ᱨᱚᱛᱱᱟᱜᱤᱨᱤ ᱦᱚᱱᱚᱛ

ᱨᱚᱛᱱᱟᱜᱤᱨᱤ ᱦᱚᱱᱚᱛ
ᱨᱚᱛᱱᱟᱜᱤᱨᱤ ᱦᱚᱱᱚᱛ
ᱢᱚᱦᱟᱨᱟᱥᱴᱨᱚ ᱨᱮᱱᱟᱜ ᱦᱚᱱᱚᱛ
	ᱫᱚᱨᱭᱟ ᱠᱷᱚᱱ ᱥᱩᱵᱚᱨᱬᱚᱫᱩᱨᱜᱽ ᱨᱮᱱᱟᱜ ᱧᱮᱞ
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱢᱚᱦᱟᱨᱟᱥᱴᱨᱚ
ᱠᱷᱚᱸᱰ	ᱠᱚᱝᱠᱚᱬ ᱠᱷᱚᱸᱰ
ᱦᱮᱰᱠᱩᱣᱟᱴᱚᱨ	ᱨᱚᱛᱱᱟᱜᱤᱨᱤ
ᱮᱨᱤᱭᱟ
• ᱜᱩᱴ	8208 ᱠᱤᱢᱤ২ (3169 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱜᱩᱴ	᱑,᱖᱑᱕,᱐᱖᱙
• ᱰᱮᱱᱥᱤᱴᱤ	200/ᱠᱤᱢᱤ2 (510/ᱜᱟᱺᱴ ᱢᱟᱹᱭᱤᱞ)
ᱦᱚᱲ ᱮᱞ
• ᱥᱤᱠᱷᱱᱟᱹᱛ ᱫᱚᱨ	᱘᱒.᱑᱘%
	IST (ᱭᱩᱴᱤᱥᱤ+᱐᱕:᱓᱐)
ᱣᱮᱵᱽᱥᱟᱭᱤᱴ	ratnagiri.nic.in

ᱨᱚᱛᱱᱟᱜᱤᱨᱤ ᱦᱚᱱᱚᱛ ᱫᱚ ᱯᱟᱪᱮ ᱥᱤᱧᱚᱛ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱨᱮᱭᱟᱜ ᱯᱮᱼᱜᱮᱞᱼᱛᱩᱨᱩᱭ ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ ᱾ ᱨᱚᱛᱱᱟᱜᱤᱨᱤ ᱱᱟᱝᱜᱽᱨᱟᱦᱟ ᱜᱮ ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱺᱭ ᱫᱚ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱫᱚ ᱠᱚᱝᱠᱚᱬ ᱠᱷᱚᱸᱰ ᱨᱮᱭᱟᱜ ᱢᱤᱫ ᱦᱤᱸᱥ ᱠᱟᱱᱟ ᱾ ᱪᱤᱯᱞᱩᱱ ᱫᱚ ᱨᱟᱛᱱᱟ ᱜᱤᱨᱤ ᱨᱮᱭᱟᱜ ᱠᱟᱹᱣᱰᱤ ᱨᱟᱡᱽ ᱜᱟᱲ ᱠᱟᱱᱟ᱾ ᱚᱛᱼᱦᱟᱥᱟ ᱨᱮᱛᱟᱜ ᱞᱮᱠᱷᱟ ᱡᱚᱠᱷᱟ ᱞᱮᱠᱟ ᱛᱮ ᱱᱚᱣᱟ ᱦᱚᱱᱚᱛ ᱫᱚ ᱘,᱒᱐᱘ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ ᱾ ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱞᱷᱟ ᱞᱮᱠᱟ ᱛᱮ ᱱᱤᱭᱟᱹ ᱦᱚᱱᱚᱛ ᱨᱮ ᱞᱮᱠᱷᱟ ᱜᱩᱴ ᱑,᱖᱑᱕,᱐᱖᱙ ᱡᱚᱱᱟ ᱦᱚᱲ ᱢᱮᱱᱟᱜ ᱟᱠᱟᱫ ᱠᱚᱣᱟ, ᱩᱱᱠᱩ ᱢᱩᱫᱽ ᱨᱮ ᱑᱑ᱹ᱓᱓% ᱦᱤᱸᱥ ᱦᱚᱲ ᱜᱮ ᱱᱟᱝᱜᱽᱨᱟᱦᱟ ᱨᱮ ᱠᱚ ᱵᱟᱥᱟ ᱟᱠᱟᱱᱟ ᱾ ᱱᱤᱭᱟᱹ ᱦᱚᱱᱚᱛ ᱨᱮᱛᱟᱜ ᱯᱟᱪᱮ ᱱᱟᱠᱷᱟ ᱛᱮ ᱫᱚ ᱟᱨᱚᱵᱽ ᱫᱚᱨᱭᱟ ᱨᱮ ᱡᱟᱯᱟᱜ ᱟᱠᱟᱱᱟ, ᱮᱛᱚᱢ ᱱᱟᱠᱷᱟ ᱛᱮ ᱫᱚ ᱥᱤᱝᱫᱷᱩᱫᱽᱨᱜᱽ ᱦᱚᱱᱚᱛ ᱨᱮ ᱡᱟᱯᱟᱜ ᱟᱠᱟᱱᱟ, ᱠᱚᱧᱮ ᱱᱟᱠᱷᱟ ᱛᱮ ᱫᱚ ᱨᱟᱭᱜᱟᱲ ᱦᱚᱱᱚᱛ ᱨᱮ ᱡᱟᱯᱟᱜ ᱟᱠᱟᱱᱟ ᱟᱨ ᱥᱟᱢᱟᱝ ᱱᱟᱠᱷᱟ ᱛᱮ ᱫᱚ ᱥᱟᱛᱟᱨᱟ ᱦᱚᱱᱚᱛ, ᱥᱟᱝᱜᱽᱞᱤ ᱦᱚᱱᱚᱛ ᱟᱨ ᱠᱚᱞᱦᱟᱯᱩᱨ ᱦᱚᱱᱚᱛ ᱨᱮ ᱡᱟᱯᱟᱜ ᱟᱠᱟᱱᱟ ᱾

ᱯᱟᱹᱨᱥᱤ

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱨᱟᱛᱱᱟ ᱜᱤᱨᱤ ᱦᱚᱱᱚᱛ ᱨᱮ ᱘᱘ᱹ᱑᱘% ᱦᱤᱸᱥ ᱦᱚᱲ ᱜᱮ ᱢᱟᱨᱟᱴᱷᱤ ᱯᱟᱹᱨᱥᱤ ᱠᱚ ᱞᱟᱲᱪᱟᱲᱼᱮᱫᱟ, ᱥᱟᱭ ᱠᱟᱲᱟ ᱗ᱹ᱓᱖% ᱦᱤᱸᱥ ᱦᱚᱲ ᱫᱚ ᱩᱲᱫᱩ ᱯᱟᱹᱨᱥᱤ ᱠᱚ ᱞᱟᱲᱪᱟᱲᱼᱮᱫᱟ, ᱥᱟᱭ ᱠᱟᱲᱟ ᱑ᱹ᱘᱗% ᱦᱤᱸᱥ ᱦᱚᱲ ᱫᱚ ᱦᱤᱱᱫᱤ ᱯᱟᱹᱨᱥᱤ ᱠᱚ ᱠᱟᱲᱪᱟᱲᱼᱮᱫᱟ, ᱥᱟᱭ ᱠᱟᱲᱟ ᱐ᱹ᱙᱗% ᱦᱤᱸᱥ ᱦᱚᱲ ᱫᱚ ᱠᱚᱱᱠᱧᱱᱤ ᱯᱟᱹᱨᱥᱤ ᱠᱚ ᱞᱟᱲᱪᱟᱲ ᱮᱫᱟ ᱟᱨ ᱥᱟᱨᱮᱡ ᱥᱟᱭ ᱠᱟᱲᱟ ᱐ᱹ᱕᱗% ᱦᱤᱸᱥ ᱦᱚᱲ ᱫᱚ ᱠᱟᱱᱱᱟᱲᱟ ᱯᱟᱹᱨᱥᱤ ᱠᱚ ᱞᱟᱲᱪᱟᱲᱼᱮᱫ ᱠᱟᱱᱟ᱾

ᱦᱟᱯᱟᱴᱤᱧ

ᱨᱚᱛᱱᱟᱜᱤᱨᱤ ᱦᱚᱱᱚᱛ ᱨᱮ ᱫᱚ ᱮᱭᱟᱭ ᱜᱚᱴᱟᱝ ᱛᱟᱞᱩᱠ ᱠᱚ ᱢᱮᱱᱟᱜ ᱟᱠᱟᱫᱟ, ᱚᱱᱟ ᱛᱟᱞᱩᱠ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱑.ᱨᱟᱛᱱᱟ ᱜᱤᱨᱤ ᱒ᱹᱨᱟᱡᱟ ᱯᱩᱨ ᱓ᱹᱞᱟᱱᱡᱟ ᱔ᱹᱥᱟᱝᱢᱮᱥᱚᱨ ᱕ᱹᱪᱤᱯᱞᱩᱱ ᱖ᱹᱜᱩᱦᱟᱜᱟᱨ ᱗ᱹᱢᱟᱱᱫᱟᱱ ᱜᱟᱲ ᱘ᱹᱠᱷᱮᱫᱽ ᱟᱨ ᱙ᱹᱫᱟᱯᱚᱞᱤ᱾ ᱱᱤᱭᱟᱹ ᱦᱚᱱᱚᱛ ᱨᱮ ᱢᱚᱦᱟᱨᱟᱥᱴᱨᱚ ᱵᱤᱫᱷᱟᱱ ᱥᱚᱵᱷᱟ ᱨᱮᱭᱟᱜ ᱢᱚᱬᱻ ᱜᱚᱴᱟᱝ ᱴᱚᱴᱷᱟ ᱢᱮᱱᱟᱜ ᱟᱠᱟᱫᱟ᱾ ᱚᱱᱟ ᱢᱚᱬᱮ ᱜᱚᱴᱟᱝ ᱵᱤᱫᱷᱟᱱ ᱥᱚᱫᱷᱟ ᱴᱚᱴᱷᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟᱺ

ᱨᱟᱡᱟᱯᱩᱨ
ᱨᱚᱛᱱᱟᱜᱤᱨᱤ
ᱜᱩᱦᱟᱜᱟᱨ
ᱪᱤᱯᱞᱩᱱ
ᱫᱟᱯᱚᱞᱤ

ᱦᱚᱲ ᱞᱮᱠᱷᱟ

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱨᱚᱛᱱᱟᱜᱤᱨᱤ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱞᱮᱠᱷᱟ ᱜᱩᱴ ᱑,᱖᱑᱕,᱐᱖᱙ ᱡᱚᱱᱟ, ᱦᱚᱲ ᱞᱮᱠᱷᱟ ᱦᱤᱥᱟᱹᱵᱽ ᱛᱮ ᱱᱚᱣᱟ ᱦᱚᱱᱚᱛ ᱫᱚ ᱟᱢᱫᱟᱡᱽ ᱜᱤᱱᱤᱼᱵᱤᱥᱟᱣ ᱫᱤᱥᱚᱢ ᱩᱱᱟᱹᱜ ᱢᱟᱨᱟᱝ ᱦᱩᱭᱩᱜᱼᱟ ᱟᱨ ᱵᱟᱝ ᱟᱢᱮᱨᱤᱠᱟ ᱫᱤᱥᱚᱢ ᱨᱮᱭᱟᱜ ᱤᱫᱟᱦᱩ ᱯᱚᱱᱚᱛ ᱩᱱᱟ.ᱜ ᱢᱟᱨᱟᱝ ᱦᱩᱭᱩᱜᱼᱟ ᱾ ᱱᱤᱭᱟᱹ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱓᱑᱑ ᱮᱞᱟᱱ ᱦᱚᱱᱚᱛ ᱯᱟᱲᱟᱜ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱢᱤᱫ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ ᱡᱟᱭᱜᱟ ᱨᱮ ᱑᱙᱖ ᱡᱚᱱᱟ ᱦᱚᱲ ᱠᱚ ᱜᱤᱨᱟᱹᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ ᱾ ᱯᱟᱨᱚᱢᱮᱱ ᱜᱮ-ᱥᱮᱨᱢᱟ ᱒᱐᱐᱑ - ᱒᱐᱑᱑ ᱦᱟᱹᱵᱤᱡ ᱱᱚᱣᱟ ᱨᱚᱛᱱᱟᱜᱤᱨᱤ ᱦᱚᱱᱚᱛ ᱨᱮᱭᱟᱜ ᱵᱟᱹᱰᱚᱜ ᱦᱟᱨ ᱫᱚ ᱛᱟᱦᱮᱸ ᱠᱟᱱᱟ ᱔.᱙᱖% ᱾ ᱨᱟᱛᱱᱟ ᱜᱤᱨᱤ ᱦᱚᱱᱚᱛ ᱨᱮ ᱢᱤᱫ ᱜᱮ- ᱥᱟᱭ ᱦᱮᱨᱮᱞ ᱵᱚᱫᱚᱞ ᱛᱮ ᱑᱑᱒᱓ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱾ ᱟᱨ ᱥᱮᱪᱮᱜ ᱠᱚᱣᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱘᱒.᱔᱓% ᱾

ᱥᱟᱹᱠᱷᱭᱟᱹᱛ

ᱵᱟᱦᱨᱮ ᱡᱚᱱᱚᱲ

ᱛᱷᱚᱢ:ᱠᱚᱝᱠᱚᱬ ᱠᱷᱚᱸᱰ