᱷᱟ ᱛᱷᱟᱱ ᱢᱮᱱᱛᱮ ᱵᱟᱰᱟᱭᱚᱜ ᱠᱟᱱᱟ ᱾ ᱱᱚᱶᱟ ᱛᱟᱞᱟ ᱨᱮ ᱥᱤᱢᱲᱤᱯᱟᱲ ᱠᱩᱞ ᱨᱟᱠᱷᱟ ᱛᱷᱟᱱ, ᱦᱚᱫᱽᱜᱚᱲ ᱵᱤᱨᱡᱤᱭᱟᱹᱞᱤ ᱥᱟᱸᱠᱪᱩᱣᱟᱨᱤ ᱟᱨ ᱠᱩᱞᱰᱷᱤᱭᱟ, ᱵᱤᱨᱡᱤᱭᱟᱹᱞᱤ ᱥᱟᱸᱠᱪᱩᱣᱟᱨᱤ ᱢᱮᱱᱟᱜᱼᱟ ᱾^[᱓]ᱥᱤᱢᱲᱤᱯᱟᱲ ᱫᱚ ᱥᱤᱢᱲᱤ(red silk cotton trees) ᱫᱟᱨᱮ ᱛᱮ ᱯᱮᱨᱮᱡ ᱟᱠᱟᱱ ᱠᱷᱟᱹᱛᱤᱨ ᱥᱤᱢᱲᱤᱯᱟᱲ ᱠᱚ ᱧᱩᱛᱩᱢ ᱠᱟᱫᱼᱟ ᱾^[᱔] ᱱᱚᱶᱟ ᱫᱚ ᱥᱤᱧᱚᱛ ᱨᱮᱱᱟᱜ ᱫᱚᱥᱟᱨ ᱢᱟᱨᱟᱝ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱠᱟᱱᱟ ᱾

ᱱᱚᱶᱟ ᱵᱟᱜᱟᱱ ᱫᱚ 845²km ᱚᱥᱟᱨ-ᱵᱤᱥᱟᱹᱨ ᱛᱮ ᱟᱴᱮᱫ ᱟᱠᱟᱱᱟ ᱟᱨ ᱱᱚᱶᱟ ᱛᱟᱞᱟᱨᱮ ᱟᱹᱰᱤ ᱪᱮᱨᱦᱟ ᱫᱟᱜ ᱧᱩᱨ ᱟᱬᱜᱚᱜ ᱠᱟᱱ ᱴᱷᱟᱶ ᱢᱮᱱᱟᱜᱼᱟ, ᱡᱮᱢᱚᱱ ᱡᱚᱨᱚᱱᱫᱟ ᱟᱨ ᱵᱚᱨᱮᱭᱯᱟᱬᱤ (ᱵᱨᱚᱭᱯᱟᱹᱬᱤ) ᱾ ᱥᱤᱢᱲᱤᱯᱟᱲ ᱨᱮ ᱙᱙ ᱜᱚᱴᱟᱝ ᱨᱚᱭᱟᱞ ᱵᱮᱸᱜᱚᱞ ᱠᱩᱞ ᱟᱨ ᱔᱓᱒ ᱜᱚᱴᱟᱝ ᱵᱤᱨ ᱦᱟᱹᱛᱤ ᱢᱮᱱᱟᱜ ᱠᱚᱣᱟ ᱾ ᱦᱚᱲ ᱠᱚ ᱯᱤᱛᱷᱚᱵᱟᱴ (ᱵᱟᱨᱤᱯᱚᱫᱟ) ᱟᱨ ᱡᱚᱥᱤᱯᱩᱨ ᱥᱮᱫ ᱛᱮ ᱥᱤᱢᱲᱤᱯᱟᱲ ᱵᱷᱤᱛᱟᱹᱨ ᱠᱚ ᱵᱚᱞᱚ ᱫᱟᱲᱮᱭᱟᱜᱼᱟ ᱾ ᱵᱚᱞᱚᱱ ᱨᱮᱱᱟᱜ ᱯᱚᱨᱢᱤᱥᱤᱚᱱ ᱨᱮᱸᱡᱽ ᱚᱯᱦᱤᱥᱚᱨ ᱯᱤᱛᱷᱚᱵᱟᱴ ᱪᱮᱠ ᱜᱮᱴ ᱟᱨ ᱠᱷᱚᱭᱨᱤ ᱵᱟᱥᱟ ᱡᱚᱥᱤᱯᱩᱨ ᱨᱮ ᱛᱤᱢᱤᱱ ᱜᱟᱱ ᱠᱟᱹᱣᱰᱤ ᱮᱢ ᱠᱟᱛᱮ ᱧᱟᱢᱚᱜᱼᱟ ᱾^[᱕] ᱫᱤᱱ ᱵᱮᱲᱟ ᱧᱮᱧᱮᱞ ᱦᱚᱲ ᱫᱚ ᱥᱮᱛᱟᱜ ᱖ ᱴᱟᱲᱟᱝ ᱠᱷᱚᱱ ᱛᱤᱠᱤᱱ ᱑᱒ ᱴᱟᱲᱟᱝ ᱵᱷᱤᱛᱤᱨ ᱨᱮ ᱠᱚ ᱵᱚᱞᱚ ᱫᱟᱲᱮᱭᱟᱜᱼᱟ ᱟᱨ ᱵᱚᱞᱚᱱ ᱨᱮᱱᱟᱜ ᱫᱟᱣ (ᱯᱚᱨᱢᱤᱥᱚᱱ) ᱴᱤᱠᱤᱴ ᱫᱚ ᱥᱮᱛᱟᱜ ᱖ ᱴᱟᱲᱟᱝ ᱠᱷᱚᱱ ᱙ ᱴᱟᱲᱟᱝ ᱵᱷᱤᱛᱤᱨ ᱨᱮᱜᱮ ᱧᱟᱢᱚᱜᱼᱟ ᱾ ᱥᱤᱢᱲᱤᱯᱟᱲ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱑ ᱱᱚᱵᱷᱮᱢᱵᱚᱨ ᱠᱷᱚᱱ ᱑᱕ ᱡᱩᱱ ᱦᱟᱹᱵᱤᱡ ᱜᱮ ᱡᱷᱤᱡ ᱛᱟᱦᱮᱸᱱᱟ ᱵᱚᱞᱚᱱ ᱞᱟᱹᱜᱤᱫ ᱫᱚ ᱾^[᱔]

ᱵᱟᱨᱯᱚᱫᱽ

ᱥᱤᱢᱲᱤᱯᱟᱲ ᱵᱟᱜᱟᱱ ᱧᱮᱞᱚᱜ ᱡᱤᱭᱟᱹᱲ ᱦᱟᱹᱨᱭᱟᱹᱲ ᱜᱮ ᱞᱟᱛᱟᱨ ᱠᱷᱚᱱᱟᱜ ᱪᱮᱛᱟᱱ ᱟᱹᱰᱤ ᱢᱟᱨᱟᱝ ᱚᱛ ᱨᱮ ᱟᱴᱮᱫ ᱯᱮᱨᱮᱡ ᱟᱠᱟᱱ ᱩᱥᱩᱞ ᱩᱥᱩᱞ ᱫᱟᱨᱮ ᱱᱟᱹᱬᱤ, ᱪᱮᱬᱮ ᱪᱤᱯᱨᱩᱡ ᱪᱤᱯᱨᱩᱡ ᱪᱮᱨᱚ ᱵᱮᱨᱚ, ᱥᱟᱹᱞ ᱥᱟᱨᱟᱢ ᱠᱟᱹᱭᱩᱞ ᱵᱟᱹᱭᱩᱞ, ᱠᱩᱞ ᱵᱟᱱᱟ ᱦᱟᱹᱛᱤ ᱟᱹᱰᱤ ᱟᱭᱢᱟ ᱥᱤᱢᱲᱤᱯᱟᱲ ᱵᱩᱨᱩ ᱜᱚᱴᱟ ᱠᱚ ᱪᱚᱦᱚᱲ ᱟᱠᱟᱫ, ᱵᱩᱨᱩ ᱪᱮᱛᱟᱱ ᱠᱷᱚᱱ ᱨᱮᱭᱟᱲ ᱨᱤᱞᱟᱹᱢᱟᱞᱟ ᱫᱟᱜ ᱨᱤᱲᱤᱢ ᱨᱤᱲᱤᱢ ᱞᱤᱸᱡᱤ ᱟᱬᱜᱚᱱ ᱡᱤᱲᱤᱫ ᱡᱤᱲᱤᱫ ᱡᱷᱟᱞᱠᱟᱣᱟᱛᱮ ᱥᱚᱠᱚᱲᱵᱚᱠᱚᱲ ᱵᱩᱨᱩ ᱥᱚᱸᱜᱷᱟ ᱥᱚᱸᱜᱷᱟ ᱛᱮ ᱾ ᱵᱩᱨᱩ ᱪᱮᱛᱟᱱ ᱠᱷᱚᱱ ᱢᱤᱫ ᱫᱚᱢ ᱧᱮᱞ ᱵᱟᱹᱨᱟᱹᱦᱤ ᱞᱮᱠᱟ ᱢᱤᱫ ᱥᱩᱛᱟᱹᱢ ᱛᱮ ᱪᱚᱴ ᱠᱷᱚᱱᱟᱜ ᱧᱩᱨᱩᱜ ᱠᱟᱱ, ᱥᱟᱹᱨᱤ ᱜᱮ ᱧᱮᱧᱮᱞᱤᱭᱟᱹ ᱠᱚᱣᱟᱜ ᱢᱚᱱᱮ ᱨᱮ ᱯᱚᱨᱮᱫ ᱜᱚᱫᱚᱜᱼᱟ, ᱡᱟᱦᱟᱸ ᱫᱚ ᱢᱮᱛᱟᱜ ᱠᱟᱱᱟ ᱵᱚᱨᱚᱭᱯᱟᱹᱬᱤ (ᱵᱚᱨᱮᱦᱤ ᱯᱟᱬᱤ) ᱾ ᱜᱚᱴᱟ ᱯᱟᱲᱟ ᱩᱥᱩᱥᱞ ᱩᱥᱩᱞ ᱥᱟᱨᱡᱚᱢ ᱫᱟᱨᱮ, ᱪᱟᱢᱯᱟ ᱵᱟᱦᱟ ᱥᱚᱸᱫᱷᱟᱲ ᱥᱚ ᱜᱚᱴᱟ ᱵᱤᱨ ᱢᱚᱦᱠᱟᱣᱜ ᱾

ᱥᱤᱢᱲᱤᱯᱟᱲ
ᱥᱤᱢᱲᱤᱯᱟᱲ ᱨᱮᱟᱜ ᱵᱤᱨ
ᱵᱟᱨᱮᱯᱟᱱᱤ
ᱥᱤᱛᱟᱠᱩᱱᱰ

ᱥᱮᱱᱚᱜ ᱦᱚᱨ

ᱚᱛ ᱦᱚᱨ

ᱵᱟᱹᱨᱯᱟᱫᱟ ᱫᱚ ᱵᱷᱚᱸᱡᱽ(ᱢᱚᱭᱩᱨᱵᱷᱚᱸᱡᱽ) ᱨᱮᱱᱟᱜ ᱦᱚᱱᱚᱛ ᱢᱩᱬᱩᱛ ᱜᱷᱟᱨᱚᱡᱽ ᱠᱟᱱᱟ, ᱡᱟᱦᱟᱸ ᱫᱚ NH 5 ᱛᱮ ᱛᱚᱯᱚᱞ ᱟᱠᱟᱠᱟᱱᱟ ᱵᱷᱩᱵᱚᱱᱮᱥᱚᱨ ᱠᱷᱚᱱ ᱒᱕᱐ ᱠᱤᱞᱚᱢᱤᱴᱚᱨ, ᱒᱐᱐ ᱠᱤᱞᱚᱢᱤᱴᱚᱨ ᱠᱚᱞᱠᱟᱛᱟ ᱠᱷᱚᱱ ᱟᱨ ᱵᱟᱞᱮᱥᱚᱨ ᱠᱷᱚᱱ ᱖᱐ ᱠᱤᱞᱚᱢᱤᱴᱚᱨ ᱟᱨ ᱒᱒ ᱠᱤᱞᱚᱢᱤᱴᱚᱨ ᱯᱤᱛᱷᱚᱵᱟᱴᱚ, ᱡᱟᱦᱟᱸ ᱫᱚ ᱵᱚᱞᱚᱱ ᱦᱚᱨ ᱠᱟᱱᱟ ᱾ ᱮᱴᱟᱜ ᱵᱚᱞᱚᱱ ᱦᱚᱨ ᱫᱚ ᱡᱚᱥᱤᱯᱩᱨ ᱥᱮᱫ ᱛᱮ ᱢᱮᱱᱟᱜᱼᱟ , ᱡᱟᱦᱟᱸ ᱫᱚ ᱵᱟᱹᱨᱯᱟᱫᱟ ᱠᱦᱚᱱ ᱙᱔ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱵᱟᱱᱟᱨ ᱴᱷᱟᱶ ᱜᱮ ᱫᱤᱱᱟᱹᱢ ᱵᱟᱥ ᱜᱟᱹᱰᱤ, ᱡᱤᱯ, ᱴᱮᱠᱥᱤ ᱮᱢᱟᱱ ᱛᱮ ᱡᱚᱲᱟᱣ ᱟᱠᱟᱱᱟ ᱾

ᱨᱮᱞ ᱦᱚᱨ

ᱥᱩᱨ ᱨᱮᱱᱟᱜ ᱨᱮᱞ ᱴᱮᱥᱚᱱ ᱠᱚᱫᱚ ᱦᱩᱭᱩᱜ ᱠᱟᱱᱟ ᱵᱟᱹᱨᱯᱟᱫᱟ, ᱵᱟᱞᱮᱥᱚᱨ, ᱴᱟᱴᱟᱱᱟᱜᱟᱨ (ᱡᱟᱢᱥᱮᱫᱽᱯᱩᱨ) ᱟᱨ ᱠᱷᱚᱲᱚᱜᱽᱯᱩᱨ ᱾

ᱩᱰᱟᱹᱱ ᱦᱚᱨ

ᱥᱩᱨ ᱨᱮᱱᱟᱜ ᱩᱰᱟᱹᱱᱜᱷᱟᱹᱴᱤ ᱫᱚ ᱦᱩᱭᱩᱜ ᱠᱟᱱᱟ ᱵᱷᱩᱵᱚᱱᱮᱥᱚᱨ, ᱠᱚᱞᱠᱟᱛᱟ, ᱨᱟᱧᱪᱤ ᱾

ᱵᱟᱨᱦᱮ ᱡᱚᱱᱚᱲ

ᱥᱤᱢᱞᱤᱯᱟᱞ ᱴᱚᱭᱜᱚᱨ ᱨᱤᱡᱚᱨᱵ

ᱥᱟᱹᱠᱷᱭᱟᱹᱛ

↑ Ministry of Environment and Forests
↑ Government of India
↑ http://www.similipal.org/elephant_reserve.php
↑ ^᱔.᱐ ^᱔.᱑ cite web|url=http://www.Odishatourism.org/wildlife-in-Odisha/simlipal-national-park.html%7Ctitle=Simlipal National Park|publisher=Department of tourism, Odisha|accessdate=12 December 2009
↑ http://www.similipal.org/right_entry.php

[1] Ministry of Environment and Forests

[2] Government of India

[3] ttp://www.similipal.org/elephant_reserve.php

[tour-4] ᱔.᱐ ^᱔.᱑ cite web|url=http://www.Odishatourism.org/wildlife-in-Odisha/simlipal-national-park.html%7Ctitle=Simlipal National Park|publisher=Department of tourism, Odisha|accessdate=12 December 2009

[5] ttp://www.similipal.org/right_entry.php

[᱑]

[᱒]

[᱓]

[᱔]

[᱕]