ᱦᱚᱲ ᱦᱚᱯᱚᱱ ᱨᱮᱱ ᱯᱮᱲᱟ
| ᱥᱟᱼᱥᱟᱯᱲᱟᱣᱤᱡ |
|
|---|---|
| ᱛᱷᱚᱠ | ᱥᱟᱶᱦᱮᱫ ᱟᱨ ᱫᱷᱚᱨᱚᱢ |
| ᱯᱟᱨᱥᱟᱞ ᱚᱠᱛᱚ | ᱪᱟᱸᱫᱚᱠᱤᱭᱟᱹ |
| ᱛᱷᱟᱯᱚᱱᱤᱡ | ᱨᱮᱵᱷᱟᱨᱮᱱᱴ ᱯᱤ.ᱳ. ᱵᱳᱰᱤᱝ |
| ᱯᱩᱭᱞᱩ ᱩᱪᱷᱟᱹᱱ | ᱮᱯᱨᱤᱞ ᱑᱘᱙᱐ |
| ᱢᱩᱪᱟᱹᱫ ᱩᱪᱷᱟᱹᱱ | ᱚᱠᱴᱚᱵᱚᱨ ᱑᱙᱐᱔ |
| ᱫᱤᱥᱚᱢ | ᱥᱤᱧᱚᱛ |
| ᱴᱷᱟᱶ | ᱵᱮᱱᱟᱜᱟᱹᱨᱤᱭᱟᱹ ᱢᱤᱥᱚᱱ ᱯᱨᱮᱥ |
| ᱯᱟᱹᱨᱥᱤ | ᱥᱟᱱᱛᱟᱲᱤ |
ᱦᱚᱲ ᱦᱚᱯᱚᱱ ᱨᱮᱱ ᱯᱮᱲᱟ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮᱭᱟᱜ ᱯᱩᱭᱞᱩ ᱯᱟᱛᱷᱟᱢ ᱠᱟᱱᱟ᱾ ᱱᱚᱣᱟ ᱫᱚ ᱑᱘᱙᱐ ᱥᱮᱨᱢᱟ ᱨᱮ ᱩᱱᱚᱠᱛᱚ ᱵᱤᱦᱟᱨ (ᱱᱤᱛ ᱡᱷᱟᱨᱠᱷᱚᱸᱰ) ᱨᱮᱭᱟᱜ ᱵᱮᱱᱟᱜᱟᱹᱨᱤᱭᱟᱹ ᱢᱤᱥᱚᱱ ᱯᱨᱮᱥ ᱠᱷᱚᱱ ᱯᱟᱨᱥᱟᱞᱚᱜ ᱠᱟᱱ ᱛᱟᱸᱦᱮᱠᱟᱱᱟ᱾
ᱯᱟᱛᱷᱟᱢ ᱨᱮᱭᱟᱜ ᱢᱩᱬ ᱡᱚᱥ ᱫᱚ ᱛᱟᱸᱦᱮ ᱠᱟᱱᱟ ᱥᱟᱱᱛᱟᱲ ᱠᱚ ᱢᱩᱸᱫᱽ ᱨᱮ ᱤᱥᱟᱹᱭ ᱫᱷᱚᱨᱚᱢ ᱯᱟᱥᱱᱟᱣ᱾ ᱛᱚᱵᱮ ᱥᱟᱶ ᱥᱟᱶᱛᱮ ᱥᱟᱶᱦᱮᱫ ᱨᱮᱭᱟᱜ ᱫᱟᱢᱟᱱ ᱦᱤᱸᱥ ᱠᱚᱦᱚᱸ ᱩᱪᱷᱟᱹᱱᱚᱜ ᱠᱟᱱ ᱛᱟᱸᱦᱮᱱᱟ᱾ ᱥᱟᱱᱛᱟᱲ ᱠᱚ ᱢᱩᱸᱫᱽ ᱪᱚᱞ ᱢᱮᱱᱟᱜ ᱥᱮᱨᱮᱧ, ᱚᱱᱚᱬᱦᱮᱸ, ᱠᱟᱹᱦᱟᱱᱤ ᱮᱢᱟᱱ ᱠᱚ ᱛᱩᱢᱟᱹᱞ ᱠᱟᱛᱮ ᱱᱚᱣᱟ ᱯᱟᱛᱷᱟᱢ ᱨᱮ ᱯᱟᱨᱥᱟᱞᱚᱜ ᱠᱟᱱ ᱛᱟᱸᱦᱮᱱᱟ᱾ ᱱᱚᱣᱟ ᱨᱮ ᱢᱤᱥᱚᱱᱟᱨᱤ ᱠᱚ ᱥᱟᱶᱛᱮ ᱟᱭᱢᱟ ᱥᱟᱱᱛᱟᱲ ᱚᱱᱚᱞᱤᱭᱟᱹ ᱠᱚᱦᱚᱸ ᱠᱚ ᱚᱞᱮᱫ ᱠᱟᱱ ᱛᱟᱸᱦᱮᱠᱟᱱᱟ᱾
ᱮᱱᱮᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮ ᱯᱟᱨᱥᱟᱞ ᱟᱠᱟᱱ ᱱᱚᱣᱟ ᱜᱮ ᱯᱩᱭᱞᱩ ᱯᱟᱛᱷᱟᱢ ᱠᱟᱱᱟ᱾ ᱫᱷᱚᱨᱚᱢ ᱨᱮᱭᱟᱜ ᱠᱟᱛᱷᱟ ᱯᱟᱨᱥᱟᱞᱚᱜ ᱠᱟᱱ ᱛᱟᱸᱦᱮᱱ ᱨᱮᱦᱚᱸ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱭᱟᱜ ᱟᱹᱰᱤ ᱫᱟᱢᱟᱱ ᱦᱤᱸᱥ ᱠᱚᱦᱚᱸ ᱱᱚᱣᱟ ᱛᱟᱞᱟ ᱛᱮ ᱯᱟᱨᱥᱟᱞᱚᱜ ᱠᱟᱱ ᱛᱟᱦᱮᱱᱟ᱾ ᱚᱱᱟ ᱞᱮᱠᱟᱛᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱟᱨ ᱱᱟᱜᱟᱢ ᱨᱮ ᱱᱚᱣᱟ ᱨᱮᱭᱟᱜ ᱟᱹᱰᱤᱜᱟᱱ ᱮᱱᱮᱢ ᱢᱮᱱᱟᱜᱼᱟ᱾
ᱥᱟᱥᱟᱯᱲᱟᱣᱤᱡ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱨᱮᱵᱷᱟᱨᱮᱱᱴ ᱮᱞ.ᱳ. ᱥᱠᱨᱮᱯᱷᱨᱩᱰ
- ᱨᱮᱵᱷᱟᱨᱮᱱᱴ ᱯᱤ.ᱳ. ᱵᱳᱰᱤᱝ
ᱦᱟᱹᱯᱤᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱤ.ᱳ. ᱵᱳᱰᱤᱝ ᱵᱟᱭᱵᱮᱞ ᱛᱚᱨᱡᱚᱢᱟ ᱠᱟᱹᱢᱤᱨᱮᱭ ᱞᱟᱜᱟᱣ ᱮᱱ ᱠᱷᱟᱱ ᱩᱱᱤ ᱦᱚᱛᱮᱛᱮ ᱯᱟᱛᱷᱟᱢ ᱪᱟᱪᱞᱟᱣ ᱫᱚ ᱟᱸᱴ ᱤᱫᱤᱭᱮᱱᱟ᱾ ᱚᱱᱟᱛᱮ ᱞᱮᱛᱟᱲ ᱪᱟᱞᱟᱣ ᱛᱟᱭᱚᱢ ᱑᱙᱐᱔ ᱥᱮᱨᱢᱟ ᱨᱮᱭᱟᱜ ᱚᱠᱴᱚᱵᱚᱨ ᱪᱟᱸᱫᱚ ᱨᱮ ᱱᱚᱣᱟ ᱯᱟᱛᱷᱟᱢ ᱫᱚ ᱦᱟᱹᱯᱤᱫ ᱮᱱᱟ᱾
ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ ᱯᱚᱨᱤᱢᱚᱞ ᱦᱮᱢᱵᱽᱨᱚᱢ. ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱᱟᱜ ᱱᱟᱜᱟᱢ.