ᱪᱷᱚᱛᱚᱨᱯᱩᱨ
| ᱪᱷᱚᱛᱚᱨᱯᱩᱨ City of Chhatrasal | |
|---|---|
| ᱥᱚᱦᱚᱨ | |
  ᱪᱷᱚᱛᱚᱨᱯᱩᱨ | |
| Coordinates: 24°38′N 79°30′E / 24.63°N 79.5°ECoordinates: 24°38′N 79°30′E / 24.63°N 79.5°E | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱢᱚᱫᱷᱭᱚ ᱯᱨᱚᱫᱮᱥ |
| ᱦᱚᱱᱚᱛ | ᱪᱷᱚᱛᱨᱚᱯᱩᱨ |
| ᱵᱩᱱᱤᱭᱟᱹᱫᱤᱭᱟᱹ | ᱢᱚᱦᱟᱨᱟᱡᱟ ᱪᱷᱚᱛᱨᱚᱥᱟᱞ |
| ᱧᱩᱢ ᱟᱠᱟᱱᱟ | ᱪᱷᱚᱛᱨᱚᱥᱟᱞ |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 78 ᱠᱤᱢᱤ২ (30 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 305 ᱢᱤᱴᱚᱨ (1001 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | |
| • ᱞᱮᱠᱷᱟᱜᱩᱴ | ᱑,᱔᱒,᱔᱗᱖ |
| • ᱰᱮᱱᱥᱤᱴᱤ | 2554/ᱠᱤᱢᱤ2 (6610/ᱜᱟᱺᱴ ᱢᱟᱹᱭᱤᱞ) |
| ᱯᱟᱹᱨᱥᱤ | |
| • ᱟᱹᱢᱟᱹᱞᱮᱛ | ᱵᱩᱱᱫᱮᱞᱠᱷᱚᱸᱰᱤ ᱦᱤᱱᱫᱤ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱔᱗᱑᱐᱐᱑ |
| ᱴᱮᱞᱤᱯᱷᱚᱱ ᱠᱳᱰ | ᱐᱗᱖᱘᱒ |
| ᱜᱟᱹᱰᱤ ᱨᱤᱡᱤᱥᱴᱨᱤ | MP-16 |
| ᱡᱟᱱᱟᱝ ᱡᱟᱹᱱᱤ | ᱙᱒᱐ ♂/♀ |
| ᱣᱮᱵᱽᱥᱟᱭᱤᱴ | chhatarpur |
ᱪᱷᱚᱛᱚᱨᱯᱩᱨ ᱫᱚ ᱥᱤᱧᱚᱛ ᱨᱮᱱᱟᱜ ᱢᱚᱫᱷᱭᱚ ᱯᱨᱚᱫᱮᱥ ᱯᱨᱟᱸᱛ ᱨᱮᱱᱟᱜ ᱢᱤᱫ ᱥᱚᱦᱚᱨ ᱠᱟᱱᱟ ᱾ ᱡᱮᱜᱮᱛ ᱯᱟᱨᱥᱟᱞ ᱠᱷᱚᱡᱩᱨᱟᱦᱚ ᱨᱮᱱᱟᱜ ᱢᱚᱸᱫᱤᱨ ᱱᱚᱶᱟ ᱦᱚᱱᱚᱛ ᱨᱮᱜᱮ ᱢᱮᱱᱟᱜᱼᱟ ᱾ ᱪᱷᱚᱛᱚᱨᱯᱩᱨ ᱱᱚᱜᱚᱨ, ᱮᱛᱚᱢ ᱥᱤᱧᱚᱛ ᱢᱚᱫᱷᱭᱚ ᱯᱨᱚᱫᱮᱥ ᱯᱚᱱᱚᱛ, ᱛᱟᱞᱢᱟ ᱥᱤᱧᱚᱛ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱠᱷᱚᱱ ᱢᱟᱲᱟᱝ ᱥᱟᱢᱟᱝ ᱥᱤᱢᱟᱹ ᱠᱷᱚᱱ ᱥᱩᱯᱩᱨ ᱠᱷᱚᱱ ᱥᱤᱸᱜᱷᱟᱨᱤ ᱜᱟᱰᱟ ᱨᱮ ᱫᱟᱜ ᱟᱛᱩᱜ ᱠᱟᱱᱟ ᱾ ᱮᱛᱚᱦᱚᱵ ᱨᱮ ᱯᱚᱱᱱᱟ ᱥᱚᱨᱫᱟᱨ ᱠᱚ ᱦᱚᱛᱮᱛᱮ ᱥᱟᱥᱚᱱ ᱱᱚᱶᱟ ᱱᱚᱜᱚᱨ ᱨᱮ ᱫᱚ ᱑᱘ ᱟᱱᱟᱜ ᱥᱟᱛᱟᱵᱟᱫᱤ ᱨᱮ ᱠᱩᱣᱟᱸᱨ ᱥᱚᱱᱮ ᱥᱟᱦ ᱯᱚᱨᱢᱟᱨ ᱨᱮᱱᱟᱜ ᱟᱹᱭᱫᱟᱹᱨᱤ ᱦᱩᱭ ᱟᱠᱟᱱᱟ ᱾ ᱱᱚᱶᱟ ᱯᱩᱱ ᱥᱮᱫ ᱠᱷᱚᱱ ᱩᱥᱩᱞ ᱵᱩᱨᱩ ᱛᱮ ᱮᱥᱮᱫ ᱟᱠᱟᱱᱟ ᱟᱨ ᱫᱟᱨᱮ ᱠᱚ, ᱯᱩᱠᱷᱨᱤ ᱟᱨ ᱜᱟᱰᱟ ᱠᱚ ᱟᱛᱮᱜ ᱟᱭᱢᱟ ᱜᱟᱱ ᱠᱚ ᱠᱟᱨᱚᱱ ᱛᱮ ᱟᱹᱰᱤ ᱜᱮ ᱧᱮᱞ ᱫᱟᱲᱟᱱ ᱟᱱ ᱡᱟᱭᱜᱟ ᱠᱟᱱᱟ ᱾ ᱨᱟᱣ ᱥᱟᱜᱚᱨ, ᱯᱨᱚᱛᱟᱯ ᱥᱟᱜᱚᱨ ᱟᱨ ᱠᱤᱥᱚᱨ ᱥᱟᱜᱚᱨ ᱱᱚᱸᱰᱮ ᱨᱮᱱᱟᱜ ᱯᱮᱭᱟ ᱟᱥᱚᱞ ᱯᱩᱠᱷᱨᱤ ᱠᱚ ᱢᱮᱱᱟᱜᱼᱟ ᱾
ᱪᱷᱚᱛᱚᱨᱯᱩᱨ ᱨᱮᱱᱟᱜ ᱢᱤᱫ ᱟᱯᱟᱱᱟᱨ ᱦᱚᱱᱚᱨ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱱᱤᱛ ᱢᱤᱫ ᱦᱚᱱᱚᱛ ᱦᱩᱭ ᱮᱱᱟ ᱾ ᱱᱚᱶᱟ ᱨᱮ ᱠᱷᱟᱥ ᱫᱚ ᱴᱟᱺᱰᱤ ᱴᱚᱴᱷᱟ ᱜᱮ ᱛᱟᱦᱮᱸ ᱠᱟᱱᱟ ᱾ ᱦᱚᱱᱚᱛ ᱨᱮᱱᱟᱜ ᱥᱟᱢᱩᱫᱽ ᱟᱲᱮ ᱠᱷᱚᱱ ᱮᱣᱨᱮᱡᱽ ᱩᱥᱩᱞ ᱖᱐᱐ ᱯᱷᱩᱴ ᱢᱮᱱᱟᱜ ᱟ ᱾ ᱞᱮᱱ ᱱᱚᱸᱰᱮ ᱱᱟᱱ ᱥᱟᱱᱟᱢ ᱠᱷᱚᱱ ᱵᱟᱹᱲᱛᱤ ᱵᱟᱰᱟᱭᱟᱱ ᱜᱟᱰᱟ ᱠᱟᱱᱟ ᱾ ᱩᱨᱢᱚᱞ ᱟᱨ ᱠᱩᱛᱩᱨᱤ ᱚᱱᱟ ᱨᱮᱱᱟᱜ ᱜᱚᱲᱚ ᱜᱟᱰᱟ ᱠᱟᱱᱟ ᱾ ᱱᱚᱸᱰᱮ ᱯᱩᱨᱟᱛᱚᱛᱣ ᱠᱚᱣᱟᱜ ᱧᱮᱞ ᱢᱟᱹᱱ ᱨᱮᱱᱟᱜ ᱡᱟᱭᱜᱟ ᱨᱮ ᱠᱷᱩᱡᱽᱨᱟᱦᱚ, ᱒᱘ ᱜᱟᱱ ᱥᱚᱫᱤ ᱨᱮᱱᱟᱜ ᱵᱷᱤᱛ ᱠᱚ, ᱪᱷᱚᱛᱚᱨᱯᱩᱨ ᱠᱷᱚᱱ ᱒᱐ ᱢᱤᱞ ᱯᱟᱪᱮ ᱨᱮ ᱢᱮᱱᱟᱜ ᱨᱟᱡᱽᱜᱚᱲᱷ ᱥᱩᱨ ᱨᱮ ᱢᱤᱫ ᱠᱤᱞᱟ ᱨᱮᱱᱟᱜ ᱚᱣᱥᱮᱥ ᱟᱨ ᱪᱚᱸᱫᱮᱞᱚᱸ ᱦᱚᱛᱮᱛᱮ ᱵᱟᱱᱟᱣ ᱟᱠᱟᱱ ᱟᱭᱢᱟ ᱜᱟᱱ ᱯᱩᱠᱷᱨᱤ ᱠᱚ ᱢᱮᱱᱟᱜᱼᱟ ᱾ ᱱᱚᱸᱰᱮ ᱠᱚ ᱟᱨᱡᱟᱣᱟ ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱚᱫᱚ, ᱛᱤᱞ, ᱠᱚᱣ, ᱵᱟᱡᱽᱲᱟ, ᱵᱩᱴ, ᱜᱩᱦᱩᱢ ᱟᱨ ᱠᱟᱥᱠᱚᱢ ᱠᱚ ᱱᱚᱸᱰᱮ ᱱᱟᱱ ᱟᱥᱚᱞ ᱠᱚ ᱞᱟᱜᱟᱣ ᱮᱫᱟ ᱾ ᱪᱷᱚᱛᱚᱨᱯᱩᱨ ᱱᱚᱜᱚᱨ ᱪᱷᱚᱛᱚᱨᱯᱩᱨ ᱦᱚᱱᱚᱛ ᱨᱮᱱᱟᱜ ᱢᱩᱬᱩᱛ ᱚᱯᱷᱤᱥ ᱢᱮᱱᱟᱜᱼᱟ ᱾ ᱱᱚᱶᱟ ᱵᱟᱺᱫᱟ-ᱥᱟᱜᱚᱨ-ᱦᱚᱨ ᱨᱮ ᱢᱮᱱᱟᱜᱼᱟ ᱾ ᱯᱟᱹᱦᱤᱞ ᱱᱚᱜᱚᱨ ᱫᱚ ᱯᱮ ᱥᱮᱫ ᱠᱷᱚᱱ ᱵᱷᱤᱛ ᱛᱮ ᱮᱥᱮᱫ ᱟᱠᱟᱱ ᱛᱟᱦᱮᱸᱫ ᱾ ᱱᱚᱜᱚᱨ ᱛᱟᱞᱟ ᱨᱮ ᱨᱟᱡᱽᱢᱚᱦᱚᱞ ᱟᱨ ᱟᱭᱢᱟ ᱮᱢᱟᱱ ᱠᱚ ᱢᱟᱨᱟᱝ ᱢᱟᱨᱟᱝ ᱚᱲᱟᱜ ᱠᱚ ᱢᱮᱱᱟᱜᱼᱟ ᱾ ᱱᱚᱸᱰᱮ ᱢᱤᱫ ᱥᱱᱟᱛᱠᱚᱛᱛᱚᱨ ᱰᱤᱜᱽᱨᱤ ᱠᱚᱞᱮᱡᱽ ᱟᱨ ᱠᱤᱪᱷᱩ ᱥᱮᱪᱮᱫ ᱟᱥᱲᱟ ᱠᱚ ᱢᱮᱱᱟᱜᱼᱟ ᱾ ᱛᱟᱺᱵᱟ ᱨᱮᱱᱟᱜ ᱠᱷᱟᱸᱰᱟ, ᱠᱟᱴᱮ, ᱨᱮᱱᱟ ᱥᱟᱢᱟᱱ ᱟᱨ ᱥᱟᱵᱩᱱ ᱠᱚ ᱵᱟᱱᱟᱣ ᱱᱚᱸᱰᱮ ᱟᱥᱚᱞ ᱫᱚ ᱦᱩᱭᱩᱜ ᱠᱟᱱᱟ ᱾ ᱥᱟᱢᱩᱫᱽ ᱨᱮᱱᱟᱜ ᱥᱚᱛᱚᱦ ᱠᱷᱚᱱ ᱪᱮᱛᱟᱱ ᱑,᱐᱐᱐ ᱯᱷᱩᱴ ᱢᱮᱱᱟᱜᱼᱟ ᱾ ᱱᱚᱜᱚᱨ ᱨᱮᱱᱟᱜ ᱟᱭᱢᱟ ᱜᱟᱱ ᱯᱩᱠᱷᱨᱤ ᱨᱮ ᱨᱟᱹᱱᱤ ᱛᱟᱞ ᱵᱟᱰᱟᱭᱟᱱ ᱠᱚ ᱡᱟᱭᱜᱟ ᱢᱮᱱᱟᱜᱼᱟ ᱾