ᱥᱟᱦᱤᱛᱭᱚ ᱮᱠᱟᱰᱮᱢᱤ
ᱥᱟᱦᱤᱛᱭᱚ ᱮᱠᱟᱰᱮᱢᱤ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱯᱟᱹᱨᱥᱤ ᱛᱮ ᱥᱟᱶᱦᱮᱫ ᱞᱟᱦᱟᱱᱛᱤ ᱟᱨ ᱪᱷᱟᱨᱦᱟᱣ ᱨᱮᱱᱟᱜ ᱢᱤᱫ ᱜᱟᱶᱛᱟ ᱠᱟᱱᱟ ᱡᱟᱦᱟᱸ ᱥᱤᱧᱚᱛ ᱥᱚᱨᱠᱟᱨ ᱟᱜ ᱟᱹᱨᱤ ᱛᱮ ᱵᱮᱨᱮᱫ ᱦᱟᱠᱟᱱᱟ᱾ᱱᱚᱣᱟ ᱨᱮᱱᱟᱜ ᱵᱩᱱᱤᱭᱟᱹᱫ ᱑᱒ ᱢᱟᱨᱪ ᱑᱙᱕᱔ ᱨᱮ ᱦᱩᱭᱞᱮᱱᱟ᱾ᱱᱚᱣᱟ ᱫᱚ ᱫᱤᱞᱞᱤ ᱨᱮᱱᱟᱜ ᱢᱚᱱᱰᱤ ᱦᱟᱣᱩᱥ ᱥᱩᱨ ᱨᱚᱵᱤᱱᱫᱨᱚ ᱵᱷᱚᱵᱚᱱ ᱨᱮ ᱢᱮᱱᱟᱜᱼᱟ᱾
ᱥᱟᱦᱤᱛᱭᱚ ᱮᱠᱟᱰᱮᱢᱤ ᱡᱟᱹᱛᱤᱭᱟᱹᱨᱤ ᱟᱨ ᱴᱷᱟᱶᱟᱹᱨᱤ ᱦᱮᱞᱢᱮᱞ, ᱥᱚᱲᱠᱚ ᱠᱚᱭ ᱥᱟᱯᱲᱟᱣᱼᱟ; ᱥᱟᱶᱛᱮ ᱚᱱᱚᱞᱤᱭᱟᱹ ᱠᱚ ᱯᱟᱸᱡᱟ ᱨᱩᱣᱟᱹᱲ ᱯᱚᱲᱦᱚᱱ, ᱫᱟᱲᱟᱱ ᱞᱟᱹᱜᱤᱫ ᱥᱚᱦᱚᱫ ᱮ ᱮᱢ ᱦᱟᱠᱚᱣᱟ ; ᱥᱤᱧᱚᱛ ᱫᱤᱥᱚᱢ ᱥᱟᱶᱦᱮᱫ ᱨᱮᱱᱟᱜ ᱮᱱᱥᱟᱭᱠᱞᱚᱯᱮᱰᱤᱭᱟ, ᱯᱚᱛᱚᱵ ᱟᱨ ᱯᱷᱟᱛᱟᱢ ᱮ ᱪᱷᱟᱯᱟᱭᱟ ;ᱥᱮᱨᱢᱟ ᱯᱤᱪᱷᱤ ᱒᱔ ᱜᱚᱴᱟᱝ ᱯᱟᱹᱨᱥᱤ ᱨᱮ ᱑᱐᱐,᱐᱐᱐ ᱴᱟᱠᱟ ᱨᱮᱱᱟᱜ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱥᱤᱨᱯᱟᱹᱭ ᱪᱟᱞ ᱮᱫᱟ ᱥᱟᱶᱛᱮ ᱡᱤᱵᱚᱱᱵᱷᱩᱨ ᱦᱟᱥᱞᱟ ᱞᱟᱹᱜᱤᱫ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱯᱷᱮᱞᱚᱥᱤᱯ ᱮ ᱮᱢᱚᱜ ᱠᱟᱱᱟ ᱾ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱦᱟᱜ ᱯᱚᱛᱚᱵᱢᱩᱨᱩᱭ (ᱞᱟᱭᱵᱨᱮᱨᱤ) ᱫᱚ ᱢᱮᱥᱟ ᱥᱟᱛᱟᱢ ᱥᱟᱶᱦᱮᱫ ᱯᱚᱛᱚᱵ ᱨᱮᱱᱟᱜ ᱠᱤᱥᱟᱹᱬ ᱜᱟᱲ ᱠᱟᱱᱟ , ᱥᱤᱧᱚᱛ ᱨᱮ ᱟᱹᱰᱤ ᱯᱟᱹᱨᱥᱤᱟᱱ ᱢᱤᱫ ᱥᱮᱬᱟ ᱯᱚᱛᱚᱵᱢᱩᱨᱩᱭ ᱠᱟᱱᱟ ᱾
ᱮᱠᱟᱰᱮᱢᱤ ᱵᱟᱨ ᱪᱟᱸᱫᱚᱠᱤᱭᱟᱹ ᱯᱟᱛᱷᱟᱢ ᱮ ᱪᱷᱟᱯᱟ ᱮᱫᱟ ᱺ ᱥᱚᱢᱚᱠᱟᱲᱤᱱ ᱵᱷᱟᱨᱚᱛᱤᱭᱚ ᱥᱟᱦᱤᱛᱭᱚ ᱦᱤᱸᱫᱤ ᱛᱮ ᱤᱸᱰᱤᱭᱟᱱ ᱞᱤᱴᱨᱮᱪᱚᱨ ᱤᱸᱞᱤᱥ ᱛᱮ ᱾
ᱯᱟᱹᱨᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱦᱤᱛᱭᱚ ᱮᱠᱟᱰᱮᱢᱤ ᱤᱸᱞᱤᱥ , ᱦᱤᱸᱫᱤ , ᱩᱨᱫᱷᱩ ᱥᱟᱶ ᱞᱟᱛᱟᱨ ᱯᱟᱹᱨᱥᱤᱛᱮᱭᱟᱜ ᱠᱟᱹᱢᱤ ᱞᱟᱹᱜᱤᱫ ᱦᱚᱸ ᱥᱚᱦᱚᱫ ᱮ ᱮᱢᱚᱜ ᱠᱟᱱᱟᱺ
- ᱟᱥᱟᱢᱤ
- ᱵᱮᱸᱜᱚᱞᱤ
- ᱵᱳᱰᱳ
- ᱰᱚᱜᱽᱨᱤ
- ᱜᱩᱡᱽᱨᱟᱴᱤ
- ᱠᱚᱱᱱᱚᱰᱚ
- ᱠᱟᱥᱢᱤᱨᱤ
- ᱠᱚᱝᱠᱚᱬᱤ
- ᱢᱟᱭᱛᱷᱤᱞᱤ
- ᱢᱟᱞᱟᱭᱟᱞᱚᱢ
- ᱢᱚᱬᱤᱯᱩᱨᱤ
- ᱢᱚᱨᱟᱴᱷᱤ
- ᱱᱮᱯᱟᱲᱤ
- ᱳᱰᱤᱭᱟ
- ᱯᱚᱸᱡᱟᱵᱤ
- ᱨᱟᱡᱚᱥᱛᱷᱟᱱᱤ
- ᱥᱟᱸᱥᱠᱨᱤᱛ
- ᱥᱟᱱᱛᱟᱲᱤ
- ᱥᱤᱸᱫᱷᱤ
- ᱛᱟᱢᱤᱞ
- ᱛᱮᱞᱩᱜᱩ
ᱥᱟᱱᱛᱟᱲ ᱥᱤᱨᱯᱟᱹ ᱟᱢᱮᱴᱤᱭᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
| ᱥᱮᱨᱢᱟ | ᱠᱟᱹᱢᱤ | ᱚᱱᱚᱞᱤᱭᱟᱹ |
|---|---|---|
| ᱒᱐᱑᱖ | ᱱᱟᱞᱦᱟ ((ᱚᱱᱦᱚᱬᱮ) | ᱜᱚᱵᱤᱱᱫᱚ ᱪᱚᱱᱫᱽᱨᱚ ᱢᱟᱹᱡᱷᱤ |
| ᱒᱐᱑᱕ | ᱯᱟᱹᱨᱥᱤ ᱠᱷᱟᱹᱛᱤᱨ (ᱠᱷᱮᱞᱚᱸᱰ) | ᱨᱚᱵᱤᱞᱟᱞ ᱴᱩᱰᱩ |
| ᱒᱐᱑᱔ | ᱢᱟᱯᱟ ᱢᱩᱫᱟᱹᱢ (ᱠᱷᱮᱞᱚᱸᱰ) | ᱡᱟᱢᱟᱫᱟᱨ ᱠᱤᱥᱠᱩ |
| ᱒᱐᱑᱓ | ᱪᱟᱸᱫᱚ ᱵᱚᱸᱜᱟ ((ᱚᱱᱦᱚᱬᱮ) | ᱚᱨᱡᱩᱱ ᱪᱚᱨᱟᱬ ᱦᱮᱢᱵᱨᱚᱢ |
| ᱒᱐᱑᱒ | ᱵᱟᱱᱪᱟᱣ ᱦᱟᱠᱟᱱ ᱜᱚᱡ ᱦᱚᱲ (ᱠᱷᱟᱴᱚ ᱠᱟᱹᱦᱱᱤ) | ᱜᱚᱸᱜᱟᱫᱷᱚᱨ ᱦᱟᱸᱥᱫᱟ |
| ᱒᱐᱑᱑ | ᱵᱟᱱᱪᱷᱟᱣ ᱞᱟᱹᱰᱷᱟᱹᱭ ((ᱚᱱᱦᱚᱬᱮ) | ᱟᱫᱤᱛᱭᱚ ᱠᱩᱢᱟᱨ ᱢᱟᱸᱰᱤ |
| ᱒᱐᱑᱐ | ᱨᱟᱹᱦᱤ ᱨᱟᱶᱟᱜ ᱠᱟᱱᱟ (ᱠᱷᱮᱞᱚᱸᱰ) | ᱵᱷᱳᱜᱽᱞᱟ ᱥᱚᱨᱮᱱ |
| ᱒᱐᱐᱙ | ᱥᱟᱭ ᱥᱟᱦᱮᱫ ((ᱚᱱᱦᱚᱬᱮ) | ᱫᱚᱢᱚᱭᱚᱱᱛᱤ ᱵᱮᱥᱨᱟ |
| ᱒᱐᱐᱘ | ᱢᱟᱹᱱᱢᱤ (ᱠᱷᱟᱴᱚ ᱠᱟᱹᱦᱱᱤ) | ᱵᱟᱫᱚᱞ ᱦᱮᱢᱵᱨᱚᱢ |
| ᱒᱐᱐᱗ | ᱪᱮᱫ ᱨᱮ ᱪᱤᱠᱟᱹᱭᱮᱱᱟ (ᱠᱷᱮᱞᱚᱸᱰ) | ᱠᱷᱮᱨᱣᱟᱲ ᱥᱚᱨᱮᱱ |
| ᱒᱐᱐᱖ | ᱜᱩᱨᱩ ᱜᱚᱢᱠᱮ ᱯᱚᱸᱰᱮᱛ ᱨᱚᱜᱷᱩᱱᱟᱛ ᱢᱩᱨᱢᱩ (ᱡᱤᱭᱚᱱ ᱠᱟᱹᱦᱱᱤ) | ᱨᱟᱢ ᱪᱚᱱᱫᱨᱚ ᱢᱩᱨᱢᱩ |
| ᱒᱐᱐᱕ | ᱵᱷᱟᱵᱽᱱᱟ (ᱚᱱᱦᱚᱬᱮ) | ᱡᱚᱫᱩᱢᱚᱬᱤ ᱵᱮᱥᱨᱟ |
