ᱫᱤᱞᱤᱯ ᱠᱩᱢᱟᱨ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱫᱤᱞᱤᱯ ᱠᱩᱢᱟᱨ (ᱡᱟᱱᱟᱢ ᱑᱑ ᱰᱤᱥᱮᱢᱵᱚᱨ, ᱑᱙᱒᱒[᱑];, ᱡᱟᱱᱟᱢ ᱧᱩᱛᱩᱢ : ᱭᱩᱥᱩᱯᱷ ᱠᱷᱟᱱ), ᱦᱤᱱᱫᱤ ᱯᱷᱤᱞᱤᱢ ᱨᱤᱱᱤᱡ ᱢᱤᱫ ᱧᱩᱛᱩᱢ ᱟᱱ ᱦᱚᱲ ᱠᱩᱥᱤᱭᱟᱭ ᱠᱷᱮᱞᱚᱸᱰᱤᱭᱟ. ᱠᱟᱱᱟᱭ ᱡᱟᱦᱟᱸᱭ ᱫᱚ ᱵᱷᱟᱨᱚᱛᱤᱭᱟ. ᱥᱚᱝᱥᱚᱫᱽ ᱨᱮᱱᱤᱡ ᱨᱟᱡᱽᱥᱟᱵᱷᱟ ᱥᱚᱦᱮᱛ ᱞᱮᱠᱟᱛᱮᱭ ᱛᱟᱦᱮᱸ ᱦᱩᱭ ᱟᱠᱟᱱᱟ ᱾ ᱫᱤᱞᱤᱯ ᱠᱩᱢᱟᱨ ᱫᱚ ᱟᱡ ᱚᱢᱚᱲ ᱨᱤᱱᱤᱡ ᱢᱤᱫ ᱱᱟᱯᱟᱭ ᱚᱵᱷᱤᱱᱮᱛᱟ ᱢᱮᱱᱛᱮ ᱠᱚ ᱢᱟᱱᱟᱣ ᱵᱟᱛᱟᱣ ᱮᱭᱟ ᱾ ᱫᱤᱥᱚᱢ ᱫᱩᱞᱟ.ᱲ ᱟᱨᱵᱟᱝ ᱫᱩᱠᱷᱟ.ᱞᱤ ᱠᱟ.ᱦᱱᱤ ᱞᱟ.ᱜᱤᱫ ᱞᱟᱯᱷᱟᱝ ᱴᱷᱟᱶ ᱮ ᱟᱢᱮᱴ ᱟᱠᱟᱫ ᱠᱷᱟ.ᱛᱤᱨ ᱩᱱᱤ ᱫᱚ ᱴᱨᱮᱡᱤᱰᱤ ᱠᱤᱝ ᱢᱮᱱᱛᱮ ᱦᱚᱸᱠᱚ ᱢᱮᱛᱟᱭᱟ ᱾ ᱩᱱᱤ ᱫᱚ ᱵᱷᱟᱨᱚᱛᱤᱭᱟ. ᱯᱷᱤᱞᱤᱢ ᱨᱮᱱᱟᱜ ᱡᱚᱛᱚ ᱠᱷᱚᱱ ᱞᱟᱯᱷᱟᱝ ᱥᱚᱱᱢᱟᱱ ᱫᱟᱫᱟ ᱥᱟᱦᱮᱵᱽ ᱯᱷᱟᱞᱠᱮ ᱥᱤᱨᱯᱷᱟ ᱛᱮ ᱢᱟ.ᱱ ᱦᱟᱞᱟᱝ ᱦᱩᱭ ᱟᱠᱟᱱᱟ ᱾ ᱱᱚᱣᱟ ᱵᱷᱮᱜᱮᱫ ᱫᱤᱞᱤᱯ ᱠᱩᱢᱟᱨ ᱫᱚ ᱯᱟᱠᱤᱥᱛᱟᱱ ᱨᱤᱱᱤᱡ ᱡᱚᱛᱚ ᱠᱷᱚᱱ ᱪᱮᱛᱟᱱ ᱱᱟᱜᱟᱨᱤᱭᱟ. ᱥᱚᱱᱢᱟᱱ ᱢᱤᱥᱚᱱᱼᱮᱼᱤᱢᱛᱤᱭᱟᱡᱽ ᱛᱮᱦᱚᱸ ᱢᱟ.ᱱ ᱦᱟᱞᱟᱝ ᱮ ᱧᱟᱢ ᱟᱠᱟᱜᱼᱟ ᱾[᱑]

ᱫᱤᱞᱤᱯ ᱠᱩᱢᱟᱨ

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱤᱞᱤᱯ ᱠᱩᱢᱟᱨ ᱟᱜ ᱡᱟᱱᱟᱢ ᱡᱚᱦᱚᱜᱟᱜ ᱧᱩᱛᱩᱢ ᱫᱚ ᱭᱩᱥᱩᱯᱷ ᱠᱷᱟᱱ ᱢᱮᱱᱛᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱟᱜ ᱡᱟᱱᱟᱢ ᱫᱚ ᱯᱮᱥᱟᱣᱚᱨ (ᱱᱤᱛᱚᱜ ᱯᱟᱠᱤᱥᱛᱟᱱ ᱨᱮ) ᱨᱮ ᱦᱩᱭ ᱞᱮᱱᱟ ᱾ ᱩᱱᱤ ᱟᱡ ᱵᱟᱵᱟ ᱫᱚ ᱢᱩᱢᱵᱟ.ᱭ ᱨᱮ ᱦᱮᱡ ᱠᱟᱛᱮᱭ ᱵᱚᱥᱠᱚᱫ ᱞᱮᱱᱟ ᱾ ᱡᱟᱦᱟᱸᱨᱮ ᱩᱱᱤ ᱦᱤᱱᱫᱤ ᱯᱷᱤᱞᱤᱢ ᱨᱮ ᱠᱟ.ᱢᱤᱭ ᱮᱛᱚᱦᱚᱵ ᱠᱮᱜᱼᱟ ᱾ ᱩᱱᱤ ᱟᱡᱟᱜ ᱧᱩᱛᱩᱢ ᱵᱚᱫᱚᱞ ᱠᱟᱛᱮ ᱫᱤᱞᱤᱯ ᱠᱩᱢᱟᱨ ᱮ ᱫᱚᱦᱚ ᱠᱮᱜᱼᱟ ᱪᱮᱫᱟᱜ ᱥᱮ ᱩᱱᱤ ᱦᱤᱱᱫᱤ ᱯᱷᱤᱞᱤᱢ ᱨᱮ ᱵᱟ.ᱲᱛᱤ ᱪᱤᱯᱷᱱᱟ.ᱣ ᱟᱨ ᱡᱤᱛᱠᱟ.ᱨ ᱮ ᱧᱟᱢ ᱢᱟ ᱾ ᱫᱤᱞᱤᱯ ᱠᱩᱢᱟᱨ ᱫᱚ ᱚᱵᱷᱤᱱᱮᱛᱨᱤ (actress) ᱥᱟᱭᱨᱟ ᱵᱟᱱᱳ ᱥᱟᱶ ᱑᱙᱖᱖ ᱥᱟᱞᱮᱨᱮᱭ ᱵᱟᱯᱞᱟ ᱞᱮᱱᱟ ᱾ ᱵᱟᱯᱞᱟ ᱚᱠᱛᱚ ᱨᱮ ᱫᱤᱞᱤᱯ ᱠᱩᱢᱟᱨ ᱫᱚ ᱔᱔ ᱥᱮᱨᱢᱟ ᱵᱚᱭᱚᱥ ᱟᱨ ᱥᱟᱭᱨᱟ ᱵᱟᱱᱳ ᱫᱚ ᱒᱒ ᱵᱚᱨᱥᱚ ᱩᱢᱮᱨ ᱛᱟᱦᱮᱸ ᱠᱟᱱ ᱛᱟ.ᱠᱤᱱᱟ ᱾ ᱑᱙᱘᱐ ᱨᱮ ᱛᱤᱱᱟ.ᱜ ᱚᱠᱛᱚ ᱞᱟ.ᱜᱤᱫ ᱪᱚ ᱟᱥᱢᱟᱸ ᱥᱟᱶ ᱫᱚᱥᱟᱨ ᱫᱷᱟᱶ ᱦᱚᱸᱭ ᱵᱟᱯᱞᱟ ᱞᱮᱱᱟ ᱾

ᱥᱮᱨᱢᱟ ᱒᱐᱐᱐ ᱠᱷᱚᱱ ᱩᱱᱤ ᱫᱚ ᱨᱟᱡᱽᱥᱟᱵᱷᱟ ᱥᱚᱦᱮᱛ ᱦᱚᱸ ᱠᱟᱱᱟᱭ ᱾

᱑᱙᱘᱐ ᱨᱮ ᱩᱱᱤ ᱢᱟ.ᱱ ᱦᱟᱞᱟᱝ ᱮ ᱞᱟ.ᱜᱤᱫ ᱢᱩᱢᱵᱟ.ᱭ ᱨᱮᱱᱤᱡ ᱥᱮᱨᱤᱯᱷ ᱢᱮᱱᱛᱮ ᱠᱚ ᱵᱤᱠᱱᱟ.ᱣ ᱠᱮᱫᱮᱭᱟ ᱾ ᱑᱙᱕᱕ ᱥᱟᱞᱮᱨᱮ ᱩᱱᱤ ᱫᱚ ᱫᱟᱫᱟ ᱥᱟᱦᱮᱵᱽ ᱯᱷᱟᱞᱠᱮ ᱥᱤᱨᱯᱷᱟ. ᱛᱮᱠᱚ ᱢᱟ.ᱱ ᱦᱟᱞᱟᱝ ᱠᱮᱫᱮᱭᱟ ᱾ ᱑᱙᱙᱘ ᱨᱮ ᱩᱱᱤ ᱫᱚ ᱯᱟᱠᱤᱥᱛᱟᱱ ᱨᱮᱱᱤᱡ ᱡᱚᱛᱚ ᱠᱷᱚᱱ ᱥᱚᱨᱮᱥ ᱱᱟᱜᱟᱨᱤᱭᱟ. ᱥᱚᱱᱢᱟᱱ ᱱᱤᱥᱟᱱᱼᱮᱼᱤᱢᱛᱤᱭᱟᱡᱽ ᱦᱚᱸ ᱠᱚ ᱪᱟᱞ ᱟᱫᱮᱭᱟ ᱾

ᱠᱚᱨᱤᱭᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱱᱤᱭᱟᱜ ᱯᱩᱭᱞᱩ ᱯᱷᱤᱞᱤᱢ ᱫᱚ ᱡᱭᱚᱨ ᱵᱷᱟᱴᱟ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱑᱙᱔᱔ ᱥᱟᱞᱮᱨᱮ ᱩᱫᱩᱜ ᱥᱚᱫᱚᱨ ᱞᱮᱱᱟ ᱾ ᱑᱙᱔᱙ ᱥᱟᱞᱮᱨᱮ ᱵᱮᱱᱟᱣ ᱞᱮᱱ ᱯᱷᱤᱞᱤᱢ ᱟᱸᱫᱟᱡᱽ ᱨᱮᱭᱟᱜ ᱡᱤᱛᱠᱟ.ᱨ ᱜᱮ ᱩᱱᱤ ᱫᱚ ᱧᱩᱛᱩᱢ ᱮ ᱟᱨᱡᱟᱣ ᱟᱫᱮᱭᱟ ᱾ ᱱᱚᱣᱟ ᱯᱷᱤᱞᱤᱢ ᱨᱮ ᱩᱱᱤ ᱫᱚ ᱨᱟᱡᱽ ᱠᱟᱯᱩᱨ ᱥᱟᱶ ᱮ ᱠᱟ.ᱢᱤ ᱞᱮᱜᱼᱟ ᱾ ᱫᱤᱫᱟᱨ (᱑᱙᱕᱑) ᱟᱨ ᱫᱮᱵᱽᱫᱟᱥ (᱑᱙᱕᱕) ᱱᱚᱝᱠᱟ ᱜᱮ ᱯᱷᱤᱞᱤᱢ ᱨᱮ ᱫᱩᱠᱷᱟ.ᱞᱤ ᱴᱷᱟᱶ ᱨᱮ ᱧᱩᱛᱩᱢ ᱟᱢᱮᱴ ᱠᱷᱟ.ᱛᱤᱨ ᱩᱱᱤ ᱫᱚ ᱴᱨᱮᱡᱤᱰᱤ ᱠᱤᱝ ᱢᱮᱱᱛᱮ ᱠᱚ ᱢᱮᱛᱟᱭᱟ ᱾ ᱢᱩᱜᱽᱞᱮᱼᱮᱼᱟᱡᱚᱢ (᱑᱙᱖᱐) ᱨᱮ ᱩᱱᱤ ᱫᱚ ᱢᱩᱜᱚᱞ ᱨᱟᱡᱽ ᱠᱩᱢᱟᱨ ᱡᱟᱦᱟᱝᱜᱤᱨ ᱟᱜ ᱴᱷᱟᱶ ᱮ ᱛᱚᱨᱟᱣ ᱞᱮᱜᱼᱟ ᱾ ᱱᱚᱶᱟ ᱯᱷᱤᱞᱤᱢ ᱫᱚ ᱢᱟᱬᱟᱝ ᱦᱮᱸᱫᱮᱼᱯᱩᱸᱰ (Black & White) ᱛᱟᱦᱮᱸ ᱠᱟᱱᱟ ᱾ ᱛᱟᱭᱚᱢ ᱛᱮ ᱚᱱᱟ ᱫᱚ ᱨᱚᱝᱜᱤᱱ ᱠᱚ ᱵᱮᱱᱟᱣ ᱠᱮᱜᱼᱟ ᱾ ᱩᱱᱤ ᱫᱚ ᱑᱙᱖᱑ ᱥᱟᱞᱮᱨᱮ ᱜᱚᱝᱜᱟ ᱡᱚᱢᱩᱱᱟ ᱯᱷᱤᱞᱤᱢ ᱦᱚᱸᱭ ᱵᱮᱱᱟᱣ ᱠᱮᱜᱼᱟ ᱡᱟᱦᱟᱸᱨᱮ ᱟᱡ ᱥᱟᱶ ᱟᱡ ᱠᱷᱚᱱ ᱦᱩᱰᱤᱧ ᱤᱡ ᱠᱚᱲᱟ ᱵᱚᱭᱦᱟ ᱱᱟᱥᱤᱨ ᱠᱷᱟᱱ ᱮ ᱠᱟ.ᱢᱤ ᱞᱮᱜᱼᱟ ᱾

᱑᱙᱗᱐, ᱑᱙᱘᱐ ᱟᱨ ᱑᱙᱙᱐ ᱥᱟᱞᱮ ᱨᱮ ᱫᱚ ᱩᱱᱤ ᱟ.ᱰᱤ ᱠᱚᱢ ᱯᱷᱤᱞᱤᱢ ᱨᱮᱭ ᱠᱟ.ᱢᱤ ᱟᱠᱟᱜᱼᱟ ᱾ ᱱᱚᱣᱟ ᱚᱠᱛᱚ ᱨᱮᱭᱟᱜ ᱩᱱᱤᱭᱟᱜ ᱧᱩᱛᱩᱢᱟᱱ ᱯᱷᱤᱞᱤᱢ ᱛᱟᱦᱮᱸ ᱠᱟᱱᱟ : ᱵᱤᱫᱷᱟᱛᱟ (᱑᱙᱘᱒), ᱫᱩᱱᱤᱭᱟ (᱑᱙᱘᱔), ᱠᱚᱨᱢᱟ (᱑᱙᱘᱖), ᱤᱡᱡᱚᱛᱫᱟᱨ (᱑᱙᱙᱐) ᱟᱨ ᱥᱚᱣᱫᱟᱜᱚᱨ (᱑᱙᱙᱑) ᱾ (᱑᱙᱙᱘) ᱨᱮ ᱵᱮᱱᱟᱣ ᱞᱮᱱ ᱯᱷᱤᱞᱤᱢ ᱠᱤᱞᱟ ᱩᱱᱤᱭᱟᱜ ᱢᱩᱪᱟ.ᱫ ᱯᱷᱤᱞᱤᱢ ᱛᱟᱦᱮᱸ ᱠᱟᱱᱟ ᱾

ᱩᱱᱤ ᱫᱚ ᱨᱳᱢᱮᱥ ᱥᱤᱯᱯᱤᱭᱟᱜ ᱯᱷᱤᱞᱤᱢ ᱥᱚᱠᱛᱤ ᱨᱮ ᱚᱢᱤᱛᱟᱵᱷ ᱵᱚᱪᱚᱱ ᱥᱟᱞᱟᱜ ᱮ ᱠᱟ.ᱢᱤ ᱞᱮᱜᱼᱟ ᱾ ᱱᱚᱣᱟ ᱯᱷᱤᱞᱤᱢ ᱞᱟ.ᱜᱤᱫ ᱩᱱᱤ ᱫᱚ ᱯᱷᱤᱞᱢᱯᱷᱮᱭᱚᱨ ᱥᱤᱨᱯᱷᱟ. ᱦᱚᱸᱭ ᱧᱟᱢ ᱞᱮᱜᱼᱟ ᱾ ᱩᱱᱤ ᱛᱮᱦᱮᱧ ᱦᱚᱸ ᱯᱷᱤᱞᱢᱤᱭᱟ. ᱢᱮᱱ ᱞᱮᱠᱷᱟᱱ ᱥᱟᱦᱨᱩᱠᱷ ᱠᱷᱟᱱ ᱞᱟ.ᱜᱤᱫ ᱩᱫᱽᱜᱟ.ᱣ ᱦᱚᱨ ᱟᱠᱟᱭ ᱾

ᱥᱟᱭᱨᱟ ᱵᱟᱱᱳ ᱥᱟᱶ ᱫᱤᱞᱤᱯ ᱠᱩᱢᱟᱨ

ᱥᱤᱨᱯᱷᱟ.[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱤᱞᱢᱯᱷᱮᱭᱚᱨ ᱥᱤᱨᱯᱷᱟ.


  • ᱑᱙᱘᱓ ᱼ ᱯᱷᱤᱞᱢᱯᱷᱮᱭᱚᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱮᱠᱴᱚᱨ ᱥᱤᱨᱯᱷᱟ. - ᱥᱚᱠᱛᱤ
  • ᱑᱙᱖᱘ - ᱯᱷᱤᱞᱢᱯᱷᱮᱭᱚᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱮᱴᱠᱚᱨ ᱥᱤᱨᱯᱷᱟ. - ᱨᱟᱢ ᱟᱨ ᱥᱭᱟᱢ
  • ᱑᱙᱖᱕ - ᱯᱷᱤᱞᱢᱯᱷᱮᱭᱚᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱮᱠᱴᱚᱨ ᱥᱤᱨᱯᱷᱟ. - ᱞᱤᱰᱚᱨ ᱾
  • ᱑᱙᱖᱒ - ᱯᱷᱤᱞᱢᱯᱷᱮᱭᱚᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱮᱠᱴᱚᱨ ᱥᱤᱨᱯᱷᱟ. - ᱠᱳᱦᱤᱱᱩᱨ ᱾
  • ᱑᱙᱘᱕ - ᱯᱷᱤᱞᱢᱯᱷᱮᱭᱚᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱮᱠᱴᱚᱨ ᱥᱤᱨᱯᱷᱟ. - ᱱᱚᱭᱟ ᱫᱚᱣᱨ ᱾
  • ᱑᱙᱕᱗ - ᱯᱷᱤᱞᱢᱯᱷᱮᱭᱚᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱮᱠᱴᱚᱨ ᱥᱤᱨᱯᱷᱟ. - ᱫᱮᱵᱽᱫᱟᱥ ᱾
  • ᱑᱙᱕᱖ - ᱯᱷᱤᱞᱢᱯᱷᱮᱭᱚᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱮᱠᱴᱚᱨ ᱥᱤᱨᱯᱷᱟ. - ᱟᱡᱟᱫᱽ ᱾
  • ᱑᱙᱕᱔ - ᱯᱷᱤᱞᱢᱯᱷᱮᱭᱚᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱮᱠᱴᱚᱨ ᱥᱤᱨᱯᱷᱟ. - ᱫᱟᱜᱽ ᱾

ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/Aziz_Mian

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://www.indianexpress.com/news/tragedy-king-dilip-Dilip-Kumar-turns-88/723390/

http://indianexpress.com/article/entertainment/bollywood/dilip-kumar-happy-birthday-turns-94-a-look-at-his-journey-india-first-method-actor-4420625/

http://www.hindu.com/mp/2004/01/08/stories/2004010800700100.htm

http://thestar.com.my/columnists/story.asp?file=/2007/10/8/columnists/indiadiary/19098584&sec=India%20Diary

https://en.m.wikipedia.org/wiki/Bollywood_Hungama

http://tribune.com.pk/story/805375/the-king-of-tragedy-dilip-kumars-92nd-birthday-celebrated-in-the-city

https://en.m.wikipedia.org/wiki/Dawn_News

https://en.m.wikipedia.org/wiki/The_Times_of_India

http://articles.timesofindia.indiatimes.com/2011-12-28/news-interviews/30564334_1_dilip-kumar-dilip-sahab-kanda-pohahttp://articles.timesofindia.indiatimes.com/2011-12-28/news-interviews/30564334_1_dilip-kumar-dilip-sahab-kanda-poha

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://commons.wikimedia.org/wiki/Category:Dilip_Kumar

https://www.imdb.com/name/nm0474801/

https://www.twitter.com/thedilipkumar

  1. ᱑.᱐ ᱑.᱑ "ᱛᱤᱥ ᱦᱚᱸ ᱠᱟᱹᱣᱰᱤ ᱯᱟᱹᱪᱷᱞᱟᱹ ᱨᱮ ᱵᱟᱭ ᱫᱟᱹᱲ ᱟᱠᱟᱫᱼᱟ ᱫᱤᱞᱤᱯ, ᱯᱟᱠᱤᱥᱛᱟᱱ ᱦᱚᱸ ᱡᱚᱛᱚ ᱠᱦᱚᱱ ᱢᱟᱨᱟᱝ ᱢᱟᱹᱱ ᱮ ᱮᱢ ᱟᱠᱟᱫᱼᱫᱮᱭᱟ". ᱫᱤᱱᱟᱹᱢ ᱵᱷᱟᱥᱠᱚᱨ. ᱑᱒ ᱰᱤᱥᱮᱢᱵᱚᱨ ᱒᱐᱑᱔. Retrieved ᱐᱖ ᱯᱷᱮᱵᱽᱨᱩᱣᱟᱨᱤ ᱒᱐᱑᱕.  Check date values in: |accessdate= (help)