ᱮᱢ. ᱠᱮ. ᱥᱟᱨᱚᱡᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱮᱢ. ᱠᱮ. ᱥᱟᱨᱚᱡᱟ
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ ᱢᱟᱫᱽᱨᱟᱥ ᱠᱚᱫᱤᱨᱟᱵᱷᱮᱞᱩ ᱥᱟᱨᱚᱡᱟ
᱗ ᱮᱯᱨᱤᱞ ᱑᱙᱓᱑ (1931-04-07) (᱘᱙ ᱥᱮᱨᱢᱟ)
ᱪᱮᱱᱱᱟᱭ, ᱛᱟᱢᱤᱞᱱᱟᱰᱩ, ᱥᱤᱧᱚᱛ
ᱠᱟᱹᱢᱤ ᱮᱱᱮᱡᱤᱜ
ᱡᱤᱭᱚᱱ ᱥᱚᱦᱮᱫ ᱢᱚᱦᱟᱱ ᱠᱷᱚᱠᱟᱨ
ᱦᱚᱯᱚᱱ ᱦᱚᱨᱤᱦᱚᱨᱚᱱ
ᱱᱟᱸᱫᱚᱱ
ᱟᱥᱤᱥ
ᱵᱷᱤᱵᱷᱮᱠ
ᱥᱤᱨᱯᱷᱟᱹ ᱯᱟᱫᱢᱟ ᱥᱨᱤ
ᱥᱟᱸᱜᱤᱛᱟ ᱜᱟᱭᱟᱱ ᱮᱠᱮᱰᱮᱢᱤ ᱥᱤᱨᱯᱷᱟᱹ
ᱠᱟᱞᱟᱭᱢᱟᱢᱟᱱᱤ ᱥᱤᱨᱯᱷᱟᱹ
Life Time Achievement Award
ᱤ. ᱠᱨᱤᱥᱱᱟ ᱤᱭᱮᱨ ᱢᱮᱰᱟᱞ
ᱱᱟᱛᱭᱟ ᱠᱚᱞᱚᱱᱤᱰᱷᱤ
ᱛᱟᱜᱚᱨ ᱮᱠᱮᱰᱮᱢᱤ ᱨᱚᱛᱱᱚ ᱥᱤᱨᱯᱷᱟᱹ

ᱢᱟᱫᱽᱨᱟᱥ ᱠᱚᱫᱤᱨᱵᱷᱮᱞᱩ ᱥᱟᱨᱚᱡᱟ, ᱢᱤᱫ ᱥᱤᱧᱚᱛᱤᱭᱟᱹ ᱟᱹᱰᱤ ᱱᱟᱯᱟᱭ ᱮᱱᱮᱡᱤᱜ ᱠᱟᱱᱟ, ᱱᱚᱣᱟ ᱟᱡᱟᱜ ᱯᱟᱹᱛᱭᱟᱹᱣ ᱞᱟᱹᱜᱤᱫ ᱛᱮ, ᱢᱤᱫ ᱪᱷᱟᱨᱟᱣᱤᱡ ᱟᱨ ᱢᱩᱫ ᱢᱟᱪᱮᱛ ᱞᱮᱠᱟᱛᱮ, ᱵᱷᱟᱨᱚᱛᱱᱟᱴᱭᱚᱢ ᱨᱤᱱᱤᱡ ᱟᱹᱰᱤ ᱱᱟᱯᱟᱭ ᱮᱱᱮᱡᱤᱜ ᱞᱮᱠᱟᱛᱮ ᱵᱟᱰᱟᱭᱚ ᱟ ᱾ ᱥᱤᱧᱚᱛ ᱥᱚᱨᱠᱟᱨ ᱫᱚ ᱟᱡᱟᱜ ᱵᱟᱰᱚᱦᱤ ᱟᱨ ᱞᱟᱹᱠᱪᱟᱨ ᱴᱟᱴᱷᱟ ᱨᱮ ᱟᱡᱟᱜ ᱥᱮᱵᱟ ᱞᱟᱹᱜᱤᱫ ᱛᱮ ᱒᱐᱑᱑ ᱨᱮ ᱯᱩᱱᱭᱟ ᱩᱥᱩᱞ ᱥᱚᱦᱚᱨ ᱥᱤᱨᱯᱷᱟᱹ ᱯᱟᱫᱢᱟ ᱥᱨᱤ ᱠᱷᱚᱱ ᱢᱟᱱᱪᱟᱞ ᱟᱫᱮᱭᱟ ᱠᱚ ᱾ [᱑]

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱢ. ᱠᱮ. ᱥᱟᱨᱚᱡᱟ ᱟᱜ ᱡᱟᱱᱟᱢ ᱗ ᱟᱯᱨᱤᱞ ᱑᱙᱓᱑ ᱨᱮ ᱪᱮᱱᱱᱟᱭ (ᱢᱟᱨᱮ ᱧᱩᱛᱩᱢ ᱢᱟᱫᱽᱨᱟᱥ), ᱥᱤᱧᱚᱛ ᱨᱮᱱᱟᱜ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱨᱮ ᱦᱩᱭ ᱞᱮᱱᱟ ᱛᱟᱦᱮᱸᱫ ᱾ ᱢᱩᱛᱷᱩᱠᱩᱢᱟᱨᱚᱱ ᱯᱤᱞᱞᱟᱭ ᱟᱜ ᱫᱩᱜ ᱫᱚᱦᱚᱭ ᱛᱷᱮᱱ, ᱛᱤᱥ ᱱᱚᱣᱟ ᱟᱡᱤᱜ ᱢᱤᱥᱨᱟ ᱥᱟᱶ ᱢᱚᱬᱮ ᱥᱮᱨᱢᱟ ᱛᱟᱦᱮᱸ ᱠᱟᱱᱟ, ᱛᱚᱵᱮ ᱩᱱᱤᱫᱚ ᱟᱹᱰᱤ ᱱᱟᱯᱟᱭ ᱮᱱᱮᱡ ᱥᱮᱪᱮᱫᱚᱜ ᱮᱦᱚᱵᱽ ᱞᱮᱫᱼᱟ ᱛᱟᱦᱮᱸᱫ ᱾ [᱒] ᱢᱤᱫ ᱧᱩᱛᱩᱢᱟᱱ ᱟᱹᱰᱤ ᱱᱟᱯᱟᱭ ᱮᱱᱮᱡ ᱢᱟᱪᱮᱛᱟᱱᱤ ᱟᱨ ᱢᱮᱱ ᱞᱮᱫᱼᱟ ᱛᱟᱦᱮᱸᱫ ᱡᱮᱞᱮᱠᱟ, ᱨᱩᱠᱢᱤᱬᱤ ᱫᱮᱵᱤ ᱟᱨᱩᱱᱰᱮᱞ ᱟᱜ ᱵᱟᱰᱚᱦᱤ ᱴᱚᱴᱷᱟ ᱨᱮ ᱯᱩᱭᱞᱩ ᱮᱱᱮᱡ ᱢᱟᱪᱮᱛᱟᱱᱤ ᱠᱟᱱᱟ, ᱚᱠᱚᱭ ᱫᱚ ᱢᱨᱤᱬᱟᱞᱤᱱᱤ ᱥᱟᱨᱟᱵᱷᱟᱭ ᱟᱨ ᱠᱚᱢᱞᱟ ᱞᱚᱠᱷᱢᱚᱬ ᱞᱮᱠᱟᱱ ᱟᱹᱰᱤ ᱜᱟᱱ ᱧᱩᱛᱩᱢᱟᱱ ᱟᱹᱰᱤ ᱱᱟᱯᱟᱭ ᱮᱱᱮᱡ ᱠᱚ ᱪᱮᱫ ᱠᱮᱫ ᱠᱚᱣᱟ ᱾ ᱭᱩᱵᱟ ᱥᱟᱨᱚᱡᱟ ᱫᱚ ᱜᱩᱨᱩ ᱟᱜ ᱯᱟᱞᱟᱱ ᱠᱮᱫᱼᱟ ᱛᱤᱥ ᱱᱚᱣᱟ ᱵᱟᱸᱜᱽᱞᱳᱨ ᱨᱮ, ᱵᱟᱸᱜᱽᱞᱳᱨᱵ ᱤᱥᱴᱩᱰᱤᱭᱚ ᱨᱮ ᱥᱮᱞᱮᱫ ᱞᱟᱹᱜᱤᱫ ᱛᱮ ᱵᱟᱸᱜᱽᱞᱳᱨ ᱥᱮᱱ ᱮᱱᱟ ᱾ [᱓]

ᱥᱟᱨᱚᱡᱟ ᱫᱚ ᱑᱙᱔᱐ ᱨᱮ ᱟᱡᱟᱜ ᱮᱛᱚᱦᱚᱵ ᱠᱮᱫᱼᱟ ᱞᱚᱜᱚᱱ ᱜᱮ ᱢᱤᱫ ᱧᱩᱛᱩᱢᱟᱱ ᱮᱱᱮᱡᱤᱜ ᱵᱮᱱᱟᱣ ᱮᱱᱟ ᱾ ᱑᱙᱔᱖ ᱨᱮ, ᱩᱱᱤ ᱡᱮᱢᱤᱱᱤ ᱤᱥᱴᱩᱰᱤᱭᱚ, ᱪᱮᱱᱱᱟᱭ ᱨᱮ ᱢᱤᱫᱢᱟᱝ ᱯᱷᱤᱞᱢ ᱠᱚᱱᱴᱨᱮᱠᱥ (contract) ᱨᱮᱱᱟᱜ ᱪᱮᱥᱴᱟ ᱠᱮᱫᱼᱟ, ᱚᱠᱚᱭ ᱩᱱᱤᱫᱚ ᱵᱟᱝᱠᱚ ᱜᱚᱲᱚ ᱟᱫᱮᱭᱟ ᱾ ᱯᱮ ᱥᱮᱨᱢᱟ ᱛᱟᱭᱚᱢ, ᱰᱤᱥᱮᱢᱵᱚᱨ ᱑᱙᱔᱙ ᱨᱮ, ᱩᱱᱤᱫᱚ ᱢᱚᱦᱟᱱ ᱠᱷᱚᱠᱟᱨ ᱥᱟᱞᱟᱜ ᱵᱟᱯᱞᱟ ᱮᱱᱟ, [᱒] ᱧᱩᱛᱩᱢᱟᱱ ᱵᱟᱰᱚᱦᱤ ᱱᱟᱜᱟᱢᱤᱭᱟᱹ ᱟᱨ ᱮᱱᱮᱡ ᱟᱪᱮᱛᱟᱱᱤ[᱔][᱕] ᱟᱨ ᱵᱟᱞᱟᱥᱮᱛᱨᱮ ᱨᱮ ᱢᱤᱫ ᱥᱟᱶᱼᱟᱪᱮᱫ ᱠᱟᱱᱟ ᱟᱨ ᱟᱡ ᱡᱟᱶᱟᱭ ᱥᱟᱞᱟᱜ ᱵᱟᱲᱳᱫᱟ ᱦᱤᱡᱩᱜᱼᱟ, ᱛᱤᱥ ᱩᱱᱤ ᱮᱱᱮᱡ ᱵᱤᱵᱷᱟᱜ, ᱢᱚᱦᱟᱨᱟᱡᱟ ᱥᱚᱭᱟᱡᱤᱨᱟᱣ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱤᱱᱤᱡ ᱢᱩᱬ ᱞᱮᱠᱟᱛᱮ ᱯᱚᱥᱴᱮᱰ (Posted) ᱞᱮᱫᱼᱟ ᱛᱟᱦᱮᱸᱫ ᱾ [᱓] ᱵᱟᱲᱳᱫᱟ ᱨᱮ, ᱥᱟᱨᱚᱡᱟ ᱫᱚ ᱥᱩᱱᱫᱚᱨᱞᱟᱞ ᱟᱨ ᱠᱩᱸᱫᱚᱱᱞᱟᱞ ᱜᱟᱝᱜᱟᱱᱤᱱ, ᱠᱷᱚᱱ ᱠᱚᱛᱷᱚᱠ ᱜᱩᱨᱩ ᱠᱚ ᱛᱷᱮᱱ ᱫᱷᱤᱛᱟᱱ ᱠᱮᱫᱼᱟ ᱾

᱑᱙᱖᱑ ᱨᱮ, ᱢᱚᱦᱟᱱ ᱠᱷᱚᱠᱟᱨ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱜᱟᱭᱟᱱ ᱮᱠᱮᱰᱮᱢᱤ ᱨᱮ ᱮᱱᱮᱡ ᱞᱟᱹᱜᱤᱫ ᱛᱮ ᱢᱟᱞᱤᱠ ᱟᱹᱢᱟᱹᱞᱮᱛ ᱞᱮᱠᱟᱛᱮ ᱯᱚᱥᱴᱮᱰ (posted) ᱛᱟᱦᱮᱸ ᱠᱟᱱᱟ ᱟᱨ ᱡᱚᱲᱟ ᱱᱟᱶᱟ ᱫᱤᱞᱞᱤ ᱥᱮᱱ ᱮᱱᱟ ᱾ ᱚᱱᱰᱮ, ᱩᱱᱤᱫᱚ ᱯᱟᱲᱦᱟᱣ ᱟᱨ ᱦᱚᱸ ᱮᱦᱚᱵᱽ ᱠᱮᱫᱼᱟ ᱟᱨ ᱮᱱᱮᱡ ᱫᱮᱠᱷᱟᱣ ᱥᱟᱶᱛᱮ ᱥᱮᱱᱚᱜ ᱨᱮᱱᱟᱜ ᱫᱚᱦᱚ ᱠᱮᱫᱼᱟ ᱟᱨ ᱥᱟᱣᱩᱫᱤ ᱟᱨᱚᱵ ᱨᱤᱱᱤᱡ ᱥᱟᱥᱚᱠ ᱟᱜ ᱥᱟᱢᱟᱝ ᱨᱮ ᱫᱤᱥᱚᱢ ᱜᱚᱢᱠᱮ ᱵᱷᱚᱵᱚᱱ ᱨᱮ ᱫᱮᱠᱷᱟᱣ ᱞᱟᱹᱜᱤᱫ ᱛᱮ ᱵᱮᱵᱚᱥᱛᱟ ᱧᱟᱢ ᱮᱱᱟ ᱾ ᱑᱙᱗᱐ ᱛᱟᱭᱚᱢ ᱠᱷᱚᱱ, ᱩᱱᱤᱫᱚ ᱯᱮᱨᱤᱥ ᱨᱮ ᱛᱟᱞᱢᱟ ᱢᱚᱱᱰᱟᱯ ᱥᱮᱱᱟᱜ ᱞᱟᱹᱜᱤᱫ ᱮᱦᱚᱵᱽ ᱠᱮᱫᱼᱟ, ᱚᱱᱰᱮ ᱨᱤᱱ ᱟᱪᱮᱛᱟᱱᱤ ᱯᱟᱲᱦᱟᱣ ᱞᱟᱹᱜᱤᱫ ᱛᱮ ᱱᱚᱣᱟ ᱩᱱᱤᱫᱚ ᱥᱟᱞ ᱒᱐᱐᱐ ᱫᱷᱟᱵᱤᱡ ᱫᱚᱦᱚ ᱞᱮᱫᱼᱟ ᱾ [᱓]

ᱮᱢ. ᱠᱮ. ᱥᱟᱨᱚᱡᱟ ᱫᱚ ᱟᱡ ᱡᱟᱶᱟᱭ ᱜᱩᱨ ᱠᱟᱛᱮ ᱛᱟᱭᱚᱢ ᱒᱐᱐᱐ ᱨᱮ ᱔᱐ ᱮᱠᱴᱤᱵᱷ (Active) ᱵᱚᱪᱜᱚᱨ ᱛᱟᱭᱚᱢ ᱯᱨᱚᱯᱷᱮᱥᱱᱟᱞ (Professional) ᱮᱱᱮᱡ ᱠᱷᱚᱱ ᱵᱷᱟᱜᱟᱣ (Retirement) ᱮᱱᱟ ᱾[᱓] ᱩᱱᱤᱨᱤᱱ ᱯᱩᱱᱭᱟ ᱵᱮᱴᱟ ᱢᱮᱱᱟᱜ ᱠᱚᱣᱟ ᱚᱱᱰᱮ ᱠᱷᱚᱱ ᱛᱤᱥᱟᱨ ᱵᱮᱴᱟ, ᱟᱥᱤᱥ ᱢᱚᱦᱟᱱ ᱠᱷᱚᱠᱟᱨ ᱢᱤᱫ ᱧᱩᱛᱩᱢᱟᱱ ᱵᱟᱰᱚᱦᱤ ᱱᱟᱜᱟᱢᱤᱭᱟᱹ, ᱚᱱᱚᱞᱤᱭᱟᱹ ᱟᱨ ᱮᱱᱮᱡ ᱠᱨᱤᱴᱤᱠ (Critic) ᱠᱟᱱᱟ ᱾[᱖]ᱱᱚᱣᱟ ᱛᱟᱦᱮᱸ ᱦᱟᱱᱛᱟᱨ ᱞᱟᱹᱜᱤᱫ ᱛᱮ ᱪᱮᱱᱱᱟᱭ ᱨᱮ ᱛᱟᱦᱮᱸᱱᱟ ᱾ [᱓]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Padma". Government of India. 25 ᱡᱟᱱᱩᱣᱟᱨᱤ 2011. Retrieved 21 ᱚᱜᱚᱥᱴ 2014. 
  2. ᱒.᱐ ᱒.᱑ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named The Hindu write up
  3. ᱓.᱐ ᱓.᱑ ᱓.᱒ ᱓.᱓ ᱓.᱔ "Narthaki Bio". Narthaki.com. 28 ᱢᱟᱨᱪ 2010. Retrieved 19 ᱚᱜᱚᱥᱴ 2014. 
  4. Suanshu Khurana (21 ᱡᱩᱞᱟᱭ 2011). "Mohan Khokar". The New Indian Express. Retrieved 21 ᱚᱜᱚᱥᱴ 2014. 
  5. "Mohan Khokar Dance Archives". Dance Archives of India. 2000. Retrieved 21 ᱚᱜᱚᱥᱴ 2014. 
  6. "Ashish Mohan Khokar". Web article. Attendance-India. 2013. Retrieved 21 ᱚᱜᱚᱥᱴ 2014. 

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]