ᱥᱤᱵᱤ ᱦᱚᱱᱚᱛ

ᱥᱤᱵᱤ ᱦᱚᱱᱚᱛ
سِبی
ᱥᱤᱵᱤ ᱦᱚᱱᱚᱛ; سِبی
ᱦᱚᱱᱚᱛ
	; Map of Balochistan with Sibi District higlighted
ᱫᱤᱥᱚᱢ	ᱯᱟᱠᱤᱥᱛᱟᱱ
ᱯᱚᱱᱚᱛ	ᱵᱟᱞᱚᱪᱤᱥᱛᱟᱱ
ᱢᱩᱬᱩᱛ ᱟᱹᱯᱤᱥ	ᱥᱤᱵᱤ
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(2017)
• ᱞᱮᱠᱷᱟᱜᱩᱴ	᱑᱓᱕,᱕᱗᱒
	PST (ᱭᱩᱴᱤᱥᱤ+5)
ᱛᱚᱦᱥᱤᱞ ᱨᱮᱭᱟᱜ ᱮᱞ	᱔

ᱥᱤᱵᱤ (ᱵᱟᱞᱚᱪᱤ سبی) ᱫᱚ ᱯᱟᱠᱤᱥᱛᱟᱱ ᱫᱤᱥᱚᱢ ᱨᱮᱭᱟᱜ ᱵᱟᱞᱚᱪᱤᱥᱛᱟᱱ ᱯᱚᱱᱚᱛ ᱨᱮᱭᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ^[᱒] ᱢᱩᱬ ᱵᱩᱨᱩ ᱡᱟᱭᱜᱟ ᱠᱚᱫᱚ ᱦᱩᱭᱩᱜ ᱠᱟᱱᱟ- ᱡᱮᱱ, ᱵᱟᱢᱵᱚᱨ ᱟᱨ ᱫᱩᱝᱜᱟᱱ ᱾ ᱱᱚᱰᱮᱱᱟᱜ ᱦᱚᱭ ᱦᱤᱥᱤᱫ ᱫᱚ ᱵᱟᱞᱚᱪᱤᱥᱛᱟᱱ ᱨᱮᱭᱟᱜ ᱮᱴᱟᱜ ᱦᱚᱱᱚᱛ ᱨᱮᱭᱟᱜ ᱦᱚᱭ ᱦᱤᱥᱤᱫ ᱠᱷᱳᱱ ᱵᱷᱮᱜᱟᱨ ᱜᱮᱭᱟ ᱾ ᱱᱚᱣᱟ ᱡᱤᱞᱟᱹ ᱫᱚ ᱦᱚᱴ ᱥᱯᱚᱴ ᱦᱚᱸᱠᱚ ᱢᱮᱛᱟᱜ-ᱟ ᱾ ᱥᱤᱛᱩᱝ ᱨᱤᱛᱩ ᱨᱮ ᱱᱚᱰᱮᱱᱟᱜ ᱛᱟᱯ ᱫᱚ 52.6 °C (126.7 °F) ᱦᱟᱹᱵᱤᱡ ᱨᱟᱠᱟᱵ ᱟ ᱾ ᱒᱐᱑᱓ ᱥᱟᱞ ᱦᱟᱹᱵᱤᱡ ᱱᱚᱣᱟ ᱦᱚᱱᱚᱛ ᱨᱮᱫᱚ ᱒ ᱭᱟ ᱥᱚᱵᱽ ᱰᱤᱵᱷᱤᱡᱚᱱ ᱥᱤᱵᱤ ᱟᱨ ᱞᱮᱦᱨᱤ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱱᱚᱣᱟ ᱦᱚᱱᱚᱛ ᱨᱮ ᱛᱚᱦᱥᱤᱞ ᱟᱨ ᱥᱚᱵᱽ ᱛᱚᱦᱥᱤᱞ ᱠᱚ ᱵᱮᱱᱟᱣ ᱮᱱᱟ ᱾ ᱚᱱᱟ ᱠᱚ ᱨᱮᱭᱟᱜ ᱧᱩᱛᱩᱢ ᱠᱚᱫᱚ- ᱥᱤᱵᱤ, ᱞᱮᱦᱨᱤ, ᱠᱩᱛᱢᱟᱱᱰᱤ ᱟᱨ ᱥᱟᱝᱜᱟᱱ ᱾

ᱱᱟᱜᱟᱢ

ᱥᱤᱵᱤ ᱦᱚᱱᱚᱛ ᱫᱚ ᱵᱨᱤᱴᱤᱥ ᱥᱟᱥᱚᱱ ᱚᱠᱛᱚ ᱑᱙᱐᱓ ᱥᱟᱞ ᱨᱮ ᱵᱮᱱᱟᱣ ᱞᱮᱱᱟ ᱾ ᱱᱚᱣᱟ ᱨᱮᱭᱟᱜ ᱮᱨᱤᱭᱟ ᱫᱤᱚ ᱱᱤᱛᱚᱜᱟᱜ ᱮᱨᱤᱭᱟ ᱠᱷᱚᱱᱟᱜ ᱢᱟᱨᱟᱝ ᱜᱮ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱮᱨᱤᱭᱟ ᱫᱚ 27°55' ᱠᱷᱚᱱ 30°38'N ᱟᱨ 67°17' ᱠᱷᱚᱱ 69°50'E ᱡᱟᱭᱜᱟ ᱨᱮ, ᱞᱚᱨᱟᱞᱟᱭ ᱦᱚᱱᱚᱛ ᱨᱮᱭᱟᱜ ᱫᱟᱹᱠᱷᱤᱱ ᱯᱟᱦᱴᱟ ᱨᱮ, ᱰᱮᱨᱟ ᱜᱷᱟᱡᱤ ᱠᱷᱟᱱ ᱦᱚᱱᱚᱛ ᱨᱮᱭᱟᱜ ᱯᱟᱹᱪᱷᱤᱢ ᱯᱟᱦᱴᱟ ᱨᱮ, ᱠᱟᱪᱷ᱾ ᱥᱚᱢᱟᱱ ᱚᱛ ᱨᱮᱭᱟᱜ ᱯᱩᱨᱩᱵᱽ ᱯᱟᱦᱴᱟ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱥᱟᱢᱚᱴ ᱮᱨᱤᱭᱟ ᱫᱚ ᱦᱩᱭᱩᱜ ᱠᱟᱱᱟ- 11,281 square miles (29,220 km²) ᱾ ᱱᱚᱣᱟ ᱵᱷ᱾ᱛᱨᱤ ᱨᱮᱜᱮ ᱢᱟᱨᱤ ᱵᱩᱜᱽᱛᱤ ᱟᱹᱛᱩ ᱦᱚᱸ ᱢᱮᱱᱟᱜ-ᱟ ᱡᱟᱦᱟᱸ ᱨᱮᱭᱟᱜ ᱮᱨᱤᱭᱟ ᱫᱚ ᱦᱩᱭᱩᱜ ᱠᱟᱱᱟ ᱗,᱑᱒᱙ ᱫᱚᱵᱚᱲ ᱢᱟᱭᱤᱞ ᱾ ᱱᱚᱰᱮᱱᱟᱜ 4,152 square miles (10,750 km²) ᱤᱞᱟᱹᱠᱟ ᱪᱷᱟᱰᱟ ᱠᱟᱛᱮ ᱵᱨᱤᱴᱤᱥ ᱵᱨᱤᱴᱤᱥ ᱫᱚᱠᱚ ᱥᱟᱥᱚᱱᱮᱫ ᱛᱟᱦᱮᱸᱫ ᱾ ^[᱓] ᱵᱷᱟᱨᱚᱛ ᱨᱮᱭᱟᱜ ᱑᱙᱐᱑ ᱥᱟᱞ ᱨᱮᱭᱟᱜ ᱦᱚᱲ ᱞᱮᱠᱷᱟ ᱚᱝᱥᱟᱨ ᱱᱚᱰᱮᱱᱟᱜ ᱦᱚᱲ ᱮᱞ ᱫᱚ ᱛᱟᱦᱮᱸ ᱠᱟᱱᱟ ᱗᱔,᱕᱕᱕ ᱾ ᱱᱩᱠᱩ ᱪᱷᱤᱛᱭᱟᱹᱣ ᱞᱮᱠᱚ ᱠᱷᱟᱱ ᱢᱤᱫ ᱫᱚᱵᱚᱲ ᱢᱟᱭᱤᱞ ᱨᱮ ᱑᱘ ᱡᱷᱚᱬ ᱠᱚ ᱛᱟᱦᱮᱸᱱᱟ ᱾ ᱱᱚᱰᱮ ᱫᱚ ᱔ ᱭᱟᱹ ᱛᱚᱦᱥᱤᱞ ᱢᱮᱱᱟᱜ-ᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ

ᱛᱚᱦᱥᱤᱞ	ᱮᱨᱤᱭᱟ (ᱫᱚᱵᱚᱲ ᱢᱟᱭᱤᱞ)	ᱦᱚᱲ ᱮᱞ
Kohlu	362	1,743
Sibi	1,343	20,526
Shahrig	1,595	16,573
Naseerabad	852	33,713
Total	4,152	74,555

᱑᱙᱗᱔ ᱥᱟᱞ ᱨᱮ ᱱᱚᱣᱟ ᱦᱚᱱᱚᱛ ᱦᱟᱹᱴᱤᱧ ᱠᱟᱛᱮ ᱱᱟᱥᱤᱨᱵᱟᱫᱽ ᱦᱚᱱᱚᱛ ᱟᱨ ᱠᱚᱦᱞᱩ ᱦᱚᱱᱚᱛ ᱵᱮᱱᱟᱣ ᱮᱱᱟ ᱾ ᱑᱙᱘᱓ ᱥᱟᱞ ᱨᱮ ᱱᱚᱣᱟ ᱦᱚᱱᱚᱛ ᱦᱟᱹᱴᱤᱧ ᱠᱟᱛᱮ ᱟᱨᱦᱚᱸ ᱰᱮᱨᱟ ᱵᱩᱜᱽᱛᱤ ᱦᱚᱱᱚᱛ ᱟᱨ ᱡᱤᱭᱟᱨᱟᱛ ᱦᱚᱱᱚᱛ ᱵᱮᱱᱟᱣ ᱮᱱᱟ ᱾ ᱒᱐᱐᱗ ᱥᱟᱞ ᱨᱮ ᱦᱟᱨᱱᱟᱭ ᱦᱚᱱᱚᱛ ᱟᱨ ᱒᱐᱑᱓ ᱥᱟᱞ ᱨᱮ ᱞᱮᱦᱨᱤ ᱦᱚᱱᱚᱛ ᱱᱚᱣᱟ ᱚᱧᱪᱚᱲ ᱠᱮᱪᱟᱜ ᱠᱟᱛᱮ ᱜᱮ ᱵᱮᱱᱟᱣ ᱮᱱᱟ ᱾

ᱦᱚᱲ ᱞᱮᱠᱷᱟ

᱑᱙᱙᱘ ᱥᱟᱞ ᱨᱮᱭᱟᱜ ᱦᱚᱲ ᱞᱮᱠᱷᱟ ᱚᱝᱥᱟᱨ ᱵᱟᱝ ᱨᱟᱹᱯᱩᱫ ᱟᱠᱟᱱ ᱥᱤᱵᱤ ᱦᱚᱱᱚᱛ ᱨᱮᱭᱟᱜ ᱦᱚᱲ ᱮᱞ ᱫᱚ ᱛᱟᱦᱮᱸ ᱠᱟᱱᱟ ᱑᱐᱓,᱗᱐᱐ ᱾ ᱱᱚᱰᱮ ᱠᱚ ᱨᱚᱲ ᱠᱟᱱ ᱢᱩᱬ ᱯᱩᱭᱞᱩ ᱯᱟᱹᱨᱥᱤ ᱠᱚᱫᱚ ᱦᱩᱭᱩᱜ ᱠᱟᱱᱟ ᱵᱟᱞᱚᱪᱤ (᱔᱔%), ᱥᱤᱱᱫᱷᱤ (᱒᱐%), ᱯᱟᱥᱛᱷᱚ (᱑᱑%) ᱟᱨ ᱥᱟᱨᱟᱭᱠᱤ (᱘.᱒%) ᱾^[᱔]

ᱦᱤᱡᱩᱜ ᱥᱮᱱᱚᱜ

ᱥᱤᱵᱤ ᱦᱚᱱᱚᱛ ᱫᱚ ᱯᱟᱠᱤᱥᱛᱟ ᱨᱮᱭᱟᱜ ᱯᱟᱹᱪᱷᱤᱢ ᱩᱛᱟᱹᱨ ᱨᱮ ᱢᱮᱱᱟᱜ-ᱟ ᱟᱨ ᱥᱚᱲᱚᱠ, ᱨᱮᱞ ᱟᱨ ᱥᱮᱨᱢᱟ ᱦᱚᱨ ᱛᱮ ᱯᱟᱠᱤᱥᱛᱟ ᱨᱮᱭᱟᱜ ᱮᱴᱟᱜ ᱡᱟᱭᱜᱟ ᱥᱟᱶ ᱵᱷᱟᱹᱜᱤ ᱡᱚᱲᱟᱣ ᱢᱮᱱᱟᱜ-ᱟ ᱾

ᱨᱮ ᱦᱚᱨ

ᱥᱤᱵᱤ ᱨᱮᱞ ᱴᱮᱥᱚᱱ ᱫᱚ ᱢᱤᱫ ᱡᱩᱝᱠᱥᱚᱱ ᱨᱮᱞ ᱴᱮᱥᱚᱱ ᱠᱟᱱᱟ ᱾ ᱱᱚᱰᱮᱱᱟᱜ ᱨᱮᱞ ᱴᱨᱟᱠ ᱫᱚ ᱑᱘᱙᱐ ᱥᱟᱞ ᱨᱮ ᱵᱨᱤᱴᱤᱥ ᱥᱟᱥᱚᱱ ᱚᱠᱛᱚ ᱨᱮ, ᱥᱤᱵᱤ ᱦᱚᱱᱚᱛ ᱫᱩᱱᱤᱭᱟᱹ ᱨᱮᱭᱟᱜ ᱮᱴᱟᱜ ᱡᱟᱭᱜᱟ ᱥᱟᱶ ᱡᱚᱲᱟᱣ ᱞᱟᱹᱜᱤᱫ ᱠᱚ ᱟᱴᱮᱫ ᱞᱮᱜ-ᱟ ᱾

ᱯᱟᱨᱟᱵᱽ ᱯᱩᱱᱟᱹᱭ

ᱟᱹᱰᱤ ᱧᱩᱛᱩᱢᱟᱱ ᱥᱤᱵᱤ ᱢᱮᱲᱟ ᱫᱚ ᱯᱩᱭᱞᱩ ᱠᱟᱛᱮ ᱑᱘᱘᱕ ᱥᱟᱞ ᱨᱮ ᱮᱦᱚᱵ ᱞᱮᱱᱟ ᱾ ᱱᱚᱣᱟ ᱢᱮᱲᱟ ᱨᱮᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱡᱤᱱᱤᱥ ᱥᱚᱱᱚᱫᱚᱨ, ᱢᱭᱩᱡᱤᱠᱟᱞ ᱥᱚ ᱟᱨ ᱠᱷᱤᱞᱚᱲ ᱯᱟᱨᱟᱵᱽ ᱮᱢᱟᱱ ᱦᱩᱭᱩᱜ-ᱟ ᱾

ᱵᱟᱦᱨᱮ ᱡᱚᱱᱚᱲ

Sibi District at www.balochistan.gov.pk
Sibi District^{[permanent dead link]} at www.sibidistrict.com Archived ᱒᱐᱑᱙-᱐᱑-᱑᱑ at the Wayback Machine.
Sibi District Archived ᱒᱐᱑᱘-᱐᱔-᱒᱖ at the Wayback Machine. at www.balochistanpolice.gov.pk Archived ᱒᱐᱑᱘-᱑᱑-᱐᱖ at the Wayback Machine.
Sibi District Development Profile 2011

ᱥᱟᱹᱠᱷᱭᱟᱹᱛ

↑ "DISTRICT WISE CENSUS RESULTS CENSUS 2017" (PDF). www.pbscensus.gov.pk. Archived from the original (PDF) on 2017-08-29.
↑ Tehsils & Unions in the District of Sibi - Government of Pakistan Archived ᱒᱐᱑᱒-᱐᱘-᱐᱕ at Archive.is
↑ "Imperial Gazetteer2 of India, Volume 22, page 336 -- Imperial Gazetteer of India -- Digital South Asia Library". dsal.uchicago.edu.
↑ PCO 1999, p. 89.

[DISTRICT_WISE_CENSUS_RESULTS_CENSUS_2017-1] "DISTRICT WISE CENSUS RESULTS CENSUS 2017" (PDF). www.pbscensus.gov.pk. Archived from the original (PDF) on 2017-08-29.

[NRB-2] Tehsils & Unions in the District of Sibi - Government of Pakistan Archived ᱒᱐᱑᱒-᱐᱘-᱐᱕ at Archive.is

[3] "Imperial Gazetteer2 of India, Volume 22, page 336 -- Imperial Gazetteer of India -- Digital South Asia Library". dsal.uchicago.edu.

[FOOTNOTEPCO199989-4] PCO 1999, p. 89.

[᱑]

[᱒]

[᱓]

[᱔]