ᱨᱟᱱᱤ ᱢᱩᱨᱢᱩ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱨᱟᱱᱤ ᱢᱩᱨᱢᱩ
ᱡᱟᱱᱟᱢᱨᱟᱱᱤ ᱢᱩᱨᱢᱩ (ᱼᱼ.ᱼᱼ.᱑᱙᱘᱘ )
1988 (age 35–36)
ᱫᱮᱣᱜᱷᱳᱨᱟ, ᱵᱷᱤᱞᱟᱹᱭ ᱯᱟᱦᱟᱰᱤ, ᱡᱟᱢᱥᱮᱫᱽᱯᱩᱨ
ᱠᱟᱹᱢᱤᱚᱱᱚᱞᱤᱭᱟ.
ᱡᱟᱹᱛᱤᱭᱟᱹᱛᱥᱤᱧᱚᱛᱤᱭᱟᱹ
ᱥᱟᱶᱦᱮᱫ ᱮᱱᱮᱢᱦᱚᱯᱚᱱ ᱢᱟᱹᱭᱟᱜ ᱠᱩᱠᱢᱩ
ᱥᱤᱨᱯᱷᱟᱹᱠᱮᱸᱫᱽᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱡᱩᱣᱟ.ᱱ ᱥᱤᱨᱯᱷᱟ.(᱒᱐᱑᱘)
ᱯᱮᱲᱟ ᱥᱟᱹᱜᱟᱹᱭᱟᱱ ᱠᱚᱵᱟᱵᱟ ᱺ ᱵᱩᱫᱷᱨᱟᱭ ᱢᱩᱨᱢᱩ ( ASECA,ᱫᱮᱣᱜᱷᱳᱨᱟ ᱥᱚᱪᱤᱵᱽ ), ᱟᱭᱳ ᱺ ᱥᱤᱛᱟ ᱢᱩᱨᱢᱩ

ᱨᱟᱱᱤ ᱢᱩᱨᱢᱩ (ᱤᱝᱞᱤᱥ: Rani Murmu, ᱡᱟᱱᱟᱢ ᱺ ᱑᱙᱘᱘) ᱫᱚ ᱥᱟᱱᱛᱟᱲᱤ ᱚᱱᱚᱞᱤᱭᱟ. ᱠᱟᱱᱟᱭ ᱾ ᱟᱡᱟᱜ ᱚᱱᱚᱲᱦᱮ ᱯᱩᱛᱷᱤ ᱦᱚᱯᱚᱱ ᱢᱟᱹᱭᱟᱜ ᱠᱩᱠᱢᱩ ᱞᱟ.ᱜᱤᱫ ᱠᱮᱸᱫᱽᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱠᱷᱚᱱ ᱒᱐᱑᱘ ᱥᱟᱞᱮ ᱨᱮ ᱡᱩᱣᱟ.ᱱ ᱥᱤᱨᱯᱷᱟ. ᱟᱨ ᱢᱟ.ᱱ ᱥᱟᱨᱦᱟᱣᱮ ᱧᱟᱢ ᱟᱠᱟᱫ-ᱟ ᱾ ᱠᱚᱢ ᱵᱚᱭᱚᱥ ᱨᱮ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱞᱮᱠᱟᱱ ᱠᱮᱱᱫᱽᱨᱤᱭᱚ ᱥᱚᱨᱠᱟᱨᱤ ᱥᱚᱸᱥᱛᱷᱟ ᱠᱷᱚᱱ ᱡᱩᱣᱟᱹᱱ ᱚᱱᱚᱞᱤᱭᱟᱹ ᱥᱤᱨᱯᱷᱟᱹ ᱧᱟᱢ ᱥᱟᱱᱛᱟᱲᱤ ᱠᱩᱲᱤ ᱦᱚᱯᱚᱱ ᱠᱚ ᱞᱟᱹᱜᱤᱫ ᱟᱹᱰᱤ ᱢᱟᱨᱟᱝ ᱱᱟᱶᱟ ᱰᱟᱦᱟᱨ ᱮ ᱩᱫᱩᱜ ᱥᱟᱡᱷᱮ ᱟᱠᱟᱫ-ᱟ ᱾

ᱡᱟᱱᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱟᱱᱤ ᱢᱩᱨᱢᱩ ᱫᱚ ᱑᱙᱘᱘ ᱥᱟᱞᱮ ᱨᱮ ᱫᱮᱣᱜᱷᱳᱨᱟ, ᱵᱷᱤᱞᱟᱹᱭ ᱯᱟᱦᱟᱰᱤ, ᱡᱟᱢᱥᱮᱫᱽᱯᱩᱨ, ᱡᱷᱟᱨᱠᱷᱚᱸᱰ ᱨᱮ ᱡᱟᱱᱟᱢ ᱟᱠᱟᱱᱟᱭ ᱾ ᱡᱟᱱᱟᱢ ᱟᱭᱳ ᱟᱨ ᱵᱟᱵᱟ ᱛᱤᱠᱤᱱ ᱫᱚ ᱥᱤᱛᱟ ᱢᱩᱨᱢᱩ ᱟᱨ ᱵᱩᱫᱷᱨᱟᱹᱭ ᱢᱩᱨᱢᱩ ᱾ ᱵᱟᱵᱟ ᱛᱤᱠᱤᱱ ᱫᱚ ᱥᱩᱵᱚᱨᱱᱟᱨᱮᱠᱷᱟ ᱯᱨᱚᱡᱮᱠᱴ ᱨᱮ ᱠᱤᱱ ᱠᱟᱹᱢᱤ ᱛᱟᱦᱮᱸᱫ ᱾ ᱒᱐᱑᱐ ᱨᱮ ᱪᱟᱹᱠᱨᱤ ᱠᱷᱚᱱ ᱡᱤᱨᱟᱹᱣ ᱦᱟᱛᱟᱣ ᱛᱟᱭᱟᱢ ASECA,ᱫᱮᱣᱜᱷᱳᱨᱟ ᱨᱮ ᱥᱚᱪᱤᱵᱽ ᱢᱮᱱᱟᱜ ᱠᱤᱱᱟ ᱾

ᱥᱮᱪᱮᱫ ᱟᱨ ᱜᱷᱟᱨᱚᱸᱡᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱟᱱᱤ ᱢᱩᱨᱢᱩ ᱫᱚ ᱒᱐᱑᱑ ᱥᱟᱞᱮ ᱨᱮ ᱨᱟᱹᱧᱪᱤ ᱭᱩᱱᱤᱣᱚᱨᱥᱤᱴᱤ ᱠᱷᱚᱱ ᱯᱳᱞᱤᱴᱤᱠᱟᱞ ᱥᱟᱭᱤᱱᱥ ᱨᱮ ᱜᱨᱟᱡᱩᱮᱴ ᱟᱠᱟᱱᱟᱭ ᱾ ᱵᱟᱵᱟ ᱛᱤᱠᱤᱱ ᱚᱞ ᱪᱤᱠᱤ ᱟᱵᱷᱤᱭᱟᱱ ᱥᱟᱞᱟᱜ ᱡᱩᱲᱟᱹᱣ ᱨᱮ ᱛᱟᱦᱮᱸ ᱠᱟᱱ ᱠᱷᱟᱹᱛᱤᱨ ᱨᱟᱱᱤ ᱦᱚᱸ ᱟᱹᱰᱤ ᱜᱤᱫᱽᱨᱟᱹ ᱠᱷᱚᱱ ᱜᱮ ᱚᱞ ᱪᱤᱠᱤ ᱪᱮᱫ ᱞᱟᱹᱜᱤᱫ ᱮ ᱢᱚᱱᱮ ᱞᱮᱫ-ᱟ ᱾

ᱥᱟᱶᱦᱮᱫ ᱮᱱᱮᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱥᱤᱭᱟᱞ ᱢᱮᱰᱤᱭᱟ ᱨᱮ ᱚᱞ ᱚᱞ ᱛᱮ ᱚᱞ ᱪᱤᱠᱤ ᱛᱮ ᱠᱟᱹᱦᱱᱤ ᱟᱨ ᱚᱱᱚᱬᱦᱮᱸ ᱠᱚ ᱚᱞ ᱨᱮᱱᱟᱜ ᱨᱟᱹᱥᱠᱟᱹ ᱟᱡᱟᱜ ᱢᱚᱱᱮ ᱨᱮ ᱥᱟᱨᱥᱟᱣ ᱞᱮᱱᱟ ᱾ ᱦᱚᱯᱚᱱ ᱢᱟᱹᱭᱟᱜ ᱠᱩᱠᱢᱩ ᱠᱟᱹᱦᱱᱤ ᱯᱩᱛᱷᱤ ᱫᱚ ᱟᱡᱟᱜ ᱯᱩᱭᱞᱩ ᱯᱩᱛᱷᱤ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱦᱚᱸ ᱟᱭᱢᱟ ᱠᱟᱹᱦᱱᱤ ᱠᱚ ᱚᱞ ᱪᱤᱠᱤ ᱛᱮ ᱚᱞ ᱟᱠᱟᱫ ᱟᱭ ᱾ ᱟᱡᱟᱜ ᱚᱱᱚᱞ ᱨᱮ ᱫᱚ ᱛᱤᱨᱞᱟᱹ ᱦᱚᱯᱚᱱᱟᱜ ᱡᱤᱭᱚᱱ ᱪᱤᱛᱟᱹᱨ ᱟᱭᱢᱟ ᱨᱩᱯ ᱛᱮ ᱡᱷᱟᱞᱠᱟᱣᱜ-ᱟ ᱾ ᱟᱡᱟᱜ ᱚᱞ ᱠᱷᱚᱱ ᱟᱹᱭᱠᱟᱹᱣᱜ-ᱟ ᱟᱡᱟᱜ ᱠᱚᱞᱚᱢ ᱫᱚ ᱠᱩᱲᱤ ᱦᱚᱯᱚᱱ ᱠᱚ ᱢᱟᱬᱟᱝ ᱥᱮᱫ ᱞᱟᱦᱟᱜ ᱞᱟᱹᱜᱤᱫ ᱦᱚᱨᱮ ᱩᱫᱩᱜ ᱟᱠᱚ ᱠᱟᱱᱟ ᱾ ᱟᱹᱫᱤᱵᱟᱹᱥᱤ ᱥᱚᱢᱟᱡᱽ ᱟᱨ ᱵᱟᱝ ᱥᱟᱱᱛᱟᱲ ᱥᱟᱶᱛᱟ ᱫᱤᱥᱚᱢ ᱨᱮ ᱚᱞ ᱯᱟᱲᱦᱟᱣ ᱨᱮ ᱟᱹᱰᱤ ᱛᱟᱭᱚᱢ ᱨᱮ ᱢᱮᱱᱟᱜ-ᱟ ᱾ ᱛᱚᱵᱮ ᱨᱟᱱᱤ ᱢᱩᱨᱢᱩ ᱞᱮᱠᱟᱱ ᱡᱩᱣᱟᱹᱱ ᱚᱱᱚᱞᱤᱭᱟᱹ ᱠᱚᱣᱟᱜ ᱠᱮᱴᱮᱡ ᱚᱞ ᱥᱟᱱᱟᱢ ᱟᱹᱫᱤᱵᱟᱹᱥᱤ ᱥᱟᱶᱛᱟ ᱨᱤᱱ ᱡᱩᱣᱟᱹᱱ ᱠᱚᱲᱟ ᱠᱩᱲᱤ ᱠᱚ ᱞᱟᱹᱜᱤᱫ ᱢᱚᱱᱮ ᱫᱟᱲᱮ ᱮᱢ ᱞᱟᱹᱜᱤᱫ ᱠᱟᱹᱢᱤ ᱮᱢᱟᱭ ᱾

ᱯᱟᱨᱥᱟᱞ ᱟᱠᱟᱱ ᱯᱩᱛᱷᱤ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱑. ᱦᱚᱯᱚᱱ ᱢᱟᱹᱭᱟᱹᱜ ᱠᱩᱠᱢᱩ ᱒᱐᱑᱕
  • ᱒. ᱤᱧᱟᱜ ᱥᱚᱝᱥᱟᱨ ᱒᱐᱑᱗

ᱢᱟ.ᱱ ᱥᱤᱨᱯᱷᱟ.[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱩᱦᱩᱲᱟ.ᱣ ᱨᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱟᱱᱤ ᱢᱩᱨᱢᱩ ᱫᱚ ᱟᱭᱢᱟ ᱥᱚᱥᱤᱭᱟᱞ ᱢᱮᱰᱤᱭᱟ ᱯᱞᱟᱴᱯᱷᱚᱨᱢ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱫᱩᱞᱟᱹᱲᱤ ᱠᱚ ᱥᱟᱶ ᱡᱩᱲᱟᱹᱭ ᱢᱮᱱᱟᱭᱟ ᱾ ᱟᱡᱟᱜ ᱦᱩᱰᱤᱧ ᱚᱱᱚᱬᱦᱮ ᱠᱚ ᱛᱤᱨᱞᱟᱹ ᱦᱚᱯᱚᱱ ᱟᱨ ᱠᱟᱹᱴᱤᱡ ᱜᱤᱫᱽᱨᱟᱹ ᱠᱚ ᱢᱟᱬᱟᱝ ᱛᱮ ᱞᱟᱦᱟᱜ ᱞᱟᱹᱜᱤᱫ ᱩᱫᱽᱜᱟᱹᱣ ᱮ ᱮᱢᱟ ᱠᱚᱣᱟ ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://www.bhaskar.com/news/latest-jamshedpur-news-033535-2353171.html

https://simple.wikipedia.org/wiki/List_of_Yuva_Puraskar_winners_for_Santali

https://www.thequint.com/hotwire-text/sahitya-akademi-announces-bal-yuva-puraskar-for-2018

http://sahitya-akademi.gov.in/awards/yuva_samman_suchi.jsp

https://www.prabhatkhabar.com/state/jharkhand/jamshedpur/1173743

https://www.google.com/imgres?imgurl=https%3A%2F%2Fi.ytimg.com%2Fvi%2FoRLGaoeuBf8%2Fmaxresdefault.jpg&imgrefurl=https%3A%2F%2Fwww.youtube.com%2Fwatch%3Fv%3DoRLGaoeuBf8&tbnid=4BHseFB-3EeBUM&vet=12ahUKEwiwlcjI1OvpAhVbnUsFHWkKB74QMygEegUIARCVAQ..i&docid=nVaJDw-Jbyh1-M&w=1280&h=720&itg=1&q=rani%20murmu%20sahitya%20akademy&client=firefox-b-d&ved=2ahUKEwiwlcjI1OvpAhVbnUsFHWkKB74QMygEegUIARCVAQ