ᱥᱩᱠᱩᱢᱟᱨ ᱨᱟᱭ
| ᱥᱩᱠᱩᱢᱟᱨ ᱨᱟᱭ | |
|---|---|
 | |
| ᱡᱟᱱᱟᱢ | ᱓᱐ ᱚᱠᱴᱚᱵᱚᱨ ᱑᱘᱘᱗ ᱠᱮᱞᱠᱟᱴᱟ, ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱥᱤᱧᱚᱛ (ᱱᱟᱦᱟᱜ ᱠᱳᱞᱠᱟᱛᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ)[᱑][᱒] |
| ᱜᱩᱨ | ᱑᱐ ᱥᱮᱯᱴᱮᱢᱵᱚᱨ ᱑᱙᱒᱓ (᱓᱕ ᱵᱚᱭᱚᱥ) ᱠᱮᱞᱠᱟᱴᱟ, ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱥᱤᱧᱚᱛ (ᱱᱟᱦᱟᱜ ᱠᱳᱞᱠᱟᱛᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ) |
| ᱠᱟᱹᱢᱤ | ᱚᱱᱚᱞᱤᱭᱟᱹ, ᱚᱱᱚᱬᱦᱤᱭᱟᱹ, ᱥᱟᱥᱟᱯᱲᱟᱣᱤᱡ |
| ᱯᱟᱹᱨᱥᱤ | ᱵᱟᱝᱞᱟ |
| ᱥᱮᱪᱮᱫ ᱟᱥᱲᱟ | |
| ᱚᱠᱛᱚ | ᱵᱟᱝᱞᱟ ᱱᱟᱣᱟ ᱪᱮᱸᱜᱷᱟᱣᱱᱟ |
| ᱥᱟᱶᱦᱮᱫ ᱮᱱᱮᱢ | ᱟᱵᱳᱞ ᱛᱟᱵᱳᱞ, ᱯᱟᱜᱽᱞᱟ ᱫᱟᱥᱩ, ᱦᱚ-ᱡᱚ-ᱵᱚ-ᱨᱚ-ᱞᱚ |
| ᱡᱤᱭᱚᱱ ᱥᱚᱦᱮᱫ | ᱥᱩᱯᱨᱚᱵᱷᱟ ᱫᱮᱵᱤ |
| ᱦᱚᱯᱚᱱ | ᱥᱚᱛᱭᱚᱡᱤᱛ ᱨᱟᱭ (ᱠᱚᱲᱟ) |
| ᱯᱮᱲᱟ ᱥᱟᱹᱜᱟᱹᱭᱟᱱ ᱠᱚ | |
ᱥᱩᱠᱩᱢᱟᱨ ᱨᱟᱭ (᱓᱐ ᱚᱠᱴᱚᱵᱚᱨ ᱑᱘᱘᱗ - ᱑᱐ ᱥᱮᱯᱴᱮᱢᱵᱚᱨ ᱑᱙᱒᱓)[᱓] ᱫᱚ ᱥᱤᱧᱚᱛᱤᱭᱟᱹ ᱵᱟᱝᱞᱟ ᱥᱟᱶᱦᱮᱫ ᱨᱤᱱᱤᱡ ᱢᱤᱫ ᱧᱩᱢᱟᱱ ᱜᱤᱫᱽᱨᱟᱹ ᱥᱟᱶᱦᱮᱫ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱩᱱᱤᱫᱚ ᱟᱭᱢᱟ ᱞᱮᱠᱟᱱ ᱠᱟᱹᱨᱤ ᱛᱮ ᱯᱟᱹᱨᱩᱠᱷᱤᱭᱟᱹ ᱦᱚᱲ ᱮ ᱛᱟᱸᱦᱮ ᱠᱟᱱᱟᱭ᱾ ᱢᱤᱫ ᱥᱮᱫ ᱛᱮ ᱡᱮᱞᱮᱠᱟ ᱚᱱᱚᱞᱤᱭᱟᱹ, ᱚᱱᱚᱬᱦᱤᱭᱟᱹ ᱫᱚᱥᱟᱨ ᱥᱮᱫ ᱛᱮ ᱩᱱᱤ ᱫᱚ ᱧᱩᱢᱟᱱ ᱜᱟᱭᱟᱱ ᱠᱟᱹᱨᱤᱜᱚᱞ ᱦᱚᱸ ᱠᱟᱱᱟᱭ᱾ ᱟᱡ ᱵᱟᱵᱟ ᱟᱜ ᱧᱩᱛᱩᱢ ᱫᱚ ᱩᱯᱮᱱᱫᱨᱚᱠᱤᱥᱳᱨ ᱨᱟᱭᱪᱟᱹᱣᱫᱷᱩᱨᱤ ᱟᱨ ᱟᱡ ᱠᱚᱲᱟ ᱦᱚᱯᱚᱱ ᱫᱚ ᱥᱚᱛᱭᱚᱡᱤᱛ ᱨᱟᱭ ᱠᱟᱱᱟᱭ᱾ ᱟᱡᱟᱜ ᱚᱞ ᱯᱩᱛᱷᱤ ᱠᱚᱫᱚ ᱟᱵᱳᱞ ᱛᱟᱵᱳᱞ, ᱦᱚ-ᱡᱚ-ᱵᱚ-ᱨᱚ-ᱞᱚ ᱮᱢᱟᱱ ᱮᱢᱟᱱ᱾ ᱧᱩᱢᱟᱱ ᱜᱟᱭᱟᱱ ᱫᱚ ᱪᱚᱞᱚᱪᱤᱛᱭᱚᱪᱚᱧᱪᱚᱨᱤ᱾ ᱟᱡᱟᱜ ᱚᱞ ᱨᱮ ᱱᱚᱱᱥᱮᱱᱥ ᱚᱞ ᱜᱮ ᱡᱟᱹᱥᱛᱤ ᱢᱮᱱᱟᱜᱼᱟ᱾ ᱵᱟᱝᱞᱟ ᱥᱟᱶᱦᱮᱫ ᱨᱮ ᱟᱡᱟᱜ ᱮᱱᱮᱢ ᱟᱹᱰᱤᱜᱮ ᱚᱥᱟᱢᱵᱷᱮᱲ ᱜᱮᱭᱟ᱾
ᱜᱷᱟᱨᱚᱸᱡᱽ ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱭ ᱜᱷᱟᱨᱚᱸᱡᱽ ᱨᱮᱱᱟᱜ ᱱᱟᱜᱟᱢ ᱠᱷᱚᱱ ᱵᱟᱰᱟᱭ ᱧᱟᱢᱚᱜ ᱠᱟᱱᱟ ᱱᱤᱛᱚᱜᱟᱜ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱱᱚᱫᱤᱭᱟ ᱡᱤᱞᱟᱹ ᱪᱟᱠᱫᱚᱦᱚ ᱟᱹᱛᱩᱨᱮ ᱟᱠᱚ ᱨᱮᱱ ᱢᱟᱨᱮ ᱦᱟᱯᱲᱟᱢ ᱥᱨᱤ ᱨᱟᱢᱥᱩᱱᱫᱚᱨ ᱫᱮᱣ ᱟᱜ ᱜᱤᱨᱟᱹᱵᱟᱥ ᱛᱟᱸᱦᱮ ᱠᱟᱱᱟ᱾ ᱱᱟᱯᱟᱭ ᱛᱮ ᱡᱤᱭᱚᱱ ᱠᱷᱟᱸᱰᱟᱣ ᱞᱟᱹᱜᱤᱫ ᱩᱱᱤ ᱫᱚ ᱡᱟᱱᱟᱢ ᱟᱹᱛᱩ ᱵᱟᱹᱜᱤ ᱠᱟᱛᱮ ᱯᱩᱨᱵᱚᱵᱚᱝᱜᱚ (ᱥᱟᱢᱟᱝ ᱵᱟᱝᱞᱟ) ᱥᱮᱨᱯᱩᱨ ᱡᱤᱞᱟᱹ ᱨᱮ ᱥᱮᱱ ᱞᱮᱱᱟ᱾ ᱥᱮᱨᱯᱩᱨ ᱡᱚᱢᱤᱫᱟᱨ ᱚᱲᱟᱜ ᱨᱮ ᱧᱟᱯᱟᱢ ᱦᱩᱭ ᱞᱮᱱᱟ ᱡᱚᱥᱳᱫᱚᱞ ᱴᱚᱴᱷᱟ ᱨᱮᱱᱟᱜ ᱡᱚᱢᱤᱫᱟᱨ ᱜᱩᱱᱤᱪᱚᱱᱫᱨᱚ ᱥᱟᱶ᱾ ᱜᱩᱱᱤᱪᱚᱱᱫᱨᱚ ᱨᱟᱢᱥᱩᱱᱫᱚᱨ ᱟᱜ ᱞᱟᱥᱮᱨ ᱦᱟᱛᱟᱝ ᱟᱨ ᱟᱭᱟᱜ ᱥᱩᱴᱷᱟᱢ ᱦᱚᱲᱢᱚ ᱧᱮᱞ ᱠᱟᱛᱮ ᱟᱡᱟᱜ ᱡᱚᱢᱤᱫᱟᱨᱤᱛᱮ ᱤᱫᱤᱠᱮᱫᱟᱭᱟᱭ᱾ᱚᱸᱰᱮ ᱪᱟᱞᱟᱣ ᱠᱟᱛᱮ ᱨᱟᱢᱥᱩᱱᱫᱚᱨ ᱟᱜ ᱜᱷᱟᱨᱚᱸᱡᱽ ᱡᱤᱭᱚᱱ ᱮᱦᱚᱱ ᱮᱱᱛᱟᱭᱟ᱾ ᱛᱟᱭᱚᱢ ᱫᱟᱨᱟᱢ ᱛᱮ ᱟᱡᱟᱜ ᱯᱚᱯᱚᱝᱲᱟ ᱠᱚ ᱚᱸᱰᱮ ᱠᱷᱚᱱ ᱥᱟᱦᱟ ᱠᱟᱛᱮ ᱠᱤᱥᱳᱨᱜᱚᱧᱡᱽ ᱡᱤᱞᱟᱹ ᱠᱟᱴᱤᱭᱟᱹ ᱟᱹᱛᱩᱨᱮ ᱜᱤᱨᱟᱹᱵᱟᱥ ᱠᱚ ᱮᱦᱚᱵ ᱠᱮᱫᱟ᱾[᱔][᱕]
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱠᱩᱢᱟᱨ ᱨᱟᱭ ᱟᱜ ᱡᱟᱱᱟᱢ ᱑᱘᱘᱗ ᱥᱮᱨᱢᱟ ᱨᱮᱱᱟᱜ ᱓᱐ ᱚᱠᱴᱚᱵᱚᱨ ᱨᱮ ᱠᱚᱞᱠᱟᱛᱟ ᱨᱮ ᱢᱤᱫ ᱵᱟᱢᱲᱮ ᱜᱷᱟᱨᱚᱸᱡᱽ ᱨᱮ ᱦᱩᱭ ᱞᱮᱱᱟ᱾ ᱩᱱᱤ ᱫᱚ ᱵᱟᱝᱞᱟ ᱜᱤᱫᱽᱨᱟᱹ ᱥᱟᱶᱦᱮᱫᱤᱭᱟᱹ ᱩᱯᱮᱱᱫᱨᱚᱠᱤᱥᱚᱨ ᱨᱟᱭ ᱪᱚᱣᱫᱷᱩᱨᱤ ᱨᱮᱱ ᱜᱤᱫᱽᱨᱟᱹ ᱱᱩᱭᱟᱜ ᱟᱭᱳ ᱫᱚ ᱵᱤᱫᱷᱩᱢᱩᱠᱷᱤ ᱫᱮᱵᱤ ᱠᱟᱱᱟᱭ᱾ ᱱᱩᱭ ᱫᱚ ᱵᱨᱚᱢᱦᱚᱥᱚᱢᱟᱡᱽ ᱨᱤᱱᱤᱡ ᱫᱟᱨᱚᱠᱟᱱᱟᱛᱷ ᱜᱚᱝᱜᱳᱯᱟᱫᱷᱭᱟᱭ ᱨᱮᱱ ᱠᱩᱲᱤ ᱠᱟᱱᱟᱭ᱾ ᱩᱱᱤᱭᱟᱜ ᱚᱲᱟᱜ ᱫᱚ ᱢᱟᱨᱟᱝ ᱢᱚᱭᱢᱚᱱᱥᱤᱝᱦᱚ ᱡᱤᱞᱟᱹ ᱨᱮᱭᱟᱜ ᱠᱤᱥᱳᱨᱜᱚᱸᱡᱽ ᱢᱚᱦᱟᱠᱩᱢᱟ ᱨᱮ ᱢᱮᱱᱟᱜ ᱠᱳᱴᱤᱭᱟᱰᱤ ᱩᱯᱚᱡᱮᱞᱟ ᱨᱮᱭᱟᱜ ᱢᱚᱥᱩᱣᱟ ᱟᱹᱛᱩ ᱨᱮ᱾ ᱢᱚᱥᱩᱣᱟ ᱨᱮ ᱛᱟᱦᱮᱸᱱ ᱢᱟᱲᱟᱝ ᱨᱮ ᱟᱡ ᱨᱮᱱ ᱦᱟᱯᱲᱟᱢ ᱟᱫᱤᱱᱤᱵᱟᱥ ᱫᱚ ᱯᱚᱪᱷᱤᱢ ᱵᱟᱸᱜᱽᱞᱟ ᱨᱮᱱᱟᱜ ᱱᱚᱫᱤᱭᱟ ᱦᱚᱱᱚᱛ ᱨᱮᱱᱟᱜ ᱪᱟᱠᱫᱚᱦᱚ ᱨᱮ ᱛᱟᱦᱮᱸ ᱠᱟᱱᱟᱭ᱾ ᱥᱩᱵᱤᱱᱚᱭ ᱨᱟᱭ ᱟᱨ ᱥᱩᱵᱤᱢᱚᱞ ᱨᱟᱭ ᱫᱚ ᱟᱡᱟᱜ ᱵᱟᱨᱭᱟ ᱵᱚᱭᱦᱟ ᱠᱟᱱᱟ ᱠᱤᱱ᱾ ᱱᱩᱠᱩ ᱵᱮᱜᱚᱨ ᱦᱚᱸ ᱟᱡᱟᱜ ᱯᱮᱭᱟ ᱢᱤᱥᱮᱨᱟ ᱠᱚ ᱦᱩᱭᱩᱜ ᱠᱟᱱᱟ - ᱥᱩᱠᱚᱞᱛᱟ, ᱯᱩᱱᱟᱭᱚᱞᱛᱟ ᱟᱨ ᱥᱟᱱᱛᱟᱞᱛᱟ᱾
ᱥᱩᱠᱩᱢᱟᱨ ᱨᱟᱭ ᱫᱚ ᱵᱟᱝᱞᱟ ᱱᱚᱵᱚᱡᱟᱜᱚᱨᱚᱱ ᱪᱟᱞᱟᱜ ᱚᱠᱛᱚ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱩᱱᱤᱭᱟᱜ ᱜᱷᱟᱨᱚᱸᱡᱽ ᱨᱮᱱ ᱦᱚᱲ ᱠᱚᱫᱚ ᱥᱟᱶᱦᱮᱫ ᱫᱩᱞᱟᱹᱲᱤᱭᱟᱹ ᱠᱚ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱩᱱᱤ ᱥᱟᱶᱦᱮᱫ ᱥᱤᱠᱷᱱᱟᱹᱛ ᱨᱮ ᱜᱚᱲᱚᱭ ᱮᱢ ᱞᱮᱫᱮᱭᱟ᱾ ᱟᱯᱟᱛ ᱩᱯᱮᱱᱫᱨᱚ ᱠᱤᱥᱳᱨ ᱫᱚ ᱢᱤᱫ ᱜᱤᱫᱽᱨᱟᱹ ᱚᱱᱚᱬᱦᱤᱭᱟ, ᱪᱤᱛᱟᱹᱨᱤᱭᱟᱹ, ᱥᱮᱨᱮᱧᱤᱭᱟᱹ ᱮ ᱛᱟᱦᱮᱸ ᱠᱟᱱᱟ᱾ ᱩᱯᱮᱱᱫᱨᱚᱠᱤᱥᱳᱨᱟᱜ ᱟᱹᱰᱤ ᱥᱩᱨ ᱨᱮᱱ ᱜᱟᱛᱮ ᱫᱚ ᱨᱚᱵᱤᱱᱫᱨᱚᱱᱟᱛᱷ ᱴᱷᱟᱠᱩᱨ ᱠᱟᱱᱟᱭ, ᱡᱟᱦᱟᱸ ᱛᱮᱫᱚ ᱥᱩᱠᱩᱢᱟᱨ ᱟᱜ ᱟᱹᱰᱤ ᱵᱷᱟᱜᱮ ᱦᱩᱭ ᱞᱮᱱᱟ᱾ ᱨᱟᱭ ᱜᱷᱟᱨᱚᱸᱡᱽ ᱥᱟᱶ ᱡᱚᱜᱽᱫᱤᱥ ᱪᱚᱱᱫᱨᱚ ᱵᱚᱥᱩ, ᱟᱪᱟᱨᱭᱟ ᱯᱨᱚᱯᱷᱩᱞᱞ ᱪᱚᱱᱫᱨᱚ ᱨᱟᱭ ᱯᱨᱚᱢᱩᱠᱷ ᱟᱜ ᱦᱚᱸ ᱥᱟᱹᱜᱟᱹᱭ ᱛᱟᱦᱮᱸ ᱠᱟᱱᱟ᱾
ᱥᱮᱪᱮᱫ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱟᱹᱛᱩ ᱨᱮ ᱯᱨᱟᱭᱢᱟᱨᱤ ᱥᱮᱪᱮᱫ ᱛᱟᱭᱚᱢ ᱠᱚᱞᱠᱟᱛᱟ ᱥᱤ.ᱴᱤ ᱟᱥᱲᱟ ᱠᱷᱚᱱ ᱮᱱᱴᱨᱮᱥ ᱯᱟᱥ ᱞᱮᱫᱟᱭ᱾ ᱠᱚᱞᱠᱟᱛᱟ ᱨᱮᱱᱟᱜ ᱯᱨᱮᱥᱤᱰᱮᱱᱥᱤ ᱠᱚᱞᱮᱡᱽ ᱠᱷᱚᱱ ᱑᱙᱐᱖ ᱨᱮ ᱨᱚᱥᱟᱭᱚᱱ ᱟᱨ ᱯᱚᱫᱟᱨᱛᱷᱚ ᱥᱟᱬᱮᱥ ᱨᱮ ᱵᱤ.ᱮᱥ.ᱥᱤ. ᱛᱟᱭᱚᱢ ᱥᱩᱠᱩᱢᱟᱨ ᱫᱚ ᱢᱩᱫᱨᱚᱱᱵᱤᱫᱷᱤᱭᱟ ᱨᱮ ᱪᱮᱛᱟᱱ ᱥᱮᱪᱮᱫ ᱞᱟᱹᱜᱤᱫ ᱑᱙᱑᱑ ᱥᱟᱞᱮ ᱨᱮ ᱵᱤᱞᱮᱛ ᱮ ᱥᱮᱱ ᱮᱱᱟ᱾ ᱚᱸᱰᱮ ᱩᱱᱤ ᱫᱚ ᱚᱞ ᱪᱤᱛᱟᱹᱨ ᱟᱨ ᱢᱩᱴᱷᱟᱹᱱ ᱴᱮᱠᱱᱚᱞᱚᱡᱤ ᱨᱮ ᱯᱟᱲᱦᱟᱣ ᱮᱱᱟᱭ ᱟᱨ ᱚᱠᱛᱚ ᱛᱟᱭᱚᱢ ᱛᱮ ᱩᱱᱤ ᱫᱚ ᱥᱤᱧᱚᱛ ᱨᱤᱱᱤᱡ ᱯᱩᱭᱞᱩ ᱚᱞ ᱪᱤᱛᱟᱹᱨᱤᱭᱟᱹ ᱟᱨ ᱞᱤᱛᱷᱳᱜᱨᱟᱯᱷᱚᱨ ᱞᱮᱠᱟᱛᱮ ᱦᱮᱡ ᱞᱮᱱᱟᱭ᱾ ᱑᱙᱑᱓ ᱥᱟᱞ ᱨᱮ ᱩᱱᱤ ᱠᱚᱞᱠᱟᱛᱟ ᱨᱩᱭᱟᱹᱲ ᱞᱮᱱᱟᱭ᱾ ᱩᱱᱤ ᱫᱚ ᱠᱚᱲᱟ ᱜᱤᱫᱨᱟᱹ ᱠᱚᱣᱟᱜ ᱢᱤᱫ ᱪᱟᱸᱫᱚᱠᱤᱭᱟᱹ ᱯᱟᱛᱷᱟᱢ 'ᱥᱚᱱᱫᱮᱥ' ᱩᱪᱷᱟᱹᱱ ᱮ ᱮᱛᱚᱦᱚᱵ ᱠᱮᱫᱼᱟ᱾ ᱥᱩᱠᱩᱢᱟᱨᱟᱜ ᱵᱤᱞᱮᱛ ᱠᱷᱚᱱ ᱨᱩᱣᱟᱹᱲ ᱦᱮᱡ ᱛᱟᱭᱚᱢ ᱜᱮ ᱩᱯᱮᱱᱫᱨᱚᱠᱤᱥᱳᱨ ᱮ ᱜᱩᱨ ᱮᱱᱟ᱾ ᱩᱯᱮᱱᱫᱨᱚᱠᱤᱥᱚᱨ ᱡᱤᱣᱮᱫ ᱛᱟᱦᱮᱸᱱ ᱨᱮ ᱥᱩᱠᱩᱢᱟᱨ ᱟᱜ ᱚᱞᱚᱜ ᱫᱚ ᱠᱚᱢ ᱜᱮ ᱩᱪᱷᱟᱹᱱ ᱞᱮᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱩᱱᱤ ᱟᱜ ᱜᱩᱨ ᱛᱟᱭᱚᱢ ᱥᱚᱱᱫᱮᱥ ᱯᱟᱛᱷᱟᱢ ᱥᱟᱯᱲᱟᱣ ᱨᱮᱱᱟᱜ ᱠᱟᱹᱢᱤ ᱫᱚ ᱥᱩᱠᱩᱢᱟᱨ ᱟᱜ ᱛᱟᱨᱮᱱ ᱨᱮ ᱪᱟᱞ ᱟᱫᱮ ᱛᱟᱦᱮᱸᱫ᱾ ᱵᱟᱝᱞᱟ ᱜᱤᱫᱽᱨᱟᱹ ᱥᱟᱶᱦᱮᱫ ᱨᱮᱱᱟᱜ ᱢᱤᱫ ᱱᱟᱣᱟ ᱪᱮᱸᱜᱷᱟᱣᱱᱟ ᱮᱦᱚᱵ ᱮᱱᱟ᱾ ᱟᱡ ᱵᱟᱵᱟᱦᱟᱜ ᱜᱩᱨ ᱛᱟᱭᱚᱢ ᱘ ᱥᱮᱨᱢᱟ ᱦᱟᱹᱵᱤᱡ ᱩᱱᱤ ᱫᱚ ᱥᱚᱱᱫᱮᱥ ᱟᱨ ᱯᱟᱛᱷᱟᱢ ᱪᱷᱟᱯᱟ ᱪᱟᱞᱟᱣ ᱨᱮᱭᱟᱜ ᱠᱟᱹᱢᱤᱦᱚᱨᱟ ᱠᱚᱭ ᱜᱚᱜ ᱟᱫᱮᱭᱟ। ᱟᱡᱟᱜ ᱜᱤᱫᱽᱨᱟᱹ ᱵᱚᱭᱦᱟ ᱱᱚᱶᱟ ᱠᱟᱹᱢᱤ ᱨᱮ ᱟᱡᱟᱜ ᱜᱚᱲᱚᱭ ᱮᱢᱚᱜ ᱠᱟᱱ ᱛᱟᱦᱮᱸᱫ ᱟᱨ ᱟᱭᱢᱟ ᱜᱷᱟᱨᱚᱸᱡᱽ ᱦᱚᱲ ᱠᱚ 'ᱥᱚᱱᱫᱮᱥ' ᱞᱟᱹᱜᱤᱫ ᱟᱭᱢᱟ ᱞᱮᱠᱟᱱ ᱚᱱᱚᱞ ᱠᱚ ᱚᱞ ᱠᱟᱛᱮ ᱟᱜ ᱜᱚᱲᱚᱭ ᱮᱢᱟ ᱠᱚ ᱠᱟᱱ ᱛᱟᱦᱮᱸᱫ᱾
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱠᱩᱢᱟᱨ ᱨᱟᱭ ᱟᱜ ᱠᱚᱢ ᱡᱤᱭᱚᱱ ᱨᱮ ᱩᱱᱤᱭᱟᱜ ᱥᱤᱠᱷᱱᱟᱹᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱱᱟᱯᱟᱭ ᱵᱤᱵᱷᱟᱜ ᱧᱮᱞᱚᱜᱼᱟ᱾ 'ᱥᱚᱱᱫᱮᱥ' ᱨᱤᱱᱤᱡ ᱚᱱᱚᱞᱤᱭᱟᱹ ᱛᱟᱦᱮᱸ ᱠᱟᱱ ᱚᱠᱛᱚ ᱨᱮ ᱟᱡᱟᱜ ᱚᱞ, ᱚᱱᱚᱬᱦᱮ ᱠᱚᱫᱚ ᱱᱤᱛᱚᱜ ᱦᱚᱸ ᱵᱟᱝᱞᱟ ᱯᱟᱹᱴᱷᱩᱣᱟᱹ ᱥᱟᱶᱦᱮᱫ ᱨᱮ ᱢᱟᱭᱤᱞ ᱯᱷᱚᱞᱚᱠ ᱞᱮᱠᱟᱛᱮ ᱢᱮᱱᱟᱜᱼᱟ᱾ ᱟᱡᱟᱜ ᱟᱭᱢᱟ ᱞᱮᱠᱟᱱ ᱥᱤᱠᱷᱱᱟᱹᱛ ᱫᱚ ᱯᱷᱳᱴᱮᱞ ᱟᱠᱟᱱᱟ ᱟᱡᱟᱜ ᱱᱚᱱᱥᱮᱱᱥ ᱵᱟᱣᱞᱤ ᱛᱟᱞᱟᱛᱮ᱾ ᱟᱵᱳᱞᱛᱟᱵᱳᱞ ᱱᱚᱱᱥᱮᱱᱥ ᱵᱟᱣᱞᱤ ᱫᱚ ᱵᱟᱝᱞᱟ ᱥᱟᱶᱦᱮᱫ ᱨᱮᱜᱮ ᱵᱟᱝ, ᱢᱮᱱᱠᱷᱟᱱ ᱡᱮᱜᱮᱛ ᱥᱟᱶᱦᱮᱫ ᱨᱮᱜᱮ ᱟᱡᱟᱜ ᱴᱷᱟᱶ ᱮ ᱦᱟᱢᱮᱴ ᱟᱠᱟᱫᱟ᱾
ᱯᱨᱮᱥᱤᱰᱮᱱᱥᱤ ᱠᱚᱞᱮᱡᱽ ᱨᱮ ᱯᱟᱲᱦᱟᱣ ᱚᱠᱛᱚ ᱨᱮ ᱩᱱᱤ ᱫᱚ ᱱᱚᱱᱥᱮᱱᱥ ᱠᱞᱟᱵᱽ ᱧᱩᱛᱩᱢ ᱛᱮ ᱢᱤᱫ ᱥᱚᱝᱜᱷᱚ ᱵᱮᱱᱟᱣ ᱞᱮᱫ ᱛᱟᱦᱮᱸᱫ᱾ ᱱᱩᱭᱟᱜ ᱢᱤᱫ ᱯᱟᱛᱷᱟᱢ ᱥᱟᱲᱮ ᱵᱚᱛᱨᱤᱥ ᱵᱷᱟᱡᱟ ᱛᱟᱞᱟᱛᱮ ᱟᱡᱟᱜ ᱚᱵᱳᱞ-ᱛᱟᱵᱳᱞ ᱪᱚᱨᱪᱟ ᱮᱛᱚᱦᱚᱵ ᱞᱮᱱᱟ᱾ᱤᱝᱞᱮᱱᱰ ᱨᱮ ᱛᱟᱦᱮᱸᱠᱟᱱ ᱚᱠᱛᱚ ᱨᱮ ᱩᱱᱤ ᱫᱚ ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱠᱩᱨ ᱟᱜ ᱥᱮᱨᱮᱧ ᱵᱟᱵᱚᱛ ᱛᱮ ᱟᱭᱢᱟ ᱜᱟᱱ ᱨᱚᱲᱼᱮᱫ ᱠᱟᱱ ᱛᱟᱦᱮᱸᱫ᱾ ᱩᱱ ᱚᱠᱛᱚ ᱨᱮ ᱨᱚᱵᱤᱱᱫᱽᱨᱚᱱᱟᱛᱷ ᱫᱚ ᱱᱳᱵᱮᱞ ᱥᱤᱨᱯᱷᱟᱹ ᱦᱚᱸ ᱵᱟᱭ ᱧᱟᱢ ᱟᱠᱟᱫ ᱛᱟᱦᱮᱸᱫ᱾ ᱥᱩᱠᱩᱢᱟᱨ ᱫᱚ ᱟᱸᱠᱟᱣ ᱥᱤᱞᱯᱤ ᱞᱮᱠᱟᱛᱮ ᱦᱚᱸ ᱧᱩᱛᱩᱢ ᱮ ᱦᱟᱢᱮᱴ ᱟᱠᱟᱫᱟ᱾
ᱜᱩᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱒᱓ ᱥᱮᱨᱢᱟ ᱑᱐ ᱥᱮᱯᱴᱮᱢᱵᱚᱨ ᱨᱮ ᱠᱟᱞᱟᱡᱚᱨ/ᱨᱩᱭᱟᱹ ᱛᱮ ᱟᱡᱟᱨ ᱠᱟᱛᱮ ᱓᱕ ᱥᱮᱨᱢᱟ ᱩᱢᱮᱨ ᱨᱮ ᱥᱩᱠᱩᱢᱟᱨ ᱨᱟᱭ ᱟᱜ ᱜᱩᱨ ᱦᱩᱭ ᱞᱮᱱᱟ᱾ ᱩᱱ ᱚᱠᱛᱚ ᱨᱮ ᱱᱚᱣᱟ ᱟᱡᱟᱨ ᱨᱮᱭᱟᱜ ᱪᱮᱫ ᱛᱤᱠᱤᱪᱷᱟ ᱜᱮ ᱵᱟᱝ ᱛᱟᱸᱦᱮ ᱠᱟᱱᱟ᱾ ᱥᱩᱠᱩᱢᱟᱨ ᱨᱟᱭ ᱑᱙᱘᱗ ᱥᱟᱞᱮ ᱨᱮ ᱟᱡᱟᱜ ᱜᱩᱨ ᱠᱷᱚᱱ ᱕ ᱥᱮᱨᱢᱟ ᱢᱟᱲᱟᱝ ᱨᱮ ᱥᱩᱠᱩᱢᱟᱨ ᱨᱟᱭ ᱟᱜ ᱰᱚᱠᱩᱢᱮᱱᱴᱟᱨᱤ ᱯᱷᱤᱞᱢ ᱮ ᱵᱮᱱᱟᱣ ᱞᱮᱫ ᱛᱟᱦᱮᱸᱫ᱾
ᱚᱞ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱟᱵᱳᱞᱛᱟᱵᱳᱞ
- ᱯᱟᱜᱽᱞᱟ ᱫᱟᱥᱩ
- ᱠᱷᱟᱭ ᱠᱷᱟᱭ
- ᱚᱵᱟᱠ ᱡᱚᱞᱯᱟᱱ
- ᱦᱚ-ᱡᱚ-ᱵᱚ-ᱨᱚ-ᱞᱚ
- ᱪᱚᱞᱚᱪᱤᱛᱭᱚᱢᱚᱧᱡᱚᱨᱤ
- ᱵᱚᱦᱩᱨᱩᱯᱤ ᱮᱢᱟᱱ
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- Works by or about ᱥᱩᱠᱩᱢᱟᱨ ᱨᱟᱭ at Internet Archive
- Complete Sukumar Ray
- "Drighangchu" by Sukumar Ray translation of short story in The Cafe Irreal
ᱥᱟᱹᱠᱷᱛᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Ray, Sukumar". Oxford Dictionary of National Biography (online ed.). Oxford University Press. doi:10.1093/ref:odnb/107500. ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; refs with no name must have content(Subscription or UK public library membership required.) - ↑ ᱪᱷᱟᱸᱪ:Banglapedia. "Roy, Sukumar (1887-1923) children's writer, was born in Kolkata on 30 October 1887.".
- ↑ Ray; Sukumar (tr. Chatterjee; Sampurna) (September 2016). Wordygurdyboom!. Penguin Books India. pp. 177–. ISBN 978-0-14-333078-3. Retrieved 3 October 2012.
- ↑ Sukumar Samagra Rachanabali 1, 1960, Asia Publishing Company, p 1
- ↑ Sukumar Ray: Jibankatha (Bengali Ed.), Hemanta Kumar Adhya, Pustak Bipani, Kolkata, 1990, p. 6