ᱦᱩᱞ
ᱦᱩᱞ ᱮᱦᱚᱵ ᱞᱮᱱᱟ ᱑᱘᱕᱕ ᱥᱟᱞᱨᱮ᱾ ᱤᱝᱨᱮᱡᱽ ᱟᱢᱚᱞ ᱨᱮ ᱡᱚᱢᱤᱫᱟᱨ, ᱢᱚᱦᱟᱡᱚᱱ ᱟᱨ ᱤᱝᱨᱮᱡᱽ ᱠᱚᱨᱢᱚᱪᱟᱹᱨᱤ ᱠᱚ ᱦᱚᱲ ᱪᱮᱛᱟᱱ ᱱᱟᱦᱟᱪᱟᱨ ᱠᱚ ᱮᱦᱚᱵ ᱞᱮᱫᱛᱮ ᱩᱱᱠᱩ ᱵᱤᱨᱩᱫᱷ ᱦᱚᱲ ᱠᱚ ᱦᱩᱞ ᱞᱮᱫᱼᱟ᱾ ᱤᱝᱨᱮᱡᱽ ᱵᱤᱨᱩᱫᱷ ᱨᱮ ᱱᱤᱭᱟᱹ ᱜᱮ ᱯᱟᱹᱦᱤᱞ ᱞᱟᱹᱲᱦᱟᱹᱭ ᱠᱟᱱᱟ ᱜᱚᱴᱟ ᱵᱷᱟᱨᱚᱛ ᱫᱤᱥᱚᱢ ᱨᱮ᱾ ᱱᱤᱭᱟᱹ ᱞᱟᱹᱲᱦᱟᱹᱭ ᱨᱮ ᱥᱤᱫᱩ, ᱠᱟᱹᱱᱦᱩ, ᱪᱟᱸᱫᱽ, ᱵᱷᱚᱭᱨᱚᱵᱽ ᱱᱩᱠᱩ ᱯᱩᱱ ᱵᱚᱭᱦᱟ ᱟᱨ ᱵᱟᱨ ᱠᱩᱲᱤ ᱵᱚᱭᱦᱟ ᱯᱷᱩᱞᱳ, ᱡᱷᱟᱱᱚ ᱢᱩᱨᱢᱩ ᱛᱮᱠᱚ ᱫᱚ ᱟᱹᱜᱩᱣᱟᱹᱱ ᱞᱮᱠᱟ ᱛᱮᱠᱚ ᱛᱟᱦᱮᱸ ᱠᱟᱱᱟ᱾[᱑] ᱥᱤᱯᱟᱹᱦᱤ ᱦᱩᱞ ᱨᱮᱱᱟᱜ ᱮᱦᱚᱵ ᱦᱚᱸ ᱥᱟᱱᱛᱟᱲ ᱦᱩᱞ ᱠᱷᱚᱱ ᱜᱮᱠᱚ ᱧᱟᱢ ᱞᱮᱫᱼᱟ᱾
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱘᱕᱕-᱕᱖ ᱥᱟᱞᱨᱮ ᱥᱟᱱᱛᱟᱲ ᱠᱚ ᱤᱝᱨᱮᱡᱽ ᱥᱚᱨᱠᱟᱨᱟᱜ ᱨᱚᱸᱡᱚᱱ ᱠᱷᱚᱱ ᱵᱟᱧᱪᱟᱣᱜ ᱞᱟᱹᱜᱤᱫ ᱠᱚ ᱞᱟᱹᱲᱦᱟᱹᱭ ᱞᱮᱫᱼᱟ᱾ ᱚᱱᱟ ᱥᱟᱶᱛᱮ ᱥᱩᱫᱽᱠᱷᱚᱨ, ᱢᱚᱦᱟᱡᱚᱱ ᱟᱨ ᱵᱮᱵᱽᱥᱟᱭᱤᱠ ᱵᱤᱨᱩᱫᱷ ᱨᱮᱦᱚᱸ ᱠᱚ ᱞᱟᱹᱲᱦᱟᱹᱭ ᱞᱮᱫᱼᱟ᱾ ᱟᱞᱟᱫᱟ ᱥᱟᱱᱛᱟᱲ ᱫᱤᱥᱚᱢ ᱵᱮᱱᱟᱣ ᱞᱟᱹᱜᱤᱫ ᱱᱤᱭᱟᱹ ᱦᱩᱞ ᱫᱚ ᱦᱩᱭ ᱞᱮᱱᱟ᱾ ᱵᱷᱟᱨᱚᱛ ᱫᱤᱥᱚᱢ ᱨᱮᱱᱟᱜ ᱫᱟᱹᱢᱤᱱ-ᱤ-ᱠᱚᱦᱚ ᱨᱮ ᱥᱟᱱᱛᱟᱲ ᱦᱚᱲ ᱠᱚ ᱡᱟᱹᱥᱛᱤ ᱜᱮᱠᱚ ᱛᱟᱦᱮᱸ ᱞᱮᱱᱟ ᱟᱨ ᱱᱤᱛᱚᱜᱟᱜ ᱵᱤᱨᱵᱷᱩᱢ ᱡᱮᱞᱟ ᱨᱮᱱᱟᱜ ᱵᱷᱚᱜᱽᱱᱟᱰᱤᱦᱤ ᱟᱹᱛᱩ ᱠᱷᱚᱱ ᱜᱮ ᱦᱩᱞ ᱫᱚ ᱮᱦᱚᱵ ᱞᱮᱱᱟ᱾[᱒]
ᱚᱠᱛᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱘᱕᱕-᱕᱖ ᱥᱟᱞᱨᱮ ᱦᱩᱭ ᱟᱠᱟᱱ ᱦᱩᱞᱨᱮ ᱤᱝᱨᱮᱡᱽ ᱥᱚᱨᱠᱟᱨ ᱦᱟᱹᱛᱤ, ᱥᱟᱫᱚᱢ ᱟᱨ ᱵᱟᱹᱱᱫᱩᱠ ᱠᱚᱭ ᱵᱮᱵᱷᱟᱨ ᱞᱮᱫᱼᱟ᱾ ᱦᱚᱲ ᱦᱚᱯᱚᱱ ᱠᱚᱫᱚ ᱟᱜ ᱥᱟᱨ ᱱᱤᱭᱟᱹ ᱛᱮᱜᱮ ᱠᱚ ᱞᱟᱹᱲᱦᱟᱹᱭ ᱞᱮᱫᱼᱟ᱾ᱦᱩᱞ ᱚᱠᱛᱮ ᱜᱮᱞᱥᱟᱭ ᱜᱮᱞ ᱤᱝᱨᱮᱡᱽ ᱟᱨ ᱦᱚᱲ ᱠᱚ ᱵᱚᱸᱜᱟ ᱛᱟᱞᱟ ᱞᱮᱱᱟ᱾ ᱦᱚᱲ ᱦᱚᱯᱚᱱᱟᱜ ᱦᱩᱞ ᱧᱮᱞᱛᱮ ᱤᱝᱨᱮᱡᱽ ᱥᱚᱨᱠᱟᱨ ᱮ ᱵᱚᱛᱚᱨ ᱩᱛᱟᱹᱨ ᱞᱮᱱᱟ᱾ᱞᱟᱹᱲᱦᱟᱹᱭ ᱨᱮ ᱥᱤᱫᱩ, ᱠᱟᱹᱱᱦᱩ, ᱪᱟᱸᱫᱽ, ᱵᱷᱚᱭᱨᱚᱵᱽ ᱠᱚ ᱵᱚᱸᱜᱟ ᱛᱟᱞᱟ ᱮᱱᱠᱷᱟᱱ ᱑᱘᱕᱖ ᱥᱟᱞ ᱨᱮᱱᱟᱜ ᱤᱝᱨᱮᱡᱤ ᱱᱚᱵᱷᱮᱢᱵᱚᱨ ᱪᱟᱸᱫᱚ ᱨᱮ ᱦᱩᱞ ᱫᱚ ᱢᱩᱪᱟᱹᱫ ᱞᱮᱱᱟ᱾
ᱦᱩᱞ ᱨᱮᱱᱟᱜ ᱡᱟᱹᱨᱩᱲ ᱠᱟᱛᱷᱟ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑ᱹ ᱑᱘᱕᱕ ᱥᱟᱞ ᱨᱮᱱᱟᱜ ᱓᱐ ᱡᱩᱱ ᱵᱤᱨᱵᱷᱩᱢ ᱡᱮᱞᱟ ᱨᱮᱱᱟᱜ ᱵᱷᱚᱜᱽᱱᱟᱰᱤᱦᱤ ᱟᱹᱛᱩᱨᱮ ᱜᱮᱞᱥᱟᱭ ᱯᱮᱜᱮᱞ ᱦᱚᱲ ᱠᱚ ᱡᱟᱣᱨᱟ ᱞᱮᱱᱟ᱾ ᱚᱱᱟ ᱡᱟᱣᱨᱟ ᱠᱷᱚᱱ ᱜᱮ ᱥᱤᱫᱩ - ᱠᱟᱹᱱᱦᱩ ᱦᱩᱞ ᱠᱤᱱ ᱦᱚᱦᱚ ᱞᱮᱫᱼᱟ᱾ ᱚᱸᱰᱮ ᱠᱷᱚᱱ ᱜᱮ ᱦᱚᱲ ᱦᱚᱯᱚᱱ ᱠᱚ ᱠᱳᱞᱠᱟᱛᱟ ᱨᱮ ᱵᱚᱰᱚ ᱞᱟᱴᱷ ᱴᱷᱮᱱ ᱟᱹᱭᱫᱟᱹᱨᱤ ᱵᱟᱰᱟᱭ ᱚᱪᱚ ᱞᱟᱹᱜᱤᱫ ᱛᱮ ᱛᱟᱲᱟᱢ ᱠᱚ ᱮᱦᱚᱵ ᱞᱮᱫᱼᱟ (The first Long March has organised during the Santal rebellion in the history of Indian sub-continent)᱾
᱒ᱹ ᱥᱤᱫᱩ ᱠᱟᱹᱱᱦᱩᱣᱟᱜ ᱦᱩᱞ ᱰᱟᱦᱟᱨ ᱯᱟᱸᱡᱟ ᱠᱟᱛᱮᱫ ᱡᱩᱞᱟᱹᱭ ᱪᱟᱸᱫᱚ ᱨᱮᱱᱟᱜ ᱗ ᱛᱟᱹᱨᱤᱠᱷ ᱫᱤᱜᱷᱤ ᱛᱷᱟᱱᱟ ᱨᱮᱱ ᱫᱟᱨᱳᱜᱟ ᱢᱚᱦᱮᱥᱞᱟᱞ ᱥᱟᱶᱛᱮ ᱜᱮᱞ ᱟᱨᱮ ᱦᱚᱲ ᱠᱚ ᱜᱚᱡ ᱠᱮᱫ ᱠᱚᱣᱟ᱾
᱓ᱹ ᱤᱝᱨᱮᱡᱽ ᱠᱚ ᱵᱤᱨᱩᱫᱷ ᱱᱤᱭᱟᱹ ᱦᱩᱞᱨᱮ ᱦᱚᱲ ᱦᱚᱯᱚᱱ ᱥᱟᱶᱛᱮ ᱠᱩᱢᱟᱨ, ᱛᱮᱞᱤ, ᱠᱚᱨᱢᱚᱠᱟᱨ, ᱪᱟᱢᱟᱨ, ᱰᱳᱢ ᱟᱨ ᱨᱮᱸᱜᱮᱡ ᱦᱤᱱᱫᱩ, ᱢᱩᱥᱞᱟᱹ ᱦᱚᱸᱠᱚ ᱛᱟᱦᱮᱸ ᱠᱟᱱᱟ᱾
᱔ᱹ ᱥᱟᱱᱛᱟᱲ ᱦᱩᱞ ᱵᱷᱟᱨᱚᱛ ᱫᱤᱥᱚᱢ ᱯᱷᱩᱨᱜᱟᱹᱞ ᱨᱮᱱᱟᱜ ᱠᱷᱟᱹᱞᱤ ᱯᱟᱹᱦᱤᱞ ᱞᱟᱹᱲᱦᱟᱹᱭ ᱥᱩᱢᱩᱝ ᱫᱚ ᱵᱟᱝ ᱛᱟᱦᱮᱸ ᱠᱟᱱᱟ, ᱱᱚᱣᱟ ᱫᱚ ᱨᱮᱸᱜᱮᱡ ᱟᱨ ᱠᱤᱥᱟᱹᱬ ᱦᱚᱲᱟᱜ ᱯᱟᱹᱦᱤᱞ ᱞᱟᱹᱲᱦᱟᱹᱭ ᱦᱚᱸ ᱛᱟᱦᱮᱸ ᱠᱟᱱᱟ᱾