ᱦᱮᱢᱤᱥ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ

ᱦᱮᱢᱤᱥ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ
ᱦᱮᱢᱤᱥ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ
ᱡᱟᱹᱛᱤᱭᱟᱹᱨᱤ ᱵᱟᱜᱟᱱ
	ᱦᱮᱢᱤᱥ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮ ᱥᱴᱳᱠ ᱠᱟᱝᱨᱤ ᱪᱮᱛᱟᱱ
	ᱦᱮᱢᱤᱥ ᱡᱟᱹᱛᱤᱭᱟᱹᱨᱤ ᱵᱟᱜᱟᱱᱥᱤᱧᱚᱛ ᱨᱮᱱᱟᱜ ᱞᱚᱫᱟᱠᱷ ᱨᱮ ᱴᱷᱟᱶ
	Coordinates: 33°59′00″N 77°26′00″E / 33.98333°N 77.43333°ECoordinates: 33°59′00″N 77°26′00″E / 33.98333°N 77.43333°E
ᱫᱤᱥᱚᱢ	ᱥᱤᱧᱚᱛ
ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ	ᱞᱟᱫᱟᱠᱷ
ᱦᱚᱱᱚᱛ	ᱞᱮᱦ
ᱛᱷᱟᱯᱚᱱ	᱑᱙᱘᱑
ᱮᱨᱤᱭᱟ
• ᱞᱮᱠᱷᱟᱜᱩᱴ	4400 ᱠᱤᱢᱤ২ (1700 ᱜᱟᱺᱴ ᱢᱟᱭᱤᱞ)
ᱩᱥᱩᱞ	3000 - 6000 ᱢᱤᱴᱚᱨ (-17000 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ
ᱯᱟᱹᱨᱥᱤ
• ᱟᱹᱢᱟᱹᱞᱮᱛ	ᱛᱤᱵᱵᱚᱛᱤ, ᱞᱟᱫᱟᱠᱷᱤ, ᱦᱤᱱᱫᱤ
	IST (ᱭᱩᱴᱤᱥᱤ+᱐᱕:᱓᱐)
ᱥᱩᱨ ᱨᱮᱱᱟᱜ ᱥᱚᱦᱚᱨ	ᱞᱮᱦ
IUCN category	᱒
Precipitation	160.5 millimetres (6.32 in)
Avg. summer temperature	15 °C (59 °F)
Avg. winter temperature	−30 °C (−22 °F)

ᱦᱮᱢᱤᱥ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱥᱤᱧᱚᱛ ᱨᱮᱱᱟᱜ ᱞᱟᱫᱟᱠᱷ ᱨᱮ ᱢᱮᱱᱟᱜ ᱢᱤᱫᱴᱟᱹᱝ ᱩᱥᱩᱞ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱠᱟᱱᱟ ᱾ ᱱᱚᱶᱟ ᱫᱚ ᱡᱮᱜᱮᱛ ᱡᱟᱠᱟᱛ ᱨᱮ ᱦᱤᱢ ᱞᱮᱯᱟᱨᱰ ᱞᱟᱹᱜᱤᱫ ᱛᱮ ᱧᱩᱛᱩᱢᱟᱱ ᱠᱟᱱᱟ, ᱱᱚᱶᱟ ᱫᱚ ᱡᱮᱜᱮᱛ ᱨᱮᱱᱟᱜ ᱡᱟᱦᱟᱸᱭ ᱡᱟᱜᱟ ᱨᱮᱜᱮ ᱱᱚᱶᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱛᱷᱟᱱ ᱢᱮᱱᱟᱜᱼᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾^[᱑] ᱱᱚᱶᱟ ᱫᱚ ᱥᱤᱧᱚᱛ ᱨᱮᱱᱟᱜ ᱢᱤᱫᱴᱟᱹᱝ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱠᱟᱱᱟ, ᱡᱟᱦᱟᱸ ᱫᱚ ᱦᱮᱢᱟᱞ ᱵᱩᱨᱩ ᱨᱮᱱᱟᱜ ᱠᱚᱧᱮ ᱥᱮᱫ ᱨᱮ ᱢᱮᱱᱟᱜᱼᱟ, ᱱᱚᱶᱟ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱳᱴᱤᱥᱤᱯᱷᱮᱰ ᱨᱩᱠᱷᱤᱭᱟᱹ ᱴᱚᱴᱷᱟ (ᱟᱹᱰᱤ ᱢᱟᱨᱟᱝ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ) ᱠᱟᱱᱟ ᱟᱨ ᱱᱚᱱᱰᱟ ᱫᱮᱵᱤ ᱵᱟᱭᱚᱥᱯᱷᱤᱭᱚᱨ ᱨᱤᱡᱟᱨᱵᱽ ᱟᱨ ᱚᱱᱟ ᱥᱩᱨ ᱨᱮᱱᱟᱜ ᱨᱩᱠᱷᱤᱭᱟᱹ ᱴᱚᱴᱷᱟ ᱛᱟᱭᱚᱢ ᱫᱚᱥᱟᱨ ᱢᱟᱨᱟᱝ ᱨᱩᱠᱷᱤᱭᱟᱹ ᱴᱚᱴᱷᱟ ᱠᱟᱱᱟ ᱾ ᱱᱚᱣᱟ ᱯᱟᱨᱠ ᱨᱮ ᱟᱭᱢᱟ ᱞᱮᱠᱟᱱ ᱡᱤᱭᱟᱹᱞᱤ ᱠᱚᱣᱟᱜ ᱚᱲᱟᱜ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱦᱤᱢ ᱞᱮᱯᱟᱨᱰ ᱦᱚᱸ ᱥᱮᱞᱮᱫ ᱢᱮᱱᱟᱭᱟ ᱾ ᱦᱮᱢᱤᱥ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱯᱟᱞᱮᱭᱟᱨᱠᱴᱤᱠ ᱴᱚᱴᱷᱟ ᱨᱮ ᱢᱮᱱᱟᱜ ᱥᱤᱧᱚᱛ ᱨᱮᱱᱟᱜ ᱢᱤᱫ ᱵᱟᱜᱟᱱ ᱠᱟᱱᱟ, ᱡᱟᱦᱟᱸ ᱫᱚ ᱦᱮᱢᱤᱥ ᱨᱮᱱᱟᱜ ᱠᱚᱧᱮ-ᱥᱟᱢᱟᱝ ᱨᱮ ᱪᱚᱝᱛᱷᱚᱝ ᱵᱤᱨ ᱡᱤᱵᱽ ᱡᱤᱭᱟᱹᱞᱤ ᱵᱟᱜᱟᱱ ᱟᱨ ᱠᱚᱧᱮ ᱥᱤᱠᱠᱤᱢ ᱨᱮ ᱯᱨᱚᱡᱮᱠᱴ ᱟᱠᱟᱱ ᱛᱥᱳ ᱞᱟᱦᱟᱢᱳ ᱨᱟᱵᱟᱝ ᱨᱤᱛᱩ ᱜᱤᱛᱤᱞᱛᱷᱟᱱ ᱨᱩᱠᱷᱤᱭᱟᱹ ᱴᱚᱴᱷᱟ ᱨᱮᱱᱟᱜ ᱵᱟᱦᱨᱮ ᱨᱮ ᱢᱮᱱᱟᱜᱼᱟ ᱾

ᱱᱚᱶᱟ ᱯᱟᱨᱠ ᱫᱚ ᱠᱚᱧᱮ ᱥᱮᱫ ᱨᱮ ᱥᱟᱝ ᱱᱟᱹᱭ ᱫᱷᱟᱨᱮ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾ ᱱᱚᱶᱟ ᱨᱮ ᱢᱟᱨᱠᱷᱟ, ᱥᱩᱢᱫᱟ ᱟᱨ ᱨᱚᱢᱵᱚᱠ ᱨᱮᱱᱟᱜ ᱫᱟᱜ ᱡᱟᱭᱜᱟ ᱟᱨ ᱡᱚᱸᱥᱠᱚᱨ ᱨᱮᱸᱡᱽ ᱨᱮᱱᱟᱜ ᱮᱴᱟᱜ ᱴᱚᱴᱷᱟ ᱠᱚ ᱥᱮᱞᱮᱫ ᱟᱠᱟᱱᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱯᱟᱨᱠ ᱫᱚ ᱑᱙᱘᱑ ᱥᱟᱞᱮ ᱨᱮ ᱨᱚᱢᱵᱚᱠ ᱟᱨ ᱢᱟᱨᱠᱷᱟ ᱴᱚᱴᱷᱟ ᱨᱮᱱᱟᱜ ᱫᱟᱜ ᱡᱟᱭᱜᱟ ᱫᱚᱦᱚ ᱠᱟᱛᱮ ᱵᱮᱱᱟᱣ ᱞᱮᱱᱟ ᱾ ᱱᱚᱶᱟ ᱫᱚ ᱖᱐᱐ ᱜᱟᱺᱴ ᱠᱤᱞᱚᱢᱤᱴᱚᱨ (᱒᱓᱐ ᱜᱟᱺᱴ ᱢᱤᱞ) ᱨᱮ ᱯᱟᱥᱱᱟᱣ ᱟᱠᱟᱱᱟ ᱾ ᱱᱚᱶᱟ ᱫᱚ ᱑᱙᱘᱘ ᱥᱟᱞᱮ ᱨᱮ ᱓,᱓᱐᱐ ᱜᱟᱺᱴ ᱠᱤᱞᱚᱢᱤᱴᱚᱨ (᱑,᱒᱙᱐ ᱜᱟᱺᱴ ᱢᱤᱞ) ᱫᱷᱟᱹᱨᱤᱡ ᱵᱟᱹᱲᱛᱤ ᱞᱮᱱᱟ ᱾^[᱒] ᱱᱚᱶᱟ ᱫᱚ ᱥᱩᱨ ᱥᱩᱯᱩᱨ ᱨᱮᱱᱟᱜ ᱴᱚᱴᱷᱟ ᱠᱚ ᱥᱮᱞᱮᱫ ᱠᱟᱛᱮ, ᱑᱙᱙᱐ ᱥᱟᱞᱮ ᱨᱮ ᱔,᱔᱐᱐ ᱜᱟᱺᱴ ᱠᱤᱞᱚᱢᱤᱴᱚᱨ (᱑,᱗᱐᱐ ᱜᱟᱺᱴ ᱢᱤᱞ) ᱫᱷᱟᱹᱨᱤᱡ ᱵᱟᱹᱲᱛᱤ ᱞᱮᱱᱟ ᱾^[᱓] ᱱᱚᱶᱟ ᱫᱚ ᱮᱛᱚᱢ ᱮᱥᱤᱭᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱠᱟᱱᱟ ᱾

ᱚᱛᱱᱚᱜ ᱟᱨ ᱮᱠᱚᱞᱚᱡᱤᱠᱟᱞ ᱢᱩᱬᱩᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱯᱟᱨᱠ ᱫᱚ ᱠᱟᱨᱟᱠᱳᱨᱚᱢ-ᱯᱟᱪᱮ ᱛᱤᱵᱵᱚᱛᱤ ᱯᱞᱟᱴᱚ ᱨᱮᱱᱟᱜ ᱟᱞᱯᱟᱭᱤᱱ ᱥᱴᱮᱯ ᱮᱠᱳ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱨᱮ ᱯᱟᱭᱤᱱ ᱵᱩᱨᱩ, ᱟᱞᱯᱟᱭᱤᱱ ᱥᱴᱨᱩᱵᱷᱮᱞᱮᱱᱰᱥ ᱟᱨ ᱛᱟᱥᱟᱫ ᱴᱟᱺᱰᱤ ᱟᱨ ᱟᱞᱯᱟᱭᱤᱱ ᱴᱩᱸᱰᱨᱟ ᱫᱟᱨᱮ ᱱᱟᱹᱬᱤ ᱥᱮᱞᱮᱫ ᱢᱮᱱᱟᱜᱼᱟ ᱾

ᱧᱮᱞᱡᱚᱝ ᱴᱷᱟᱶ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱩᱱ ᱨᱮᱱᱟᱜ ᱛᱟᱞᱟ ᱠᱷᱚᱱ ᱚᱠᱴᱚᱵᱚᱨ ᱨᱮᱱᱟᱜ ᱛᱟᱞᱟ ᱫᱷᱟᱹᱨᱤᱡ ᱯᱟᱨᱠ ᱨᱮ ᱴᱨᱮᱠᱤᱝ ᱞᱟᱹᱜᱤᱫ ᱟᱹᱰᱤ ᱜᱟᱱ ᱦᱚᱨ ᱢᱮᱱᱟᱜᱼᱟ ᱾ ᱱᱚᱸᱰᱮᱱᱟᱜ ᱠᱤᱪᱷᱩ ᱴᱨᱮᱠᱤᱝ ᱦᱚᱨ ᱫᱚ ᱞᱚᱫᱟᱠᱷ ᱨᱮ ᱟᱹᱰᱤ ᱧᱩᱛᱩᱢᱟᱱ ᱠᱟᱱᱟ ᱾ ᱱᱚᱶᱟ ᱨᱮ ᱢᱟᱨᱠᱷᱟ ᱜᱷᱟᱹᱴᱤ ᱴᱨᱮᱠ ᱟᱨ ᱜᱟᱱᱰᱟ ᱞᱟ ᱪᱮᱛᱟᱱ ᱨᱮ ᱥᱯᱤᱛᱩᱠ ᱠᱷᱚᱱ ᱥᱴᱳᱠ ᱫᱷᱟᱹᱨᱤᱡ ᱴᱨᱮᱠ ᱥᱮᱞᱮᱫ ᱢᱮᱱᱟᱜᱼᱟ ᱾^[᱔] ᱦᱮᱢᱤᱥ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱵᱩᱨᱩ ᱪᱮᱛᱟᱱ ᱨᱮ ᱪᱮᱛᱟᱱ ᱥᱮᱱᱚᱜ ᱞᱟᱹᱜᱤᱫ ᱦᱚᱸ ᱧᱩᱛᱩᱢᱟᱱ ᱟᱜ ᱠᱟᱱᱟ ᱾ ᱥᱴᱳᱠ ᱠᱟᱝᱜᱽᱲᱤ ᱪᱮᱛᱟᱱ (᱖,᱑᱕᱓ ᱢᱤᱴᱚᱨ) ᱟᱨ ᱠᱟᱝ ᱭᱟᱛᱥᱮ ᱪᱮᱛᱟᱱ (᱖,᱔᱙᱖ ᱢᱤᱴᱚᱨ) ᱫᱚ ᱵᱟᱨᱭᱟ ᱵᱩᱨᱩ ᱠᱟᱱᱟ ᱡᱟᱦᱟᱸ ᱫᱚ ᱥᱮᱨᱢᱟ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱪᱮᱛᱟᱱ ᱦᱚᱲ ᱠᱚ ᱦᱤᱡᱩᱜ ᱠᱟᱱᱟ ᱾ ᱱᱚᱶᱟ ᱯᱟᱨᱠ ᱨᱮ ᱫᱚ ᱦᱤᱢ ᱞᱮᱯᱟᱨᱰ ᱧᱮᱞ ᱞᱟᱹᱜᱤᱫ ᱧᱮᱧᱮᱞᱤᱭᱟᱹ ᱠᱚᱣᱟᱜ ᱦᱚᱸ ᱟᱹᱰᱤ ᱧᱩᱛᱩᱢ ᱢᱮᱱᱟᱜᱼᱟ ᱾ ᱨᱟᱵᱟᱝ ᱨᱤᱛᱩ ᱨᱮ ᱦᱤᱢ ᱞᱮᱯᱟᱨᱰ ᱠᱚ ᱧᱮᱞ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱱᱟᱯᱟᱭ ᱚᱠᱛᱚ ᱠᱟᱱᱟ ᱾ ᱱᱟᱜᱟᱢᱤᱭᱟᱹ ᱦᱮᱢᱤᱥ ᱢᱚᱱᱫᱤᱨ ᱨᱮ ᱡᱚᱛᱚ ᱥᱤᱛᱩᱝ ᱨᱤᱛᱩ ᱜᱮ ᱦᱮᱢᱤᱥ ᱯᱷᱮᱥᱴᱤᱵᱷᱟᱞ (ᱦᱮᱢᱤᱥ ᱛᱥᱮᱪᱩ) ᱦᱩᱭᱩᱜᱼᱟ ᱾

ᱡᱚᱛᱚ ᱠᱷᱚᱱ ᱥᱩᱨ ᱩᱰᱟᱹᱱ ᱰᱟᱹᱦᱤ: ᱞᱮᱦ ᱠᱩᱥᱳᱠ ᱵᱟᱠᱩᱞᱟ ᱨᱤᱢᱯᱳᱪᱤ ᱩᱰᱟᱹᱱ ᱰᱟᱹᱦᱤ, ᱞᱮᱦ ᱦᱚᱱᱚᱛ ᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ
ᱡᱚᱛᱚ ᱠᱷᱚᱱ ᱥᱩᱨ ᱨᱮ ᱢᱮᱱᱟᱜ ᱨᱟᱡᱽᱰᱟᱦᱟᱨ: ᱞᱮᱦ-ᱢᱟᱱᱟᱞᱤ ᱨᱟᱡᱽᱰᱟᱦᱟᱨ, ᱟᱨ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱑D (ᱥᱨᱤᱱᱚᱜᱚᱨ - ᱠᱟᱨᱜᱤᱞ - ᱞᱮᱦ), ᱵᱟᱱᱟᱨ ᱜᱮ ᱯᱟᱨᱠ ᱨᱮᱱᱟᱜ ᱠᱚᱧᱮ ᱥᱤᱢᱟᱹ ᱥᱩᱨ ᱨᱮ ᱢᱮᱱᱟᱜᱼᱟ ᱾
ᱡᱚᱛᱚ ᱠᱷᱚᱱ ᱥᱩᱨ ᱥᱚᱦᱚᱨ: ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮ ᱟᱹᱰᱤ ᱜᱟᱱ ᱟᱹᱛᱩ ᱟᱨ ᱜᱚᱢᱯᱟ (ᱢᱚᱱᱫᱤᱨ) ᱢᱮᱱᱟᱜᱼᱟ ᱾
ᱡᱚᱛᱚ ᱠᱷᱚᱱ ᱥᱩᱨ ᱨᱮ ᱢᱮᱱᱟᱜ ᱥᱚᱦᱚᱨ: ᱞᱮᱦ ᱥᱚᱦᱚᱨ ᱫᱚ ᱯᱟᱨᱠ ᱨᱮᱱᱟᱜ ᱠᱚᱧᱮ ᱥᱮᱫ ᱑᱐ ᱠᱤᱞᱚᱢᱤᱴᱚᱨ (᱖.᱒ ᱢᱟᱭᱤᱞ) ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾

ᱜᱮᱞᱟᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱮᱢᱤᱥ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ
ᱜᱟᱱᱰᱟ ᱞᱟ ᱣᱤᱱᱴᱚᱨ ᱯᱟᱥ ᱨᱮᱱᱟᱜ ᱪᱮᱛᱟᱱ ᱨᱮ ᱥᱠᱤᱭᱩ ᱰᱟᱦᱟᱨ ᱨᱮ
ᱯᱟᱨᱠ ᱨᱮᱱᱟᱜ ᱥᱟᱢᱟᱝ ᱴᱚᱴᱷᱟ ᱨᱮ ᱵᱩᱨᱩ ᱥᱤᱢᱟᱹ
ᱦᱮᱢᱤᱥ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱟᱨ ᱴᱨᱟᱱᱥ ᱦᱮᱢᱟᱞ ᱵᱩᱨᱩ ᱨᱮᱱᱟᱜ ᱢᱤᱫ ᱚᱛ ᱱᱚᱠᱥᱟ

ᱦᱮᱢᱤᱥ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱟᱨ ᱴᱨᱟᱱᱥ ᱦᱮᱢᱟᱞ ᱵᱩᱨᱩ ᱨᱮᱱᱟᱜ ᱢᱤᱫ ᱚᱛ ᱱᱚᱠᱥᱟ
ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮ ᱱᱟᱜᱟᱢᱤᱭᱟᱹ ᱦᱮᱢᱤᱥ ᱢᱚᱱᱫᱤᱨ ᱨᱮᱱᱟᱜ ᱚᱛ ᱦᱟᱥᱟ

ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮ ᱱᱟᱜᱟᱢᱤᱭᱟᱹ ᱦᱮᱢᱤᱥ ᱢᱚᱱᱫᱤᱨ ᱨᱮᱱᱟᱜ ᱚᱛ ᱦᱟᱥᱟ
᱑᱘᱗᱐ ᱥᱮᱨᱢᱟ ᱨᱮ ᱦᱮᱢᱤᱥ ᱢᱚᱱᱫᱤᱨ
ᱥᱴᱳᱠ ᱠᱟᱝᱜᱽᱲᱤ, ᱯᱟᱨᱠ ᱨᱮᱱᱟᱜ ᱢᱩᱸᱫᱽ ᱨᱮ ᱢᱮᱱᱟᱜ ᱡᱚᱛᱚ ᱠᱷᱚᱱ ᱩᱥᱩᱞ ᱪᱮᱛᱟᱱ