ᱩᱛᱠᱚᱲ ᱡᱮᱜᱮᱫ ᱵᱤᱨᱫᱟᱹᱜᱟᱲ

ᱩᱛᱠᱚᱲ ᱡᱮᱜᱮᱫ ᱵᱤᱨᱫᱟᱹᱜᱟᱲ
UU LOGO.png
ᱩᱱᱩᱭᱦᱟᱹᱨ	"ସତ୍ୟଂ ପରମ୍ ଧୀମହି"
ᱛᱷᱟᱯᱚᱱ	୧୯୪୩
ᱞᱮᱠᱟᱱ	ᱯᱟᱵᱽᱞᱤᱠ
ᱪᱟᱱᱥᱮᱞᱚᱨ	ᱜᱚᱱᱮᱥ ᱞᱟᱞ
ᱵᱷᱟᱭᱤᱥ ᱪᱟᱱᱥᱮᱞᱚᱨ	ᱥᱳᱢᱮᱱᱫᱽᱨᱚ ᱢᱳᱦᱟᱱ ᱯᱟᱴᱱᱟᱭᱮᱠ
ᱴᱷᱟᱶ	ᱵᱷᱩᱵᱽᱱᱮᱥᱚᱨ, ᱳᱰᱤᱥᱟ, ᱥᱤᱧᱚᱛ
ᱠᱮᱢᱯᱚᱥ	ᱵᱟᱱᱤᱵᱤᱦᱟᱨ, ᱥᱚᱦᱚᱛ
ᱢᱟᱱᱚᱛᱮᱢ	ᱭᱩ.ᱡᱤ.ᱥᱤ,
ᱣᱮᱵᱽᱥᱟᱭᱤᱴ	www.utkaluniversity.nic.in

ᱩᱛᱠᱚᱲ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱫᱚ ᱳᱰᱤᱥᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱟᱨ ᱥᱤᱧᱚᱛ ᱨᱮᱭᱟᱜ ᱜᱮ ᱮᱭᱟᱭ ᱟᱱᱟᱜ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱟᱱᱟ ᱾ ᱵᱟᱬᱤ ᱵᱤᱦᱟᱨ ᱢᱮᱱᱛᱮ ᱩᱯᱨᱩᱢ ᱢᱮᱱᱟᱜ ᱱᱚᱣᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱫᱚ ᱓᱙᱙ᱹ᱙ ᱮᱠᱚᱨ ᱡᱟᱜᱟᱭ ᱟᱢᱮᱴ ᱟᱠᱟᱜᱼᱟ ᱾ ᱱᱚᱣᱟ ᱵᱤᱨᱫᱟᱹᱜᱟᱲ ᱫᱚ ᱵᱷᱩᱵᱚᱱᱮᱥᱚᱨ ᱨᱮᱭᱟᱜ ᱛᱟᱞᱟ ᱢᱟᱞᱟ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱱᱤᱡᱚᱨᱟᱜ ᱥᱮᱪᱮᱫ ᱵᱮᱵᱚᱥᱛᱟ ᱢᱮᱣᱟᱜᱼᱟ ᱟᱨ ᱟᱹᱰᱤ ᱜᱟᱱ ᱵᱤᱨᱫᱟᱹᱜᱟᱲ ᱱᱚᱣᱟ ᱞᱟᱛᱟᱨ ᱨᱮ ᱢᱮᱱᱟᱜᱼᱟ ᱾ ᱱᱤᱣᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮ ᱵᱟᱰᱚᱦᱤ, ᱥᱟᱬᱮᱥ ᱟᱨ ᱵᱟᱹᱱᱤᱡᱽ ᱵᱤᱵᱷᱟᱜᱽ ᱨᱮ ᱒᱗ ᱜᱚᱴᱟᱝ ᱥᱟᱛᱟᱢ ᱨᱮ ᱮᱢ ᱮ (ᱥᱚᱱᱮᱨᱥᱤᱫ) ᱢᱮᱱᱟᱜᱼᱟ ᱾ ᱚᱱᱟ ᱵᱮᱜᱚᱨ ᱱᱤᱣᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱞᱟᱛᱟᱨ ᱨᱮ ᱥᱟᱝᱜᱤᱧ ᱥᱮᱪᱮᱫ ᱱᱤᱨᱫᱮᱥᱟᱞᱚᱭ, ᱟᱹᱭᱤᱱ ᱥᱮᱪᱮᱫ ᱵᱤᱨᱫᱟᱹᱜᱟᱲ ᱟᱨ ᱟᱹᱰᱤ ᱜᱟᱱ ᱥᱮᱞᱯᱷ ᱯᱷᱟᱭᱱᱟᱱᱥᱤᱝ ᱠᱚᱨᱥ ᱢᱮᱱᱟᱜᱼᱟ ᱾ ᱱᱤᱛ ᱵᱷᱮᱜᱟᱨ ᱵᱷᱮᱜᱟᱨ ᱮᱢ ᱮ ᱵᱤᱵᱷᱟᱜᱽ ᱨᱮ ᱓᱐᱐᱐ ᱠᱷᱚᱱ ᱵᱟᱹᱲᱛᱤ ᱟᱪᱮᱫ ᱠᱤ ᱯᱟᱲᱦᱟᱜ ᱠᱟᱱᱟ ᱾

ᱱᱟᱜᱟᱢ

᱑᱙᱓᱖ ᱥᱟᱞ ᱨᱮ ᱵᱷᱮᱜᱟᱨ ᱳᱰᱤᱥᱟ ᱯᱚᱱᱚᱛ ᱦᱩᱭᱮᱱ ᱛᱟᱚᱢ ᱳᱰᱤᱥᱟ ᱨᱮ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱜᱮ ᱵᱟᱭ ᱛᱟᱦᱮᱸ ᱠᱟᱱᱟ᱾ ᱳᱰᱤᱥᱟ ᱠᱤᱱ ᱦᱚᱲᱟᱜ ᱥᱮᱪᱮᱫ ᱟᱸᱥ ᱟᱨ ᱠᱩᱠᱢᱩ ᱯᱩᱨᱩᱱ ᱞᱟᱹᱜᱤᱫ ᱑᱙᱓᱘ ᱥᱟᱞ ᱢᱟᱨᱪ ᱒ ᱛᱟᱹᱨᱤᱠ ᱦᱤᱞᱚᱜ ᱳᱰᱤᱥᱟ ᱨᱮᱱᱤᱡ ᱩᱱᱡᱷᱚᱜᱤᱡ ᱢᱟᱨᱟᱝ ᱢᱚᱱᱛᱨᱤ ᱵᱤᱥᱚᱱᱟᱛ ᱫᱟᱥ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱵᱮᱱᱟᱣ ᱞᱮᱹᱜᱤᱫ ᱛᱮᱴᱮᱡ ᱮ ᱮᱦᱚᱵ ᱞᱮᱜ-ᱟ᱾ ᱚᱱᱟ ᱨᱮᱭᱟᱜ ᱚᱨᱡᱚ ᱞᱮᱠᱟᱛᱮ ᱱᱤᱲᱚᱠᱚᱱᱴᱷᱚ ᱫᱟᱥᱟᱜ ᱛᱟᱹᱨᱤ ᱨᱮ ᱢᱤᱫ ᱠᱚᱢᱤᱴᱤ ᱵᱮᱱᱟᱣ ᱞᱮᱱᱟ᱾ ᱥᱮᱪᱮᱫᱤᱭᱟᱹ ᱥᱭᱟᱢᱟ ᱯᱨᱚᱥᱟᱫᱽ ᱛᱨᱤᱯᱟᱴᱷᱤ ᱵᱤᱞ ᱛᱮᱭᱟᱨ ᱞᱟᱹᱜᱤᱫ ᱫᱟᱭᱛᱚ ᱠᱚ ᱮᱢᱟ ᱫᱮᱭᱟ᱾ ᱱᱚᱣᱟ ᱠᱚᱢᱤᱴᱤᱭᱟᱜ ᱥᱩᱯᱟᱨᱤᱥ ᱩᱱᱡᱷᱚᱜᱤᱡ ᱢᱟᱨᱟᱝ ᱢᱚᱱᱛᱨᱤ ᱢᱚᱦᱟᱨᱟᱡᱟ ᱠᱨᱩᱥᱱᱚ ᱪᱚᱱᱫᱨᱚ ᱜᱚᱡᱚᱯᱚᱛᱤ ᱱᱟᱨᱟᱭᱚᱬᱚ ᱫᱮᱵᱽ ᱟᱨ ᱥᱮᱪᱮᱫ ᱢᱚᱱᱛᱨᱤ ᱜᱚᱫᱟᱚᱨᱤᱥ ᱢᱤᱥᱨᱚ ᱛᱮᱴᱮᱡ ᱛᱮ ᱓᱐ ᱡᱩᱱ ᱑᱙᱔᱓ ᱥᱟᱞ ᱨᱮ ᱳᱰᱤᱥᱟ ᱵᱤᱫᱷᱟᱱᱥᱚᱵᱷᱟ ᱨᱮ ᱡᱚᱛᱚ ᱦᱚᱲᱟᱜ ᱥᱚᱢᱢᱚᱛᱤ ᱛᱮ ᱦᱟᱛᱟᱣ ᱞᱮᱱᱟ᱾ ᱑᱙᱔᱓ ᱥᱟᱞ ᱚᱜᱚᱥᱴᱚ ᱒ ᱢᱟᱹᱦᱤᱛ ᱦᱤᱞᱚᱜ ᱥᱟᱹᱜᱩᱱ ᱵᱮᱨᱮᱫ ᱠᱟᱛᱮ ᱩᱛᱠᱚᱲ ᱡᱮᱜᱮᱫ ᱵᱤᱨᱫᱟᱹᱜᱟᱲ' ᱢᱮᱱᱛᱮ ᱧᱩᱛᱩᱢ ᱫᱚᱦᱚ ᱮᱱᱟ᱾ ᱱᱚᱣᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮ ᱨᱮᱵᱷᱮᱱᱥᱟ ᱱᱟᱨᱟᱝ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱠᱟᱹᱢᱤ ᱫᱚ ᱑᱙᱔᱓ ᱥᱟᱞ ᱱᱚᱵᱷᱮᱢᱵᱚᱨ ᱒᱗ ᱤᱞᱚᱜ ᱠᱟᱹᱢᱤ ᱮᱦᱚᱵ ᱞᱮᱱᱟ᱾ ᱥᱟᱬᱮᱥᱤᱭᱟᱹ ᱯᱨᱚᱬᱚᱠᱨᱩᱥᱱᱚ ᱯᱚᱨᱤᱡᱟ ᱯᱩᱭᱞᱩ ᱠᱩᱲᱚᱯᱚᱛᱤ, ᱣᱟᱭ ᱮᱱ ᱥᱩᱠᱚᱱᱛᱷᱚᱨ ᱯᱩᱭᱞᱩ ᱠᱩᱲᱟᱫᱷᱤᱯᱚᱛᱤ ᱟᱨ ᱵᱷᱤ ᱵᱷᱤ ᱡᱚᱱ ᱫᱚ ᱯᱩᱭᱞᱩ ᱠᱩᱲᱚᱥᱚᱪᱤᱵᱽ ᱟᱥᱚᱱ ᱮ ᱟᱢᱮᱴ ᱞᱮᱜ-ᱟ᱾ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱵᱷᱟᱹᱜᱤ ᱥᱟᱹᱦᱤᱡ ᱪᱟᱞᱟᱣ ᱞᱟᱹᱜᱤᱫ ᱥᱤᱱᱮᱴ, ᱥᱤᱱᱰᱤᱠᱮᱴ ᱟᱨ ᱮᱠᱟᱰᱮᱢᱤᱠ ᱠᱟᱣᱱᱥᱤᱞ ᱵᱮᱱᱟᱣ ᱞᱮᱱᱟ᱾ ᱑᱙᱔᱘ ᱥᱟᱞ ᱨᱮ ᱱᱚᱣᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱢᱩᱠᱷᱤᱭᱟᱹ ᱠᱟᱹᱢᱤᱭᱟᱹᱢᱮᱞᱟ ᱠᱚᱴᱚᱠ ᱨᱮ ᱵᱮᱱᱟᱣ ᱞᱟᱹᱜᱤᱫ ᱴᱷᱟᱹᱣᱠᱟᱹ ᱮᱱᱟ᱾ ᱑᱙᱕᱗ ᱥᱟᱞ ᱨᱮ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱞᱟᱹᱜᱤᱫ ᱴᱷᱟᱶ ᱚᱵᱷᱟᱵᱽ ᱠᱷᱟᱹᱛᱤᱨ ᱟᱨ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱟᱜᱟᱢ ᱫᱤᱥᱟᱹ ᱠᱟᱛᱮ ᱱᱚᱣᱟ ᱵᱷᱩᱵᱚᱱᱮᱥᱚᱨ ᱛᱮ ᱩᱪᱟᱹᱲ ᱞᱟᱹᱜᱤᱫ ᱴᱷᱟᱹᱣᱠᱟᱹ ᱮᱱᱟ᱾

ᱥᱟᱹᱠᱷᱭᱟᱹᱛ

https://or.wikipedia.org/wiki/%E0%AC%89%E0%AC%A4%E0%AD%8D%E0%AC%95%E0%AC%B3_%E0%AC%AC%E0%AC%BF%E0%AC%B6%E0%AD%8D%E0%AD%B1%E0%AC%AC%E0%AC%BF%E0%AC%A6%E0%AD%8D%E0%AD%9F%E0%AC%BE%E0%AC%B3%E0%AD%9F