ᱯᱟᱣᱩᱞ ᱳᱞᱟᱯᱷ ᱵᱚᱰᱤᱝ
| ᱯᱟᱣᱩᱞ ᱳᱞᱟᱯᱷ ᱵᱚᱰᱤᱝ | |
|---|---|
.jpg) ᱯᱟᱣᱩᱞ ᱳᱞᱟᱯᱷ ᱵᱚᱰᱤᱝ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱒ ᱱᱚᱵᱷᱮᱢᱵᱚᱨ ᱑᱘᱖᱕ ᱜᱚᱡᱳᱵᱷᱤᱠ, ᱳᱯᱞᱮᱱᱰ, ᱱᱚᱨᱣᱮ |
| ᱜᱩᱨ | ᱒᱕ ᱥᱮᱯᱴᱮᱢᱵᱚᱨ ᱑᱙᱓᱘ (᱗᱒ ᱵᱚᱭᱚᱥ) ᱳᱰᱮᱱᱥ, ᱰᱮᱱᱢᱟᱨᱠ |
| ᱫᱤᱥᱚᱢᱤᱭᱟᱹ |  ᱱᱚᱨᱣᱮ |
| ᱠᱟᱹᱢᱤ | ᱯᱟᱹᱱᱟᱹᱨᱥᱤ ᱜᱟᱹᱠᱷᱩᱲᱤᱭᱟᱹ, ᱢᱤᱥᱚᱱᱟᱨᱤ, ᱫᱷᱚᱨᱚᱢ ᱜᱩᱨᱩ |
| ᱧᱩᱢᱦᱟᱞᱟᱝ ᱠᱟᱹᱢᱤ | Materials for a Santali Grammar I A Santal Dictionary (5 volumes) Santal Folk Tales (3 volumes) Studies in Santal Medicine and Connected Folklore (3 volumes) |
ᱯᱟᱣᱩᱞ ᱳᱞᱟᱯᱷ ᱵᱚᱰᱤᱝ ( ᱒ ᱱᱚᱣᱮᱢᱵᱚᱨ ᱑᱘᱖᱕- ᱒᱕ ᱥᱮᱯᱴᱮᱢᱵᱚᱨ ᱑᱙᱓᱘ ) ᱱᱚᱨᱣᱮ ᱫᱤᱥᱚᱢ ᱨᱤᱱᱤᱡ ᱢᱤᱥᱱᱟᱨᱤ, ᱯᱟᱹᱨᱥᱤ ᱜᱟᱹᱠᱷᱩᱲᱤᱭᱟᱹ ᱟᱨ ᱦᱚᱲ ᱥᱟᱶᱦᱮᱫ ᱜᱟᱹᱠᱷᱩᱲᱤᱭᱟᱹ ᱠᱟᱱᱟᱭ ᱾[᱑] ᱱᱩᱭᱟᱜ ᱫᱚ ᱥᱟᱱᱛᱟᱞᱤ ᱥᱟᱶᱦᱮᱫ ᱟᱥᱟᱢᱵᱷᱮᱲ ᱮᱱᱮᱢ ᱢᱮᱱᱟᱜ ᱛᱟᱭᱟ᱾ ᱟᱹᱰᱤ ᱟᱭᱢᱟ ᱜᱟᱢᱠᱚ, ᱠᱩᱫᱩᱢᱠᱚ, ᱥᱮᱨᱮᱧᱠᱚ ᱚᱞ ᱠᱟᱛᱮᱭᱮ ᱨᱟᱹᱠᱷᱤ ᱡᱚᱜᱟᱣ ᱟᱠᱟᱫᱟ᱾ ᱱᱩᱭ ᱫᱚ "ᱦᱚᱲ ᱦᱚᱯᱚᱱ ᱨᱮᱱ ᱯᱮᱲᱟ ᱦᱚᱲ" ᱯᱟᱛᱷᱟᱢ ᱨᱮᱱ ᱯᱟᱨᱥᱮᱛ ᱦᱚᱸᱭ ᱛᱟᱦᱮᱸᱠᱟᱱᱟ᱾
ᱡᱤᱭᱚᱱ ᱠᱟᱹᱦᱱᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱟᱣᱩᱞ ᱳᱞᱟᱯᱷ ᱵᱚᱰᱤᱝ ᱫᱚ ᱱᱚᱨᱣᱮ,ᱳᱯᱞᱮᱱᱰ ᱨᱮᱭᱟᱜ ᱜᱚᱡᱳᱵᱷᱤᱠ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱵᱟᱵᱟ ᱫᱚ ᱫᱚ ᱮᱰᱣᱟᱨᱰ ᱳᱞᱥᱮᱱ ᱵᱚᱰᱤᱝ (᱑᱘᱒᱕-᱑᱙᱐᱕) ᱟᱨ ᱮᱸᱜᱟᱛ ᱫᱚ ᱵᱮᱴᱡᱤ ᱮᱢᱤᱞᱤ ᱣᱮᱱᱮᱵᱷᱳᱞᱰ(᱑᱘᱓᱘-᱘᱙) ᱠᱟᱱᱟᱭ ᱾ ᱱᱩᱭ ᱫᱚ ᱢᱤᱫ ᱯᱚᱛᱚᱵ ᱟᱹᱠᱷᱨᱤᱸᱧᱼᱤᱡ ᱨᱮᱱ ᱦᱚᱯᱚᱱᱼᱮ ᱛᱟᱦᱮᱸᱠᱟᱱᱟ, ᱟᱨ ᱵᱚᱰᱤᱝ ᱫᱚ ᱟᱡ ᱵᱟᱵᱟᱼᱟᱜ ᱯᱚᱛᱚᱵ ᱟᱹᱠᱷᱨᱤᱸᱧ ᱚᱲᱟᱜ ᱜᱚᱡᱳᱵᱷᱤᱠ ᱨᱮ, ᱵᱷᱟᱨᱚᱛᱤᱭᱚ ᱥᱟᱱᱛᱟᱲ ᱢᱤᱥᱚᱱ (The Indian Home Mission to the Santals),(ᱛᱟᱭᱚᱢ ᱛᱮ ᱮᱱ.ᱤ.ᱮᱞ.ᱥᱤ ᱨᱮ ᱩᱛᱱᱟᱹᱣ ᱞᱮᱱᱟ) ᱨᱤᱱᱤᱡ ᱛᱷᱟᱯᱚᱱᱤᱭᱟᱹ ᱞᱚᱥ ᱳᱞᱥᱮᱱ ᱥᱠᱨᱮᱯᱷᱥᱨᱚᱰ ᱥᱟᱶ ᱮ ᱧᱟᱯᱟᱢ ᱞᱮᱱᱟ ᱾ ᱥᱠᱨᱮᱯᱷᱥᱚᱨᱰ ᱫᱚ ᱚᱲᱟᱜ ᱠᱷᱚᱱ ᱥᱟᱦᱟ ᱥᱟᱺᱜᱤᱧ ᱵᱟᱡᱟᱨ ᱫᱤᱥᱚᱢ ᱞᱤᱞᱮᱦᱟᱢᱮᱨ, ᱳᱯᱞᱮᱱᱰ ᱨᱮ ᱡᱟᱱᱟᱡ ᱞᱮᱱᱟᱭ ᱾ ᱵᱚᱰᱤᱝ ᱫᱚ ᱠᱨᱤᱥᱴᱤᱭᱟᱱᱤᱭᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ (ᱱᱤᱛ ᱫᱚ ᱚᱥᱞᱳ ᱡᱮᱜᱮᱫ ᱵᱤᱨᱫᱟᱹᱜᱟᱲ) ᱨᱮ ᱫᱷᱚᱨᱚᱢ ᱟᱹᱨᱤ (theology) ᱚᱞᱚᱜ ᱠᱟᱱ ᱛᱟᱦᱮᱸᱫ ᱟᱨ ᱑᱘᱘᱙ ᱨᱮ ᱜᱨᱟᱡᱩᱭᱮᱴ ᱞᱮᱱᱟᱭ ᱾[᱒]
᱑᱘᱙᱐ ᱨᱮ ᱵᱚᱰᱤᱝ ᱫᱚ ᱥᱟᱱᱛᱟᱲ ᱫᱤᱥᱚᱢ (ᱥᱟᱱᱛᱟᱲ ᱯᱟᱨᱜᱟᱱᱟ) ᱨᱮ ᱢᱤᱫ ᱢᱤᱥᱱᱟᱨᱤ ᱯᱨᱤᱥᱴ (priest) ᱞᱮᱠᱟᱛᱮᱭ ᱦᱮᱡ ᱞᱮᱱᱟ ᱾ ᱑᱙᱐᱙ ᱨᱮ ᱥᱠᱨᱮᱯᱷᱥᱨᱚᱰ ᱜᱚᱡ ᱮᱱ ᱛᱟᱭᱚᱢ,ᱵᱚᱰᱤᱝ ᱫᱚ ᱱᱚᱨᱣᱮᱱ ᱢᱤᱥᱱᱟᱨᱤ ᱚᱨᱜᱟᱱᱟᱭᱡᱮᱥᱚᱱ ᱥᱟᱱᱛᱟᱞᱟᱭᱤᱱ ᱢᱤᱥᱚᱱ (Norwegian missionary organization Santaline Mission) ᱨᱮᱱ ᱟᱹᱭᱩᱨᱤᱭᱟᱹ ᱞᱮᱠᱟᱛᱮ ᱟᱹᱜᱤᱵᱷᱟᱨ ᱮ ᱜᱚᱜ ᱞᱮᱫᱟ ᱾ ᱱᱩᱭ ᱵᱷᱟᱨᱚᱛ ᱫᱤᱥᱚᱢ ᱨᱮ ᱔᱔ ᱥᱟᱞ (᱑᱘᱘᱙-᱑᱙᱓᱓) ᱮ ᱠᱟᱹᱢᱤ ᱞᱮᱫᱟᱭ᱾ ᱱᱩᱭ ᱫᱚ ᱵᱤᱥᱮᱥ ᱨᱩᱯ ᱨᱮ ᱥᱟᱱᱛᱟᱲ ᱯᱟᱨᱜᱟᱱᱟ ᱦᱚᱱᱚᱛ ᱠᱚ ᱨᱮᱭᱟᱜ ᱫᱩᱢᱠᱟᱹ ᱵᱟᱡᱟᱨ ᱨᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱱ ᱾ ᱱᱩᱭ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱚᱞ ᱞᱟᱹᱜᱤᱫ ᱨᱳᱢᱟᱱ ᱞᱤᱯᱤ ᱵᱮᱱᱟᱣ ᱞᱮᱜᱼᱟᱭ ᱟᱨ ᱥᱟᱱᱛᱟᱲ ᱠᱚ ᱞᱟᱹᱜᱤᱫ ᱯᱩᱭᱞᱩ ᱨᱚᱱᱚᱲ ᱯᱚᱛᱚᱵ ᱚᱞ ᱥᱚᱫᱚᱨ ᱞᱮᱜᱼᱟᱭ ᱾ ᱑᱙᱑᱔ ᱥᱮᱨᱢᱟ ᱨᱮ ᱩᱱᱤ ᱫᱚ ᱟᱨᱦᱚᱸ ᱤᱥᱟᱹᱭ ᱠᱚᱣᱟᱜ ᱫᱷᱚᱨᱚᱢ ᱯᱩᱛᱷᱤ ᱵᱟᱭᱵᱮᱞ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮᱭ ᱛᱚᱨᱡᱚᱢᱟ ᱯᱩᱨᱟᱹᱣ ᱞᱮᱫᱟ᱾[᱓]
ᱩᱱ ᱚᱠᱛᱚ ᱱᱩᱭ ᱫᱚ ᱥᱟᱱᱛᱟᱲ ᱥᱟᱶᱛᱟ ᱨᱮ ᱢᱤᱫ ᱥᱟᱬᱮᱥᱤᱭᱟᱹ ᱞᱮᱠᱟ ᱡᱷᱟᱨᱠᱷᱚᱸᱰ, ᱵᱤᱦᱟᱨ, ᱟᱥᱟᱢ ᱟᱨ ᱦᱚᱸ ᱵᱟᱝᱞᱟ ᱠᱚᱨᱮᱱ ᱥᱟᱱᱛᱟᱲ ᱠᱚ ᱵᱟᱰᱟᱭ ᱞᱮᱫᱮᱭᱟ ᱾ ᱑᱙᱓᱔ ᱨᱮ ᱵᱷᱟᱨᱚᱛ ᱠᱷᱚᱱ ᱨᱩᱣᱟᱹᱲ ᱥᱮᱱ ᱠᱟᱛᱮ ᱥᱠᱟᱱᱰᱤᱱᱟᱵᱷᱤᱭᱟᱱ ᱫᱤᱥᱚᱢ ᱳᱰᱮᱱᱥᱮ, ᱰᱮᱱᱢᱟᱨᱠ ᱨᱮ ᱡᱩᱨᱤ ᱛᱟᱭ ᱠᱨᱤᱥᱴᱟᱭᱤᱱ ᱞᱟᱨᱥᱮᱱ(᱑᱘᱘᱓-᱑᱙᱔᱐) ᱥᱟᱝ ᱵᱟᱥᱟ ᱥᱟᱹᱨᱤᱭᱟᱱᱟ ᱾ ᱟᱨ ᱚᱸᱰᱮ ᱜᱮ ᱑᱙᱓᱘ ᱨᱮ ᱵᱚᱸᱜᱟ ᱛᱟᱞᱟ ᱞᱮᱱᱟᱭ ᱾ [᱔]
ᱪᱮᱪᱤᱞ ᱦᱮᱱᱨᱤ ᱵᱳᱢᱯᱟᱥ Folklore of the Santal Parganas(London: D. Nutt, 1909) ᱯᱚᱛᱚᱵᱼᱮ ᱪᱷᱟᱯᱟ ᱞᱮᱫᱟ, ᱡᱟᱦᱟᱸ ᱫᱚ ᱯᱤ.ᱳ.ᱵᱚᱰᱤᱝᱼᱟᱜ ᱠᱷᱚᱡ ᱜᱟᱵᱟᱱ ᱟᱠᱟᱱ ᱠᱟᱹᱦᱱᱤ ᱢᱟᱞᱟ ᱠᱷᱚᱱ ᱥᱟᱯᱲᱟᱣ ᱞᱮᱫᱟ ᱾ ᱳᱯᱳᱞᱟᱱᱰ ᱨᱮᱭᱟᱜ ᱜᱚᱡᱳᱵᱷᱤᱠ ᱪᱟᱨᱪ ᱥᱟᱢᱟᱝ ᱨᱮ ᱯᱤ.ᱳ. ᱵᱚᱰᱤᱝᱼᱟᱜ ᱢᱤᱫ ᱢᱩᱴᱷᱟᱹᱱ (monument) ᱠᱚ ᱵᱮᱱᱟᱣ ᱟᱠᱟᱫᱟ ᱾
ᱠᱟ.ᱢᱤ ᱠᱟᱨᱱᱟᱢᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱤ.ᱳ.ᱵᱚᱰᱤᱝ ᱟᱜ ᱱᱤᱭᱟᱹ ᱠᱚ ᱯᱚᱛᱚᱵ ᱪᱷᱟᱯᱟ ᱥᱚᱫᱚᱨ ᱞᱮᱱᱟ ᱾
- Materials for a Santali Grammar I, ᱫᱩᱢᱠᱟᱹ ᱑᱙᱒᱒ (ᱥᱟᱱᱛᱟᱲᱤ ᱨᱚᱱᱚᱲ ᱞᱟᱹᱜᱤᱫ ᱥᱟᱯᱟᱵᱽᱠᱚ ᱑)
- A Chapter of Santal Folklore, ᱚᱥᱞᱳ ᱑᱙᱒᱔ (ᱥᱟᱱᱟᱛᱲ ᱦᱚᱲ ᱠᱟᱹᱦᱱᱤ ᱨᱮᱭᱟᱜ ᱢᱤᱫ ᱪᱮᱯᱴᱟᱨ)
- Santal Folk Tales (᱓ ᱨᱟᱫᱟ), ᱑᱙᱒᱕-᱒᱙
- Studies in Santal Medicine and Connected Folklore (᱓ ᱨᱟᱫᱟ), ᱑᱙᱒᱕-᱔᱐ (ᱥᱟᱱᱛᱟᱲ ᱨᱟᱱᱼᱢᱩᱨᱜᱟᱹᱱ ᱟᱨ ᱚᱱᱟ ᱥᱟᱶ ᱡᱚᱯᱲᱟᱣ ᱦᱚᱲ ᱠᱟᱹᱦᱱᱤ)
- A Santal Dictionary (᱕ ᱨᱟᱫᱟ), ᱑᱙᱓᱓-᱓᱖ (ᱢᱤᱫ ᱥᱟᱱᱛᱟᱲᱤ ᱟᱹᱲᱟᱹ ᱢᱩᱨᱟᱹᱭ)
- Santal Riddles and Witchcraft among the Santals, ᱑᱙᱔᱐ (ᱥᱟᱱᱛᱟᱲᱤ ᱠᱩᱫᱩᱢ ᱟᱨ ᱥᱟᱱᱛᱟᱲ ᱠᱚ ᱢᱩᱸᱫᱽ ᱨᱮ ᱡᱟᱹᱫᱩ ᱵᱤᱨᱫᱟᱹ)
ᱡᱚᱯᱲᱟᱣ ᱥᱟ.ᱜᱟ.ᱭ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Paul Olaf Bodding". Store norske leksikon. Retrieved February 1, 2018.
- ↑ Torstein Jørgensen. "Paul Olaf Bodding". Norsk biografisk leksikon. Retrieved February 1, 2018.
- ↑ "Den norske Santalmisjon". Store norske leksikon. Retrieved February 1, 2018.
- ↑ "Linguist and ethnographer, Rev. Paul Olaf Bodding". University of Southern California. Archived from the original on February 22, 2020. Retrieved February 1, 2018.
ᱵᱟ.ᱲᱛᱤ ᱥᱟ.ᱜᱟ.ᱭ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱪᱷᱟᱸᱪ:BBKL
- Olav Hodne (2006) Oppreisning, Misjonæren og vitenskapsmannen Paul Olav Bodding[permanent dead link] (Oslo:Luther forlag) ISBN 8253133316